22619	JON 2:3	idigo kana, ‘Guna kategeda goi Yauwe atumadadem, e kukatumapugu. Same 120:1 Ámasa ana dadava goi apodeda vaita manuna, e guna kawanoi kunove.
22626	JON 2:10	Go yau sem magu vesi yaapalina bei yoguyogu akasale kom yaim. Kaga boi akaatotuli moitamo nakae bei aguinuwe. Ada yava Yauwe goi ima!’ Same 3:8
23236	MAT 1:23	‘Kunōve! Woiyai geya ana kanaotamo bei ikéuwama, niga natuna koroto bei ivenatuni. Go yoina bei sivayou Imanuweli.’ Aiseya 7:14 Youyana ana kaigavila moe Yaubada kita taiyao.
23244	MAT 2:6	“Bedeliyema e, Kom asa giyaina Yuda ina poyapoya goi go, tuwo Yuda ana tolovinao gagaidi liliudi matadi goi kom asa vakuumgoina. Moitamo. Kom goi Tokalibúbuna tayamo bei itaoya. Tauyana guna bodao Isileli tubunao bei ivakededi sipi ana tomatakavata nakae.”’ Maika 5:2
23253	MAT 2:15	Amoko goi sikaaiyaka ana kadókana Erodi ikámasa. Moeko goi kaga Yauwe ina tokabivalavala goi itaalavaite itoboine imalatomotamna. Livalayana kana, ‘Itipita goi natugu aduduwevile.’ Oseya 11:1
23256	MAT 2:18	‘Níyana tayamo Rama goi sinove, vataitáiya be ategeda gagaina. Moe Reitiyeli itaitáiya natunao pasidi. Natunao sikavava, tauna geya latuwona tomota sivayole.’ Yeremaya 31:15
23264	MAT 3:3	Ame tauyana manuna tokabivalavala Aiseya boi nimatu bogina igini idigo kana, ‘Toduduwo niyana gagaina yoyowo goi iiduduwo kana, “Yauwe ina kenao kounāi be nakae kokitotomōi!”’ Aiseya 40:3
23282	MAT 4:4	Go kina Yeisu idigo kana, ‘Geya! Gínina Kimaasabaina goi idigo kana, “Geya awoinu kaka goi kita tomota yawoida bei dedevidi, go sem Yaubada ina livala liliudikova takabikaonedi, e bei yawoida dedevidi.”’ Atukeda 8:3
23285	MAT 4:7	Go kina Yeisu idigo kana, ‘Go aiyuwoina Gínina Kimasabainayana idigo kana, “Yauwe imi Yaubada taabu kovaakakōne.”’ Atukeda 6:16
23288	MAT 4:10	Go kina Yeisuyana idigo kana, ‘Kaleya, kom kusīya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’ Atukeda 6:13
23324	MAT 5:21	Tuwaina Yeisu kana, ‘Komi bogina koyagoi bego tubudao adi lovina Yaubada ivinidi kana, “Taabu kokaaumāta.” Tateta 20:13; Atukeda 5:17 Tuwo avatau neta ikaumata, Yaubada ina liuna bei ibabane.
