| 42 | GEN 2:11 | שם האחד פישון הוא הסבב את כל ארץ החוילה אשר שם הזהב׃ |
| 44 | GEN 2:13 | ושם הנהר השני גיחון הוא הסובב את כל ארץ כוש׃ |
| 52 | GEN 2:21 | ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה׃ |
| 82 | GEN 4:2 | ותסף ללדת את אחיו את הבל ויהי הבל רעה צאן וקין היה עבד אדמה׃ |
| 92 | GEN 4:12 | כי תעבד את האדמה לא תסף תת כחה לך נע ונד תהיה בארץ׃ |
| 94 | GEN 4:14 | הן גרשת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני׃ |
| 107 | GEN 5:1 | זה ספר תולדת אדם ביום ברא אלהים אדם בדמות אלהים עשה אתו׃ |
| 149 | GEN 6:11 | ותשחת הארץ לפני האלהים ותמלא הארץ חמס׃ |
| 151 | GEN 6:13 | ויאמר אלהים לנח קץ כל בשר בא לפני כי מלאה הארץ חמס מפניהם והנני משחיתם את הארץ׃ |
| 159 | GEN 6:21 | ואתה קח לך מכל מאכל אשר יאכל ואספת אליך והיה לך ולהם לאכלה׃ |
| 176 | GEN 7:16 | והבאים זכר ונקבה מכל בשר באו כאשר צוה אתו אלהים ויסגר יהוה בעדו׃ |
| 179 | GEN 7:19 | והמים גברו מאד מאד על הארץ ויכסו כל ההרים הגבהים אשר תחת כל השמים׃ |
| 180 | GEN 7:20 | חמש עשרה אמה מלמעלה גברו המים ויכסו ההרים׃ |
| 186 | GEN 8:2 | ויסכרו מעינת תהום וארבת השמים ויכלא הגשם מן השמים׃ |
| 187 | GEN 8:3 | וישבו המים מעל הארץ הלוך ושוב ויחסרו המים מקצה חמשים ומאת יום׃ |
| 189 | GEN 8:5 | והמים היו הלוך וחסור עד החדש העשירי בעשירי באחד לחדש נראו ראשי ההרים׃ |
| 194 | GEN 8:10 | ויחל עוד שבעת ימים אחרים ויסף שלח את היונה מן התבה׃ |
| 196 | GEN 8:12 | וייחל עוד שבעת ימים אחרים וישלח את היונה ולא יספה שוב אליו עוד׃ |
| 197 | GEN 8:13 | ויהי באחת ושש מאות שנה בראשון באחד לחדש חרבו המים מעל הארץ ויסר נח את מכסה התבה וירא והנה חרבו פני האדמה׃ |
| 205 | GEN 8:21 | וירח יהוה את ריח הניחח ויאמר יהוה אל לבו לא אסף לקלל עוד את האדמה בעבור האדם כי יצר לב האדם רע מנעריו ולא אסף עוד להכות את כל חי כאשר עשיתי׃ |
| 229 | GEN 9:23 | ויקח שם ויפת את השמלה וישימו על שכם שניהם וילכו אחרנית ויכסו את ערות אביהם ופניהם אחרנית וערות אביהם לא ראו׃ |
| 237 | GEN 10:2 | בני יפת גמר ומגוג ומדי ויון ותבל ומשך ותירס׃ |
| 242 | GEN 10:7 | ובני כוש סבא וחוילה וסבתה ורעמה וסבתכא ובני רעמה שבא ודדן׃ |
| 247 | GEN 10:12 | ואת רסן בין נינוה ובין כלח הוא העיר הגדלה׃ |
| 249 | GEN 10:14 | ואת פתרסים ואת כסלחים אשר יצאו משם פלשתים ואת כפתרים׃ |
| 251 | GEN 10:16 | ואת היבוסי ואת האמרי ואת הגרגשי׃ |
| 252 | GEN 10:17 | ואת החוי ואת הערקי ואת הסיני׃ |
| 254 | GEN 10:19 | ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשע׃ |
| 265 | GEN 10:30 | ויהי מושבם ממשא באכה ספרה הר הקדם׃ |
| 269 | GEN 11:2 | ויהי בנסעם מקדם וימצאו בקעה בארץ שנער וישבו שם׃ |
| 296 | GEN 11:29 | ויקח אברם ונחור להם נשים שם אשת אברם שרי ושם אשת נחור מלכה בת הרן אבי מלכה ואבי יסכה׃ |
| 308 | GEN 12:9 | ויסע אברם הלוך ונסוע הנגבה׃ |
| 321 | GEN 13:2 | ואברם כבד מאד במקנה בכסף ובזהב׃ |
