3	GEN 1:3	E Yaubada sopana goi imadágina idigo kana, ‘Mavada kusowōduwo!’ E mavadayana isowóduwo.
4	GEN 1:4	Mavadayana igite dedevina, e iuyaone. Imadagi ikavava, mavada be kokonótuya ikiwotaidi, e mavada ituli, kokonótuya ituli.
5	GEN 1:5	E mavadayana ivayou maliyalina go, kokonotuyayana ivayou sabamgo. Lavilavi ima namlieta nobuyana ima. Moe maliyalina vakuumgoina bogina ikavava.
8	GEN 1:8	Sekulapeyayana ivayoko yábana. Lavilavi ima namlieta nobuyana ima. Moe maliyalina aiyuwoina bogina ikavava.
13	GEN 1:13	Lavilavi ima namlieta nobuyana ima. Moe maliyalina aitonina bogina ikavava.
19	GEN 1:19	Lavilavi ima namlieta nobuyana ima. Moe maliyalina aivasina bogina ikavava.
22	GEN 1:22	E ikaipakuyedi idigo kana, ‘Négwasa iyaiyanimi kosusāila gagaina, e negwasayana kovakayaodēi. Mánuwo nakae, poyapoya goi kosusāila.’
23	GEN 1:23	Lavilavi ima namlieta nobuyana ima. Moe maliyalina ainimaina bogina ikavava.
27	GEN 1:27	Tomota iwodugudi Tauyana toinina ana tapata. Moitamo, ana tapata iwodugudi. Tomotayadi koroto be vavina iwodugudi.
31	GEN 1:31	Kaga liliuna Yaubada bogina iwoodugudi igitedi madabokina moe dedevidi, e iuyaonedi gagaina. Lavilavi ima namlieta nobuyana ima. Moe maliyalina ainima tayamoina bogina ikavava.
32	GEN 2:1	Moeko goi yábana be poyapoya be nakae kaga liliuna adi madágina bogina ikavava.
57	GEN 3:1	E moteta tonuwosinapu gagaina. Nakae woiwoi madabokidi Yauwe Yaubada iwoodugudi ikalisavedi. Tauyana ima vavina ilatuwoko idigo kana, ‘Iyaa! Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’
61	GEN 3:5	Moitamo. Yaubada iyagoi neta keuwoinayana kokani, nukotomi ikipolaledi, e komi Tauyana nakae, dedevina be goyo koyagoidi.’
67	GEN 3:11	Go Yaubada idigo kana, ‘Avatau ilatuwokoim bego kom kupawaku? Manakae? Alovayana keuwoina asanaabodem bogina kukani?’
69	GEN 3:13	Tuwo Yauwe Yaubada vavinayana ilatuwoko idigo kana, ‘Iyaa! Kaga unana moe nakae kuguinuwe?’ ‘Moteta ikatubaugu, akani’, vavinayana kaena.
70	GEN 3:14	Tuwo Yauwe Yaubada itaoya, motetayana ilatuwoko idigo kana, ‘Moe im guinuwa pasina akatubolatem. Yoguyogu madabokiidi yaidi goi kom amta sikasilaliyem. Yawoim madabokina gamom goi bei kudaladala, e poyapoya tobum goi bei ikaaiyaka.
75	GEN 3:19	Mam mosali bei kupaaisewa gagaina bego avam kubabane ana kadókana kukámasa, e kwaluvila kuna poyapoya goi. Bogina kuyagoi. Poyapoya goi aodugum. Moitamo. Kom taum poyapoyayana ana vaituwo, tauna bei kwaluvila kuna poyapoyayana goi. Tutayana kukámasa, bei kumalapoyapoyamna.’
80	GEN 3:24	Tuwo ivatapiyedi ikavava, e tanuwoyana Ideni ana kaba siu goi moe bomatu dadavina yábana ana tomatakavatayao iyatoidi. Tayamo sisi yeu sabeninimina iyato go, sisiyana ikaivivilo bego aba siu itubode. Moe dogoiyadi iyatoidi bego geya vatau tayaamo bei tanuwoyana goi isiu ina yawana vata alovaina keuwoina ikabi, ikani.
