23233	MAT 1:20	E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.
23234	MAT 1:21	Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”
23235	MAT 1:22	A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”
23239	MAT 2:1	E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”
23242	MAT 2:4	Be Herot e ngö gögono hoboto rena u pris pan, na u tson hihatutsura tara Lo me rangata ranen, “Ime tegi poseia e Mesaia, a katuun te hopö kapiin e Sunahan?”
23243	MAT 2:5	Ba nori e hateieren, “Tara taun i Betlehem i Judia, temar koloto has uu a propet i manasa:
23244	MAT 2:6	‘Alimiou u katunura i Betlehem, turu tsiktsikina i Judia, alimiou e ka tala memou a solo a kapan i gusuna a pal tsunono i Judia. Taraha, a töa tsunono pan e butuna romana i Betlehem, ba nonei te tarakap ranou u katuun i tar a tei Israel.’”
23246	MAT 2:8	Ba nonei e tula mera neien i Betlehem tegina sake menaien nonei a pien teka. “Pöata te sabie mumen romana limiou, ba limiou temi hatei poutse moulia. Ba lia tena hatsunono hase gouen.”
23251	MAT 2:13	Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”
23253	MAT 2:15	Ba nori ena ka ria i Itsip e antunaia tara pöata tega mateia e Herot. A ka teka e butu sil tego kato hamana menaien u raranga te ranga naia a Tsunono tara propet i manasa: “Alia u ngö ba namei a pien tson i tar a han i Itsip.”
23256	MAT 2:18	Nonei e mar ranga uu teka, “A nitaatagi pan e butuna tara han i Rama. U katuun e ku hapan koru mer te tabe hataatagi uaren. E Retsel e tabe hataatagi sil koru reiena a galapien i tanen. Na nonei ema ngilenei tegi hasokolei menaien. Taraha, a galapien i tanen i mate hakapa nitöa.”
23258	MAT 2:20	Ba nonei e poeiena, “Alö go takei, ba lö te lu rem u mun tsinana, ba limiou te la pouts miou tara han i Israel. A katuun te katsin atung hamati a pien e mate hakapa.”
23261	MAT 2:23	Ba nonei ena kana tara töa taun te ngöeri i Nasaret. A ka teka e butu sil hasi tego hatara hamana menaien u raranga ti habulunganein u propet. Nori i mar ranga uu teka, “Nonei e ngöe roi a toun Nasaret.”
23263	MAT 3:2	Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”
23264	MAT 3:3	E Jon nonei a katuun te rangein e Aisaia a propet i manasa. Ba nonei e poeiena, “A töa katuun ena ku hapan noa romana tara makum a palaka bate poeiena, ‘Kato hamatsköeiam a maroro, a Tsunono e ngilin sila nama romana tara maroro a matskö.’”
23268	MAT 3:7	Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!
23270	MAT 3:9	Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.
23272	MAT 3:11	“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.
23273	MAT 3:12	Nonei e katsin kato hamanasena a toukuin hamou turu wit. Nonei e lu kaakata ranou u katuun u niga na u katuun u omi. Nonei e haka ranoa u katuun u niga tara han a niga, ba nonei te tsuga mera noi u katuun u omi turu tula tema antunan hoso nari.”
23275	MAT 3:14	Kaba e Jon e torohanan katoeien ego palis u hakats i tanen me poeiena, “Alia ego habaptaisia i tamölö, kaba lö e la noa has uamuma i tar? Alö e pan bala koru namou lia.”
23276	MAT 3:15	Be Iesu e ranga palisenen me poeiena, “E noahasina alö go markato uu temar ranga uagu lia. Tara markato teka bara te kato hantunera a mamanaka a matskö te ngilena e Sunahan.” Be Jon e töa kukutiena temar ranga uu e Iesu.
23278	MAT 3:17	Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”
23281	MAT 4:3	Be Satan emi torohane nen me poeiena i tanen, “Tego Pien uu lö tere Sunahan, ba lö te rangam, bu hatu teka te palis uar tara beret.”
23282	MAT 4:4	Kaba e Iesu e ranga palis uu i tanen me poeiena, “Turu Buku u Göagono tere Sunahan i koloto hasiin, ‘A beret peisa ema antunan hala nanei a nitöatöa tara katuun. E möa. A katuun te kukutiena a man raranga tere Sunahan nonei e luenou a nitöatöa.’”
23284	MAT 4:6	Ba nonei e poeiena tere Iesu, “Tego Pien uu lö tere Sunahan, ba lö te kurapa uam i puta. Taraha, turu Buku u Göagono i koloto hasiin, ‘E Sunahan e ranga mera nou u angelo i tanen tegi tara kap menaien lö. Na nori e pile sei nariou lö, ba u hatu tema tatei toke roi a mou mölö.’”
23285	MAT 4:7	Be Iesu e ranga menen me poeiena, “Turu Buku u Göagono i koloto hasiin, ‘Alö goma torohanei a Tsunono. Nonei e Sunahan i tamölö.’”
23287	MAT 4:9	Be Satan e poeiena tere Iesu, “Te hatukun moa lö bate hatsunono uaiem i tar, ba lia te hale goi lö a mamana han hoboto teka.”
23288	MAT 4:10	Be Iesu e ranga menen me poeiena, “Satan, alö go laba naiou lia! Turu Buku u Göagono i koloto hasiin, ‘Alö go hatsunono uu tere Sunahan. Nonei puku a töa a Tsunono i tamölö tego kukuti lö.’”
