29	GEN 1:29	Kana, ‘Konōve! Náuna kutukutudi liliudi be nakae kokowoika keuwoidi liliudi bogina avinimi moe avami.
57	GEN 3:1	E moteta tonuwosinapu gagaina. Nakae woiwoi madabokidi Yauwe Yaubada iwoodugudi ikalisavedi. Tauyana ima vavina ilatuwoko idigo kana, ‘Iyaa! Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’
58	GEN 3:2	Go kina vavinayana idigo kana, ‘Geya! Tánuwo alovaidi keuwoidi mama tagona kakanidi
69	GEN 3:13	Tuwo Yauwe Yaubada vavinayana ilatuwoko idigo kana, ‘Iyaa! Kaga unana moe nakae kuguinuwe?’ ‘Moteta ikatubaugu, akani’, vavinayana kaena.
78	GEN 3:22	E Yauwe Yaubada idigo kana, ‘Iyaa! Tomotayadi bego kita nakae, dedevina be goyo siyagoidi! Tuwo tasanabodēdi bei geya itoboinedita yawana vata alovaina keuwoina sikabi, govila bei sikani sikaiyako vata!’
93	GEN 4:13	Go kina Keniyana idigo kana, ‘Iyaa! Guna liuna moumou ivakaigaga yaigu! Geya itoboineguta atogaga.
273	GEN 11:6	Igitedi, idigo kana, ‘Iyaa! Kaga tuwaina bei siguinuwe? Tauyadi boda tayamo be nakae niyadi tayamo. Tauna neta ame vadayana silukavave, e kaga neta latuwodi, itoboinedi siguinuwe.
395	GEN 16:13	Tuwo Egayana idigo kana, ‘Iyaa! Yauwe bogina agite go, geya akamaseta.’ Tuwo Yauwe ivayoko Yaubada Togita.
467	GEN 19:9	Go kidi korotoyadi sidigo kadi, ‘Geya! Kusiyāmo!’ Go taudiva kadi, ‘Iyaa! Ame tauyana ogaoga go, manakae? Bego itakinoida?’ Tuwo Loti silatuwoko kadi, ‘Ima guinuwa yaim bei igoyo toina.’ Tuwo Lotiyana sivatubibi nakae niboda sivalabelabene; latuwodi bego sikaugaegae, e sisiu.
472	GEN 19:14	E Loti vada goi isowóduwo ina natunao adi kamatakwanayao ibabanedi, e ilatuwokoidi idigo kana, ‘Kotāoya! Giyakainava bei Yauwe asa ame madabokina imtulidi. Tauna woilīmi kosīya!’ Go korotoyadi sinuwonúwana kadi, ‘Loti nakona ivaponuponu.’
473	GEN 19:15	E tomo ikaupesapesagi, aneroseyadi Loti sisatubetube sidigo kadi, ‘Woilīm! Monem be natumowo kwabīdi, kosīya, govila bei kokámasa tutayana asa ame ana liuna ibabane!’
559	GEN 22:11	go, Yauwe ina anerose yábana goi itumasobu kana, ‘Eberamo! Eberamo!’ ‘U, amegu’, Eberamoyana kaena.
765	GEN 27:37	Go kina Aisakeyana idigo kana, ‘Kunōve! Guna kaipaku goi tauyana kom osemowo taiyao bei ilovinaemi nakae komi ina pakonayao. Ina oine nakae ina kawoinu bei siiloboina. Tauna natugu, geya tayaamo aipaku dedevina ikaaiyaka bei kom avinim.’
791	GEN 28:17	Go tauyana atena iyova gagaina toina, idigo kana, ‘Iyaa! Ame poyapoyayana moitamo aba kateyova gagaina toina! Ame moitamo Yaubada ina vada; nakona yábana ana kaba siu!’