23330	MAT 5:27	Tuwaina Yeisu kana, ‘Lovina tayamo bogina koyagoi kana, “Taabu korooerāta.” Tateta 20:14; Atukeda 5:18
23334	MAT 5:31	Tuwaina Yeisu kana, ‘E lovina tayamo bogina koyagoi kana, “Ava koroto neta monena ivaisobuye, pwepwa goi ana katae italavāite monenayana yaina.” Atukeda 24:1
23336	MAT 5:33	Tuwaina Yeisu kana, ‘Aiyuwoina tubudao idi lovina boi Yaubada ivinidi bogina koyagoi, kana, “Taabu nimami kokatulagata polapōla, go sem imi katótula Yauwe yaina koguinuwēdi.” Vininabeso 19:12
23341	MAT 5:38	Tuwaina Yeisu kana, ‘Lovina tayamo bogina koyagoi, kana, “Avatau neta siyana matana ikaigoyai, e tobugoyoyana matana kokaigoyāi. Neta salana, e salana.” Tateta 21:24
23431	MAT 8:17	Tauna ina guinuwayadi goi Yaubada ina tokabivalavala Aiseya ina livala imalatomotamna nakae boi idigedige kana, ‘Tauyana ida katówana ikabidi, ikalavedi, nakae ida vísiya goi italigeida.’ Aiseya 53:4
23461	MAT 9:13	E Yaubada ina livala ame kogitedōko bei koyagoi kaga ana yagoina. Livalayana kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Moe moitamo. Yau ama geya tauyadi toinidi sinuwonúwana bego kidi tokibóbwata aduduwedi geya, go sem ama toogoyoidi aduduwedi bei situgavila.’
23538	MAT 11:10	Amo tauyana manuna Yaubada ina tokabivalavala igini idigo kana, “Gwa, guna lobutu ana tolokoina aetune ivakumgoiyem. Tauyana bei im kenao ikimavade.” Malakai 3:1
23565	MAT 12:7	E Gínina Kimaasabaina goi Yaubada idigo kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Neta ame talavaitayana ana yagoina koyagoi, e tauyadi geya adi pikwanamo geya kotakinoidita kidi toogoyoidi.
23643	MAT 13:35	Tauna Yaubada ina tokabivalavala ina talavaita imalatomotamna. Boi tokabivalavalayana idigo kana, ‘Bei alivalakaibala tomota yaidi. Kaga boi poyapoya ana madagina kunu goi Yaubada ivaamoudi, e yau bei atalavaitedi.’ Same 78:2
23706	MAT 15:4	Apipilovayana manuna boi Yaubada Mosese ilatuwoko idigo kana, “Tamamiyao be sinamiyao kowowooinēdi.” Tateta 20:12; Atukeda 5:16 Aiyuwoina kana, “Avatau neta tamana o sinana igieomaemae, e to kokaumateyāmo.” Tateta 21:17; Vininabeso 20:9; Atukeda 5:16
23711	MAT 15:9	Idi vatulúkwana moe tomota idi nuwonúwana, tauna idi sakululu yau yaigu, moe sakululu besobeso.”’ Aiseya 29:13
23812	MAT 18:16	Go neta geya inovemita, e tonumisa tayamo o adi taiyuwo kokabīdi kōna tauyana kogīte bego tauyadi itoboinedi imi wowókana sikamoitamoe. Moeko goi Yaubada ina Katukeda bogina kokabikaone. Atukedayana kana, “Totalavaita adi taiyuwo o adi taito goi itoboine tomota ina wowókana takamoitamoedi.” Atukeda 19:15
23835	MAT 19:4	Go kina Yeisu idigo kana, ‘Iyaa! Ana kaigigita nakona ida buki goi geya kokatuyaiviyeta bego tuta ana kaba vatowo goi tomolúluwo tomota iwodugudi, kana, “Tomotayadi koroto be vavina iwodugudi.” Aba Vatowo 1:27, 5:2
23836	MAT 19:5	Moe pasina Yaubada idigo kana, “E tauna moe pasina koroto tamana be sinana yaidi itumasaba go, monena taiyao situyuwo, tauna adi taiyuwokova wowodi tayamo.” Aba Vatowo 2:24
23850	MAT 19:19	Tamamiyao be sinamiyao kowowooinēdi.” Tateta 20:12-16; Atukeda 5:16-20 Aiyuwoina kana, “Siyami komataakoīye nakae toinimi komatakooiyemi.”’ Vininabeso 19:18
23900	MAT 21:5	‘Saiyoni natuna vavina kolatuwōko kami, “Gwa! Im Tokalibúbuna ma sakuululuna ase yatana iitulaga; aseyana moe ase bonatuna. Go im Tokalibubunayana iimekoim.”’ Sakaraiya 9:9
23908	MAT 21:13	Ikavava, ilatuwokoidi idigo kana, ‘Gínina Kimaasabaina Yaubada manuna italavaita, idigo kana, “Guna vada moe vada aba kawanoi.” Aiseya 56:7 Go komi koyatako tovaináwana idi kaba tamumu.’
