23235	MAT 1:22	A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”
23243	MAT 2:5	Ba nori e hateieren, “Tara taun i Betlehem i Judia, temar koloto has uu a propet i manasa:
23249	MAT 2:11	Ba nori e tasur iahana luma te kaia a pien na e tsinanen e Maria, mena hatukunur me hatsunono uar tara pien. Ba nori e kalater a man pora i taren me luer a manka a man niga me halerien a pien: a goul na u insens te haatser bate soka hamasi hanigan töana, na u uapi u soksoka.
23253	MAT 2:15	Ba nori ena ka ria i Itsip e antunaia tara pöata tega mateia e Herot. A ka teka e butu sil tego kato hamana menaien u raranga te ranga naia a Tsunono tara propet i manasa: “Alia u ngö ba namei a pien tson i tar a han i Itsip.”
23303	MAT 4:25	Bu katuun u parpara koru e kukutier e Iesu: u katunura i Galili na i Dikapolis na i Jerusalem na i Judia na turu tsiktsiki i hapalana a ramun i Jodan.
23360	MAT 6:9	“Alimiou go mar singo uaiam teka: ‘O Tamamulam alö e kamia i Kolö, alam e hagöagonem a solomölö.
23376	MAT 6:25	“Nonei te hatei sila ragia lia limiou: alimiou goma hakats silemi a nitöatöa i tamilimiou bate poe miou, ‘A saha ka te noue riou? Na saha ka te ue riou?’ Na limiou goma hakats silemi u tuenrei i tamilimiou, na tu hasobö tegi hasogi. A nitöatöa e pan bala nena a kannou, na u tuenrei e pan bala nena u hasobu.
23461	MAT 9:13	Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”
23488	MAT 10:2	Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.
23493	MAT 10:7	Ba limiou tena habulungana namiou u raranga teka: ‘A Nipepeito tere Sunahan e sukusukuna!’
23631	MAT 13:23	Kaba a man ngal ti tsihasa naia turu tsiktsiki u niga e here nei u katuun te hengoer u raranga bate atei sile ren. Ba u raranga te kato hanige iena a markato turu katuun teka: a palai e niga korur, na palai e gamon nigar na palai e niga hatsitabubu tunur.”
23721	MAT 15:19	Na manka man omi teka e la nama tara katuun: u hakats u omi na hipöli na tsikolo na kop na u ranga u gamo, na u tuts.
23771	MAT 17:2	Ba tara pöata ti tara uaien tere Iesu, ba nori e tareier te palis uu tuenrei tere Iesu: a matanen e alesala herei a pitala, na u hasobö i tanen e hiakan töa bate alesala hatagala koruna.
23899	MAT 21:4	A ka teka e butu sil tega kato hamana menaien u raranga te rangein a propet i manasa:
23946	MAT 22:5	Kaba nori ima ngilin hengo sile ii a ka ti ranga meraien, me la uar tara man toukui i taren: a töa e la uu tara kui i tanen, na tai e la uu tara stoa i tanen.
23972	MAT 22:31	Kaba tara tou takei pouts turu katuun ti mate, alia e ngilin rangata ragou limiou: alimiou u rit haniga haseiam u raranga tere Sunahan te ranga naien i tamilimiou?
23973	MAT 22:32	Nonei e mar ranga uu teka: ‘Alia a Sunahan tere Abraham na lia a Sunahan tere Aisak na lia a Sunahan tere Jekop.’ U raranga teka e poeiena nonei ema Sunahan uanei turu katuun u mate. E möa. Nonei a Sunahan turu katuun te töatöar.”
24010	MAT 23:23	“Alimiou u tson ateira tara Lo na limiou u Parasi, a niomi pan e butuna romana i tamilimiou! Alimiou u gamogamo! A mamana matsi kaan hasoksoka a matsi tetenei te kana tara kui, alimiou e roron patsike men ba limiou te halemi e Sunahan a man hamalotona a man makum. Na markato te hala menari a hamalotona makum tere Sunahan e nigana. Kaba limiou e totone miou a mar hihatuts a kapan tara Lo te markato uana teka: a markato te hamou hamatskö menari u raranga turu katuun, na markato te taatagi mera nei e Sunahan u katuun, na markato a mana.
