23268	MAT 3:7	Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!
23288	MAT 4:10	Be Iesu e ranga menen me poeiena, “Satan, alö go laba naiou lia! Turu Buku u Göagono i koloto hasiin, ‘Alö go hatsunono uu tere Sunahan. Nonei puku a töa a Tsunono i tamölö tego kukuti lö.’”
23294	MAT 4:16	U katuun ti kaia turu kuhil, nori i tara hakapi u ualesala pan! Na pala ti kaia turu tsiktsiki turu kuhilina tara tou mate, u ualesala pan e alesala uanou i taren.”
23295	MAT 4:17	Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”
23332	MAT 5:29	Tega kato homieia a pal mata tara pal matou i tamölö, balö te hasemen bate ba namen! Taraha, ema niga korunei tegi lapo ba mei u tuenrei hoboto i tamölö turu tula i hel, kaba ema omi bala nei tego tia uu a tsi töa a tsi makum turu tuenrei i tamölö.
23333	MAT 5:30	Tega kato homieia ualima tara pal matou i tamölö, balö te ngats kotsemen bate ba namen! Taraha, e omi koruna tegi lapo ba menai u tuenrei hoboto i tamölö turu tulana i hel, kaba ema omi bala nei tego tia uu a tsi töa puku a tsi makum turu tuenrei i tamölö.”
23408	MAT 7:23	Ba lia te ranga meragouen bate poeiegu, ‘Alia ema atei sil ragi limiou. La ba namou lia! Alimiou u katuun u omi.’”
23439	MAT 8:25	Ba u katunun tsitsilo ena gulie ren me poeier, “O Tsunono, alö go taguhu ramou lam! Ara e katsin ruku hamanasa talara!”
23440	MAT 8:26	Ba nonei e poeiena i taren, “U nihamana i tamilimiou e tetenei koruna! Aha te matout memilimiou?” Ba nonei e takeina me abis hatagalena a lomolomo ba ramun e selohona. Ba lomolomo e hanöana, ba ramun e maraha poutsuna.
23478	MAT 9:30	Ba man mata i taren e takalatana! Be Iesu e ranga hatagala mera nen me poeiena, “E möa tegona hatei mena milimiou ta katuun a ka teka!”
23543	MAT 11:15	Esi te kamena u talinga ega hengo!
23545	MAT 11:17	‘Alam e kohi bera mulo limiou kaba limiou ema sani mulei! Na lam e köma hase mula u hahuri, kaba limiou ema tabe mulei!’
23549	MAT 11:21	Ba nonei e poeiena, “A nomi pan koru e butu noua i tamilimiou u katunura tara taun i Korasin na i Betsaida! Sanena e Sunahan te katoeia a man mar mirakol teka tara taun i Taia na i Saidon, nori sanena i solon harötein tegi tori polasa ba menaien a man markato a man omi i taren, bate hasoger u hasobön mou bate göagöaeier u köahu.
23551	MAT 11:23	Na limiou u katunura i Kapenium e tatei soloseiemiou a peisa milimiou i kolö, kaba e Sunahan e lapo ba has ranoua limiou i hel! Sanena e Sunahan te katoe u mar mirakol teka tara taun i Sodom, a taun i Sodom sanena e ka noa hasina i romana.
23625	MAT 13:17	Na lia e hatei hamana ragou limiou! U propet u para na u katuun u matsköra i manasa i ngilin tara korui a manka te tare milimiou, kaba nori ima antunan tareien. Na nori i ngilin hengo korui a manka te hengoe milimiou, kaba nori ima antunan hengoeien.”
23697	MAT 14:31	Be Iesu e hasöa boroboro nena a limanen me pile nanen me poeiena, “Alö e kamem u nihamana u tetenei koru! Aha tsiponi te hula hakats memulalö?”
23709	MAT 15:7	Alimiou u katuun u gamogamo! E propet Aisaia e ranga hamana koruia tara markato i tamilimiou, me poeiena, ‘U katuun teka e hatsunono tune ria lia turu ranga tuun i taren, kaba i toriren na turu hakhakats i taren e ka halehana ba koru nariou lia.
