67	GEN 3:11	Go Yaubada idigo kana, ‘Avatau ilatuwokoim bego kom kupawaku? Manakae? Alovayana keuwoina asanaabodem bogina kukani?’
86	GEN 4:6	E Yauwe idigo kana, ‘Keni, kaga unana gamom igoyo? Kaga unana kubum ipulu?
87	GEN 4:7	Neta im guinuwa dedevina, bei mam uyáwana ae? Go neta im guinuwa geya idedevineta, e bágala yoguyogu sasasaina nakae totom goi iyokabúbuna; latuwona kom ilovinaem go, ina togaga kulovināe.’
89	GEN 4:9	E Yauwe Keni ilatuwoko idigo kana, ‘Siyam Ebeli nako?’ ‘Seki, geya ayagoiyeta. Manakae? Yau siyagu ana tomatakavata?’ Keniyana kaena.
273	GEN 11:6	Igitedi, idigo kana, ‘Iyaa! Kaga tuwaina bei siguinuwe? Tauyadi boda tayamo be nakae niyadi tayamo. Tauna neta ame vadayana silukavave, e kaga neta latuwodi, itoboinedi siguinuwe.
363	GEN 15:2	Go kina Eberamyana idigo kana, ‘Yauwe guna Tomoya, yau bei geya natugumo akámasa go! Tauna kaga ana dedevina neta kónana kuvinigu? Yau guna katumapu moe guna pákwana Eliyesa guma Damasiko.’
390	GEN 16:8	Ibabane, e idigo kana, ‘Ega, Serai ina pákwana, nako kuma? Bei nako kuna?’ ‘Guna towosi Serai matana goi asiya’, Egayana kaena.
415	GEN 17:17	Tuwo Eberamo aena ivatugúyala ikanakabobo go, ivanama; ina nuwonúwana kana, ‘Yau guna tala tayamo andedi (100) go, Sera ana tala naintinain (99). Manakae? Itoboinema kavenátuna?’
437	GEN 18:12	E tuwo Yauwe ina livala inove, tauna ivanama; ina nuwonúwana kana, ‘Ii, yau bogina akainamoya go! Monegu nakae ikaitomoya go, manakae? Masisi ana uyáwana bei alotowomnei?’
438	GEN 18:13	Go kina Yauwe idigo kana, ‘Kaga unana Sera ivanama? Kaga unana idigo kana, “Yau bogina akainamoya, bei moitamo avenátuna”?
442	GEN 18:17	Sigitegite go, Yauwe inuwonúwana kana, ‘Manakae? Eberamo alatuwoko manakaegu bei aguinuwe Sodoma yaina gea geya?
448	GEN 18:23	E ivalabelabena Yauwe yaina idigo kana, ‘Tomoya, manakae? Tokibóbwata toogoyoidi taiyao bei moitamo kumtulidi?
449	GEN 18:24	Neta tokibobwatayadi adi badabada pipti (50) asa goi sikaaiyaka, bei da Sodoma madabokidi kumtulidi gea tokibobwatayadi pasidi toogoyoidi kunuwotaoidi?
452	GEN 18:27	E Eberamo idigo kana, ‘Tomoya, yau kaga? Tomota tayamo poyapoya kaukauna tauna. Go tuwo bokoyo magu katepatu avadigoim go, guna digopopóita kunuwotao.
453	GEN 18:28	Neta tokibóbwata adi badabada poti paibi (45) taudi Sodoma goi sikaaiyaka, manakae? Bei toni kasa liliudi kumtulidi?’ ‘Neta tokibóbwata adi badabada poti paibi (45) ababanedi, e toni kasayadi madabokidi geya amtulidita’, Yauwe kaena.
463	GEN 19:5	Sitaaoyakobu go, Lotiyana siduduwe sidigo kadi, ‘Loti e! Koroto maine lavilavi im vada goi sisiusiu nakoidi? Kwaiwoduwēdi bei kamasisiyedi!’
467	GEN 19:9	Go kidi korotoyadi sidigo kadi, ‘Geya! Kusiyāmo!’ Go taudiva kadi, ‘Iyaa! Ame tauyana ogaoga go, manakae? Bego itakinoida?’ Tuwo Loti silatuwoko kadi, ‘Ima guinuwa yaim bei igoyo toina.’ Tuwo Lotiyana sivatubibi nakae niboda sivalabelabene; latuwodi bego sikaugaegae, e sisiu.
