23216	MAT 1:3	Ne Juda e hatuhaner ere Peres mere Sira. E tsinaren e Tamar. Ne Peres e hatuhanei e Hesron. Ne Hesron e hatuhanei e Ram.
23222	MAT 1:9	Ne Usaia e hatuhanei e Jotam. Ne Jotam e hatuhanei e Ahas. Ne Ahas e hatuhanei e Hesekia.
23223	MAT 1:10	Ne Hesekia e hatuhanei e Manase. Ne Manase e hatuhanei e Amon. Ne Amon e hatuhanei e Josaia.
23234	MAT 1:21	Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”
23235	MAT 1:22	A mamanaka hoboto teka e butu sil korueiena tega kato hamana menaien u raranga te ranga naia a Tsunono tara töa propet i manasa. A propet e mar ranga uu teka: “Hengoiam! A tahol a kukubei tema soho gono noa menei ta tson e pika nou. Ba nonei te pose nou a pien tson, ba nori te ngöe roi a solonen e Emanuel.” A solo e Emanuel e mar mouna uana teka, “E Sunahan e ka gono mera noura.”
23239	MAT 2:1	E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”
23241	MAT 2:3	Pöata te hengo naia e King Herot u ranga teka, ba nonei e toku koruna. Na u katuun hobotor i Jerusalem i toku koru has.
23242	MAT 2:4	Be Herot e ngö gögono hoboto rena u pris pan, na u tson hihatutsura tara Lo me rangata ranen, “Ime tegi poseia e Mesaia, a katuun te hopö kapiin e Sunahan?”
23245	MAT 2:7	Be Herot e ngö momous tuun rena u tson atei. Ba nonei e rangrangata raneien a saha pöata te butuia a pitopito teka.
23250	MAT 2:12	Nori i hakopis pouts uala i han i taren me sila lila tara tana maroro. Taraha, turu sinasoho i taren e Sunahan e ranga meraien, nori gima tatei la pouts uai tere Herot.
23251	MAT 2:13	Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”
23253	MAT 2:15	Ba nori ena ka ria i Itsip e antunaia tara pöata tega mateia e Herot. A ka teka e butu sil tego kato hamana menaien u raranga te ranga naia a Tsunono tara propet i manasa: “Alia u ngö ba namei a pien tson i tar a han i Itsip.”
23254	MAT 2:16	Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.
23257	MAT 2:19	I murina te mate hakapaia e Herot, ba töa angelo tara Tsunono e butuna turu sinasoho tere Josep i Itsip.
23260	MAT 2:22	Kaba e Josep e hengoen te lu menai e Akelaus a makum tere tamanen e Herot, me king nena a provins i Judia. Be Josep e matout koruna. Na turu tana u sinasoho e Sunahan e hateien nonei goma la uai i Judia, ba nonei e la uana tara provins i Galili.
23352	MAT 6:1	Be Iesu e ranga lenina me poeiena, “Haneiam, möa tu hatara naiam a markato a niga i tamilimiou i matar u katuun, tegi tara meraien limiou bate haniga rariou limiou. Te kato uamou limiou teka be Tamamilimiou te kana i Kolö tema hamatana ranoui limiou.
23353	MAT 6:2	“Hena, te hala namia lö a moni turu katuun te moar ta moni, alö goma katoeien i matar u katuun, te markato uar u katuun u gamogamo iahana luman lotu na i kalana. Nori e kato meri a ka teka i matar u katuun tegi solosei meraien. Na lia e hatei hamana nitöa ragou limiou, nori i lu hakapi u hamatana i taren.
23400	MAT 7:15	Be Iesu e rangana me poeiena, “Hanei sil raiam u propet u gamogamo. Nori e hererari u muki u hie, kaba nori e gamor bate kato here nari a peisaren u sipsip u alena.
23433	MAT 8:19	Ba töa tson hihatutsuna tara Lo e la uanama i tanen me poeiena, “Tson Hihatuts, alia e la gono megou lö tara mamana han te la uamou lö.”
23436	MAT 8:22	Be Iesu e poeiena i tanen, “Alö go la gono memou lia. Hakabar u mate gi kaho peisar u mate i taren.”
23459	MAT 9:11	Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”
23475	MAT 9:27	A pöata te la ba naia e Iesu a han teka, ba huol a katuun a matakiou e kukutie ren me ku hapanir me poeier, “A Hatutubunei tere Devit alö go taatagi ramou lam!”