23712	MAT 15:10	Be Iesu e ngö mera nei u katuun i tanen me poeiena, “Hengoiam, ba limiou te ateimiou!
23724	MAT 15:22	Ba töa taholuna tara provins i Kenan te kaia tara han teka e la uana i tanen bena ranga hataatagina i tanen me poeiena, “O Tsunono, a Hatutubunei tere Devit! Alö go taatagi namou lia! U liliahanei u omi e karia tara pien tahol i tar!”
23725	MAT 15:23	E Iesu ema ranga töa nai tatsi töa tatsi ranga i tanen. Ba u katunun tsitsilo e la uarima tere Iesu me ranga hatagala meren, “Hala ban! Taraha, nonei e kukute mera neira u tabe.”
23758	MAT 16:17	Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.
23763	MAT 16:22	Be Pita e lu mena neien i harerehi mena ranga hapiou menen me poeiena, “O Tsunono, e Sunahan ega hapioun a ka teka! Ego ma tatei butu koruia i tamölö!”
23764	MAT 16:23	Be Iesu e habiritsina me poeiena tere Pita, “Lau i murir o Satan! Alö e hatu kap namou lia. Taraha alö ema hakei mia u hakhakats i tamölö tere Sunahan. Alö e ka lasmem u hakatsin a katuun tuun!”
23783	MAT 17:14	Pöata ti la uamen turu katuun, ba töa katuun e la uanama tere Iesu, me hatukunna i matanen me poeiena, “O Tsunono, alö go taatagi nema a pien tson i tar! Nonei e roron kotskotsibonguna na peisanen e omi koruna, na nonei e roron rus uana turu tula na iahana ramun.
23786	MAT 17:17	Be Iesu e ranga palis ranen me poeiena, “Alimiou u katuun u hahamana koru na limiou ema matskömi! A lahisa pöata ti ka gono meraia lia limiou? Na lahisa pöata ti söateia lia u nikamits i tamilimiou? La mena mumei a pien i tar!”
23803	MAT 18:7	A nomi pan e butu noa romana turu han i puta, taraha a katuun a omi e gono te kato homiena u nihamana turu katuun. Kaba a nomi pan e butu noa romana tara katuun te habute nen!
23804	MAT 18:8	Tega kato homieia a limamölö tsi a moumölö alö, balö te ngats kotsemen bate banamen! Taraha, e niga bala nena tego kamei lö u töa puku u ualima, tsi u töa puku u mou, balö te töan luemou a nitöatöa te ka nitöana. Kaba ema niganei tego kamei lö u huol u ualima tsi u huol u mou balö te lapo baneria turu tulana i hel te ka nitöana.
23828	MAT 18:32	Ba king e ngöeiena a katunun pepeitokap teka me poeiena i tanen, ‘Alö a katuun a omi koru! Alia u palis bei lö a haroho pan tu katoia lö i tar, taraha alö u ranga hataatagi tori koruia i tar.
23891	MAT 20:30	Ba huol a katuun a matakiou te gum talaria i rehina kalana me hengoer te la karasa uu e Iesu ba nori e kur me poeier, “O Tsunono a Hatutubunei tere Devit! Alö go taatagi ramou lam!”
23892	MAT 20:31	Ba u katuun e ranga merarien egi kakamoto. Kaba nori i ku hapan noalasi, “O Tsunono a Hatutubunei tere Devit! Alö go taatagi ramou lam!”
23904	MAT 21:9	U katuun u parpara koru ti mamin e Iesu na u katuun has ti murimurima i tanen i ku bate poeier, “Hosana! Soloseiam a Hatutubunei tere Devit! E Sunahan ega kalali esi te la nama tara solona a Tsunono. Hosana! Solosei korueiam a solona e Sunahan iasa koru!”
