23239	MAT 2:1	E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”
23242	MAT 2:4	Be Herot e ngö gögono hoboto rena u pris pan, na u tson hihatutsura tara Lo me rangata ranen, “Ime tegi poseia e Mesaia, a katuun te hopö kapiin e Sunahan?”
23275	MAT 3:14	Kaba e Jon e torohanan katoeien ego palis u hakats i tanen me poeiena, “Alia ego habaptaisia i tamölö, kaba lö e la noa has uamuma i tar? Alö e pan bala koru namou lia.”
23349	MAT 5:46	Aha te hala sile noi e Sunahan u hamatana i tamilimiou, te ngil puku merami limiou u katuun te ngil rariou limiou? U katuun te lulu takisir e markato has uar iesana.
23350	MAT 5:47	Na te kato haniga peisa mia limiou tara man hahikapien i tamilimiou, ga limiou e mar halhal uamiou ime tara palai? Te markato has uer u katuun u omi koru tema hamana uari tere Kristo.
23376	MAT 6:25	“Nonei te hatei sila ragia lia limiou: alimiou goma hakats silemi a nitöatöa i tamilimiou bate poe miou, ‘A saha ka te noue riou? Na saha ka te ue riou?’ Na limiou goma hakats silemi u tuenrei i tamilimiou, na tu hasobö tegi hasogi. A nitöatöa e pan bala nena a kannou, na u tuenrei e pan bala nena u hasobu.
23378	MAT 6:27	Na esi i tamilimiou te taatagina e antunan hangahangaha hasena a nitöatöa i tanen?
23379	MAT 6:28	“Na saha ka te hakats sil me milimiou u hasobö? Alimiou go rötoiam turu palaua u hie temar pusuku uaren. Nori ema katoeri a peisaren bate tara hanigar. E möa.
23381	MAT 6:30	Na temar hasogo menanei e Sunahan u garas, te ka nou i romana bate haatse ria turu tula i mahö. E hana, e Sunahan ema antunan hasogo ranoui limiou tu hasobö, alimiou te ka memiou u nihamana u tetenei?
23382	MAT 6:31	Alimiou goma hakats balami bate peimiou, ‘Aha te noue rou ra? Na ha te ue rou ra na te hasoge rou ra?’
23388	MAT 7:3	Aha te tara sile milö a tsi bita i matana e toulamölö, ba lö tema taremi a makumun palang i matamölö pouts?
23389	MAT 7:4	Ime te markato uanen balö te poeiem tere toulamölö ‘Lama, ba lia te luba negu a tsi bita i matamölö’ tara pöata te kana a makumun palang i matamölö pouts?
23394	MAT 7:9	Esi i tamilimiou te tatei hale nei a pien tson i tanen a hatu te singoe nen ta tsi beret?
23395	MAT 7:10	Na esi te tatei hale nei a pien i tanen a kökötsi te singoenen ta iena?
23401	MAT 7:16	Alimiou e tatei tara marei sila ramoien tara man hua i taren. E hana, u katuun e antunan patsiki hase ria a huana u grep tara latu a hihitoka? Na a huana u fik tara latu a kits?
23440	MAT 8:26	Ba nonei e poeiena i taren, “U nihamana i tamilimiou e tetenei koruna! Aha te matout memilimiou?” Ba nonei e takeina me abis hatagalena a lomolomo ba ramun e selohona. Ba lomolomo e hanöana, ba ramun e maraha poutsuna.
23441	MAT 8:27	Nori i asingoto koru me poeier, “A saha a mar katuun koru teka? A lomolomo na u ramun e hengo korueren!”
23443	MAT 8:29	Ba huol e ku hohomi korur me poeier, “A Pien Tson tere Sunahan, alö emi hamia i tamulam? Alö goma hakamits mam railam, a pöatan hahuna i tamulam e kanoana!”