23293	MAT 4:15	Ba nonei e poeiena, “U katunura turu tsiktsiki i Sebulun na turu tsiktsikina i Naptali, te ka ria tara maroro pan te la uana i tasi na turu tsiktsiki te kana i hapalana ramun i Jodan, na turu tsiktsikina i Galili te ka has ria u katuun tema Jiu ri.
23294	MAT 4:16	U katuun ti kaia turu kuhil, nori i tara hakapi u ualesala pan! Na pala ti kaia turu tsiktsiki turu kuhilina tara tou mate, u ualesala pan e alesala uanou i taren.”
23295	MAT 4:17	Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”
23297	MAT 4:19	Be Iesu e poeiena i taren, “La gono memu moulia, ba lia te hatuts ragoui limiou temar sooho merari u katuun.”
23306	MAT 5:3	Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.
23314	MAT 5:11	“Alimiou te ka uamiou tara pala i tar, ba nori te ranga hohomi rariou limiou, bate kato hohomi rariou limiou, bate saka rari limiou u mamana u mar ranga u gamo, alimiou e tatei sasaala noahas miou.
23315	MAT 5:12	Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”
23316	MAT 5:13	E Iesu e ranga lel me poeiena, “Alimiou e here rami u soluna i puta. Kaba te tia banena u sol a nimal i tanen, e möa len ta maroro tegi markato menaien bate mal poutsina. E gi ba lasiin ba u katuun te tötö ria i oulunen.
23317	MAT 5:14	“Alimiou e here hasemi u ualesala tara mamana makum. Na taun te kana i ouluna u pokus ema antunan hamous nari.
23319	MAT 5:16	Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”
23320	MAT 5:17	E Iesu e ranga me poeiena, “Alimiou goma poeiemi alia u la silema tegomi luba menai a man Lo tere Mosis na u raranga turu propet. E möa. Alia u la silema tegomi kato hamouna koru menaien.
23323	MAT 5:20	Alia e hatei ragou limiou, te ngilin tasu mia limiou tara Nipepeito tere Sunahan, alimiou ego kukute hanigeiam u raranga i tanen, kaba te kukute mia limiou a markato turu tson hihatuts tara Lo na turu Parasi, alimiou ema antunan tasu moi tara Nipepeito tere Sunahan.”
23324	MAT 5:21	Be Iesu e ranga lenina me poeiena, “Alimiou u hengo hakapa naiam u raranga ti hengoen u tuburara i manasa te poeiena, ‘Alö goma hihipuli ii. A katuun te hihipulina e la uanou turu kout.’
23328	MAT 5:25	“Na tego katsin kout naia lö ta katuun, balö te ranga haniga pouts boroboro mia i tanen i mamuna tena butu möa limiou turu kout. Te moa talanen, ba nonei te kout nanoa lö tara tsonun hahamou, ba tsonun hahamou te hala menanoi lö tara polis, ba polis tena hake noa lö tara karabus.
23329	MAT 5:26	Na lia e hatei hamana korue goulö, alö ema antunan halakase roi tara karabus e antunana te hole moa lö u kout.”
23330	MAT 5:27	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alimiou goma tsikolomi.’
23333	MAT 5:30	Tega kato homieia ualima tara pal matou i tamölö, balö te ngats kotsemen bate ba namen! Taraha, e omi koruna tegi lapo ba menai u tuenrei hoboto i tamölö turu tulana i hel, kaba ema omi bala nei tego tia uu a tsi töa puku a tsi makum turu tuenrei i tamölö.”
23334	MAT 5:31	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘A tson te laba nena a tahol i tanen ego haleien u pepa te hatei nena a hitöl e kapana.’
23335	MAT 5:32	Kaba alia e hatei ragou limiou, a tson te laba nena a tahol i tanen kaba tahol ema lue ii ta taina ta tson, a ka teka e kato here nanei a tahol teka a tahol a omi. Na tson te tölena a tahol a hitöl te laban a tson i tanen, a tson teka e here hase nei a tson te tsikolona.”
23336	MAT 5:33	Be Iesu e ranga lenina me poeiena, “Alimiou u hengo has naiam u raranga ti hengoen u tuburara i manasa te poeiena, ‘Alö goma gamo ii te hamana uamölö iasa, kaba lö go kato hamani a ka te hamana sile mölö i matana a Tsunono.’
23340	MAT 5:37	Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”
23341	MAT 5:38	“Alimiou u hengo naiam u raranga te poeiena, ‘Tego kato homiea a katuun a matamölö, balö te kato homi hasem a matanen, na tego kato homi haseien a lihomölö balö te kato homi hasem a lihonen.’
23345	MAT 5:42	Pöata te harangata silena a katuun ta ka i tamölö, halei a ka te ngile nen. Na pöata te katsin haroho nena a katuun a ka i tamölö, alö goma tatei peits naien.”
23346	MAT 5:43	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alö go ngilir a man hahikapien i tamölö balö te pakö rem u katuun te paköe riou lö.’
23351	MAT 5:48	A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”
23352	MAT 6:1	Be Iesu e ranga lenina me poeiena, “Haneiam, möa tu hatara naiam a markato a niga i tamilimiou i matar u katuun, tegi tara meraien limiou bate haniga rariou limiou. Te kato uamou limiou teka be Tamamilimiou te kana i Kolö tema hamatana ranoui limiou.
23353	MAT 6:2	“Hena, te hala namia lö a moni turu katuun te moar ta moni, alö goma katoeien i matar u katuun, te markato uar u katuun u gamogamo iahana luman lotu na i kalana. Nori e kato meri a ka teka i matar u katuun tegi solosei meraien. Na lia e hatei hamana nitöa ragou limiou, nori i lu hakapi u hamatana i taren.
