20	GEN 1:20	E Yaubada sopana goi imadágina idigo kana, ‘Négwasa iyaiyanimi badabadaimi kosowōduwo! Nakae mánuwo kosowōduwo, e poyapoya yábana osasaidi goi koyovayōva!’
22	GEN 1:22	E ikaipakuyedi idigo kana, ‘Négwasa iyaiyanimi kosusāila gagaina, e negwasayana kovakayaodēi. Mánuwo nakae, poyapoya goi kosusāila.’
28	GEN 1:28	Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’
29	GEN 1:29	Kana, ‘Konōve! Náuna kutukutudi liliudi be nakae kokowoika keuwoidi liliudi bogina avinimi moe avami.
48	GEN 2:17	go, dedevina be goyo adi nanamsa alovaina taabu kukanikāni. Neta kukani, e moitamo toina bei kukámasa. Tauna taabu kukanikāni.’
50	GEN 2:19	E tuwo poyapoya ikabi, yoguyogu be mánuwo liliudi iwodugudi. Iwodugudi ikavava, imedi korotoyana yaina. Latuwona iyagoi korotoyana manakaena bei tamo tamo ivayoudi. Neta ava you iivinidi, e moe yoidi.
54	GEN 2:23	Tuwo korotoyana idigo kana, ‘E ame moitamo! Ame tauyana luluna, yau lulugu maisiyana. Nakae sakavaina, yau sakavaigu maisiyana. Yau silalumigu goi isowóduwo, e maisiyagu. Tauna tauyana yoina moe vavina.’
57	GEN 3:1	E moteta tonuwosinapu gagaina. Nakae woiwoi madabokidi Yauwe Yaubada iwoodugudi ikalisavedi. Tauyana ima vavina ilatuwoko idigo kana, ‘Iyaa! Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’
82	GEN 4:2	Niga aiyuwoina ivenátuna, natuna koroto moe Keni siyana yoina Ebeli. Sikaiyaka, gogómana sibíbina gagaidi. E kina go Ebeliyana yoguyogu sipi ana tomatakavata go, kina Keniyana tobágula.
87	GEN 4:7	Neta im guinuwa dedevina, bei mam uyáwana ae? Go neta im guinuwa geya idedevineta, e bágala yoguyogu sasasaina nakae totom goi iyokabúbuna; latuwona kom ilovinaem go, ina togaga kulovināe.’
96	GEN 4:16	E Keni itaoya Yauwe matana goi isowóduwo ina asa yoina Nodi; moe Ideni bomatu dadavina.
97	GEN 4:17	E Keni monena taiyao simasisi, e ikéuwama. Niga ivenátuna, natuna Enoki. Ego amo tutayana Keni ilokasa, tauna asayana ivayou Enoki, nakae natuna yoina.
102	GEN 4:22	E kina Silayana nakae ivenátuna, natuna koroto yoina Tubali Keni, tauyana kainum goi turu iwodúguna. Tauyana niuna yoina Nama.
104	GEN 4:24	Neta Keni ana kámasa ana katumapu moe Yaubada bei tokaumata iliune gagaina toina, e neta yau silauigu, guna láuwo ana katumapu moe bei gagaina toina namlieta Keni ina kámasa ana katumapu.’
106	GEN 4:26	Niga Seti ibíbina gagaina ivenátuna, natuna koroto yoina Enosi. E amo tutayana goi tomota sivatowo Yauwe yaina sisakululu.
135	GEN 5:29	Tuwo idigo kana, ‘Nakona ame gomanayana ibíbina gagaina baige isawoilaveda ida paisewa moumouna goi; paisewayana moe poyapoya Yauwe boi ikatubolate pasina.’ Tauna natuna ivayou Nowa.
136	GEN 5:30	E Nowa ana bíbina mlina Lemekiyana ikaaiyaka tala ana badabada paibi andedi naintipaibi (595) tuwaina. Ego amo talayadi goi natunao koroto be vevina liliudi sibíbina.
138	GEN 5:32	E Nowayana ana tala ana badabada paibi andedi (500) mlina natunao koroto Semi, Em be Diyepeta sibíbina.
142	GEN 6:4	E amo tutayana be nakae tuta mlina Napilim poyapoya goi sikaaiyaka. Ego boi tutayana vevina Yaubada natunao taiyao simasisi, e vevinayadi sikéuwama, sivenátuna, natudiyao moe kidi Napilimyadi. E tauyadi tovayaviya toogagaidi be nakae valedi gagaidi.