89	GEN 4:9	E Yauwe Keni ilatuwoko idigo kana, ‘Siyam Ebeli nako?’ ‘Seki, geya ayagoiyeta. Manakae? Yau siyagu ana tomatakavata?’ Keniyana kaena.
90	GEN 4:10	Go kina Yauwe idigo kana, ‘Moe kaga kuguinuwe! Kunōve! Siyam ikaikaina tomota nakae poyapoya goi itaiyaduduwo yau yaigu. Latuwona im kaumata pasina yau akatumapum.
95	GEN 4:15	Tuwo kina Yauwe idigo kana, ‘Moe nakae geya. Ame nakae bei aguinuwe: Avatau neta ikaumatem, tauyana ana katumapu moe aliune gagaina toina.’ E tuwo tayamo aba kinana Keni goi iyato, govila bei avatauwa neta tauyana sibabane sikaumate.
98	GEN 4:18	Ago Enokiyana natuna koroto Iradi. Iradi natuna koroto Mekuyaeli. Mekuyaeli natuna Metusaeli go, Metusaeli natuna Lemeki.
105	GEN 4:25	E Adama monena taiyao aiyuwoina simasisimna, e ikéuwama, ivenátuna natuna koroto. Monenayana idigo kana, ‘Yaubada natugu ivinigu Ebeli ana katumapu unana Keni ikaumate.’ Tauna natuna ivayou Seti.
118	GEN 5:12	E Kenaniyana ana tala ana badabada seventi (70) tutayana natuna koroto yoina Malaleli ibíbina.
119	GEN 5:13	Malaleli ana bíbina mlina, Kenaniyana ikaaiyaka tala ana badabada eita andedi poti (840) tuwaina. Ego amo talayadi goi natunao koroto be vevina liliudi sibíbina.
121	GEN 5:15	E Malaleliyana ana tala ana badabada sikstipaibi (65) tutayana natuna koroto yoina Yeredi ibíbina.
122	GEN 5:16	Yeredi ana bíbina mlina, Malaleliyana ikaaiyaka tala ana badabada eita andedi teti (830) tuwaina. Ego amo talayadi goi natunao koroto be vevina liliudi sibíbina.
127	GEN 5:21	E Enokiyana ana tala ana badabada sikstipaibi (65) tutayana natuna koroto yoina Metúsela ibíbina.
128	GEN 5:22	Metúsela ana bíbina mlina, Enokiyana iiketoiya nakae Yaubada iuyaone tala ana badabada teri andedi (300). Ego amo talayadi goi natunao koroto be vevina liliudi sibíbina.
131	GEN 5:25	E Metuselayana ana tala ana badabada tayamo andedi eitiseven (187) tutayana natuna koroto yoina Lemeki ibíbina.
132	GEN 5:26	Lemeki ana bíbina mlina, Metuselayana ikaaiyaka tala ana badabada seven andedi eititu (782) tuwaina. Ego amo talayadi goi natunao koroto be vevina liliudi sibíbina.
158	GEN 6:20	Mánuwo tamo tamo ituli ituli aiyuwo aiyuwo, bolamo tayamo be bovavina tayamo. Yoguyogu tamo tamo ituli ituli aiyuwo aiyuwo, bolamo tayamo be bovavina tayamo. Dogoiyadi sidaladala tamo tamo ituli ituli aiyuwo aiyuwo, bolamo tayamo be bovavina tayamo. Aiyuwo aiyuwo bei sima yaim kuyavedi.
159	GEN 6:21	Go kom sem kūna awoinu tamo tamo maniyedi kukabīdi kumēdi dedeogayana goi kudodōidi. Moe kom mam bodao avami be nakae yoguyogu be mánuwo avadi.’