23959	MAT 22:18	Kaba e Iesu e atei sil hakapi u hakhakats u omi i taren, ba nonei e poeiena, “Alimiou u gamogamo! Aha te katsin torohana sile milimiou alia?
23978	MAT 22:37	Be Iesu e poeiena i tanen, “Alö go ngil korui a Tsunono i tamölö e Sunahan, balö te ngil memien a tui na u namnamei hoboto i tamölö na u hakhakats hoboto i tamölö!
24000	MAT 23:13	E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.
24002	MAT 23:15	“Alimiou u tson ateira tara lo na u Parasi, alimiou u gamogamo! Alimiou e roron la koru uamiou turu tsiktsikina i lehana na i tasi, tego kato menami ta töa ta katuun, a katunun tsitsilo i tamilimiou. Kaba pöata te lu sabe tsipone mia limiou a töa, ba limiou te kato tsipone mien a katuun a omi koru tena hahune ria romana i hel. Na limiou e katoe men ba nonei te omi bala koru len ranou limiou.
24004	MAT 23:17	Alimiou u katuun u matakiou u tutu! Saha ka te panina, a goul, tsi a Luman Lotu Pan te hagöagonena a goul?
24006	MAT 23:19	Alimiou u katuun u matakiou! Aha te panina, a manka te kana tara makumun haats? E möa. A makumun haats te hagöagonena a manka te kana i tanen, nonei te panina.
24010	MAT 23:23	“Alimiou u tson ateira tara Lo na limiou u Parasi, a niomi pan e butuna romana i tamilimiou! Alimiou u gamogamo! A mamana matsi kaan hasoksoka a matsi tetenei te kana tara kui, alimiou e roron patsike men ba limiou te halemi e Sunahan a man hamalotona a man makum. Na markato te hala menari a hamalotona makum tere Sunahan e nigana. Kaba limiou e totone miou a mar hihatuts a kapan tara Lo te markato uana teka: a markato te hamou hamatskö menari u raranga turu katuun, na markato te taatagi mera nei e Sunahan u katuun, na markato a mana.
24012	MAT 23:25	“Alimiou u tson ateira tara Lo na u Parasi, a niomi pan e butunoa i tamilimiou, u katuun u gamogamo! Alimiou e roron kato hagogosemiou a murina a kap na pelete, kaba iahanen e korkorianana, te kato has uana a torimilimiou te habutena a markato tara kop na te hagua be menami limiou u ngilngilina turu tuenrei.
24013	MAT 23:26	Alimiou u Parasi u matakiou! Alimiou go kato hagogoso mam meiam a torimilimiou, ba markato i tamilimiou te niga has noa i biou.
24014	MAT 23:27	“A niomi pan e butunoa i tamilimiou u tson ateira tara lo na u Parasi, u gamogamo! Taraha alimiou e heremi u kioun mate te tara ha hiaka hanigan töana ielesala, kaba i iogana e saputena u tsinön mate na mamanaka a koreme.
24016	MAT 23:29	Be Iesu e ranga lenina me poeiena, “A niomi pan e butunoa i tamilimiou u tson ateira tara Lo na u Parasi, alimiou u katuun u gamogamo! Alimiou e roron kuiemiou u kahokaho u niga turu propet ti mate bate hake miou a manka a man tara hanigan töa turu kahokaho turu katuun u matskö.
24018	MAT 23:31	Ba turu raranga i tamilimiou, alimiou e hatara marei nemiou te hatutubunei uami limiou turu katuun ti atung hamatir u propet i manasa!
24020	MAT 23:33	“Alimiou u katunur tara kökötsi a omi na u gamogamo! E möa koru tego antunan bus ba mena milimiou romana a nihahuna i hel.
24024	MAT 23:37	Be Iesu e poeiena, “A tei Jerusalem, atei Jerusalem, alimiou e roron atung hamate ramiou u propet bate titi hatu ramiou u katuun te hala mera mei e Sunahan i tamilimiou! A pöata a para alia i ngilin gono mera mei limiou i tar bate hatongo kap ragou limiou, temar gono mena nei a keriou u tuna i kopina pakapakanen. Kaba limiou ema ngil mi!
