23240	MAT 2:2	Ahe oporandu Herodes upe yuvɨreco aipo ehi: —¿Que vo aipo oha judío rerecuar guasu? Esepia niha, caharu cotɨ yasɨtata orosepia. Sese oroyu arɨ sẽsa cotɨ sui imboetei ãgua —ehi yuvɨreco chupe.
23242	MAT 2:4	Iyavei cũriteimi opa omonuha uca pahi rerecuareta, Moisés porocuaita rese oporombohe vahe avei. Ipare oporandu chupe: —¿Que vo aipo ohara Poropɨ̃sɨrosar? —ehi.
23441	MAT 8:27	—¿Mara ehi rutei pĩha co? —ehi tẽi semimbohe yuvɨreco chupe—. ¿Mara ehi vahe pĩha co ava secoi? Esepia niha, ɨvɨtu, para guasu avei omboyeroya yuvɨreco no —ehi.
23459	MAT 9:11	Co nungar repiase, fariseo oporandu semimbohe upe yuvɨreco: —¿Mahera ru pe mbohesar ocaru evocoi nungar ava angaipa viyar pãhuve tẽi? —ehi seroɨ̃rosa pɨpe yuvɨreco chupe.
23476	MAT 9:28	Oɨ pɨpe seiquese, oyemboya ndasesapɨsoi vahe yuvɨreco sese. Ahese Jesús oporandu chupe: —¿Che reroya ité vo pe mbogüera ãgua rese peye? —ehi. —Nde reroyasa ité, ore Yar —ehi yuvɨreco.
23568	MAT 12:10	Aheve oime mbɨa ipo co cotɨgüer nomɨi vahe. Aheve avei fariseo, “Yaiñehengapo angahu Jesús” ehi yuvɨreco viña. Sese, —¿Iyaño pĩha mbɨtuhusa arɨ pɨpe ava imbogüerasa yepi’ —ehi yuvɨreco chupe.
23569	MAT 12:11	Evocoiyase Jesús aipo ehi imboyevɨ: —¿Ava vo pe pãhu pendar acoi mbɨtuhusa arɨ pɨpe ovɨapise seimba ovesa ɨvɨcuarve ndosoi chira senose viña?
23606	MAT 12:48	Ahe rumo, —¿Ava pĩha che sɨ; ava pĩha che rɨvrɨ? —ehi ahe mbɨa upe.
23659	MAT 13:51	Evocoiyase oporandu güemimbohe eta upe: —¿Pesenducua vo aipo opacatu? —ehi. —Taa —ehi yuvɨreco chupe.
23662	MAT 13:54	oyepota güecuave oso. Aheve ombohe ava judío tũparo pɨpe oico. Evocoiyase ahe pendar ava oyepɨhamondɨi tẽi: —¿Que pĩha co ava oyembohe catu ombahecua ãgua? iyavei, ¿mara ehi pĩha co mbahe poromondɨisa apo? —ehi yuvɨreco—.
23704	MAT 15:2	—¿Mahera vo nde remimbohe ndoguatai yande ramoi aracahendar aracuasa rupi yuvɨreco? ¿Mahera vo yande porocuaita mboavɨyeẽhɨsa pɨpe ndoyepoi ocaru ãgua yuvɨreco yepi? —ehi.
23714	MAT 15:12	Evocoiyase semimbohe oyemboya sese, oporandu yuvɨreco chupe: —¿Ereicua vo acoi fariseo oñemoɨro nde ñehe renduse yuvɨreco? —ehi.
23718	MAT 15:16	—¿Ndapesenducua vɨtei avei catu pe co ñehesa?
23735	MAT 15:33	Evocoiyase semimbohe aipo ehi yuvɨreco chupe: —¿Que sui pĩha orosecara tembihu ava rehɨi upe nara cohave ava porẽhɨsave viña? —ehi yuvɨreco.