163	GEN 7:3	Mánuwo tamo tamo nakae, yaidi goi bolamo ainima aiyuwo bovavina ainima aiyuwo kukabīdi kudodōidi bei poyapoya goi kuyavedi, e bei poyapoyayana ana madabokina goi sisusailamna.
164	GEN 7:4	Moe nakae kuguinūwe unana maliyalina ainima aiyuwo mlidi kúwana bei aetune isou iwo maliyalina poti be nakae sabamgo poti. Kaga liliuna ma yawoidi poyapoya goi boi aoodugudi bei asamatedi. Tauna yoguyogu be mánuwo kudodōidi.’
173	GEN 7:13	Amo maliyalinayana goi Nowa mana bodao dedeoga gagaina goi sisowoya. Moe tauyana ma monena natunao Semi, Em be Diyepeta be monediyao adi taito taiyao.
181	GEN 7:21	Tuwo kaga liliuna maa yawoidi poyapoya goi sikamasa kówasa. Mánuwo, yoguyogu, woiwoi, manumánuwo be tomota liliudi nakae sikámasa.
183	GEN 7:23	Tauna nakae kaga liliuna maa yawoidi poyapoya goi kina Yauwe isamatedi. Madabokidi, tomota, yoguyogu, kaga liliuna sidaladala be mánuwo isamatedi. Geya kada tayaamo ikesa geya, go sem Nowa mana bodao aditava dedeoga goi sikaaiyaka.
201	GEN 8:17	E kaga liliuna maa yawoidi kovakedēdi sisou. Moe mánuwo liliudi, yoguyogu liliudi be kaga liliuna sidaladala. Madabokidi sisou sina poyapoya ana madabokina goi sisusáila gagaina.’
204	GEN 8:20	E Nowa dídiya ikaudakodako, aba kasala iwodugu Yauwe ana wowoina manuna. Iwodugu ikavava, yoguyogu taagonaidi ituli ituli be mánuwo taagonaidi ituli ituli maniyedi ikabidi, aba kasalayana yatana goi ikailagasidi igabudi ivakasavedi. Moe ina vininabeso ikasale Yauwe yaina.
216	GEN 9:10	Moe mánuwo liliudi, yoguyogu liliudi poyapoya goi sikaaiyaka be nakae dedeoga goi komi taiyao kosou.
217	GEN 9:11	Akanasiukoimi ame nakae: Mluwa goi kaga liliuna maa yawoidi geya asamatemneidita. Nakae mluwa goi poyapoya geya abugoyaimneiyeta.’
219	GEN 9:13	Aba kinanayana ame nakae: Guna kíyala gaota goi bogina ayato. Moe aba kinana komi be kaga liliuna maa yawoidi poyapoya goi bogina akanasiukoimi.
237	GEN 10:2	Diyepeta natunao koroto ame nakae: Gomeri, Megogi, Madai, Yavani, Tubali, Meseka be Tirasi.
247	GEN 10:12	Asa Reseni nakae ilokasa. Moe asayana gagaina go, Ninivei be Kela nauyayanaidi goi ikaaiyaka.
258	GEN 10:23	Aram natunao koroto ame nakae: Uso, Kulu, Geteri be nakae Mise.
265	GEN 10:30	Tauyadi idi kasa Mesa ina Separi, moe bomatu dadavina.
296	GEN 11:29	E kina Eberam inai, monena yoina Serai. Nakori inai monena yoina Milika, tauyana Arani natuna. Ego Arani natuna aitonina yoina Isika.
303	GEN 12:4	E tauna tutayana Eberam ana tala seventipaibi (75), e ina nakae Yauwe boi bogina ilatuwoko. Monena Serai be ana gómana natuna Loti be nakae konana liliudi be ina pakonayao asa Karani goi bogina ikabidi, e taiyao sitaoya, Karaniyana sikalave go, sina asa Kenani. Tutayana sisowóduwo Kenani dadavina goi,
305	GEN 12:6	e Eberam kidi sisiu sina asa Sekem goi. Amoko goi More alovaina gagaina goi situnagu. Amo tutayana da Kenani asa amo goi nava sikaaiyaka.
