15	GEN 1:15	Komi aba mavada yábana osasaina goi konininīma bei poyapoya koomavade.’ E tauna nakae sisowóduwo.
25	GEN 1:25	Kaga liliuna maa yawoidi, bolitavanu be woiwoi be nakae yoguyogu daladalaidi iwodugudi go, igitedi dedevidi, e iuyaonedi.
28	GEN 1:28	Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’
29	GEN 1:29	Kana, ‘Konōve! Náuna kutukutudi liliudi be nakae kokowoika keuwoidi liliudi bogina avinimi moe avami.
31	GEN 1:31	Kaga liliuna Yaubada bogina iwoodugudi igitedi madabokina moe dedevidi, e iuyaonedi gagaina. Lavilavi ima namlieta nobuyana ima. Moe maliyalina ainima tayamoina bogina ikavava.
37	GEN 2:6	Kúwana geya go, bwae doelu goi ituko imamaima bei poyapoya ana madabokina ivakaanapoive.
42	GEN 2:11	Sákala tayamo yoina Paisoni idau ina asa Kevila idaunibisi go, amoko goi goura ikaaiyaka.
44	GEN 2:13	Sákala aiyuwoina yoina Gikoni. Ame sakalayana asa Kosa idaunibisi.
56	GEN 2:25	Korotoyana ma monena adi taiyuwo sipawaku go, geya siomaemaeta.
65	GEN 3:9	Ago Yauwe Yaubada korotoyana itumadade idigo kana, ‘Kom nakoim?’
69	GEN 3:13	Tuwo Yauwe Yaubada vavinayana ilatuwoko idigo kana, ‘Iyaa! Kaga unana moe nakae kuguinuwe?’ ‘Moteta ikatubaugu, akani’, vavinayana kaena.
71	GEN 3:15	Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’
73	GEN 3:17	E Adama ilatuwoko idigo kana, ‘Kom pasim poyapoya akatubolate unana monem sopana kukabikaone, e keuwoinayana boi asanaabodem taabu kukanikāni go, tuwo kukani. Yawoim ana madabokina goi bei mam gedageda kukokōila gagaina bego avam kubabane.
75	GEN 3:19	Mam mosali bei kupaaisewa gagaina bego avam kubabane ana kadókana kukámasa, e kwaluvila kuna poyapoya goi. Bogina kuyagoi. Poyapoya goi aodugum. Moitamo. Kom taum poyapoyayana ana vaituwo, tauna bei kwaluvila kuna poyapoyayana goi. Tutayana kukámasa, bei kumalapoyapoyamna.’
81	GEN 4:1	E kina go Adama monena Ivi taiyao simasisi, ikéuwama go, niga ivenátuna, natuna koroto. Tuwo idigo kana, ‘Yauwe ina vaita goi natugu bogina ababane.’ Tauna natunayana ivayou Keni.
82	GEN 4:2	Niga aiyuwoina ivenátuna, natuna koroto moe Keni siyana yoina Ebeli. Sikaiyaka, gogómana sibíbina gagaidi. E kina go Ebeliyana yoguyogu sipi ana tomatakavata go, kina Keniyana tobágula.
83	GEN 4:3	E niga go dibayoya ana tuta goi Keni ina dibayoya keuwoina maniyedi ikabidi ina vininabeso go, imedi Yauwe yaina ikasaledi.
85	GEN 4:5	go, Keniyana be ina vininabesoyadi geya iuyaonedita. Tuwo Keni gamona igoyo toina, e kubuna ipulu.
86	GEN 4:6	E Yauwe idigo kana, ‘Keni, kaga unana gamom igoyo? Kaga unana kubum ipulu?
88	GEN 4:8	E tuta tayamo Keni siyana Ebeli ilatuwoko idigo kana, ‘Tāna yoyowo.’ Tuwo moitamo sina yoyowo goi go, tutayana amoko goi sikaaiyaka, e Keniyana itaoya, siyana Ebeli ikaumate.
89	GEN 4:9	E Yauwe Keni ilatuwoko idigo kana, ‘Siyam Ebeli nako?’ ‘Seki, geya ayagoiyeta. Manakae? Yau siyagu ana tomatakavata?’ Keniyana kaena.
90	GEN 4:10	Go kina Yauwe idigo kana, ‘Moe kaga kuguinuwe! Kunōve! Siyam ikaikaina tomota nakae poyapoya goi itaiyaduduwo yau yaigu. Latuwona im kaumata pasina yau akatumapum.
