23231	MAT 1:18	E Iesu Kristo i mar posa menai teka. E Maria i hopö kap bei tego tölo menaien e Josep. Kaba nori ima soho gono noai, be Maria e pikana turu Namnamei u Göagono.
23233	MAT 1:20	E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.
23260	MAT 2:22	Kaba e Josep e hengoen te lu menai e Akelaus a makum tere tamanen e Herot, me king nena a provins i Judia. Be Josep e matout koruna. Na turu tana u sinasoho e Sunahan e hateien nonei goma la uai i Judia, ba nonei e la uana tara provins i Galili.
23272	MAT 3:11	“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.
23274	MAT 3:13	Na tara pöata teka e Iesu e la ba nema i Galili me la uana tara ramun i Jodan tegomi habaptais uen tere Jon.
23282	MAT 4:4	Kaba e Iesu e ranga palis uu i tanen me poeiena, “Turu Buku u Göagono tere Sunahan i koloto hasiin, ‘A beret peisa ema antunan hala nanei a nitöatöa tara katuun. E möa. A katuun te kukutiena a man raranga tere Sunahan nonei e luenou a nitöatöa.’”
23284	MAT 4:6	Ba nonei e poeiena tere Iesu, “Tego Pien uu lö tere Sunahan, ba lö te kurapa uam i puta. Taraha, turu Buku u Göagono i koloto hasiin, ‘E Sunahan e ranga mera nou u angelo i tanen tegi tara kap menaien lö. Na nori e pile sei nariou lö, ba u hatu tema tatei toke roi a mou mölö.’”
23285	MAT 4:7	Be Iesu e ranga menen me poeiena, “Turu Buku u Göagono i koloto hasiin, ‘Alö goma torohanei a Tsunono. Nonei e Sunahan i tamölö.’”
23288	MAT 4:10	Be Iesu e ranga menen me poeiena, “Satan, alö go laba naiou lia! Turu Buku u Göagono i koloto hasiin, ‘Alö go hatsunono uu tere Sunahan. Nonei puku a töa a Tsunono i tamölö tego kukuti lö.’”
23290	MAT 4:12	Pöata te hengo naia e Iesu u raranga ti haka menai e Jon tara karabus, ba nonei e lana i Galili.
23291	MAT 4:13	Ba nonei e laba nena i Nasaret mena kana tara taun i Kapenium i rehina a Ramun a Perperere i Galili. I Kapenium e kaia tara pala turu Sebulun na u Naptali, a huol a pala turu Jiu.
23293	MAT 4:15	Ba nonei e poeiena, “U katunura turu tsiktsiki i Sebulun na turu tsiktsikina i Naptali, te ka ria tara maroro pan te la uana i tasi na turu tsiktsiki te kana i hapalana ramun i Jodan, na turu tsiktsikina i Galili te ka has ria u katuun tema Jiu ri.
23296	MAT 4:18	Pöata te tataalaia e Iesu i kotolana tara Ramun a Perperere i Galili, ba nonei e tareiena e Saimon ti ngö hase ii e Pita na e toulanen e Endru, bate hagala ria i ramun, taraha nori u katunun hagala. Nori i holei a kannou i taren a iena.
23301	MAT 4:23	E Iesu e hula laia tara man han hoboto i Galili, me hihatutsna tara man luman lotu turu Jiu. Nonei e hihatutsin u Bulungana u Niga tara Nipepeito tere Sunahan bate kato haniga pouts has raiena u katuun ti ka mei a mamana mar siki.
23303	MAT 4:25	Bu katuun u parpara koru e kukutier e Iesu: u katunura i Galili na i Dikapolis na i Jerusalem na i Judia na turu tsiktsiki i hapalana a ramun i Jodan.
23442	MAT 8:28	Pöata te butuien i hapalana Ramun i Galili tara makumun tsiktsikina i Gadara. Ba huol a katuun i kamei a liliahanei e buturima turu kahokaho ti roron kaien, me hitupali mer e Iesu. A huol a katuun teka i hie homi koru batema ron ngileri ta katuun ega silaia tara maroro teka.