865	GEN 30:34	Lebaniyana kana, ‘Dedevina! Kaga liliuna kuudigedi bei taguinuwedi.’
925	GEN 31:51	E Lebani Yakobo ilatuwoko idigo kana, ‘Gwa! Ame gugunayana bogina avaguguni be nakae ame didiyayana bogina avataoe sikaaiyaka kom be yau nauyayanaida.
955	GEN 32:27	E korotoyana idigo kana, ‘Kwalavēgu! Bogina botomotomo.’ ‘Geya akalavemta ana kadókana kukaipakuyegu’, Yakobo kaena.
1029	GEN 35:17	E tutayana iivenátuna, ana tovaita idigo kana, ‘Kwatepātu! Natum ame nakae koroto.’
1164	GEN 39:14	tuwo ina pakonayao iduduwedi sima, ipola kana, ‘Kogīte! Ame Iberiuyana monegu ime bego ida vada imatakavate go, ikaiwotetegu. Maine isiu ima iyoisigu latuwona bego imasisiyegu go, apodeda.
1262	GEN 42:9	Tutayana tuwowonao aedi sivatugúyala, ina kanamimi aiyuwo boi ikanamiimiyedi inuwokavatedi, tuwo tuwowonao geya ilatuwokoidita kina adi gómana, go sem iwowokoidi idigo kana, ‘Kopola! Komi toyáusa. Koma ima kasa kogite nako goi ineneta.’
1281	GEN 42:28	Igitebabane, senao ilatuwokoidi idigo kana, ‘Iyaa! Segowo, guna mani witi manuna guna baiki goi sidodoimnei. Goame baikiyana tobuna goi. Kōma kogīte!’ Tuwo madabokidi sima sigite, e atedi siyova gagaina nakae wowodi sitátava go, sidigo kadi, ‘Ame kaga Yaubada iguinuwe yaida!’
1389	GEN 46:2	E sabamgo goi Yaubada ina Isileli ikatuwoini idigo kana, ‘Yakobo! Yakobo!’ ‘U, yau amegu’, Yakobo kaena.
1518	GEN 50:11	Go da Kenani sikandobala tomota idi táiya Etada goi sigite sidigo kadi, ‘Kogīta! Da Itipita sitaiyakuwokúwala.’ Tuwo moe pasina asayana yoina Ebeli Misaraim. Moe Iyoridani koiboga dadavina.
1561	EXO 2:6	E tuwo iiwo ina bayaoyana iyoyoi ime, Pero natuna ivini. Ivini, vavinayana ikatupáeve, yau igitegu ataitáiya. Tuwo vavinayana nukotona igoyo, idigo kana, ‘Iyaa! Ame nakona kidi Iberiu natudi tayamo.’
1573	EXO 2:18	E vevinayadi sikaluvila sina tamadi Reuweli goi go, tamadiyana igitedi, nukotona iwówana idigo kana, ‘Ii! Kaga unana tauna ame mainao koma?’
1583	EXO 3:3	Tuwo anuwonúwana kagu, ‘Iyaa! Kaga unana taliboibo geya igabuyeta? Amo nakona aba kainaopa tayamo gagaina. Tuwo abala ana agitedoko.’
1638	EXO 5:5	Tauyana tuwaina kana, ‘Konōve! Bodayadi bogina sibadabada go, komi latuwomi idi kogúyala sikalave!’
1668	EXO 6:12	Go yau adigo kagu, ‘Kunōve! Segowo Isileli tubunao sopagu geya sikabikaoneyeta go, Pero masa bei sopagu ikabikaone. Yau maegu imoumou!’
1740	EXO 8:25	E adigo kagu, ‘Gwa! Ame bei akalavem go, ana akawanoi Yauwe yaina gobe itomo, nenéola sivagisiyasiya kom, im pakonayao be nakae da Itipita yaimi. Go kom sem, taabu aiyuwoina kupolapōla boi nakae im pola, e geya kutaligeimeta bego kana ima yoguyoguyao kagabudi kakasaledi Yauwe yaina.’
