23439	MAT 8:25	Evocoiyase semimbohe yuvɨraso voi imomahe: —¡Ore Yar, yande rerasora mo co carite ɨpɨve! ¡Yande pɨ̃sɨro eve! —ehi yuvɨreco chupe.
23440	MAT 8:26	Evocoiyase aipo ehi: —¡Mahera pesɨquɨye! ¡Ndapeyeroyai eté che rese! —ehi güemimbohe upe. Ahese oñarapuha aipo ehi ɨtu guasu upe, ɨvɨtu ai upe avei no: “Pepɨtuhupa” ehi. Aheseve voi opa tuprɨ opɨtuhu yuvɨreco.
23452	MAT 9:4	Jesús rumo oicua ipɨhañemoñetasa, sese aipo ehi chupe: —¡Mahera pepɨhañemoñeta rai pe yapɨsacasa rereco!
23463	MAT 9:15	Ahe rumo omboyevɨ ahe ava upe: —¡Ndiyai eté ichohoprɨ mendasave ndoyembovɨhai yuvɨreco imer oicovese ipãhuve! Oimera rumo arɨ imer reraso ãgua ichui curi. Ahese ramo oyecuacura yuvɨreco cute —ehi.
23692	MAT 14:26	Semimbohe ɨ harɨ rupi iguatase, oyembosɨquɨye yuvɨreco ichui. Sese, —¡Ndahei vo evocoi hãgüer secoi! —ehi yuvɨreco chupe.
23696	MAT 14:30	Ɨvɨtu pĩrata repiase rumo, osɨquɨye ichui. Oso senise rumo ɨpɨve, —¡Che Yar! ¡Che pɨ̃sɨromi eve! —ehi.
23697	MAT 14:31	Ahese cũriteimi voi oipɨsɨ Pedro po rese, aipo ehi chupe: —¡Chĩhi tẽi ereyeroya che rese! ¡Mahera ndereyeroya tuprɨi che rese! —ehi.
23699	MAT 14:33	Evocoiyase carite pɨpe yuvɨrecoi vahe oñenopɨha sovai, —¡Supi eté catu nde Tũpa Rahɨr ereico! —ehi yuvɨreco chupe.
23724	MAT 15:22	Cuña cananea, Tiro, Sidón ɨvɨ rese secoi vahe oyemboya Jesús rese aipo ehi: —¡Che Yar, David suindar, che paraɨsuerecomi eve! ¡Che membrɨ vɨreco caruguar oyese! —ehi pucu-pucu ou chupe.
23727	MAT 15:25	Ahe cuña rumo oñenopɨha sovai, aipo ehi chupe: —¡Che Yar, che pɨ̃tɨvɨimi eve! —ehi.
23748	MAT 16:7	Iñehe renduse, semimbohe aipo ehi oyeupe yuvɨreco: —¡Ndayarui eté rumo pan! —ehi-ehi tẽi oyeupe yuvɨreco.
23763	MAT 16:22	Pedro rumo vɨraso co cotɨmi chupe oñehengata ãgua: —¡Tũpa ndoipotai eté evocoi nungar nde reco ãgua, che Yar! ¡Ndipoi chietera mbahe ndeu! —ehi Pedro chupe viña.
23764	MAT 16:23	—¡Esɨrɨ che sui, Caruguar! —ehi Pedro upe—. Nde che reitɨ pota eve mbahe tẽi pɨpe. Esepia, nandepɨhañemoñetai mbahe Tũpa upendar rese, ava nungar tẽi nde pɨhañemoñeta eico —ehi.
23845	MAT 19:14	Jesús rumo aipo ehi: —¡Mahera ndapeipotai iyu ãgua! Toyugüeruño chĩhivahe cheu. Esepia, co chĩhivahe nungar ava yuvɨroiquera che Ru povrɨve —ehi.
23848	MAT 19:17	—¡Mahera ereporandu cheu mbahe avɨye vahe rese! —ehi—. Ñepeiño ité avɨye vahe oime. Erereco potase rumo tecovesa apɨrẽhɨ vahe, emboyeroya mborocuaita —ehi.