145	GEN 6:7	Tuwo idigo kana, ‘Ategu igeda guna madágina pasina. Neta boi geya aodugudita! Tauna tauyadi boi aodugudi ame bei asamatedi, tomota, yoguyogu, dogoi daladalaidi be nakae mánuwo. Geya kada tayaamo poyapoya goi bei ikaaiyaka geya.’
146	GEN 6:8	E kina go Nowa ituli, Yauwe ikanuwoiye.
147	GEN 6:9	E ame moe kina Nowayana tetelina. Tetalayana ame nakae: Nowa Yaubada nuwona ana tokibóbwata tayamo o kada tomota liliudi yaidi goi tauyana anetava geya ana pikwanamo. Tauyana iiketoiya nakae Yaubada iuyaone.
148	GEN 6:10	Nowayana natunao koroto adi taito: Semi be, Em be nakae Diyepeta.
151	GEN 6:13	Tuwo Yaubada Nowa ilatuwoko idigo kana, ‘Bogina alovina bego kaga liliuna maa yawoidi bei amtulidi unana tauyadi pasidi poyapoya aigoyo goi ikayaoda, tauna kunōve. Tauyadi poyapoya taiyao bei abugoyaidi.
154	GEN 6:16	Go lupa ana tukotuko aba katugúyala. Niga ina kátava kukāu. Kukau ikavava, kikina goi ana niboda kuyāto. Go ana bósima aito, tayamo ditonema, tayamo diligaema be nakae tayamo nauyayana.
160	GEN 6:22	E tuwo moitamo moe nakae iguinuwe. Kaga liliuna Yauwe iidigedi Nowa nakae iguinuwedi.
161	GEN 7:1	E Yauwe idigo kana, ‘Nowa, kom bogina agitem, tomota liliudi yaidi goi kom amta nuwogu ana tokibóbwata, tauna kom mam bodao dedeoga goi kosowōya.
165	GEN 7:5	Tuwo kaga liliuna Yauwe iidigedi Nowa iguinuwedi.
166	GEN 7:6	E kina go Nowayana ana tala bogina sikisi andedi (600) tutayana mluwa isowóduwo be poyapoya ilatao.
167	GEN 7:7	Tuwo moitamo kidi Nowa ma natunao be monena be nakae natunao monediyao taiyao dedeogayana goi sisowoya mluwa pasina.
169	GEN 7:9	aiyuwo aiyuwo, bolamo be bovavina, sima dedeoga goi sisiu sima Nowa yaina nakae Yaubada ilovina.
171	GEN 7:11	E Nowa ana tala sikisi andedi (600) goi be tukówana aiyuwoina be maliyalina seventin (17) goi moe isowóduwo. Amo maliyalinayana goi doelu liliudi iuwoosidi bwae gagaina poyapoya sinaena goi sikaubobóbwala be nakae yábana ikatupáeva,
173	GEN 7:13	Amo maliyalinayana goi Nowa mana bodao dedeoga gagaina goi sisowoya. Moe tauyana ma monena natunao Semi, Em be Diyepeta be monediyao adi taito taiyao.
175	GEN 7:15	Kaga liliuna neta maa yawoidi, e aiyuwo aiyuwo sima dedeogayana goi sisowoya sima Nowa yaina.
176	GEN 7:16	Tosowoyayadi moe bolamo be bovavina nakae Yaubada bogina Nowa ilovinae. E sisowoya ikavava, dedeogayana ana totom Yauwe ikatunibode.
183	GEN 7:23	Tauna nakae kaga liliuna maa yawoidi poyapoya goi kina Yauwe isamatedi. Madabokidi, tomota, yoguyogu, kaga liliuna sidaladala be mánuwo isamatedi. Geya kada tayaamo ikesa geya, go sem Nowa mana bodao aditava dedeoga goi sikaaiyaka.
185	GEN 8:1	E Yaubada Nowa, woiwoi liliudi be yoguyogu liliudi inuwaisidi kidi dedeoga gagaina goi sikaaiyaka. Tuwo yágira ietune itowo, tauna bwae iyápasa, e isousou.