470	GEN 19:12	Tuwo koroto adi taiyuwo vada sinaena sidigo kadi, ‘Loti, giyakainava bei ame asayana madabokina kamtulidi. Yauwe matana goi idi goyo bogina ivakaigaga, tauna ietunema kama bego kamtulidi. Tauna aivina im bodao amedi Sodoma sinaena? Neta natumowo o yaomowo o avakavamowo sikaaiyaka, e asa goi kwabīdi go, kosīya.’
500	GEN 20:4	E kina go Abimelekayana idigo kana, ‘Tomoya, tauyana geya abisikoneyeta. Yau koroto kiboobosigu be nakae guna bodao dedevidi. Go manakae? Kwaumatema?
531	GEN 21:17	Ago gomanayana ina táiya Yaubada inove, tuwo ina anerose yábana goi itumasobu idigo kana, ‘Ega, kaga kutaiyae? Taabu kuumatōita. Gomanayana amoko goi iitusobu ina táiya Yaubada bogina inove.
549	GEN 22:1	E Eberamo ikaaiyaka go, Yaubada inuwonúwana kana, ‘Moitamo Eberamo bei sopagu ikabikaone gea geya? Tuwo bei avakakone, agite.’ E idigo kana, ‘Eberamo!’ ‘U, amegu’, Eberamoyana kaena.
587	GEN 23:15	‘Guna tomoya, kunovēgu. Poyapoyayana ana maisa siriba ana badabada poa andedi (400) go, moe dogoi besobeso yaida ae? Poyapoyayana avinim. Tuwo kūna im tomata kuvaliwōge.’
597	GEN 24:5	Go ina pakonayana idigo kana, ‘Go neta vavina tayamo ababane go, geya latuwona bego ima ameko, bei manakaegu? Bei natum akabi anave im kasa goi gea geya?’
615	GEN 24:23	Ivalilividi ikavava, idigo kana, ‘Kulatuwokōigu tamam avatau? Nakae aivina vabodaupa sikaaiyaka itoboinema yau segowo taiyao ina vada goi kamasisi?’
623	GEN 24:31	E idigo kana, ‘Siyagu, kom Yauwe bogina ikaipakuyem, e kūma. Kaga unana ameko goi kuutaoya? Vada bogina akatubayasi, e nakae kameri kebadi bogina akatubayasidi. Tauna kūma tāna guna vada!’
641	GEN 24:49	E komi Eberamo boda tayamo. Tauna manakae? Neta guna tomoya Eberamo bei kokubunuwe be nakae imi guinuwa goi komi bei aba numisa tauyana yaina, e kolatuwokōigu, e vavinayana akabi anave. Go geya, kolatuwokōigu bei imi nuwonúwana ayagoi, e bei ana alusala aivina kenao sikaaiyaka Aisake monena.’
701	GEN 26:8	E Aisakeyana bogina tuta maanawena amoko goi ikaaiyaka, e tuta tayamo ma monena Ribeka siituyuwo. Siituyuwo go, Aisake ibisibala Ribeka wowona ikatumoyasu. Adi taiyuwokova sinuwonúwana kadi, ‘Nakona adetava.’ Kom go avatau? Abimeleka, tauyana da Palisiti adi tolovina, ina vada goi ikaaiyaka, ikandosobu igitedi.
702	GEN 26:9	Tuwo Aisake iduduwe ima ilatuwoko idigo kana, ‘Aisake, amo vavinayana moitamo monem ae? Kaga unana kupola kam, “Tauyana niugu”?’ Aisakeyana idigo kana, ‘Unana amatoita. Guna nuwonúwana kagu, “Vavinayana pasina bei sikaumategu.” Tauna kagu, “Tauyana niugu.”’
720	GEN 26:27	Sima go, Aisakeyana ilumadádana kana, ‘Kaga latuwomi koma? Boi kokaolilivegu be nakae kovalilivegu, tauna kaga unana koma?’