24069	MAT 24:43	Kaba limiou go atei iam: sanena a katuun terena luma ega atei sil i hangisa tega lama a kopkop tara bong, ba nonei te kalkalatana bate hatu kap nena a kopkop tega tasu uaien i luma.
24154	MAT 26:31	Be Iesu e poeiena i taren, “Alimiou hoboto e matout mou bate laba namou lia i bong teka. Taraha, e Sunahan e mar ranga uu teka turu Buku u Göagono: ‘Alia e atung hamate gou romana a katunun taratarakap ba heis sipsip te bus kalakalar romana.’
24235	MAT 27:37	Ba nori e hopö naria u raranga ti kout meien e Iesu i bakuna a kuruse te poeiena: Nonei e Iesu teka, a King turu Jiu.
24284	MAT 28:20	Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”
24285	MRK 1:1	Nonei teka u Bulungana u Niga tere Iesu Kristo a Pien Tson tere Sunahan: E Aisaia a propet e kolotonaien me poeiena, “Hengoiam, e Sunahan e mar ranga uu teka: ‘Alia e hala mam negou a katunun sösöata ranga i tar te mam nanou lö, ba nonei tena hamatsköe nou a maroro i tamölö.
24373	MRK 3:16	Nonei e hopö kapir a maloto na huol a katuun: e Saimon (te hala hasien a tana solo, e Pita).
24394	MRK 4:2	Nonei e hatuts raien a ka a parpara turu rangan haharuei. Na u töa u haharuei e markato uu teka: “Hengoiam. A katuun ena tsihasein a man ngalin leba.
24553	MRK 7:21	Taraha e lakasa nama iogana tara tui tara katuun, te lakasa nama: u hakats u omi, na tsikolo na kop na hipuli na tsikolen a katuun a hitöl na mamangilin a manka tara tana katuun na markato a omi. Na gamogamo na markaton hamatsingolo tua na u hiomi nu tuts na hipus na u hirata u omi.
24560	MRK 7:28	Ba tahol e poeiena, “E manana, Tson Hihatuts. Kaba u muki te karia i kopina u tebol e nou haser a matsi kökoto tara galapien.” Ba e Iesu e atei silena nonei a tahol e mar hakhakats uu teka: u Jiu i ngörai u palair u katuun u muki, kaba u katuun teka e tatei lu noa haser a palaina a manka man niga tere Sunahan.
24636	MRK 9:29	Be Iesu e poeiena i taren, “A toa puku a ka te antunan tsuga banena a marka teka: tego singo hatagala uaiam limiou tere Sunahan”
24676	MRK 10:19	Alö e atei silem u Maloto u Raranga tere Sunahan. E markato uana teka: ‘Alimiou goma hihipulimi. Na egoma tsikolomi. Na egoma kopkopmi. Na egoma gamogamomi. Na egoma gamo nami a manka tara tana katuun bate luemen. Hapaneiam e tamamilimiou na e tsinamilimiou.’”
24761	MRK 12:19	Ba nori e poeier i tanen, “Tson Hihatuts, e Mosis e koloto berai ra a lo teka: ‘Tego mate ba naia a tson a tahol i tanen bate moana ta pien, ba toulana tson teka te tatei tölena a amoaba, ba nori te hatuhaner romana ta pien te lue nou a makum tara tson te mate.’
24771	MRK 12:29	Be Iesu e ranga palisenen me poeiena, “U raranga te pan bala koruna teka: ‘Hengoiam, u katunura i Israel, E Sunahan a Tsunono i tarara a töa puku a Tsunono.