190	GEN 8:6	E maliyalina ana badabada poti (40) mlidi Nowa dedeogayana ana windo ikatupáeve,
193	GEN 8:9	E bunabunayana iyovayova go, bwae nava poyapoya ana madabokina iilatao, tauna geya itoboineyeta itowo. Tuwo ikaluvilamna ima dedeoga goi Nowa nimana iyosale bei bunabunayana itowo. Itowo go, Nowa ivaisiu dedeoga sinaena.
195	GEN 8:11	Ina go, lavilavi ikaluvilamna ima dedeoga goi go, oribe vagana iikatupe. E vaganayana Nowa igite, bogina iyagoi bwae bogina isou gagaina.
197	GEN 8:13	E Nowa ana tala ana badabada sikisi andedi wan (601) go, tukówana vakuumgoina maliyalina vakuumgoina goi, e bwae poyapoya goi bogina iyápasa. E tauyana dedeoga ana kátava ikatubale, e imatavilavila, igite bwae madabokina poyapoya yatana bogina iyápasa.
198	GEN 8:14	Niga tukówana aiyuwoina maliyalina tuwentiseven (27) goi poyapoya ana madabokina bogina isayasaya.
199	GEN 8:15	E Yaubada Nowa ilatuwoko, idigo kana,
200	GEN 8:16	‘Nowa, kom ma natumowo, monem be natumowo monediyao dedeoga gagaina goi kosōu.
202	GEN 8:18	Tuwo moitamo Nowa, natunao, monena be nakae natunao monediyao dedeogayana goi sisou.
204	GEN 8:20	E Nowa dídiya ikaudakodako, aba kasala iwodugu Yauwe ana wowoina manuna. Iwodugu ikavava, yoguyogu taagonaidi ituli ituli be mánuwo taagonaidi ituli ituli maniyedi ikabidi, aba kasalayana yatana goi ikailagasidi igabudi ivakasavedi. Moe ina vininabeso ikasale Yauwe yaina.
205	GEN 8:21	E yoguyogu aiigabudi mainidi dedevina ituko ina Yauwe yaina, e maininayana inove dedevina toina, ivauyaone go, toinina inuwonúwana kana, ‘Tomota idi yalagau nuwodi goi sigoyo adi bíbina kunu goi go, tuwo tomotayadi idi guinuwa pasidi geya tuwaina bei poyapoya abugoyai. Nakae geya tuwaina bei kaga liliuna maa yawoidi amtulidi nakae ame bogina aguinuwe.
207	GEN 9:1	E Yaubada Nowa ma natunao ikaipakuyedi idigo kana, ‘Komi kosusāila gagaina bei tubumiyao taiyao poyapoya kovakayaodei.
209	GEN 9:3	Kaga liliuna maa yawoidi avinimi avami. Nakae boi pai avinimi avami, e nakae ame tuta kaga liliuna avinimi avami.
217	GEN 9:11	Akanasiukoimi ame nakae: Mluwa goi kaga liliuna maa yawoidi geya asamatemneidita. Nakae mluwa goi poyapoya geya abugoyaimneiyeta.’
224	GEN 9:18	E Nowa natunao koroto dedeoga goi sisou moe Semi, Em, Diyepeta. Em natuna koroto yoina Kenani.
225	GEN 9:19	Ame tauyadi adi taito moe Nowa natunaoyadi go, tauyadi yaidi nava tomota liliudi bei sisowóduwo, e poyapoya ana madabokina goi sisapa.
226	GEN 9:20	E Nowa tobágula tayamo go, oine buyalina igimibaguli. Niga oine keuwoina sisina ikabi, oine bwaena iwodugu.
228	GEN 9:22	Niga Kenani tamana Em ima yoyouyana goi isiu tamana igite ma paawakuna go, geya ivatanigoeta, go sem isowóduwo ina moetala goi senao ilatuwokoidi.