93	GEN 4:13	Go kina Keniyana idigo kana, ‘Iyaa! Guna liuna moumou ivakaigaga yaigu! Geya itoboineguta atogaga.
94	GEN 4:14	Kunōve! Ame bei poyapoya ame goi kuvatapiyegu, tauna matam goi geya itoboineguta akaaiyaka. Tuwo bei poyapoya ame goi avabebeo beso unana geya guna kasamo. Tauna avatau neta ibabanegu, bei ikaumategu.’
95	GEN 4:15	Tuwo kina Yauwe idigo kana, ‘Moe nakae geya. Ame nakae bei aguinuwe: Avatau neta ikaumatem, tauyana ana katumapu moe aliune gagaina toina.’ E tuwo tayamo aba kinana Keni goi iyato, govila bei avatauwa neta tauyana sibabane sikaumate.
96	GEN 4:16	E Keni itaoya Yauwe matana goi isowóduwo ina asa yoina Nodi; moe Ideni bomatu dadavina.
97	GEN 4:17	E Keni monena taiyao simasisi, e ikéuwama. Niga ivenátuna, natuna Enoki. Ego amo tutayana Keni ilokasa, tauna asayana ivayou Enoki, nakae natuna yoina.
99	GEN 4:19	Kina Lemekiyana vevina adi taiyuwo inaidi, tayamo yoina Eda, tayamo yoina Sila.
102	GEN 4:22	E kina Silayana nakae ivenátuna, natuna koroto yoina Tubali Keni, tauyana kainum goi turu iwodúguna. Tauyana niuna yoina Nama.
104	GEN 4:24	Neta Keni ana kámasa ana katumapu moe Yaubada bei tokaumata iliune gagaina toina, e neta yau silauigu, guna láuwo ana katumapu moe bei gagaina toina namlieta Keni ina kámasa ana katumapu.’
105	GEN 4:25	E Adama monena taiyao aiyuwoina simasisimna, e ikéuwama, ivenátuna natuna koroto. Monenayana idigo kana, ‘Yaubada natugu ivinigu Ebeli ana katumapu unana Keni ikaumate.’ Tauna natuna ivayou Seti.
115	GEN 5:9	E Enosiyana ana tala ana badabada nainti (90) tutayana natuna koroto yoina Kenani ibíbina.
116	GEN 5:10	Kenani ana bíbina mlina, Enosiyana ikaaiyaka tala ana badabada eita andedi piptin (815) tuwaina. Ego amo talayadi goi natunao koroto be vevina liliudi sibíbina.
118	GEN 5:12	E Kenaniyana ana tala ana badabada seventi (70) tutayana natuna koroto yoina Malaleli ibíbina.
119	GEN 5:13	Malaleli ana bíbina mlina, Kenaniyana ikaaiyaka tala ana badabada eita andedi poti (840) tuwaina. Ego amo talayadi goi natunao koroto be vevina liliudi sibíbina.
152	GEN 6:14	Kom kūna alova dedevidi kutalāidi, kumēdi, dedeoga tayamo gagaina kuyōwo kom manum. Kuyowo ikavava, sinaena kuvabodāupe go, sinaena be nakae toluye kubwadēdi.
154	GEN 6:16	Go lupa ana tukotuko aba katugúyala. Niga ina kátava kukāu. Kukau ikavava, kikina goi ana niboda kuyāto. Go ana bósima aito, tayamo ditonema, tayamo diligaema be nakae tayamo nauyayana.
155	GEN 6:17	Kunōve. Yau mluwa bei aetune iwo poyapoya goi kaga liliuna neta maa yawoidi asamatedi. Tauna kaga liliuna poyapoya yatana bei sikámasa.
156	GEN 6:18	Go sem kom bei akanasiukoim. Kom ma monem be natumiyao monediyao taiyao dedeogayana goi bei kosowoya go, ayavemi.
157	GEN 6:19	Ame nakae kuguinūwe: Kaga liliuna neta maa yawoidi tamo tamo ituli ituli aiyuwo aiyuwo, bolamo tayamo, bovavina tayamo dedeogayana goi kudodōidi bei kuyavedi maa yawoidi sikaaiyaka kom taiyao.
160	GEN 6:22	E tuwo moitamo moe nakae iguinuwe. Kaga liliuna Yauwe iidigedi Nowa nakae iguinuwedi.
164	GEN 7:4	Moe nakae kuguinūwe unana maliyalina ainima aiyuwo mlidi kúwana bei aetune isou iwo maliyalina poti be nakae sabamgo poti. Kaga liliuna ma yawoidi poyapoya goi boi aoodugudi bei asamatedi. Tauna yoguyogu be mánuwo kudodōidi.’
