23216	MAT 1:3	Ne Juda e hatuhaner ere Peres mere Sira. E tsinaren e Tamar. Ne Peres e hatuhanei e Hesron. Ne Hesron e hatuhanei e Ram.
23217	MAT 1:4	Ne Ram e hatuhanei e Aminadap. Ne Aminadap e hatuhanei e Nason. Ne Nason e hatuhanei e Salmon.
23218	MAT 1:5	Ne Salmon e hatuhanei e Boas. E tsinana e Boas e Rehap. Ne Boas e hatuhanei e Obet. E tsinana e Obet e Rut. Ne Obet e hatuhanei e Jesi.
23220	MAT 1:7	Ne Solomon e hatuhanei e Rehaboam. Ne Rehaboam e hatuhanei e Abitsa. Ne Abitsa e hatuhanei e Asa.
23256	MAT 2:18	Nonei e mar ranga uu teka, “A nitaatagi pan e butuna tara han i Rama. U katuun e ku hapan koru mer te tabe hataatagi uaren. E Retsel e tabe hataatagi sil koru reiena a galapien i tanen. Na nonei ema ngilenei tegi hasokolei menaien. Taraha, a galapien i tanen i mate hakapa nitöa.”
23291	MAT 4:13	Ba nonei e laba nena i Nasaret mena kana tara taun i Kapenium i rehina a Ramun a Perperere i Galili. I Kapenium e kaia tara pala turu Sebulun na u Naptali, a huol a pala turu Jiu.
23296	MAT 4:18	Pöata te tataalaia e Iesu i kotolana tara Ramun a Perperere i Galili, ba nonei e tareiena e Saimon ti ngö hase ii e Pita na e toulanen e Endru, bate hagala ria i ramun, taraha nori u katunun hagala. Nori i holei a kannou i taren a iena.
23392	MAT 7:7	Be Iesu e rangana me poeiena, “Rangataiam ba limiou te lue moen. Na limiou go sakeiam ba limiou te sabie mouen. Na limiou go porokoiam ba tamana te kalata beranou limiou.
23442	MAT 8:28	Pöata te butuien i hapalana Ramun i Galili tara makumun tsiktsikina i Gadara. Ba huol a katuun i kamei a liliahanei e buturima turu kahokaho ti roron kaien, me hitupali mer e Iesu. A huol a katuun teka i hie homi koru batema ron ngileri ta katuun ega silaia tara maroro teka.
23609	MAT 13:1	Nonei noahas turu lan be Iesu e la ba nena a luma mena gumna i rehina Ramun a Perperere i Galili, me hihatutsina.
23731	MAT 15:29	Be Iesu e laba nena a han teka me sila uana i rehina Ramun a Perperere i Galili. Ba nonei ena seina turu pokus me gumna.
23746	MAT 16:5	Ba tara pöata tina tukuia u katunun tsitsilo tere Iesu i hapalana Ramun, ba nori e töan hakats sabe ner ti solopala mena leien ta beret.
23832	MAT 19:1	Pöata te ranga hakapa naia e Iesu a manka teka, ba nonei e laba nena i Galili me la pouts uana tara han i Judia i hapalana Ramun i Jodan.
23994	MAT 23:7	Nori e roron ngiler u katuun egi hapan raien tara makumun töana, na nori e ngil haser u katuun egi ngö raien u Rabai.
23995	MAT 23:8	“Kaba u katuun ema tatei ngö raroui limiou u Rabai (te poeiena a Tson Hihatuts) taraha alimiou e ka memiou a töa puku a Tson Hihatuts, nonei a Tsunono, na limiou u munmun toulana.
24029	MAT 24:3	Pöata te gum ia e Iesu turu Pokus tara Ruein Olip ba u katunun tsitsilo i tanen emi ka momous pepeisa gono meren me rangate ren, “Hatei ramei lam i hangisa te butuna romana a ka teka, na u hiharöto te hatara nanou a pöata tego la pouts uama lö, na te kapana romana a han.”