| 322 | GEN 13:3 | וילך למסעיו מנגב ועד בית אל עד המקום אשר היה שם אהלה בתחלה בין בית אל ובין העי׃ |
| 329 | GEN 13:10 | וישא לוט את עיניו וירא את כל ככר הירדן כי כלה משקה לפני שחת יהוה את סדם ואת עמרה כגן יהוה כארץ מצרים באכה צער׃ |
| 330 | GEN 13:11 | ויבחר לו לוט את כל ככר הירדן ויסע לוט מקדם ויפרדו איש מעל אחיו׃ |
| 331 | GEN 13:12 | אברם ישב בארץ כנען ולוט ישב בערי הככר ויאהל עד סדם׃ |
| 332 | GEN 13:13 | ואנשי סדם רעים וחטאים ליהוה מאד׃ |
| 338 | GEN 14:1 | ויהי בימי אמרפל מלך שנער אריוך מלך אלסר כדרלעמר מלך עילם ותדעל מלך גוים׃ |
| 339 | GEN 14:2 | עשו מלחמה את ברע מלך סדם ואת ברשע מלך עמרה שנאב מלך אדמה ושמאבר מלך צביים ומלך בלע היא צער׃ |
| 345 | GEN 14:8 | ויצא מלך סדם ומלך עמרה ומלך אדמה ומלך צביים ומלך בלע הוא צער ויערכו אתם מלחמה בעמק השדים׃ |
| 346 | GEN 14:9 | את כדרלעמר מלך עילם ותדעל מלך גוים ואמרפל מלך שנער ואריוך מלך אלסר ארבעה מלכים את החמשה׃ |
| 347 | GEN 14:10 | ועמק השדים בארת בארת חמר וינסו מלך סדם ועמרה ויפלו שמה והנשארים הרה נסו׃ |
| 348 | GEN 14:11 | ויקחו את כל רכש סדם ועמרה ואת כל אכלם וילכו׃ |
| 349 | GEN 14:12 | ויקחו את לוט ואת רכשו בן אחי אברם וילכו והוא ישב בסדם׃ |
| 354 | GEN 14:17 | ויצא מלך סדם לקראתו אחרי שובו מהכות את כדר לעמר ואת המלכים אשר אתו אל עמק שוה הוא עמק המלך׃ |
| 358 | GEN 14:21 | ויאמר מלך סדם אל אברם תן לי הנפש והרכש קח לך׃ |
| 359 | GEN 14:22 | ויאמר אברם אל מלך סדם הרימתי ידי אל יהוה אל עליון קנה שמים וארץ׃ |
| 366 | GEN 15:5 | ויוצא אתו החוצה ויאמר הבט נא השמימה וספר הכוכבים אם תוכל לספר אתם ויאמר לו כה יהיה זרעך׃ |
| 382 | GEN 15:21 | ואת האמרי ואת הכנעני ואת הגרגשי ואת היבוסי׃ |
| 387 | GEN 16:5 | ותאמר שרי אל אברם חמסי עליך אנכי נתתי שפחתי בחיקך ותרא כי הרתה ואקל בעיניה ישפט יהוה ביני וביניך׃ |
| 392 | GEN 16:10 | ויאמר לה מלאך יהוה הרבה ארבה את זרעך ולא יספר מרב׃ |
| 410 | GEN 17:12 | ובן שמנת ימים ימול לכם כל זכר לדרתיכם יליד בית ומקנת כסף מכל בן נכר אשר לא מזרעך הוא׃ |
| 411 | GEN 17:13 | המול ימול יליד ביתך ומקנת כספך והיתה בריתי בבשרכם לברית עולם׃ |
| 421 | GEN 17:23 | ויקח אברהם את ישמעאל בנו ואת כל ילידי ביתו ואת כל מקנת כספו כל זכר באנשי בית אברהם וימל את בשר ערלתם בעצם היום הזה כאשר דבר אתו אלהים׃ |
| 425 | GEN 17:27 | וכל אנשי ביתו יליד בית ומקנת כסף מאת בן נכר נמלו אתו׃ |
| 430 | GEN 18:5 | ואקחה פת לחם וסעדו לבכם אחר תעברו כי על כן עברתם על עבדכם ויאמרו כן תעשה כאשר דברת׃ |
| 431 | GEN 18:6 | וימהר אברהם האהלה אל שרה ויאמר מהרי שלש סאים קמח סלת לושי ועשי עגות׃ |
| 441 | GEN 18:16 | ויקמו משם האנשים וישקפו על פני סדם ואברהם הלך עמם לשלחם׃ |
| 442 | GEN 18:17 | ויהוה אמר המכסה אני מאברהם אשר אני עשה׃ |
| 445 | GEN 18:20 | ויאמר יהוה זעקת סדם ועמרה כי רבה וחטאתם כי כבדה מאד׃ |
