23214	MAT 1:1	Nonei teka u tubur e Iesu Kristo. E Iesu e tubunen e Devit, na e Devit a hatutubunei tere Abraham.
23229	MAT 1:16	Be Jekop e hatuhanena e Josep a tson tere Maria. E Maria te posei e Iesu, te ngö haseri e Kristo e Mesaia.
23231	MAT 1:18	E Iesu Kristo i mar posa menai teka. E Maria i hopö kap bei tego tölo menaien e Josep. Kaba nori ima soho gono noai, be Maria e pikana turu Namnamei u Göagono.
23234	MAT 1:21	Nonei e pose nou a pien tson, balö te ngöe moien e Iesu, e mar mouna uana teka, A Katuun a Hihitaguhu. Nonei e taguhu ranou u katuun i tanen bate luba nanou a man markato a man omi i taren.”
23238	MAT 1:25	Kaba nonei ema soho gono noa meien, e antunaia tara pöata tena poseia a tahol i tanen a pien tson. Ba e Josep e ngöe neien e Iesu.
23241	MAT 2:3	Pöata te hengo naia e King Herot u ranga teka, ba nonei e toku koruna. Na u katuun hobotor i Jerusalem i toku koru has.
23251	MAT 2:13	Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”
23260	MAT 2:22	Kaba e Josep e hengoen te lu menai e Akelaus a makum tere tamanen e Herot, me king nena a provins i Judia. Be Josep e matout koruna. Na turu tana u sinasoho e Sunahan e hateien nonei goma la uai i Judia, ba nonei e la uana tara provins i Galili.
23264	MAT 3:3	E Jon nonei a katuun te rangein e Aisaia a propet i manasa. Ba nonei e poeiena, “A töa katuun ena ku hapan noa romana tara makum a palaka bate poeiena, ‘Kato hamatsköeiam a maroro, a Tsunono e ngilin sila nama romana tara maroro a matskö.’”
23272	MAT 3:11	“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.
23275	MAT 3:14	Kaba e Jon e torohanan katoeien ego palis u hakats i tanen me poeiena, “Alia ego habaptaisia i tamölö, kaba lö e la noa has uamuma i tar? Alö e pan bala koru namou lia.”
23278	MAT 3:17	Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”
23282	MAT 4:4	Kaba e Iesu e ranga palis uu i tanen me poeiena, “Turu Buku u Göagono tere Sunahan i koloto hasiin, ‘A beret peisa ema antunan hala nanei a nitöatöa tara katuun. E möa. A katuun te kukutiena a man raranga tere Sunahan nonei e luenou a nitöatöa.’”
23291	MAT 4:13	Ba nonei e laba nena i Nasaret mena kana tara taun i Kapenium i rehina a Ramun a Perperere i Galili. I Kapenium e kaia tara pala turu Sebulun na u Naptali, a huol a pala turu Jiu.
23315	MAT 5:12	Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”
23316	MAT 5:13	E Iesu e ranga lel me poeiena, “Alimiou e here rami u soluna i puta. Kaba te tia banena u sol a nimal i tanen, e möa len ta maroro tegi markato menaien bate mal poutsina. E gi ba lasiin ba u katuun te tötö ria i oulunen.
23319	MAT 5:16	Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”
23322	MAT 5:19	Ba katuun te hipus nena a tsi tabubun makumun raranga tara man Lo bate las rena a palai egi markato has uu te markato uanen, nonei e katuun papala koru noa tara Nipepeito tere Sunahan. Kaba a katuun te hengoena a man raranga tere Sunahan, bate hatuts rena a palai egi markato has uu te markato uanen, nonei ena katuun pan noa tara Nipepeito tere Sunahan.
23325	MAT 5:22	Kaba alia e hatei ragou limiou, te raharahe mia lö e toulamölö, alö e la mou turu kout. Na te ranga hohomi koru namia lö e toulamölö, alö e la uamou turu kout pan. Na katuun te ngöe nei e toulanen a momolö ena mots lauana turu tulana i hel.
23326	MAT 5:23	Kaba te katsin hatsunono mialö tere Sunahan balö te hakats sabe nem e toulamölö e raharahe noulö, kopis pouts uu i tanen balö tena ranga haniga pouts bumia tere toulamölö. Ba lö tena töan hatsunono uamou tere Sunahan.