23911	MAT 21:16	Yeisu silatuwoko, sidigo kadi, ‘Amo tauyadi kunovedi kaga sidigedige manum gea geya? Kusanabodēdi!’ E kina go Yeisuyana idigo kana, ‘U, bogina anovedi! Go manakae? Ame tomwanayana manugu bogina konuwoilave ae? Tomwanayana kana, “Kom gogómana giyaidi be nakae memeya bogina kuvatulukoidi siyapaliyem.”’ Same 8:2
23973	MAT 22:32	“Yau tubumowo Eberamo, Aisake be Yakobo idi Yaubada.” Tateta 3:6 Yaubada kina geya kada tokámasa idi Yaubada geya, go sem tauyadi maa yawoidi idi Yaubada. Moeko goi taayagoi bego tokámasa sitaoyamna.’
23978	MAT 22:37	E Yeisu kana, ‘Gínina Kimaasabaina idigo kana, “Yauwe ida Yaubada komataakoīye atemi madabokinakova goi be yawoimi madabokinakova goi be nuwomi madabokinakova goi.” Atukeda 6:5
23980	MAT 22:39	E lovina aiyuwoina ikaaiyaka moe lovinayana vakuumgoina nakae. Lovinayana ame nakae kana, “Siyami komataakoīye nakae toinimi komatakooiyemi.” Vininabeso 19:18
23985	MAT 22:44	“Yauwe ibóbwara guna Tomoya ilatuwoko kana, ‘Kūma wowoina basekoina kakataigu goi kutusōbu ana kadókana im kaleyayao avasobusoobuyedi kulovinaedi.’” Same 110:1
24026	MAT 23:39	Moe moitamo go, ame alatuuwokoimi konōve: Geya tuwaina bei kogitemneigu ana kadókana kodigo kami, “Tauyana Yauwe yoina goi imamaima kaaipakuna!”’ Same 118:26
24154	MAT 26:31	E tuta amo goi Yeisu ilatuwokoima idigo kana, ‘Komi madabokiimi sabamgo ame imi numisa goi bei kokapusi yau pasigu. Moitamo. Gínina Kimaasabaina goi Yaubada kana, “Sipi adi tomatakavata bei alaui go, ina sipiyadi bei sisapa sisiya.” Sakaraiya 13:7
24286	MRK 1:2	Boi nimatu Yaubada ina tokabivalavala Aiseya ina buki igini, e Tauyana ina livala Guyau manuna italavaite, idigo kana, ‘Gwa, guna lobutu ana tolokoina aetune ivakumgoiyem. Tauyana bei im kenao ikimavade. Malakai 3:1
24287	MRK 1:3	Toduduwo niyana gagaina yoyowo goi iiduduwo kana, “Yauwe ina kenao kounāi be nakae kokitotomōi!”’ Aiseya 40:3
24539	MRK 7:7	Idi vatulúkwana moe tomota idi nuwonúwana, tauna idi sakululu yau yaigu moe sakululu besobeso.” Aiseya 29:13
24542	MRK 7:10	Guna masi ame nakae: Boi Mosese Yaubada ina lovina italavaite, idigo kana, “Tamamiyao be sinamiyao kowowooinēdi!” Tateta 20:12; Atukeda 5:16 Aiyuwoina kana, “Avatau neta tamana o sinana igieomaemae, e to kokaumateyāmo.” Tateta 21:17
24663	MRK 10:6	Go boi nimatu tuta ana kaba vatowo goi, e moe nakae geya. Gínina Kimaasabaina kana, “Yaubada tomota iwodugudi; tomotayadi koroto be vavina iwodugudi. Aba Vatowo 1:27, 5:2
24665	MRK 10:8	tauna adi taiyuwokova wowodi tayamo.” Aba Vatowo 2:24 Tauna geya tuwaina kada tauyadi tomota adi taiyuwo, go sem ame tuta tauyadi wowodi tayamo.