23736	MAT 15:34	—¿Mbovɨ vo pan pereco? —ehi. —Orovɨrecomi siete pan iyavei movɨromi tẽi pirami —ehi semimbohe yuvɨreco chupe.
23754	MAT 16:13	Oyepotase Jesús, oso tecua Cesarea cotɨ Filipo ɨvɨ rese, aheve oporandu güemimbohe upe aipo ehi: —¿Mara ehi vo ava oñehe yuvɨreco che rese, Ava Rɨquehɨr che recose? —ehi.
23779	MAT 17:10	Evocoiyase semimbohe oporandu yuvɨreco: —¿Mahera ru Moisés porocuaita rese oporombohe vahe: “Elías rane rumo oura curi” ehi yuvɨreco? —ehi yuvɨreco chupe.
23788	MAT 17:19	Ipare semimbohe oporandu co cotɨmi yuvɨreco chupe: —¿Mahera pĩha ndoromose catui eté caruguar ichui? —ehi yuvɨreco.
23793	MAT 17:24	Oyepotase Jesús güemimbohe reseve tecua Capernaum ve, aheve guarepochi rerocuasar tũparo upe nara yuvɨraso Pedro upe, oporandu yuvɨreco chupe: —¿Supi eté pe rerecuar ndomondoi guarepochi tũparo upe nara? —ehi.
23794	MAT 17:25	—Omboepɨ niha —ehi Pedro chupe. Evocoiyase oiquese Pedro oɨ pɨpe, aheve Jesús rane oñehe chupe aipo ehi: —¿Mara ehi nde pɨhañemoñeta, Simón? ¿Ava sui vo vɨrocua guarepochi mborerecuar guasu co ɨvɨ pɨpe yepi? ¿Omu sui pĩha, ambuae ava sui tie? —ehi.
23797	MAT 18:1	Ahe arɨ pɨpeve semimbohe oyemboya Jesús rese yuvɨreco mbahe rese oporandu ãgua chupe: —¿Uma vo seco ɨvate catu vahe Tũpa mborerecuasa pɨpendar? —ehi.
23834	MAT 19:3	Evocoiyase oyemboya fariseo Jesús rese yuvɨreco; secoãhasave oporandu yuvɨreco chupe: —¿Avɨye pĩha opoi cuimbahe güembireco sui que mbahe tẽi oyapose? —aipo ehi yuvɨreco chupe.
23835	MAT 19:4	Ahe rumo omboyevɨ fariseo upe: —¿Ndapesenducuaimi vo ñehesa icuachiaprɨ pɨpe peyeroquɨse: ‘Yɨpɨndar yande Aposar oyapo cuimbahe, cuña avei’ ehi?
23838	MAT 19:7	Evocoiyase fariseo oporandu yuvɨreco chupe: —¿Mahera ru oyocuai Moisés cuimbahe omondo vaherã güembireco upe cuachiar poisa resendar opoi ãgua ichui? —ehi.
23849	MAT 19:18	—¿Uma vo aipo mborocuaita? —ehi. Ahese omboyevɨ chupe: —‘Ndereporoyucai chira, nandeaguasai chira, nandemondai chira, nanderemirai chiaveira ambuae ava rese,
23882	MAT 20:21	Evocoiyase, —¿Mbahe vo ereipotami? —aipo ehi ichɨ upe. —Che aipota che membrɨ eremboguapɨra ndeyepɨri ñepei nde mbahe rese pocosa cotɨ, ambuae nde mbahe rese pocoẽhɨsa cotɨ nde mborerecuasave —ehi chupe.
23893	MAT 20:32	Evocoiyase osendu iñehe, opɨta, “Perio” ehi chupe. Ipare, —¿Mbahe vo peipota ayapo vaherã pẽu? —ehi.
23905	MAT 21:10	Oiquese Jerusalén pɨpe, opacatu co tecua pɨpendar oyepɨhamondɨi yuvɨreco. Iyavei setá oporandu-randu yuvɨreco: —¿Ava pĩha co mbɨa? —ehi tẽi yuvɨreco.
