11	GEN 1:11	Aiyuwoina Yaubada idigo kana, ‘Poyapoya, kom goi náuna sisūsuwo go, limou sidīdi be nakae kokowoika keuwoidi sikéuwo, taudi nakae ma kutukutudi.’ E tauna nakae isowóduwo.
26	GEN 1:26	E Yaubada sopana goi imadágina idigo kana, ‘Tomota taodugūdi ada tapata, tauyadi kita nakae. Tauna íyana, mánuwo, bolitavanu, yoguyogu daladalaidi be nakae kaga liliuna maa yawoidi poyapoya ame goi sikaaiyaka bei sikalibubudi.’
28	GEN 1:28	Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’
152	GEN 6:14	Kom kūna alova dedevidi kutalāidi, kumēdi, dedeoga tayamo gagaina kuyōwo kom manum. Kuyowo ikavava, sinaena kuvabodāupe go, sinaena be nakae toluye kubwadēdi.
157	GEN 6:19	Ame nakae kuguinūwe: Kaga liliuna neta maa yawoidi tamo tamo ituli ituli aiyuwo aiyuwo, bolamo tayamo, bovavina tayamo dedeogayana goi kudodōidi bei kuyavedi maa yawoidi sikaaiyaka kom taiyao.
159	GEN 6:21	Go kom sem kūna awoinu tamo tamo maniyedi kukabīdi kumēdi dedeogayana goi kudodōidi. Moe kom mam bodao avami be nakae yoguyogu be mánuwo avadi.’
164	GEN 7:4	Moe nakae kuguinūwe unana maliyalina ainima aiyuwo mlidi kúwana bei aetune isou iwo maliyalina poti be nakae sabamgo poti. Kaga liliuna ma yawoidi poyapoya goi boi aoodugudi bei asamatedi. Tauna yoguyogu be mánuwo kudodōidi.’
271	GEN 11:4	Vaega aiigabudi siwodugudi ikavava, sidigo kadi, ‘Tawou, vaega aigabudiyadi takabīdi, tavapopōidi ida vada taodugūdi asa vau manuna go, vada tayamo maanawena taodūgu ituko ina be ana saku moe yábana goi, e bei yoida gagaina. Nakae taguinūwe, govila bei tasapa.’
300	GEN 12:1	E boi Eberam nava Ura goi ikaaiyaka go, Yauwe iduduwe idigo kana, ‘Kutāoya, moe im kasayana kwalāve. Osemowo be im bodayauwo nakae tamam ina vada goi kwalavēdi go, kūna asa tayamo bei avatulukoim.
301	GEN 12:2	Bei akisailim, tubumowo boda tayamo gagaina. Bei akaipakuyem, tauna you gagaina avinim. Tauna kūna bei kom aba kaipaku tomota liliudi yaidi.
336	GEN 13:17	Poyapoyayana bei avinim. Tauna kutāoya kūna madabokina goi kuvabebēo.’
370	GEN 15:9	E Yauwe idigo kana, ‘Kūna bulumakau bovavina tayamo, goti bovavina tayamo, sipi bolamo tayamo, tamo tamo adi tala aito, bolitutu be nakae bunabuna manuwoyaula kwabīdi kumēdi.’
388	GEN 16:6	Go kina Eberamyana idigo kana, ‘Gwa. Kom im pakonayana nimam goi ayato. Kaga latuwom, nakae kuguinūwe yaina.’ Tuwo Serai ina pákwana Ega iyogedegede, tauna isiya ina yoyowo goi ikaaiyaka.
391	GEN 16:9	Yauwe ina aneroseyana idigo kana, ‘Kwaluvīla kūna am towosi goi kukasalēm tauyana yaina.’
410	GEN 17:12	E ame tuta nakae tuta simamaima ava gómana koroto ibíbina yaim goi, neta ana maliyalina ainima aito bogina ibabanedi, e sakavaina kukūpo. Nakona im vada goi ibíbina o tauyana paakonina ogaoga goi kugimone, tauyana sakavaina kukūpo. Ame aba kinana yaida bego akanasiukovataem.
413	GEN 17:15	E tuwaina Yaubada idigo kana, ‘Eberamo, geya tuwaina monem kududūwe Serai, go sem kududūwe Sera.
430	GEN 18:5	go, avami giyaina akabi, avinimi kokáika bei togaga kobabane imi koidádana manuna. Komi bogina kowowoinegu unana koma yau imi pákwana guna vada, tauna latuwogu bego avaitemi.’ E kidi sitagona kadi, ‘Uyama. Moe dedevina; nakae kuguinūwe.’