24726	MRK 11:17	E ikausepaledi ikavava, ivatowo ivatulukoidi idigo kana, ‘Komi bogina koyagoi Gínina Kimaasabaina Yaubada manuna italavaita idigo kana, “Guna vada moe boda liliudi adi kaba kawanoi.” Aiseya 56:7 Go komi koyatako tovaináwana idi kaba tamumu.’
24768	MRK 12:26	Ego tokámasa adi kaitaoya manuna, Mosese ina buki goi tauyana tetelina ikaaiyaka go, manakae? Geya kokatuyaiviyeta ae? Boi ikaaiyaka go, yeu taliboibo sinaena Yaubada isowóduwo Mosese ilatuwoko idigo kana, “Yau tubumowo Eberamo, Aisake be Yakobo idi Yaubada.” Tateta 3:6
24773	MRK 12:31	Lovina aiyuwoina ame nakae kana, “Siyami komataakoīye nakae toinimi komatakooiyemi.” Vininabeso 19:18 Geya tayaamo lovina ikaaiyaka ame lovinayadi aiyuwo ikalisavedi.’
24774	MRK 12:32	Yaubada ina Katukeda ana tovatulukwanayana idigo kana, ‘Moitamo, tovatulúkwana! Kom kubóbwara moitamo. Mosese igini kana, “Yauwe anetava Yaubada. Geya tayaamo yaubada tuwaina ikaaiyaka geya.” Atukeda 4:35
24775	MRK 12:33	Aiyuwoina tauyana kana, “Tauyana komataakoīye atemi madabokinakova goi be imi nuwonúwana madabokinakova goi be imi togaga madabokinakova goi.” Atukeda 6:5 Nakae kana, “Siyami komataakoīye nakae toinimi komatakooiyemi.” Vininabeso 19:18 Vininabeso yoguyogu sivakaasavedi adi kasala be nakae yoguyogu sikauumatedi adi kasala liliudi Yaubada yaina dedevidi go, ame lovinayadi aiyuwo sikalisavedi.’
24778	MRK 12:36	Go boi nimatu Baloma Kimaasabaina Devida nukotona isanayato, tuwo idigo kana, “Yauwe ibóbwara guna Tomoya ilatuwoko kana, ‘Kūma wowoina basekoina kakataigu goi kutusōbu ana kadókana im kaleyayao avasobusoobuyedi kulovinaedi.’” Same 110:1
24850	MRK 14:27	Niga Yeisu ina tovatotowanayao ilatuwokoidi idigo kana, ‘Sabamgo ame imi numisa goi bei kokapusi yau pasigu. Moe nakae Gínina Kimaasabaina goi Yaubada idigo kana, “Sipi adi tomatakavata bei alaui go, ina sipiyadi bei sisapa sisiya.” Sakaraiya 13:7
25065	LUK 2:23	Moe nakae Yauwe ina Katukedayana boi sigini kadi, ‘Botomoya koroto liliudi kukimasabēdi yau Yauwe umagu.’ Tateta 13:2
25136	LUK 4:4	Go kina Yeisuyana idigo kana, ‘Geya! Gínina Kimaasabaina goi idigo kana, “Geya awoinu kaka goi kita tomota yawoida bei dedevidi.”’ Atukeda 8:3
25140	LUK 4:8	Go kina Yeisuyana idigo kana, ‘Geya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’ Atukeda 6:13
25144	LUK 4:12	Go kina Yeisu idigo kana, ‘Geya! Gínina Kimasabainayana idigo kana, “Yauwe imi Yaubada taabu kovaakakōne.”’ Atukeda 6:16
25291	LUK 7:27	Amo tauyana manuna Yaubada ina tokabivalavala igini idigo kana, “Gwa, guna lobutu ana tolokoina aetune ivakumgoiyem. Tauyana bei im kenao ikimavade.” Malakai 3:1