23502	MAT 10:16	Be Iesu e poeiena, “Hengoiam! Alia e hala here ragoui limiou u sipsip te sila ria i gusura u muki u hie. Alimiou go tarakap here rami u kökötsi, ba limiou te here hase mi a kulu tema tatei kato homie nei ta ka.
23503	MAT 10:17	Haneiam, u katuun ena pile kap rariou limiou bate lu mera rilimiou turu kout, ba nori tena lahus raroua limiou turu luman lotu i taren.
23594	MAT 12:36	“Na lia e hatei ragou limiou, turu Lanin Hahuna alimiou e hala raroui a nihahuna tara man ranga pinopino a man omi tu ranga naiam limiou.
23596	MAT 12:38	Ba palair u tson hihatuts tara Lo na u Parasi e poeier tere Iesu, “Tson Hihatuts, alam e ngilin tara nem tu mirakol i tamölö.”
23611	MAT 13:3	Ba nonei e hatei raneien a parpara koru a ka turu haharuei me poeiena, “Hahengoiam. A töa katuun ena tsihasein a man ngalin kannou.
23626	MAT 13:18	Be Iesu e poeiena, “Hengo tala iam, u haharuei tara katuun te tsihasein a man ngal.
23638	MAT 13:30	Hakeiam u wit na u pulung u omi egi pan hoboto antunana tena tangoho noa u wit. Ba lia te ranga meragou u katuun tena gone riou a kannou a tangoho, pate mam meiam u pulung u omi bate kits ramen batena lapo ramen turu tula. Ba limiou te töan gone miou u wit batena haka ramen tara luman haputu kannou i tar.’”
23644	MAT 13:36	Be Iesu e la ba rena u katuun me tasuna tara luma. Ba u katunun tsitsilo i tanen e la uarima i tanen ba töa i taren e poeiena, “Hatei ramei lam aha te poeiena u haharuei turu pulung te kana tara kui.”
23667	MAT 14:1	Tara pöata teka e Herot a King e hengoen a man raranga hatei tara manka te katoe e Iesu.
23669	MAT 14:3	I mam nen e Herot e pile kapiin e Jon, be kitsenen bena hakenen tara karabus. Nonei e kato mei a ka teka a ngilina e Herodias a tahol tere Pilip, e toulanen.
23670	MAT 14:4	Taraha e Jon e ranga mei e Herot me poeiena, “E ma niga koru nei tego tölo menai lö e Herodias!”
23671	MAT 14:5	Be Herot e katsin atung hamatie nen, kaba nonei e matoutir u Jiu. Taraha, nori i pei e Jon a töa propet.
23672	MAT 14:6	Na turu lan ti hatöatongeia u lan ti poseia e Herot ba nori e katoeier a kannou pan na u hirata, ba pien tahol a kukubei tere Herodias e sanina i matar u katuun hoboto ti kaia tara kannou. Be Herot e haniga korueiena te sani uen, me ranga hamana koru menen turu ranga te mana uana iasa me poeiena, “Ta saha ta ka te ngile moa lö i tar, alia e hale goien lö!”
23674	MAT 14:8	Be Herodias e ranga meiena a pien tahol i tanen, “Alö ena mar ranga uamou teka tere Herot, ‘Hakema a bakuna e Jon a Tsonun Baptais tara pelete ba lö temi hala mien lia.’” Ba pien tahol ena mar ranga has uana teka.
23675	MAT 14:9	E Herot e tori tiama koru, kaba nonei e kato hakapa talei u ranga u mana i matar u katuun ti nou gono meien, ba nonei e hatangana tala nena u raranga tara tahol.
23681	MAT 14:15	Ba tara pöata te lahi hamanasama ka ba u katunun tsitsilo i tanen e la uarima i tanen memi poeier, “A ka e lahibong hakapa tala, na e möa ta han tara makum teka. Hala mera lei u katuun tara matsi han te sukusukur batena hol peiseier ta kannou i taren.”
23706	MAT 15:4	E Sunahan e ranga me poeiena, ‘Hapaneiam u tamamilimiou na u tsinamilimiou. A katuun te ranga homi nena e tamanen tsi e tsinanen egi atung hamate korui.’