24045	MAT 24:19	A nitaatagi pan koru e kana romana tara touhaliou te kamer romana u pika nonei tara pöata, na tara touhaliou te hihasusur romana!
24051	MAT 24:25	Hengoiam! Alia e hatei mammam ragilimiou a ka teka i mamina a pöata tena butu nen romana.
24097	MAT 25:20	Ba tson pepeito kap te lui a tolima a talen moni, e la nama memi hala nena a moni i tanen me hala gono meneien a tana a tolima a talen moni i tanen me poeiena, ‘O tsunono, alö u hale lei lia a tolima a talen moni i tamölö. Tara! A tana a tolima a talen moni has teka tu lui lia.’
24099	MAT 25:22	“Ba tana tson pepeito kap ti halei a huol a talen moni e la nama memi poeiena, ‘O tsunono, alö u halei lia a huol a talen moni i tamölö. Tara! Alia i kui habutu leli a tana huol a talen moni len.’
24102	MAT 25:25	Alia u matout ba lia ena hamouse gia a moni i tamölö turu tsiktsiki. Tara! A moni i tamölö teka.’
24103	MAT 25:26	Ba katuun pan i tanen e poeiena, ‘Alö a tson pepeito kap a omi na karous! Alö e poeiem alia ema kui gi kaba lia e roron luegou a hihol tara toukui tara tana katuun?
24136	MAT 26:13	Na lia e hatei hamana koru ragou limiou! Tara mamana han hoboto i puta tena hihatuts naria romana u Bulungana u Niga, nori ena hihatuts nariou a ka a niga te katoe lala a tahol teka, ba u katuun tena hakats kap nitöa narouen bate rarare ren romana.”
24168	MAT 26:45	Ba nonei e la pouts uana turu katunun tsitsilo i tanen me poeiena i taren, “Alimiou e soho noahas miou na e husa noahas miou? Hengoiam! A pöata e butu hakapa. Alia tu butun Katunuma e hala tala naria tara nitagala turu katuun u omi.
24222	MAT 27:24	E Pailat e atei sili nonei ema antunan kato len nai taka, na u katuun i tanian hiagetageta hamanasa. Ba nonei e luena u ramun me galusena a limanen i matar u katuun hoboto, me poeiena, “Alia u möa ta ka ta omi tego ha atung hamate sil mei lia a katuun teka! A ka peisa i tamilimiou.”
24237	MAT 27:39	Bu katuun ti hula laia i matanen e ranga hangisei ria tere Iesu me tsibtsibil ner a bakuren me poeier, “Alö a katuun te tatei rureiem a Luman Lotu Pan bate kui poutse men turu topisa u lan, taguhi a peisa mölö! Tego Pien Tson uu lö tere Sunahan, bara, koul talama tara kuruse!”
24239	MAT 27:41	Ba u pris pan na u tson ateira tara Lo na pal kapan e markato has uar iesana ti ranga hangisei uen bate poeier, “Nonei e taguhu hanigeir a palair u katuun, gehana ba nonei tema antunan taguhu poutsenei a peisanen? Nonei a Kingina i Israel, Ga nonei ega koul ba tala nema a kuruse bara te hamane ren!
24706	MRK 10:49	Be Iesu e tuoluna me poeiena, “Ngöe muma.” Ba nori e ngöeier a katuun a matakiou me poeier i tanen, “Nigana ba! Takei tala. Nonei e ngöe noulö.”
24718	MRK 11:9	U katuun ti mam na u katuun has ti kutema i ku hoboto bate poeier, “Soloseiam! Hatsunoneiam a katuun te la nama tara solona a Tsunono!
24730	MRK 11:21	Be Pita e hakats sabe nena nonei u ruei me poeiena tere Iesu, “Tson Hihatuts, tara! U ruei tu ranga homin lö e lango hakapa.”