175	GEN 7:15	Kaga liliuna neta maa yawoidi, e aiyuwo aiyuwo sima dedeogayana goi sisowoya sima Nowa yaina.
182	GEN 7:22	Kaga liliuuna poyapoya goi sikaaiyaka maa yawoidi, e sikámasa.
186	GEN 8:2	Yaubada doelu ikaubodedi, tauna adi dau sisayata. Kúwana yábana goi nakae ikaubode, tauna kuwanayana idoideo.
203	GEN 8:19	Kaga liliuna maa yawoidi, nakae kaga liliuna sidaladala, mánuwo liliudi nakae sisou. Idi souyana goi moe yoguyogu ituli ituli.
207	GEN 9:1	E Yaubada Nowa ma natunao ikaipakuyedi idigo kana, ‘Komi kosusāila gagaina bei tubumiyao taiyao poyapoya kovakayaodei.
208	GEN 9:2	Kaga liliuna maa yawoidi poyapoya ame goi, mánuwo liliudi, kaga liliuna sidaladala poyapoya goi be iyaíyana liliudi négwasa goi bei simatoitemi gagaina go, nimami goi ayatoidi komi imi kaba lovina.
209	GEN 9:3	Kaga liliuna maa yawoidi avinimi avami. Nakae boi pai avinimi avami, e nakae ame tuta kaga liliuna avinimi avami.
215	GEN 9:9	‘Konōve. Yau komi be tubumiyao be nakae kaga liliuna maa yawoidi akanasiukoimi.
224	GEN 9:18	E Nowa natunao koroto dedeoga goi sisou moe Semi, Em, Diyepeta. Em natuna koroto yoina Kenani.
228	GEN 9:22	Niga Kenani tamana Em ima yoyouyana goi isiu tamana igite ma paawakuna go, geya ivatanigoeta, go sem isowóduwo ina moetala goi senao ilatuwokoidi.
231	GEN 9:25	Tauna Em natuna Kenani ikatubolate, e Yaubada yaina ikawanoi idigo kana, ‘Kenani kuvayōko kina senao idi pákwana go, paakonidi liliudi yaidi goi tauyana bei sobuyekoidi.’
232	GEN 9:26	Aiyuwoina kana, ‘Yauwe, kom Semi ina Yaubada yaim isakululu, e kayapaliyem. Kenani kuvayōko kina Semi ina pákwana.
233	GEN 9:27	Diyepeta ina poyapoya kom Yaubada kukidedēde bei ana dedevina ibabane. Diyepetayana be Semi kutagonēdi madi tuboina taiyao sikaaiyaka. Go Kenani kuvayōko kina Diyepeta ina pákwana.’
239	GEN 10:4	Yavaniyana natunao koroto ame nakae: Elisa, Tasisi, da Kitim be nakae da Dodanim.
241	GEN 10:6	Em natunao koroto ame nakae: Kosa, Itipita, Libiya be Kenani.
242	GEN 10:7	Kosayana natunao koroto ame nakae: Seba, Kevila, Sabita, Reyama be Sabataka. Reyamayana natunao koroto ame nakae: Siba be Dedani.
243	GEN 10:8	E kina go Kosayana natuna koroto tayamo yoina Nimrodi, tauyana togilúluna tayamo poyapoya ame goi.
245	GEN 10:10	E mainao Nimrodiyana ina kaba lovina asa yoidi ame nakae: Babeli, Ereka, Akadi be nakae Kalane moe Sinari sinaena.
246	GEN 10:11	Amo asayana goi ina Asiriya. Amoko goi asa yoidi Ninivei, Rekobota Ira be Kela ilokasa.
247	GEN 10:12	Asa Reseni nakae ilokasa. Moe asayana gagaina go, Ninivei be Kela nauyayanaidi goi ikaaiyaka.
248	GEN 10:13	Kina Itipita tubunao ame nakae: Da Luda, da Anam, da Lavi, da Napatuki,
249	GEN 10:14	da Paterusi, da Kasaluka (niga ame tauyadi goi da Palisiti sisowóduwo) be nakae da Kapatori.
250	GEN 10:15	Kina Kenani natunao koroto ame nakae: Saidoni botomoya be nakae siyana Eta. Niga go tubudiyao sisowóduwo idi bodao yoidi nakae.