230	GEN 9:24	Tutayana Nowa itaoya natuna Em ina guinuwa inove, tuwo gamona igoyo.
234	GEN 9:28	E mluwa mlina goi Nowa tala ana badabada teri andedi pipti (350) tuwaina ikaaiyaka.
236	GEN 10:1	Ame Nowa natunao koroto Semi, Em be nakae Diyepeta adi liliu. E mluwa mlina goi tauyadi sisusáila go, natudiyao be tubudiyao ame nakae:
243	GEN 10:8	E kina go Kosayana natuna koroto tayamo yoina Nimrodi, tauyana togilúluna tayamo poyapoya ame goi.
244	GEN 10:9	Yauwe matana goi Nimrodiyana tovakauko toogagaina. Tauna tauyana tomota adi kaba katutúkwana. Avatau neta nakae iguuinuwe tomota siyapaliye kadi, ‘Tauyana Nimrodi nakae; tauyana tovakauko toogagaina Yauwe matana goi.’
245	GEN 10:10	E mainao Nimrodiyana ina kaba lovina asa yoidi ame nakae: Babeli, Ereka, Akadi be nakae Kalane moe Sinari sinaena.
246	GEN 10:11	Amo asayana goi ina Asiriya. Amoko goi asa yoidi Ninivei, Rekobota Ira be Kela ilokasa.
247	GEN 10:12	Asa Reseni nakae ilokasa. Moe asayana gagaina go, Ninivei be Kela nauyayanaidi goi ikaaiyaka.
248	GEN 10:13	Kina Itipita tubunao ame nakae: Da Luda, da Anam, da Lavi, da Napatuki,
250	GEN 10:15	Kina Kenani natunao koroto ame nakae: Saidoni botomoya be nakae siyana Eta. Niga go tubudiyao sisowóduwo idi bodao yoidi nakae.
253	GEN 10:18	da Aravadi, da Samari be nakae da Kamati. Niga go Kenani tubunao dala tamo tamo sisapa.
260	GEN 10:25	Iberiyana natunao koroto adi taiyuwo. Tayamo yoina Pelega unana amo tutayana tomota da poyapoya madabokidi sisapa, tauna yoina Pelega. Natuna aiyuwoina yoina Iyokitani.
267	GEN 10:32	E moe tauyadi madabokidi Nowa natunao be nakae tubunao adi liliu ituli ituli goi. Boi mluwa mlina sisapa sina poyapoya ana madabokina goi sikaaiyaka.
271	GEN 11:4	Vaega aiigabudi siwodugudi ikavava, sidigo kadi, ‘Tawou, vaega aigabudiyadi takabīdi, tavapopōidi ida vada taodugūdi asa vau manuna go, vada tayamo maanawena taodūgu ituko ina be ana saku moe yábana goi, e bei yoida gagaina. Nakae taguinūwe, govila bei tasapa.’
289	GEN 11:22	E Serugayana ana tala ana badabada teti (30) tutayana natuna koroto Nakori ibíbina.
290	GEN 11:23	Nakori ana bíbina mlina, Serugayana ikaaiyaka tala ana badabada tu andedi (200) tuwaina. Ego amo talayadi goi natunao koroto be vevina liliudi sibíbina.
291	GEN 11:24	E Nakoriyana ana tala ana badabada tuwentinain (29) tutayana natuna koroto Tera ibíbina.
292	GEN 11:25	Tera ana bíbina mlina, Nakoriyana ikaaiyaka tala ana badabada tayamo andedi naintin (119) tuwaina. Ego amo talayadi goi natunao koroto be vevina liliudi sibíbina.
293	GEN 11:26	E Terayana ana tala ana badabada seventi (70) tutayana natunao koroto Eberam, Nakori be Arani sibíbina.
294	GEN 11:27	E ame Tera tubunao tetelidi. Tetalayana ame nakae: E kina go Terayana natunao yoidi Eberam, Nakori, Arani. E kina go Arani natuna yoina Loti.
296	GEN 11:29	E kina Eberam inai, monena yoina Serai. Nakori inai monena yoina Milika, tauyana Arani natuna. Ego Arani natuna aitonina yoina Isika.
307	GEN 12:8	Niga Eberam kidi sitaoya, sina koya tayamo goi idi yoyou parai siyowo situnagu. Koyayana koiboga dadavina goi asa Beteli ikaaiyaka go, bomatu dadavina goi asa Ai ikaaiyaka. E amoko goi aiyuwoina Eberam dídiya ikaudakodako, aba kasala imadagi Yauwe ana kaba wowoina manuna, e Tauyana yaina isaakululu.
