23215	MAT 1:2	E Abraham e hatuhanei e Aisak. Ne Aisak e hatuhanei e Jekop. E Jekop e hatuhaner ere Juda mera u toulanen.
23216	MAT 1:3	Ne Juda e hatuhaner ere Peres mere Sira. E tsinaren e Tamar. Ne Peres e hatuhanei e Hesron. Ne Hesron e hatuhanei e Ram.
23217	MAT 1:4	Ne Ram e hatuhanei e Aminadap. Ne Aminadap e hatuhanei e Nason. Ne Nason e hatuhanei e Salmon.
23227	MAT 1:14	Be Asor e hatuhanena e Sedok. Be Sedok e hatuhanena e Akim. Be Akim e hatuhanena e Eliut.
23239	MAT 2:1	E Iesu i poseia i Betlehem i Judia tara pöata te king ia e Herot. Na tara pöata ti posa hakapeia e Iesu, ba palair u tson atei tara pala te butu nama a pitala e la uarima i Jerusalem memi rangatar, “Ime te kana a pien ti posa sile ii ega kingir u Jiu? Alam u tarema a pitopito i tanen tara makum te roron butu nama a pitala, ba lam e la sile muma tegomi hatsunono uu lam i tanen.”
23243	MAT 2:5	Ba nori e hateieren, “Tara taun i Betlehem i Judia, temar koloto has uu a propet i manasa:
23244	MAT 2:6	‘Alimiou u katunura i Betlehem, turu tsiktsikina i Judia, alimiou e ka tala memou a solo a kapan i gusuna a pal tsunono i Judia. Taraha, a töa tsunono pan e butuna romana i Betlehem, ba nonei te tarakap ranou u katuun i tar a tei Israel.’”
23254	MAT 2:16	Pöata te atei sil hamanaseia e Herot u tson atei tara pala te roron butu nama a pitala i gamoeien, ba torinen e raharaha koruna. Ba nonei e hala meranei u soldia i Betlehem, na tara man han i sukusuku, ba nori ena atung hamate rer a galapien tson hoboto ti kamei u huol u hiningal, temar bobo uen tara pöata ti hateien u tson atei.
23260	MAT 2:22	Kaba e Josep e hengoen te lu menai e Akelaus a makum tere tamanen e Herot, me king nena a provins i Judia. Be Josep e matout koruna. Na turu tana u sinasoho e Sunahan e hateien nonei goma la uai i Judia, ba nonei e la uana tara provins i Galili.
23262	MAT 3:1	Nonei tara pöata teka e Jon a Tsonun Baptais, e habulungana naia u raranga tere Sunahan tara makum a palaka i Judia.
23266	MAT 3:5	Na tara pöata teka, u katunura i Jerusalem na tara man han hoboto tara provins i Judia na tara man han has i rehina a ramun i Jodan, i la hoboto uama tere Jon.
23267	MAT 3:6	Ba nori e pokeier a man markato a man omi i taren, ba nonei e baptais ranen tara ramun i Jodan.
23268	MAT 3:7	Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!
23272	MAT 3:11	“Alia e baptais ragi limiou u ramun tuun, e hatara nena alimiou u habirits ba hakapa naiam a man markato a man omi i tamilimiou. Kaba a katuun te la hamurimuri nama romana i tar e pan bala koru nanou lia. Nonei a tsunono pan, na lia a katuun papala koru ema antunan söata nagi u sendol i tanen. Nonei te baptais ranoui limiou u Namnamei u Göagono na u tula.
23274	MAT 3:13	Na tara pöata teka e Iesu e la ba nema i Galili me la uana tara ramun i Jodan tegomi habaptais uen tere Jon.
23293	MAT 4:15	Ba nonei e poeiena, “U katunura turu tsiktsiki i Sebulun na turu tsiktsikina i Naptali, te ka ria tara maroro pan te la uana i tasi na turu tsiktsiki te kana i hapalana ramun i Jodan, na turu tsiktsikina i Galili te ka has ria u katuun tema Jiu ri.
23296	MAT 4:18	Pöata te tataalaia e Iesu i kotolana tara Ramun a Perperere i Galili, ba nonei e tareiena e Saimon ti ngö hase ii e Pita na e toulanen e Endru, bate hagala ria i ramun, taraha nori u katunun hagala. Nori i holei a kannou i taren a iena.
23299	MAT 4:21	Ba nonei e gamon la lenina me tarena u taina u mun toulana ere Jemis mere Jon, a galapien tere Sebedi. Nori i kaia tara tolaala i taren bate sugeier a man abe i taren, ba nonei e ngö ranen egi la gono meien.