251	GEN 10:16	Kenani tubunao boda tamo tamo yoidi ame nakae: Da Yavusi, da Emori, da Giragasi,
253	GEN 10:18	da Aravadi, da Samari be nakae da Kamati. Niga go Kenani tubunao dala tamo tamo sisapa.
254	GEN 10:19	Tuwo Kenani tubunaoyadi adi túwana ivatowo Saidoni goi ina Garara, moe Gasa goi. Ana papaeva nakae Sodoma, Gamora, Adima be Siboim goi ina asa Lasi goi.
258	GEN 10:23	Aram natunao koroto ame nakae: Uso, Kulu, Geteri be nakae Mise.
261	GEN 10:26	Iyokitaniyana natunao koroto ame nakae: Alimodadi, Selepa, Kasaramaveta, Yeraka,
264	GEN 10:29	Opira, Kevila be Yovava. Ame tauyadi Iyokitani natunao.
270	GEN 11:3	Silokasa, sidigo kadi, ‘Tawou, vaega taodugudi paaevaidi be kalabadaabadaidi. Ikavava, tagabudi sikasa.’ Tuwo moitamo nakae siguinuwe. Kidi amo dadavayana goi gurewa paaevaidi geya, tauna adi vaboda moe vaega aiigabudi! Kidi simenti geya, tauna adi bwada moe taa!
273	GEN 11:6	Igitedi, idigo kana, ‘Iyaa! Kaga tuwaina bei siguinuwe? Tauyadi boda tayamo be nakae niyadi tayamo. Tauna neta ame vadayana silukavave, e kaga neta latuwodi, itoboinedi siguinuwe.
298	GEN 11:31	Tuwo Tera itaoya, natuna Eberam be tubuna Loti (moe Arani natuna) be nakae yaona Serai ikabidi idi kasa Ura Babiloni sinaena sikalave, bego taiyao sina Kenani go, tutayana sinonoina, sina asa Karani goi silokasa, e geya sinoita Kenani goi.
299	GEN 11:32	E Tera yawoina ana madabokina moe tala ana badabada tu andedi paibi (205), e asa Karani goi ikámasa.
300	GEN 12:1	E boi Eberam nava Ura goi ikaaiyaka go, Yauwe iduduwe idigo kana, ‘Kutāoya, moe im kasayana kwalāve. Osemowo be im bodayauwo nakae tamam ina vada goi kwalavēdi go, kūna asa tayamo bei avatulukoim.
303	GEN 12:4	E tauna tutayana Eberam ana tala seventipaibi (75), e ina nakae Yauwe boi bogina ilatuwoko. Monena Serai be ana gómana natuna Loti be nakae konana liliudi be ina pakonayao asa Karani goi bogina ikabidi, e taiyao sitaoya, Karaniyana sikalave go, sina asa Kenani. Tutayana sisowóduwo Kenani dadavina goi,
305	GEN 12:6	e Eberam kidi sisiu sina asa Sekem goi. Amoko goi More alovaina gagaina goi situnagu. Amo tutayana da Kenani asa amo goi nava sikaaiyaka.
307	GEN 12:8	Niga Eberam kidi sitaoya, sina koya tayamo goi idi yoyou parai siyowo situnagu. Koyayana koiboga dadavina goi asa Beteli ikaaiyaka go, bomatu dadavina goi asa Ai ikaaiyaka. E amoko goi aiyuwoina Eberam dídiya ikaudakodako, aba kasala imadagi Yauwe ana kaba wowoina manuna, e Tauyana yaina isaakululu.
308	GEN 12:9	E niga sitaoya situliya sina Negevi, moe Kenani sinaena go, youya dadavina.
309	GEN 12:10	Sikaiyaka aaa, e Kenani goi loga isowóduwo. Logayana gagaina, tauna Eberam kidi sitaoya sina Itipita goi bego sisuvadavada; loga ana kaba lukavava situyaosi.
310	GEN 12:11	Ego tutayana Itipita goi sivakakana, e monena ilatuwoko idigo kana, ‘Serai, kunōve. Kom vavina gumaboim.
317	GEN 12:18	E Peroyana inuwonúwana kana, ‘Ame vavinayana geya Eberam niuna geya, go sem monena!’ Tuwo Eberam iduduwe ima idigo kana, ‘Eberam, ame kaga kuguinuwe yau yaigu! Kaga unana geya kulatuwokoiguta bego Serai monem!
318	GEN 12:19	Kaga unana kam, “Serai niugu”! Kaga unana kutagona vavinayana akabi bego monegu! Tuwo. Monem kwābi kunāve!’
326	GEN 13:7	Tuwo Loti be Eberam idi yoguyoguyao adi tomatakavatayao taiyao sikaumakimaki. (Amo tutayana da Kenani be nakae da Perisi asayana goi nava sikaaiyaka.)