24773	MRK 12:31	Na u hahuoluna u raranga u pannen teka: ‘Alö go mar ngil koru mei a tana katuun temar ngil koru has mena milö a peisamölö.’ E möa tu tana tu mar raranga tega pan balein u huol u raranga teka.”
24823	MRK 13:37	A ka te ranga mera gilia alimiou e la has uana turu katuun hoboto: tara kap hanigaiam.”
24850	MRK 14:27	Be Iesu e poeiena i taren, “Alimiou hoboto e bus ba namou lia, taraha i kolotein: ‘Alia e atunge gou romana a katunun taratarakap turu sipsip ba u sipsip te bus kalakalar romana.’
24921	MRK 15:26	U raranga ti nila nai i bakuna a kuruse, nonei has u ranga ti kout meien te poeiena: A King turu Jiu.
24949	MRK 16:7	Kaba la mula, na hatei raiam u katunun tsitsilo i tanen na e Pita, u raranga teka: Nonei e mam ranou limiou i Galili, alimiou ena tare mouen i Galili, temar hatei noahas meraien limiou.”
24959	MRK 16:17	Na u katuun te hamanar e katoeier romana a man mirakol tara nitagala tere Sunahan te markato uana teka: nori e poeier romana a solor bate tsuga ba raier u liliahanei u omi. Na nori e ranga ria romana tara man ranga man tsimus tema atei sileri.
25008	LUK 1:46	Be Maria e poeiena: “A torir e soloseiena a Tsunono, na lia e sasaala koru megu e Sunahan te taguhe noulia.
25025	LUK 1:63	Be Sakaria e hatahe silena ta tsi pepa ba nonei e mar koloto uana teka: “A solonen e Jon.” Ba nori hoboto e asingoto korur.
25029	LUK 1:67	Be tamana pien, e Sakaria, e saputu mena u Namnamei u Göagono, ba nonei e katoena u rangan propet me poeiena: “Aragi solosei e Sunahan a Tsunono na i Israel! Taraha? Nonei emi taguhu renara u katuun i tanen, bate sakahis pouts ranoura.
25070	LUK 2:28	Be Simion e söatena a pien me haniga uana tere Sunahan me poeiena: “O Tsunono, alia a katunun kui i tamölö e ka tala megou a masalohana tara pöata tena mate goua lia. A ka tu ranga hamanein lö e butu hakapa.
25098	LUK 3:4	Nonei temar koloto uu e Aisaia a propet, turu buku i tanen i manasa. Ba nonei e pei hasena: “A töa katuun ena ku hapan noua romana tara makum a palaka bate poeiena, ‘Hamatsköeiam a man markato i tamilimiou. A Tsunono e ngilin sila nama romana tara maroro a matskö.
25102	LUK 3:8	Alimiou go palis ba naiam a markato a omi, bate kato hamana koru uamou te kato uana a katuun te palis ba nena a markato a omi. Alimiou goma mar hakats uami teka: ‘Alam e nigam. Taraha? E Abraham e tubumulam.’ Alia e hatei ragou limiou, e Sunahan e antunan katoe noi u marats teka a hun katuun tere Abraham! E Sunahan ema haniga papale nei a katuun te pala uana tere Abraham. E möa. E hanigeiena a katuun te kukutiena u raranga tere Sunahan.
25142	LUK 4:10	Taraha? I kolotein: ‘E Sunahan e ranga mera nou u angelo i tanen tegi tara kap haniga menaien lö.
25150	LUK 4:18	“U Namnamei tara Tsunono e kana i tar. Nonei e hopö kap naiou lia tego hahatei menai lia u Bulungana u Niga turu katuun ti möa ta ka. Nonei e hala namou lia tegomi habulungana menai lia u mar raranga teka: U katuun ti kitsir ena purese rariou, na u katuun u kiou e tatei tara pouts riou. Nonei e hala namou lia tegomi taguhu merai lia u katuun te tori tiamar. Taraha? Nori e pita puta rer.