23303	MAT 4:25	Bu katuun u parpara koru e kukutier e Iesu: u katunura i Galili na i Dikapolis na i Jerusalem na i Judia na turu tsiktsiki i hapalana a ramun i Jodan.
23419	MAT 8:5	Pöata te tataalaia e Iesu iahana taun i Kapenium, ba töa tsunono turu soldia e la uanama i tanen memi ranga hataatagina i tanen me poeiena, “O Tsunono, a katunun kui i tar e opö mena u tuenrei u matekata, na e sagoho koru hasena a kamits pan i peisanen.”
23422	MAT 8:8	Kaba a tsunono turu soldia e ranga paliseien me poeiena, “O Tsunono, alia ema katuun a nigagi balö te laua muma i luma i tar. Alö go ranga tuun ba katunun kui i tar te niga pouts nou.
23423	MAT 8:9	Taraha, i tar peisa alia e atei silegu alia e ka puta gia tara töa pal tsunono, na töa pal soldia e ka puta has ria i tar. Na tego ranga meia lia ta töa balia te poeiegu, ‘Alö go la,’ ba nonei te la hasina. Na tego ranga meia lia ta tabi balia te poeiegu, ‘Alö go lama,’ ba nonei te la has nama. Na lia go ranga mei a katunun kui i tar, ‘Alö go kato a toukui teka,’ ba nonei te kato hase nen. Na u raranga tuun has i tamölö e ka mena a nitagala.”
23427	MAT 8:13	Be Iesu e poeiena tara tsunono turu soldia, “La tala. A ka ena mar butu has benoi lö turu mar nihamana i tamölö.” Ba nonei tara tsi pöata puku has teka ba katunun kui i tanen e niga poutsuna.
23442	MAT 8:28	Pöata te butuien i hapalana Ramun i Galili tara makumun tsiktsikina i Gadara. Ba huol a katuun i kamei a liliahanei e buturima turu kahokaho ti roron kaien, me hitupali mer e Iesu. A huol a katuun teka i hie homi koru batema ron ngileri ta katuun ega silaia tara maroro teka.
23460	MAT 9:12	Kaba e Iesu e hengoe a ka teka me poeiena i taren, “U katuun te moar ta siki ema tatei la uari tere dokta. E möa. U katuun lasi te ka mer a siki te tatei la uar tere dokta.
23488	MAT 10:2	Nonei teka a man solo tara maloto na huol a aposol tere Iesu: E Saimon ti ngö hasei e Pita. Ne Endru e toulana e Saimon. Ne Jemis a pien tson tere Sebedi. Ne Jon e toulana e Jemis.
23489	MAT 10:3	Ne Pilip, ne Batolomio, ne Tomas, ne Matiu te lului a takis, ne Jemis a pien tson tere Alpius, ne Tadius,
23490	MAT 10:4	ne Saimon a toun Silot, na e Judas Iskariot a katuun te harötein e Iesu turu katuun ti paköeien.
23496	MAT 10:10	Alimiou goma la has memi ta pora na tu sendol na tu tukana tara nilala i tamilimiou. Alimiou go la las meiam u töa puku u hasobö u ngahangaha. Ba u katuun tena taguhu rami limiou tena hanou rariou limiou.
23501	MAT 10:15	Alia e hatei hamana koru ragou limiou, a nihahuna tara taun teka e pan bala koru nanou a nihahuna tara taun i Sodom na i Gomora.”
23549	MAT 11:21	Ba nonei e poeiena, “A nomi pan koru e butu noua i tamilimiou u katunura tara taun i Korasin na i Betsaida! Sanena e Sunahan te katoeia a man mar mirakol teka tara taun i Taia na i Saidon, nori sanena i solon harötein tegi tori polasa ba menaien a man markato a man omi i taren, bate hasoger u hasobön mou bate göagöaeier u köahu.
23550	MAT 11:22	Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Korasin na i Betsaida e pan bala nanou a nihahuna turu katunura i Taia na i Saidon.
23551	MAT 11:23	Na limiou u katunura i Kapenium e tatei soloseiemiou a peisa milimiou i kolö, kaba e Sunahan e lapo ba has ranoua limiou i hel! Sanena e Sunahan te katoe u mar mirakol teka tara taun i Sodom, a taun i Sodom sanena e ka noa hasina i romana.
