87	GEN 4:7	Neta im guinuwa dedevina, bei mam uyáwana ae? Go neta im guinuwa geya idedevineta, e bágala yoguyogu sasasaina nakae totom goi iyokabúbuna; latuwona kom ilovinaem go, ina togaga kulovināe.’
92	GEN 4:12	Bego poyapoyayana goi kubágula go, kom manum poyapoya ilogoyo. Tauna poyapoya ame goi kom bei kuketoiya beso; geya im kasamo.’
96	GEN 4:16	E Keni itaoya Yauwe matana goi isowóduwo ina asa yoina Nodi; moe Ideni bomatu dadavina.
135	GEN 5:29	Tuwo idigo kana, ‘Nakona ame gomanayana ibíbina gagaina baige isawoilaveda ida paisewa moumouna goi; paisewayana moe poyapoya Yauwe boi ikatubolate pasina.’ Tauna natuna ivayou Nowa.
244	GEN 10:9	Yauwe matana goi Nimrodiyana tovakauko toogagaina. Tauna tauyana tomota adi kaba katutúkwana. Avatau neta nakae iguuinuwe tomota siyapaliye kadi, ‘Tauyana Nimrodi nakae; tauyana tovakauko toogagaina Yauwe matana goi.’
274	GEN 11:7	Tawou, tasōu niyadi takinigonigōe; tamo tamo niyadi ituli ituli, e bei geya itoboinedita sediyao niyadi siyagoi.’
309	GEN 12:10	Sikaiyaka aaa, e Kenani goi loga isowóduwo. Logayana gagaina, tauna Eberam kidi sitaoya sina Itipita goi bego sisuvadavada; loga ana kaba lukavava situyaosi.
321	GEN 13:2	Ego Eberam bogina iguyau; ina esaesa moe yoguyogu bulumakau, sipi, goti, siriba be goura.
350	GEN 14:13	Sinavedi go, koroto tayamo isiya ima Eberam, tauyana Iberiu, ilatuwoko idigo kana, ‘Eberam, Kedolaomera ma senao sina Sodoma tomota silauidi go, am gómana natuna Loti siyoisi, sinave.’ Ego amo tutayana Eberam ikaaiyaka koroto tayamo yoina Mamre ina kalova gagaidi goi. Mamreyana Emori tubuna go, senao Esikoli be Aneri. Ago adi taito Eberam taiyao silamgógana; latuwodi Kedolaomera ma senao idi tovayaviyayao sivatapiyedi.
415	GEN 17:17	Tuwo Eberamo aena ivatugúyala ikanakabobo go, ivanama; ina nuwonúwana kana, ‘Yau guna tala tayamo andedi (100) go, Sera ana tala naintinain (99). Manakae? Itoboinema kavenátuna?’
430	GEN 18:5	go, avami giyaina akabi, avinimi kokáika bei togaga kobabane imi koidádana manuna. Komi bogina kowowoinegu unana koma yau imi pákwana guna vada, tauna latuwogu bego avaitemi.’ E kidi sitagona kadi, ‘Uyama. Moe dedevina; nakae kuguinūwe.’
436	GEN 18:11	Ego kina Eberamo bogina ikaitomoya; kina Sera nakae bogina ikainamoya. Tauna geya itoboineyeta ivenátuna unana bogina itobuvavina.
437	GEN 18:12	E tuwo Yauwe ina livala inove, tauna ivanama; ina nuwonúwana kana, ‘Ii, yau bogina akainamoya go! Monegu nakae ikaitomoya go, manakae? Masisi ana uyáwana bei alotowomnei?’
440	GEN 18:15	E Serayana imatoita, tauna ilawoiwoi kana, ‘Yau geya avanameta.’ Go kina Yauweyana idigo kana, ‘Geya. Moitamo, kuvanama; bogina anovem.’
450	GEN 18:25	Go moe geya nakae im sinapu geya. Iyaa! Neta toogoyoidi tokibóbwata taiyao kumtulidi, moe ana kaigigita tauyadi matam goi sivavasa. Ago kom kai da poyapoya ama totakínona; itoboinem kutakinona vavasa ae?’