23918	MAT 21:23	Ichui Jesús oique iri judío tũparo guasu pɨpe oporombohe. Ahese pahi eta rerecuar, judío rerecuar avei oyemboya sese, oporandu yuvɨreco chupe: —¿Ava nde cuaita pɨpe vo ereyapo co nungar eico? ¿Ava vo ombou nde mborerecuarã ndeu? —ehi.
23923	MAT 21:28	Iyavei Jesús aipo ehi judío rerecuareta upe: —¿Mara ehi pe pɨhañemoñetasa co rese? Oime mbɨa vɨreco vahe ñuvɨrío guahɨr. Ahe aipo ehi ocuacua catu vahe upe: ‘Che rahɨr, co pɨpe eresora, eporavɨquɨ cove’ ehi.
23937	MAT 21:42	Aipo ihe pare, aipo ehi oñehe rendusar upe: —¿Ndapeyeroquɨi vo co aipo ehi vahe icuachiaprɨ pɨpe? ‘Co ita oɨ aposar opaño omombo yuvɨreco. Ahe ita rumo avɨye catu vahe oɨ movɨracua tuprɨ ãgua. Ẽgüe ehi niha Yar yapo yande mohapɨsɨ ai eté’ ehi icuachiaprɨ pɨpe.
23961	MAT 22:20	—¿Ava rahanga vo co guarepochi rese chini iyavei ava rer vo co chini sese no? —ehi.
23983	MAT 22:42	Jesús oporandu chupe: —¿Mara ehi pepɨhañemoñeta acoi Tũpa Rembiporavo ou vaherã ava pɨ̃sɨro ãgua rese? ¿Ava suindar-ra pĩha secoi? —ehi. —Ahe niha David suindar secoira —ehi fariseo yuvɨreco chupe.
23984	MAT 22:43	Ahese aipo ehi fariseo upe: —¿Mahera pĩha evocoiyase David oñehese Espíritu pĩratasa pɨpe aracahe, “Che Yar” ehi chupe? Esepia, ahe aipo ehi:
24138	MAT 26:15	aipo ehi: —¿Mbovɨ rupi vo pemboepɨra cheu amondose Jesús pẽu viña? —ehi. “Treinta guarepochi rupi” ehi yuvɨreco chupe.
24140	MAT 26:17	Arɨ yɨpɨndar vahe pieta resendar, pan ndayapepoi vahe husa pɨpe, ahese ore Jesús remimbohe oroico vahe oroyemboya sese aipo orohe: —¿Que vo ereipota oromoingatura carusa Pascua pieta resendar yandeu? —orohe chupe.
24185	MAT 26:62	Ahese pahi rerecuar ɨvate catu vahe opũha, oporandu Jesús upe: —¿Mahera vo nderemboyevɨi eté iñehe yuvɨreco chupe? ¿Mbahe ehi vo aipo nde amotarẽhɨsar nde rese oñehe? —ehi.
24209	MAT 27:11	Jesús serasosa mborerecuar Pilato upe, ahese Pilato oporandu chupe: —¿Nde ité vo judío rerecuar ɨvate catu vahe ereico? —ehi. —Nde niha aipo, ‘Ahe ereico’ ere cheu —ehiño imboyevɨ Pilato upe.
24211	MAT 27:13	Evocoiyase: —¿Nderesendui vo aipo co opacatu ndeu ñehe-ñehe tẽisa? —ehi Pilato chupe.
24215	MAT 27:17	evocoiyase ava rehɨi oñemonuha atɨse, Pilato oporandu chupe yuvɨreco: —¿Uma peipota che amose ucara pẽu: Barrabás pĩha, anise Jesús “Poropɨ̃sɨrosar” ehi vahe yuvɨreco chupe tie? —ehi.
24219	MAT 27:21	Evocoiyase Pilato oporandu iri ava rehɨi upe: —¿Uma peipota catu co ñuvɨrío yuvɨrecoi vahe sui amose vaherã pẽu? —ehi. —¡Barrabás tosẽ! —ehi yuvɨreco.