23856	MAT 19:25	Aipo iñehesa renduse, semimbohe oyepɨhamondɨi aipo ehi: —¡Ava angahu pĩha evocoiyase oñepɨsɨrora yuvɨreco viña! —ehi yuvɨreco.
23891	MAT 20:30	Aheve perɨ popɨve ñuvɨrío ava ndasesapɨsoi vahe oguapɨ yuvɨnoi. Evocoiyase osenduse Jesús ocuase supi, osapucai pĩrata yuvɨreco chupe aipo ehi: —¡Ore Yar, mborerecuar guasu David suindar, ore paraɨsuerecomi tẽi eve! —ehi yuvɨnoi.
23892	MAT 20:31	Ahe ava oyaca-yacaño: “Quiriri” ehi yuvɨreco chupe. Ahe rumo osapucai pĩrata catuño ité yuvɨreco aipo ehi: —¡Ore Yar, David suindar, ore paraɨsuerecomi tẽira eve viña! —ehi iriño ité yuvɨreco.
23894	MAT 20:33	—¡Ore Yar, ore mbosarecomi tẽi eve! —ehi.
23904	MAT 21:9	Ava rehɨi senonde, saquɨcuei avei oguata vahe osapucai yuvɨreco aipo ehi: —¡Co mborerecuar guasu David suindar, imboeteiprɨ tasecoi! —ehi—. ¡Sovasaprɨ secoi ou vahe yande Yar rer pɨpe! ¡Ɨvave imboeteiprɨ tasecoi! —ehi yuvɨreco.
23911	MAT 21:16	aipo ehi chupe: —¡Eresendu vo aipo ehi tẽi vahe chĩhivahe yuvɨreco! —ehi. —Taa, asendu ité —ehi—. Pe no, ¿ndapeyeroquɨi vo sesendar ñehesa icuachiaprɨ pɨpe: ‘Chĩhivahemi, pĩtanimi avei osapucaira nde mboeteisa pɨpe yuvɨreco’ ehi vahe? —ehi.
23914	MAT 21:19	Aheve perɨ popɨve osepia ɨvɨra higuera. Ahe sese oyemboya oso ‘¿iha pĩha?’ oya viña. So güeraño tẽi rumo osepia. Evocoiyase ahe aipo ehi chupe: —¡Co pɨpe suive nandehai chietera! —ehi. Aheseve voi opa ipiru.
24131	MAT 26:8	Orosepiase rumo oroñemoɨro aipo orohe oreyeupe: —¡Mahera vo co omocañɨ tẽi!
24133	MAT 26:10	Jesús rumo oicua ore pɨhañemoñetasa. Sese aipo ehi oreu: —¡Mahera vo co cuña pemañeco tẽi! Esepia, co mbahe oyapo vahe avɨye ité cheu.
24163	MAT 26:40	Ipare oyevɨ güemimbohe upe. Ahe rumo opaño yuvɨroque yuvɨrocua. Ahese aipo ehi Pedro upe: —¡Ndapeñemosai eté vo pe ropesɨi upe che rãro ãgua que ñepei hora che mondugüe ãgua peye!
24168	MAT 26:45	Ipare oyevɨ iri güemimbohe upe aipo ehi chupe no: —¡Pequeño vɨte vo peyu! Osupitɨ che, Ava Rɨquehɨr, mondo ãgua ava yangaipa vahe povrɨve.
24219	MAT 27:21	Evocoiyase Pilato oporandu iri ava rehɨi upe: —¿Uma peipota catu co ñuvɨrío yuvɨrecoi vahe sui amose vaherã pẽu? —ehi. —¡Barrabás tosẽ! —ehi yuvɨreco.
24220	MAT 27:22	—¿Mbahe vo evocoiyase che ayapora Jesús rese chupe acoi ava, “Poropɨ̃sɨrosar” ehi yuvɨreco? —ehi. —¡Tayatɨcasa curusu rese! —ehi atɨ-atɨño yuvɨreco chupe.