467	GEN 19:9	Go kidi korotoyadi sidigo kadi, ‘Geya! Kusiyāmo!’ Go taudiva kadi, ‘Iyaa! Ame tauyana ogaoga go, manakae? Bego itakinoida?’ Tuwo Loti silatuwoko kadi, ‘Ima guinuwa yaim bei igoyo toina.’ Tuwo Lotiyana sivatubibi nakae niboda sivalabelabene; latuwodi bego sikaugaegae, e sisiu.
498	GEN 20:2	Amoko goi sikaaiyaka go, koroto maniyedi sima Eberamo monena sigite kadi, ‘Eberamo, moe ava vavina?’ Eberamoyana imatoita, tauna ipoledi idigo kana, ‘Tauyana niugu. Yoina Sera.’ E da Garara adi tolovina yoina Abimeleka ikaaiyaka go, inove Sera moe Eberamo niuna; latuwona ikabi bego monena. Tauna ina pakonayao ilatuwokoidi idigo kana, ‘Kōna Sera kokābi kōme.’
588	GEN 23:16	Eberamo poyapoya ana maisa inove, idigo kana, ‘Nakae dedevina. Atagona; bei aemaisi.’ Tuwo Eta tubunao matadi goi ina mani ikatuyaivi nakae Epironi idige. Ikatuyaivi ikavava, ivini.
600	GEN 24:8	Go neta vavinayana geya latuwona ima ameko, e moe tuwo; atotulayana ana talígava bogina kubabane. Go dogoi gagaina moe natugu taabu kunavenāve guna kasa amoko goi.’
604	GEN 24:12	Kameri silovinaedi ikavava, pakoninayana ikawanoi Yaubada yaina idigo kana, ‘Yauwe e, kom guna tomoya Eberamo ina Yaubada, akawanoiyem; latuwogu bego tauyana kukubunuwe, e bei ame tuta ana dedevina ababane.
613	GEN 24:21	E kina go korotoyana geya iboboreta, go sem vavinayana idumakavaateyamo; latuwona iyagoi nakona Yauwe bogina ina guinuwa goi ina koidádana imalatomota.
681	GEN 25:22	Ikéuwama go, gamona goi gogómana lalavi sivadidídina, tuwo Ribekayana ina nuwonúwana kana, ‘Kaga unana ame isowóduwo yau yaigu?’ Tuwo ikawanoi Yauwe yaina; latuwona bego iyagoi.
686	GEN 25:27	E gogomanayadi bogina sibíbina gagaidi. Iso togivakauko; aitowo nuwona ikabi. E kina go Yakobo ituli; tauyana koroto sakuululuna nakae tuwowoonuwaina, tauna tuta liliuna yoyou parai goi ikaaiyaka.
698	GEN 26:5	unana Eberamo sopagu ikabikaone; guna lovina, guna vatulúkwana, guna liwola be nakae guna livala ikabikaonedi. Tauna boda liliudi bei siyagoi yau akaipakuyedi.’
755	GEN 27:27	Tuwo Yakobo ina tamana iyowoi go, Yakobo ana kwama mainina Aisake inove, e idigo kana, ‘Aa natugu mainina nakae yoyowo mainina; yoyowoyana Yauwe ikaipakuye.’ Tuwo ikaipakuye idigo kana,
779	GEN 28:5	Aisake ibóbwara ikavava, Yakobo ietune ina Padani Aram. Padani Aramyana moe Yakobo be Iso doiyadi Lebani ina kasa; Lebaniyana tamana Betuweli guma Aram.
791	GEN 28:17	Go tauyana atena iyova gagaina toina, idigo kana, ‘Iyaa! Ame poyapoyayana moitamo aba kateyova gagaina toina! Ame moitamo Yaubada ina vada; nakona yábana ana kaba siu!’
979	GEN 33:18	E boi Padani Aram ikalave, e mana dedevina isowóduwo asa Sekem goi; moe Kenani sinaena. Asayana kikina goi ina yoyou parai iyowóidi.
983	GEN 34:2	Ego koroto tayamo yoina Sekem ikaaiyaka, tauyana Emori natuna; ina bodao yoidi Ivai. Emoriyana asa Sekem ana tolovina. E kina Daina isiu asayana goi Sekemyana ikandobala Daina igite, tuwo ina ivinayoisi imasisiye, e igieomaemae.
984	GEN 34:3	Ikavava, Dainayana maisina ivakone. Tuwo Sekemyana nuwona ikabi toina; latuwona inai. Tuwo ilumakikine bego itagona taiyao sinai.