24220	MAT 27:22	—¿Mbahe vo evocoiyase che ayapora Jesús rese chupe acoi ava, “Poropɨ̃sɨrosar” ehi yuvɨreco? —ehi. —¡Tayatɨcasa curusu rese! —ehi atɨ-atɨño yuvɨreco chupe.
24221	MAT 27:23	—¿Mbahe ité vo oyapo naporai vahe? —ehi tẽi ava rehɨi upe. Ahe rumo: —¡Tayatɨcasa ité curusu rese! —ehi atɨ-atɨ iriño yuvɨreco chupe.
24308	MRK 1:24	—¿Mahera vo ereyuño tẽi cohave oreu, Jesús Nazaret pendar? ¿Ereyu vo ore mocañɨ ãgua tẽi? Che orocua ité, nde Tũpa suindar ndaseco marai vahe ereico —ehi chupe.
24311	MRK 1:27	Opacatu ava ombosɨquɨye, ichui oporandu-randu oyeupe yuvɨreco aipo ehi: —¿Mbahe pĩha co? ¡Iporombohesa ipɨasu vahe ité! ¡Co mbɨa vɨreco ité omborerecuasa! ¡Caruguar avei eté omboyeroya oyeupe iñehese! —ehi tẽi ava yuvɨreco.
24337	MRK 2:8	Ahe rumo oicuaño ipɨhañemoñetasa, sese aipo ehi: —¿Mahera vo pepɨhañemoñeta rai tẽi che rese?
24345	MRK 2:16	Evocoiyase Jesús ocaruse ipãhuve, fariseo eta, oporombohe vahe Moisés porocuaita rese avei oporandu semimbohe eta upe yuvɨreco: —¿Mahera ru pe mbohesar ocaru ava guarepochi rerocuasar iyavei yangaipa guasu vahe pãhuve tẽi? —ehi.
24347	MRK 2:18	Ñepei arɨ pɨpe Juan Oporoãpiramo vahe remimbohe oyecuacu yuvɨreco, fariseo eta avei oyecuacu yuvɨreco no. Evocoiyase movɨro mbɨa ipãhu pendar yuvɨraso, oporandu Jesús upe: —¿Mahera ru nde remimbohe ndoyecuacui eté yuvɨreco? Esepia, Juan remimbohe iyavei fariseo eta oyecuacu yuvɨreco yepi —ehi yuvɨreco chupe.
24361	MRK 3:4	Ipare oporandu ambuae upe: —¿Mbahe vo yaposara mbɨtuhusa arɨ pɨpe yepi: mbahe avɨye vahe pĩha, mbahe naporai vahe tie? ¿Yaipɨ̃sɨro pĩha ava recocuer, yamocañɨ uca tẽi tie? —ehi chupe. Ahe rumo opaño iquiriri tuprɨ yuvɨreco.
24390	MRK 3:33	Ahe rumo, —¿Ava pĩha che sɨ; ava pĩha che rɨvɨreta yuvɨrecoi? —ehi.
24432	MRK 4:40	Ipare aipo ehi güemimbohe upe: —¿Mahera pesɨquɨyé iteanga? ¿Ndapeyeroya vɨtei vo che rese? —ehi.
24433	MRK 4:41	Ahe rumo osɨquɨyepave oporandu-randu oyeupe yuvɨreco: —¿Ava pĩha co mbɨa secoi? Esepia niha, ɨvɨtu ai, ɨpa avei omboyeroya —ehi tẽi yuvɨreco chupe.
24442	MRK 5:9	Aheve oporandu chupe: —¿Mara vo nde rer? —ehi. Ahe omboyevɨ chupe: —Che rer Legión. Esepia, ore rehɨi eté —ehi.
24463	MRK 5:30	Jesús rumo oyandu osẽse opĩratasa oyesui. Sese omahe guaquɨcuei cotɨ ava rese, ahese oporandu: —¿Ava vo opoco che turucuar rese? —ehi.
