23216	MAT 1:3	Ne Juda e hatuhaner ere Peres mere Sira. E tsinaren e Tamar. Ne Peres e hatuhanei e Hesron. Ne Hesron e hatuhanei e Ram.
23241	MAT 2:3	Pöata te hengo naia e King Herot u ranga teka, ba nonei e toku koruna. Na u katuun hobotor i Jerusalem i toku koru has.
23246	MAT 2:8	Ba nonei e tula mera neien i Betlehem tegina sake menaien nonei a pien teka. “Pöata te sabie mumen romana limiou, ba limiou temi hatei poutse moulia. Ba lia tena hatsunono hase gouen.”
23251	MAT 2:13	Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”
23254	MAT 2:16	Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.
23268	MAT 3:7	Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!
23277	MAT 3:16	Pöata lahas te baptais hakapeien e Iesu me takei sei nama i ramun, ba u kolö e takalatana, ba nonei e tarena u Namnamei tere Sunahan e koul heremei a apena te ngöeri a kulu, memi töna tere Iesu.
23278	MAT 3:17	Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”
23281	MAT 4:3	Be Satan emi torohane nen me poeiena i tanen, “Tego Pien uu lö tere Sunahan, ba lö te rangam, bu hatu teka te palis uar tara beret.”
23283	MAT 4:5	Nonei e mar ranga uu teka, be Satan e lu mena neien tara taun i Jerusalem, mena hatuole nen iasa koru i pungana tara Luman Lotu Pan.
23284	MAT 4:6	Ba nonei e poeiena tere Iesu, “Tego Pien uu lö tere Sunahan, ba lö te kurapa uam i puta. Taraha, turu Buku u Göagono i koloto hasiin, ‘E Sunahan e ranga mera nou u angelo i tanen tegi tara kap menaien lö. Na nori e pile sei nariou lö, ba u hatu tema tatei toke roi a mou mölö.’”
23290	MAT 4:12	Pöata te hengo naia e Iesu u raranga ti haka menai e Jon tara karabus, ba nonei e lana i Galili.
23291	MAT 4:13	Ba nonei e laba nena i Nasaret mena kana tara taun i Kapenium i rehina a Ramun a Perperere i Galili. I Kapenium e kaia tara pala turu Sebulun na u Naptali, a huol a pala turu Jiu.
23296	MAT 4:18	Pöata te tataalaia e Iesu i kotolana tara Ramun a Perperere i Galili, ba nonei e tareiena e Saimon ti ngö hase ii e Pita na e toulanen e Endru, bate hagala ria i ramun, taraha nori u katunun hagala. Nori i holei a kannou i taren a iena.
23323	MAT 5:20	Alia e hatei ragou limiou, te ngilin tasu mia limiou tara Nipepeito tere Sunahan, alimiou ego kukute hanigeiam u raranga i tanen, kaba te kukute mia limiou a markato turu tson hihatuts tara Lo na turu Parasi, alimiou ema antunan tasu moi tara Nipepeito tere Sunahan.”
23345	MAT 5:42	Pöata te harangata silena a katuun ta ka i tamölö, halei a ka te ngile nen. Na pöata te katsin haroho nena a katuun a ka i tamölö, alö goma tatei peits naien.”
23413	MAT 7:28	Pöata te ranga hakapanaia e Iesu a manka teka ba u katuun e asingoto koru ner temar hihatuts uaien.
23415	MAT 8:1	Pöata te koul putama e Iesu turu pokus ba parpara koru a katuun e kukutie nanen.
23419	MAT 8:5	Pöata te tataalaia e Iesu iahana taun i Kapenium, ba töa tsunono turu soldia e la uanama i tanen memi ranga hataatagina i tanen me poeiena, “O Tsunono, a katunun kui i tar e opö mena u tuenrei u matekata, na e sagoho koru hasena a kamits pan i peisanen.”
23424	MAT 8:10	Pöata te hengoeia e Iesu u raranga teka ba nonei e asingoto koruna. Ba nonei e ranga meraiena u katuun ti kukutieien me poeiena, “Alia e ranga hamana koru meragou limiou, alia uma sabie mei ta töa ta mar katuun teka i Israel tega kamei u mar nihamana te kamena a tson teka.