23355	MAT 6:4	E markato uana teka, alö go hala hamousin a monin hitaguhu i tamölö. Be Tamamölö te tarena a mamanaka, bate hala hasenoi lö u hamatana.”
23356	MAT 6:5	“Na tara pöata te singo mia limiou, alimiou goma hererami u katuun u gamogamo. Te ngiler u katuun egi tara raien tara pöata te singo rien tara man luman lotu na tara man la hagiono i maroro. Alia e hatei hamana nitöa ragou limiou, nori i lu hakapi u hamatana i taren.
23358	MAT 6:7	“Na pöata te singo mia lö, alö goma hula hakopis nai u ranga te kato uar u tematan. Nori e pei laser egi hengo merai te kato menarien u raranga u parpara.
23360	MAT 6:9	“Alimiou go mar singo uaiam teka: ‘O Tamamulam alö e kamia i Kolö, alam e hagöagonem a solomölö.
23364	MAT 6:13	Alö goma hala merai lam tara tou hiamus, kaba lö go luba nema a man niomi i tamulam. U mana.’
23365	MAT 6:14	“Te tori polasa ba namia lö a markato a omi ti katoeia a palair u katuun i tamölö, be Tamamölö i Kolö te luba has nanou a markato a omi tu kati lö.
23366	MAT 6:15	Kaba tema tori polasei mia lö a markato a omi ti katoeia a palair u katuun i tamölö, e Tamamölö ema luba has nanoi a markato a omi tu katoi lö.”
23367	MAT 6:16	“Na pöata te agono mialö, alö goma mataloho ii. Te kato uar u katuun u gamogamo te matalohor bate kato siler u katuun egi tari te agono uaren. Alia e hatei hamana nitöa ragou limiou, nori i lu hakapa ban töani u hamatana i taren.
23369	MAT 6:18	Ba u katuun tema antunan tara marei ri te agono uamölö. Kaba e Tamamölö puku tema tareri te atei silena te agono uamölö. Nonei has te tarenou a ka te kato hamouse mölö bate hale noilö u hamatana.”
23370	MAT 6:19	“Alimiou goma kui hatagala silemi a manka a man nigana i puta. U numa e kato homieriou a manka teka, na u kopkop e hela has riou bate kopur.
23372	MAT 6:21	Na, te pei mia limiou a ka a niga hamana e kana i puta, u ngil i tamilimiou e ka has uana i puta. Na te pei mia limiou a ka a niga hamana e kana i Kolö, u ngil i tamilimiou e ka has uana i Kolö.”
23373	MAT 6:22	“U mata, u lamina turu tuenrei. Na te nigana a mata milimiou, mamana makum i tuenrei milimiou e saputu menou u ualesala.
23374	MAT 6:23	Kaba te omina a mata mölö, a tuenrei mölö hoboto e saputu menou u kuhil. Na te kuhilna u alesala te kana i tamölö, e kuhil hapan koru len talanou.”
23375	MAT 6:24	“A katuun ema antunan kui neia tara huol a tsunono. Taraha, nonei e rama nanou a töa bate ngilena a tabi. Alö ema antunan kui hoboto bemi e Sunahan na moni.
23376	MAT 6:25	“Nonei te hatei sila ragia lia limiou: alimiou goma hakats silemi a nitöatöa i tamilimiou bate poe miou, ‘A saha ka te noue riou? Na saha ka te ue riou?’ Na limiou goma hakats silemi u tuenrei i tamilimiou, na tu hasobö tegi hasogi. A nitöatöa e pan bala nena a kannou, na u tuenrei e pan bala nena u hasobu.
23379	MAT 6:28	“Na saha ka te hakats sil me milimiou u hasobö? Alimiou go rötoiam turu palaua u hie temar pusuku uaren. Nori ema katoeri a peisaren bate tara hanigar. E möa.
23382	MAT 6:31	Alimiou goma hakats balami bate peimiou, ‘Aha te noue rou ra? Na ha te ue rou ra na te hasoge rou ra?’
23385	MAT 6:34	Na limiou egoma hakats hapara sile mi u lan i mahö, taraha u lan i mahö e ka menou u tana u mar hakhakats peisa i tanen. Na nitiamana i romana e antuna puku hasna i romana.”
23386	MAT 7:1	Be Iesu e rangana me poeiena, “Möa tu ona raiam a palair u katuun, be Sunahan tema ona has ranoui limiou.
23389	MAT 7:4	Ime te markato uanen balö te poeiem tere toulamölö ‘Lama, ba lia te luba negu a tsi bita i matamölö’ tara pöata te kana a makumun palang i matamölö pouts?
23391	MAT 7:6	“Möa tu hala rami u muki a ka te göagonona. Na e möa tu lapo namia u beröana turu poum, taraha nori e namots tö hohomie ren bate habiritsir bate koto lileke rariou limiou.”
23392	MAT 7:7	Be Iesu e rangana me poeiena, “Rangataiam ba limiou te lue moen. Na limiou go sakeiam ba limiou te sabie mouen. Na limiou go porokoiam ba tamana te kalata beranou limiou.
23397	MAT 7:12	Na tara mamanaka, te ngile milimiou u katuun egi katoeien i tamilimiou, alimiou go kato hasemen i taren. Nonei a mouna u raranga te kana turu buku tere Mosis na turu propet has.”