24464	MRK 5:31	Semimbohe omboyevɨ yuvɨreco chupe: —¿Nderemahei vo ava oyere tuprɨ yuvɨreco nde rese? ¿Mahera ru, ‘¿Ava vo opoco che rese?’ ere iri? —ehi yuvɨreco chupe.
24472	MRK 5:39	Ichui oiquese oɨ pɨpe, aipo ehi: —¿Mahera vo perãse guasu tẽi peyaseho peyu? Co cuñatai nomanoi, oque tẽi ou —ehi ava upe.
24478	MRK 6:2	Oyepotase mbɨtuhusa arɨ, ahese oporombohe tũparo pɨpe. Setá ava iñehe rendusar oyepɨhamondɨisave oporandu-randu yuvɨreco: —¿Que sui vo co ava oicuapa opacatu mbahe? ¿Que sui pĩha vɨnose co mbahecuasa co poromondɨisa apo ãgua? —ehi yuvɨreco oyeupe—.
24500	MRK 6:24	Ahe cuñatai osẽ oso, osɨ upe oporandu: —¿Mbahe rese pĩha aporandura chupe? —ehi. Ichɨ aipo ehi chupe: —Eporandu Juan Oporoãpiramo vahe ãca rese —ehi chupe.
24513	MRK 6:37	Ahe rumo omboyevɨ: —Pe pemondora mbahe semihura —ehi. Semimbohe aipo ehi yuvɨreco chupe: —¿Iyacatura pĩha oreu dosciento denario pan repɨrã ava mbocaru ãgua? —ehi.
24514	MRK 6:38	Jesús aipo ehi: —¿Mbovɨ vo pereco pan? Peso, tapesepia —ehi. Sepia pare, omombehu: —Poyandepo pan, ñuvɨrío pira —ehi yuvɨreco chupe.
24537	MRK 7:5	Sese fariseo eta iyavei Moisés porocuaita rese oporombohe vahe oporandu Jesús upe yuvɨreco: —¿Mahera vo nde remimbohe yande ramoi aracahendar recocuer ndovɨroya iri yuvɨreco? Esepia ru, ahe ocaruño opo quɨha reseve yuvɨreco —ehi.
24573	MRK 8:4	Semibohe aipo ehi yuvɨreco chupe: —¿Mara yahera vo ava tohu mbahe mondo cohave ava porẽhɨsave? —ehi.
24574	MRK 8:5	Ahe oporandu: —¿Mbovɨ vo pan pereco? —ehi. —Orovɨreco siete pan —ehi semimbohe yuvɨreco chupe.
24590	MRK 8:21	Ipare aipo ehi: —¿Ndapesenducua vɨtei vo? —ehi güemimbohe upe.
24596	MRK 8:27	Ipare yuvɨraso Jesús güemimbohe reseve ɨvɨ Galilea sui tecua Cesarea cotɨ, Filipo ɨvɨ rese. Perɨ rupi oporandu güemimbohe upe: —¿Mara ehi vo ava oñehe yuvɨreco che rese? —ehi.
24618	MRK 9:11	Evocoiyase semimbohe oporandu chupe: —¿Mahera ru Moisés porocuaita rese oporombohe vahe: “Elías rane rumo oura curi” ehi yuvɨreco? —ehi yuvɨreco chupe.
24623	MRK 9:16	Evocoiyase ahe oporandu ava eta upe: —¿Mbahe rese vo peporandu-randu peyeupe? —ehi.
24628	MRK 9:21	Sese oporandu tu upe: —¿Mbahese vo na ehi chupe? —ehi. Tu evocoiyase aipo ehi: —Ichĩhivahemi suive ité.
24635	MRK 9:28	Ichui oique oɨ pɨpe. Aheve semimbohe ahe aemi oporandu yuvɨreco chupe: —¿Mahera pĩha ndoromose catui eté caruguar ichui? —ehi yuvɨreco.