24221	MAT 27:23	—¿Mbahe ité vo oyapo naporai vahe? —ehi tẽi ava rehɨi upe. Ahe rumo: —¡Tayatɨcasa ité curusu rese! —ehi atɨ-atɨ iriño yuvɨreco chupe.
24223	MAT 27:25	—¡Ore rese ité, ore rahɨr rese avei tovɨapi que mbahe tẽi co mbɨa mano sui! —ehi atɨño ité yuvɨreco.
24227	MAT 27:29	iyavei omonde ñaca rese yu pɨaprɨ, omondo avei ñepei tacuarmi mbahe rese ipocosa cotɨ ipove yuvɨreco. Ipare oñenopɨha angahu sovai yuvɨreco aipo ehi: —¡Imboeteiprɨ judío rerecuar tasecoi! —ehi angahu sese oguayɨ tẽisa pɨpe yuvɨreco.
24252	MAT 27:54	Evocoiyase co sundao rerecuar iyavei Jesús rãrosareta, ahe oyanduse ɨvɨ rɨrɨi yuvɨreco iyavei ambuae mbahe ẽgüe ehi vahecuer repiase, ahese oyembosɨquɨye guasu aipo ehi yuvɨreco: —¡Supi eté catu co mbɨa Tũpa Rahɨr ité secoi! —ehi tẽi yuvɨreco.
24348	MRK 2:19	Evocoiyase omboyevɨ ahe ava upe: —¡Ndiyai eté ichohoprɨ mendasave iyecuacu ãgua imer oicove vɨtese ipãhuve!
24353	MRK 2:24	Evocoiyase fariseo aipo ehi: —¡Mahera nde remimbohe mbɨtuhusa arɨ pɨpe oporavɨquɨño yuvɨreco! —ehi yuvɨreco chupe.
24368	MRK 3:11	Iyavei ava caruguar vɨreco vahe sepiase, oñenopɨha sovai, oñehe pucu-pucu yuvɨreco: —¡Nde Tũpa Rahɨr ereico! —ehi.
24440	MRK 5:7	oñehe pĩrata chupe: —¡Eyepepɨ che sui Jesús, Tũpa seco ɨvate catu vahe Rahɨr! ¡Aporandu Tũpa rer pɨpe che mombaraɨsuẽhɨ ãgua eve! —ehi.
24441	MRK 5:8	Aipo ehi, esepia, yɨpɨndar Jesús aipo ehi chupe: —¡Caruguar mbahe tẽi vahe, esẽ co mbɨa sui! —ehi chupe.
24581	MRK 8:12	Sese Jesús ipɨ̃tuhe pucu, aipo ehi: —¡Mahera vo co ava oipota ɨva pendar poromondɨisa che recocuer cua ãgua yuvɨreco! Namboyecuai chietera rumo que ñepei evocoi nungar mbahe pẽu —ehi.
24602	MRK 8:33	Oyemboyere rumo, omahe güemimbohe eta rese, oñehengata Pedro upe aipo ehi: —¡Esɨrɨ che sui, Caruguar! Esepia, nde nandepɨhañemoñetai mbahe Tũpa upendar rese; ava nungar tẽi nde pɨhañemoñeta eico —ehi.
24631	MRK 9:24	Aipo hese tu, —¡Orovɨroya niha, che pɨ̃tɨvɨi ru eve nde reroya catu ãgua! —ehi pĩrata chupe.
24671	MRK 10:14	Evocoiyase Jesús osepiase, ndasorɨi güemimbohe upe aipo ehi: —¡Mahera ndapeipotai iyu ãgua! Toyugüeruño chĩhivahe cheu. Esepia, co chĩhivahe nungar ava yuvɨroiquera che Ru Tũpa mborerecuasave.
24680	MRK 10:23	Evocoiyase omahe oɨvɨindar güemimbohe rese, aipo ehi: —¡Yavai eté rumo ava mbahe yar reique ãgua che Ru Tũpa mborerecuasave! —ehi.
