87	GEN 4:7	Eta ku daek banan nam, taon elola ko Auk sium ku nol babanan. Mo doha-doha! Eta ku daek dadaat tam, mam in daat na hai bali ku, banansila el luis in daek blaoh le holon tetema ka. Tiata eta ku kom le daek dadaat tam, banan dui ka ku hutun soleng meman tia!”
503	GEN 20:7	Nol nia, ku tunang pait bihatang na lako un sapa ku tia. Ta un sapa ka na mo, Auk mee-baha. Tiata ku laok nodan una, le kohe-kanas bel ku, halin nam ku mate deken. Mo eta noan ku bel pait bihatang na lo kam, nangan ni bana-banan! Ta mam ku, nol ku atulim mas matem totoang.”
1004	GEN 34:23	Eta kit nuil nakbuan apa son nam, mam oen hmukit tas nol oen hmukin nas totoang kon daid kit pusaka, ta lo? Tiata banan dui ka, kit sium oen in koma ka. Maa, le kit sunat leo-leo! Tade tam lo ka?”
1330	GEN 44:5	Taon elola le mi dalen nias boel naseke, le naok lail-nini tuang klas lil-muti ka lia? Mi tanan lo ke? Na tuang klas in ninu tukun lo! Un kon pake klas na le taung in tinang atuli ulat. Klas na muik un kuat-tes! Mi in tao ni, meman daat isi son!’”
23271	MAT 3:10	Doha-doha! Ta muik Atuli mes kil taa, le mana-mana in nuk totoang kai ina man in isin banan lo ngas. Nuk hidis sam, Un piul tamang lakos ai dalen.
23765	MAT 16:24	Hidi kon, Yesus tui Un ima-ii las noan, “Atuil in le muid Au ka, un musti tahang le muid tutungus lelo-lelon! Un musti nadidingun soleng un in koma-koma ngas, le muid se Ama Lamtua in koma ka tuun. Atuli las le keo un kon no, un musti muid napiut, banansila el atuli in haal un kai sangsuli la le laok mate ka.
23892	MAT 20:31	Ming oen duas haman ela kon, atuli las kaing noan, “Hoe! Mi duam lobo deken!” Mo oen duas haman mumuun dui pait noan, “Tuang! Daud in hua-koet! Kasiang kaim tia!”
23953	MAT 22:12	Ta lahing nga ketan noan, ‘Hoe kaak-pali! Tasao le ku taam maa se nia, mo pake kai-baut fesat lo kia?’ Mo atuling na langan tuun.
24016	MAT 23:29	Hoe, guru-guru agama nol atuil Farisi me! Mi niam meman atuil in sila-klup tuun! Mam mi haup in susa-daat! Mi daek bel Ama Lamtua Allah mee-baha las utu nas tene-tene, nol lohas atuil banan nas utu ngas leko-leko.
24030	MAT 24:4	Kon Yesus siut noan, “Mi musti doha-doha! Le halin mi tom in nole-lilung deken.
24050	MAT 24:24	Ta mam muik atuli puit le teh kalas noan, ‘Auk niam Kristus!’ Nol tenga las pait tek noan, ‘Auk niam Ama Lamtua Allah mee-baha.’ Mam oen tao taad herang bili-ngala pake uikjale kas in kuasa, le nole-lilung atuli. Oen soba-naan le halin Ama Lamtua atulin nas kon tom in nole-lilung!
24162	MAT 26:39	Kon Un keko lako katang dui bubuit, hidim Un hai buku ka le kohe-kanas noan, “Papa boa-ili! Eta Paap tade kam, Auk lepa-haal in susa-daat ni deken tia. Mo muid Auk in koma ki deken; nang le muid se Paap in koma ka tuun.”
24383	MRK 3:26	Ela kon nol uikjale kas, eta oen mus apa mes nol mesa lam, taon elola ko oen sisakes! Eta ela son nam, oen dudus-didaan!