23398	MAT 7:13	“Alimiou go tasu mia tara tamana a tekteki. A tamana a pannen e la uana tara han a omi, na a parpara koru a katuun te tasu ria tara tamana teka.
23399	MAT 7:14	Kaba limiou go tasu sila mia tara tamana a teki, taraha a tamana a tekteki te la uana tara nitöatöa, na ema katuun a para nei tena tasu roa i tanen.”
23400	MAT 7:15	Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena.
23405	MAT 7:20	Ba limiou te tara marei mou nori u propet u gamogamo.”
23406	MAT 7:21	Be Iesu e rangana me poeiena, “Ema katuun hoboto nei te ranga ria i tar bate poeier ‘O Tsunono, O Tsunono,’ tena tasu roa tara Nipepeito tere Sunahan. Kaba u katuun puku lasi te kukuteier u ngilngil tere Tamar te kana i Kolö tena tasu riou.
23407	MAT 7:22	Nonei turu Lan teka, a parpara a katuun e poeiena romana i tar, ‘O Tsunono, o Tsunono. Alam u hihatuts silaia tara solomölö na lam u tsuga ba has raia u liliahanei u omi tara solomölö, na lam u kato sila has naia a man hiharöto tara solomölö.’
23408	MAT 7:23	Ba lia te ranga meragouen bate poeiegu, ‘Alia ema atei sil ragi limiou. La ba namou lia! Alimiou u katuun u omi.’”
23409	MAT 7:24	Be Iesu e ranga lenina me poeiena, “A katuun te hengoena u raranga i tar, bate kukutie nen e here nei a katuun a atei te hatakeia a luma i tanen ieluna u lapo.
23412	MAT 7:27	Ba langits e polona ba uolo e la nama, ba lomolomo pan e bahuna, be gas harus homin töa nena a luma teka. Ba luma e takupuna be tarura hakapa nitöana.”
23416	MAT 8:2	Ba töa katuun te kamei a toba e la nama memi hatukunna i matanen me poeiena, “O Tsunono, te ngil mialö, balö te tatei kato hagogose mumoulia.”
23417	MAT 8:3	Be Iesu e hasoa nena a limanen ba nonei e sebele nen. Me poeiena, “Alia e ngilegu. Alö go gogoso!” Ema mala pinatöai ba toba i tanen te taiana.
23418	MAT 8:4	Be Iesu e poeiena i tanen, “Alö ema antunan hatei korue moi ta töa ta katuun. Kaba lö go la uala tara pris balö tena hatare mien te niga uana a peisamölö. Ba lö te hale moien a kaan haats te ranga uu e Mosis i manasa. Ba u katuun te tatei atei sile riou a toba i tamölö e kapa nitöa.”
23419	MAT 8:5	Pöata te tataalaia e Iesu iahana taun i Kapenium, ba töa tsunono turu soldia e la uanama i tanen memi ranga hataatagina i tanen me poeiena, “O Tsunono, a katunun kui i tar e opö mena u tuenrei u matekata, na e sagoho koru hasena a kamits pan i peisanen.”
23421	MAT 8:7	Be Iesu e poeiena, “Alia e lagou batena kato haniga poutse goien.”
23422	MAT 8:8	Kaba a tsunono turu soldia e ranga paliseien me poeiena, “O Tsunono, alia ema katuun a nigagi balö te laua muma i luma i tar. Alö go ranga tuun ba katunun kui i tar te niga pouts nou.
23423	MAT 8:9	Taraha, i tar peisa alia e atei silegu alia e ka puta gia tara töa pal tsunono, na töa pal soldia e ka puta has ria i tar. Na tego ranga meia lia ta töa balia te poeiegu, ‘Alö go la,’ ba nonei te la hasina. Na tego ranga meia lia ta tabi balia te poeiegu, ‘Alö go lama,’ ba nonei te la has nama. Na lia go ranga mei a katunun kui i tar, ‘Alö go kato a toukui teka,’ ba nonei te kato hase nen. Na u raranga tuun has i tamölö e ka mena a nitagala.”
23424	MAT 8:10	Pöata te hengoeia e Iesu u raranga teka ba nonei e asingoto koruna. Ba nonei e ranga meraiena u katuun ti kukutieien me poeiena, “Alia e ranga hamana koru meragou limiou, alia uma sabie mei ta töa ta mar katuun teka i Israel tega kamei u mar nihamana te kamena a tson teka.
23426	MAT 8:12	Kaba limiou u Jiu, u katuun tego kamia nonei tara Nipepeito teka, e Sunahan e tsuga mera noi limiou ielesala turu kuhil. Tena tabe hohomi moua limiou bate kutu hakarkarangake mou a liho milimiou.”
23427	MAT 8:13	Be Iesu e poeiena tara tsunono turu soldia, “La tala. A ka ena mar butu has benoi lö turu mar nihamana i tamölö.” Ba nonei tara tsi pöata puku has teka ba katunun kui i tanen e niga poutsuna.
23431	MAT 8:17	A ka teka e butu sil tega kato hamana menaien u raranga te ranga sila naia e Sunahan tere propet Aisaia i manasa. “Nonei peisa tega luban a mamana mar siki i tarara, na nonei has tega söateien.”
23432	MAT 8:18	Be Iesu e tara rena u katuun u parpara koru ti gono hahiseien, ba nonei e ranga meraiena u katunun tsitsilo tanen, “Aragi la u i hapalana ramun.”
23433	MAT 8:19	Ba töa tson hihatutsuna tara Lo e la uanama i tanen me poeiena, “Tson Hihatuts, alia e la gono megou lö tara mamana han te la uamou lö.”