24977	LUK 1:15	Taraha? Nonei ena katuun pan noa i matana a Tsunono. Ba nonei tema tatei ue noi u uain na u ramun u hiski. Na nonei e saputu menou romana u Namnamei u Göagono i mam has tegi posa menaien!
24982	LUK 1:20	Na u raranga i tar e butu hamana nou romana tara pöata hamatskö i tanen. Kaba hengo! Alö e biru mou batema antunan ranga moui e antunana tego butu hamana uu a manka teka! Taraha? Alö ema hamanemi u raranga i tar!”
24998	LUK 1:36	Hengo! A tou sungutu mölö e Elisabet e pika hasena a pien tson! Nonei e toböana koruna na nori i ngöeien a tahol a kuba, kaba nonei e pika hamanasena a tönomo a tsihou!
25028	LUK 1:66	Ba u katuun hoboto ti hengoeien e hakhakatsir me poeier, “A pien teka e katuun pan nou romana! Taraha? A nitagala tara Tsunono e kana i tanen.”
25029	LUK 1:67	Be tamana pien, e Sakaria, e saputu mena u Namnamei u Göagono, ba nonei e katoena u rangan propet me poeiena: “Aragi solosei e Sunahan a Tsunono na i Israel! Taraha? Nonei emi taguhu renara u katuun i tanen, bate sakahis pouts ranoura.
25053	LUK 2:11	A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!
25055	LUK 2:13	Ba u angelo u para koru ri Kolö e singotei butu gono mer a angelo teka. Ba nori e soloseier e Sunahan me poeier, “Solosei iam e Sunahan i Kolö iasa koru! Na tara han i puta, u katuun te haniga rena e Sunahan e tatei ka ria tara masalohana!”
25101	LUK 3:7	U katuun u parpara i la uama tere Jon tegimi habaptais uaien i tanen. Ba nonei e poeiena, “Alimiou u kökötsi u katuun u gamogamo! Alimiou ema antunan bus ba namoi a raharaha tere Sunahan te butu nou!
25102	LUK 3:8	Alimiou go palis ba naiam a markato a omi, bate kato hamana koru uamou te kato uana a katuun te palis ba nena a markato a omi. Alimiou goma mar hakats uami teka: ‘Alam e nigam. Taraha? E Abraham e tubumulam.’ Alia e hatei ragou limiou, e Sunahan e antunan katoe noi u marats teka a hun katuun tere Abraham! E Sunahan ema haniga papale nei a katuun te pala uana tere Abraham. E möa. E hanigeiena a katuun te kukutiena u raranga tere Sunahan.
25165	LUK 4:33	A töa katuun te ka mei a liliahanei a omi i peisanen e kaia tara luman lotu. Ba nonei e ku hohomi hapan koruna me poeiena, “Pua! O Iesu na i Nasaret, alö banei go haka ba raiou lam! Alö emi katsin kato homi ramou lam! Alia e atei silegu alö a Katuun a Göagono tere Sunahan!”
25184	LUK 5:8	Be Saimon Pita e tarena a manka teka, ba nonei e hatukunna i mouna e Iesu me poeiena, “Alö ego laba naiou lia, o Tsunono! Alia a katuun a omi!”
25197	LUK 5:21	Ba u tson hihatuts tara Lo na u Parasi e tanian hiarangrangatar me poeier, “Te ha uanen ba nonei temar ranga uana teka? Nonei e katsin guleiena a nitsunono tere Sunahan! E möa ta töa tego tatei luban a markato a omi, e Sunahan puku lasi a töa!”
25235	LUK 6:20	E Iesu e tara uu turu katunun tsitsilo i tanen me poeiena, “Sasaalaiam, alimiou ti möa ta ka. Taraha? A Nipepeito tere Sunahan e ka uana i tamilimiou!
25236	LUK 6:21	Sasaalaiam, alimiou te bes miou i romana. Alimiou e hamasul rariou! Sasaalaiam, alimiou te tabe miou. Alimiou e golgol mou!