318	GEN 12:19	Kaga unana kam, “Serai niugu”! Kaga unana kutagona vavinayana akabi bego monegu! Tuwo. Monem kwābi kunāve!’
330	GEN 13:11	E Lotiyana imatavilavila go, idigo kana, ‘Latuwogu bomatu dadavina, moe Iyoridani butumina.’ Tuwo moitamo itaoya ina bomatu dadavina. Moeko goi Eberam be Loti situmasaba.
337	GEN 13:18	E tuwo Eberam itaoya, ina yoyou parai ikabidi, ina Ebironi goi go, Mamre ina kalova gagaidi kikina goi ilokasa. Amoko goi dídiya ikaudakodako aba kasala imadagi bego Yauwe yaina isakululu.
344	GEN 14:7	Niga sina Eni Misipata goi moe youyuwoina Kadesi, e Amaleki tubunao sikaumatedi. Ikavava, sina Esasoni Temari goi Emori tubunao sikaumatedi.
350	GEN 14:13	Sinavedi go, koroto tayamo isiya ima Eberam, tauyana Iberiu, ilatuwoko idigo kana, ‘Eberam, Kedolaomera ma senao sina Sodoma tomota silauidi go, am gómana natuna Loti siyoisi, sinave.’ Ego amo tutayana Eberam ikaaiyaka koroto tayamo yoina Mamre ina kalova gagaidi goi. Mamreyana Emori tubuna go, senao Esikoli be Aneri. Ago adi taito Eberam taiyao silamgógana; latuwodi Kedolaomera ma senao idi tovayaviyayao sivatapiyedi.
355	GEN 14:18	E kina go da Salema adi tokalibúbuna yoina Melikisedeki ima go, beredi be oine bwaena imedi. Tauyana Yaubada Tokanayatanatoina ana Tonúwala.
357	GEN 14:20	Yaubadayana aba yapali! Im kaleyayao goi iyavem be nimam goi iyatoidi.’ E tuwo Eberam ina kaleyayao konadi liliudi bogina ikabidi iwotaidi aiguyau ana badabada yawou go, aiguyau tayamo ikabi Melikisedeki ivini.
361	GEN 14:24	Tauna konam geya akabidita, go sem kaga liliuna guna tovayaviyayao bogina sikáika, moe bogina. Ago tauyadi Aneri, Esikoli be Mamre yaviya goi sivaitegu, tauna kutagonēdi adi kaiguyau sikabidi.’
377	GEN 15:16	E kidi go im bodaoyadi, e tala poa andedi (400) sikavava, bei sikaluvilamna sima ameko goi go, mainao sieogaoga ituli ta kasa goi. Moitamo. Kidi Emori tubunao ameko goi sikaaiyaka ana kadókana idi goyo nakae itoboinedi adi liuna sibabane namlieta bei avatapiyedi.’
384	GEN 16:2	Tuwo ina Eberam ilatuwoko idigo kana, ‘Monegu, Yauwe guna venátuna ivagagale, tauna guna pákwana kwābi, taiyao komasīsi. Nakona tauyana manugu bei ivenátuna, e natuna yau natugu.’ Tuwo moitamo Eberam iguinuwe nakae Serai idige.
387	GEN 16:5	Tuwo Seraiyana ina Eberam ilatuwoko idigo kana, ‘Monegu, kom im puwoya, tauna agu mou ababane. Yau guna pákwana avinim go, tutayana iyagoi bego ikéuwama, ivasobusobuyegu. Bei Yauwe itakinoida! Avatau ibágala, kom geya yau?’