23434	MAT 8:20	Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”
23435	MAT 8:21	Ba tana katunun tsitsilo e poeiena i tanen, “O Tsunono, alö go haniga balia tena kaho bunaguma e tamar, balia te töan lagono megou lö.”
23436	MAT 8:22	Be Iesu e poeiena i tanen, “Alö go la gono memou lia. Hakabar u mate gi kaho peisar u mate i taren.”
23439	MAT 8:25	Ba u katunun tsitsilo ena gulie ren me poeier, “O Tsunono, alö go taguhu ramou lam! Ara e katsin ruku hamanasa talara!”
23440	MAT 8:26	Ba nonei e poeiena i taren, “U nihamana i tamilimiou e tetenei koruna! Aha te matout memilimiou?” Ba nonei e takeina me abis hatagalena a lomolomo ba ramun e selohona. Ba lomolomo e hanöana, ba ramun e maraha poutsuna.
23441	MAT 8:27	Nori i asingoto koru me poeier, “A saha a mar katuun koru teka? A lomolomo na u ramun e hengo korueren!”
23443	MAT 8:29	Ba huol e ku hohomi korur me poeier, “A Pien Tson tere Sunahan, alö emi hamia i tamulam? Alö goma hakamits mam railam, a pöatan hahuna i tamulam e kanoana!”
23445	MAT 8:31	Ba u liliahanei u omi e ranga hataatagi ria tere Iesu me poeier, “Te tsuga ramoa lö alam, ba lö te tsuga mera moi lam tara heis poum.”
23446	MAT 8:32	Ba nonei e poeiena turu liliahanei u omi, “Alimiou go la iam.” Ba nori e koul ba ner a huol a katuun teka, mena sei ria tara heis poum. Ba heis poum hoboto teka e hiapipiata gala hoboto uar turu uarahana, me kurapa uar iahana a ramun be rukur me mater.
23450	MAT 9:2	Ba u katuun e söata menarimei a katuun a matekata i tanen, e opöma tara pöapöa. A pöata te tareia e Iesu u nihamana i taren, ba nonei e poeiena tara katuun a matekata, “A tsi pien, a torimölö e tatei tagolala poutsuna. A man markato a man omi i tamölö e luba hakapa nalila.”
23451	MAT 9:3	Ba palair u tson hihatuts tara Lo e hakats tunur me poeier, “A katuun teka e katsin gulena a nitsunono tere Sunahan.”
23452	MAT 9:4	Kaba e Iesu e atei sil hakapi u hakhakats i taren me poeiena, “Taraha tsiponi ba limiou te ka memiou u hakats homi i torimilimiou?
23453	MAT 9:5	Alimiou ema hanigami te poei mena gulei lia, ‘A markato a omi i tamölö e luba nalila?’ Tsi alia go pei aha? ‘Alö go takei bate lam?’
23454	MAT 9:6	Alia e haröto ragi limiou u mirakol teka, alia tu butun Katunuma e ka has megu a nitagala i puta teka tego luba menai lia a man markato a man omi.” Be Iesu e poeiena tara katuun a matekata, “Alö go takei bate söatem a pöapöa i tamölö ba lö te lam i han.”
23457	MAT 9:9	A pöata te tataalaia e Iesu ba nonei e tareiena a töa katuun a solonen e Matiu bate gumna tara luman lulu takis. Be Iesu e poeiena i tanen, “Alö go kukutie mou lia.” Ba nonei e takeina me kukutienen.
23459	MAT 9:11	Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”
23460	MAT 9:12	Kaba e Iesu e hengoe a ka teka me poeiena i taren, “U katuun te moar ta siki ema tatei la uari tere dokta. E möa. U katuun lasi te ka mer a siki te tatei la uar tere dokta.
23461	MAT 9:13	Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”
23462	MAT 9:14	Tara pöata teka ba u katunun tsitsilo tere Jon a Tsonun Baptais e la uarima tere Iesu memi poeier, “Taraha tsiponi ba lam na u Parasi te roron agono nem a kannou te singo uamulam tere Sunahan, ba u katunun tsitsilo i tamölö tema agonori?”
23463	MAT 9:15	Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”
23464	MAT 9:16	Be Iesu e poeiena, “A katuun ema tatei hasamapenei a makumun labalaba a tsi tsimus tara tabutu turu labalaba u toutounei. Te markato uanen teka ba pöata te galuse rien ba makumun labalaba a tsimus te roropitsina bate takis ba nena a makumun labalaba a toutounei, ba tabutu te pan koru len talanou.
23465	MAT 9:17	Na tegi osuleia uain u tsimus tara pikpiköna meme a toutounei. Ba pikpiköna meme te takalana ba uain te tatsuna ba pikpiköna meme te omi hasina. Kaba te osule mialö a uain a tsimus tara kaan osul a tsimus, ba huol te ka haniga habotor.”
23466	MAT 9:18	Pöata te ranga noa naien a manka teka, ba töa tson pepeito turu Jiu e tasu nama me hatukunna i matanen me poeiena, “A pien tahol i tar e mate lala eni tuun. Kaba lö gona hatakopeia a limamölö i tanen ba nonei te töatöa poutsuna.”
23469	MAT 9:21	A tahol e mar ranga uu teka turu hakats i tanen pouts, “Te sebele tuun goua lia turu hasobö tere Iesu balia te niga pouts gou.”