431	GEN 18:6	Tuwo Eberamo woilina ina ina yoyou parai goi isiu, Sera ilatuwoko idigo kana, ‘Sera, woilīm kūna im parawa dedevina kukābi kūme beredi kugābu.’
444	GEN 18:19	Guna nuwonúwana geya avamouyeta. Tauyana bogina akatuveko bei natunao nakae tubunao ilovinaedi kana, “Yauwe ina kenao goi taaketōiya ame nakae: Nuwona takiboobosīdi be nakae takínona vavasa taguuinūwe. Neta nakae taguuinuwe, e Yauwe ina katótula bei isowóduwo komi be yau yaida.”’
465	GEN 19:7	e ilatuwokoidi idigo kana, ‘Segowo, akawanoi yaimi bego moe dogoiyana goyogoyoina toina taabu koguuinūwe!
490	GEN 19:32	Tauna ame taguinūwe: Tamadayana oine tavini inim ginagina iyaluwo. Niga baige tasiu tauyana tamasisiye, e kina goi takéuwama tavenátuna bei ida boda geya ikavaveta.’
505	GEN 20:9	E Abimelekayana Eberamo iduduwe ima, idigo kana, ‘Eberamo, ame kaga kuguinuwe yaima! Ava goyo aguinuwe yaimi, tauna ame nakae kuguinūwe yau be nakae guna bodao yaidi goi! Moe im guinuwa igoyo toina yaigu.
532	GEN 21:18	Kutāoya! Kūna gomanayana kuvatāoe be kukipaiwōle. Tauyana bei akisaili tubunao boda tayamo gagaina.’
583	GEN 23:11	‘Guna tomoya, moe nakae geya. Kunovēgu. Poyapoyayana be nakae tukubuyana guna bodao matadi goi avinim. Kūna im tomata kuvaliwōge.’
587	GEN 23:15	‘Guna tomoya, kunovēgu. Poyapoyayana ana maisa siriba ana badabada poa andedi (400) go, moe dogoi besobeso yaida ae? Poyapoyayana avinim. Tuwo kūna im tomata kuvaliwōge.’
596	GEN 24:4	Go sem bei kūna toinigu guna kasa Karani goi guna bodao yaidi vavina tayamo kukābi natugu Aisake monena.’
606	GEN 24:14	Ago ava vavina yaina neta akawanoi kagu, “Am botori kwaisobūye bei am bwae giyaina anim” go, vavinayana ikatumapu kana, “Kunīm go, im kameri nakae bei avanimdi”, e moe tauyana kuvayōko Aisake im pákwana monena. Moeko goi bei ayagoi guna tomoya bogina kukubunuwe.’
623	GEN 24:31	E idigo kana, ‘Siyagu, kom Yauwe bogina ikaipakuyem, e kūma. Kaga unana ameko goi kuutaoya? Vada bogina akatubayasi, e nakae kameri kebadi bogina akatubayasidi. Tauna kūma tāna guna vada!’
630	GEN 24:38	Go sem kūna tamagu ina kasa be nakae vavina tayamo guna dala goi kukābi natugu monena.”
729	GEN 27:1	E Aisake ikaaiyaka, e bogina ikaitomoya, nakae matana ikau, tuwo geya itoboineyeta igita dókana. E tuta tayamo ina botomoya Iso iduduwe idigo kana, ‘Natugu, kūma!’ ‘Tamagu, manakae?’ Isoyana kaena.
731	GEN 27:3	Tauna im kaipíyama, im sau be im gita, kwabīdi, e kūna yoyowo goi yau guna woiwoi kuvakāuko.
732	GEN 27:4	Kuvakauko ikavava, kūma awoinu dedevina kuwodūgu nakae yau nuwogu ikabi, e kūme akáika. Akáika ikavava, yau nava maa yawoigu itoboinegu akaipakuyem.’
735	GEN 27:7	idigo kana, “Woiwoi dedevina kuvakaukōe, kūme awoinu dedevina kuwodūgu. Kuwodugu ikavava, kūme akáika, e yau nava maa yawoigu itoboinegu Yauwe matana goi akaipakuyem.”