24584	MRK 8:15	Kon Yesus tekas noan, “Mi musti doha-doha! Boel tom lahing Herodes sa nol atuil Farisi las in tui dadaat ta deken. Oen in tui ka, banansila el bibit ruti man atuli li kutang nol tarigu le tao hus ruti ka.”
24603	MRK 8:34	Hidi kon, Yesus haman atuil tenga las le maa nakbuan nol Un ima-ii las. Hidim Un tui oen noan, “Asii man kom le muid Au lam, un musti tahang, le muid Auk lelo-lelon! Un musti nadidingun soleng un in koma-koma ngas, le muid se Ama Lamtua Allah in koma ka sii. Atuli le keo un kon no, un musti muid napiut tuun, banansila el atuli haal un kai sangsuli la, le laok mate.
24705	MRK 10:48	Ming un haman ela kon, atuli las kaing un noan, “Hoe! Lobo deken!” Mo un haman mumuun dui pait noan, “Yesus! Laih Daud in hua-koet! Bel ampong auk tia!”
24844	MRK 14:21	Nangan ne! Au, Atuling Baktetebes sia, musti mateng banansila el oen in dul meman son ne Ama Lamtua Allah Buk Niu ka ka. Mo doha! Atuling man in le hee Au ka, mam un haup in susa-daat! Banan dui ka, un ina ka huan deken!”
24858	MRK 14:35	Kon Un keko lako katang dui bubuit, le hai buku ka laok se dale ka, hidim kohe-kanas noan, “Papa boa-ili! Eta Paap tade kam, Auk lepa-haal in susa-daat ni didiin mateng eli deken tia. Auk tanan meman son noan, Paap daek nal asa tukun. Tiata eta bole lam, Paap kat soleng in susa ni katang deng Auk tia. Mo muid Auk in koma ka deken; muid se Paap in koma ka tukun.”
24931	MRK 15:36	Kon atuli at mes lail lako kat kitu duda le dopon tamang laok se anggor ngilu ka. Hidim un hai kitu duda na laok se hnikan tula mesa, le tapa laok se Yesus sula ka, halin Un bolos. Nol atuli las aa noan, “Natang le kit ngat soba-nanan! Asii tana mo upung Elia maa tao niung Un deng kai sangsuli dapa ka.”
24990	LUK 1:28	Un tulu apa ka bel tana-bihatang na, le tekan noan, “Boa-blingin baat-ana! Ama Lamtua Allah huil nal ku son, le tao dais banan mes bel ku. Ama Lamtua Allah kon leo-leo nol ku, Maria.”
25008	LUK 1:46	Maria aa noan, “Deng auk daleng ngi esa-esa kia, auk nikit sakeng Ama Lamtua ngala ka lapa-lapa!
25056	LUK 2:14	“Kaim nikit sakeng Ama Lamtua Allah ngala ka lapa-lapa! Un man daad le kil bandu se apan man lapa dui hihidi kua. Ama Lamtua Allah le tao daem atuli-atuil in se dale-dapang nias, man tao Un dalen kolo ngas!”
25188	LUK 5:12	Se ingu mesa, Yesus tutnaal atuli mes man apa ka totoang inu nol iil baih-bluku. Nikit un ngat net Yesus kon, un lako hai buku ka nol bubu sila ka lako huud se dale ka. Hidim un tekan noan, “Papa boa-ili! Tulung auk le! Ta auk tana le Paap tao ilang nal auk ili lia, halin nam atuli las nikis auk bakun tia. Sadi Paap tade.”
25443	LUK 10:11	‘Hii babanan! Kaim maam son le kil Ama Lamtua in Teka-teka ngas bel mia, mo mi tiu-hii bubuit lo kon. Tiata kaim sii soleng kota ni ahu las deng kaim iin nias, le daid tada noan, mam mi lepa-haal in naih tom mi ngas esan! Mo nangan bana-banan! Ta Ama Lamtua Allah in prenta ka maa dadani isi son!’”