23331	MAT 5:28	Kaba alia e hatei ragou limiou, a tson te tara uana tara tahol bate ka mena u hakats u omi i torinen, nonei e kato hakape lala a markato a omi.
23335	MAT 5:32	Kaba alia e hatei ragou limiou, a tson te laba nena a tahol i tanen kaba tahol ema lue ii ta taina ta tson, a ka teka e kato here nanei a tahol teka a tahol a omi. Na tson te tölena a tahol a hitöl te laban a tson i tanen, a tson teka e here hase nei a tson te tsikolona.”
23337	MAT 5:34	Kaba lia e hatei ragou limiou, alimiou goma hamana uami i Kolö, taraha u Kolö a makum tara nitsunono tere Sunahan.
23338	MAT 5:35	Na limiou goma hamana uami tara han i puta, taraha u puta e here nei u tötö te haholena e Sunahan a mounen. Na limiou goma hamana has uami i Jerusalem, taraha nonei a taun tara King a kapan.
23342	MAT 5:39	Kaba alia e hatei ragou limiou, alimiou goma palisemi a katuun te kato homina i tamilimiou. E möa. Te tapalena a katuun a abuabu mölö tara pal matou, habirits balö te hatapala nem a hapala.
23347	MAT 5:44	Kaba alia e hatei ragou limiou, alimiou go ngil raiam u katuun te pakö rariou limiou, ba limiou te singo sile miou u katuun te kato hakamits rariou limiou.
23348	MAT 5:45	Te kato uamou limiou teka, ba limiou te haröto namou alimiou a galapien tere Tamamilimiou te kana i Kolö. Taraha, nonei e roron hapirena a pitala i tanen tara katuun a niga na tara katuun a omi has, na nonei e roron hapolena a langits tara katuun te kato hamatsköna na tara katuun tema kato hamatskö has nei.
23350	MAT 5:47	Na te kato haniga peisa mia limiou tara man hahikapien i tamilimiou, ga limiou e mar halhal uamiou ime tara palai? Te markato has uer u katuun u omi koru tema hamana uari tere Kristo.
23351	MAT 5:48	A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”
23352	MAT 6:1	Be Iesu e ranga lenina me poeiena, “Haneiam, möa tu hatara naiam a markato a niga i tamilimiou i matar u katuun, tegi tara meraien limiou bate haniga rariou limiou. Te kato uamou limiou teka be Tamamilimiou te kana i Kolö tema hamatana ranoui limiou.
23354	MAT 6:3	Kaba pöata te hala namia lö a moni tara katuun te moana ta moni, möa tu hatein a ka te katoena a pal matou i tamölö turu hapalana u ualima.
23357	MAT 6:6	Kaba pöata te singo mia lö, alö go tasuia tara rum i tamölö bate hapiliem a tamana balö te singo mia tere Tamamölö tema tareri. Be Tamamölö te tarena a mamanaka te kato hamouse mölö, bate hale noilö u hamatana.
23360	MAT 6:9	“Alimiou go mar singo uaiam teka: ‘O Tamamulam alö e kamia i Kolö, alam e hagöagonem a solomölö.
23361	MAT 6:10	Alö gomi tsunone rilam. Alam go maniata uu i tamölö i puta te maniata has uar i tamölö i Kolö.
23365	MAT 6:14	“Te tori polasa ba namia lö a markato a omi ti katoeia a palair u katuun i tamölö, be Tamamölö i Kolö te luba has nanou a markato a omi tu kati lö.
23366	MAT 6:15	Kaba tema tori polasei mia lö a markato a omi ti katoeia a palair u katuun i tamölö, e Tamamölö ema luba has nanoi a markato a omi tu katoi lö.”
23368	MAT 6:17	Kaba pöata te agono mialö, sousoupi a mata mölö bate hakeiem u uapi i baku mölö.
23369	MAT 6:18	Ba u katuun tema antunan tara marei ri te agono uamölö. Kaba e Tamamölö puku tema tareri te atei silena te agono uamölö. Nonei has te tarenou a ka te kato hamouse mölö bate hale noilö u hamatana.”
23371	MAT 6:20	Kaba limiou go kui hatagala sileiam a mankana i Kolö tema antunan omiri. Be Sunahan te hala ranoui limiou u hamatana pan i Kolö. A numa ema antunan kato homi nanei a manka teka, na u kopkop has ema antunan helari bate kopur.