25155	LUK 4:23	Ba nonei e poeiena i taren, “Alia e atei silegu alimiou e katoe mou u rangan haharuei teka i tar, ‘O dokta, alö go kato haniga poutsi a peisamölö.’ Na limiou emar ranga has uamou teka i tar: ‘Alam u hengoin alö u katoe a man mirakol i Kapenium. E hana ba lö tema kato hasemi a man mirakol tara han pouts i tamulö?’”
25212	LUK 5:36	Na e Iesu e ranga has meraien u haharuei teka: “E möa ta katuun tega kiis ban ta makumun labalaba ta tsimus bate tupe neien a tabutu turu labalaba u toutounei. Te markato uanen teka, ba u labalaba u tsimus ti kiisi tema tatei taratara haniga gono menei u labalaba u toutounei.
25286	LUK 7:22	Be Iesu e ranga palis ranen me poeiena, “La poutsiam batena hateie mi e Jon a manka te tare mula limiou na te hengoe mula limiou: u matakiou e tara haniga poutsur, na u mou omi e tataala haniga poutsur, nu toba e gogoso poutsur, na u talinga tupu e hengo poutsur, nu katuun ti mate e hatakei pouts rer bate töatöar, na u Bulungana u Niga e hatei naria turu katuun ti möa ta ka.
25291	LUK 7:27	Taraha? U Buku u Göagono e ranga hatei nanen: ‘Hengo! Alia e hala negou romana a tson hibus i tar tego mam naiou lö, bate hamatsköena romana a maroro i tamölö.’
25315	LUK 8:1	Tara tana pöata be Iesu e hula lauana tara man taun na man han, me hatei la nena u Bulungana u Niga tara Nipepeito tere Sunahan. A maloto na huol a katunun tsitsilo i la gono meien, na palair a touhaliou has ti tsuga barai a man liliahanei a man omi na man siki has. Nori a man touhaliou teka: e Maria Matalina, ti tsuga banai a tohit a liliahanei a omi.
25318	LUK 8:4	U katuun i la noa hasima tara mamana taun, na tara pöata ti gonoia u katuun tere Iesu, ba nonei e hatei raneien u haharuei teka: “A töa katuun ena tsihasein a man ngalina kannou. Ba pöata te tsihasaien, a palai i pururukuia tara maroro ti tötö raien, ba u apena emi nou raren.
25325	LUK 8:11	Be Iesu e poeiena, “A mouna u haharuei e markato uana teka: a ngal e here nei u raranga tere Sunahan.
25414	LUK 9:44	Ba nonei e poeiena turu katunun tsitsilo i tanen, “Hakats kap haniga naiam u raranga teka: Alia tu butun Katunuma e susukun hala menari tara nitagala turu katuun.”
25442	LUK 10:10	Kaba tena butu moa limiou tara töa taun bu katuun tema haniga rari limiou, ba limiou tena tuol mia i maroro bate ranga meramen, ‘Alam e tohu ba nem u köahu tara taun i tamilimiou te rokotona i moumulam! Kaba limiou go hakats haniga iam: a Nipepeito tere Sunahan e la hasusuku hakapa uama i tamilimiou, kaba limiou ema ngil tsipone mien!’
25476	LUK 11:2	Be Iesu e poeiena i taren, “Pöata te singo mia limiou, alimiou go mar singo uaiam teka: ‘O Tamamulam, a solomölö egi hagöagoni. Alö go mi tsunone rilam.
25516	LUK 11:42	“Alimiou u Parasi, a nomi pan e butuna romana i tamilimiou. A mamana matsi kaan hasoksoka a matsi tetenei te kana tara kui, alimiou e roron patsike miou a matsi maloto a matsi makum bate halemi e Sunahan a man hamalotona man makum. A markato te hala menari a hamalotona a makum tere Sunahan e nigana. Kaba limiou e roron totone miou u mar hihatuts pan tara Lo te markato uana teka: a markato te hamou hamatskö menari u raranga turu katuun, na markato te ngil menari u katuun e Sunahan.