25448	LUK 10:16	Nangan bana-banan! Ta atuil in hii-ming mia ngas, oen kon hii-ming se Au. Nol atuil man dai hii-ming se mi lo ngas, oen kon hii-ming se Auk lo. Taplaeng pait, atuil man dai hii-ming se Auk lo ngas, oen dai hii-ming lo se Ama Lamtua Allah, man nutus Auk son le maang se apan-kloma kia ka.”
25476	LUK 11:2	Kon Yesus tek noan, “Banan kon! Kohe-kanas sam not muid nia: Papa! Paap ngala ka niu dui hihidi. Nang le totoang atuli li nikit sakeng Paap ngala man muun dudui ka lapa-lapa! Nang le Paap daid Laih taung totoang atuli lia!
25485	LUK 11:11	Olan mi nangan soba-nanan! Hapun se ola le muik ama mes, eta un ana ka nodan ikan nam un belen ula la!
25497	LUK 11:23	Nangan bana-banan! Asii man buan nol Auk lo kam, un na mo Auk musu. Nol asii man hulung Auk in dake ki lo kam, un nam tao didaan tukun.”
25643	LUK 14:21	Hidi na kon, ata ka pait le lapur un tuang nga. Ming ela kon, tuang nga koon-mali isi. Hidim un tadu ata ka pait noan, ‘Eta ela lam, ku puit lako laba-laba! Ku laok se kota ni lalan tuan nas, onget-onget tas le haep atuil kasiang ngas, atuil ii daat tas, atuil tedo kas, nol atuil hlukut-kait tas le nolas maa se fesat tia.’
25997	LUK 22:64	Oen kon but Un mata ka nini kitu, le hidim keket noan, “Hoe! Eta meman Ku niam mo Ama Lamtua mee-baha kam, olan ku tek soba-nanan! Le asii man tuk ku lia?”
26004	LUK 22:71	Kon atuil in nehan dasi ngas aa leo-leo noan, “Kit totoang ming esan son, ta lo? Un nikit apa ka, le daid Ama Lamtua Allah Ana. Ni in bilu-aa! Muid kit atorang agama lia lam, eta muik atuli in tao apa ka banansila el Ama Lamtua kam, atuling na musti mate. Tiata elola? Kit parlu saksi pait lo ka. Hukung tele Un tia.”
26483	JHN 8:33	Kon oen kaen noan, “Hoe! Kaim niam ata deng atuli li lo! Ta kaim niam upu Abraham in hua-koet! Tiata, tasao le Ku aa noan, mam mi daid ata kia?”
26537	JHN 9:28	Kon oen lote-pisun una, hidim tekan noan, “Nang le ku sii man daid Un ima-ii! Ta kaim niam mo upung Musa ima-ii.
26639	JHN 11:47	Hidi na kon, tene-tene deng tulu agama las nol atuil Farisi las nakbua le huli-bali. Oen keket apa noan, “Atuling na tao taad herang bili-ngala! Tiata kit musti tao elol lolen na?
27163	ACT 5:35	Oen kil puting Petrus nol un tapan nas hidi kon, Gamaliel aa nol tulu-tulu in se la ngas noan, “Kaka-paling totoang! Kit musti doha-doha! Ta tamlom mo kit hlapat isi in le noan daek daat saol atuil nias sa. Kit musti nangan blatas muna le.
27682	ACT 19:28	Ming ela kon, atuil nas holon nam seke tetas. Hidim oen kidu-ahan noan, “Artemis man uhu! Artemis man uih-leko! Kit atuil Efesus si naka-naka se Artemis!”
27688	ACT 19:34	Mo nikit oen taan noan un na mo atuil Yahudi kon, oen kidu-ahan muun dui pait noan, “Artemis man uhu dui! Artemis man uih-leko! Kit atuil Efesus si naka-halit Artemis!” Oen kidu-ahan ela didiin jam dua.