24049	MAT 24:23	“Kaba te poeiena ta katuun i tamilimiou, ‘Röto iam, e Mesaia teka,’ tsi ‘Nonei ili,’ möa tu hamaneiam.
24153	MAT 26:30	Ba i murina pöata ti kömeien u köman lotu, ba nori e la uar turu Pokus tara Ruein Olip.
24169	MAT 26:46	Takei iam, ba ra te lara. Rötoiam, a katuun te haröto nanou lia turu katuun ti korupakö naiou lia e tuku hakapa.”
24206	MAT 27:8	Nonei te ngö sila beri a makum teka, “U Tsiktsikina turu Rahatsing” tara man pöata i romana.
24300	MRK 1:16	A pöata te tataalaia e Iesu i kotolana tara Ramun i Galili ba nonei e tara raiena u mun toulana ere Saimon mere Endru bate hagala ria i ramun, taraha nori u katunun hagala. Nori i hole ii a kannou i taren a iena.
24342	MRK 2:13	Be Iesu e la pouts uana i kotolana i rehina Ramun i Galili bu katuun hoboto e la uaier i tanen ba nonei e hihatutsna i taren.
24364	MRK 3:7	E Iesu na u katunun tsitsilo i tanen i la uu tara Ramun i Galili ba u katuun u parpara koru e kukute raren.
24393	MRK 4:1	E Iesu e tanian hihatuts ia i rehina Ramun a Perperere i Galili. U katuun u parpara koru ti gono hahiseien, ba nonei e osana turu bout me gumuna. U bout e agaia i ramun ba u katuun te tuol ria i mounsingmou.
24434	MRK 5:1	Nori i la hakapa uama i hapalana Ramun i Galili tara han ti kaia a hun katuun ti ngörai u Gerasin.
24498	MRK 6:22	Pöata te tasuma a pien tahol tere Herodias memi sanina, be Herot nu katuun ti ka gono meien tara kannou e sasaala korur. Be Herot e poeiena tara pien tahol teka, “Rangate mei lia ta ka ba lia te hale goien lö.”
24658	MRK 10:1	E Iesu e laban i Kapenium me la uana tara provins i Judia, me arohena a Ramun olo i Jodan me la noa talasina. U katuun u parpara i kukute noa laseien mena gonogono lelria i tanen, ba nonei e hihatuts lel na i taren te roron markato uaien.
24676	MRK 10:19	Alö e atei silem u Maloto u Raranga tere Sunahan. E markato uana teka: ‘Alimiou goma hihipulimi. Na egoma tsikolomi. Na egoma kopkopmi. Na egoma gamogamomi. Na egoma gamo nami a manka tara tana katuun bate luemen. Hapaneiam e tamamilimiou na e tsinamilimiou.’”
24710	MRK 11:1	Pöata ti la hasukusuku men i Jerusalem i Betpats na i Betani tara tsi pokus te ngöeri u Pokus tara Ruein Olip. Be Iesu e tula nena a huol a katunun tsitsilo i tanen me poeiena i taren, “La mula tara han te ka nama ili, ba pöata tena butu moa limiou i han ba limiou tena tare mou a tunan rongki a hitots te kits na lila na ema mala osa noaria ba limiou te purese men bate la memumen.
24739	MRK 11:30	Pöata te baptais raia e Jon u katuun, nonei e ka mei a nitsunono tere Sunahan tsi tara katuun tuun? Ranga palise mumoulia.”
24789	MRK 13:3	Pöata te gum ia e Iesu turu Pokus tara Ruein Olip i hapalana Luman Lotu Pan, be Pita mere Jemis na e Jon na e Endru e rangata momouse ren me poeier i tanen. “Hatei ramou lam, i hangisa te butuna romana a manka teka, na u saha u mar hiharöto te haröto nanou a pöata tega butu ia a mamanaka teka?”
24797	MRK 13:11	“Na pöata te pile kap rarien limiou bate las mera rilimiou turu kout, alimiou goma hakats hapara mam nami a manka tena ranga namou limiou. Ranga naiam a saha ka te hatei raroui limiou tara pöata, taraha, ema limiou nei te ranga miou, kaba u Namnamei u Göagono.