1109	GEN 37:25	Silave ikavava, ivatabaledi sina tupwana aduwanau goi situsobu bego sikáika go, sikandobala Isimaeli tubunao sigitedi Giliyadi dadavina goi simamaima. Ego tauyadi idi kameri pútuma, be alovamamaina sisina dedevidi sivakavaledi; latuwodi sina Itipita goi idi putumayadi sikaigimonedi.
1120	GEN 37:36	E kidi go Midiyani tubunao bogina Itipita goi sisiu go, Iyosepayana sikaigimone Potipari yaina; tauyana Pero ina tovakumgo tayamo go, ina deri ana toyausayao adi tokalikumatana.
1176	GEN 40:3	Tuwo ina deri ana toyausayao adi tokalikumatana ilatuwoko idigo kana, ‘Kūna adi taiyuwo kuyoisīdi, e deri goi kuvaisīudi.’ Tuwo moitamo ina nakae iguinuwe; adi taiyuwokova ikabidi deri goi ivaisiudi sikaaiyaka. Ego amo deriyana goi Iyosepa nakae nava ikaaiyaka.
1215	GEN 41:19	Sikakáika go, ituli ta bulumakau ainima aiyuwo sisinalaga. Bulumakauyadi sigoyo nakae sibagabaga. Adi kaigigita igoyo. Geya tayaamo tuta Itipita goi bulumakau agite ame tauyadi nakae; sigoyo toina.
1227	GEN 41:31	Talayadi dedevidi bei konuwoilavedi loga pasina. Bogina kuyagoi; logayana bei igoyo toina.
1239	GEN 41:43	Ego Pero ina sariyota aiyuwo, tayamo moe toinina manuna go, tayamo moe ana tosavaiyuwo manuna. Tuwo Iyosepa ilatuwoko idigo kana, ‘Iyosepa, guna sariyota tayamo avinim, e sariyotayana goi kusowōya.’ Tuwo isowoya go, koroto maniyedi sivakumgo sidigo kadi, ‘Toolagaina imamaima; aemi kovatugūyala!’ Ame nakae Iyosepa ivayoko kina ana katumapu bei Itipita ana madabokina iloovinae.
1253	GEN 41:57	Ago ituli ta kasa liliudi goi tomota sima Itipita bego witi sigimona Iyosepa yaina. Bogina kuyagoi; logayana gagaina poyapoya ana madabokina goi.
1257	GEN 42:4	E kina go Iyosepa ana gómana Beniyamina ikaaiyaka; Yakobo geya ietuneyeta senao taiyao. Imatoita; ina nuwonúwana kana, ‘Nakona bei vailai ibabane.’
1258	GEN 42:5	E tuwo Isileli natunao be Kenani tomotaidi taiyao sina Itipita goi bego adi witi sigimona. Bogina kuyagoi; Kenani asaina tomota loga sikámasa.
1271	GEN 42:18	Go maliyalina aitonina goi Iyosepa ina topaisewayao ilatuwokoidi sina tuwowonao deri goi sikabidi simedi. Sina sikabidi simedi, Iyosepa ilatuwokoidi, idigo kana, ‘Neta guna nuwonúwana bei alatuwokoimi koguinuwe, e ma yawoimi kokaaiyaka. Bogina koyagoi; yau Yaubada ataaimamine.
1296	GEN 43:5	Go neta gomanayana geya kutagoneyeta, e kai geya kanoita. Bogina kuyagoi; korotoyana idigo kana, “Neta ami gómana kome yau yaigu, e bei atagona ami witi kogimona, go geya, e geya kogiteguta.”’
1312	GEN 43:21	Ego tutayana kanonoina ima kasa manuna, e tunagu tayamo goi kawaiwasi, e ima baiki kakatupaevedi go, kai tamo tamo ima mani ma saisailidi madabokidi kagitebabanedi! Tauna maniyadi kamedi; latuwoma bego kavinimneim.
1314	GEN 43:23	E tovakumgoyana idigo kana, ‘Mani manuna taabu konuuwonūwana be nakae taabu koomatōita. Imi Yaubada, Tauyana tamami ina Yaubada, nakona imi esaesa ivinimi; imi baiki goi idodoidi. Boi mainao imi mani komedi bogina akabidi.’ Ibóbwara ikavava, ina Simioni ikabi, ime kidi yaidi.