23452	MAT 9:4	Kaba e Iesu e atei sil hakapi u hakhakats i taren me poeiena, “Taraha tsiponi ba limiou te ka memiou u hakats homi i torimilimiou?
23453	MAT 9:5	Alimiou ema hanigami te poei mena gulei lia, ‘A markato a omi i tamölö e luba nalila?’ Tsi alia go pei aha? ‘Alö go takei bate lam?’
23459	MAT 9:11	Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”
23462	MAT 9:14	Tara pöata teka ba u katunun tsitsilo tere Jon a Tsonun Baptais e la uarima tere Iesu memi poeier, “Taraha tsiponi ba lam na u Parasi te roron agono nem a kannou te singo uamulam tere Sunahan, ba u katunun tsitsilo i tamölö tema agonori?”
23463	MAT 9:15	Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”
23476	MAT 9:28	Be Iesu e tasuna tara luma ba u matakiou e la uarima i tanen ba nonei e poeiena i taren, “Alimiou e hamanemiou, alia e antunan kato negu a ka te ngile milimiou?” Ba nori e poeier i tanen, “Aa, O Tsunono.”
23505	MAT 10:19	Na pöata te kout rarouen limiou, e möa tu hakats haparpara balö te poeiem, ‘Ime tala temar ranga uagou lia? Na, aha tala te pei gou lia?’ Nonei koru has tara tsi pöata teka alimiou e hala raroui a ka tego ranga naiam limiou.
23531	MAT 11:3	Ba nori emi poeier tere Iesu, “Nonei alö a katuun tego lama, tsi alam ego hahalosi a tabina katuun?”
23535	MAT 11:7	Na pöata ti la poutsia u katunun tsitsilo tere Jon, be Iesu e tanian ranga hatei ranei u katuun e Jon me poeiena, “Alimiou i la sile mula egona tareiam a saha ka tara makum a palaka? Toum romana u nga te gagas mena te pihu mena neien a lomolomo?
23536	MAT 11:8	Tsi alimiou u la sile mula tegona tara menami u katuun te ka meier u hasobö u niga koru? Kaba a mar katuun teka e kana tara mar luma a nigan töa tere king.
23537	MAT 11:9	Tsi alimiou u la sile mula tegona tara menami a propet? Aa, alia e hatei ragou limiou e Jon a propet hamana.
23544	MAT 11:16	“Alia go mar ranga merai u katuun te kar i romana ime? Alimiou e hererami a galapien te gum ria tara man makumun töana bate hia kukur,
23568	MAT 12:10	Na e kamei a katuun a lima mate e ka. Ba nori e rangate ren me poeier, “A Lo i tarara e haniga has nena tegi kato haniga pouts mei a katuun turu Lan u Göagono?” Taraha, nori i sake ta maroro tegi kout meien e Iesu.
23569	MAT 12:11	Be Iesu e poeiena i taren, “Tega ka meia ta töa i tamilimiou a töa sipsip, ba sipsip te rus hongo uana iahana kiou turu Lan u Göagono, e hana, alö ma antunan lusei poutse meien iahana a kiou?
23581	MAT 12:23	Ba u katuun hoboto e asingoto korur me poeier, “Nonei toum a pien tson tere Devit?”
23584	MAT 12:26	Ga tega tsugeia e Satan u katuun i tanen pouts, ga nonei e luba pouts has nanen i tanen pouts. Bora, ga nipepeito tere Satan e mar tagala uanou ime?
23585	MAT 12:27	Sanena lia ego tsuga ba merai u liliahanei u omi a nitagala tere Belsebul, go katunun tsitsilo i tamilimiou e mar tsuga ba mera rouien ime? Bora, ga u katuun pouts tala i tamilimiou te ona pouts rariou limiou.
23592	MAT 12:34	Alimiou u katuun tara kökötsi. Ime te tatei mar ranga mena milimiou a manka man niga te katuun omi uamilimiou? A ka te kana turu tori, u rung te ranga halakasa nanen.