23708	MAT 15:6	Ba u raranga te poeiena, ‘Hapaneiam e tamamilimiou’ ema la uanei tara katuun teka. Temar ranga uami limiou. E markato uana teka, alimiou e roron hala putemiou u raranga tere Sunahan te kukute mena milimiou u hihatuts turu tubumilimiou.
23712	MAT 15:10	Be Iesu e ngö mera nei u katuun i tanen me poeiena, “Hengoiam, ba limiou te ateimiou!
23724	MAT 15:22	Ba töa taholuna tara provins i Kenan te kaia tara han teka e la uana i tanen bena ranga hataatagina i tanen me poeiena, “O Tsunono, a Hatutubunei tere Devit! Alö go taatagi namou lia! U liliahanei u omi e karia tara pien tahol i tar!”
23725	MAT 15:23	E Iesu ema ranga töa nai tatsi töa tatsi ranga i tanen. Ba u katunun tsitsilo e la uarima tere Iesu me ranga hatagala meren, “Hala ban! Taraha, nonei e kukute mera neira u tabe.”
23845	MAT 19:14	Be Iesu e poeiena, “Haka baraiam a galapien gi la uama i tar, ma hapiou rami, taraha a Nipepeito tere Sunahan e ka uana turu mar katuun teka.”
23847	MAT 19:16	Ba töa katuun e la uanama tere Iesu me poeiena, “Tson Hihatuts, a saha ka a niga tego kati lia balia te luegou a nitöatöa te ka nitöana?”
23891	MAT 20:30	Ba huol a katuun a matakiou te gum talaria i rehina kalana me hengoer te la karasa uu e Iesu ba nori e kur me poeier, “O Tsunono a Hatutubunei tere Devit! Alö go taatagi ramou lam!”
23892	MAT 20:31	Ba u katuun e ranga merarien egi kakamoto. Kaba nori i ku hapan noalasi, “O Tsunono a Hatutubunei tere Devit! Alö go taatagi ramou lam!”
23900	MAT 21:5	“Hatei raiam u katunur i Saion, ‘Taraiam a King i tamilimiou e la hamanasa uanama i tamilimiou. Nonei e kato here nanei a peisanen a katuun papala koru bate osana tara tunan rongki a hitots.’”
23904	MAT 21:9	U katuun u parpara koru ti mamin e Iesu na u katuun has ti murimurima i tanen i ku bate poeier, “Hosana! Soloseiam a Hatutubunei tere Devit! E Sunahan ega kalali esi te la nama tara solona a Tsunono. Hosana! Solosei korueiam a solona e Sunahan iasa koru!”
23910	MAT 21:15	Ba u pris pan na u tson hihatutsur tara Lo e raharaha mer ti tara menaien u mamana u mirakol te katoeien, na ti ku uu a galapien iahana a Luman Lotu Pan bate poeier, “Hosana! Soloseiam u Hatutubunei tere Devit!”
23928	MAT 21:33	Be Iesu e hihatuts lenina me poeiena, “Hengoiam turu tana u haharuei. A töa katuun te tuei a makumun tsiktsiki i tanen e lebei a kuin grep me kui hahise neien a ololo, me kahoena a kiou ti ron kato bulbuleia u grep. Ba nonei e kui leleiena a luman pepeito kap a pia nitöa tara kuin grep. Ba nonei e hataratara kap tuun ranei u palair u katuun a kuin grep teka me hakuin moni nanen, ba hapalana moni e la uana tara katuun terena kui. Ba nonei e la uana tara töa han i lehana.
23957	MAT 22:16	Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.
23960	MAT 22:19	Haröte mumei lia a moni te holeri a takis.” Ba nori e lube rimeien a töa a denarius moni.
23964	MAT 22:23	Nonei noahas turu lan ba u Sadiusi e la uarima tere Iesu. A pal katuun teka nori i pei e möa ta tou takei pouts tara tou mate. Ba nori i poeier tere Iesu, “Tson Hihatuts, i manasa e Mosis te poei, ‘Tega mateia ta tson bate möana ta pien, e toulanen e tatei tölena a amoaba, ba nori te hatuhaner romana ta pien tena luenou a solo tara tson te mate.’
23977	MAT 22:36	Ba nonei e poeiena, “Tson Hihatuts, u saha u raranga te pan balana tara man raranga hoboto tere Sunahan?”