761	GEN 27:33	Tuwo Aisakeyana wowona itátava gagaina toina, e idigo kana, ‘Go maine vatau ima? Tauyana awoinu dedevina iwodugu ime ivinigu akáika. Makaitaga akáika ikavava, e kom kuma. Go tauyana bogina akaipakuye, tauna aipakuyana ikaiyako vata yaina, geya itoboineguta akuliuye.’
764	GEN 27:36	Tuwo Isoyana idigo kana, ‘Tauyana sivayoudoko Yakobo ae? Bogina sivayuwo ikatubaukoigu. Boi guna tapavívila goi tauyana ivaobugu, e tauna tauyana imalabotomoya mana lovina go, ame tuta guna kaipaku isonane.’ Tuwaina kana, ‘Go tamagu, manakae? Itoboinem yau nakae kwaipakuyegu gea geya?’
766	GEN 27:38	Go kina Isoyana idigo kana, ‘Go manakae? Sivatayamo tauna itoboinem kwaipaku ae? Tamagu! Yau nakae kwaipakuyēgu!’ Tuwo Iso itáiya gagaina.
803	GEN 29:7	E Yakoboyana idigo kana, ‘Kaga unana sipi komedi? Ame dine, níyala ivakaigaga go! Ame geya idi tuta kolamgogoidi sabamgo manuna. Tuwo kovanīmdi baige kokaluvilemnēidi konavēdi limou sikáika.’
821	GEN 29:25	E Yakobo ma monena simasisi vanuwo itomo, Yakobo itaoya ikandobala Reitiyeli geya, go sem Reya igitebabane. Tuwo ina doiyana Lebani ilatuwoko idigo kana, ‘Ame kaga kuguinuwe yau yaigu? Manakae? Yau im paisewa apaisewe Reitiyeli manuna gea geya? Moitamo Reitiyeli manuna ae? Go kom kaga unana kwatubaugu?’
833	GEN 30:2	Tuwo Yakobo gamona igoyo ibolagu, idigo kana, ‘Manakae? Yau Yaubada nakae? Moe Yaubada ina guinuwa goi kom kukágala, yau geya!’
846	GEN 30:15	Go kina Reyayana ivagágala, idigo kana, ‘Kom manakae? Moe igoyo boi monegu kuneboigu. Go manakae? Ame tutayana latuwom natugu ana mandareki keuwoina nakae kuneboigu ae? Geya!’ Tuwo Reitiyeliyana idigo kana, ‘Neta keuwoinayadi kuvinigu, atagona sabamgo ame goi Yakobo kom taiyao komasisi.’
861	GEN 30:30	Kunuwaisi, boi mainao ama kom im sipi geya sibadebadeta go, ame bogina sisusáila gagaina. E kaga aguinuwe im sipiyadi manudi, e guinuwayadi pasidi Yauwe ikaipakuyem. Go manakae? Ava tuta goi bei kutagonegu bego apaisewa yau guna bodao manudi?’
900	GEN 31:26	E Lebaniyana ina Yakobo ilatuwoko idigo kana, ‘Yakobo, ame kaga kuyaniyani? Kom kusalupapaiyegu. Kaga unana natugowo kwabidi kunavedi nakae neta yaviya goi kuyoisidi?
901	GEN 31:27	Kaga unana kosiyagau nakae kusalupapaiyegu? Latuwogu bego avaduduwedokoimi uyáwana be vesi goi be nakae tamborini goi be api goi.
906	GEN 31:32	Go im tokwalu sem, sedao matadi goi kulusalēdi. Neta ameko goi kubabanedi, e avatau ivainaoidi takaumate. Ava konam kubabane, e kwābi.’ E Yakobo inuwonúwana Lebani ina tokwaluyadi manudi ibágala, tauna moe nakae ibóbwara. Kom go vatau? Tokwaluyadi Reitiyeli ivainaoidi!
910	GEN 31:36	E Yakobo bogina gamona igoyo, e Lebaniyana iboove, idigo kana, ‘Kaga guna kadoinana yaim? Kaga guna bágala bego kuma kuvatapiyegu?
911	GEN 31:37	Konagu liliudi goi bogina kulusala go, ava konam kubabane? Konamyana kwaiwodūwe kom semowo be nakae yau segowo yaidi, e bei sitakinoida. Tagite avatau ibágala, kom gea yau.