25238	LUK 6:23	“Sasaalaiam tara pöata te butuna romana a manka teka, bate sani memiou a nisasaala! Taraha? U hamatana pan e haka bera rilimiou i Kolö. U tuburen i markato homi has merai u propet u niga teka.
25240	LUK 6:25	A nomi e ka uanou i tamilimiou te masul miou. Alimiou e na bes mou! A nomi e ka uanou i tamilimiou te golgol miou. Alimiou e ton mou bate tabe miou.
25257	LUK 6:42	Aha te pei mölö tere toulamölö, ‘Alia ego luban a tsi köahu i matamölö’ ba lö tema taremi a makumun ruei i matamölö pouts? Alö a gamogamo! Luba mam bin a makumun ruei te kana i matamölö, ba lö te tara haniga mou bate töan luba nem a tsi köahu i matana e toulamölö.”
25280	LUK 7:16	U katuun hoboto i matout koru, me solo seier a solona e Sunahan me poeier, “A propet te kamena a solo pan e butu hakapaia i gusurara! E Sunahan e la silema e gomi taguhir u katuun i tanen!”
25289	LUK 7:25	Tsi alimiou u la sileiam tegona tara menami a katuun te hasogo haniga koruna? Kaba a mar katuun teka e kana tara luma pan a tsimala koru. E ma tatei ka neia tara makum a palaka!
25296	LUK 7:32	Alimiou e here rami a galapien te hirata ria tara makumun töana, ba palai i taren te poeier, ‘Alam e katoe mula u kömana tara hitöl, kaba limiou ema sani mulei! Na lam e hahuri has mula, kaba limiou ema tabe mulei!’
25298	LUK 7:34	Na lia tu butun Katunuma e tatei nouegu a mamana kannou na e tatei ua hasegu uain. Ba limiou e pei miou, ‘Pua! Nonei a katuun a nonou pala na uaua pala! Na nonei e kapiena has rena u tson lulu takis na u palair u katuun u omi!’ Alimiou emar ranga uamiou teka.
25314	LUK 7:50	Be Iesu e poeiena tara tahol, “U nihamana i tamölö e lu poutse lalou lö! La tala, a torimölö e tatei tagolala poutsuna.”
25338	LUK 8:24	Ba nori e guleier e Iesu me poeier, “Tsunono, Tsunono! Ara e katsin ruku talara!” Ba nonei e takeina me abis hatagaleiena a lomolomo nu ramun te posa here mei u tasi pan. Ba lomolomo e la puta poutsuna ba seloho pan e butuna.
25342	LUK 8:28	Pöata te tareien e Iesu, ba nonei e ku hapanina me tuhatukun nena i matana e Iesu. Ba nonei e ku hohomi koruna me poeiena, “O Iesu a Pien Tson tere Sunahan Iasa Koru! Aha te ngil memi lö alia? Alia e singo hataatagi gia i tamölö, ma hahunei lia!”
25379	LUK 9:9	Be Herot e poeiena, “Alia u hangats pagotein e Jon! Gesi nonei a katuun te roron hengo negu lia?” Ba nonei e ngilin tara koru nena e Iesu.
25408	LUK 9:38	Ba töa katuun e kuna i gusur u katuun, “Tson Hihatuts, alia e singo hataatagi gia i tamölö, alö gona röto tara töa puku a pien tson i tar!
25411	LUK 9:41	Be Iesu e ranga palisina, “Alimiou u katuun u hahamana na limiou ema matskömi! Alia e sökana koru megu a nihahamana i tamilimiou! Hala mena mei a pien tson i tamölö i tar.”
25442	LUK 10:10	Kaba tena butu moa limiou tara töa taun bu katuun tema haniga rari limiou, ba limiou tena tuol mia i maroro bate ranga meramen, ‘Alam e tohu ba nem u köahu tara taun i tamilimiou te rokotona i moumulam! Kaba limiou go hakats haniga iam: a Nipepeito tere Sunahan e la hasusuku hakapa uama i tamilimiou, kaba limiou ema ngil tsipone mien!’