23372	MAT 6:21	Na, te pei mia limiou a ka a niga hamana e kana i puta, u ngil i tamilimiou e ka has uana i puta. Na te pei mia limiou a ka a niga hamana e kana i Kolö, u ngil i tamilimiou e ka has uana i Kolö.”
23374	MAT 6:23	Kaba te omina a mata mölö, a tuenrei mölö hoboto e saputu menou u kuhil. Na te kuhilna u alesala te kana i tamölö, e kuhil hapan koru len talanou.”
23377	MAT 6:26	Alimiou go taraiam turu apenar iasa. Nori ema leberi ta kannou na nori ema hagala haseri ta kannou batemi hakeria tara luman haputu. E möa. Kaba e Tamamilimiou i Kolö e hanou noa las ranen. Na limiou e niga bala ramiou u apena.
23380	MAT 6:29	Na lia e hatei has ragou limiou, e King Solomon e kamei u hasobö u tara haniga nitöa, kaba a tsi töa puku tara man palaua teka e tara haniga bala nena u hasobö tere King Solomon.
23383	MAT 6:32	A mamanaka teka te kato siler u tematan egi lueien. E Tamamilimiou i Kolö e atei silena te ngil mena milimiou a manka teka.
23384	MAT 6:33	Kaba limiou go hakats mam naiam a Nipepeito tere Sunahan na manka te matsköna i matanen. Ba mamanaka hoboto teka, te hala hanigan töa raroui limiou.
23396	MAT 7:11	Alimiou e ka memiou a markato a omi, kaba limiou e hala noa has namiou a manka man niga tara galapien i tamilimiou. Na e Tamamilimiou i Kolö e hala has ranoui limiou a manka a man niga te singo uamia limiou i tanen.
23399	MAT 7:14	Kaba limiou go tasu sila mia tara tamana a teki, taraha a tamana a tekteki te la uana tara nitöatöa, na ema katuun a para nei tena tasu roa i tanen.”
23406	MAT 7:21	Be Iesu e rangana me poeiena, “Ema katuun hoboto nei te ranga ria i tar bate poeier ‘O Tsunono, O Tsunono,’ tena tasu roa tara Nipepeito tere Sunahan. Kaba u katuun puku lasi te kukuteier u ngilngil tere Tamar te kana i Kolö tena tasu riou.
23411	MAT 7:26	Kaba u katuun te hengoer u raranga i tar batema kukute rien, nori e hereri a katuun a tutu te hatakeia a luma i tanen turu kotolana.
23418	MAT 8:4	Be Iesu e poeiena i tanen, “Alö ema antunan hatei korue moi ta töa ta katuun. Kaba lö go la uala tara pris balö tena hatare mien te niga uana a peisamölö. Ba lö te hale moien a kaan haats te ranga uu e Mosis i manasa. Ba u katuun te tatei atei sile riou a toba i tamölö e kapa nitöa.”
23419	MAT 8:5	Pöata te tataalaia e Iesu iahana taun i Kapenium, ba töa tsunono turu soldia e la uanama i tanen memi ranga hataatagina i tanen me poeiena, “O Tsunono, a katunun kui i tar e opö mena u tuenrei u matekata, na e sagoho koru hasena a kamits pan i peisanen.”
23422	MAT 8:8	Kaba a tsunono turu soldia e ranga paliseien me poeiena, “O Tsunono, alia ema katuun a nigagi balö te laua muma i luma i tar. Alö go ranga tuun ba katunun kui i tar te niga pouts nou.
23426	MAT 8:12	Kaba limiou u Jiu, u katuun tego kamia nonei tara Nipepeito teka, e Sunahan e tsuga mera noi limiou ielesala turu kuhil. Tena tabe hohomi moua limiou bate kutu hakarkarangake mou a liho milimiou.”
23434	MAT 8:20	Be Iesu poeiena i tanen, “U muki u hie e kamer a man kiou i taren, na u apenar iasa e kamer a man suhana i taren. Kaba lia tu butun Katunuma, ema kamegi ta makumun soho i tar.”
23438	MAT 8:24	Ba lomolomo pan e songots butuna, ba u ramun e posa hongo beiena a tolaala. Kaba e Iesu e soho.
23452	MAT 9:4	Kaba e Iesu e atei sil hakapi u hakhakats i taren me poeiena, “Taraha tsiponi ba limiou te ka memiou u hakats homi i torimilimiou?