946	GEN 32:18	E yauwo vakuumgoina ana tomatakavata ilatuwoko idigo kana, ‘Tuwowogu Iso bei ivalobodem be ilumadadem kana, “Im tomoya avatau? Nako kunonoina? Ame avatau ina yoguyoguyao?”
1004	GEN 34:23	Go kogita. Idi yoguyoguyao be nakae idi poyapoya ana madabokina takabidi ae? Tauna kotagōna sakavaimi kokupoidi go, sikaaiyaka yaida.’
1092	GEN 37:8	E tuwo sibolagu, sidigo kadi, ‘Manakae? Bego kom kulovinaema ae? Manakae? Kom bego kuetokalibúbuna yaima ae?’ Tuwo tuwowonao sikaolilive gagaina toina ina kanamimi be nakae ina bóbwara pasidi.
1094	GEN 37:10	E nakae ina kanamimiyana tamana ilatuwoko go, tamanayana ibolagu kana, ‘Moe kaga kukanamimiye! Manakae? Kunuwonúwana bego sinam, tuwowomowo nakae yau bei aema kavatugúyala kom yaim goi?’
1110	GEN 37:26	E tuwo Yuda idigo kana, ‘Segowo, kaga ana dedevina neta ada gómana takaumate go, namlieta ana kaumata tatalamoumouye?
1181	GEN 40:8	‘Nuwobuna ama taiyuwo kakanamimi go, geya vatau tayaamo itoboine anamimiyadi italigeidi’, kidi kaedi. E Iyosepayana idigo kana, ‘Anamimi adi yagoina Yaubada anetava itoboine ivaiteda ae? Tauna imi kanamimi kolatuwokoigu go, nakona Yaubada ivatulukoigu adi yagoina.’
1187	GEN 40:14	Go tutayana am dedevina kubabane, kunuwaisīgu ae? Siyagu, yau guna kubunuwa kulolāse, e Pero kulatuwōko italigeigu.
1234	GEN 41:38	Tuwo Pero ilatuwokoidi idigo kana, ‘Manakae? Itoboineda koroto tayamo tababane Iyosepa nakae? Nakona geya. Ame tauyana yaina Yaubada Balomaina ikaaiyaka.’
1237	GEN 41:41	E Pero idigomna kana, ‘Iyosepa, bogina kunove? Ame tutayana avayokoim kom guna katumapu, asa Itipita ana madabokina nimam goi ayato bei kuloovinae.’
1254	GEN 42:1	E Yakobo vala inove bego Itipita goi witi ikaaiyaka, tuwo natunao iduduwedi sima ilatuwokoidi idigo kana, ‘Komi kaga kokaiyakoe?
1275	GEN 42:22	E Rubeni idigo kana, ‘Manakae? Boi alatuwokoimi gomanayana taabu koyogeedegēde gea geya? Moitamo alatuwokoimi go, geya konoveguta! Tauna ame ina kámasa ana katumapu bogina tababane.’
1289	GEN 42:36	E tamadi Yakobo gamona igoyo idigo kana, ‘Komi pasimi natugowo sitagau! Iyosepa bogina itagau. Simioni nakae itagau go, bego ame tutayana latuwomi Beniyamina kokabi konave? Neta konave, yau guna nuwomou koyatoyato!’
1297	GEN 43:6	Go kina tamadiyana idigo kana, ‘Kaga unana korotoyana kolatuwoko kami, “Ama gómana tayamo amoni?” Kogite? Guna mou bogina koyato!’ Tauyadi kadi,
1298	GEN 43:7	‘Korotoyana ilumadádana ima boda manuna. Tauyana idigo kana, “Tamami nava ikaaiyaka? Ami gómana tayamo amoni?” Tuwo kai katalavaitamo. Ago tauyana idigo kana, “Ami gómana kokābi, kōme.” Ego neta kayagoi tauyana ina nuwonúwana nakae, geya katalavaiteta.’
1318	GEN 43:27	E idigo kana, ‘Manakae? Dedevimi? Go tamami, tauyana dedevina? Nava ikaaiyaka ae?’
1320	GEN 43:29	E tauyana imatavilavila go, ana gómana Beniyamina igite, tauyana toinina sinana natuna, tuwo idigo kana, ‘Ame tauyana ami gómana ae? Boi kovateteli ae?’ Ego Beniyamina ilatuwoko kana, ‘Natugu, Yaubada bei ikanuwoiyem.’