28183	ROM 7:24	Eee kasiang nge! Auk niam, atuil in susa-daat! Asii man sas-sao nal auk deng kuasa daat in ne auk daleng ngi kia, man tao Ama Lamtua le nikis au, didiin Un bali kudi au kia le?
28338	ROM 13:4	Ta atuil in kil prenta ngas, Ama Lamtua man hulis, le halin nam oen lii-lau mia. Mo eta mi tao kula tutungus sam, banan dui ka mi lii-tidu! Ta oen muik hak le hukung mia. Oen nam mo, banansila el Ama Lamtua atulin in loka-loka, le hukung atuil in daek dadaat tas. Ta Ama Lamtua sium sa-saa daat man atuli li in dake ngas lo, mo Un komali nol one.
28481	1CO 3:3	Lole mi in nangan na banansila el atuil man suma taan in mudi-muid oen in koma esan tuun na nabale. Etan muik atuli in dui mia kam, mi idus-neo, nol kaen kliu-kanan! Dadin nam auk tek mi son noan, mi suma taan in mudi-muid mi in koma-koma ngas esan tuun na. Mi in tao ela ka, banansila el atuil in ne apan-kloma kia ngas.
28543	1CO 6:8	Mi niam leo-leo atuil in parsai, mo mi tao kula bali apa nol naok bali apa sa-saa!
28560	1CO 7:5	Tiata mi hutun apa deken, ta mi duam muik hak leo-leo! Mo eta mi le kohe-kanas tukun, nol nangan dais didang ngas lo kam, tahang bubuit le niin nol apa deken. Sadi sapa-biklobe nol sapa-bihata li aa nol apa babanan le, halin mi duam muid apa. Nol eta oras in kohe-kanas sa hidi son nam, banan dui ka oen duas lalaba le niin nakbuan nol apa pait tia. Ta eta ela lo kam, daat! Lole uikjale kas tuang nga hanet nal atuil in keeh nal apa ka lo ka.
28865	1CO 16:21	Olan ngat nanan le! Ta au, Paulus, nini auk imang ngi esa le dul elia: Boa-blingin!
28868	1CO 16:24	Auk namnau mi totoang, undeng kit leo-leo butu-kil nol Kristus, man Ama Lamtua in tunang maa son na. Pes se ni tuun tia! Boa-blingin! Deng au, Paulus
29132	GAL 1:8	Doha-doha! Ta mam Ama Lamtua bahang atuling man in maa tui ‘dehet-dais’ didang man tatai lo, nol Dehet Dais Banan man hmunan nu kaim in tui son na. Atuling na deng kami, tamlom Ama Lamtua ima-ii mes deng sorga kon no, taon elola ko un tom in bahang!
29290	EPH 1:17	Auk kohe-kanas noan, “Ama Boa-ili! Ama na mo, auk Lamtuan Yesus Kristus, Ama. Nol Ama na mo, muun isi. Auk nodan le Ama bel Ama Koo Niu ka se atuil Efesus sas, halin oen nangan taan dasi-dais in toma ngas, nol taan Ama babanan dui pait.
29339	EPH 3:21	Undeng na, maa le kit man in butu-kil nol Yesus Kristus sias, nikit sakeng Un ngala ka lapa-lapa! Naka-nahalit napiut Una, deng halas nia lako lius didiin hidi nutus taan lo. Baktetebes ela!
30751	JUD 1:11	Doha-doha! Mam oen haup in susa-daat muun dui. Ta oen tao muid el Kain, man keo tele bali un palin na esa. Oen daek muid el Bileam, man tao asa tukun, sadi haup duit. Oen kon tao muid el Kora, man dudus undeng labang nol Ama Lamtua. Undeng atuil nas daek dadaat ela, tiata mam oen kon bakisan deng Ama Lamtua didiin son na.