23454	MAT 9:6	Alia e haröto ragi limiou u mirakol teka, alia tu butun Katunuma e ka has megu a nitagala i puta teka tego luba menai lia a man markato a man omi.” Be Iesu e poeiena tara katuun a matekata, “Alö go takei bate söatem a pöapöa i tamölö ba lö te lam i han.”
23460	MAT 9:12	Kaba e Iesu e hengoe a ka teka me poeiena i taren, “U katuun te moar ta siki ema tatei la uari tere dokta. E möa. U katuun lasi te ka mer a siki te tatei la uar tere dokta.
23463	MAT 9:15	Ba e Iesu e ranga palis ranen me poeiena, “U katuun te karia tara hahitöl, e tatei taatagi hasir tara pöata te kagono merien a tson te hitöluna? Kaba e kamena a man lan e la nama romana ba tson te hitöluna te luba rarien. Ba nori te töan agonor romana.”
23465	MAT 9:17	Na tegi osuleia uain u tsimus tara pikpiköna meme a toutounei. Ba pikpiköna meme te takalana ba uain te tatsuna ba pikpiköna meme te omi hasina. Kaba te osule mialö a uain a tsimus tara kaan osul a tsimus, ba huol te ka haniga habotor.”
23466	MAT 9:18	Pöata te ranga noa naien a manka teka, ba töa tson pepeito turu Jiu e tasu nama me hatukunna i matanen me poeiena, “A pien tahol i tar e mate lala eni tuun. Kaba lö gona hatakopeia a limamölö i tanen ba nonei te töatöa poutsuna.”
23473	MAT 9:25	Kaba pöata ti halakasa merai u katuun ielesala, be Iesu e tasuna me luena a limana pien tahol, ba pien tahol e takeina be niga poutsuna.
23479	MAT 9:31	Kaba nori i lala mena habulungana laner e Iesu tara mamana a man han hoboto.
23482	MAT 9:34	Kaba u Parasi i ranga me poeier, “A tsunono turu liliahanei te haleien a nitagala tego tsuga ba meraien u liliahanei u omi!”
23499	MAT 10:13	Na te lu raroua limiou u katuun teka, a masalohana i tamilimiou e tatei kana i taren. Kaba tema antunan lu rarouien limiou, a masalohana e tatei la pouts uana i tamilimiou.
23506	MAT 10:20	Ema limiou peisanei te ranga mou. Kaba u Namnamei tere Tamamilimiou e Sunahan te haranga ranou limiou.
23508	MAT 10:22	U katuun u parpara koru e omi rariou limiou te hamana uami limiou i tar. Kaba a katuun te hamana nitöa uana i tar, e Sunahan e lu pouts mena noien i tanen.
23509	MAT 10:23	Na te kato homi raroa limiou tara töa taun, ba limiou te bus uamiou tara taina taun. Alia e hatei hamana nitöa ragou limiou, alimiou ema hakapa noa hase moi a toukui i tamilimiou tara mamana taun hoboto i Israel, ba lia tu butun Katunuma te la pouts guma romana.
23514	MAT 10:28	Na limiou goma matout rami u katuun te atung hamateier u tuenrei, nori ema atung hamatieri u namnamei. Kaba limiou go matouteiam e Sunahan, nonei te antunan kato homi nitoeiena u tuenrei na u namnamei i hel.
23515	MAT 10:29	Alimiou e antunan holemi a huol a apena a 10 toea puku. Kaba e möa koru ta töa tega antunan rus uu i puta tegoma haniga uai e Tamamilimiou.
23518	MAT 10:32	Be Iesu e poeiena, “Esi te hatei ranei u katuun nonei e pala uana i tar, ba lia te hatei hase gou e Tamar i Kolö nonei a katuun i tar.
23519	MAT 10:33	Kaba esi te holis nena te pala uanen i tar i matar u katuun, ba lia te holis has nagoen romana tere Tamar i Kolö.”
23525	MAT 10:39	Esi te poeiena e ka peisa mena a nitöatöa i tanen e hatia pouts hase nouen. Kaba esi te hakats nanoulia ba nitöatöa i tanen te taiana, nonei ena sabie nou a nitöatöa hamana i tanen.”