23428	MAT 8:14	Pöata te tasuia e Iesu iahana luma tere Pita ba nonei e tarena e tsinana a tahol tere Pita, te opö menaien u baku kamits.
23437	MAT 8:23	Pöata te osaia e Iesu tara tolaala, ba u katunun tsitsilo i tanen e osa gono meren.
23442	MAT 8:28	Pöata te butuien i hapalana Ramun i Galili tara makumun tsiktsikina i Gadara. Ba huol a katuun i kamei a liliahanei e buturima turu kahokaho ti roron kaien, me hitupali mer e Iesu. A huol a katuun teka i hie homi koru batema ron ngileri ta katuun ega silaia tara maroro teka.
23443	MAT 8:29	Ba huol e ku hohomi korur me poeier, “A Pien Tson tere Sunahan, alö emi hamia i tamulam? Alö goma hakamits mam railam, a pöatan hahuna i tamulam e kanoana!”
23456	MAT 9:8	Pöata ti tareia u katuun u parpara koru a ka teka ba nori e matout korur. Taraha nori i tari te hala menai e Sunahan a mar nitagala teka tara katuun, ba nori e töan soloseier e Sunahan.
23459	MAT 9:11	Ba pöata ti tareia u Parasi a ka teka ba nori e poeier turu katunun tsitsilo tere Iesu, “E hana ba Tson Hihatuts i tamilimiou te nou gono meraiena u katuun te luluer a takis na u palair u katuun u omi?”
23462	MAT 9:14	Tara pöata teka ba u katunun tsitsilo tere Jon a Tsonun Baptais e la uarima tere Iesu memi poeier, “Taraha tsiponi ba lam na u Parasi te roron agono nem a kannou te singo uamulam tere Sunahan, ba u katunun tsitsilo i tamölö tema agonori?”
23466	MAT 9:18	Pöata te ranga noa naien a manka teka, ba töa tson pepeito turu Jiu e tasu nama me hatukunna i matanen me poeiena, “A pien tahol i tar e mate lala eni tuun. Kaba lö gona hatakopeia a limamölö i tanen ba nonei te töatöa poutsuna.”
23472	MAT 9:24	Ba nonei e poeiena, “Laiam. A pien tahol ema mate nei. Nonei e soho tununa.” Pöata ti hengoeien temar ranga uu e Iesu teka, ba nori e golgol sileren.
23482	MAT 9:34	Kaba u Parasi i ranga me poeier, “A tsunono turu liliahanei te haleien a nitagala tego tsuga ba meraien u liliahanei u omi!”
23484	MAT 9:36	Pöata te tara raien u katuun u parpara ti gonogono, ba nonei te taatagi koru ranen, taraha nori i kaan tutu here rai u sipsip te möa ta katunun taratarakap i taren.
23488	MAT 10:2	Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.
23489	MAT 10:3	Ne Pilip, ne Batolomio, ne Tomas, ne Matiu te lului a takis, ne Jemis a pien tson tere Alpius, ne Tadius,
23555	MAT 11:27	“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.
23560	MAT 12:2	Pöata ti tareia u Parasi a ka teka ba nori e poeier tere Iesu, “Tara, u katunun tsitsilo i tamölö e katoeier a ka tema antunan kato nari turu Lan u Göagono.”
23563	MAT 12:5	Na limiou go mala rit hanigeiam a Lo tere Mosis te hatei nena u pris puku lasi te tatei kui ria iahana Luman Lotu Pan turu Lan u Göagono.
23572	MAT 12:14	Ba u Parasi e lakasar mena korupakö ner tegi mar atung hamate menaien e Iesu.
23582	MAT 12:24	Pöata ti hengo naia u Parasi a ka teka ba nori e poeier, “Tara nitagala tere Belsebul, a tsunono turu liliahanei, ba nonei te antunan tsuga bara lala u liliahanei u omi.”
23596	MAT 12:38	Ba palair u tson hihatuts tara Lo na u Parasi e poeier tere Iesu, “Tson Hihatuts, alam e ngilin tara nem tu mirakol i tamölö.”