23461	MAT 9:13	Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”
23501	MAT 10:15	Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”
23538	MAT 11:10	E Jon nonei a katuun te hatei nena u Buku u Göagono, ‘Alia e Sunahan e halana gou a tson sösöata ranga te mam nanoulö, tena hamatsköenou a maroro i tamölö.’
23559	MAT 12:1	Nonei tara pöata e Iesu e tataala silaia i gusuna man kuin wit turu Lan u Göagono turu Jiu. Ba u katunun tsitsilo i tanen e besir ba nori e tanian patsikeier a man hua turu wit be noue ren.
23560	MAT 12:2	Pöata ti tareia u Parasi a ka teka ba nori e poeier tere Iesu, “Tara, u katunun tsitsilo i tamölö e katoeier a ka tema antunan kato nari turu Lan u Göagono.”
23563	MAT 12:5	Na limiou go mala rit hanigeiam a Lo tere Mosis te hatei nena u pris puku lasi te tatei kui ria iahana Luman Lotu Pan turu Lan u Göagono.
23566	MAT 12:8	Taraha, Alia tu butun Katunuma te pan bala has negu u Lan u Göagono.”
23568	MAT 12:10	Na e kamei a katuun a lima mate e ka. Ba nori e rangate ren me poeier, “A Lo i tarara e haniga has nena tegi kato haniga pouts mei a katuun turu Lan u Göagono?” Taraha, nori i sake ta maroro tegi kout meien e Iesu.
23569	MAT 12:11	Be Iesu e poeiena i taren, “Tega ka meia ta töa i tamilimiou a töa sipsip, ba sipsip te rus hongo uana iahana kiou turu Lan u Göagono, e hana, alö ma antunan lusei poutse meien iahana a kiou?
23570	MAT 12:12	Na a katuun e pan bala koru nena a sipsip. Na Lo i tarara e tatei haniga has nena tegi taguhu mei a katuun turu Lan u Göagono.”
23584	MAT 12:26	Ga tega tsugeia e Satan u katuun i tanen pouts, ga nonei e luba pouts has nanen i tanen pouts. Bora, ga nipepeito tere Satan e mar tagala uanou ime?
23590	MAT 12:32	A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”
23609	MAT 13:1	Nonei noahas turu lan be Iesu e la ba nena a luma mena gumna i rehina Ramun a Perperere i Galili, me hihatutsina.
23636	MAT 13:28	Ba nonei e poeiena, ‘A katuun a omi te kati a ka teka.’ Ba nori e rangate ren, ‘Galö e ngilem alam gona pate ban u pulung?’
23664	MAT 13:56	Na u hahinanen toum hoboto e ka gono has merariora? Gime te lue men a mar nitsunono teka?”
23700	MAT 14:34	Ba nori e aroher a ramun mena sung ria tara han i Genesaret, ba u katunura i Genesaret e mareier e Iesu. Ba nori e hangö rer u katuun hoboto ti kamei a siki tara mamana han hoboto memi piou rarien tere Iesu.
23705	MAT 15:3	Be Iesu e ranga palis ranen me poeiena, “Gaha tsiponi te hipus me na mi limiou u hihatuts tere Sunahan bate kukute miou u hihatuts turu katunura i manasa?
23731	MAT 15:29	Be Iesu e laba nena a han teka me sila uana i rehina Ramun a Perperere i Galili. Ba nonei ena seina turu pokus me gumna.
23756	MAT 16:15	Be Iesu e poeiena taren, “Ga limiou e pemiou alia esi?”
23791	MAT 17:22	Ba pöata ti gono hobotoia u katunun tsitsilo i Galili, be Iesu e poeiena i taren, “Alia tu butun Katunuma e susukun hala menari i limar u katuun tena atung hamate riou lia. Kaba turu hatopisana u lan ba lia te takei pouts gou.” Ba u katunun tsitsilo i tanen e taatagi korur.
23829	MAT 18:33	Ga lö go mala taatagi hasnela a hahuol i tamölö ti mar taatagi has mei lia alö!’
23832	MAT 19:1	Pöata te ranga hakapa naia e Iesu a manka teka, ba nonei e laba nena i Galili me la pouts uana tara han i Judia i hapalana Ramun i Jodan.