23536	MAT 11:8	Tsi alimiou u la sile mula tegona tara menami u katuun te ka meier u hasobö u niga koru? Kaba a mar katuun teka e kana tara mar luma a nigan töa tere king.
23539	MAT 11:11	“Na lia e hatei hamana ragou limiou, e Jon a Tsonun Baptais nonei te pan balana turu katuun hoboto ti poseir te ka ria turu tsiktsiki. Kaba a katuun papala koru tara Nipepeito tere Sunahan nonei te pan bala has nena e Jon.
23547	MAT 11:19	Na lia tu butun Katunuma e nougu na e uagu. Kaba nori e poeier alia a katuun a nounou pala, na uaua pala. Na e kapiena has raiegu u katuun te lulueier a takis na u katuun u omi. Kaba a man markato turu katuun tere Sunahan e haröto nena te mana uana a niatei i tanen.”
23549	MAT 11:21	Ba nonei e poeiena, “A nomi pan koru e butu noua i tamilimiou u katunura tara taun i Korasin na i Betsaida! Sanena e Sunahan te katoeia a man mar mirakol teka tara taun i Taia na i Saidon, nori sanena i solon harötein tegi tori polasa ba menaien a man markato a man omi i taren, bate hasoger u hasobön mou bate göagöaeier u köahu.
23550	MAT 11:22	Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Korasin na i Betsaida e pan bala nanou a nihahuna turu katunura i Taia na i Saidon.
23551	MAT 11:23	Na limiou u katunura i Kapenium e tatei soloseiemiou a peisa milimiou i kolö, kaba e Sunahan e lapo ba has ranoua limiou i hel! Sanena e Sunahan te katoe u mar mirakol teka tara taun i Sodom, a taun i Sodom sanena e ka noa hasina i romana.
23552	MAT 11:24	Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Kapenium e pan bala nanou u nihahuna turu katunura i Sodom.”
23553	MAT 11:25	Nonei tara pöata teka be Iesu e poeiena, “O Tamar, alö e Tsunono pan mia i Kolö na i puta. Alia e haniga uagu i tamölö te hamous mena milö a manka teka turu katuun te poeier e ka mer a niatei, bate haröto namen turu katuun papala tema atei balari.
23566	MAT 12:8	Taraha, Alia tu butun Katunuma te pan bala has negu u Lan u Göagono.”
23577	MAT 12:19	Kaba nonei ema ku hapan noi na ema ngala hapan has noi. Na e möa nou ta katuun tego hengo u raranga i tanen tara man maroro.
23578	MAT 12:20	Nonei ema antunan pekoe nei u nga te magmagolona, na ema antunan kato hoseinei u lam tema kulupu haniga nei. Kaba nonei e kui tuun las nou, e antunana te kato hatagala hanigan töa nanouen a markato a matskö.
23589	MAT 12:31	Na lia e hatei ragou limiou, e Sunahan e tatei luba nanou a mamana markato a man omi. Kaba esi te ranga homi nena u Namnamei tere Sunahan, e Sunahan ema tatei luba nanoi a markato a omi teka i tanen.
23590	MAT 12:32	A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”
23597	MAT 12:39	Be Iesu e ranga palis ranen me poeiena, “Alimiou u katuun u omi tara pöata i romana te rangata silemiou tu mirakol. Kaba alia ema tatei haröto ragi limiou tu mirakol. A hatöatongo lasi tere Jona a propet i manasa te haröto ragi lia limiou.
23598	MAT 12:40	E Jona e kaia i torina a iena pan u topisa u lan na topisa a bong, na Alia tu butun Katunuma e ka hasegou u topisa u lan na u topisa a bong iahana u tsiktsiki.
23600	MAT 12:42	Na turu lanin hahuna, a tetahol panina i Siba e tuol noa turu kout bate hatei nena a markato a omi turu katunura i romana. Taraha, nonei e lama i lehana koru tegomi hengo menaien u hihatuts u niga tere King Solomon. Na lia e hatei ragou limiou, a katuun te pan bala nena e Solomon e kana teka.”
23608	MAT 12:50	Eresi te kukutieier u ngilngil tere Tamar i Kolö nori u toular na u hahinar nu tsinar.”
23619	MAT 13:11	Be Iesu e ranga palis ranen, “Alimiou e atei silemiou u ranga momous tara nipepeito kapanina i Kolö. Kaba nori ema ateiri.