1323	GEN 43:32	Tuwo awoinu sivaidede go, Iyosepa aneta ikaaiyaka, senao nakae aditava. Maniyedi da Itipita sikaaiyaka go, kidi nakae aditava. Bogina kuyagoi; kidi da Itipita geya itoboinedita kidi Iberiu taiyao sikáika. Moitamo. Moe sinumolaita.
1456	GEN 48:4	idigo kana, “Kunōve. Bei akisailim, e bei tubumowo badabadaidi. Tauyadi goi boda ituli ituli bei sisowóduwo. Ame poyapoyayana tubumowo bei avinidi; ikaiyako vata yaidi.”’
1477	GEN 49:3	Rubeni, Kom guna botomoya, guna togaga. Kom guna togagayana goi agimivenatunim; agitem kom guna togaga ana kaba kinana. Natugowo yaidi goi kom yoim gagaina be nakae kom totogaga.
1480	GEN 49:6	Boi imi egamogamogu goi koroto kokaumatedi be nakae mami uyáwana bulumakau kolauibesoidi. Tauna imi sinapu kotulutulu. Geya latuwogu bego asiuko; geya latuwogu bego akabivekoveko kidi taiyao.
1481	GEN 49:7	Imi egamogamogu ivakaigaga be nakae geya imi nuwokapisimo; tauna imi egamogamoguyana pasina akatubolatemi. Komi alivisimi guna bodao yaidi; tubumiyao bei akausapesapedi guna bodao yaidi goi.
1483	GEN 49:9	Kom laiyoni bonatuna nakae. Laiyoni ina sinapu ame nakae: Yoguyogu tayamo ikani ikavava, ikaluvila ina kebana goi imasisi. Koroto simatoita bego siwoini; tauna geya vatau tayaamo bei ima ilauim.
1495	GEN 49:21	Napatali, Yoguyogu woiwoi idi sinapu ame nakae: Toinidi silovina; nako latuwodi sina, e moe sina. E kom nakae. Ago natumowo nakae idi sinapu dedevina.
1559	EXO 2:4	Niugu giyakainava masigava goi itaoya iigitegu; latuwona bego iyagoi kaga bei isowóduwo yau yaigu.
1569	EXO 2:14	Go kina togiyosasalayana ibolagu idigo kana, ‘Kom avatau ivayokoim bego kai ama tolovina o ama totakínona? Manakae? Bego kwaumategu nakae boile guma Itipita kwaumate ae?’ E yau bogina amatoita; guna nuwonúwana kagu, ‘O guna guinuwa bogina siyagoi.’
1612	EXO 4:10	Go yau adigo kagu, ‘Tomoya, yau koroto geya bóbwara ana tokatanaki geya. Geya tayaamo tuta nakae itoboinegu. Boi nimatu geya; nakae ame tuta geya. Yau im pákwana kuvaadigoigu go, moe nakae geya itoboineguta. Yau sopagu maegu simoumou.’
1820	EXO 12:3	Kōna semiyao Isileli tubunao liliudi kolatuwokōidi kodīgo kami, “Ame tukowanayana sinaena maliyalina yawou goi bodayauwo adi tolovinayao tamo tamo kōna lami moe sipi bonatuna tamo tamo koyoisīdi; tauna lami tayamo bodayauwo tayamo.
1826	EXO 12:9	Taabu iwoidiyadi maamaidi kokakāika o taabu kovaaipolūdi, go sem kogabūdi; bulubuluna be aena be kaga liliuna posinae sinaena taiyao kogabūdi.
1922	EXO 15:1	E ame tutayana yau Isileli tubunao taiyao vesi ame kavesiye Yauwe yaina kama, ‘Bei avesi Yauwe yaina; Tauyana ana yapali ituko toina. Osi madi tokabikunuwoyao ikalisobuyedi sisou négwasa goi!
1923	EXO 15:2	Yauwe kina guna Tokitogaga; moe Tauyana aavesiye. Tauyana imalatoyava yaigu. Ame Tauyana guna Yaubada, bei ayapaliye. Tauyana tamagu ina Yaubada, bei yoina akilagasi.
1929	EXO 15:8	Kubum ipulu yawoim kusalauwe, e négwasa iwotai, dadavina e dadavina ilatokotoko ituko ina. E elu isayata ona inuwa; négwasa vaboda nakae itaoya. E negwasayana dimówana goi ikule ikasa.