308	GEN 12:9	E niga sitaoya situliya sina Negevi, moe Kenani sinaena go, youya dadavina.
320	GEN 13:1	E Eberam ma monena, ina bodao liliudi be Loti taiyao sitaoya, Itipita sikalave go, sikaluvilamna sina Negevi dadavina.
322	GEN 13:3	E tauyadi sina Negevi go, geya sikaiyaketa, go sem situliya sinonoina bego Beteli. Sina Beteli goi go, sina asayana boi Beteli be Ai nauyayanaidi goi sikaaiyaka.
328	GEN 13:9	Tuwo kom yau tatumasāba. Poyapoya ana madabokina matam goi ikaaiyaka. Kom toinim kulovīna. Neta kom latuwom bomatu dadavina, yau ana koiboga dadavina go, neta kom latuwom koiboga dadavina, e yau ana bomatu dadavina.’
335	GEN 13:16	Im boda bei akisailidi badabadaaidi! Nakae geya vatau tayaamo itoboine ikatuyaividi.
340	GEN 14:3	Ame tolovinayadi adi tainima sima Sidim butumina goi taiyao sispwagógana yaviya manuna. (Ego niga baige butumayana goi otoku yoina Négwasa Negonegosina isowóduwo.)
343	GEN 14:6	Niga sina Seira koyaina goi Kori tubunao sikaumatedi. Ikavava, sina Eli Parani yoyowo goi sikaaiyaka.
344	GEN 14:7	Niga sina Eni Misipata goi moe youyuwoina Kadesi, e Amaleki tubunao sikaumatedi. Ikavava, sina Esasoni Temari goi Emori tubunao sikaumatedi.
360	GEN 14:23	Guna katotulayana ame nakae: Geya kada tayaamo konam bei akabi geya. Neta gagaina o giyaina, geya akabiyeta, govila kom kam, “Yau pasigu Eberam iguyau.”
384	GEN 16:2	Tuwo ina Eberam ilatuwoko idigo kana, ‘Monegu, Yauwe guna venátuna ivagagale, tauna guna pákwana kwābi, taiyao komasīsi. Nakona tauyana manugu bei ivenátuna, e natuna yau natugu.’ Tuwo moitamo Eberam iguinuwe nakae Serai idige.
408	GEN 17:10	Guna kanasíuna ana lovinayana ame nakae: Kom be nakae koroto madabokimi yaimi sakavaimi kokupōidi. Nava tubumowo koroto nakae latuwogu sakavaidi sikupoidi.
410	GEN 17:12	E ame tuta nakae tuta simamaima ava gómana koroto ibíbina yaim goi, neta ana maliyalina ainima aito bogina ibabanedi, e sakavaina kukūpo. Nakona im vada goi ibíbina o tauyana paakonina ogaoga goi kugimone, tauyana sakavaina kukūpo. Ame aba kinana yaida bego akanasiukovataem.
416	GEN 17:18	Go tauyana Yaubada ilatuwoko idigo kana, ‘Neta im kaipaku isowóduwo natugu Isimaeli goi! Sera ikágala, tauna kaga liliuna kukaatotule yau yaigu, nakona natugu Isimaeli yaina kuguinuwe.’
418	GEN 17:20	E kina go Isimaeli manuna, im kawanoi bogina anove, tauna kunōve. Moitamo tauyana nakae bei akaipakuye. Bei akisaili gagaina, e natunao badabadaidi. Nakae natunao be tubunao akisailidi, e badabadaidi sisowóduwo. Tauyana natunao koroto adi badabada yawou aiyuwo go, tauyadi tokalibúbuna. Niga be tubunao moe boda tayamo gagaina.
423	GEN 17:25	Natuna Isimaeli ana tala ana badabada tetin (13) tutayana sakavaina ana kúpwana ibabane.
433	GEN 18:8	Ivaipolu ikavava, Eberamo itaoya, bonatunayana ikabi, koroto adi taito ivinidi. Nakae bulumakau nununa itege ivinidi sinim be nakae nununayana maniyena ikule ivinidi. Tauyadi sikakáika go, Eberamoyana kikidi alova unana goi itataoya.