24849	MRK 14:26	Ba pöata ti köma hakapeien u hetsina turu lotu, ba nori e la uaier turu Pokus tara Ruein Olip.
24864	MRK 14:41	Ba pöata te kopis hatopisa men, ba nonei e poeiena i taren, “Alimiou e soho noahas miou na e husa noahas miou? E noa talana. A pöata e butu hakapa. Röto mula. Alia tu butun Katunuma e hala tala naroua tara nitagala turu katuun u omi.
24865	MRK 14:42	Takei iam, bara te lara. Rötoiam, a katuun te haröto nanoua lia turu pakö i tar e tuku hakapa.”
24916	MRK 15:21	Nori i tupali a töa toun Sairini, a solonen e Saimon e tamar ere Aleksenda mere Rupas. Ba nori e lue ren me hatöerien a kuruse tere Iesu.
25043	LUK 2:1	Tara pöata teka e Sisa Ogastas te gamman Pania i Rom. Nonei e hala nela u raranga tegi hakoloto menai u katuun hoboto a soloren turu buku tara gamman.
25095	LUK 3:1	Turu hamaloto na u tolima u hiningal te gamman pania e Taibirius i Rom, nonei has a pöata te tanian hihatutsia e Jon. Be Pontias Pailat te gamman na i Judia, na e Herot i Galili, be toulanen e Pilip te tara kap nena a provins i Ituria na i Trekonaitis. Be Laisenias te tara kap nena i Abilin.
25097	LUK 3:3	Be Jon e lauana tara mamana han i rehina Ramun i Jodan me mar hihatuts uana teka, “Palis ba naiam a man markato a man omi bate habaptais miou, be Sunahan te luba nanou a man markato a man omi bate tara pouts ranou limiou.”
25121	LUK 3:27	E Joda a pien tson tere Joanan. Na e Joanan a pien tson tere Resa. E Resa a pien tson tere Serubabel. Na e Serubabel a pien tson tere Sialtiel. E Sialtiel a pien tson tere Neri.
25129	LUK 3:35	Na e Nahor a pien tson tere Serug. E Serug a pien tson tere Riu. Na e Riu a pien tson tere Pelek. E Pelek a pien tson tere Eber. Na e Eber a pien tson tere Sela.
25177	LUK 5:1	Tara töa pöata e Iesu e tuol ia i mounsingmou tara Ramun a Perperere i Genesaret. Nonei noa has a pöata ti hiasösongo sileia u katuun tegi hengo menaien u raranga tere Sunahan.
25336	LUK 8:22	Turu töa u lan e Iesu e osa gono mer u katunun tsitsilo i tanen tara töa tolaala tara Ramun i Galili, ba nonei e poeiena i taren, “Aragi aroho uu i hapalana a ramun.”
25340	LUK 8:26	Ba nori e lar mena sung ria tara makum ti kaia a hun katuun ti ngörai u Gerasin. A han teka e kana i hapalana a Ramun i Galili.
25552	LUK 12:24	Rötoiam turu apena te ngö rari u kokou. Nori ema leberi a kannou na ema hagala hase rien, na nori ema ka has meri ta luman haputu tara kannou. Kaba e Sunahan noahas te hanou ranen! Na limiou e niga bala ramiou u apena!
25555	LUK 12:27	“Rötoiam temar pan uaier a man palaua a man hie. Nori ema kuiri na ema katoeri tu labalaba i taren. Na lia e ranga mera goulimiou, e Solomon a King e ka mei u hasobö u tara haniga koru, kaba a tsi töa puku a tsi plaua teka e tara haniga bala nena u hasobö tere Solomon.
25829	LUK 19:29	Nonei e la hasukusukuia tara man han i Betpats na i Betani ti kaia i rehina u Pokus tara Ruein Olip, ba nonei e hamam rena a huol a katunun tsitsilo.
25837	LUK 19:37	Ba pöata te tukuien tara maroro te la puta uu turu Pokus tara Ruein Olip te kaia i rehina i Jerusalem, ba u katuun u parpara koru i tanen e tanian köma hapan uaier tere Sunahan me solosei merien a man mirakol ti tareien.