25459	LUK 10:27	E tonanamsayana kana, ‘Mosese ilatuwokoida kana, “Yauwe ida Yaubada komataakoīye atemi madabokinakova goi be yawoimi madabokinakova goi be imi togaga madabokinakova goi be nuwomi madabokinakova goi.” Atukeda 6:5 Aiyuwoina kana, “Siyami komataakoīye nakae toinimi komatakooiyemi.”’ Vininabeso 19:18
25622	LUK 13:35	Konovēgu. Imi vada Yaubada ikalave, itugavile. Ame alatuuwokoimi konōve: Geya tuwaina bei kogitemneigu ana kadókana kodigo kami, “Tauyana Yauwe yoina goi imamaima kaaipakuna!”’ Same 118:26
25838	LUK 19:38	Idi yapaliyana goi sidigo kadi, ‘Tokalibúbuna Yauwe yoina goi imamaima kaaipakuna! Same 118:26 Tuboina yábana goi bogina ikaaiyaka. Maeko ee, Yaubada diligaema toina aba taimámina!’
25846	LUK 19:46	Ivataapiyedi go, ilatuwokoidi idigo kana, ‘Gínina Kimaasabaina Yaubada manuna italavaita idigo kana, “Guna vada moe vada aba kawanoi.” Aiseya 56:7 Go komi koyatako “tovaináwana idi kaba tamumu.”’
25865	LUK 20:17	E Yeisu ipotekaavatedi go, idigo kana, ‘Go moe Gínina Kimaasabaina ina talavaita ame ana yagoina! Talavaitayana kana, “Gurewayana kidi toyówana siikatae bogina imalalasáuna.” Same 118:22
25891	LUK 20:43	ana kadókana im kaleyayao avasobusoobuyedi kulovinaedi.’” Same 110:1
25970	LUK 22:37	Moitamo. Ame alatuuwokoimi konōve: Gínina Kimaasabaina nakae italavaite Tomalatomota manuna kana, “Tauyana sikatuyaivi lovina ana tokapipilova taiyao.” Aiseya 53:12 Ame livalayadi bei simalatomota yau yaigu. Ame moitamo. Kaga kaga boi manugu siiginidi, e nakae bei simalatomota yau yaigu.’
26034	LUK 23:30	Yau geya guna pikwanamo o kada, “Yau alova mamaina nakae, tauna tomota geya itoboinedita sigabu.” Komi da Yerusalema mami píkwana o tadigo kada, “Komi alova diinalidi nakae tomota bei sigabudi.” Tuwo kerose goi bei situpatukoigu go, komi bei manakaemi? Tuta amo goi bei igoyo toina, nakae tomota geya latuwodi bei mouyadi silotowo, tauna bei sivatowo koya silatuwokoidi kadi, “Kosōu kōma kokautūmma!”’ Oseya 10:8
26136	JHN 1:23	Iya idigo kana, ‘Yaubada ina tokabivalavala Aiseya boi nimatu italavaitegu idigo kana, “Yau toduduwo niyagu gagaina yoyowo goi aaduduwo kagu, ‘Yauwe ina kenao kokitotomōi!’”’ Aiseya 40:3
26181	JHN 2:17	Kai Yeisu ina tovatotowanayao Gínina Kimaasabaina ina livala tayamo kanuwokavate; livalayana kana, ‘Im Vada amatakoiye gagaina go, guna matakoiyana pasina ámasa bei ikanigu.’ Same 69:9
26357	JHN 6:31	Nakae aba kinana tayamo boi nimatu Mosese iguinuwe ame nakae: Tubudao boi nimatu yoyowo goi mana sikakáika nakae boi Gínina Kimaasabaina kana, “Awoinu yábana goi ivinidi sikáika.”’ Same 78:24
26371	JHN 6:45	Moe nakae tonumisa liliudi manudi boi Yaubada ina tokabivalavalayao sigini kadi, “Tomota liliudi Yaubada bei ivatulukoidi.” Aiseya 54:13 Avatauwa neta Tamagu sinove be nakae sikabiikaone, bei simekoigu.