23552	MAT 11:24	Na lia e hatei ragou limiou, turu lanin hahuna tere Sunahan, a nihahuna i tamilimiou u katunura i Kapenium e pan bala nanou u nihahuna turu katunura i Sodom.”
23663	MAT 13:55	Nonei toum banei a pien tere Josep a kapenta na e tsinanen toum te ngöeri e Maria na u toulanen toum ere Jemis mere Josep na e Saimon na e Judas?
23669	MAT 14:3	I mam nen e Herot e pile kapiin e Jon, be kitsenen bena hakenen tara karabus. Nonei e kato mei a ka teka a ngilina e Herodias a tahol tere Pilip, e toulanen.
23670	MAT 14:4	Taraha e Jon e ranga mei e Herot me poeiena, “E ma niga koru nei tego tölo menai lö e Herodias!”
23672	MAT 14:6	Na turu lan ti hatöatongeia u lan ti poseia e Herot ba nori e katoeier a kannou pan na u hirata, ba pien tahol a kukubei tere Herodias e sanina i matar u katuun hoboto ti kaia tara kannou. Be Herot e haniga korueiena te sani uen, me ranga hamana koru menen turu ranga te mana uana iasa me poeiena, “Ta saha ta ka te ngile moa lö i tar, alia e hale goien lö!”
23674	MAT 14:8	Be Herodias e ranga meiena a pien tahol i tanen, “Alö ena mar ranga uamou teka tere Herot, ‘Hakema a bakuna e Jon a Tsonun Baptais tara pelete ba lö temi hala mien lia.’” Ba pien tahol ena mar ranga has uana teka.
23723	MAT 15:21	Be Iesu e la ba nena a han teka me la uana tara han turu katuun tema Jiu ri te sukusukuia tara man taun i Taia na i Saidon.
23741	MAT 15:39	Be Iesu e töan hala kalakala rena u katuun, ba nonei e osana tara tolaala, ba nonei e la uana tara pal han i Magadan.
23742	MAT 16:1	Na tara pöata ti lama u Parasi na u Sadiusi tere Iesu. Ba nori e rangate rien tegi hatara meraien tu mirakol tego harötein a nitagala tere Sunahan.
23747	MAT 16:6	Be Iesu e poeiena i taren, “Alimiou go tarakap hanigaiam bate hanei silemou u is turu Parasi na u Sadiusi.”
23752	MAT 16:11	E ha koruna ba limiou tema atei sile mulei, alia ema ranga silegulei a beret? Kaba hanei sileiam u is turu Parasi na u Sadiusi!”
23753	MAT 16:12	Ba u katunun tsitsilo i tanen e töan atei sil taler nonei ema ranga silei u is te katoeri a beret, kaba nonei e ranga sil tegi hanei sil meien u hihatuts u omi turu Parasi na u Sadiusi.
23832	MAT 19:1	Pöata te ranga hakapa naia e Iesu a manka teka, ba nonei e laba nena i Galili me la pouts uana tara han i Judia i hapalana Ramun i Jodan.
23881	MAT 20:20	Be tsinar a galapien tson tere Sebedi e la uarima tere Iesu na huol a pien tson i tanen, be tsinaren e hatukunna i matana e Iesu, me rangata nena tega haniga mei e Iesu u ngilngil i tanen.
23948	MAT 22:7	“Ba king e raharaha koruna, me hala ralala u soldia i tanen mena atung hamate rer u katuun ti atung rema u katunun kui i tanen, me hakuluper a taun i taren.
23960	MAT 22:19	Haröte mumei lia a moni te holeri a takis.” Ba nori e lube rimeien a töa a denarius moni.
23964	MAT 22:23	Nonei noahas turu lan ba u Sadiusi e la uarima tere Iesu. A pal katuun teka nori i pei e möa ta tou takei pouts tara tou mate. Ba nori i poeier tere Iesu, “Tson Hihatuts, i manasa e Mosis te poei, ‘Tega mateia ta tson bate möana ta pien, e toulanen e tatei tölena a amoaba, ba nori te hatuhaner romana ta pien tena luenou a solo tara tson te mate.’
23975	MAT 22:34	Ba pöata ti hengoeia u Parasi te rangau e Iesu turu Sadiusi, ba nori e kakamoto nitöar.
24042	MAT 24:16	“Ba pala te karia i Judia te bus uar romana turu pokus.
24137	MAT 26:14	Ba töa i tamulam tara maloto na huol a katunun tsitsilo, ti ngöei e Judas Iskariot, e la uana turu pris pan ti korupaköni e Iesu mena poeiena, “Alimiou e hale moi lia aha ba lia te hatara ragoui limiou e Iesu?” Ba nori e hale rien u topisa u maloto tara moni a silva.