25445	LUK 10:13	E Iesu e hihatuts me poeiena, “A nomi pan koru e butuna romana i tamilimiou u katunura i Korasin na i Betsaida! Sanena a man mirakol ti katoeia i gusumilimiou ti kato mameia i Taia na i Saidon i iomin, nori sanena i tori tsuga ban a man markato a man omi i taren bate ka ria turu gum.
25451	LUK 10:19	Hengoiam! Alia u hala hakapa railimiou a nitagala tego tötö mera milimiou u kökötsi na u kökoto. Na lia u hala hakapa has railimiou a nitagala tego tagala saluhe mena milimiou a nitagala hoboto tere Satan, a katuun te pakö ranou ra. Na e möa nou romana ta ka tega kato homi raiou limiou.
25453	LUK 10:21	Nonei has tara pöata, e Iesu e ka mei a nisasaala pan turu Namnamei u Göagono me poeiena, “O Tamar, alö a Tsunono pan i Kolö na i puta! Alia e haniga koru megia i tamölö te hamous me milö u raranga u mana turu katuun te poeier e ka mer a niatei, bate haröto namen turu katuun papala tema atei balari. Aa, O Tamagulia, alö e markato uaiem teka turu ngil peisa i tamölö balö te sasaala memen.”
25455	LUK 10:23	Be Iesu e habirits uana turu katunun tsitsilo me poeiena i taren pepeisa, “Sasaalaiam a man mata te tarer a manka te tare milimiou!
25473	LUK 10:41	Ba Tsunono e ranga palise nen, “O Marta, Marta! Alö e toku korum na e hakats hatagala nem a mamanaka.
25481	LUK 11:7	Na hahikapien i tamölö e tatei soul nama iahana luma, ‘Ma tuke balei lia! A tamana e pili hakapa lala, na lam mera galapien i tar e opöm, na lia ema takei goui bate hale gouilö ta ka.’
25505	LUK 11:31	Turu Lanin Hahuna i murimuri, a tetahol panina i Siba e takei nou bate saka ranoui u katunura i romana u ranga. Taraha? Nonei a tetahol te lama i lehana koru tegomi hengo menai u hihatuts u niga tere Solomon a King. Na i romana a katuun te pan bala nena e Solomon e kana teka, kaba limiou ema hengoe mien!
25514	LUK 11:40	Alimiou u tutu! E Sunahan te kato u tuenreina ielesala na u tuenrei hasina iogana.
25520	LUK 11:46	Be Iesu e ranga palisina me poeiena, “A nomi pan e butuna romana i tamilimiou has u tson hihatuts tara Lo! Alimiou e roron hake mia a man nitiama turu katuun bate lagi sösöate ren, kaba limiou e namala taguhu ramien.
25533	LUK 12:5	Alia e hatei ragi limiou esi tego matouteiam limiou: alimiou go matouteiam e Sunahan. Taraha? Nonei e antunan kato hamatiena u tuenrei, na nonei e ka has mena a nitagala tego lapo ba meraien u katuun i hel! Aa, alia e ranga mera goulimiou, nonei tego matouteiam limiou!
25547	LUK 12:19	Ba lia te ranga pouts megou romana a peisar bate poeiegu, Möa lel! Alia e ka megu a mamanaka a niga te antunan kaka pala nou turu hiningal u parpara. Balia te nou haniga gou bate uagu, bate roro haniga gou bate sasaalagu.’
25548	LUK 12:20	Be Sunahan e poeiena i tanen, ‘Alö a katuun a tutu! Tara bong i romana noahas ba lö te mate mou! Gesi te lue nou a mamanaka hoboto ti haputi lö?’”
25552	LUK 12:24	Rötoiam turu apena te ngö rari u kokou. Nori ema leberi a kannou na ema hagala hase rien, na nori ema ka has meri ta luman haputu tara kannou. Kaba e Sunahan noahas te hanou ranen! Na limiou e niga bala ramiou u apena!