25932	LUK 21:37	Mamanu lan e Iesu e hihatutsia tara Luman Lotu Pan. Ba tara man bong nonei e na sohoia turu pokus ti ngöei u Pokus tara Ruein Olip.
25972	LUK 22:39	Be Iesu nu katunun tsitsilo e laba ner a makum iasa me la uaier turu Pokus tara Ruein Olip ti roron markato uaien.
26114	JHN 1:1	Tara tantania e kamei u Ranga, u Ranga e kagono mei e Sunahan na u Raranga teka nonei e Sunahan.
26116	JHN 1:3	E Sunahan e habutu silanaia a mamanaka turu Ranga. E möa ta töa taka tega butu peisa. A mamanaka e butu sila lasia turu Ranga.
26127	JHN 1:14	U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.
26151	JHN 1:38	Pöata te habirits ia e Iesu me tarena ti kukute uamen ba nonei e poeiena i taren, “Alimiou e sake miou aha?” Ba nori e poeier i tanen, “O Rabai, ime tena soho moa lö?” (Rabai e poeiena, tson hihatuts.)
26162	JHN 1:49	Be Nataniel e poeiena, “O Rabai, alö a Pien tere Sunahan! Alö a katuun te hopö kap bin e Sunahan tego Kingia i Israel!”
26183	JHN 2:19	Be Iesu e ranga kopisina me poeiena, “Rurei iam a luma tere Sunahan teka balia te hatakei poutse goen turu topisa u lan.”
26327	JHN 6:1	I murinen be Iesu e la pouts uana i hapalana a Ramun a Perperere i Galili, te ngö haseri i Taibirias.
26451	JHN 8:1	E Iesu e la uu turu Pokus tara Ruein Olip.
26590	JHN 10:40	Ba nonei e la pouts uana i hapalana a Ramun i Jodan mena kana tara han te baptais mam ia e Jon.
26640	JHN 11:48	Tema hapiou naroien ra, ba u katuun hoboto te hamana uariou i tanen. Ba u ami ri Rom temi kato homie riou a Luman Lotu Pan i tarara na u han hoboto i tarara!”
26886	JHN 18:32	A ka teka e kato hamani u raranga tere Iesu te ranga mam naien nori ena hakutie rien romana tara kuruse, taraha u katunura i Rom pepeisa te antunan markato uar teka.
26952	JHN 20:16	Be Iesu e poeiena i tanen, “Maria!” Ba e Maria e habirits uana i tanen me poeiena turu HaHibru, “Rabonai!” U mar ranga teka e poeiena, “Tson Hihatuts.”
26968	JHN 21:1	I murina a manka teka e Iesu e butu lelia turu katunun tsitsilo i tanen tara Ramun i Galili te ngö haseri a Ramun i Taibirias. Nonei e mar butu u teka.
27004	ACT 1:12	Ba u aposol e laban ner u Pokus tara Ruein Olip ti kaien me la poutsur i Jerusalem. A maroro teka e antunaia temar tataala uaier u Jiu turu Lan u Göagono i taren.
27011	ACT 1:19	U katuun hoboto i Jerusalem i hengoin a ka teka me ngöeri a makumun tsiktsiki teka i Akeldama. A solo teka e poeiena “U Tsiktsiki te kamena u Rahatsing.”
27028	ACT 2:10	Na i Pritsia na i Pampilia na i Itsip na tara man makum i Libia te sukusuku uana i Sairini. Na palair u katunura i Rom, u Jiu hamana na pala halhal ti lu hasi u lotu turu Jiu, na palair u katunura i Krit na i Arebia. Ara hoboto e hengo raren ba nori te ranga ria turu mar ranga i tarara bate hatei ner a man toukui pan te katoe e Sunahan!”
27221	ACT 7:36	E Mosis e kato u mamana mirakol i Itsip me lu halakasa ba ranei u katuun i Itsip. Ba nonei e katoena u mirakol turu tasi ti ngöei u Tasi u Rörö na u mamana u mirakol tara makum a palaka e antunaia turu 40 u hiningal.