1850	EXO 12:33	Da Itipita sivatuwowonema kadi, ‘Woilīmi! Ima kasa kokalāve, kosowōduwo kōna!’ Idi nuwonúwana kadi, ‘Neta ame tomotayadi sikaaiyaka yaida, kita kaamasida!’
1900	EXO 14:10	E kina go Pero mana bodao sima kai Isileli tubunao ima tunagu goi. Bogina sivakakana sima go, Isileli tubunaoyadi sikandobala da Itipita sigitedi simamaima kadi, ‘Oiyoi! Da Itipita simamaima bei siyoisida!’ Simatoita gagaina, tuwo Yauwe situmadade.
2186	EXO 24:8	E tuwo ikaikayana noko goi akabi tomota aseulidi go, adigo kagu, ‘Konōve! Ame ikaikayana goi Yauwe bogina ikanasiukoida. Anasiunayana unana moe ina livala liliudi bogina ivinida, e takatótula takabikaonedi.’
2562	EXO 35:30	E simedi ikavava, alatuwokoidi adigo kagu, ‘Gwa! Kure, ma Yuda, natuna moe Uri, e tubuna moe Besaleli. Ame tauyana Yauwe bogina ikinave.
7148	RUT 1:19	E tuwo adi taiyuwokova siketoiya sinonoina Bedeliyema manuna. Tutayana sisowóduwo Bedeliyema goi sisiu, asa butukaona iyata, e vevina liliudi sima adi taiyuwokova sigitedi, sidigo kadi, ‘Iyaa! Amo Naomi ae?’
7183	RUT 3:9	E idigo kana, ‘Iyaa! Kom avatau?’ ‘Yau Ruti, im pákwana. Kom yaogu kaamasina osiyana guna totateta. Tauna, kwabīgu be kumatakavatēgu’, Ruti kaena.
22606	JON 1:6	Tuwo kapiteni isou ima Iyonayana iwoini, idigo kana, ‘Iyaa! Kom kaga kumasisiye? Kutāoya! Kupodēda im yaubada yaina! Nakona moe yaubadayana bei inoveda, e geya tavailaita!’
22639	JON 4:2	Tuwo ikawanoi Yauwe yaina idigo kana, ‘Iyaa! Yauwe, manakae? Boi guna kasa goi nakae adige bei isowóduwo ae? Moe pasina woiligu asiya bego ana Tasisi unana bogina ayaagoim bego kom Yaubada kanuuwoiim be nuwokaapisim. Tomota idi goyo goi kumeesayágana, im kubunuwa ivakaigaga be nakae im vailai goyogoyoina manuna kutavívila. Tauna woiligu asiya.
23236	MAT 1:23	‘Kunōve! Woiyai geya ana kanaotamo bei ikéuwama, niga natuna koroto bei ivenatuni. Go yoina bei sivayou Imanuweli.’ Aiseya 7:14 Youyana ana kaigavila moe Yaubada kita taiyao.
23258	MAT 2:20	idigo kana, ‘Kutāoya! Gómana ma sinana kwabīdi, kokaluvīla kōna Isileli goi. Tauyadi boi sipooikíkina bego gomanayana sikaaumate bogina sikámasa.’
23263	MAT 3:2	idigo kana, ‘Kotugavīla! Yaubada ina kalibúbuna bogina imaiyaba bei itoboinemi kosiu.’
23282	MAT 4:4	Go kina Yeisu idigo kana, ‘Geya! Gínina Kimaasabaina goi idigo kana, “Geya awoinu kaka goi kita tomota yawoida bei dedevidi, go sem Yaubada ina livala liliudikova takabikaonedi, e bei yawoida dedevidi.”’ Atukeda 8:3
23295	MAT 4:17	E tuwo Yeisu ina talavaita ivatowo idigo kana, ‘Kotugavīla! Yaubada ina kalibúbuna bogina imaiyaba bei itoboinemi kosiu.’
