23417	MAT 8:3	Be Iesu e hasoa nena a limanen ba nonei e sebele nen. Me poeiena, “Alia e ngilegu. Alö go gogoso!” Ema mala pinatöai ba toba i tanen te taiana.
23439	MAT 8:25	Ba u katunun tsitsilo ena gulie ren me poeier, “O Tsunono, alö go taguhu ramou lam! Ara e katsin ruku hamanasa talara!”
23441	MAT 8:27	Nori i asingoto koru me poeier, “A saha a mar katuun koru teka? A lomolomo na u ramun e hengo korueren!”
23443	MAT 8:29	Ba huol e ku hohomi korur me poeier, “A Pien Tson tere Sunahan, alö emi hamia i tamulam? Alö goma hakamits mam railam, a pöatan hahuna i tamulam e kanoana!”
23475	MAT 9:27	A pöata te la ba naia e Iesu a han teka, ba huol a katuun a matakiou e kukutie ren me ku hapanir me poeier, “A Hatutubunei tere Devit alö go taatagi ramou lam!”
23478	MAT 9:30	Ba man mata i taren e takalatana! Be Iesu e ranga hatagala mera nen me poeiena, “E möa tegona hatei mena milimiou ta katuun a ka teka!”
23481	MAT 9:33	Be Iesu e tsuga ba nena a liliahanei a omi ba katuun e töan ranga poutsuna. Ba u katuun e asingoto korur me poeier, “E möa koru ta töa ta marka teka tego butu noa buia i Israel!”
23482	MAT 9:34	Kaba u Parasi i ranga me poeier, “A tsunono turu liliahanei te haleien a nitagala tego tsuga ba meraien u liliahanei u omi!”
23534	MAT 11:6	Na esi a katuun te hamana nitöa uana i tar e sasaala nou!”
23651	MAT 13:43	Ba u katuun u matskö te alesala hereri romana a pitala tara Nipepeito tere Tamaren. Na lö a katuun te ka mem u talinga alö go hengo haniga!”
23670	MAT 14:4	Taraha e Jon e ranga mei e Herot me poeiena, “E ma niga koru nei tego tölo menai lö e Herodias!”
23672	MAT 14:6	Na turu lan ti hatöatongeia u lan ti poseia e Herot ba nori e katoeier a kannou pan na u hirata, ba pien tahol a kukubei tere Herodias e sanina i matar u katuun hoboto ti kaia tara kannou. Be Herot e haniga korueiena te sani uen, me ranga hamana koru menen turu ranga te mana uana iasa me poeiena, “Ta saha ta ka te ngile moa lö i tar, alia e hale goien lö!”
23692	MAT 14:26	Ba pöata ti tareia u katunun tsitsilo te tataala uama e Iesu ioluna u ramun, ba nori e toltololo koru mer a nimatout. Nori i ku hohomi koru me poeier, “A liliahanei!”
23693	MAT 14:27	Be Iesu e ranga boroboro uana i taren me poeiena, “Alia ba. Möa tu matout iam!”
23696	MAT 14:30	Kaba pöata te tareien a lomolomo ba nonei e matout koruna, me tanian rukuna. Ba nonei e ku uana tere Iesu me poeiena, “O Tsunono, taguhe moulia!”
23699	MAT 14:33	Ba u katunun tsitsilo ti kaia tara tolaala e hatsunoner e Iesu me poeier, “U mana koru, alö a Pien Tson tere Sunahan!”
23703	MAT 15:1	Ba palair u Parasi na u tson hihatuts tara Lo i la uama i Jerusalem me la uarima tere Iesu memi rangate ren, “Taraha tsiponi ba u katunun tsitsilo i tamölö te hipus ner u hihatuts ti halan u katuun pan i tarara i manasa? Nori ema galus mameri a limaren bate töan nour!”
23724	MAT 15:22	Ba töa taholuna tara provins i Kenan te kaia tara han teka e la uana i tanen bena ranga hataatagina i tanen me poeiena, “O Tsunono, a Hatutubunei tere Devit! Alö go taatagi namou lia! U liliahanei u omi e karia tara pien tahol i tar!”
23727	MAT 15:25	Kaba a tahol e lama memi hatukunna i matanen me poeiena, “O Tsunono, taguhe moulia!”
23752	MAT 16:11	E ha koruna ba limiou tema atei sile mulei, alia ema ranga silegulei a beret? Kaba hanei sileiam u is turu Parasi na u Sadiusi!”
23763	MAT 16:22	Be Pita e lu mena neien i harerehi mena ranga hapiou menen me poeiena, “O Tsunono, e Sunahan ega hapioun a ka teka! Ego ma tatei butu koruia i tamölö!”
23764	MAT 16:23	Be Iesu e habiritsina me poeiena tere Pita, “Lau i murir o Satan! Alö e hatu kap namou lia. Taraha alö ema hakei mia u hakhakats i tamölö tere Sunahan. Alö e ka lasmem u hakatsin a katuun tuun!”
23774	MAT 17:5	Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”
23776	MAT 17:7	Be Iesu e la uanama i taren me sebele ranen me poeiena, “Takei iam. Alimiou goma matoutmi!”
23786	MAT 17:17	Be Iesu e ranga palis ranen me poeiena, “Alimiou u katuun u hahamana koru na limiou ema matskömi! A lahisa pöata ti ka gono meraia lia limiou? Na lahisa pöata ti söateia lia u nikamits i tamilimiou? La mena mumei a pien i tar!”