396	GEN 16:14	Moe pasina doeluyana asa Kadesi be Bereda nauyayanaidi goi tomota sivayou Bera Lakai Roi.
397	GEN 16:15	E tuwo Ega ivenátuna, natuna koroto. Moe Eberam natuna, e ivayou Isimaeli.
415	GEN 17:17	Tuwo Eberamo aena ivatugúyala ikanakabobo go, ivanama; ina nuwonúwana kana, ‘Yau guna tala tayamo andedi (100) go, Sera ana tala naintinain (99). Manakae? Itoboinema kavenátuna?’
418	GEN 17:20	E kina go Isimaeli manuna, im kawanoi bogina anove, tauna kunōve. Moitamo tauyana nakae bei akaipakuye. Bei akisaili gagaina, e natunao badabadaidi. Nakae natunao be tubunao akisailidi, e badabadaidi sisowóduwo. Tauyana natunao koroto adi badabada yawou aiyuwo go, tauyadi tokalibúbuna. Niga be tubunao moe boda tayamo gagaina.
426	GEN 18:1	E tuwo Eberamo nava asa Mamre alovaina gagaidi goi ikaaiyaka. Go tuta tayamo dine goi ituwodo ina yoyou parai totomna goi itusobu ikaaiyaka. Ikaaiyaka, e Yauwe isowóduwo tauyana yaina.
430	GEN 18:5	go, avami giyaina akabi, avinimi kokáika bei togaga kobabane imi koidádana manuna. Komi bogina kowowoinegu unana koma yau imi pákwana guna vada, tauna latuwogu bego avaitemi.’ E kidi sitagona kadi, ‘Uyama. Moe dedevina; nakae kuguinūwe.’
435	GEN 18:10	Tuwo sinaedi goi tayamo idigo kana, ‘Tukówana ainima aivasi nakae sikavava, moitamo bei akaluvila go, kunōve. Monem Serayana bogina bei ivenátuna, natuna koroto.’ E kina go Serayana yoyou ana niboda mlina goi ikaaiyaka itaaiyakeka.
437	GEN 18:12	E tuwo Yauwe ina livala inove, tauna ivanama; ina nuwonúwana kana, ‘Ii, yau bogina akainamoya go! Monegu nakae ikaitomoya go, manakae? Masisi ana uyáwana bei alotowomnei?’
439	GEN 18:14	Geya kada kaga tayaamo imou yau Yauwe yaigu. Moitamo guna upa bogina ayato bei akaluvila moe tukówana ainima aivasi sikavava nakae go, Sera bogina bei ivenátuna, natuna koroto.’
440	GEN 18:15	E Serayana imatoita, tauna ilawoiwoi kana, ‘Yau geya avanameta.’ Go kina Yauweyana idigo kana, ‘Geya. Moitamo, kuvanama; bogina anovem.’
442	GEN 18:17	Sigitegite go, Yauwe inuwonúwana kana, ‘Manakae? Eberamo alatuwoko manakaegu bei aguinuwe Sodoma yaina gea geya?
473	GEN 19:15	E tomo ikaupesapesagi, aneroseyadi Loti sisatubetube sidigo kadi, ‘Woilīm! Monem be natumowo kwabīdi, kosīya, govila bei kokámasa tutayana asa ame ana liuna ibabane!’
480	GEN 19:22	Go woilīmi kosīya kōna amoko goi. Geya tayamo kaga itoboinegu aguinuwe ana kadókana kosowóduwo asayana goi.’ Moe pasina asayana yoina Sowa.
495	GEN 19:37	Sikéuwama, e botomoya ivenátuna, natuna koroto ivayou Moabe. Niga tauyana tubunao yoidi Moabe go, ame tutayana nava sikaaiyaka.
497	GEN 20:1	E tuwo Eberamo ma monena asa Mamre sikalave go, situliya sina Negevi dadavina moe Kenani sinaena go, youya dadavina. Amoko goi asa Kadesi be Sura nauyayanaidi sikaaiyaka. Niga sina asa Garara goi tuta kaakupina sisuvadavada.