736	GEN 27:8	Tauna natugu, ame tuta kunovēgu. Kaga nakae alatuuwokoim, kom nakae kuguinūwe.
737	GEN 27:9	Natugu, ame tuta kūna goti bonatuna aiyuwo dedevidi kulauīdi kumēdi, e awoinu dedevina bei aodugu nakae tamam nuwona ikabi.
738	GEN 27:10	Aodugu ikavava, kūna tamamyana kuvīni ikáika, e bei itoboine igimikaipakuyem namlieta ikámasa.’
741	GEN 27:13	Go sinanayana idigo kana, ‘Natugu, neta ikatubolatem, yau atagona bego atubolatayana ima yaigu, go kom sem niyagu konōve. Ame tuta kūna gotiyadi kulauīdi kumēdi.’
749	GEN 27:21	Tuwo Aisakeyana idigo kana, ‘Natugu, kūma kikigu goi abisikonem, e bei ayagoim nakona kom moitamo natugu Iso gea geya.’
753	GEN 27:25	Tuwo Aisakeyana idigo kana, ‘Natugu, woiwoi bogina kuvaaipolu kūme bei akáika, gobe akaipakuyem.’ Tuwo moitamo Aisake ivini ikáika nakae oine ivini inim.
754	GEN 27:26	Ikavava, Aisake idigo kana, ‘Natugu, kūma kuyowoiīgu.’
771	GEN 27:43	Tauna natugu, niyagu kunōve. Ame tutayana kutāoya, woilīm kusīya kūna Karani goi, e niugu Lebani yaina goi kwaiyāka.
773	GEN 27:45	Tutayana ina egamogamoguyana ikavava be nakae im guinuwa ame inuwotao, e livala bei aetune iwo yaim bego kom itoboinem kwaluvila. Moe nakae kuguinūwe, govila bei ameko goi kwaiyaka, Iso ikaumatem go, tomota bei Iso ina guinuwa pasina sikaumate. Geya latuwogu natugowo ami taiyuwokova kokámasa maliyalina tayamo sinaena.’
776	GEN 28:2	Go sem kūna asa Padani Aram. Amoko goi kūna sinam tamana Betuweli ina vada goi. Vavina tayamo doiyam Lebani natunao yaidi goi kukābi kunāi.
823	GEN 29:27	Go tuwo, om inuwa. Nai aikanina ame tauyana manuna taguinūwe wiki ame goi. Ikavava, bogomane avinim kunai go, kom tala ainima aiyuwo tuwaina kupaaisēwa manugu.’
877	GEN 31:3	E Yauwe Yakobo ilatuwoko, idigo kana, ‘Yakobo, kwaluvīla kūna tamam be nakae osemowo idi kasa goi. Yau bei avakitaum.’
887	GEN 31:13	Yau Yaubada boi asa Beteli goi toinigu asowóduwo yaim. Amoko goi boi dídiya tayamo kwabi, kuvataoe. Ikavava oribe putumina kwabi didiyayana goi kusiwoi. Moeko goi didiyayana bogina kiinavaina yau umagu. Ikavava, kukatótula yaigu. Tauna ame tutayana kutāoya, ame poyapoyayana kwalāve go, kwaluvīla kūna im kasa toina.”’
890	GEN 31:16	Tamama ina esaesa Yaubada ikabi, kom ivinim moe kai be nakae natumao ima esaesa nakae. Tauna kuguinūwe nakae Yaubada bogina ilatuwokoim.’
911	GEN 31:37	Konagu liliudi goi bogina kulusala go, ava konam kubabane? Konamyana kwaiwodūwe kom semowo be nakae yau segowo yaidi, e bei sitakinoida. Tagite avatau ibágala, kom gea yau.
938	GEN 32:10	E ikiwotaidi ikavava, ikawanoi Yaubada yaina, idigo kana, ‘Tubugu Eberamo be tamagu Aisake idi Yaubada, kunovēgu. Yauwe, boi kom kulatuwokoigu kam, “Kwaluvīla kūna im kasa be nakae osemowo yaidi, e bei ayabobonem.”
945	GEN 32:17	Ago yoguyoguyadi ikiwotaidi yauwo ituli ituli. Ikiwotaidi ikavava, e ina pakonayao ilatuwokoidi idigo kana, ‘Koroto tamo tamo yauwo tamo tamo imatakavate. E kovakūmgo go, taabu koolamgōgana, go sem imi ketoiya kovaamasāba.’