26584	JHN 10:34	Go iya Yeisuyana kana, ‘Manakae? Imi Gínina Kimaasabaina goi Yaubada idigo kana, “Bogina adigo komi yaubadao”? Same 82:6 Nakae ae?
26664	JHN 12:15	‘Saiyoni natuna, Taabu kuumatōita! Gwa! Im Tokalibúbuna ase bonatuna yatana goi iitulaga, imamaima!’ Sakaraiya 9:9
26687	JHN 12:38	Moeko goi Yaubada ina tokabivalavala Aiseya ina livala itoboine imalatomota; livalayana idigo kana, ‘Yauwe, Geya vatau tayaamo talavaita ina pakonayana manuna kanove bei inumise. Yauwe ina togaga ikaiwoduwe ina pakonayana ina guinuwa goi.’ Aiseya 53:1
26689	JHN 12:40	‘Matadi bogina ikigawuwulidi, nakae nukotodi isanayatoidi. Tauna dabadi sikasa, govila bei matadi goi sigita be nakae nuwodi goi siyagoi, bei situgavila, e simekoigu akidedevinedi.’ Aiseya 6:10
26717	JHN 13:18	Ago abobóbwara geya komi madabokimi manumi geya. Komi akiinavemi yau bogina ayagoimi, nakae bogina ayagoi tayamo yaimi geya idedevineta, go sem Gínina Kimaasabaina ame itoboine ameko goi imalatomota; Gininayana idigo kana, “Tauyana bego siyagu taiyao kakakáika go, bogina ivakaleya yau yaigu.” Same 41:9
26793	JHN 15:25	Go sem livala ame idi Gínina Kimaasabaidi goi siginigini itoboine imalatomotamna, idigo kana, “Geya unanamo go, sikaolilivegu.” Same 35:19, 69:4
26918	JHN 19:24	E tauna aditava sibóbwara sidigo kadi, ‘Geya takiiseyeta, go sem pápala tayamo taguinūwe, e tagite avatau neta ivakumgo, kwamayana ikabi.’ Moeko goi Gínina Kimaasabaina ame imalatomota dókana, kana, ‘Konagu sikaiguyauyedi toinidi yaidi goi be nakae guna kwama manudi pápala tayamo siguinuwe.’ Same 22:18 E tauna amo dogoiyadi tovayaviya siguinuwedi.
26930	JHN 19:36	Amo dogoiyadi idi sowóduwo goi livala tayamo Gínina Kimaasabaina sinaena imalatomota dókana, kana, ‘Geya tayaamo luluna bei sikauguyali.’ Same 34:20
26931	JHN 19:37	Livala aiyuwoina Gínina Kimaasabaina goi nakae imalatomota, kana, ‘Tauyana bogina siginubasi bei sipotepote.’ Sakaraiya 12:10
27012	ACT 1:20	Pita nava ibobóbwara kana, ‘Moe moitamo. Gininayana itaalavaite moe Same goi tagite. Sameyana Devida igini kana, “Toinina ina kasa tomota sikalave, asayana goi tomota taabu sikaaiyāka.” Same 69:25 Aiyuwoina kana, “Ana katumapu itoboine bei tauyana ina baseko ikabi.” Same 109:8 E Sameyadi silatuwokoida kaga itoboineda taguinuwe.