23606	MAT 12:48	Be Iesu e ranga palise nen me poeiena, “Esi nonei e tsinar na eresi u toular?”
23618	MAT 13:10	Ba u katunun tsitsilo e la uarima tere Iesu me rangate ren, “E hana ba lö te ranga meramen turu haharuei?”
23635	MAT 13:27	“Ba u katunun kui tere tamana kui e la rima memi poeier, ‘O tsunono, alö u tsihasein a man ngalin wit a man niga tara kui i tamölö, kaba ime temar butu uu parpara u pulung u omi?’
23636	MAT 13:28	Ba nonei e poeiena, ‘A katuun a omi te kati a ka teka.’ Ba nori e rangate ren, ‘Galö e ngilem alam gona pate ban u pulung?’
23659	MAT 13:51	Be Iesu e rangana turu katuun ti hahengoia i tanen me poeiena, “Alimiou e atei sile miou a man raranga te katoe gula lia?” Ba nori i poeier, “Aa.”
23662	MAT 13:54	Ba nonei e la pouts uana tara han i tanen i Nasaret. Ba nonei e tanian hihatutsna tara luman lotu turu Jiu. Ba u katuun ti hengoeien e asingoto korur me poeier, “Ime te luema a katuun teka a mar niatei na mar nitagala temar kato uana teka?
23663	MAT 13:55	Nonei toum banei a pien tere Josep a kapenta na e tsinanen toum te ngöeri e Maria na u toulanen toum ere Jemis mere Josep na e Saimon na e Judas?
23664	MAT 13:56	Na u hahinanen toum hoboto e ka gono has merariora? Gime te lue men a mar nitsunono teka?”
23697	MAT 14:31	Be Iesu e hasöa boroboro nena a limanen me pile nanen me poeiena, “Alö e kamem u nihamana u tetenei koru! Aha tsiponi te hula hakats memulalö?”
23703	MAT 15:1	Ba palair u Parasi na u tson hihatuts tara Lo i la uama i Jerusalem me la uarima tere Iesu memi rangate ren, “Taraha tsiponi ba u katunun tsitsilo i tamölö te hipus ner u hihatuts ti halan u katuun pan i tarara i manasa? Nori ema galus mameri a limaren bate töan nour!”
23705	MAT 15:3	Be Iesu e ranga palis ranen me poeiena, “Gaha tsiponi te hipus me na mi limiou u hihatuts tere Sunahan bate kukute miou u hihatuts turu katunura i manasa?
23735	MAT 15:33	Ba u katunun tsitsilo i tanen e rangate ren, “Ime te sabie roara ta kannou tega antunaia turu katuun u parpara koru teka tegi hanou raien?”
23736	MAT 15:34	Be Iesu e rangata ranen, “A lahisa beret te ka memi limiou?” Ba nori e poeier, “A tohit a beret na matsi iena has.”
23749	MAT 16:8	Ba pöata te atei sileia e Iesu a saha ka ti hiararanga naien, ba nonei e poeiena i taren, “A tsi nihamana i tamilimiou e tetenei koruna. E hana ba limiou te hiaraharaha pouts silemiou tema lu mena mumei limiou ta beret?
23750	MAT 16:9	Alimiou bema atei noa hasmi? Alimiou go hakats pouts neiam ti posepose mena mei lia a tolima a beret tara 5,000 tara katuun na man kalobaka ti ongo hasaputeiam limiou.
23752	MAT 16:11	E ha koruna ba limiou tema atei sile mulei, alia ema ranga silegulei a beret? Kaba hanei sileiam u is turu Parasi na u Sadiusi!”
23754	MAT 16:13	Pöata te la uu e Iesu tara han i Sisaria Pilipai, ba nonei e rangata rena u katunun tsitsilo i tanen me poeiena, “U katuun e ngöeri, Alia tu butun Katunuma, esi?”