23599	MAT 12:41	Pöata te butu noa u lanin hahuna, ba u katunura i Ninive te tuol roa turu kout bate hatei ner a markato a omi turu katunura i romana. Taraha, a tei Ninive i hengoe u raranga tere Jona me hapolaser a man markato a man omi i taren. Na töa katuun te pan bala nena e Jona e kana teka.
23601	MAT 12:43	Be Iesu e ranga lenina me poeiena, “Alimiou u katuun u omi ra i romana e heremi u katuun u momolö. Pöata te la ba nena a liliahanei a omi a katuun, ba nonei te lagi sakesakiena ta makum tegona husa ien tara makum a palaka.
23604	MAT 12:46	Pöata te ranga noaia e Iesu turu katuun, be tsinanen na u toulanen te tukur. Ba nori e tuol ria ielesala me rangata ner tegi ranga uaien tere Iesu.
23609	MAT 13:1	Nonei noahas turu lan be Iesu e la ba nena a luma mena gumna i rehina Ramun a Perperere i Galili, me hihatutsina.
23656	MAT 13:48	Pöata te saputu nen, ba u katuun te hagalar te las menari a abe i mounsingmou bate hagum mer te arena menarien u iena u niga, bate honge rien turu bona i taren, bate baner a pala te omina.
23669	MAT 14:3	I mam nen e Herot e pile kapiin e Jon, be kitsenen bena hakenen tara karabus. Nonei e kato mei a ka teka a ngilina e Herodias a tahol tere Pilip, e toulanen.
23679	MAT 14:13	Pöata te hengo naia e Iesu e Jon e mate, ba nonei mera u katunun tsitsilo i tanen e la ba ner a han teka, me osa ria tara tolaala me la uar tara töa han tema kame ii ta katuun. Ba u katuun u parpara koru e hengoner te la ba meien a taun ba nori e kukute sila nalila e Iesu i maroro.
23694	MAT 14:28	Be Pita e ranga palisenen, “O Tsunono, tego Iesu hamana koru u lö, ranga memoulia balia te tataala sila goa ioluna u ramun bate la uagou i tamölö.”
23695	MAT 14:29	Be Iesu e poeiena, “Lama!” Be Pita e koulna tara tolaala me tataala lala ioluna u ramun me lauana tere Iesu.
23699	MAT 14:33	Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”
23703	MAT 15:1	Ba palair u Parasi na u tson hihatuts tara Lo i la uama i Jerusalem me la uarima tere Iesu memi rangate ren, “Taraha tsiponi ba u katunun tsitsilo i tamölö te hipus ner u hihatuts ti halan u katuun pan i tarara i manasa? Nori ema galus mameri a limaren bate töan nour!”
23714	MAT 15:12	Ba u katunun tsitsilo e la uarima i tanen memi poeier, “U Parasi ema hanigeri u raranga te katoe mula lö ba nori e raharahar.”
23717	MAT 15:15	Be Pita e poeiena i tanen, “Alö go hatei ramei lam a ka te poeiena u haharuei te katoe mula lö.”
23731	MAT 15:29	Be Iesu e laba nena a han teka me sila uana i rehina Ramun a Perperere i Galili. Ba nonei ena seina turu pokus me gumna.
23742	MAT 16:1	Na tara pöata ti lama u Parasi na u Sadiusi tere Iesu. Ba nori e rangate rien tegi hatara meraien tu mirakol tego harötein a nitagala tere Sunahan.
23743	MAT 16:2	Be Iesu e ranga palis ranen me poeiena, “Pöata te tsirukuna a pitala ba limiou te pemiou, ‘Ara e ka merou a pöata a niga, taraha u kolö e röröna.’
23747	MAT 16:6	Be Iesu e poeiena i taren, “Alimiou go tarakap hanigaiam bate hanei silemou u is turu Parasi na u Sadiusi.”
23752	MAT 16:11	E ha koruna ba limiou tema atei sile mulei, alia ema ranga silegulei a beret? Kaba hanei sileiam u is turu Parasi na u Sadiusi!”
23753	MAT 16:12	Ba u katunun tsitsilo i tanen e töan atei sil taler nonei ema ranga silei u is te katoeri a beret, kaba nonei e ranga sil tegi hanei sil meien u hihatuts u omi turu Parasi na u Sadiusi.