975	GEN 33:14	Tuwo guna tomoya, kom kuvakūmgo go, kai im pakonayao manukaima kavámliya kao Seira goi.’
985	GEN 34:4	E ina tamana Emori ilatuwoko idigo kana, ‘Tamagu, kom kūna amo vavinayana kwābi yau monegu.’
1013	GEN 35:1	E tuta tayamo Yaubada Yakobo ilatuwoko idigo kana, ‘Yakobo, kutāoya, kugāla kūna Beteli goi kulokāsa go, dídiya kukaudakodāko, aba kasala kumadāgi yau yaigu. Boi amo asayana goi tuwowom Iso yaina kusiya be nakae yau toinigu asowóduwo yaim.’
1015	GEN 35:3	Kokimavademi ikavava, e kōma tatūko tāna Beteli. Maeko goi dídiya bei akaudakodako, aba kasala amadagi Yaubada yaina. Tauyana boi guna kategeda goi inovegu be nakae ivaitegu. Amo tutayana go, ima ame tuta, Tauyana ivakiitaugu.’
1098	GEN 37:14	E Yakobo idigo kana, ‘Ame tuta kūna kuvadadēdi. Neta kidi be nakae yoguyogu dedevidi, e kūma kulatuwokōigu.’ Tuwo Isileli Ebironi butumina goi ikaaiyaka go, Iyosepayana ietune ina asa Sekem.
1105	GEN 37:21	E Rubeni idi livala inove, tauna latuwona bego ana gómana iyave. Tuwo idigo kana, ‘Taabu yawoina takupokūpo.
1128	GEN 38:8	E Yuda natuna bonauyayana yoina Onani iduduwe ima. Ima Yudayana idigo kana, ‘Onani, tuwowom bogina ikámasa go, geya natunamo. Tauna ida sinapu goi kūna kobuina taiyao konāi, taiyao komasīsi bei ikéuwama. Ikéuwama, ivenátuna, natuna tuwowom ana katumapu.’
1131	GEN 38:11	E tuwo Yuda yaona Temari iduduwe ima ilatuwoko ipola idigo kana, ‘Temari, kwaluvīla kūna tamam ina vada goi kwaiyāka maa kobuim ana kadókana natugu Seile ikaitubuwaumatuwo, e bei itoboinemi konai.’ Tauyana ina nuwonúwana kana, ‘Geya latuwogu natugu Seile amo vavinayana inai, govila bei ikámasa tuwowonao nakae.’ Tuwo moitamo Temari ikaluvila ina tamana ina vada goi ikaaiyaka.
1136	GEN 38:16	E Yuda ivatabale ina vavinayana kikina goi idigo kana, ‘Kūma kumasisiyēgu.’ Geya iyagoiyeta bego vavinayana moe yaona Temari. ‘Gobe kaga kuvinigu?’ Temariyana kaena.
1137	GEN 38:17	‘Goti bonatuna tayamo bei aetune iwo’, Yuda kaena. ‘Konam tayamo ame tuta kuvinīgu. Niga goti kuetūne ima konamyana kutatete’, tauyana kaena.
1145	GEN 38:25	E sina siyoisi go, Yuda ina rini be ina kaituko tomota tayamo ivini ilatuwoko kana, ‘Ame kwabīdi go, kūna Yuda kuvīni kam, “Korotoyana boi imasiisiyegu akéuwama konana goamedi. Kom kugīte nakona itoboinem kukinane rini ame be aituko ame avatau konana?”’
1157	GEN 39:7	Tauyana ipaaisewa ina tomoya Potipari ina vada goi go, Potipariyana monena ikandobala Iyosepayana igite koroto gumaboina, tauna ivakone. E tuta tayamo ina ilatuwoko idigo kana, ‘Iyosepa, kūma kumasisiyēgu.’
1160	GEN 39:10	Ego maliyalina tamo tamo Iyosepayana ilumaakikine kana, ‘Iyosepa, kūma kumasisiyēgu.’ Go kina Iyosepayana ikatae, tuwo geya itagoneta bei imasisi tauyana taiyao.
1162	GEN 39:12	Tuwo vavinayana ima ibisibala Iyosepayana ana kwama iyoisi, idigo kana, ‘Kūma kumasisiyēgu!’ Go Iyosepayana ana kwama ikalave, vadayana goi ilokoinaodo, isiya.