23756	MAT 16:15	Be Iesu e poeiena taren, “Ga limiou e pemiou alia esi?”
23767	MAT 16:26	Tega lueia ta katuun a mamanaka hobotona i puta, kaba nonei e hatia hakapi a nitöatöa i tanen, ga mamanaka teka e mar taguhu menoien ime? Nonei e hala nanou ta saha ta ka bate lu poutse nou a nitöatöa i tanen?
23779	MAT 17:10	Ba u katunun tsitsilo e rangateier e Iesu, “Taraha tsiponi ba u tson hihatuts tara Lo te poeier e Elaitsa ega mam nema e Mesaia?”
23786	MAT 17:17	Be Iesu e ranga palis ranen me poeiena, “Alimiou u katuun u hahamana koru na limiou ema matskömi! A lahisa pöata ti ka gono meraia lia limiou? Na lahisa pöata ti söateia lia u nikamits i tamilimiou? La mena mumei a pien i tar!”
23788	MAT 17:19	Ba u katunun tsitsilo e la uarima tere Iesu memi rangata momouse ren, “E hana ba lam tema antunan tsuga ba ramulei u liliahanei u omi?”
23793	MAT 17:24	Ba tara pöata te la uu e Iesu na u katunun tsitsilo i tanen i Kapenium, ba u katunun lulu monina tara Luman Lotu Pan e la rima memi rangateier e Pita, “A tson hihatuts i tamilimiou e hol hasena a takis tara Luman Lotu Pan, tsime?”
23794	MAT 17:25	Be Pita e poeiena, “Aa.” Ba tara pöata te tasuia e Pita i luma me katsin rangana, be Iesu te ranga mam tsiponna i tanen me poeiena, “O Saimon, u saha u mar hakats i tamölö? Esi te holena a takis turu king tara man han i puta? U katuun hamatskö tere king tsi u katuun halhal?”
23797	MAT 18:1	Nonei tara pöata teka ba u katunun tsitsilo e la uarima tere Iesu memi rangateren, “Esi koru te pan balana tara Nipepeito tere Sunahan?”
23808	MAT 18:12	Na u saha u mar hakats te ka memi limiou tara katuun te kamena a 100 tara sipsip ba töa i taren te taiana? Nonei e la ba ranou u 99 tara sipsip bate karia turu pokus ba nonei tena sakiena a sipsip te taiana.
23817	MAT 18:21	Be Pita e la uanama tere Iesu me rangatenen, “O Tsunono, a lahisa pöata tego ranga hataatagi ia lia tere toular bate solopalena a markato a omi i tanen, bate tara poutse noulia? Ega para hapopoia tara tohit a pöata?”
23834	MAT 19:3	Ba palair u Parasi e la uarima i tanen memi torohane ren me poeier, “A Lo i tarara e haniganena tega laba menai a tson a tahol i tanen?”
23838	MAT 19:7	Ba u Parasi e poeier i tanen, “Ga tara ha tsiponi be Mosis te hala nena a lo te poeiena a tson e tatei kolotena u pepa tega tsuga menaien a tahol i tanen?”
23847	MAT 19:16	Ba töa katuun e la uanama tere Iesu me poeiena, “Tson Hihatuts, a saha ka a niga tego kati lia balia te luegou a nitöatöa te ka nitöana?”
23848	MAT 19:17	Be Iesu e poeiena i tanen, “Taraha balö te rangate milia saha ka te nigana? E Sunahan puku a töa te nigana. Te ngilin lue mialö a nitöatöa te ka nitöana, ba lö te kukutiem a man raranga tere Sunahan.”
23849	MAT 19:18	Ba nonei a katuun e rangatenen, “A man saha man raranga?” Be Iesu e ranga palisenen me poeiena, “Alö goma atung hamatei a tana katuun. Na lö goma kope ii a ka tara tana katuun. Alö goma gamogamoi. Na lö goma tsikolo ii.
23851	MAT 19:20	Ba tson a hitots e poeiena i tanen, “Alia e kukutiegu a man raranga hoboto teka. Ka ha lel tego kati lia?”