| 447 | GEN 18:22 | ויפנו משם האנשים וילכו סדמה ואברהם עודנו עמד לפני יהוה׃ |
| 448 | GEN 18:23 | ויגש אברהם ויאמר האף תספה צדיק עם רשע׃ |
| 449 | GEN 18:24 | אולי יש חמשים צדיקם בתוך העיר האף תספה ולא תשא למקום למען חמשים הצדיקם אשר בקרבה׃ |
| 451 | GEN 18:26 | ויאמר יהוה אם אמצא בסדם חמשים צדיקם בתוך העיר ונשאתי לכל המקום בעבורם׃ |
| 453 | GEN 18:28 | אולי יחסרון חמשים הצדיקם חמשה התשחית בחמשה את כל העיר ויאמר לא אשחית אם אמצא שם ארבעים וחמשה׃ |
| 454 | GEN 18:29 | ויסף עוד לדבר אליו ויאמר אולי ימצאון שם ארבעים ויאמר לא אעשה בעבור הארבעים׃ |
| 459 | GEN 19:1 | ויבאו שני המלאכים סדמה בערב ולוט ישב בשער סדם וירא לוט ויקם לקראתם וישתחו אפים ארצה׃ |
| 460 | GEN 19:2 | ויאמר הנה נא אדני סורו נא אל בית עבדכם ולינו ורחצו רגליכם והשכמתם והלכתם לדרככם ויאמרו לא כי ברחוב נלין׃ |
| 461 | GEN 19:3 | ויפצר בם מאד ויסרו אליו ויבאו אל ביתו ויעש להם משתה ומצות אפה ויאכלו׃ |
| 462 | GEN 19:4 | טרם ישכבו ואנשי העיר אנשי סדם נסבו על הבית מנער ועד זקן כל העם מקצה׃ |
| 464 | GEN 19:6 | ויצא אלהם לוט הפתחה והדלת סגר אחריו׃ |
| 468 | GEN 19:10 | וישלחו האנשים את ידם ויביאו את לוט אליהם הביתה ואת הדלת סגרו׃ |
| 469 | GEN 19:11 | ואת האנשים אשר פתח הבית הכו בסנורים מקטן ועד גדול וילאו למצא הפתח׃ |
| 473 | GEN 19:15 | וכמו השחר עלה ויאיצו המלאכים בלוט לאמר קום קח את אשתך ואת שתי בנתיך הנמצאת פן תספה בעון העיר׃ |
| 475 | GEN 19:17 | ויהי כהוציאם אתם החוצה ויאמר המלט על נפשך אל תביט אחריך ואל תעמד בכל הככר ההרה המלט פן תספה׃ |
| 477 | GEN 19:19 | הנה נא מצא עבדך חן בעיניך ותגדל חסדך אשר עשית עמדי להחיות את נפשי ואנכי לא אוכל להמלט ההרה פן תדבקני הרעה ומתי׃ |
| 478 | GEN 19:20 | הנה נא העיר הזאת קרבה לנוס שמה והיא מצער אמלטה נא שמה הלא מצער הוא ותחי נפשי׃ |
| 482 | GEN 19:24 | ויהוה המטיר על סדם ועל עמרה גפרית ואש מאת יהוה מן השמים׃ |
| 486 | GEN 19:28 | וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן׃ |
| 497 | GEN 20:1 | ויסע משם אברהם ארצה הנגב וישב בין קדש ובין שור ויגר בגרר׃ |
| 509 | GEN 20:13 | ויהי כאשר התעו אתי אלהים מבית אבי ואמר לה זה חסדך אשר תעשי עמדי אל כל המקום אשר נבוא שמה אמרי לי אחי הוא׃ |
| 512 | GEN 20:16 | ולשרה אמר הנה נתתי אלף כסף לאחיך הנה הוא לך כסות עינים לכל אשר אתך ואת כל ונכחת׃ |
| 537 | GEN 21:23 | ועתה השבעה לי באלהים הנה אם תשקר לי ולניני ולנכדי כחסד אשר עשיתי עמך תעשה עמדי ועם הארץ אשר גרתה בה׃ |
| 549 | GEN 22:1 | ויהי אחר הדברים האלה והאלהים נסה את אברהם ויאמר אליו אברהם ויאמר הנני׃ |
| 561 | GEN 22:13 | וישא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנו׃ |
| 574 | GEN 23:2 | ותמת שרה בקרית ארבע הוא חברון בארץ כנען ויבא אברהם לספד לשרה ולבכתה׃ |
| 581 | GEN 23:9 | ויתן לי את מערת המכפלה אשר לו אשר בקצה שדהו בכסף מלא יתננה לי בתוככם לאחזת קבר׃ |