23264	MAT 3:3	Isaiah, Vit'eegwijyąhchy'aa Eenjit Ginkhii nilii ąįį John eeginkhii dąį' jyaa nyąą, “Nangwinjir gwa'an tr'azhral gwigwiitth'ak ts'ą' jyaa digwinyąą; ‘K'eegwaadhat vits'ii tąįį gwinjik shrigwinlii ts'ą' k'iindaa tąįį k'igwąą'ee heekhaa veenjit nagwiintthaii!’”
25140	LUK 4:8	Jesus t'iiyahnyąą, “Dęhtły'aa Choh kat gwadanakhwatł'oo, ‘Vit'eegwijyąhchy'aa Nik'eegwaadhat ąįį zhrįh veenjit gwitr'it tr'agwah'in ts'ą' vats'ą' khadigiinjii!’”
25762	LUK 18:5	Jii tr'injaa vakai' niindhat tr'ihkhit shik'eegoodhat niindhan geenjit shaandeegwii'ąįį akwat vik'eegwahałthat. Ąįį akwaa ji', gwintł'oo geenjit shaandeegwehee'aa ts'ą' chishahąhndaa!’”
25862	LUK 20:14	“Nijin gwanzhįh k'ąąhtii nąįį giiyąąh'ya' dąį', t'iginyąą. ‘Jii dinjii t'ee jii nan ts'ą' k'eegwaadhat vidinji' t'inchy'aa. Tr'ookhwaa. Ąįįtł'ęę jii gwanzhįh dehk'it diits'an gweheelyaa!’”
30084	HEB 4:3	Diikhwan gwik'injiriighit nąįį nijin neerahaazhii Vit'eegwijyąhchy'aa diinantł'eegwehee'aa. Jii jyaa digweheenjyaa nyąą ąįį gwik'it goodlit, “Shik'įį gwanlii ts'ą' jii łi'deegwidlii haa gwik'it gweheelyaa kwaa, dihnyą', ‘Nijin nankat neegahaazhii gooveenjit goołtsąįį chy'ah, aiizhit gwizhit nihdeegiheedaa kwaa!’” Nijin nan iłtsąįį dąį' digwitr'it gęhdaa tr'iinjik googaa nihk'it jyaa diinyą'.
30152	HEB 7:21	Gaa Jesus ąįį Vit'eegwijyąhchy'aa deeshi'yaa nyąą k'iighai' giinkhih dhidlit, ts'ą' jyaa yahnyąą, “K'eegwaadhat łi'deegwidlii zhit deeshi'yaa nyąą ąįįt'ee łahchy'aa gwik'it t'ihee'yaa t'inyąą, ts'ą' duuyeh diginjik noonjii, ‘Ndaagwąąn'ąį' kwaa gwats'ą' datthak giinkhih hinlyaa!’” yahnyąą.