27228	ACT 7:43	Alimiou u lue iam a luma labalaba tara got gamogamo a solonen e Molok, me söata gono memien a pitopito tara got gamogamo e Repan, nori a man kesa tu kui sile milimiou tego hatsunono mena mien limiou. Te markato uanen teka balia te luba has ragou limiou bate hala mera goilimiou i hapalana i Babilon.’ “A propet temar ranga uu teka.”
27281	ACT 8:36	Pöata ti la noaien i maroro ba nori ena butu ria tara töa ramun, ba tson pepeito teka e poeiena, “Röto, a ramun teka. Aha te hatu kap na noulia tego habaptais uu lia?” Be Pilip e poeiena, “Te ka memialö a nihamana i torimölö, alö e antunan habaptaisim.” Ba nonei e ranga palisina me poeiena, “Alia e hamanegu e Iesu Kristo nonei a Pien Tson tere Sunahan.”
27419	ACT 12:13	Be Pita emi porporokona tara tamana tara ololo ielesala tara luma, ba töa taholun kukui a solonen e Roda e la sile nama tegomi kalata menaien a tamana.
27564	ACT 16:12	Alam u laban i Niapolis be kete uaiem tara taun i Pilipai, a han pan tara provins i Masedonia, a han has turu katunura i Rom. Ba lam e gamon ka bumia i Pilipai.
27573	ACT 16:21	Nori emi hihatuts has ner a markato te hapiou nena a lo i tarara. Ara ema tatei hanige rei a ka teka, taraha ara a tei Rom.”
27589	ACT 16:37	Be Pol e poeiena turu polis, “Nori i ma kout hamatskö merai lam na nori i singata railam a pata i matar u katuun. Alam has u katunura i Rom, kaba nori i haka has raia lam tara karabus. Nori e katsin halakasa hamous rariou lam. E möa koru! Nori peisa egi lama batemi halakasa rariou lam!”
27590	ACT 16:38	Ba u polis ena hatei ner u raranga teka tara gamman. Pöata ti hengo naien ere Pol mere Sailas u katunura i Rom, ba nori e matout korur.
27628	ACT 18:2	Ba nonei ena sabeiena a töa Jiu, a solonen e Akuila, a toun Pontas. Nori mera tahol i tanen e Prisila i hagou laba tuun nema a provins i Itali. Taraha, a gamman pan e Klodias e ranga merai u Jiu hoboto egi laban a taun i Rom, be Pol ena tara ranen.
27675	ACT 19:21	Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”
27733	ACT 21:1	Alam u laba raien mena osa mia tara tolaala ba lam e seil hamatskö uam tara töa tolo i Kos. Ba u hamahö ba lam ena tuku mia tara tana tolo i Routes. Ba lam e laba nem i Routes me la uam tara taun i Patara.
27763	ACT 21:31	Pöata ti katsin atungeien e Pol, ba u töa u raranga e la uana tara tsunono tara Retsimen te poeiena u katuun hobotora i Jerusalem e hiagetagetar.
27797	ACT 22:25	Kaba tara pöata ti kitseien a lete, be Pol e ranga mena a töa kapten te tuol ia i rehinen me poeiena, “A lo ema haniga nanei tego lahus menai lö a toun Rom tema la noa uaneien turu kout.”
27798	ACT 22:26	Ba tara pöata te hengoeia a kapten u ranga teka ba nonei e lauana tara tsunono turu soldia mena poeiena i tanen, “Alö e katsin katoeiem aha? A tson teka a toun Rom!”
27799	ACT 22:27	Ba tsunono e lana tere Pol mena poeiena i tanen, “Hatei moulia, alö a toun Rom?” Be Pol e poeiena, “Aa alia a toun Rom.”
27800	ACT 22:28	Ba tsunono e poeiena “Alia a toun Rom, taraha alia u holin a moni pan.” Be Pol e ranga palisina me poeiena, “Alia a toun Rom has, i posa noa gono meilia.”
27801	ACT 22:29	Ba pal tson ti katsin rangateien bate lahuse ren e la hatoumuri ba naren. Na tsunono e matout has tara pöata te sabe ien e Pol nonei a toun Rom, taraha nonei e kits hakapeia e Pol a tsien.