23856	MAT 19:25	Ba pöata ti hengoeia u katunun tsitsilo i tanen a ka teka, ba nori i asingoto korur me poeier, “Gesi te antunan ka haniga nou?”
23858	MAT 19:27	Be Pita e poeiena tere Iesu, “Alam u laba nema a mamanaka me kukutie mumoulö. Ga lam e lue mou aha?”
23867	MAT 20:6	“Ba tara pal 5 kilok ba nonei e la lenina bena tarena a palair u katuun bate tutuol puku ponir. Ba nonei e poeiena i taren, ‘Aha te hakapa pinopino sile milimiou u lan u ohots teka batema kuimi?’ Ba nori e ranga palise ren me poeier, ‘E möa ta katuun tega hala railam ta toukui.’ Ba nonei e poeiena, ‘La tala iam batena kui mia tara kuin grep i tar.’
23882	MAT 20:21	Be Iesu e poeiena i tanen, “Aha te ngile mölö?” Ba nonei e ranga palisenen me poeiena, “Alö go haniga ba huol a pien tson i tar teka tena gum gono meriou lö romana tara pöata tena king möalö, a töa tara pal matou na tabi tara pal keruka.”
23883	MAT 20:22	Be Iesu e poeiena i taren, “Alimiou ema atei silemi a ka te rangata nami limiou. Alimiou e antunan ua mia tara kap tena ua goa lia ba limiou tena sagohe mou a kamits tena sagohe gou lia?” Ba nori ranga palise ren me poeier, “Alam e antunam.”
23893	MAT 20:32	Be Iesu e tuoluna me ngö ranen, “Aha te ngile milimiou tego kati lia i tamilimiou?”
23905	MAT 21:10	Tara pöata te tukuia e Iesu i Jerusalem, ba u katuun hoboto tara taun e asingoto korur me poeier, “Esi nonei teka?”
23911	MAT 21:16	Ba nori e poeier tere Iesu, “Alö e hengoeiem a ka te ranga naren?” Be Iesu e poeiena i taren, “Alia e hengogu. Alimiou toum ima rit hanigemi u ranga teka, ‘A galapien u tetenei egi solosei a solo mölö.’”
23915	MAT 21:20	Ba u katunun tsitsilo e tarer a ka teka me asingoto korur me poeier, “Ime temar lango boroboro ualala u ruein fik teka?”
23918	MAT 21:23	Be Iesu e kopis pouts uana tara Luman Lotu Pan, ba pöata te hihatuts ien, ba u pris pan na u tsunono turu Jiu e la uarima i tanen memi rangateren, “A saha nitsunono te ka memölö te kato memi lö a manka teka? Esi te halei lö a nitsunono?”
23920	MAT 21:25	Ime te lueia e Jon a nitsunono tega baptais meraien u katuun? Tere Sunahan tsi tara katuun tuun?” Ba nori e hiarangrangata poutsur me poeier, “Te pei roara, ‘E Jon e kamei a nitsunono tere Sunahan,’ be Iesu te pei nou i tarara, ‘Ga taraha tsiponi ba limiou tema hamanemi e Jon?’
23923	MAT 21:28	Be Iesu e poeiena i taren, “Ime temar hakats uami limiou tara katuun te kamena a huol a pien tson? Nonei e la uana tara pien a hamua me poeiena, ‘A pien i tar, alö gona kui ia tara kuin grep i romana.’
23926	MAT 21:31	“Esi i taren a huol te katoe u ngil tere tamaren?” Ba nori e poeier, “A pien tson a hamua.” Be Iesu e poeiena i taren, “Na lia e hatei hamana koru ragou limiou, e kato has uana iesana tara Nipepeito tere Sunahan. U katuun te lulueier a takis na u touhaliou u lulu tson pinopino ena tasu mammam raroua limiou iahana Nipepeito tere Sunahan.