23424	MAT 8:10	E ina livalayana Yeisu inove, ikainaopa. Tuwo tauyadi sisabookuliye ilatuwokoidi idigo kana, ‘Iyaa! Ame tauyana moitamo! Ame alatuuwokoimi konōve: Isileli tubunao yaidi goi geya vatau tayaamo ababane ina numisa gagaina ame Totuyoyowoyana nakae.
23441	MAT 8:27	E kidi go korotoyadi sikainaopa kadi, ‘Iyaa! Ame ava koroto? Yágira be aivaya niyana sikabiikaone?’
23451	MAT 9:3	Go Yaubada ina Katukeda ana tovatulukwanayao maniyedi sikaaiyaka taudiva sibobóbwara kadi, ‘Iyaa! Amo korotoyana idigopopóita. Tauyana bego ieyaubada!’
23560	MAT 12:2	E kidi go Parisi sigitema, tuwo Yeisu silatuwoko sidigo kadi, ‘Iyaa! Im tovatotowanayao manakae siguuinuwa kaga Sabati ana lovina geya itagonedeta taguinuwe?’
23576	MAT 12:18	‘Konōve! Guna kitom goame. Bogina akinave. Tauyana amatakoiye be nakae ategu iuyaone gagaina. Yaina goi bei Balomaigu ayato. Yau guna takínona vavasa bei italavaite Totuyoyowo yaidi.
23605	MAT 12:47	E tomota tayamo idigo kana, ‘Gwa! Sinam be semowo moetala goi siitaoya; latuwodi kom kunovedi.’
23673	MAT 14:7	Tauna woiyaiyana yaina ikatótula idigo kana, ‘Iyagoida! Kaga kukawanoiye yaigu, bei avinim.’
23693	MAT 14:27	E mainao Yeisu idigo kana, ‘Kokatepātu! Yau Tauyagu. Taabu koomatōita!’
23763	MAT 16:22	Ago Pita itaoya Yeisu ikabi, adi taiyuwo sibala sina masigava goi, e Pita ivatowo Yeisu ibove idigo kana, ‘Iyaa! Guna Tomoya, moe kwalāve! Moe nakae geya iisowóduwo yaim!’
23835	MAT 19:4	Go kina Yeisu idigo kana, ‘Iyaa! Ana kaigigita nakona ida buki goi geya kokatuyaiviyeta bego tuta ana kaba vatowo goi tomolúluwo tomota iwodugudi, kana, “Tomotayadi koroto be vavina iwodugudi.” Aba Vatowo 1:27, 5:2
23856	MAT 19:25	E Yeisu ina livalayadi kanovedi, pasidi nukotoma siwówana gagaina toina, tauna kadigo kama, ‘Iyaa! Neta toesaesa geya itoboinedita yábana goi sisiu, avatau itoboine ana yava ibabane?’
23915	MAT 21:20	Go ina vadiwowanayana kai ina tovatotowanayao kagite, nuwoma iwówana kama, ‘Iyaa! Keukeuyana manakae mainao ivadiwówana?’
23945	MAT 22:4	Aiyuwoina ina pakonayao maniyedi ietunedi sina go, mainao ilatuwokoidi kana, “Kōna tauyadi boi akawanooiyedi kolatuwokōidi kami, ‘Konōve! Tomoya ana káika bogina iguinuwe, nakae bulumakau be nakae bulumakau bonatudi bobíbina ikaumatedi ivaipoludi. Kaga liliuna bogina ikatubayasi, tauna kōma kokāika.’”
24195	MAT 26:72	Pita sivayuwoina ilawoiwoimna go, ikanatamada idigo kana, ‘Iyagoida! Korotoyana geya ayagoiyeta geya!’
24197	MAT 26:74	E tuwo Pita ibibilágata ikanatamada idigo kana, ‘Iyagoida! Neta apola, Yaubada itoboine ilauigu. Amo korotoyana kodigedige yau geya ayagoiyeta geya!’ E mainao kamkam itáiya.