24640	MRK 9:33	Ipare oyepota tecua Capernaum ve yuvɨreco. Yuvɨroiquese oɨ pɨpe, —¿Mbahe rese vo acoi peyeaca-aca peico perɨ rupi? —ehi güemimbohe upe.
24660	MRK 10:3	Ahe rumo omboyevɨ chupe: —¿Mara ehi vo acoi Moisés porocuaita pɨpe? —ehi.
24675	MRK 10:18	Jesús evocoiyase aipo ehi ahe mbɨa upe: —¿Mahera vo, “Avɨye vahe” ere cheu? Oime rumo ñepei avɨye vahe ité, ahe Tũpa secoi.
24693	MRK 10:36	Ahe evocoiyase, —¿Mbahe vo peipota ayapo vaherã pẽu? —ehi chupe.
24708	MRK 10:51	Evocoiyase oporandu ndasesapɨsoi vahe upe: —¿Mbahe vo ereipota ayapo vaherã ndeu? —ehi. Ahe evocoiyase, —Porombohesar, che mbosarecomi tẽira eve viña —ehi.
24714	MRK 11:5	Evocoiyase ahe pendar ava, —¿Mbahe peyapo? ¿Mahera vo peyora guaricu? —ehi yuvɨreco chupe.
24737	MRK 11:28	Aheve oporandu yuvɨreco chupe: —¿Ava nde cuaita pɨpe vo ereyapo co nungar eico? ¿Ava vo ombou nde mborerecuarã ndeu co nungar apo ãgua? —ehi yuvɨreco chupe.
24757	MRK 12:15	Oicua ité rumo fariseo pɨhaẽhɨsa, sese aipo ehi voi chupe: —¿Mahera che moingue pota mbahe tẽi pɨpe peye? Peru evocoiyase ñepei guarepochi cheu, tasepia —ehi.
24758	MRK 12:16	Ipare fariseo güeru yuvɨreco chupe, ahe guarepochi repiase, oporandu chupe: —¿Ava rahanga vo co chini sese, iyavei ava rer vo co chini sese no? —ehi chupe. —Roma pendar mborerecuar guasu —ehiño fariseo yuvɨreco chupe.
24770	MRK 12:28	Ñepei Moisés porocuaita rese oporombohe vahe osendu iñehe pĩratase oyeupe yuvɨreco, oicua avei Jesús omboyevɨ tuprɨse iñehe yuvɨreco chupe, evocoiyase oyemboya sese oporandu chupe: —¿Uma vo porocuaita avɨye catu vahe opacatu sui? —ehi.
24777	MRK 12:35	Jesús oporombohese tũparo pɨpe aipo ehi: —¿Mahera ru Moisés porocuaita rese oporombohe vahe: “Poropɨ̃sɨrosar David suindar ité” ehi yuvɨreco?
24788	MRK 13:2	Jesús rumo omboyevɨ chupe: —¿Pesepia co oɨ tuvichá vahe ité? Ndipoi chietera rumo que ñepei ita oyeha vɨte vahe; opacatu ité imondurusara curi —ehi.
24827	MRK 14:4	Ambuae ava aheve yuvɨnoi vahe rumo oñemoɨro tẽi aipo ehi yuvɨreco oyeupe: —¿Mahera vo co omocañɨ tẽi mbahe sɨ̃acua vahe?
24835	MRK 14:12	Yɨpɨndar arɨ pan ndayapepoi vahe husa pɨpe, ahese avei ovesa Pascua resendar yucaprɨ seropovẽhesa yepi, ahe arɨ pɨpe semimbohe oporandu Jesús upe yuvɨreco: —¿Que vo ereipota oromoingatura carusa Pascua pieta resendar yandeu? —ehi.
24842	MRK 14:19	Evocoiyase semimbohe ndoyembovɨhai tẽi yuvɨreco, iyavei oporandu-randu tẽi ñepei-pei chupe yuvɨreco: —¿Che pĩha? —ehi yuvɨreco.