24705	MRK 10:48	Ava rumo oyaca-yacaño, “¡Quiriri!” ehi yuvɨreco chupe. Ahe rumo, —¡David suindar, che paraɨsuerecomi tẽi eve! —ehi pĩrataño ité chupe.
24723	MRK 11:14	Evocoiyase aipo ehi ahe ɨvɨra upe: —¡Co pɨpe suive ndipo iri chira ava nde ha yuvɨrohu vaherã! —ehi. Semimbohe osendu iñehe yuvɨreco.
24864	MRK 14:41	Imombosapɨsa rupi oso irise aipo ehi chupe: —¡Pequeño vɨte vo peyu! Avɨye revo peque. Osupitɨ ité che, Ava Rɨquehɨr, mondo ãgua ava yangaipa vahe povrɨve.
24888	MRK 14:65	Ahese amove ava ondɨvɨ-ndɨvɨ sese iyavei osesacua, ipare yuvɨrocua-rocua sese aipo ehi yuvɨreco: —¡Eicua ité ru, ava evocoi ocua nde rese! —ehi-ehi yuvɨreco chupe. Sundao tũparo rãrosar avei osovapete-pete yuvɨreco.
24894	MRK 14:71	Pedro evocoiyase, —¡Tũpa niha oicua, ndopombopai eté niha aipo, ndaicuai eté aipo mbɨa pe ñehesa! —ehi.
24908	MRK 15:13	Ahe rumo omboyevɨ Pilato upe: —¡Tayatɨcasa curusu rese! —ehi atɨ-atɨño yuvɨreco.
24909	MRK 15:14	Pilato rumo aipo ehi ava upe: —¿Mbahe ité vo oyapo naporai vahe? —ehi. Ahe rumo, —¡Tayatɨcasa ité curusu rese! —ehi atɨ-atɨ iriño yuvɨreco.
24913	MRK 15:18	Sãse avei yuvɨreco: —¡Imboeteiprɨ judío rerecuar tasecoi! —ehi angahu yuvɨreco chupe.
25004	LUK 1:42	Ipare osapucai pĩrata aipo ehi chupe vorɨvetesave: —¡Tũpa nde rovasa cuña opacatu sui, iyavei osovasa nde membrɨ!
25166	LUK 4:34	—¡Ore mañeco tẽi eme eve! ¡Mahera ereyuño tẽi cohave oreu, nde, Jesús Nazaret pendar! ¿Ereyu vo ore mocañɨ ãgua tẽi? Che orocua ité. Nde niha seco maranehɨ vahe ereico Tũpa suindar —ehi chupe.
25173	LUK 4:41	Iyavei setá ava sui opa omose caruguar. Evocoiyase caruguar osapucai tẽi aipo ehi yuvɨreco: —¡Nde acoi Tũpa Rahɨr ité ereico! —ehi. Ahe rumo oñehe pĩrata caruguar upe, nomoñehe iri. Esepia niha, caruguar oicua ité ahe Tũpa Rembiporavo seco rese yuvɨreco.
25184	LUK 5:8	Co mbahe repiase, Simón Pedro oñenopɨha oso sovai aipo ehi chupe: —¡Eyepepɨmi tẽi che sui, che Yar! ¡Esepia, che yangaipa vahe tẽi aico! —ehi.
25198	LUK 5:22	Ahe rumo oicuaño ité ahe ava pɨhañemoñetasa. Evocoiyase aipo ehi chupe: —¡Mahera vo pepɨhañemoñeta rai tẽi che rese!
25206	LUK 5:30	Pieta repiasar fariseo yuvɨrecoi vahe rumo iyavei ipãhu pendar Moisés porocuaita rese oporombohe vahe avei, ahe omboɨpɨ semimbohe upe oñehe mara aipo ehi yuvɨreco chupe: —¡Mahera ru pecaru iyavei pecahu guarepochi rerocuasar rese iyavei ambuae ava yangaipa guasu vahe rese tẽi avei no! —ehi.
25217	LUK 6:2	Evocoiyase fariseo osepiase, aipo ehi yuvɨreco semimbohe eta upe: —¡Mahera peporavɨquɨño tẽi co mbɨtuhusa arɨ pɨpe peico! —ehi.