25522	LUK 11:48	Alimiou e haröto nemiou te hatangana mena milimiou a markato turu tubumilimiou: nori i pulir u propet ba limiou te kuie miou u kahokaho i taren.
25533	LUK 12:5	Alia e hatei ragi limiou esi tego matouteiam limiou: alimiou go matouteiam e Sunahan. Taraha? Nonei e antunan kato hamatiena u tuenrei, na nonei e ka has mena a nitagala tego lapo ba meraien u katuun i hel! Aa, alia e ranga mera goulimiou, nonei tego matouteiam limiou!
25536	LUK 12:8	E Iesu e ranga lel me poeiena, “Alia e ranga mera goulimiou: esi te hatei na noa lia turu katuun, alia tu butun Katunuma ena hatei has ragou u angelo tere Sunahan nonei a katuun i tar.
25545	LUK 12:17	Ba nonei e mar hakats uana teka: ‘Alia u möa ta makum tego haputeia lia a kannou a parpara koru i tar. Aha tego katoi lia?’
25550	LUK 12:22	Be Iesu e poeiena turu katunun tsitsilo, “Nonei lasi te hatei ragi lia alimiou: ma hakats hapara silemi a nitöatöa nu tuenrei na i puta, na ha te noue mou limiou na ha te hasoge mou limiou.
25567	LUK 12:39	Alimiou go hakats naiam a ka teka: Sanena tega atei sil mameia a katuun terena luma i hangisa koru tega lama a katuun a kopkop, ba nonei te hatongo kap nena a katuun teka bate ma heleie nei a luma i tanen bate tasuna.
25777	LUK 18:20	Alö e atei silem a man lo tere Sunahan. Hena: ‘Alö goma tsikolo ii. Alö goma hipuli ii. Alö goma kop ii. Alö goma gamogamo ii. Alö go hapani e tamamölö na e tsinamölö.’”
25838	LUK 19:38	Ba nori e poeier: “Kalaleiam a king te la menama a solo tara Tsunono! A masalohana ega kaia i Kolö, na solona e Sunahan ega pan koru!”
25865	LUK 20:17	Kaba e Iesu e tara uu i taren me poeiena, “Alimiou go hakats naiam u raranga turu Buku Göagono te kato here nanei lia a marats. E markato uana teka: ‘A marats ti raman u katunun hatakei luma bate hapiraka ba ner, nonei a marats te niga balana tara toukuin luma.’
25876	LUK 20:28	Ba nori e poeier tere Iesu, “Tson Hihatuts, e Mosis e mar koloto menai a Lo teka i manasa: ‘Te mate ba nena a tson a tahol i tanen bate möana ta pien, e toulanen ega töli a amoaba ba nori te hatuhaner ta pien ga butu be a tson te mate.’
25890	LUK 20:42	E Devit noa has te poei turu buku turu Sam: ‘A Tsunono e poei tara Tsunono i tar, Gum ia tara pal matou i tar, e antunana te katoe goii lia u katuun te paköe riou lö u kaan tötö i tamölö.’
25970	LUK 22:37	Taraha? Alia e ranga mera gilimiou a ka teka: u raranga turu Buku u Göagono ega butu hamana te poeiena, ‘Nonei i ngöe ii a katuun a omi.’ Nonei e ranga nanou lia, na u raranga ti koloto sile ii lia ega butu hamana.”
26081	LUK 24:21	Alam u hamani: ‘Nonei a katuun temi sakahis poutsir u katunura i Israel.’ Aa, na u lan i romana u hatopisana u lan has i murina te butuia a manka teka.
26104	LUK 24:44	Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”
26105	LUK 24:45	Ba nonei e kalatena u hakhakats i taren tegi atei sil menaien u Buku u Göagono, me poeiena i taren, “A manka teka i kolotein: e Mesaia ega sagohi a kamits na ega mate bate takei poutsuna turu hatopisana u lan.