24883	MRK 14:60	Ahese pahi rerecuar ɨvate catu vahe opũha oporandu Jesús upe: —¿Nderemboyevɨi chira vo iñehe yuvɨreco chupe? ¿Mbahe vo aipo nde amotarẽhɨmbar oñehe nde rese? —ehi chupe.
24884	MRK 14:61	Noñeheiño ité rumo chupe. Pahi rerecuar ɨvate catu vahe rumo oporandu iri chupe: —¿Poropɨ̃sɨrosar ité vo nde ereico, Tũpa imboeteiprɨ Rahɨr? —ehi.
24886	MRK 14:63	Evocoiyase pahi rerecuar ɨvate catu vahe omondoro oturucuar aipo ehi: —¿Mbahe iri vo yande yaipota vɨte yaico?
24897	MRK 15:2	Pilato aheve oporandu chupe: —¿Nde ité vo judío rerecuar ɨvate catu vahe ereico? —ehi. —Nde niha aipo, “Ahe ereico” ere cheu —ehi.
24899	MRK 15:4	Evocoiyase Pilato oporandu iri chupe aipo ehi: —¿Mahera vo ndereñehei eté? Esepia, setá mbahe nde rembiavɨ omombehu yuvɨreco —ehi.
24904	MRK 15:9	Pilato rumo aipo ehi: —¿Peipota amose vaherã judío rerecuar? —ehi.
24907	MRK 15:12	Evocoiyase Pilato oporandu ahe ava upe: —¿Mbahe vo peipota ayapora co mbɨa chupe acoi, ‘Judío rerecuar’ peye vahe rese? —ehi.
24909	MRK 15:14	Pilato rumo aipo ehi ava upe: —¿Mbahe ité vo oyapo naporai vahe? —ehi. Ahe rumo, —¡Tayatɨcasa ité curusu rese! —ehi atɨ-atɨ iriño yuvɨreco.
24945	MRK 16:3	Aheve aipo ehi oyeupe yuvɨreco: —¿Ava pĩha co tehõgüer rovapɨsa vɨrocuara yuvɨreco yandeu? —ehi.
24980	LUK 1:18	Evocoiyase, —¿Mara ahera pĩha aipo reroya? Che rumo acuacuami eté vichico, iyavei che rembireco ocuacuami avei no —ehi Tũpa rembiguai upe.
24996	LUK 1:34	Evocoiyase ahe aipo ehi: —¿Mara ahera vo aipo che membɨ viña? Esepia niha, ndaico vɨtei vahe cuimbahe rese —ehi Tũpa rembiguai upe.
25023	LUK 1:61	—¿Mahera vo? Ndipoi eté rumo nde mu rer aipo nungar —ehi yuvɨreco chupe.
25091	LUK 2:49	Evocoiyase, —¿Mahera vo che reca co cotɨ rupi tẽi peye peico? ¿Ndapeicuai vo che Ru rẽta pɨpe aico vaherã? —ehi osɨ upe.
25104	LUK 3:10	—¿Mbahe pĩha evocoiyase oroyapora ore recocuer recuñaro ãgua oroico? —ehi ava rehɨi oporandu yuvɨreco chupe.
25154	LUK 4:22	Opacatu ava oñehe tuprɨño ité yuvɨreco sese. Ndoyembovɨhai tẽi iñehe tuprɨ renduse yuvɨreco. Oporandu-randu rumo yuvɨreco oyeupe: —¿Ndahei vo acoi co José rahɨr tẽi? —ehi yuvɨreco chupe.
25168	LUK 4:36	Opacatu ava oyembosɨquɨye, iyavei oporandu-randu tẽi mbahe rese oyeupe yuvɨreco: —¿Mara ehi vo aipo oñehe oico? ¡Esepia, co mbɨa opĩratasa pɨpe oyocuai caruguar ava sui imose ãgua! —ehi yuvɨreco.