23754	MAT 16:13	Pöata te la uu e Iesu tara han i Sisaria Pilipai, ba nonei e rangata rena u katunun tsitsilo i tanen me poeiena, “U katuun e ngöeri, Alia tu butun Katunuma, esi?”
23757	MAT 16:16	Be Saimon Pita e ranga palisenen me poeiena, “Alö e Mesaia te hopö kapiin e Sunahan. Alö a Pien Tson tere Sunahan te töatöa nitöana.”
23759	MAT 16:18	Na lia e hateie goulö, alö e Pita, a hatu. Na ieluna a hatu teka alia e hatakeiegoa a luman lotu i tar i tanen. Na nitagala tara tou mate ema antunan tagala saluhe ba na nouien.
23763	MAT 16:22	Be Pita e lu mena neien i harerehi mena ranga hapiou menen me poeiena, “O Tsunono, e Sunahan ega hapioun a ka teka! Ego ma tatei butu koruia i tamölö!”
23764	MAT 16:23	Be Iesu e habiritsina me poeiena tere Pita, “Lau i murir o Satan! Alö e hatu kap namou lia. Taraha alö ema hakei mia u hakhakats i tamölö tere Sunahan. Alö e ka lasmem u hakatsin a katuun tuun!”
23770	MAT 17:1	I murina u tönomo u lan be Iesu e lue raiena ere Pita, na u muntoulana ere Jemis mere Jon, me peigi pepeisa mera neien ieluna u pokus u pannen koru.
23773	MAT 17:4	Be Pita e rangana me poeiena tere Iesu, “O Tsunono, e nigana te ka uariara teka. Tego ngil ia lö, ba lia te kuiegou a topisa taluhu teka, a töa i tamölö, na töa tere Mosis, na töa tere Ilaitsa.”
23774	MAT 17:5	Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”
23775	MAT 17:6	Pöata ti hengoeia u katunun tsitsilo u raranga teka ba nori e matout korur, me tuhatukun rana i puta.
23778	MAT 17:9	Pöata ti koul puta men turu pokus be Iesu e ranga mera nen, “Alimiou ema tatei hatei moi ta töa ta katuun aha te tara muma limiou e antunana te takei pouts goa lia, Alia tu butun Katunuma, tara tou mate.”
23783	MAT 17:14	Pöata ti la uamen turu katuun, ba töa katuun e la uanama tere Iesu, me hatukunna i matanen me poeiena, “O Tsunono, alö go taatagi nema a pien tson i tar! Nonei e roron kotskotsibonguna na peisanen e omi koruna, na nonei e roron rus uana turu tula na iahana ramun.
23793	MAT 17:24	Ba tara pöata te la uu e Iesu na u katunun tsitsilo i tanen i Kapenium, ba u katunun lulu monina tara Luman Lotu Pan e la rima memi rangateier e Pita, “A tson hihatuts i tamilimiou e hol hasena a takis tara Luman Lotu Pan, tsime?”
23794	MAT 17:25	Be Pita e poeiena, “Aa.” Ba tara pöata te tasuia e Pita i luma me katsin rangana, be Iesu te ranga mam tsiponna i tanen me poeiena, “O Saimon, u saha u mar hakats i tamölö? Esi te holena a takis turu king tara man han i puta? U katuun hamatskö tere king tsi u katuun halhal?”
23795	MAT 17:26	Be Pita e ranga palisenen me poeiena, “U katuun halhal.” Be Iesu e poeiena, “Aa, Na tega markato has uen i tarara.
23817	MAT 18:21	Be Pita e la uanama tere Iesu me rangatenen, “O Tsunono, a lahisa pöata tego ranga hataatagi ia lia tere toular bate solopalena a markato a omi i tanen, bate tara poutse noulia? Ega para hapopoia tara tohit a pöata?”
23832	MAT 19:1	Pöata te ranga hakapa naia e Iesu a manka teka, ba nonei e laba nena i Galili me la pouts uana tara han i Judia i hapalana Ramun i Jodan.