23835	MAT 19:4	Be Iesu e ranga palis ranen me poeiena, “Alimiou u rit haniga haseiam u raranga te kana turu Buku u Göagono te poeiena, ‘tara tantania e Sunahan e kato raien a tson na tahol, Nonei te laba silanena a tson e tamanen na e tsinanen batena ka gono mena a tahol i tanen ba nori a huol te katoeier u töa puku u tuenrei.’
23838	MAT 19:7	Ba u Parasi e poeier i tanen, “Ga tara ha tsiponi be Mosis te hala nena a lo te poeiena a tson e tatei kolotena u pepa tega tsuga menaien a tahol i tanen?”
23856	MAT 19:25	Ba pöata ti hengoeia u katunun tsitsilo i tanen a ka teka, ba nori i asingoto korur me poeier, “Gesi te antunan ka haniga nou?”
23858	MAT 19:27	Be Pita e poeiena tere Iesu, “Alam u laba nema a mamanaka me kukutie mumoulö. Ga lam e lue mou aha?”
23859	MAT 19:28	Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.
23906	MAT 21:11	Ba u katuun ti la gono meien e poeier, “Nonei e Iesu a propetina i Nasaret i Galili.”
23908	MAT 21:13	Ba nonei e poeiena i taren, “I koloto has naia turu Buku u Göagono, ‘A luma i tar e ngöeri romana a luman singo.’ Kaba limiou e kato here tsipon namien a kioun mous turu kopkop!”
23920	MAT 21:25	Ime te lueia e Jon a nitsunono tega baptais meraien u katuun? Tere Sunahan tsi tara katuun tuun?” Ba nori e hiarangrangata poutsur me poeier, “Te pei roara, ‘E Jon e kamei a nitsunono tere Sunahan,’ be Iesu te pei nou i tarara, ‘Ga taraha tsiponi ba limiou tema hamanemi e Jon?’
23937	MAT 21:42	Be Iesu e ranga meranen, “Alimiou i rit haseiam u raranga turu Buku u Göagono, ‘A hatu ti raman u katunun kukui luma bate hapiraka naren, nonei a hatu te niga balana tara toukuina tara luma. A ka teka a Tsunono te katoeien, ba nonei te niga koruna i matarara!’”
23969	MAT 22:28	Ga tara pöata te takei pouts ria romana u katuun tara tou mate i taren, esi nonei koru i taren te tueie nou a tahol? Taraha, nori u mun toulana tohit i töl hoboto taleien.”
23970	MAT 22:29	Be Iesu e ranga palis ranen me poeiena, “Alimiou e gamo miou. Taraha, alimiou ema atei silemi u Buku u Göagono, na nitagala tere Sunahan.
23984	MAT 22:43	Be Iesu e poeiena i taren, “Ga taraha tsiponi ba u Namnamei u Göagono te harangena e Devit ba e Devit e ngöenei e Mesaia ‘A Tsunono’?
23985	MAT 22:44	E Devit e poei, ‘A Tsunono e poei tara tsunono i tar, Gum ia tara pal matou i tar, antunana te hake goalia u katuun te pakö rioulö i pitapitana a moumölö.’
23986	MAT 22:45	“E Devit e ngöei a katuun teka, ‘A Tsunono.’ Ga ime te markato uanen ba nonei te pien uana tere Devit?”
24046	MAT 24:20	Alimiou go singo uaiam tere Sunahan ba pöatan bus teka tema tatei butu neia tara pöatan hamuri na turu Lan u Göagono.
24104	MAT 25:27	Ga lö go mala haka taleia a moni i tar tara beng, ba lia te tatei lu pouts gono megien ta taina ta moni tara pöata tego kopis pouts malia.’
24147	MAT 26:24	Alia tu butun Katunuma e mar mate uagou temar ranga uana u Buku u Göagono. Kaba a niomi pan e butuna romana tara katuun te haröto nanou lia turu katuun ti korupakö naiou lia. E niga bala nena a katuun teka egima mala posei.”
24154	MAT 26:31	Be Iesu e poeiena i taren, “Alimiou hoboto e matout mou bate laba namou lia i bong teka. Taraha, e Sunahan e mar ranga uu teka turu Buku u Göagono: ‘Alia e atung hamate gou romana a katunun taratarakap ba heis sipsip te bus kalakalar romana.’