502	GEN 20:6	E aiyuwoina Yaubada idigo kana, ‘Moe bogina ayagoi kom nukotom geya isabutukoeta. E moe pasina asanabodem bei goyo geya kuguinuweyeta yau yaigu. Tauna geya atagonemta bego tauyana kubisikone be kugoyo.
505	GEN 20:9	E Abimelekayana Eberamo iduduwe ima, idigo kana, ‘Eberamo, ame kaga kuguinuwe yaima! Ava goyo aguinuwe yaimi, tauna ame nakae kuguinūwe yau be nakae guna bodao yaidi goi! Moe im guinuwa igoyo toina yaigu.
540	GEN 21:26	Go kina Abimelekayana idigo kana, ‘Geya ayagoiyeta avatauwa nakae siguinuwe. Go boi geya kulatuwokoiguta. Moe livalayana makaitaga anove.’
549	GEN 22:1	E Eberamo ikaaiyaka go, Yaubada inuwonúwana kana, ‘Moitamo Eberamo bei sopagu ikabikaone gea geya? Tuwo bei avakakone, agite.’ E idigo kana, ‘Eberamo!’ ‘U, amegu’, Eberamoyana kaena.
550	GEN 22:2	‘Natum Aisake, tauyana natum kaakesaina kumataakoiye, e kwābi kunāve asa Moriya goi. Koya tayamo bei avatulukoim, e maeko goi natum kukasāle yau yaigu ame nakae: Tauyana kwaumāte go, wowona kugābu kuvakasāve yau yaigu’, Yaubada kaena.
565	GEN 22:17	E tauna guna katotulayana ame nakae: Moitamo bei akaipakuyem bei im boda akisailidoko, e adi badabada utuna yábana nakae goi o mamaya loulouna nakae. Niga bei im boda ina kaleyayao itogagasavedi.
568	GEN 22:20	Ame dogoiyadi sikavava, e tomota tayamo ina Eberamo ilatuwoko kana, ‘Am gómana Nakori monena Milika nakae bogina ivenátuna.
571	GEN 22:23	Kina Betuweliyana natuna moe Ribeka. E Eberamo ivana Milika natunao adi badabada ainima aito ivenatunidi.
572	GEN 22:24	Nakoriyana monena aiyuwoina yoina Reuma, moe Milika sobuyekoina. E Reumayana nakae ivenátuna, natunao adi taivasi moe Teba, Gakam, Teyasi be Meyaka.
578	GEN 23:6	‘Tomoya, kunovēma. Kom tomoya toolagaim yaima goi. Ava valiwoga tukubu dedevina toina, e moeko goi im tomata kuvaliwoge. Madabokima bogina katagona. Geya vatau tayaamo bei ivagagalakoim o isanabodem im tomata kuvaliwoge.’
581	GEN 23:9	bei ina tukubu Makipela goi itagone agimone. Tukubuyana ikaaiyaka Epironi ina poyapoya dadava tayamo goi. E amoko goi guna tomata avaliwoge. Tauyana kolatuwōko latuwogu agimone go, neta aivina ana maisa, madabokina komi matami goi bei aemaisi.’
585	GEN 23:13	idigo kana, ‘Moe dedevina go, kunovēgu. Neta kutagona, e poyapoyayana madabokina ana maisa toina goi aemaisi. Am mani kwābi go, ana amoko goi guna tomata avaliwoge.’
589	GEN 23:17	Tuwo Eta tubunao matadi goi poyapoyayana, tukubuyana be nakae alovaidi adi lovina isaidámana ina Eberamo yaina. Poyapoyayana ikaaiyaka Makipela goi. Moe asayana Mamre go, bomatu dadavina goi ikaaiyaka. Mamreyana Ebironi asaina Kenani sinaena. E niga go Eberamo ina Makipela goi tukubuyana sinaena Sera ivaliwoge.