23834	MAT 19:3	Ba palair u Parasi e la uarima i tanen memi torohane ren me poeier, “A Lo i tarara e haniganena tega laba menai a tson a tahol i tanen?”
23838	MAT 19:7	Ba u Parasi e poeier i tanen, “Ga tara ha tsiponi be Mosis te hala nena a lo te poeiena a tson e tatei kolotena u pepa tega tsuga menaien a tahol i tanen?”
23843	MAT 19:12	Palair a pal tson tema antunan hitölri, nori i mar posa merai teka. Na palai ema hitöl meri ti hapö uaien. Na palai ema hitöl meri, taraha nori e ngilin kato ner a toukuina tara Nipepeito tere Sunahan. Kaba tson te antunan kukutiena u raranga teka, e tatei kukutie nen.”
23858	MAT 19:27	Be Pita e poeiena tere Iesu, “Alam u laba nema a mamanaka me kukutie mumoulö. Ga lam e lue mou aha?”
23878	MAT 20:17	Pöata te laia e Iesu i Jerusalem, ba nonei e lu halhal rena a maloto na huol a katunun tsitsilo i tanen, ba nonei e rangana i taren tara pöata ti tataalaien i maroro. “Ara e la talara i Jerusalem, ba Alia tu butun Katunuma tena hala neroa turu pris pan na turu tson atei tara Lo. Ba nori tena kout nariou lia bate kitser u raranga tegi atung hamate menai lia.
23896	MAT 21:1	Ba tara pöata ti butuien i Jerusalem, me la uar i Betpats turu Pokus i Olip. Be Iesu e hala mam rena a huol a katunun tsitsilo i tanen me poeiena i taren, “La uamula tara han te kanama ili, ba limiou tena tare mou a töa rongki e kamena a tuna i kits kapiin. Ba limiou tena purese ramoien bate la mera mumeien i tar.
23907	MAT 21:12	Be Iesu e lauana tara Luman Lotu Pan mena tsuga rena u katuun ti hahol ia tara makumun lotu. Ba nonei e tula halakoponena u tebol turu katuun ti palpalisiin u moni na man gumgum turu katuun ti haholin a man kulu.
23909	MAT 21:14	Ba u katuun u matakiou na u mou omi e la uarima i tanen iahana a Luman Lotu Pan ba nonei e kato haniga pouts ranen.
23910	MAT 21:15	Ba u pris pan na u tson hihatutsur tara Lo e raharaha mer ti tara menaien u mamana u mirakol te katoeien, na ti ku uu a galapien iahana a Luman Lotu Pan bate poeier, “Hosana! Soloseiam u Hatutubunei tere Devit!”
23918	MAT 21:23	Be Iesu e kopis pouts uana tara Luman Lotu Pan, ba pöata te hihatuts ien, ba u pris pan na u tsunono turu Jiu e la uarima i tanen memi rangateren, “A saha nitsunono te ka memölö te kato memi lö a manka teka? Esi te halei lö a nitsunono?”
23940	MAT 21:45	Ba pöata ti hengoeia u pris pan na u Parasi a man haharuei teka tere Iesu, ba nori e atei siler e Iesu e ranga sil raien, ba nori e raharahar.
23956	MAT 22:15	Ba u Parasi e lakasar mena hiararanganer ime tegi mar gamo menaien e Iesu tara man raranga i tanen.
23971	MAT 22:30	Pöata te takei pouts ria romana u katuun tara tou mate, nori ema antunan hitöl lel roi. Nori e ka hereroi u angelo ri Kolö.
23975	MAT 22:34	Ba pöata ti hengoeia u Parasi te rangau e Iesu turu Sadiusi, ba nori e kakamoto nitöar.
23982	MAT 22:41	Pöata ti gonogono hobotoia u Parasi, be Iesu e rangata ranen, “Ime temar hakats uami limiou tere Mesaia? Nonei a pien tson teresi?” Ba nori e poeier, “Nonei a pien tere Davit.”
23988	MAT 23:1	Be Iesu e poeiena turu katuun u parpara koru na turu katunun tsitsilo i tanen, “U tson ateira tara Lo na u Parasi e ka mer a nitsunono tegi hatarare menaien a man Lo tere Mosis.
24000	MAT 23:13	E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.