24155	MAT 26:32	“Kaba i murina te hatakei poutse noa e Sunahan alia tara tou mate i tar, balia te mam ragou limiou i Galili.”
24159	MAT 26:36	Be Iesu e la gono mera nen tara töa makum te ngöeri i Getsemani, ba nonei e poeiena i taren, “Gum mia teka balia te la uagu ili bate na singo gia tere Sunahan.”
24177	MAT 26:54	Kaba tego markato u lia teka, ga ime temar mana uanou u raranga te kana turu Buku u Göagono? Taraha, u Buku u Göagono e poeiena nonei ega mar butu uu teka.”
24178	MAT 26:55	Be Iesu e poeiena turu katuun u parpara koru, “Alimiou e la memuma a man lahoton hiatatung na man baru tegomi pile kap here memilia a katuun a hihiatung na kopkop. Ga taraha, ba limiou tema pile kap nami lia turu mamana u lan ti ron hihatuts ialia iahana a Luman Lotu Pan.
24179	MAT 26:56	Kaba mamanaka hoboto teka e butu silena tego kato hamana menaien u raranga ti koloto naia u propet turu Buku u Göagono.” Ba u katunun tsitsilo hoboto i tanen e laba naren me busur.
24185	MAT 26:62	Ba tsunono pan turu pris e tuoluna me poeiena tere Iesu, “Alö ema ranga palis memi aha? Gaha nonei te kout meri lö u katuun teka?”
24189	MAT 26:66	Ga ha te poemi limiou?” Ba nori e ranga palisir me poeier, “Nonei egi atung hamati!”
24192	MAT 26:69	E Pita e gum ia ielesala i pal matana luma. Ba töa taholun kui e la uanama i tanen memi poeiena, “Alö has i ka gono mei e Iesu a toun Galili.”
24220	MAT 27:22	Be Pailat e rangata ranen me poeiena, “Ga saha ka te katoe gou lia tere Iesu te ngöeri e Kristo?” Ba nori hoboto e poeier, “Nila namia tara kuruse!”
24231	MAT 27:33	Ba nori e la uer tara makum te ngöeri i Golgota, te poeiena “A Makum turu Lakö.”
24239	MAT 27:41	Ba u pris pan na u tson ateira tara Lo na pal kapan e markato has uar iesana ti ranga hangisei uen bate poeier, “Nonei e taguhu hanigeir a palair u katuun, gehana ba nonei tema antunan taguhu poutsenei a peisanen? Nonei a Kingina i Israel, Ga nonei ega koul ba tala nema a kuruse bara te hamane ren!
24253	MAT 27:55	U touhaliou u parpara ti kukutie ma e Iesu i Galili na ti taguhe men i tuol ma i lehana bate taratara kap has rima.
24260	MAT 27:62	Ba turu hamahö, turu Lan u Göagono, ba u pris pan nu Parasi e lar mena gono ria tere Pailat.
24265	MAT 28:1	I murina te kapaia u Lan u Göagono, tara bongbong koru turu Sanrei, be Maria Matalina na taina Maria e lar tegina tara menaien a kioun mate.
24271	MAT 28:7	Bora alimiou go la boroboro mula batena hatei ramiou u katunun tsitsilo i tanen, ‘Nonei e takei pouts hakapaia tara tou mate, na nonei e la mam ranou limiou i Galili. Tena tare moien limiou.’ Hakats naiam a ka te ranga mera gulei lia limiou.”
24274	MAT 28:10	Be Iesu e poeiena i taren, “Ma matoutmi. La iam batena ranga meramiou a man hahatoulana i tar bate la uar i Galili, nori ena tare roa lia ili.”
24280	MAT 28:16	Ba u töa u maloto na töa tara katunun tsitsilo e la uar turu pokus i Galili te hatei raien e Iesu tegi la uaien.
24283	MAT 28:19	Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.
24292	MRK 1:8	Alia e baptais ragi limiou u ramun tuun, kaba nonei emi baptais ranoui limiou u Namnamei u Göagono.”
24293	MRK 1:9	Nonei tara pöata teka e Iesu e laba nema a taun i Nasaret tara provins i Galili, be Jon e baptais e nen tara ramun i Jodan.