2046	EXO 19:19	E síula niyana bogina ivakakana ima, e ivakaigaga toina. Yauwe aavadigo go, Tauyana niyana gagaina goi ikatumapugu; niyanayana ana taiyakeka palapala nakae.
2062	EXO 20:10	Go maliyalina ainima aiyuwoina moe aba waiwasi Yau Yauwe imi Yaubada umagu. Amo maliyalinayana goi taabu koopaisēwa; komi, natumiyao, imi pakonayao koroto be vevina, imi bulumakauyao be nakae ogaoga sikaaiyaka yaimi, paisewa geya.
2436	EXO 31:15	Maliyalina ana badabada ainima tayamo goi imi paisewa koguuinuwēdi go, maliyalinayana ainima aiyuwoina moe aba waiwasi, paisewa goi kosayāta; moe kimaasabaina Yau Yauwe umagu. Avatau neta amo maliyalinayana goi ipaisewa, kokaumateyāmo.
2461	EXO 32:22	Eroniyana idigo kana, ‘Guna tomoya, taabu kuegamoogamōgu yau yaigu. Amo tomotayadi kom bogina kuyagoidokoidi; kidi sinapu goyo nukotodi ikabi.
2511	EXO 34:14	Neta konuwaisi, taabu ituli ta yaubada yaina kosaakulūlu. Moe moitamo. Yau Yauwe yoigu Tovakókala; yau Yaubada vakookoligu.
7130	RUT 1:1	E koroto tayamo yoina Elimaleka go, monena Naomi taiyao Bedeliyema goi sikaaiyaka. Bedeliyemayana moe Yuda dadavina sinaena. Ma natuudiyao koroto adi taiyuwo; tayamo yoina Maloni, tayamo yoina Kiliyoni go, adi nunu yoina Eparati. E tutayana Isileli idi totaligavayao siilovina, Isileli sinaena loga gagaina isowóduwo losiye pasina. Tuwo Elimaleka monena natunao adi taiyuwo taiyao sitaoya, sina asa Moabe goi sikaaiyaka.
7135	RUT 1:6	E Naomi livala tayamo inove bego Yauwe ina bodao Yuda goi ivaaitedi; adi máliya bogina ivinidi. Tauna yaonao adi taiyuwo taiyao sitaoya, sikatubayasi bego Moabe sikalave go, sikaluvila sina Yuda.
7185	RUT 3:11	Ago vavina, geya kumatoiteta geya. Kaga liliuna kukawaanoiye bei aguinuwe. Moitamo. Tomota liliudi asa goi siyagoi kom guma Moabe; vavina dedevim.
7196	RUT 4:4	Yau anuwonúwana dedevina kom kuyagoi. Neta poyapoyayana latuwom kutatete, e tolovina ame matadi goi kutatēte. Ago geya, kulatuwokoigu bei ayagoi. Geya kada tayaamo koroto mana lovina geya; kom tauna amta kuulovina. Yau sobuyekoim.’ ‘Bei atatete’, toi kaena.
7203	RUT 4:11	Koroto gagaidi be tomota liliudi aba siuyana goi sikaaiyaka kadi, ‘U, bogina kagite.’ E tuwo sikaodedevine sidigo kadi, ‘Ame vavinayana giyakainava bei kunai, bei kina Yauwe ivaite bego ivenátuna nakae Reitiyeli be Reya sivenátuna; tauyadi natudiyao badabadaidi kai Isileli tubunao manuma. Bei esaesa kubabane im nunu Eparati sinaena. E nakae bei Bedeliyema goi tomota liliudi yoim siiyagoi.
7207	RUT 4:15	Yaom imatakoiyem be nakae ivaitem gagaina. Neta kom natumowo koroto ainima aiyuwo, geya adi kaipatamo sivaitem nakae yaom ivaitem. E ame tutayana tubum ivinim; tauyana bei yawoim ilisi tutayana kwainamoya.’
7209	RUT 4:17	Vevina tomota liliudi yaidi sidigo kadi, ‘Ame tutayana Naomi ma tubuna.’ Ago gomanayana sivayou Obedi; tauyana nava bei natuna Diyesi. Nava bei Diyesi natuna Devida.