23992	MAT 23:5	“A mamanaka te roron katoe ren e kato silerien tegi tara meraien u katuun. Hena, nori e roron hakits naria a matsi bokis i poleren na i limaren te kamena u raranga tere Sunahan iahanen. Na nori e kato hanigan töa ner a man runguna a man hasobö a man ngahangaha i taren bate tataabala koruna.
23995	MAT 23:8	“Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.
23997	MAT 23:10	Na u katuun ema tatei ngö has rari limiou u Hihatutus, taraha alimiou e ka memiou a töa puku a Hihatutus, e Mesaia.
24029	MAT 24:3	Pöata te gum ia e Iesu turu Pokus tara Ruein Olip ba u katunun tsitsilo i tanen emi ka momous pepeisa gono meren me rangate ren, “Hatei ramei lam i hangisa te butuna romana a ka teka, na u hiharöto te hatara nanou a pöata tego la pouts uama lö, na te kapana romana a han.”
24030	MAT 24:4	Be Iesu e ranga palis ranen, “Haneiam, möa tu hengoeiam ta katuun tegomi gamo raiou limiou.
24051	MAT 24:25	Hengoiam! Alia e hatei mammam ragilimiou a ka teka i mamina a pöata tena butu nen romana.
24141	MAT 26:18	Ba nonei e poeiena, “Alimiou go la uaiam tara töa tson e kana tara taun teka ba limiou tena hateie men, ‘A Tson Hihatuts e poe nama, A pöata i tar e sukusukuna. Alam na u katunun tsitsilo i tar ena noue moa a kannouna turu Paska i luma i tamölö.’”
24168	MAT 26:45	Ba nonei e la pouts uana turu katunun tsitsilo i tanen me poeiena i taren, “Alimiou e soho noahas miou na e husa noahas miou? Hengoiam! A pöata e butu hakapa. Alia tu butun Katunuma e hala tala naria tara nitagala turu katuun u omi.
24172	MAT 26:49	Ema pina töa ii be Judas te tukuna me la uana tere Iesu me poeiena, “A tsi bong, o Tson Hihatuts.” Be Judas e mutsi nanen i abuabunen.
24173	MAT 26:50	Be Iesu e poeiena i tanen, “Hahikapien, alö go kato a ka temi katoe mula lö.” Ba nori emi pile kakap naren.
24175	MAT 26:52	Ba e Iesu e poeiena i tanen, “Haka poutsi u lahoton hiatatung i tamölö tara makum i tanen. Taraha, a katuun te luena u lahoton hiatatung e atung hamate roi u lahoton hiatatung.
24247	MAT 27:49	Ba palai e poeier, “Haka banaiam, bara te tarera tega la uama e Elaitsa batemi taguhe nen!”
24271	MAT 28:7	Bora alimiou go la boroboro mula batena hatei ramiou u katunun tsitsilo i tanen, ‘Nonei e takei pouts hakapaia tara tou mate, na nonei e la mam ranou limiou i Galili. Tena tare moien limiou.’ Hakats naiam a ka te ranga mera gulei lia limiou.”
24285	MRK 1:1	Nonei teka u Bulungana u Niga tere Iesu Kristo a Pien Tson tere Sunahan: E Aisaia a propet e kolotonaien me poeiena, “Hengoiam, e Sunahan e mar ranga uu teka: ‘Alia e hala mam negou a katunun sösöata ranga i tar te mam nanou lö, ba nonei tena hamatsköe nou a maroro i tamölö.
24288	MRK 1:4	E Jon a tsonun baptais e lama tara makum a palaka memi habulungana nena u rarangana tegi baptais merai u katuun me poeiena, “Habirits ba naiam a man markato a man omi i tamilimiou bate habaptais miou, be Sunahan te luba nanou a man markato a man omi i tamilimiou bate tara pouts ranou limiou.”
24353	MRK 2:24	Ba u Parasi e poeier tere Iesu, “Hengo, a Lo i tarara e ranga hapiou nena tegi kato menai u katunun tsitsilo i tamölö a ka teka turu Lan u Göagono.”
24362	MRK 3:5	Be Iesu e hula tara uana i taren ba nonei e raharaha koruna, taraha a torir u katuun teka e roto koru batema hahan ranga palis ri. Ba nonei e poeiena tara katuun a lima mate, “Hasoa nema a limamölö.” Ba nonei e hasoa nena a limanen ba limanen e niga poutsuna.