25308	LUK 7:44	Evocoiyase omahe cuña rese aipo ehi Simón upe: —¡Emahe co cuña rese! Aiquese acoi nde rẽta pɨpe, nde nderembouimi eté ɨ che pɨsei ãgua cheu; co cuña rumo güesaɨ pɨpe oyosei che pɨ. Ipare omombiru oha aprɨ pɨpe ae no.
25313	LUK 7:49	Evocoiyase ambuae ava ichohoprɨ oguapɨ vahe yuvɨnoi aheve, ahe aipo ehi oyeupe yuvɨreco: —¡Uma pĩha co mbɨa iñero vahe ité angaipa upe! —ehi.
25339	LUK 8:25	Evocoiyase aipo ehi güemimbohe eta upe: —¿Mahera vo ndapeyeroyai che rese? —ehi. Ahe rumo osɨquɨyeño, ndoyembovɨhaiño iyavei oporandu-randu tẽi oyeupe yuvɨreco: —¡Mara ehi vahe pĩha co mbɨa! Esepia niha, ɨvɨtu ai, para guasu avei omboyeroya —ehi tẽi oyeupe yuvɨreco.
25341	LUK 8:27	Aheve mbɨa tecua ɨguar caruguar vɨreco vahe secoi. Aracahe suive nani tuprɨ ité secoi iyavei ndopɨtai vahe ité oɨ pɨpe yepi; ẽgüe ehi rumo ahe tehõgüer ruvɨpa rupindar tẽi secoi. Setá rupi caruguar ombohe ité sereco yepi. Yepe ava oipocuhacua-acua carena pɨpe sereco, ipɨ rupi avei no ‘tovɨraso iri eme caruguar’ oyapave yuvɨreco chupe viña, ahe rumo ombosando-sandoño ité iyavei caruguar omoñemi ucaño ava porẽhɨsa rupi sereco. Evocoiyase Jesús osẽse carite pɨpe sui, osovaĩchi ahe mbɨa. Sepiase rumo, ahe mbɨa oñenopɨha voi oso sovai oñehe pĩrata chupe: —¡Eyepepɨ che sui, Jesús, Tũpa seco ɨvate catu vahe Rahɨr! ¡Che mombaraɨsui rene eve! —ehi. Esepia, Jesús opa oyocuai caruguar sereco ‘tosẽ ichui’ oyapave.
25420	LUK 9:50	Jesús rumo, —¡Aní ndapeipotai chupe! —ehi—. Esepia niha, evocoi nungar ava ndahei yande amotarẽhɨsar; ahe rumo yande mboyoyasar —ehi güemimbohe eta upe.
25449	LUK 10:17	Oyevɨpase ava setenta y dos vahe, ovɨharetesave aipo ehi yuvɨreco chupe: —¡Ore Yar, caruguar avei eté niha ore mboyeroya eteprɨ yuvɨreco nde rer pɨpe! —ehi.
25501	LUK 11:27	Oñehe vɨteseve aipo mbahe rese, cuña ava rehɨi pãhu pendar oñehe pĩrata aipo ehi: —¡Evocoi mbɨa sui ereha vahe iyavei nde mboacua vahe, ahe sovasaprɨ tasecoi! —ehi chupe.
25502	LUK 11:28	Ahe rumo aipo ehi: —¡Acoi osendu vahe ité che Ru Tũpa Ñehengagüer iyavei vɨroya vahe ité, ahe sovasaprɨ secoira che Ru Tũpa rovaque! —ehi ahe cuña upe.
25520	LUK 11:46	Ahe rumo aipo ehi: —¡Peparaɨsu avei pe Moisés porocuaita rese oporombohe vahe! Esepia, pemondo porocuaita yavai vahe ava upe; pe rumo evocoiyase ndapeipɨ̃tɨvɨimi eté ahe ava imboavɨye ãgua rese yuvɨreco.
25637	LUK 14:15	Iñehe renduse rumo, ñepei mbɨa yuvɨroguapɨ vahe mesave, ahe aipo ehi Jesús upe: —¡Sovasaprɨ catu ava Tũpa pɨri ocaru vahe imborerecuasave! —ehi.