24139	MAT 26:16	Ba nonei tara pöata teka, e Judas e tanian sake hamanasena ta maroro tego haröto menaien e Iesu turu katuun teka.
24148	MAT 26:25	Be Judas nonei a katuun te haröto nanoien e poeiena, “O Tsunono, esi nonei? Alia romana?” Be Iesu e poeiena i tanen, “Alö peisa has te ranga namen.”
24160	MAT 26:37	Ba nonei e la meraiena ere Pita mera huol pien tson tere Sebedi, a torinen e tiama koru me taatagi koruna.
24170	MAT 26:47	A pöata te ranga noaia e Iesu, be Judas, a töa tara maloto na huol a katunun tsitsilo i tanen, te tukuna. Nonei e peigi rema u katuun u parpara koru ti söatema a man lahoton hiatatung na man baru. U pris pan turu lotu na pal kapan turu Jiu ti hala ramen.
24172	MAT 26:49	Ema pina töa ii be Judas te tukuna me la uana tere Iesu me poeiena, “A tsi bong, o Tson Hihatuts.” Be Judas e mutsi nanen i abuabunen.
24201	MAT 27:3	E Judas nonei a katuun te hala menai e Iesu turu katuun ti paköeien, nonei e tara marei ti hopö kap hamanasa menaien e Iesu tega mate uen. Ba nonei e palisena u hakhakats i tanen me lu pouts mena nei u topisa u maloto a moni silva turu pris pan na tara pal kapan turu Jiu.
24203	MAT 27:5	Be Judas e lapo ba nena a moni tara Luman Lotu Pan me lana, ba nonei ena hakutena.
24225	MAT 27:27	Bu soldia tere Pailat e lu menari e Iesu tara luma tere gamman, ba u soldia hoboto emi gono hahise ren.
24252	MAT 27:54	Ba tsunono turu soldia na u soldia i tanen ti pepeito kapiin e Iesu e tarer a mamanaka te butu, na nun has, ba nori e matout korur me poeier, “U mana koru lahas nonei a Pien Tson hamana tere Sunahan!”
24254	MAT 27:56	Na i gusuren e Maria Matalina na e Maria e tsinana ere Jemis mere Josep, ne tsinana a galapien tson tere Sebedi ere Jemis mere Jon.
24263	MAT 27:65	Be Pailat e poeiena i taren, “Lu raiam u soldia batena taratara kap haniga nitöa ner a kiou.”
24264	MAT 27:66	Ba nori e lar, mena harokoto kap ner a hatun pilpili na tara kiou, ba nori e haka rer a palair u soldia tegi taratara kapiin a kiou.
24268	MAT 28:4	Ba u soldia e matout korur ba nori e toltololor me hererari u katuun u mate.
24275	MAT 28:11	Tara pöata ti la poutsia a touhaliou, ba a palair u soldia e la pouts uar tara taun mena hahatei rari u pris pan a manka hoboto te butu.
24276	MAT 28:12	Ba u pris pan e gono meraier u pal kapan me kitseier u ranga. Ba nori e hala rari u soldia a moni pan koru me poeier, “Alimiou egona mar ranga merami u katuun teka, ‘U katunun tsitsilo tere Iesu e la rima i bong memi koper u tuenrei i tanen tara pöata te soho mula lam.’
24279	MAT 28:15	Ba u soldia e lueier a moni me katoer a ka ti ranga meraien tegi katoeien. Na nonei u raranga teka ti hatei rai u Jiu hoboto nonei tara pöata bate la nama na e hatei noahas naren i romana.
24289	MRK 1:5	Ba u katuun hobotora tara provins i Judia na u katuun hoboto tara taun i Jerusalem ena hengo ria tere Jon. Ba nori e pokeier a man markato a man omi i taren be Jon e baptais ranen tara ramun i Jodan.
24291	MRK 1:7	Na nonei e habulungana ia turu katuun me poeiena, “A katuun te pan bala nanou lia ena murimuri nama romana. Nonei a tsunono pan, na lia a katuun papala koru ema antunan purese has nagi a kitskitsina u sendol i tanen.
24293	MRK 1:9	Nonei tara pöata teka e Iesu e laba nema a taun i Nasaret tara provins i Galili, be Jon e baptais e nen tara ramun i Jodan.