24298	MRK 1:14	I murina ti hakarabus naia e Jon be Iesu e la ualala i Galili mena hihatuts nena u Bulungana u Niga tere Sunahan.
24300	MRK 1:16	A pöata te tataalaia e Iesu i kotolana tara Ramun i Galili ba nonei e tara raiena u mun toulana ere Saimon mere Endru bate hagala ria i ramun, taraha nori u katunun hagala. Nori i hole ii a kannou i taren a iena.
24305	MRK 1:21	Nori i la uu tara taun i Kapenium ba turu Lan u Göagono turu Jiu, be Iesu e tasuna tara luman lotu me hihatutsina.
24307	MRK 1:23	Ba töa tson te ka mei a liliahanei e butunama me ku hapan koruna me poeiena, “O Iesu na i Nasaret. Aha te katoeie mölö i tamulam? Alö emi katsin kato homi ramou lam? Alia e atei sile goulö, alö a Katuun a Göagono tere Sunahan!”
24312	MRK 1:28	Ba mamanaka te katoi e Iesu e tasata boroboro tuun uana tara mamana han hoboto i Galili.
24323	MRK 1:39	Ba nonei e la uana tara mamana makum hoboto i Galili me hihatutsna tara man luman lotu me tsuga ba has rena u liliahanei.
24342	MRK 2:13	Be Iesu e la pouts uana i kotolana i rehina Ramun i Galili bu katuun hoboto e la uaier i tanen ba nonei e hihatutsna i taren.
24352	MRK 2:23	Turu töa u Lan u Göagono turu Jiu e Iesu e tataala silaia i gusuna a kuin wit. U katunun tsitsilo i tanen i la gono meien ba nori e patsikeier a hua turu wit.
24353	MRK 2:24	Ba u Parasi e poeier tere Iesu, “Hengo, a Lo i tarara e ranga hapiou nena tegi kato menai u katunun tsitsilo i tamölö a ka teka turu Lan u Göagono.”
24356	MRK 2:27	Be Iesu e poeiena i taren, “E Sunahan ema kato sile ii a katuun ega kukute u Lan u Göagono. E möa. Nonei e haka bei u Lan u Göagono ega taguhir u katuun.
24357	MRK 2:28	Na lia tu butun Katunuma e pan bala negu u Lan u Göagono.”
24359	MRK 3:2	A palair u katuun i ngilin koutin e Iesu ba nori e tarakap naren tega kato haniga menaien nonei a katuun turu Lan u Göagono.
24361	MRK 3:4	Ba nonei e rangata rena u katuun, “A Lo i tarara e ranga nena aha tegi kati ra turu Lan u Göagono? Aragi kato a markato a niga tsi aragi kato a markato a omi? Aragi taguhi a katuun te katsin matena tsi aragi atung hamateien?” Kaba nori ima ranga paliseien.
24364	MRK 3:7	E Iesu na u katunun tsitsilo i tanen i la uu tara Ramun i Galili ba u katuun u parpara koru e kukute raren.
24365	MRK 3:8	Nori i lama i Galili na i Judia na i Jerusalem na i Idumia na i hapalana ramun i Jodan na tara man han tara taun i Taia na i Saidon. U katuun u para teka i la uu tere Iesu, taraha nori i hengoein a manka te katoeien.
24386	MRK 3:29	Kaba esi te ranga homi nanou u Namnamei u Göagono tere Sunahan, e Sunahan ema antunan luba koru nanoi a markato a omi i tanen. Nonei e ka nitöa menou a markato a omi teka.” Nonei temar ranga uu e Iesu,
24393	MRK 4:1	E Iesu e tanian hihatuts ia i rehina Ramun a Perperere i Galili. U katuun u parpara koru ti gono hahiseien, ba nonei e osana turu bout me gumuna. U bout e agaia i ramun ba u katuun te tuol ria i mounsingmou.
24405	MRK 4:13	Be Iesu e ranga lel meranen me poeiena, “Alimiou ema atei sile mi temar mouna uana u haharuei teka? Ga ime temar atei sil mena moi limiou a man taina man haharuei?
24434	MRK 5:1	Nori i la hakapa uama i hapalana Ramun i Galili tara han ti kaia a hun katuun ti ngörai u Gerasin.