24309	MRK 1:25	Go kina Yeisuyana ibove, idigo kana, ‘Tuwo! Kumaigāumo go, koroto yaina goi kusowōduwo!’
24321	MRK 1:37	Silusale, sibabane, silatuwoko sidigo kadi, ‘Iyaa! Tomota madabokidi siluusalem, latuwodi kom.’
24327	MRK 1:43	E korotoyana ikatumatali makimaki idigo kana, ‘Kunōve! Am kimavadayana manuna geya vatau tayaamo kulaatuwōko, go sem kūna Tonúwala yaina goi kuvagitakōim igitem bei ivayokoim kom bogina kumavada. Ikavava, im vininabeso yoguyogu kukasāle Yaubada yaina ada lovina boi Mosese iivinida tolepero adi kimavada manuna nakae. Moe aba kinana tomota yaidi sakavaim bogina imavada, e bei siuyaonemneim.’ Ikatumatali ikavava, ilatuwoko ina.
24336	MRK 2:7	‘Iyaa! Amo korotoyana manakae! Idigopopóita! Tauyana bego ieyaubada! Geya vatau tayaamo itoboine bei tomota idi goyo inuwotaoidi. Moe Yaubada anetava itoboine.’
24353	MRK 2:24	Kidi go Parisi sikaaiyaka Yeisu silatuwoko sidigo kadi, ‘Iyaa! Amo tauyadi manakae siguuinuwa kaga Sabati ana lovina geya itagonedeta taguinuwe?’
24389	MRK 3:32	Tuwo boda Yeisu situsoobukobu silatuwoko sidigo kadi, ‘Gwa! Sinam be semowo moetala goi siitaoya; latuwodi kom kunovedi.’
24430	MRK 4:38	Kina go Yeisu oga valemli goi ikaaiyaka, dabana logédava goi iyato bogina ikanaamatáiya. Tuwo ina tovatotowanayao sima siwoini sidigo kadi, ‘Tovatulúkwana! Manakae? Geya kunuwonuwoneta bego tavailai?’
24431	MRK 4:39	Tuwo itaoya yágira be aivaya ilovinaedi idigo kana, ‘Tuwo! Kudaūmwara!’ Tuwo yagirayana ilakapuwe nakae Bwaeyana ikadaúmwara gagaina.
24433	MRK 4:41	Tauyadi simatoita gagaina go, taudiva sibobóbwara kadi, ‘Iyaa! Ame ava koroto? Yágira be aivaya niyana sikabiikaone?’
24526	MRK 6:50	Moitamo. Madabokidi sigite, atedi siyova, tauna sipodeda. E Yeisu mainao ilatuwokoidi kana, ‘Kokatepātu! Yau Tauyagu. Taabu koomatōita!’
24569	MRK 7:37	Go tomota ina guinuwa sigite, sikainaopa gagaina sidigo kadi, ‘Iyaa! Ina guinuwa madabokina dedevina! Tauyadi taiyadi patupatudi ikidedeevinedi bei sinowo, nakae tauyadi maedi simoumou ikidedeevinedi bei sibobwara dókana.’
24683	MRK 10:26	E tauyadi nukotodi siwówana gagaina toina ina livala pasidi, tauna taudiva sibobóbwara kadi, ‘Iyaa! Neta toesaesa geya itoboinedita yábana goi sisiu, avatau itoboine ana yava ibabane?’
24785	MRK 12:43	Tuwo Yeisu ina tovatotowanayao iduduwedi sima, ilatuwokoidi idigo kana, ‘Iyaa! Kóbuya amo ina vininabeso aba kainaopa! Ame alatuuwokoimi konōve: Amo kobuyayana tookaina ina vininabeso iyato moe gagaina namlieta tomota liliudi idi vininabeso aba yata goi siyatayata.
24827	MRK 14:4	E tomota maniyedi sikaaiyaka, vavinayana ina guinuwa sigite, tuwo siegamogamogu, toinidi sidigo kadi, ‘Iyaa! Tauyana kogite? Manakae pútuma amo nakae ikavavaluge!