23470	MAT 9:22	Be Iesu e habiritsina me tara uana i tanen me poeiena, “E nigana, u nihamana i tamölö e kato haniga poutse lalou lö.” Ba nonei tara tsi pöata puku has teka ba tahol e niga poutsuna.
23472	MAT 9:24	Ba nonei e poeiena, “Laiam. A pien tahol ema mate nei. Nonei e soho tununa.” Pöata ti hengoeien temar ranga uu e Iesu teka, ba nori e golgol sileren.
23475	MAT 9:27	A pöata te la ba naia e Iesu a han teka, ba huol a katuun a matakiou e kukutie ren me ku hapanir me poeier, “A Hatutubunei tere Devit alö go taatagi ramou lam!”
23476	MAT 9:28	Be Iesu e tasuna tara luma ba u matakiou e la uarima i tanen ba nonei e poeiena i taren, “Alimiou e hamanemiou, alia e antunan kato negu a ka te ngile milimiou?” Ba nori e poeier i tanen, “Aa, O Tsunono.”
23477	MAT 9:29	Ba nonei e sebeleiena a mataren me poeiena, “E tatei mar butu uana turu nihamana i tamilimiou.”
23478	MAT 9:30	Ba man mata i taren e takalatana! Be Iesu e ranga hatagala mera nen me poeiena, “E möa tegona hatei mena milimiou ta katuun a ka teka!”
23481	MAT 9:33	Be Iesu e tsuga ba nena a liliahanei a omi ba katuun e töan ranga poutsuna. Ba u katuun e asingoto korur me poeier, “E möa koru ta töa ta marka teka tego butu noa buia i Israel!”
23482	MAT 9:34	Kaba u Parasi i ranga me poeier, “A tsunono turu liliahanei te haleien a nitagala tego tsuga ba meraien u liliahanei u omi!”
23485	MAT 9:37	Be Iesu e poeiena turu katunun tsitsilo i tanen, “A kannou a parpara koru te tangohona, kaba e möa ta katunun kui ta parpara tega hagaleien.
23486	MAT 9:38	Nonei tego singo beiam limiou tara katuun te hatamana nena a kui, bate halane nama ta katunun kui tega gono beien a kannou.”
23491	MAT 10:5	Nonei a maloto na huol a aposol teka e Iesu e tula ralen me poeiena i taren, “Möa tu la uaiam turu katuun tema Jiu ri na tara man han has i Samaria.
23493	MAT 10:7	Ba limiou tena habulungana namiou u raranga teka: ‘A Nipepeito tere Sunahan e sukusukuna!’
23497	MAT 10:11	“Na pöata te la mia limiou bate tasu mia iahana saha taun na saha han, alimiou e tara sakesake mou ta katuun ta niga bate kamia tara luma i tanen antunana tena kopis pouts muma limiou.
23501	MAT 10:15	Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”
23502	MAT 10:16	Be Iesu e poeiena, “Hengoiam! Alia e hala here ragoui limiou u sipsip te sila ria i gusura u muki u hie. Alimiou go tarakap here rami u kökötsi, ba limiou te here hase mi a kulu tema tatei kato homie nei ta ka.
23505	MAT 10:19	Na pöata te kout rarouen limiou, e möa tu hakats haparpara balö te poeiem, ‘Ime tala temar ranga uagou lia? Na, aha tala te pei gou lia?’ Nonei koru has tara tsi pöata teka alimiou e hala raroui a ka tego ranga naiam limiou.
23507	MAT 10:21	“Na nonei tara pöata, u katuun e hala rariou u toularen tegi kato hamate meraien, ba a palair u katuun te haniga nariou tegi atung hamate merai a galapien i taren. Na palair a galapien e omi has rariou u tsinaren na u tamaren, bate kato hamate has rariou.
23510	MAT 10:24	“A katunun tsitsilo ema pan nanei a tson hihatuts i tanen, na katunun kukui puku ema pan has nanei a katuun pan i tanen.
23511	MAT 10:25	E nigana te kato here mena nei a katunun tsitsilo a peisanen a tson hihatuts i tanen. Na e niga hasina te kato here mena nei a katunun kukui puku a peisanen a katuun pan i tanen. Alia a katuun pan tara pal katuun i tar. Na a palair u katuun e ngö tsipone rilia e Belsebul. Te markato tala uaren teka, ba nori te ngö raroui limiou u katuun u omi koru, taraha alimiou e pala uamiou i tar.”
23512	MAT 10:26	E Iesu e ranga lel me poeiena, “Alimiou goma matout rami u katuun. Taraha, a manka hoboto te hamouser ena butu noua turu ualesala i murimuri.
23516	MAT 10:30	Na limiou goma matout has rami u katuun, taraha e Sunahan e tara kap ranou limiou, na limiou e niga bala koru ramiou u apena i matana e Sunahan. Na nonei e atei sil hasena u hihase turu hulu hoboto i baku milimiou.”
23518	MAT 10:32	Be Iesu e poeiena, “Esi te hatei ranei u katuun nonei e pala uana i tar, ba lia te hatei hase gou e Tamar i Kolö nonei a katuun i tar.
23519	MAT 10:33	Kaba esi te holis nena te pala uanen i tar i matar u katuun, ba lia te holis has nagoen romana tere Tamar i Kolö.”
23520	MAT 10:34	Be Iesu e ranga lenina me poeiena, “Emoa tego pei mena milimiou alia u la silema tegomi hala menai a masalohana turu katunura i puta. Alia uma la memei a masalohana. Alia u la mema a hiatatung.