27053	ACT 2:35	ana kadókana im kaleyayao avasobusoobuyedi kulovinaedi.’” Same 110:1 Ina Tomoyayana idigedige moe Yeisu.
27090	ACT 3:25	Yaubada Guyau ietune ima komi be kai yaida goi nakae ina tokabivalavalayaoyadi sopadi goi ikatotule. Aiyuwoina boi tubudao ikanasiukoidi, e moe nakae komi be kai ikanasiukoida tutayana Eberamo ilatuwoko idigo kana, “Nava boda liliudi poyapoya ame bei siyagoi tubumyana goi akaipakuyedi.” Aba Vatowo 22:18
27188	ACT 7:3	Isowóduwo, idigo kana, “Kom kutāoya, moe im kasayana kwalāve, e nakae osemowo kwalavēdi go, kūna asa tayamo bei avatulukoim.” Aba Vatowo 12:1
27192	ACT 7:7	Ago amo bodayadi siipakoidi bei atakinoidi liuna manuna. Atakinoidi ikavava, tubumowoyadi bei sisowóduwo.” Aba Vatowo 15:13-14 Amo mlina tuwaina Yaubada kana, “Bei sima ame asayana goi sitaimámina yau yaigu.” Tateta 3:12
27211	ACT 7:26	Vanuwo itomo Moseseyana isowóduwo ina Isileli tubunao igitemneidi go, ikandobala Isileli tubunao adi taiyuwo igitedi sivalauláuwo. Sivalauláuwo go, kina ipooikíkina bego nukotodi igudalidi kana, “Tawou, komi boda tayamo, tauna kaga unana kovalauláuwo?” Tateta 2:13
27213	ACT 7:28	Manakae? Bego kom kwaumategu nakae boile guma Itipita kwaumate, ae?” Tateta 2:14
27217	ACT 7:32	“Yau tubumowo Eberamo, Aisake be Yakobo idi Yaubada.” Tateta 3:6 E Moseseyana mana matoita wowona simalitatátava, tauna geya ina katepatumo, tuwo geya itoboineyeta taliboiboiyana igite.
27218	ACT 7:33	E Yauwe idigo kana, “Im sendoro kukitakīdi, kuyatōidi. Moe poyapoyayana goi kuutaoya poyapoya kimaasabaina yau umagu. Tateta 3:5
27219	ACT 7:34	Guna bodao Itipita goi idi kaiyakomou moitamo bogina agitedoko be idi taiyaduduwo bogina anove, tauna asou ama bei ayavedi. Tateta 3:7-8 Tuwo tuta ame goi kom aetunem kuna Itipita.” Tateta 3:10
27220	ACT 7:35	Ame Moseseyana, kidi sikatae sidigo kadi, “Kom avatau ivayokoim bego kai ama tolovina be nakae ama totakínona?” Tateta 2:14 Ame tauyana, kina Yaubada ivayoko kina Tokalibúbuna be totateta namlieta ina anerose boi taliboibo sinaena ina vaita goi Moseseyana ietune ina Isileli tubunao yaidi.