24894	MRK 14:71	Go kina Pita ikanatamada idigo kana, ‘Iyagoida! Neta apola, Yaubada itoboine ilauigu. Amo korotoyana kodigedige yau geya ayagoiyeta geya!’
24930	MRK 15:35	Toyoko maniyedi amoko goi sinove go, sitainasi, tuwo sidigo kadi, ‘Konōve! Iraitiya iiduduwe.’
24939	MRK 15:44	E kina go Pailato awanoiyana inove, ikainaopa kana, ‘Iyaa! Yeisu bogina ikámasa?’ Tuwo tovayaviya adi tovakumgo tayamo iduduwe ima ilumadade kana, ‘Ava tuta Yeisu ikámasa?’
25136	LUK 4:4	Go kina Yeisuyana idigo kana, ‘Geya! Gínina Kimaasabaina goi idigo kana, “Geya awoinu kaka goi kita tomota yawoida bei dedevidi.”’ Atukeda 8:3
25140	LUK 4:8	Go kina Yeisuyana idigo kana, ‘Geya! Gínina Kimaasabaina idigo kana, “Moe Yauwe ida Yaubada yaina tasaakulūlu be anetava yaina tataaimāmina.”’ Atukeda 6:13
25144	LUK 4:12	Go kina Yeisu idigo kana, ‘Geya! Gínina Kimasabainayana idigo kana, “Yauwe imi Yaubada taabu kovaakakōne.”’ Atukeda 6:16
25166	LUK 4:34	‘Iyaa! Yeisu guma Nasareta, yau guna polava moe geya kom im polava. Manakae? Kuma bei kai kumtulima ae? Kom taum bogina ayagoim. Kom Totumasaba, Yaubada goi kuma.’
25167	LUK 4:35	Go kina Yeisuyana ilovinae idigo kana, ‘Tuwo! Kumaigāumo be koroto yaina goi kusowōduwo!’ Tuwo dimoniyana koroto ikinagove, tomota matadi goi ilave isou poyapoya go, korotoyana yaina goi isowóduwo ina. Go kina korotoyana geya ivailaita.
25168	LUK 4:36	Tomota madabokidi sikainaopa, taudiva sidigo kadi, ‘Iyaa! Ame kaga isowóduwo? Tauyana mana lovina be mana togaga dimoni iloviinaedi go, moitamo sisowóduwo!’
25197	LUK 5:21	Ago kidi Yaubada ina Katukeda ana tovatulukwanayao be nakae Parisi sinuwonúwana kadi, ‘Iyaa! Amo Tauyana manakae! Idigopopóita! Tauyana bego ieyaubada! Geya vatau tayaamo itoboine bei tomota idi goyo inuwotaoidi. Moe Yaubada anetava itoboine.’
25339	LUK 8:25	E Yeisu ilatuwokoidi idigo kana, ‘Imi numisa nako?’ E kidi madi matoita sikainaopa taudiva sibobóbwara kadi, ‘Iyaa! Ame ava koroto? Yágira be nakae aivaya ilovinaedi niyana sikabiikaone?’
25547	LUK 12:19	Ayatoidi ikavava, bei toinigu alatuwokoigu kagu, ‘Uyagu! Itoboinegu awaiwasi, akáika, anim, nakae auyáwana unana yau bogina magu vayakúyana gagaina toina tala maanawena manuna!’”
25783	LUK 18:26	E totaiyakeka sidigo kadi, ‘Iyaa! Neta toesaesa geya itoboinedita yábana goi sisiu, avatau itoboine ana yava ibabane?’
25807	LUK 19:7	Ago tomota madabokidi sigite Yeisu ina takisi ana togogo ina vada goi, e sikului sidigo kadi, ‘Iyaa! Tauyana ina toogoyoina ina vada goi isiu bego tauyana ina ogaoga.’