24300	MRK 1:16	A pöata te tataalaia e Iesu i kotolana tara Ramun i Galili ba nonei e tara raiena u mun toulana ere Saimon mere Endru bate hagala ria i ramun, taraha nori u katunun hagala. Nori i hole ii a kannou i taren a iena.
24303	MRK 1:19	Ba nonei e gamon la lenina me tara lel rena ere Jemis mere Jon a galapien tson tere Sebedi. Nori i kaia iahana a tolaala i taren bate sugeier a man abe i taren.
24304	MRK 1:20	Ba nonei e ngö ranen egi la gono meien. Ba tema pina lel hasnei ba nori te laba naier e tamaren e Sebedi na u tsonun kui tanen iahana a tolaala. Ba nori a huol e la gono meier e Iesu.
24313	MRK 1:29	A pöata ti laba naien a luman lotu ba nori e la uaier tara luma tere Saimon mere Endru, na e Jemis mere Jon i la gono has meraien.
24346	MRK 2:17	E Iesu e hengo ti rangata uaien ba nonei e poeiena, “U katuun tema ka meri ta siki ema antunan la uari tara dokta. E möa. U katuun lasi te ka mer a siki te la uaier tere dokta. Alia uma la sile mei tegomi ngö merai u katuun u niga. E möa. Alia u la silema tegomi ngö merai u katuun u omi.”
24365	MRK 3:8	Nori i lama i Galili na i Judia na i Jerusalem na i Idumia na i hapalana ramun i Jodan na tara man han tara taun i Taia na i Saidon. U katuun u para teka i la uu tere Iesu, taraha nori i hengoein a manka te katoeien.
24374	MRK 3:17	Na e Jemis a pien tere Sebedi ne Jon e toulanen (te hala haseien a solo, e Boanetsis, te poeiena a galapien turu gururu).
24375	MRK 3:18	E Endru na e Pilip ne Batolomio na e Matiu ne Tomas na e Jemis a pien tere Alpius, ne Tadius mere Saimon a toun Kenan, na e Judas Iskariot, a katuun tena hala nanoua e Iesu turu katuun ti korupakö naien.
24459	MRK 5:26	Nonei e tari a parpara a dokta na e hol has raien a moni pan koru, kaba a siki i tanen ema kapa ii. E pan susul hasoala.
24479	MRK 6:3	Nonei a kapenta, a pien tson tere Maria. Na u toulanen ere Jemis mere Josep ne Judas ne Saimon, na u hahinanen e ka has ria i gusu rara teka.” Ba nori e raharahe ren.
24483	MRK 6:7	Be Iesu e ngö rena a maloto na huol a katunun tsitsilo i tanen me tula ranen, a man huol tara man töa man makum. Ba nonei e hala raneien a nitagala tegi tsuga ba meraien u liliahanei. Ba nonei e poeiena i taren, “Möa tu söati ta ka tara nilala i tamilimiou. E möa has tu söateiam ta kannou na ta pora na ta moni. Kaba limiou e tatei luemiou u tukana, na e tatei hasogemiou u sendol na u töa puku u hasobö u ngahangaha.
24493	MRK 6:17	A ka teka e butu silaia te tölo menai e Herot e Herodias a tahol tere toulanen e Pilip. Be Jon a tsonun baptais e ranga mena e Herot, “Ema matskö nei te tölo mena milö a hahagono i tamölö.” E Herot ema hanigei e Jon ba nonei e hangö nena e Jon ba u katuun i tanen ena pile kap naren mena hake rien tara karabus.
24495	MRK 6:19	E Herodias e ngil hasi e Jon egi ngats hamati, kaba ema antuna ii taraha,
24497	MRK 6:21	A pöata e butu hakapa turu lan te hakats naia e Herot u lan ti posa meien. E Herot e katoe a pannen a kannou me hangö rena u katuun pan tara gamman i tanen na u kapten pan turu soldia i tanen na pal kapanira i Galili.
24498	MRK 6:22	Pöata te tasuma a pien tahol tere Herodias memi sanina, be Herot nu katuun ti ka gono meien tara kannou e sasaala korur. Be Herot e poeiena tara pien tahol teka, “Rangate mei lia ta ka ba lia te hale goien lö.”
24503	MRK 6:27	Ba nonei e tahuleiena a töa tsonun taratarakap turu soldia egona söatema a bakuna e Jon. Ba tsonun taratarakap teka e lauana tara luman karabus mena ngats pagotena a bakuna e Jon.