25773	LUK 18:16	Jesús rumo aipo ehi: —¡Mahera ndapeipotai iyu ãgua! Toyugüeruño chĩhivahe cheu. Esepia, co chĩhivahe nungar ava yuvɨroiquera che Ru Tũpa povrɨve.
25781	LUK 18:24	Sese omahe aipo ehi: —¡Yavai eté rumo ava mbahe yar reique ãgua che Ru Tũpa mborerecuasave! —ehi—.
25796	LUK 18:39	Evocoiyase ava tenonde oguata vahe oyaca-yacaño, “Quiriri” ehi yuvɨreco chupe. Ahe rumo, —¡David suindar, che paraɨsuerecomi tẽi eve! —ehi pĩrataño ité chupe.
25838	LUK 19:38	aipo ehi yuvɨreco: —¡Sovasaprɨ secoi mborerecuar guasu ou vahe yande Yar rer pɨpe! ¡Mbahe tuprɨ toime ɨvave iyavei imboeteiprɨ Tũpa tasecoi! —ehi.
25864	LUK 20:16	Oura evocoiyase ahe ava mocañɨpa ãgua, omondora ambuae ava upe oɨvɨ rese oporavɨquɨ vaherã” ehi. Aipo renduse, —¡Egüe tehi eme! —ehi ava yuvɨreco chupe.
25948	LUK 22:15	Evocoiyase aipo ehi: —¡Cueseve tẽi eté niha aipota acaru vaherã pe pɨri Pascua pieta resendar rese che mano ãgua renonde!
25979	LUK 22:46	Evocoiyase, —¡Mahera opaño peque! Peñarapuha, peyeroquɨ catu pe vɨapiẽhɨ ãgua mbahe tẽi pɨpe —ehi güemimbohe upe.
25997	LUK 22:64	Osesacua yuvɨreco. Ipare oporandu yuvɨreco chupe: —¡Eicua ité ru, ava evocoi ocua nde rese! —ehi yuvɨreco chupe.
26022	LUK 23:18	Opacatú guasu rumo ava oñehe pĩrata yuvɨreco aipo ehi: —¡Co topɨtaño oreu! ¡Barrabás emoseño! —ehi ava eta Pilato upe.
26041	LUK 23:37	iyavei aipo ehi yuvɨreco chupe: —¡Nde niha aipo ava judío eta rerecuar guasu ereico! ¡Eñepɨsɨro ru nde ae ité! —ehi sundao eta yuvɨreco chupe.
26043	LUK 23:39	Evocoiyase ndaseco põrai vahe yatɨcaprɨ iñehe mara tẽi chupe aipo ehi: —¡Nde Poropɨ̃sɨrosar ereicose, eñepɨsɨro ru nde ae, ore avei ru ore pɨ̃sɨro eve! —ehi chupe.
26050	LUK 23:46	Evocoiyase Jesús oñehe pĩrata: —¡Che Ru, amondo che espíritu ndeu! —ehi. Aipo ohe pare voi omano.
26065	LUK 24:5	Opaño ñaca ɨvɨso ɨvɨ cotɨ yuvɨreco osɨquɨyepave. Evocoiyase co mbɨa aipo ehi yuvɨreco chupe: —¡Mahera peseca tuvɨpa pãhu rupi ava oicove vahe!
26085	LUK 24:25	Evocoiyase aipo ehi ahe ñuvɨrío mbɨa upe: —¡Ndapeicuai eté rumo pe pɨha pɨpe seroya tuprɨ ãgua opacatu Tũpa ñehe mombehusar remimombehugüer!
26098	LUK 24:38	—¡Mahera pesɨquɨye! ¡Mahera pereco vɨte pe poreroyaẽhɨsa pe pɨha pɨpe!
26163	JHN 1:50	—¡Che reroya voi eté acoi, “Oroepia ɨvɨravrɨve” che he sui tẽi eve! Eresepiara rumo co mbahe sui avɨye catu vahe —ehi.