30844	REV 4:8	Hmukit at nas mesa-mesam muik dilan eneng. Se dilang nas likun na, nol dalen nas kon, inu nol mata si-sii. Duman-lelo lam, oen tao dain tutungus, hidi nutus taan lo, le tek noan, “Kaim naka-nahalit Ama Lamtua Allah! Kaim nikit sakeng Lamtua ngala ka lapa-lapa! Lamtua na mo, niu isi! Lamtua in kuasa ka, muun isi. Lamtua man muik lo-lolo hmunan hesa kua. Lamtua muik ne halas nia. Nol Lamtua man muik tutungus didiin hidi nutus taan lo!”
30888	REV 7:10	Hidim oen nikit dain leo-leo elia, “Kaim naka-naka Ama Lamtua Allah, man daad ne del prenta li dapa. Kaim kon nikit sakeng Lae-blai Ana ni ngala ka lapa-lapa! Oen niam, man bel boa-blingin kami. Oen niam kon, man sai lalan in nuli bel kami.”
30890	REV 7:12	le tao dain noan, “Baktebes! Baktebes ela! Kaim kon naka-naka Ama Lamtua Allah! Kaim kon nikit Lamtua ngala ka lapa-lapa! Lamtua in nuting lalan na, tom talalun. Lamtua in kuasa ka, tene isi. Lamtua in kuat-tes sa, muun isi. Kaim nodan mamo se Lamtua tutungus. Kaim todan-lahing Lamtua didiin hidi nutus taan lo. Baktebes ela!”
31002	REV 14:7	Un haman mumuun le tek noan, “Mi musti todan se Ama Lamtua Allah! Mi musti nikit Un ngala man muun isi ka lapa-lapa! Undeng un oras sa maa lius son, le Ama Lamtua keket-ketan totoang atuli li in dake-mana ngas. Naka Una! Nikit Un ngala ka lapa-lapa! Undeng Un man daek apan-dapa ku nol apan-kloma kia. Nol Un man prenta le tasi ka nol ui matang ngas totoang dadis.”
31018	REV 15:3	Hidim oen tao dani mes deng upung Musa, Ama Lamtua Allah atulin in loka-loka se hmunan nua ka. Atuil nas kon tao dani mes pait le naka-naka Yesus. Ta hmunan nu atuli keo tele Una, banansila el atuli keo lae-blai ana se Ama Lamtua Allah Um in Kohe-kanas sa, le tao blingin Un dalen na. Oen tao dain noan, “Kaim naka-naka Ama Lamtua Allah! Kaim nikit sakeng Un ngala ka lapa-lapa! Undeng Ama Lamtua in kuasa ka, dui hihidi. Nol Ama Lamtua in muun na, herang isi. Ama Lamtua kil bandu taung totoang bangsa in ne apan-kloma ki ngias son. Ama Lamtua daid Laih taung totoang ngala-ngaal in ne apan-kloma ki ngias son. Ama Lamtua in dake ngas muun dui hihidi! Ama Lamtua in dake ngas, leok baktetebes! Ama Lamtua lalan na, lolo isi! Ama Lamtua in nuli ka, tom dudui!
31069	REV 18:7	Oen tao apan nas muun isi. Nol nikit oen apan nas lapa-lapa. Oen suma kom in nuil liis-lasa tukun. Oen suma kom in bana-banan nas tuun. Undeng na le, oen in haup susa ka musti ngele. Tiata, oen musti nuil susa-daat. Ta hmunan nua, oen aa in koaok el bihaat hmama ka, noan, ‘Auk niam, bi-lahi! Taon elola kon auk daid bebalu lo! Taon elola kon, mam auk lilu hultotoen lo. Mam auk pake net kai-baut mitang lo kon.’
31089	REV 19:3	Hidi na lam, oen tao dain didang mes pait se sorga elia, “Naka-naka Ama Lamtua! Nikit sakeng Un ngala ka lapa-lapa! Undeng nus deng ai in tuun bihatang nga nitun na ka, saek napiut tene taan lo. Nol nus deng ai in loe kota in leok isi na ka, saek tutungus hidi tahan lo.”