27813	ACT 23:11	Ba tara bong ba Tsunono e tuolna i rehina e Pol me poeiena, “Möa tu matout. Alö tu hatei nama lia i Jerusalem, alö ena markato has uamou teka i Rom.”
27817	ACT 23:15	Bora, alimiou na pal kapan turu Kout Pan ego hale mula tu raranga tara tsunono turu soldia na i Rom bate hatei muleien tego lu mena meien e Pol bate la merumen. Alimiou go gamo ramen bate poeiemula, ‘Alam e ngilin rangata lel namen.’ Ba lam tena hahalose men bate atung hamate mouen i mam tegomi tuku uaien teka.”
27829	ACT 23:27	U Jiu i pile kapiin a tson teka me katsin atung hamatie ren. Alia u hengoin nonei a toun Rom ba lia e la gono meregu u soldia i tar mena luba ragien u Jiu.
27880	ACT 25:16	Ba lia e ranga palis meragen me poeiegu, ‘Alam a tei Rom ema hahuna mam memi a katuun i mam te gum hoboto mera nen u katuun te kout na ren, ba nonei te ka mena a pöata tego ranga palis menaien u ranga te kout merien u katuun.’
27924	ACT 27:1	E gamman e hale iema u ranga tego osa uu lam tara tolaala bate la uaiem i Itali. Ba nori e lu rer ere Pol na palair u karabus be hapile rarien tara töa katuun a solonen e Julius. Nonei a töa tsunono te kaia turu soldia ti ngö rai a Retsimen tere Sisa.
27980	ACT 28:13	Ba lam e laba nem a taun teka be sila mia i rehina kotolana mena sung mia tara taun i Ritsiam. Ba turu hamahö ba belbelaha e takei nama, ba turu hahuoluna u lan ba lam ena tuku mia i Puteoli.
27981	ACT 28:14	Ba tara taun teka ba lam e saberaiam u katuun ti hamanaia tere Iesu. Ba nori e ngö rariou lam ba lam ena ka gono meramen u tohit u lan. Ba lam e töan la uaiem i Rom.
27982	ACT 28:15	U katuun ti hamanaia tere Iesu i Rom i hengoin tu la uama lam, ba palai e taatago mera rimei lam tara taun te kaia i gusuna kalana a solonen a Hanin Töana i Apias. Na palai i taatago mera mei lam tara taun ti ngöei a Topisa Taven. Pöata te tara raien e Pol ba nonei e haniga uana tere Sunahan ba peisanen e tagala poutsuna.
27983	ACT 28:16	Pöata tina tukuia lam i Rom ba tsunono turu soldia e haniga nena tego ka pepeisa uu e Pol na töa puku a soldia, tega taratara kap naien.
27984	ACT 28:17	U topisa u lan e la hakapa be Pol e ngö gögono rena a pal kapan turu Jiu. Pöata ti gono hoboto men ba nonei e poeiena i taren, “A matsi hahatoulana i tar, alia uma katoei ta töa ta ka tego tula puta menai lia u katuun i tarara na u mar hihatutsina turu tuburara. Kaba nori i karabuse ma lia i Jerusalem, ba nori e hala mena rilia turu katunura i Rom.
28005	ROM 1:7	Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.
28013	ROM 1:15	Na lia e ngilin habulungana koru has nagia u Bulungana u Niga i tamilimiou u katuun te ka mia i Rom.
28233	ROM 9:10	Na tana ka has temar butu uu teka. E Robeka e pikeia u puna tara töa tson, e Aisak a tson i tanen, nonei e tuburara.
28234	ROM 9:11	Na e Sunahan e ngilin hopö kap sile ii a töa pien tson tego kato menaien u ngilngil tere Sunahan, ba nonei e poeiena tere Robeka, “A pien a hamua e kui benou a hahuoluna a pien.” E Sunahan e mar ranga mam noa uu teka ba galapien tema posa noa rari, na tima kato haseien a ka niga na ka omi. Nonei e hopö kap merai a galapien u ngil peisa i tanen. E ma hopö kap meraien a markato i taren.