1176	GEN 40:3	Tuwo ina deri ana toyausayao adi tokalikumatana ilatuwoko idigo kana, ‘Kūna adi taiyuwo kuyoisīdi, e deri goi kuvaisīudi.’ Tuwo moitamo ina nakae iguinuwe; adi taiyuwokova ikabidi deri goi ivaisiudi sikaaiyaka. Ego amo deriyana goi Iyosepa nakae nava ikaaiyaka.
1239	GEN 41:43	Ego Pero ina sariyota aiyuwo, tayamo moe toinina manuna go, tayamo moe ana tosavaiyuwo manuna. Tuwo Iyosepa ilatuwoko idigo kana, ‘Iyosepa, guna sariyota tayamo avinim, e sariyotayana goi kusowōya.’ Tuwo isowoya go, koroto maniyedi sivakumgo sidigo kadi, ‘Toolagaina imamaima; aemi kovatugūyala!’ Ame nakae Iyosepa ivayoko kina ana katumapu bei Itipita ana madabokina iloovinae.
1251	GEN 41:55	Go niga Itipita goi nakae logayana silotowo. Tuwo tomota sima Peroyana yaina sikawanoi witi manuna. Go Peroyana idigo kana, ‘Kōna Iyosepa kogīte go, kaga ilatuwokoimi nakae koguinūwe.’
1269	GEN 42:16	Koroto tayamo yaimi koetūne ina ami gómana ikabi ime go, madabokimi ameko deri goi kokaaiyāka, e bei ayagoi nakona komi aba numisa gea geya. Neta siyami geya ikaluvileta, bei ayagoidoko komi moitamo toyáusa!’
1302	GEN 43:11	E Isileli idigo kana, ‘Neta moe nakae, ame nakae koguinūwe. Dogoi dedevidi kita ida kasa goi sikaaiyaka nakae pútuma, mokava, alovamamaina sisina be taniya kokabīdi, imi baiki goi kododōidi, e konavēdi tolovinayana kovīni. Moe ida yabobona korotoyana yaina.
1307	GEN 43:16	E Iyosepa ikandobala Beniyamina igite kidi taiyao. Tuwo ina vada ana tovakumgo ilatuwoko idigo kana, ‘Ame korotoyadi kukabīdi, kumēdi yau guna vada goi. Kumedi ikavava, kūna tayamo yoguyogu kwaumāte kuvaipōlu. Ikavava, e dine goi taiyao kakáika.’
1314	GEN 43:23	E tovakumgoyana idigo kana, ‘Mani manuna taabu konuuwonūwana be nakae taabu koomatōita. Imi Yaubada, Tauyana tamami ina Yaubada, nakona imi esaesa ivinimi; imi baiki goi idodoidi. Boi mainao imi mani komedi bogina akabidi.’ Ibóbwara ikavava, ina Simioni ikabi, ime kidi yaidi.
1329	GEN 44:4	E kidi asa goi sisowóduwo siiketoiya ivatabaledi go, kina Iyosepa itaoya ina vada ana tovakumgo ilatuwoko kana, ‘Woilīm kutāoya, kūna amo korotoyadi kosabokuliyēdi. Tutayana kusakavatedi, kulatuwokōidi kam, “Manakae? Bego ima guinuwa dedevina goyo goi kokatumapu?
1346	GEN 44:21	E kom kam, “Kotūko kōna gomanayana kokābi kosōuye kōme agite.”
1368	GEN 45:9	Tauna ame tutayana woilīmi kōna tamada kolatuwōko kami, “Natum Iyosepa idigo kana, ‘Yaubada ina nuwonúwana goi yau Itipita ana madabokina alovinae. Woilīm kusōu kūma yaigu.
1370	GEN 45:11	Amoko goi bei amatakaavatem. Bogina kuyagoi. Tala ainima nava bei loga ikaaiyaka. Tauna kūma, govila bei kom be osemowo loga kokámasa.’”
1372	GEN 45:13	Tauna kaga liliuna Itipita sinaena bogina kogite, e kōna tamada kolatuwōko, nakae yau da Itipita liliudi siwowoinegu. Tamada kolatuwōko yau koroto toogagaigu Itipita goi. Ago woilīmi kotūko kōna tamadayana kokābi kosōuye kōme.’
1513	GEN 50:6	Tuwo moitamo sina Pero livalayana sivini, e tauyana idigo kana, ‘Kōna Iyosepa kolatuwōko kami, “Dedevina, kūna tamam kuvaliwōge nakae boi im katótula.”’