1329	GEN 44:4	E kidi asa goi sisowóduwo siiketoiya ivatabaledi go, kina Iyosepa itaoya ina vada ana tovakumgo ilatuwoko kana, ‘Woilīm kutāoya, kūna amo korotoyadi kosabokuliyēdi. Tutayana kusakavatedi, kulatuwokōidi kam, “Manakae? Bego ima guinuwa dedevina goyo goi kokatumapu?
1330	GEN 44:5	Kaga unana guna tomoya ina vedi kovainao? Vediyana moe aba kinana, tauna moe vediyana goi itoboine iyagoi kaga bei isowóduwo. Moe imi guinuwayana, guinuwa goyogoyoina toina.”’
1332	GEN 44:7	Go kidi silawoiwoi sidigo kadi, ‘Ima tomoya, kaga unana nakae kudige? Iyagoida! Kai im pakonayao nakae geya kaguinuweyeta.
1333	GEN 44:8	Kunōve! Boi Kenani goi maniyadi kagitebaabanedi ima baiki sinaedi goi bogina kakaluvilemneidi. Tauna manakae? Bego im tomoya ina goura o ina siriba kavainaoidi? Geya!
1340	GEN 44:15	E tauyana idigo kana, ‘Ame kaga koguinuwe yaigu! Manakae? Geya koyagoiyeta bego yau koroto toogagaigu, tauna itoboinegu aba kinana goi akinane vediyana nako ina?’
1341	GEN 44:16	E kina Yuda idigo kana, ‘Ima tomoya, manakaema kabóbwara? Manakaema kavatulukoim bego kai geya tayaamo goyo kaguinuwe? Geya ae? Ima goyo Yaubada bogina ikaiwoduwe. Ame tutayana kai im pakonayao nakae, madabokima nakae korotoyana im vedi ivainao.’
1359	GEN 44:34	Moitamo. Manakaegu bei akaluvila ana tamagu yaina neta gomanayana geya taiyao? Geya. Yau geya anoita, govila bei tamagu ina kategeda agite.’
1362	GEN 45:3	E tuwowonao ilatuwokoidi idigo kana, ‘Segowo, yau Iyosepa ami gómana! Manakae? Tamada dedevina?’ Go kidi tuwowonao geya itoboinedita mainao sibóbwara. Atedi iyova gagaina Iyosepa maa yawoina pasina.
1425	GEN 47:4	‘Kama ameko goi kasuvadavada. Ima poyapoya bogina ilogoyo, tauna ima yoguyoguyao geya avadimo. Bogina kuyagoi. Kenani goi loga gagaina. Go ima tomoya manakae? Kutagona bego Goseni goi kakaiyaka gea geya?’
1436	GEN 47:15	Tutayana da Itipita be nakae da Kenani idi mani ikavava, e da Itipita liliudi sideli sima Iyosepa silatuwoko sidigo kadi, ‘Iyosepa, avama kuvinima. Manakae? Bego matam goi kakámasa? Kai ima mani bogina ikavava!’
1440	GEN 47:19	Manakae? Latuwom bego matam goi kakámasa be nakae ima poyapoya ilogoyo? Kai kugimonēma bei kai Pero ina pakonayao. Ima poyapoya nakae kugimonēdi. Ago awoinu kuvinīma kakáika be nakae witi kutukutuna kuvinīma kana kabágula kom manum, e bei kai ma yawoima be nakae poyapoya geya ilogoyoita.’
1526	GEN 50:19	Go kina Iyosepayana idigo kana, ‘Geya komatoiteguta geya. Manakae? Yau Yaubada? Geya!
1542	EXO 1:9	E ina bodao da Itipita ilatuwokoidi idigo kana, ‘Bogina kogite? Isileli tubunao bogina sisusáila gagaina nakae adi badabada sikalisaveda be sitogagasaveda!
1569	EXO 2:14	Go kina togiyosasalayana ibolagu idigo kana, ‘Kom avatau ivayokoim bego kai ama tolovina o ama totakínona? Manakae? Bego kwaumategu nakae boile guma Itipita kwaumate ae?’ E yau bogina amatoita; guna nuwonúwana kagu, ‘O guna guinuwa bogina siyagoi.’