23935	MAT 21:40	Be Iesu e rangata ranen, “Bora, ga tara pöata te lama a katuun te tuenei a kuin grep, nonei emi katoe nou aha turu katuun u omi teka?”
23953	MAT 22:12	Ba nonei poeiena i tanen, ‘A tsi hahikapien, ime temar laua muma lö teka te möa uemölö tu hasoböna tara hitöl?’ Ba katuun e kakamoto nitöa bananen.
23958	MAT 22:17	Bora, alö go hatei ramou lam, ime temar hakats uemölö, e niga hasina tegi hol mei a takis tere Sisa a gamman pan, tsi e möa?”
23959	MAT 22:18	Kaba e Iesu e atei sil hakapi u hakhakats u omi i taren, ba nonei e poeiena, “Alimiou u gamogamo! Aha te katsin torohana sile milimiou alia?
23961	MAT 22:20	Ba nonei e rangata ranen, “A bakuna esi, na solona esi te kar teka?”
23969	MAT 22:28	Ga tara pöata te takei pouts ria romana u katuun tara tou mate i taren, esi nonei koru i taren te tueie nou a tahol? Taraha, nori u mun toulana tohit i töl hoboto taleien.”
23972	MAT 22:31	Kaba tara tou takei pouts turu katuun ti mate, alia e ngilin rangata ragou limiou: alimiou u rit haniga haseiam u raranga tere Sunahan te ranga naien i tamilimiou?
23977	MAT 22:36	Ba nonei e poeiena, “Tson Hihatuts, u saha u raranga te pan balana tara man raranga hoboto tere Sunahan?”
23982	MAT 22:41	Pöata ti gonogono hobotoia u Parasi, be Iesu e rangata ranen, “Ime temar hakats uami limiou tere Mesaia? Nonei a pien tson teresi?” Ba nori e poeier, “Nonei a pien tere Davit.”
23984	MAT 22:43	Be Iesu e poeiena i taren, “Ga taraha tsiponi ba u Namnamei u Göagono te harangena e Devit ba e Devit e ngöenei e Mesaia ‘A Tsunono’?
23986	MAT 22:45	“E Devit e ngöei a katuun teka, ‘A Tsunono.’ Ga ime te markato uanen ba nonei te pien uana tere Devit?”
24004	MAT 23:17	Alimiou u katuun u matakiou u tutu! Saha ka te panina, a goul, tsi a Luman Lotu Pan te hagöagonena a goul?
24006	MAT 23:19	Alimiou u katuun u matakiou! Aha te panina, a manka te kana tara makumun haats? E möa. A makumun haats te hagöagonena a manka te kana i tanen, nonei te panina.
24071	MAT 24:45	Be Iesu e pei lelena, “Esi nonei ta katunun kui ta atei te tatei kato hanigan töa nena a toukui tanen? A Tsunono te tatei hataratara kap nanei a katuun teka a palair u katunun kui i tanen tega hala meraien a kannou i taren tara pöata hamatskö.
24103	MAT 25:26	Ba katuun pan i tanen e poeiena, ‘Alö a tson pepeito kap a omi na karous! Alö e poeiem alia ema kui gi kaba lia e roron luegou a hihol tara toukui tara tana katuun?
24114	MAT 25:37	“Ba u katuun u matskö te poeier romana i tar, ‘O Tsunono, i hangisa ti tareia lam ti bes uu lö ba lam e hale mi lö a kannou? Na i hangisa ti tareia lam ti maka u lö ba lam e haue mölö?
24115	MAT 25:38	Na tara saha pöata tu tareia lam alö a katununa tara tana han ba lam e lu mena milö i luma i tamulam? Na tara saha pöata tu tareia lam alö i möa tu hasobö ba lam e hale mi lö u hasobö?
24116	MAT 25:39	Na i hangisa ti tareia lam ti siki ialö tsi ti kaia lö tara karabus ba lam ena tare mölö?’