24363	MRK 3:6	Ba u Parasi e lakasa ba ner a luman lotu mena hagum boroboro gono meraier a pal katuun tere Herot a King. Ba nori e korupaköner tegi atung hamate menaien e Iesu.
24394	MRK 4:2	Nonei e hatuts raien a ka a parpara turu rangan haharuei. Na u töa u haharuei e markato uu teka: “Hengoiam. A katuun ena tsihasein a man ngalin leba.
24430	MRK 4:38	E Iesu e kaia i pal murimuri turu bout te sohoien bate ha oulanena a bakunen turu pilo. Ba u katunun tsitsilo e gulie ren me poeier, “O Tson Hihatuts, alö ma taatagi rami lam? Ara e katsin taia talara.”
24468	MRK 5:35	Pöata te ranga noaia e Iesu, ba u katunun sösöata ranga e la rima i luma tere Jairas memi hateie ren, “A pien tahol i tamölö e mate hakapa lala. Alö goma hakui lele ii a Tson Hihatuts.”
24476	MRK 5:43	Be Iesu e ranga hatagala mera nen egima hatei korue ii ta töa ta katuun. Ba nonei e poeiena, “Halemi ta ka ga noueien.”
24490	MRK 6:14	E King Herot e hengoein a manka teka, taraha u han hoboto i habulunganein e Iesu. A palair u katuun i pei, “A katuun teka nonei e Jon te baptaisir u katuun, nonei e töatöa poutsuma, te ka sila menen a nitagala te kato meneien a man markato teka.”
24492	MRK 6:16	A pöata te hengoneia e Herot a manka te katoe e Iesu ba nonei e poeiena, “Nonei e Jon ti ngats pagoti lia e töatöa pouts lelima.”
24493	MRK 6:17	A ka teka e butu silaia te tölo menai e Herot e Herodias a tahol tere toulanen e Pilip. Be Jon a tsonun baptais e ranga mena e Herot, “Ema matskö nei te tölo mena milö a hahagono i tamölö.” E Herot ema hanigei e Jon ba nonei e hangö nena e Jon ba u katuun i tanen ena pile kap naren mena hake rien tara karabus.
24495	MRK 6:19	E Herodias e ngil hasi e Jon egi ngats hamati, kaba ema antuna ii taraha,
24496	MRK 6:20	e Herot e matouti e Jon, na e atei sil e Jon a katuun a niga koru. Pöata te hengoeia e Herot a man raranga tere Jon ba nonei e toku koruna, kaba nonei e ngilin hengo noa laseien.
24497	MRK 6:21	A pöata e butu hakapa turu lan te hakats naia e Herot u lan ti posa meien. E Herot e katoe a pannen a kannou me hangö rena u katuun pan tara gamman i tanen na u kapten pan turu soldia i tanen na pal kapanira i Galili.
24498	MRK 6:22	Pöata te tasuma a pien tahol tere Herodias memi sanina, be Herot nu katuun ti ka gono meien tara kannou e sasaala korur. Be Herot e poeiena tara pien tahol teka, “Rangate mei lia ta ka ba lia te hale goien lö.”
24501	MRK 6:25	Ba pien tahol teka e hasesei pouts uana tere Herot mena poeiena i tanen, “Alia e ngilegu alö ego hakema a bakuna e Jon a Tsonun Baptais tara pelete batemi hale mien lia.”
24502	MRK 6:26	E Herot e taatagi koru, kaba ema antunan palis pouts nai u ranga te katoeien tara pien tahol, taraha nonei e ranga hamana hakapaia i matar u katuun ti nou gono meien.
24512	MRK 6:36	Hala bar u katuun ba nori te la uaier turu han te sukusukuna ba tena holer ta tsi kannou i taren.”
24542	MRK 7:10	E Mosis e poei, ‘Hapaneiam e tamamilimiou ne tsinamilimiou,’ me pei hasena, ‘A katuun te ranga homi nena e tamanen tsi e tsinanen egi atung hamate korui.’
24546	MRK 7:14	Be Iesu e ngö lel rena u katuun me poeiena, “Hahengo haniga mia i tar bate atei sile miou a ka teka.
24559	MRK 7:27	Be Iesu e ranga palisina me haharuei nena u Jiu na u katuun tema Jiu ri me poeiena, “Hanou mam raiam a galapien. E ma niga nei tego lu menai lam a kannou tara galapien bate lapo rami u muki.”