1575	EXO 2:20	‘Go korotoyana nako? Kaga unana kokalave? Kōna kolatuwōko ima ikáika’, tamadi kaena. E tuwo moitamo sima silatuwokoigu ana.
1583	EXO 3:3	Tuwo anuwonúwana kagu, ‘Iyaa! Kaga unana taliboibo geya igabuyeta? Amo nakona aba kainaopa tayamo gagaina. Tuwo abala ana agitedoko.’
1591	EXO 3:11	Go yau adigo kagu, ‘Go yau avatau bego ana Pero matana goi akawanoi? O yau avatau bego sopagu ikabikaone go, Isileli tubunao italigeidi, e Itipita goi akabidi amedi? Geya!’
1603	EXO 4:1	Go yau adigo kagu, ‘Go kunōve! Manakae neta geya sinumiseguta be sopagu geya sikabikaoneyeta? Nakae bei sidigo kadi, “Moe Yauwe geya isowoduwoita yaim.” Neta nakae, bei manakaegu?’
1613	EXO 4:11	Go kina Yauwe idigo kana, ‘Go nakona avatau tomota sopadi imadagidi? Avatau tomota geya sibobóbwara imadagidi o avatau kidi taiyadi patupatudi o ma matadi be matadi kebokeboidi imadagidi? Moe Yau Yauwe ae?
1616	EXO 4:14	E Yauwe bogina iegamogamogu yaigu goi, tuwo idigo kana, ‘Go manakae siyam Eroni guma Livai? Bogina ayagoi kina bóbwara ana tokatanaki. Ame tuta tauyana bogina imamaima bei ivalobodem. Tutayana igitem, bei iuyáwana.
1635	EXO 5:2	Go kina Peroyana idigo kana, ‘Yauwe avatau bego niyana anove, tauna komi Isileli tubunao ataligeimi? Yauwe geya ayagoiyeta geya. Go komi Isileli tubunao geya ataligeimita, geya toina!’
1637	EXO 5:4	Go da Itipita adi tolovinayana ibowoima idigo kana, ‘Mosese be Eroni, manakae tomota idi paisewa go, matadi koobanidi? Kokaluvīla kōna imi paisewa moumouna goi. Woilīmi!’
1647	EXO 5:14	E paakonidi adi tolovinaoyadi sina Isileli tubunao idi paisewa ana tovakumgoyao boi sikiinavedi silauidi, sidigo kadi, ‘Kaga unana imi paisewa boile niga ame geya kolukavavedita? Kaga unana vaega be limou adi pópwala be nakae adi kaigábuna adi badabada geya kolukavavedita nakae boi nimatu?’
1648	EXO 5:15	E Isileli tubunao adi tovakumgoyao sitaoya sina sikaukulukúluwo Pero yaina sidigo kadi, ‘Kom manakae im sinapu nakae kai im pakonayao yaima?
1655	EXO 5:22	E akaluvilamna ana Yauwe alatuwoko adigo kagu, ‘Tomoya, kaga unana amo tomotayadi kuyogedegededi? Kaga unana kuetunegu tauyadi yaidi?
1781	EXO 10:3	E tuwo moitamo Eroni be yau kana Pero kalatuwoko kadigo kama, ‘Yauwe kai Iberiu ima Yaubada ibóbwara ame nakae, idigo kana, “Kom sivavina nakae nava kuukatae bego kwatetagonem yau yaigu? Guna bodao kutaligēidi bei sima sisakululu yau yaigu!
1785	EXO 10:7	Tuwo Pero ina pakonayao silatuwoko sidigo kadi, ‘Sivavina nakae bei amo tauyana kutagone mou goi iyowóida? Tomota kutaligēidi bei sina sisakululu Yauwe idi Yaubada yaina. Manakae? Nava geya kuyagoiyeta bego Itipita ana madabokina bogina sibugoyai?’
1895	EXO 14:5	E da Itipita adi tolovina inove bego tomotayadi bogina sisiya. Tuwo mana topaisewayao nuwodi sikatuvilavila tomotayadi manudi, e sidigo kadi, ‘Ame kaga taguinuwe? Bego ida pakonayao Isileli tubunao tataligeidi sisiya!’