22609	JON 1:9	‘Yau Iberiu. Yauwe, Tauyana Yaubada totobukukui yábana goi négwasa be poyapoya imadagidi; moe Tauyana ataaimamine’, Iyonayana kaena.
22613	JON 1:13	E kidi gelugeluyadi geya sikabiyeta, go sem oga sibeusikone; latuwodi bego siyava sina mamaya go, aivaya ivaituwe gagaina toina, tauna geya adi kaipatamo.
23216	MAT 1:3	Yudayana natunao moe Peresi be Serako go, sinadi moe Temari; tauyana Totuyoyowo tayamo. Peresiyana natuna Esironi. Esironiyana natuna Eram.
23218	MAT 1:5	Salimoniyana natuna Boasa go, Boasayana sinana moe Reyabi; tauyana Totuyoyowo tayamo. Boasa natuna Obedi go, Obediyana sinana moe Ruti; tauyana Totuyoyowo tayamo. Obedi natuna Diyesi.
23260	MAT 2:22	E sima go, Iyosepayana vala inove bego Erodi ana katumapu moe natuna Arekeleo Yudiya goi iilovina. Tuwo imatoita; geya latuwona sina amoko. E sabamgo tayamo imasisi, ikanamimi go, ina kanamimiyana goi Yaubada isowóduwo ilatuwoko idigo kana, ‘Taabu kunonōina Yudiya goi.’ Tuwo Iyosepa itaoya, gómana ma sinana ikabidi, sina Galili dadavina.
23261	MAT 2:23	Dadavayana goi sina asa tayamo yoina Nasareta; amoko goi silokasa. Moeko goi itoboine tokabivalavala idi livala boi sitalavaaitedi simalatomota. Sidigodigo bego Tauyana siduduwe guma Nasareta.
23268	MAT 3:7	E Iyoniyana ikandobala Parisi be Sadusi badabadaidi igitedi simamaima; latuwodi adi sayóyova go, ilatuwokoidi idigo kana, ‘Komi siyasiyaimi moteta nakae! Manakae? Konuwonúwana bego sayóyova kaka goi itoboinemi Yaubada ina egamogamogu imamaima yaina kosiya ae? Sayóyova kaka geya ivaitemita! Mainao imi goyo goi kotugavīla!
23272	MAT 3:11	Yau bwae goi asaayoyoimi. Moe imi tugavila ana kaba kinana. Go koroto tayamo mligu goi imamaima itobukukuyuigu; nakae geya itoboineguta bei ana sendoro akavaledi unana yau sobuyekoina. Tauyana Baloma Kimaasabaina be yeu sabeninimina goi bei isayoyoimi.
23273	MAT 3:12	Tauyana ina kaba takínona bogina iyokaabubune; giyakainava bei witi kutukutuna be mosamosaina itakinodokoidi. Ikavava, ana kutukutu bei ikabidi, ina sánala goi idodoidi go, mosamosayana, bei ikabidi yeu aiyako vaatayaina goi igabudi.’
23296	MAT 4:18	E Yeisu Galili Bwaena labutabutaina goi iivayali go, koroto maa siyana igitedi; tayamo yoina Saimoni go, youyuwoina moe Pita, e siyana yoina Anduru. Adi taiyuwokova idi úwata bwae goi silavelave. Bogina koyagoi. Tauyadi toúwata.
23391	MAT 7:6	Kaga kimaasabaina Yaubada umana taabu weiniya koovinīdi, govila bei situgavila sikanimi. Imi esaesa taabu koolavēdi bao matadi goi, govila bei sivabaibailidi. Tomota Yaubada valena sikatae nakae; taabu kovatuulukōidi, govila bei valayana sitagiwoi o sibugoyaimi.’
23400	MAT 7:15	Tuwaina Yeisu kana, ‘Ami dodōkana! Tokabivalavala polapola bei sima; adi kaigigita sipi kaitoowosidi nakae. Kom go vatau? Kidi sinaedi weiniya woliwoli nakae latuwodi sikanimi!
23408	MAT 7:23	Amo tutayana tauyadi bei alatuwokodokoidi kagu, “Yau geya ayagoimita; komi geya yau guna bodao geya. Komi tokapipilova, kosīya!”’