27464	ACT 13:33	go, bogina iguinuwe kita tauyadi tubudiyao yaida ame nakae: Yeisu ikinave bego Tauyana Guyau nakae Same idige kana, “Kom yau natugu; yau ame avanatunem.” Same 2:7
27465	ACT 13:34	E aiyuwoina Vala Dedevinayana moe Yeisu tokámasa yaidi goi ikaitáoe, tauna wowona geya itoboineyeta idáura. Moe nakae Yaubada idigedige tutayana idigo kana, “Kaga boi akatootuledi Devida yaina moe aba kubunuwa be nakae aba numisa, e nakae bei avinimi.” Aiseya 55:3
27466	ACT 13:35	Tauna kina Devida boi ituli ta Same goi Yaubada ilatuwoko idigo kana, “Bei geya kutagoneta yau im koroto kaasalaigu yaim wowogu valiwoga goi idáura.” Same 16:10
27472	ACT 13:41	Tauyadi Yaubada ina livala sitalavaite sidigo kadi, “Komi kokaiwootetegu, konovēgu! Tayamo guinuwa gagaaina imi tuta goi bei aguinuwe komi yaimi. Guinuwayana bei igoyo toina. Nakona tomota sigimilatuwokoimi bei aguinuwe go, komi bei geya konumiseyeta bego dogoiyana aguinuwe. Tauna guna guinuwayana pasina kokaināopa namlieta kovailāi!”’ Abekuki 1:5
27478	ACT 13:47	Moitamo, itoboinema kana kidi Totuyoyowo yaidi. Tomoya nakae bogina ilovinaema idigo kana, “Avayokoim kidi Totuyoyowo adi mavada, bei yava valena kunave da poyapoya liliudi kuvatulukoidi.”’ Aiseya 49:6
27807	ACT 23:5	Ago kina Pauloyana idigo kana, ‘Segowo, geya ayagoiyeta bego tauyana Tonúwala Toolagaina. Neta ayagoi, e geya abobwareta geya. Moitamo. Gínina Kimaasabaina goi Yaubada idigo kana, “Imi tolovinao taabu kotagiiwoīdi.”’ Tateta 22:28
28015	ROM 1:17	Manakaeda tayagoi Valayana moe Yaubada ina togaga? Ame nakae: Vala Dedevinayana sinaena goi Yaubada ina kibóbwata ana kanasíuna manuna bogina ikaiwoduwe. Ina kaiwoduwoyana moe Tauyana aba numisa pasina go, kita tonumisa manuda. Moe Gínina Kimaasabaina nakae idige kana, ‘E kina tokibóbwata numisa goi iiketoiya.’ Abekuki 2:4
28054	ROM 2:24	Gínina Kimaasabaina nakae italavaitemi idigo kana, ‘Yaubada yoina Totuyoyowo sitagiwoi komi pasimi.’ Aiseya 52:5
28063	ROM 3:4	Geya, geya toina! Yaubada aba numisa, sopana be ina guinuwa sivavasa! Nakona tomota liliudi sipola o tadigo kada, ‘Sopadi be idi guinuwa ituli ituli’ go, tuwo Yaubada aba numisa, sopana be ina guinuwa sivavasa! Moe moitamo ina liuna manuna nakae. Moe tayagoi unana boi nimatu Gínina Kimaasabaina goi Devida igini ina goyo ana liuna manuna. Yaubada ina liunayana manuna Devida Yaubada ilatuwoko kana, ‘Tomota bei sikamoitamoem bego kom im bóbwara im liuna manuna kukibobosidi. Nakae im kotu goi tomota geya itoboinedita sitakinoim kadi, “Im lovina liuna manuna kom geya kukivavaseta.”’ Same 51:4
28071	ROM 3:12	Madabokidi Yaubada situgavile. Nakae tauyadi geya basabasaidimo Tauyana yaina. Geya vatau tayaamo yabobona iguinuwe, geya toina! Same 14:1-3, 53:3
28072	ROM 3:13	Tobudi valiwoga katupaaevaina nakae, tauna idi bóbwara ibówana. Maedi goi sipolapola. Same 5:9 Sopadi goi moteta bolaausina nakae, e idi bóbwara goi tomota sikaogoyoedi. Same 140:3
28073	ROM 3:14	Tauyadi tobudi atubolata be kubukasa goi sikaayaoda. Same 10:7
28077	ROM 3:18	Tauyadi sinuwonúwana kadi, “Yaubada geya kamatoiteyeta.”’ Same 36:1
28093	ROM 4:3	Manakaeda tayagoi moe moitamo? Gínina Kimaasabaina nakae idige, kana, ‘Eberamo inumisa Yaubada yaina, e ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’ Aba Vatowo 15:6
28099	ROM 4:9	E tuwo manakae? Amo dedevinayana Devida idigedige moe kita sakavaida kuuponidi adetava manuda, gea kidi sakavaidi geya adi kupwanamo nakae manudi? Madabokiida ae? Ame bogina adige Eberamo manuna kagu, ‘Ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’ Aba Vatowo 15:6