26107	LUK 24:47	Na ka teka i koloto hasiin: u bulungana egi hatei la naia turu hun katuun hoboto i puta bate taniana i Jerusalem. Ba u katuun te palis ba ner a man markato a man omi bate hamana uaier tere Mesaia, e Sunahan e tatei luba nena a markato a omi i taren.
26208	JHN 3:19	U kout e markato uana teka: u ualesala e la uama i puta. U ualesala teka e haharuei nena a niateina tara manka hamana tere Sunahan. Ba u katuun te ngiler u kuhil bate rama ner u ualesala, taraha nori ema ka meri ta markato ta niga.
26365	JHN 6:39	Na nonei teka a manka te ngilena e Sunahan: nonei e ngilena alia goma hatie ii ta töa ta katuun te hala na men ba lia te hatakei pouts ragoen romana tara tou mate tara kapakapana pöata.
26663	JHN 12:14	Be Iesu e luena a töa tunan rongki me osana i tanen. Nonei e markato uu te ranga uana u Buku u Göagono e poeiena: “Alimiou u katunura i Saion e möa tu matout iam. Tara, a King i tamilimiou e la hamanasa nama nonei e osana tara tunan rongki.”
26687	JHN 12:38	A manka teka e butu sili tego hakapa menaien u raranga tere Aisaia, a propetina i manasa e mar ranga uu teka: “O Tsunono, u katuun ema hamaneri u raranga i tamulam. E Sunahan e harötein a nitagala i tanen tara man töa man katuun.”
26780	JHN 15:12	Alia e hatei ragou limiou: hiangilngil uaiam temar ngil has mera gilia limiou.
26788	JHN 15:20	Alimiou go hakats pouts naiam u raranga ti hala ra ii lia alimiou: a katunun kui ema pan nanei a tsunono i tanen. Nori u katuun ti kato homia i tar e kato homi has rariou limiou romana, na u katuun te hengo hanigeier u raranga i tar e hengo haniga has rariou limiou.
26829	JHN 17:1	E Iesu e ranga hakapaia turu katunun tsitsilo i tanen me tara sei uana i Kolö me poeiena: “O Tamar, a pöata e butu hamanasa talana. Solo sei a Pien i tamölö, ba Pien i tamölö te solo sei hase noulö.
26831	JHN 17:3	Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.
26842	JHN 17:14	Na lia u hala raien u raranga i tamölö. Na u katunura tara markatona i puta e omi raren, taraha nori e hereri lia: alia ema katuun uagi tara markatona i puta, na nori ema katuun has uari tara markatona i puta.
26913	JHN 19:19	Be Pailat e hakoloto nena a töa makumun raranga me hake rien tara kuruse. Na makumun ranga teka e pei: Iesu na i Nasaret, a King turu Jiu.
26914	JHN 19:20	U Jiu u para ti riti u ranga teka, taraha a makum ti nila naia e Iesu tara kuruse ema lehana banai a taun. A makumun ranga teka i koloto naia turu topisa u mar ranga: U HaHibru nu HaLatin nu HaGrik.
26915	JHN 19:21	Ba u pris pan turu Jiu e poeier tere Pailat, “Alö goma koloto nai: ‘A King turu Jiu.’ E möa. Alö go kolotein: ‘A katuun teka e pei, Alia a King turu Jiu.’”
26918	JHN 19:24	Ba u soldia e hiararangar me poeier, “Aragi ma kiis kakateien. Aragi pilei satu sil tuneien bara te tare rou esi te lue noien.” A ka teka e butu sil tega mana uu raranga turu Buku u Göagono te poeiena: “Nori i molamoleia a peisaren a man hasobö i tar. Ba nori e pilei satu siler esi tega lu u hasobö u ngahangaha i tar.” U soldia i markato has menaien teka.