23521	MAT 10:35	Alia u la silema tegomi hahiapalpal merai u katuun ‘a tson e pal nanou e tamanen, na tahol e pal nanou e tsinanen, na taholun tölo e pal nanou u halöanabei i tanen.
23522	MAT 10:36	U katuun noahas i luma i tamölö tena kato homie rioulö.’
23523	MAT 10:37	“A katuun te ngil koruena e tamanen na e tsinanen, batema ngile nei lia, nonei ema katuun hamana uanei i tar. Na katuun te ngil koruena a pien tson i tanen na pien tahol i tanen batema ngile nei lia, nonei ema katuun hamana uanei i tar.
23525	MAT 10:39	Esi te poeiena e ka peisa mena a nitöatöa i tanen e hatia pouts hase nouen. Kaba esi te hakats nanoulia ba nitöatöa i tanen te taiana, nonei ena sabie nou a nitöatöa hamana i tanen.”
23526	MAT 10:40	E Iesu e ranga lel me poeiena, “A katuun te nigana i tamilimiou e niga hasna i tar. Na katuun te nigana i tar, nonei e niga hasna tere Tamar te hale moulia.
23528	MAT 10:42	Na lia e hatei hamana nitöa ragou limiou, a katuun te tarena a tsi katuun papala koru i tar bate haue nen a tsi ramun, nonei ena lu korue nou u hamatana u niga tema antunan taia nei.”
23531	MAT 11:3	Ba nori emi poeier tere Iesu, “Nonei alö a katuun tego lama, tsi alam ego hahalosi a tabina katuun?”
23532	MAT 11:4	Be Iesu e ranga palis ranen me poeiena, “La mula batena hateimi e Jon a ka te tare mula limiou na ka te hengoe mula limiou.
23534	MAT 11:6	Na esi a katuun te hamana nitöa uana i tar e sasaala nou!”
23535	MAT 11:7	Na pöata ti la poutsia u katunun tsitsilo tere Jon, be Iesu e tanian ranga hatei ranei u katuun e Jon me poeiena, “Alimiou i la sile mula egona tareiam a saha ka tara makum a palaka? Toum romana u nga te gagas mena te pihu mena neien a lomolomo?
23538	MAT 11:10	E Jon nonei a katuun te hatei nena u Buku u Göagono, ‘Alia e Sunahan e halana gou a tson sösöata ranga te mam nanoulö, tena hamatsköenou a maroro i tamölö.’
23539	MAT 11:11	“Na lia e hatei hamana ragou limiou, e Jon a Tsonun Baptais nonei te pan balana turu katuun hoboto ti poseir te ka ria turu tsiktsiki. Kaba a katuun papala koru tara Nipepeito tere Sunahan nonei te pan bala has nena e Jon.
23544	MAT 11:16	“Alia go mar ranga merai u katuun te kar i romana ime? Alimiou e hererami a galapien te gum ria tara man makumun töana bate hia kukur,
23545	MAT 11:17	‘Alam e kohi bera mulo limiou kaba limiou ema sani mulei! Na lam e köma hase mula u hahuri, kaba limiou ema tabe mulei!’
23547	MAT 11:19	Na lia tu butun Katunuma e nougu na e uagu. Kaba nori e poeier alia a katuun a nounou pala, na uaua pala. Na e kapiena has raiegu u katuun te lulueier a takis na u katuun u omi. Kaba a man markato turu katuun tere Sunahan e haröto nena te mana uana a niatei i tanen.”
23549	MAT 11:21	Ba nonei e poeiena, “A nomi pan koru e butu noua i tamilimiou u katunura tara taun i Korasin na i Betsaida! Sanena e Sunahan te katoeia a man mar mirakol teka tara taun i Taia na i Saidon, nori sanena i solon harötein tegi tori polasa ba menaien a man markato a man omi i taren, bate hasoger u hasobön mou bate göagöaeier u köahu.
23552	MAT 11:24	Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Kapenium e pan bala nanou u nihahuna turu katunura i Sodom.”
23553	MAT 11:25	Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.
23555	MAT 11:27	“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.
23556	MAT 11:28	“La uamuma i tar, alimiou hoboto te kui hatagala koru miou, bate söate miou a nitiama a kapan koru. Alia e hahusa ragou limiou.
23558	MAT 11:30	Taraha a toukui i tar e hahan kana, na nitiama te hale gilia lö e gigahana.”
23560	MAT 12:2	Pöata ti tareia u Parasi a ka teka ba nori e poeier tere Iesu, “Tara, u katunun tsitsilo i tamölö e katoeier a ka tema antunan kato nari turu Lan u Göagono.”
23561	MAT 12:3	Be Iesu e poeiena i taren, “Alimiou go mala rit hanigeiam a ka te katoe e Devit na man hahikapien i tanen tara pöata ti bes ien.
23566	MAT 12:8	Taraha, Alia tu butun Katunuma te pan bala has negu u Lan u Göagono.”
23568	MAT 12:10	Na e kamei a katuun a lima mate e ka. Ba nori e rangate ren me poeier, “A Lo i tarara e haniga has nena tegi kato haniga pouts mei a katuun turu Lan u Göagono?” Taraha, nori i sake ta maroro tegi kout meien e Iesu.
23569	MAT 12:11	Be Iesu e poeiena i taren, “Tega ka meia ta töa i tamilimiou a töa sipsip, ba sipsip te rus hongo uana iahana kiou turu Lan u Göagono, e hana, alö ma antunan lusei poutse meien iahana a kiou?