1901	EXO 14:11	Go yau silatuwokoigu sidigo kadi, ‘Manakae? Nakona Itipita goi valiwoga tabee geya ae? Tauna kumema ameko yoyowo goi bego kakámasa sivaliwogema ae? Kaga unana Itipita goi kwabima kumema!
1905	EXO 14:15	E Yauwe ilatuwokoigu idigo kana, ‘Kaga kutumadadekoigu? Isileli tubunao kulatuwokōidi to siketoiyamo sina.
1932	EXO 15:11	Yauwe, Ava yaubada idi yaubadayao yaidi goi kom nakae? Geya ae? Avatau kom nakae? Kom Totumasaba kaausaraina. Kom aba matoita be aba yapali. Kom aba kainaopa ana toguinuwa. Geya tayaamo yaubada kom nakae!
1952	EXO 16:4	E Yauwe ilatuwokoigu idigo kana, ‘Kunōve. Yau yábana goi ami beredi bei aetunedi sisou kúwana nakae go, maliyalina tamo tamo tomotayadi sisowóduwo sina berediyadi siseoseo amo maliyalina tayamo manuna bei avakakonedi. Bei guna katukeda sikabikaone o geya?
1955	EXO 16:7	E imi kaukulukúluwo Yauwe yaina bogina inove, tauna itomo nobuyana ana káeyana bei kogite. Bogina koyagoi. Kai bego avatauwa kokaukulukúluwo yaima? Geya!’
1956	EXO 16:8	Kagu, ‘Ame bei koyagoi tutayana Yauwe lavilavi goi bei ada kanina ivinida nakae nobuyana goi ada beredi ivinida, takáika bogina gamoda. Ivinida unana imi kaukulukúluwo Tauyana yaina bogina inove. Kai bego avatauwa kokaukulukúluwo yaima? Geya! Moe bego Yauwe yaina kokaukulukúluwo.’
1976	EXO 16:28	E Yauwe ilatuwokoigu idigo kana, ‘Tomotayadi kulatuwokōidi kudīgo kam, “Sivavina Yauwe ina lovina nakae ina vatulúkwana bei kokapipilavekoidi?
1986	EXO 17:2	Tuwo tomotayadi sikaumakimaki yaigu, sidigo kadi, ‘Bwae kuvanīmma!’ Go yau adigo kagu, ‘Kaga unana kokaumakimaki yau yaigu? Kaga unana Yauwe kovakakone? Nakona Yauwe geya konumiseyeta!’
1987	EXO 17:3	Go kidi maedi siyápasa toina, e sikaukulukúluwo yaigu sidigo kadi, ‘Ame manakae Itipita goi kumema? Bego natumao be ima yoguyoguyao taiyao maema adi yápasa goi kukimatema?’
1988	EXO 17:4	E atumadádana Yauwe yaina adigo kagu, ‘Ame tomotayadi bei manakaegu avekoidi? Giyakainava bei gurewa goi sikaumategu.’
2014	EXO 18:14	Go Iyetoro kaga liliuna aguuinuwe tomota manudi igitegite, tuwo idigo kana, ‘Ame kaga kuguuinuwe tomota manudi? Kaga unana kom amta kutakínona go, tomota adi takínona manuna situyáwata nobuyana go, ina lavilavi?’
2141	EXO 22:26	Bogina koyagoi. Moe nakona ina tanigo tayamo toito. Tauna manakaena bei imasisi? Neta itumadadegu, bei anove. Yau tonuwokapisi.
2450	EXO 32:11	Go yau akawanoi makimaki Yauwe guna Yaubada yaina adigo kagu, ‘O Yauwe, manakae kuegamogamogu im bodao yaidi? Amo tauyadi Itipita goi boi kukabidi, im togaga gagaina goi kumedi.
2451	EXO 32:12	Manakae? Bego da Itipita sitagiwoim kadi, “Yauwe guinuwa goyogoyoina pasina ina bodao, kidi Isileli tubunao, Itipita goi ikabidi, imedi koya goi ikaumatedi, e bei geya maisidimo poyapoya ame goi”? ¡Neta taabu kuegamoogamōgu go, guinuwa goyogoyoina ame manuna kutugavīla!