25864	LUK 20:16	Bei ina ikaumatedi go, ituli ta tokatogu dedevidi bei itagonedi tanuwoyana simatakavate.’ E totaiyakekayadi Yeisu ina livalakaibala sinove, sidigo kadi, ‘Iyaa! Moe nakae bei geya, geya toina!’
25943	LUK 22:10	‘Konōve! Kōna Yerusalema goi kosīu go, koroto tayamo aba tega maa bwaena iikavale bei ima ivalobodemi. Ava vada goi kogite isiusiu, komi kosabokulīye kosīu,
25984	LUK 22:51	Go kina Yeisuyana idigo kana, ‘Tuwo! Koyāto!’ Ibisibala pakoninayana taiyana ibisikone, ikidedevine.
26009	LUK 23:5	E bodayadi sikaugeogéona sidigo kadi, ‘Geya! Tauyana ina Yudiya madabokina goi ivaatulúkwana, e boda idumwamwainidi. Ivatowo Galili goi ima ameko goi.’
26142	JHN 1:29	Vanuwo itomo Iyoni ikandobala, Yeisu igite imamaima, tuwo tomota ilatuwokoidi idigo kana, ‘Gwa! Yaubada ina Lami! Tauyana kita da poyapoya liliuda ida goyo ikabidi ikalavedi.
26159	JHN 1:46	Go iya Natanielayana idigo kana, ‘Iyaa! Geya kada tayaamo kaga aba vaita Nasareta goi itoboine isowóduwo.’ Go iya Pilipoyana kana, ‘Novala kūma tāna kugīte.’
26160	JHN 1:47	Tuwo moitamo sina go, Yeisu ikandobala Nataniela igite imamaima, tuwo tauyana manuna kana, ‘Gwa! Tayamo Isileli tubuna moitamo! Tauyana goi pola geya!’
26199	JHN 3:10	Go iya Yeisuyana idigo kana, ‘Iyaa! Manakae? Kom bego Isileli tubunao idi tovatulúkwana go, ame vatulukwanayadi geya kuyagoidita ae?
26289	JHN 5:10	E kidi Diyuu adi tovakumgoyao sigite korotoyana idedevina ina baseko iikavale, tuwo silatuwoko kadi, ‘Iyaa! Kita geya ada tagonamo bei Sabati goi tapaaisewa, tauna kom geya am tagonamo im baseko kuukavale.’
26293	JHN 5:14	Moe dogoiyadi sikavava, Yeisu Vada Kimaasabaina goi isiu korotoyana ibabane, tuwo idigo kana, ‘Kunovēgu! Kom bogina kudedevina. Ago taabu goyo tuwaina kuguuinūwe, govila bei dogoi goyogoyoina toina isowóduwo yaim.’
26386	JHN 6:60	E Yeisu ina tovatotowanayao badabadaidi ina livala sinove, taudiva sidigo kadi, ‘Iyaa! Amo livalayadi simoumou. Avatau itoboine iuyaonedi? Geya!’
26507	JHN 8:57	E tuwo kidi Diyuuyadi sidigo kadi, ‘Iyaa! Kom am tala nava pipti (50) geya kubabaneyeta go, Eberamo bego kugite?’
26539	JHN 9:30	Go iya korotoyana idigo kana, ‘Iyaa! Komi aba kainaopa moitamo! Tauyana geya koyagoiyeta nako goi ima go, matagu ikidedevinedi!
26654	JHN 12:5	‘Iyaa! Itoboine putumayana ikaigimone, ana maisa mani gagaina ikabi; nakae neta tala tayamo ana paisewa ana maisa. Ikaigimone ikavava, maisana ikabi, tookaidi ivinidi. Go kaga unana tauna nakae geya iguinuweyeta?’
26668	JHN 12:19	E kidi go Parisi taudiva sibóbwara sidigo kadi, ‘Kogīta! Geya tayaamo kaga itoboineda taguinuwe bego Tauyana tasanabode. Gwa! Tomota liliudi sinonoina latuwodi Tauyana!’