26180	JHN 2:16	Apɨcasu mondosareta uve aipo ehi: —¡Penosepa co mbahe cũritei ave sui! —ehi—. ¡Aní che Ru rẽta mbahe mondosa tẽi pereco! —ehi.
26199	JHN 3:10	—¡Nde niha porombohesar ɨvate vahe Israel pendar ereico, nderesenducuai eté rumo co nungar mbahe! —ehi chupe—.
26276	JHN 4:51	Amombrɨ seco vɨteseve, yuvɨnoña voi sovaĩchi sembiguai imombehu: —¡Nde rahɨr oicove! —ehi yuvɨreco chupe.
26346	JHN 6:20	Ahe rumo aipo ehi güemimbohe upe: —¡Che Jesús aico, pesɨquɨyei rene! —ehi.
26417	JHN 7:20	—¡Nde erereco caruguar ndeyese! ¿Ava vo nde yuca pota? —ehiño ava eta yuvɨreco chupe.
26425	JHN 7:28	Evocoiyase aipo renduse oporombohe vɨteseve tũparove, oñehe pĩrata aipo ehi: —¡Pe niha aipo, “Oroicua vahe” peye; “Oroicua avei iyusa” peye cheu! Ndayui rumo che remimbotar sui tẽi. Oime rumo che mbousar, ahe seroyaprɨ ité. Ahe pe ndapeicuai vahe.
26443	JHN 7:46	Sundao tũparo rãrosar evocoiyase aipo ehi: —¡Ndipoi eté que ava oñehe vahe ahe mbɨa nungar! —ehiño yuvɨreco.
26489	JHN 8:39	—¡Ore yesupa rumo Abraham! —ehi judío eta yuvɨreco chupe. —Abraham suindar ité peicose, peyapora mbahe sembiapo nungar viña.
26491	JHN 8:41	Esepia, pe peyapo mbahe peyesupa rembiapo tẽi eté —ehi. Evocoiyase ava aipo ehi yuvɨreco: —¡Ndahei rumo ore oyesu tẽi vahe oroico; ore rumo orovɨreco ñepeiño ité ore yesupa, ahe Tũpa! —ehiño yuvɨreco.
26539	JHN 9:30	—¡Mara peye rutei pe ndapeicuai que suindar ahe! Che rumo che mbosareco.
26707	JHN 13:8	Pedro rumo aipo ehi chupe: —¡Che pɨ rumo ndereyosei chietera! —ehi. —Ndayoseise rumo nde pɨ, ndahei chietera evocoiyase che rupindar ereico —ehi Pedro upe.
26708	JHN 13:9	Pedro evocoiyase aipo ehi: —¡Che Yar, aní catu che pɨ año ereyosei; eyosei che po, che rova avei! —ehi chupe.
26880	JHN 18:26	Ipare mbɨa pahi rerecuar ɨvate catu vahe rembiguai, inambi asɨaprɨ mu aipo ehi chupe: —¡Avɨye acoi nde ité oroepia vahe mbahe mitɨ rẽta pɨpe supi! —ehi chupe.
26889	JHN 18:35	—¡Che ndahei eté judío aico! Nde recua pendar ae niha pahi eta rerecuar nde reru yuvɨreco cheu. ¿Mbahe vo evocoiyase ereyapo? —ehi Pilato chupe.
26894	JHN 18:40	Aipo ihese, opacatu osapucai pĩratá yuvɨreco aipo ehi: —¡Evocoi aní! ¡Barrabás catu emose! —ehiño yuvɨreco. Barrabás rumo imonda rai vahe secoi.
26897	JHN 19:3	Ipare oyemboya sese aipo ehi: —¡Imboeteiprɨ judío Rerecuar tasecoi! —ehi angahu sovapete-pete yuvɨreco.
26899	JHN 19:5	Evocoiyase vɨnose yu pɨaprɨ oãca rese turucuar pĩraumbɨ vahe reseve senoha ava upe. Ahese Pilato aipo ehi: —¡Ndo co aipo mbɨa cute! —ehi.