23570	MAT 12:12	Na a katuun e pan bala koru nena a sipsip. Na Lo i tarara e tatei haniga has nena tegi taguhu mei a katuun turu Lan u Göagono.”
23571	MAT 12:13	Be Iesu e poeiena tara katuun, “Alö go haparori a limamölö.” Ba nonei e haparorena a limanen, me niga pouts here nei a hapalana a limanen.
23575	MAT 12:17	A ka teka e butu sil tego kato hamana menaien u raranga ti ranga naia tere propet Aisaia. “Nonei a katunun kui i tar teka, a katuun tu hopö kapiin lia. Na lia e ngil koruegen. Na lia e hale goien u Namnamei i tar, ba nonei te habulungana has nanou a markato a matskö i tar turu katuun tema Jiu ri.
23579	MAT 12:21	Na u katuun tema Jiu ri e hamane roen bate hahalose ren.”
23581	MAT 12:23	Ba u katuun hoboto e asingoto korur me poeier, “Nonei toum a pien tson tere Devit?”
23582	MAT 12:24	Pöata ti hengo naia u Parasi a ka teka ba nori e poeier, “Tara nitagala tere Belsebul, a tsunono turu liliahanei, ba nonei te antunan tsuga bara lala u liliahanei u omi.”
23583	MAT 12:25	E Iesu e atei sil u hakhakats i taren be poeiena, “Tegi hiatatungia u katuun tara töa han pan, ba han teka te omi nou. Na tegi lukataia a töa han tsi a töa hun haposa, bate hiatatungur bate möa nou ta hun haposa tega ka haniga.
23587	MAT 12:29	“Tega ngilin tasuia ta töa ta katuun i luma tara katuun a tagala, nonei ega kits kap mam bin a katuun a tagala. Ba nonei te töan tasuna bate luena a manka i tanen.
23590	MAT 12:32	A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”
23591	MAT 12:33	Be Iesu e rangana me poeiena, “U ruei u niga e ka mena a hua a niga. Na u ruei u omi e ka has mena a hua a omi. U katuun e tara mamer a hua bate töan atei siler u ruei u niga tsi u omi.
23594	MAT 12:36	“Na lia e hatei ragou limiou, turu Lanin Hahuna alimiou e hala raroui a nihahuna tara man ranga pinopino a man omi tu ranga naiam limiou.
23595	MAT 12:37	Tara man raranga noahas i tamölö e Sunahan e ngöe noi lö a katuun a niga tsi a katuun a omi.”
23596	MAT 12:38	Ba palair u tson hihatuts tara Lo na u Parasi e poeier tere Iesu, “Tson Hihatuts, alam e ngilin tara nem tu mirakol i tamölö.”
23597	MAT 12:39	Be Iesu e ranga palis ranen me poeiena, “Alimiou u katuun u omi tara pöata i romana te rangata silemiou tu mirakol. Kaba alia ema tatei haröto ragi limiou tu mirakol. A hatöatongo lasi tere Jona a propet i manasa te haröto ragi lia limiou.
23600	MAT 12:42	Na turu lanin hahuna, a tetahol panina i Siba e tuol noa turu kout bate hatei nena a markato a omi turu katunura i romana. Taraha, nonei e lama i lehana koru tegomi hengo menaien u hihatuts u niga tere King Solomon. Na lia e hatei ragou limiou, a katuun te pan bala nena e Solomon e kana teka.”
23601	MAT 12:43	Be Iesu e ranga lenina me poeiena, “Alimiou u katuun u omi ra i romana e heremi u katuun u momolö. Pöata te la ba nena a liliahanei a omi a katuun, ba nonei te lagi sakesakiena ta makum tegona husa ien tara makum a palaka.
23602	MAT 12:44	Ba nonei e poeiena, ‘Alia e la pouts uagou tara luma tu la ma lia.’ Ba pöata te la pouts men batemi sabiena a luma e ka haniga, na e kaka pukuna, na i salo hagogosi na e ka haniga.
23603	MAT 12:45	Ba liliahanei a omi e lana mena lu lelena a tana tohit a liliahanei, ti omi koru naien. Ba nori emi karia iahana katuun teka. Ba nonei e omi bala koru lel tala nena temar omi tutuun uaien. Te markato has uariou u katuun u omi ra i romana.”
23605	MAT 12:47	Ba töa katuun e hatei nen, “E tsinamölö na u toulamölö te tuolur ielesala e ngilin ranga ria i tamölö.”
23606	MAT 12:48	Be Iesu e ranga palise nen me poeiena, “Esi nonei e tsinar na eresi u toular?”
23607	MAT 12:49	Be Iesu e tus uana turu katunun tsitsilo i tanen me poeiena, “Nori teka u tsinar na u toular.
23608	MAT 12:50	Eresi te kukutieier u ngilngil tere Tamar i Kolö nori u toular na u hahinar nu tsinar.”
23611	MAT 13:3	Ba nonei e hatei raneien a parpara koru a ka turu haharuei me poeiena, “Hahengoiam. A töa katuun ena tsihasein a man ngalin kannou.
23616	MAT 13:8	Ba palair a man ngal e pururuku ria turu tsiktsiki u niga, me panir me huar. A palai i ka mei a hua a parpara koru, na palai i ka mei a hua te gamon para, na palai i kamei a hua tema para balai.”
23617	MAT 13:9	Be Iesu e poeiena, “Esi te kamena u talinga ega hengo.”
23618	MAT 13:10	Ba u katunun tsitsilo e la uarima tere Iesu me rangate ren, “E hana ba lö te ranga meramen turu haharuei?”