27034	ACT 2:16	E möa, a ka teka e ranga mam noani e Joel a propet tere Sunahan i manasa me poeiena:
27035	ACT 2:17	‘E Sunahan e poeiena, Tara pöata i murimuri te sukusukun kapa noa romana a pöata hoboto, alia e katoe gou a ka teka: Alia e hala nagou u Namnamei i tar turu katuun hoboto. A galapien tson i tamilimiou na galapien touhaliou has ena ranga nariou romana u rangan propet. U hitots i tamilimiou ena tare riou a man hiharöto, na u tsonpan ena sinasohe riou a man sinasoho.
27043	ACT 2:25	E tuburara e Devit e rangein e Iesu i manasa me poeiena tere Sunahan: ‘Alia u tara nitöani a Tsunono i matar. Nonei e kana tara pal matou i tar ba lia tema tatei matout gi.
27052	ACT 2:34	E Devit ema la sei uai i Kolö, kaba nonei e pei, ‘A Tsunono e pei tara Tsunono i tar: Gum ia tara pal matou i tar, e antunana tara pöata te kato ragoua lia u pakö i tamölö u kaan tötö i tamölö.’
27054	ACT 2:36	“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”
27116	ACT 4:25	I manasa u Namnamei u Göagono i tamölö e ranga silaia tere Devit e tubumulam a katunun kui i tamölö me poeiena: ‘U palair u katuun i raharaha koru. Nori i mastein korupaköni a Tsunono.
27227	ACT 7:42	Kaba e Sunahan e habirits me haka ba ranen ba nori e hatsunono uaier tara pitala na tsihou na u pitopito, temar koloto uu a propet turu Buku u Göagono: ‘Alimiou u katunura i Israel! I manasa alimiou u ka mia tara makum a palaka turu 40 u hiningal, ba limiou e atung hamate ramiou u bulmakau na u sipsip me haats ramen. A markato teka u kato mena milimiou i tar? E möa.
27233	ACT 7:48	“Kaba e Sunahan Iasa Koru ema tatei ka neia tara luma ti kui u katuun. E markato uana temar ranga uu a propet:
27277	ACT 8:32	A makumun ranga turu Buku u Göagono te tareien e markato uu teka: “Nonei a katuun e here nei a sipsip tena piou ner tara makum te atung hamate raria u sipsip. Nonei e here nei a tunan sipsip tena tuol hakakamotona tara makum te kotskotseria u hulu tara sipsip batema ngala nei. Na nonei ema ranga has nei.
27447	ACT 13:16	Be Pol e tuoluna me hasoasei nena a limana tegi hengo menaien u katuun me poeiena: “Alimiou u katunura i Israel, na limiou has a palair u katuun te matoute miou e Sunahan, alimiou go hengoiam.
27453	ACT 13:22	Be Sunahan e tsugena e Sol me hakeiena e Devit a king i taren. Nonei e mar ranga menai e Devit teka: ‘Alia e tara sabiegu e Devit a pien tere Jesi nonei a mar katuun te ngile gulia. A torir e ngil korue nen. Nonei te kukute hanige nou u mamana u ngil hoboto i tar.’ E Sunahan temar ranga uu teka.
27465	ACT 13:34	“E Sunahan e hatakei poutseien tara tou mate, na nonei ema antunan mate lel nei bate koremena. E möa. E markato uana temar ranga uu e Sunahan tere King Devit: ‘Alia e kato hamana bera gilimiou romana a ka a niga tu ranga hamana naia lia tere Devit i manasa.’
27471	ACT 13:40	Alimiou go hanei iam! A ka teka, ti rangein u propet i manasa e namots la uanama i tamilimiou nonei ti mar ranga uaien teka:
27478	ACT 13:47	A Tsunono e mar hatei mera mei lam teka: ‘Alia e haka here ragi limiou u ualesala turu katuun tema Jiu ri. Ba limiou te tatei taguhu ramiou u katuun tara mamana han i puta, ba lia te lu pouts ragouen romana.’”
27522	ACT 15:11	Ara e mar hamana las uara teka: e Sunahan e lu pouts ranou ra tara nihitaguhu tere Iesu a Tsunono, markato has uana te lu pouts mera neien u katuun teka.”