23422	MAT 8:8	Ago kina tovakumgoyana idigo kana, ‘Geya, Tomoya. Yau toosobugu; geya itoboineguta bego guna vada goi kusiu, go sem kom mam lovina kubobwarāmo, bei guna pakonayana iboboina.
23448	MAT 8:34	Tuwo toni kasayadi madabokiidi sima; latuwodi Yeisu sivalobode go, tutayana sigite, sikawanoi makimaki kadi, ‘Ima kasa kwalāve!’
23484	MAT 9:36	Ego boda iigitedi, geya adi tovaitamo sinuwokubukubu; tauyadi sipi geya adi tomatakavatamo nakae, tauna inuwokapisiyedi.
23502	MAT 10:16	Tuwaina Yeisu kana, ‘Konovēgu. Komi sipi nakae aetunemi kona guna kaleyayao yaidi goi; tauyadi weiniya woliwoli sasasaidi nakae. Tauna mami nuwosinapu moteta nakae go, imi sinapu maavadaidi bunabuna nakae.
23568	MAT 12:10	Koroto tayamo amoko goi ikaaiyaka, nimana napanapaina go, kaamasina. Kidi Parisi nakae sikaaiyaka; latuwodi bego Yeisu sikamamaetali Sabati ana lovina ana tokapipilova, tuwo silumadade sidigo kadi, ‘Manakae? Yaubada ina Katukeda itagoneda Sabati goi tomota takidedevinedi gea geya?’
23604	MAT 12:46	Yeisu nava boda ilatuuwokoidi go, sinana be senao sima moetala goi siitaoya; latuwodi bego Tauyana silatuwoko.
23605	MAT 12:47	E tomota tayamo idigo kana, ‘Gwa! Sinam be semowo moetala goi siitaoya; latuwodi kom kunovedi.’
23631	MAT 13:23	E tomota maniyedi amo poyapoyayana dedevina nakae tutayana kutukutu sisou sitabo. Ame tauyadi moitamo Yaubada ina kalibúbuna valena sinove, siyagoi be nakae keuwoidi dedevidi sikeeuwoedi; maniyena andedi (100), maniyena siksti (60), maniyena teti (30).’
23660	MAT 13:52	E Yeisu kana, ‘Dedevina. Imi yagoinayana pasina Yaubada ina Katukeda ana tovatulúkwana tamo tamo neta Tokalibúbuna sisabokuliye, e tauyadi toni vada tayamo nakae; ina esaesa bogo be ina esaesa vau ikaiwoduwedi unana itoboinedi vatulukwana bogo be vatulukwana vau sivatulúkwana.’
23663	MAT 13:55	Iyaa! Amo Tauyana vada ana toyówana natuna tauna. Sinana tayagoi; tauyana Meri. Senao moe Yemesa, Iyosepa, Saimoni be Yuda.
23687	MAT 14:21	E kidi go tokaikayadi yaidi goi vevina be gogómana geya kakatuyaividita, go sem koroto kaka kakatuyaividi; adi badabada moe ainima tausani (5,000).
23726	MAT 15:24	E Yeisu itugavila vavinayana ilatuwoko idigo kana, ‘Tamagu ietunegu ama komi Isileli tubunao amitava yaimi goi; komi tauyami sipi sulaaigidi nakae.’
23871	MAT 20:10	Ago tutayana tovakumgoyadi sima, sinuwonúwana bego tuwaina bei sikabi go, geya; adi maisa tauna nakae. Tamo tamo mani tayamo sikabi.
23881	MAT 20:20	E tuwo Sebedi monena ma natunao sima Yeisu yaina go, vavinayana aena ivatugúyala; latuwona ikawanoi tayamo dogoi manuna.
23900	MAT 21:5	‘Saiyoni natuna vavina kolatuwōko kami, “Gwa! Im Tokalibúbuna ma sakuululuna ase yatana iitulaga; aseyana moe ase bonatuna. Go im Tokalibubunayana iimekoim.”’ Sakaraiya 9:9
23906	MAT 21:11	E kidi go bodayadi kadi, ‘Amo Yeisu; Tauyana tokabivalavala tayamo guma Nasareta Galili sinaena.’
23953	MAT 22:12	Tuwo ilatuwoko idigo kana, “Naveya, kom nai ana kwama geya kulosiyeta go, to kusiu kuma ae?” Go korotoyana itugau; geya itoboineyeta ikatumapu.