1560	EXO 2:5	E Pero natuna vavina mana pakonayao wowoiyai taiyao siiwo sina sakalayana goi. Sákala kikina goi ana wowoiyaiyadi siiketoiya go, Pero natunayana isou iiwo ina bego iisiwo go, ikandobala bayao igite kalavaitou sinaedi ikaaiyaka. Tuwo woiyai tayamo ilatuwoko kana, ‘Kūna amo bayaoyana kwābi kūme!’
1563	EXO 2:8	‘Dedevina, kūna’, Pero natuna kaena. Tuwo niugu ina sinama ilatuwoko ima.
1564	EXO 2:9	E tuwo sinamayana ima go, Pero natuna idigo kana, ‘Gómana ame kwābi kuvanūnu manugu gobe yau aemaisim.’ E moitamo sinagu ikabigu, ivaanunugu.
1596	EXO 3:16	Tauna kūna Itipita goi go, Isileli tubunao idi tomoyamoyayao kududuwēdi sima kulatuwokōidi kam, “Kina Yauwe tubudao idi Yaubada, moe Eberamo, Aisake be Yakobo idi Yaubada isowóduwo yaigu idigo kana, ‘Bogina avadademi, tuwo bogina ayagoi kaga isowóduwo yaimi Itipita goi, tauna bei aguinuwa.
1605	EXO 4:3	Yauwe idigo kana, ‘Kwalisobūye isou poyapoya goi.’ Tuwo moitamo akalisobuye isou poyapoya goi imalamoteta! Agite, asiya.
1607	EXO 4:5	Yauwe idigo kana, ‘Moe nakae kuguinūwe bei sinumisa bego Yau Yauwe, tubumiyao Eberamo, Aisake be Yakobo idi Yaubada bogina asowóduwo yaim.’
1611	EXO 4:9	Go neta aba kinanayadi aiyuwo geya sikamoitamoedita be nakae sopam geya sikabikaoneyeta, e kūna sákala Nairi goi bwae kutēge. Ikavava, kūna poyapoya sayasayaina goi kwaliulāgi bei poyapoyayana goi imalaikaika.’
1614	EXO 4:12	Tauna ame tuta kom tuwo kutaoyāmo kūna go, yau toinigu sopam bei avaite be nakae avatulukoim manakaem kubóbwara.’
1620	EXO 4:18	E ataoya akaluvila ana yaogu Iyetoro alatuwoko adigo kagu, ‘Yaogu, kutagonēgu ana Itipita goi bei osegowo agitedi, nakona nava maa yawoidi o geya.’ Iyetoro kana, ‘Mam tuboina kūna.’
1621	EXO 4:19	E Midiyani goi Yauwe ilatuwokoigu idigo kana, ‘Kutāoya kwaluvīla kūna Itipita. Korotoyadi boi bego sikauumatem bogina sikamasa kówasa.’
1629	EXO 4:27	E boi Yauwe Eroni bogina ilatuwoko idigo kana, ‘Kutāoya kūna yoyowo goi Mosese kuvalobōde.’ Tuwo moitamo Eroni ima Yaubada ina koya goi ivalobodegu, e taiyao kayowóina.
1641	EXO 5:8	Boi nakae simadagidi adi badabada nakae ame tuta go, taabu kokupokūpo, tuwo nakae. Moitamo. Kidi suumoyaidi, tauna moe pasina siduduwo kadi, “Kutagonēma kana ima yoguyoguyao kagabudi kakasale ima Yaubada yaina.”
1649	EXO 5:16	Limou geya sivinimeta geya, go sem ama tolovinao sibowoima kadi, “Vaega be limou kopopolīdi, e kogabūdi simalagurewa!” Go kunōve! Kai im pakonayao silauima unana vaega be limou kamadagidi simalagurewa go, geya sibadebadeta boi nakae go, ame kom be nakae im bodao taiyao imi puwoya!’
1652	EXO 5:19	E Isileli tubunao adi tovakumgoyao bogina siyagoi mou gagaina bei sibabane tutayana silatuwokoidi kadi, ‘Maliyalina tamo tamo poyapoya be limou komaadagidi simalagurewa adi badabada taabu kokupokūpo. Geya kada maliyalina tayamo goi geya.’
1667	EXO 6:11	‘Kutāoya kūna Pero da Itipita adi tolovina kulatuwōko Isileli tubunao ina kaba lovina goi italigeimi.’