23891	MAT 20:30	Ba huol a katuun a matakiou te gum talaria i rehina kalana me hengoer te la karasa uu e Iesu ba nori e kur me poeier, “O Tsunono a Hatutubunei tere Devit! Alö go taatagi ramou lam!”
23892	MAT 20:31	Ba u katuun e ranga merarien egi kakamoto. Kaba nori i ku hapan noalasi, “O Tsunono a Hatutubunei tere Devit! Alö go taatagi ramou lam!”
23894	MAT 20:33	Ba nori i ranga paliseren me poeier, “O Tsunono, alam e ngilin taram!”
23904	MAT 21:9	U katuun u parpara koru ti mamin e Iesu na u katuun has ti murimurima i tanen i ku bate poeier, “Hosana! Soloseiam a Hatutubunei tere Devit! E Sunahan ega kalali esi te la nama tara solona a Tsunono. Hosana! Solosei korueiam a solona e Sunahan iasa koru!”
23908	MAT 21:13	Ba nonei e poeiena i taren, “I koloto has naia turu Buku u Göagono, ‘A luma i tar e ngöeri romana a luman singo.’ Kaba limiou e kato here tsipon namien a kioun mous turu kopkop!”
23910	MAT 21:15	Ba u pris pan na u tson hihatutsur tara Lo e raharaha mer ti tara menaien u mamana u mirakol te katoeien, na ti ku uu a galapien iahana a Luman Lotu Pan bate poeier, “Hosana! Soloseiam u Hatutubunei tere Devit!”
23914	MAT 21:19	Ba nonei e tarena u töa u ruein fik i rehina maroro ba nonei e la uana i tanen, mena lagi sakesakena ta hua. E ka las mei a kala tuun. Ba nonei e poeiena turu ruein fik, “Alö ema antunan hua lel moi!” Ba nonei puku noahas tara pöata te rangaien ba u ruein fik e langona.
24023	MAT 23:36	Alia e ranga hamana koru mera goulimiou, a nihahuna tara man markato teka e lue mou limiou u katunura i romana!”
24132	MAT 26:9	Sanena u uapi teka tegi haholin, bate lueri ta moni ta para bate hala rari u katuun ti möa ta moni!”
24156	MAT 26:33	Be Pita e rangana me poeiena i tanen, “U katuun hoboto teka e laba nariou lö romana, kaba lia ema antunan laba nagilö romana!”
24189	MAT 26:66	Ga ha te poemi limiou?” Ba nori e ranga palisir me poeier, “Nonei egi atung hamati!”
24197	MAT 26:74	Be Pita e ranga homi nena a peisanen me poeiena, “E Sunahan e tatei hahune noulia tegoma ranga hamana uai lia. Alia ema atei silegi a katuun teka!” Ba keriou e kekeretskö hamanasana.
24202	MAT 27:4	Ba nonei e poeiena, “Alia u kato a markato a omi koru ti hala menai lia a katuun tema kato homiei ta töa taka, ba nonei tena mate nou!” Ba nori e poeier, “Ema ka uanei i tamulam. A ka i tamölö pepeisa.”
24219	MAT 27:21	Be gamman e rangata lel ranen, “Esi tara huol a katuun teka te ngile milimiou tegi hapuresi?” Ba nori i poeier, “E Barabas!”
24220	MAT 27:22	Be Pailat e rangata ranen me poeiena, “Ga saha ka te katoe gou lia tere Iesu te ngöeri e Kristo?” Ba nori hoboto e poeier, “Nila namia tara kuruse!”
24221	MAT 27:23	Be Pailat e poeiena, “E ha koruna? A saha ka omi te katoeien?” Ba nori e ku sei bala tuun len meier, “Nila namia tara kuruse!”
24223	MAT 27:25	Ba u katuun hoboto e hatanganar me poeier, “A nihahuna tara tou mate i tanen e tatei la uana i tamulam na tara galapien i tamulam!”
24227	MAT 27:29	Ba nori e hil haperperere ier a kolits a hihitoka me hasoge ren i bakuna e Iesu, ba nori e hapile rien a tsi ruei tara pal matou i tanen. Ba nori e hatukun ria i matanen me hahakosir me poeier, “Solosei iam a King turu Jiu!”
24237	MAT 27:39	Bu katuun ti hula laia i matanen e ranga hangisei ria tere Iesu me tsibtsibil ner a bakuren me poeier, “Alö a katuun te tatei rureiem a Luman Lotu Pan bate kui poutse men turu topisa u lan, taguhi a peisa mölö! Tego Pien Tson uu lö tere Sunahan, bara, koul talama tara kuruse!”
24241	MAT 27:43	Nonei e hamanana tere Sunahan ba nonei te poeiena nonei a Pien tson tere Sunahan. Bora, ge Sunahan ega ngil taleien bate taguhe nen!”
24245	MAT 27:47	Ba palair u katuun ti tuol ia i susuku e hengor me poeier, “A katuun teka e ngöeiena e Elaitsa!”
24247	MAT 27:49	Ba palai e poeier, “Haka banaiam, bara te tarera tega la uama e Elaitsa batemi taguhe nen!”
24252	MAT 27:54	Ba tsunono turu soldia na u soldia i tanen ti pepeito kapiin e Iesu e tarer a mamanaka te butu, na nun has, ba nori e matout korur me poeier, “U mana koru lahas nonei a Pien Tson hamana tere Sunahan!”
24307	MRK 1:23	Ba töa tson te ka mei a liliahanei e butunama me ku hapan koruna me poeiena, “O Iesu na i Nasaret. Aha te katoeie mölö i tamulam? Alö emi katsin kato homi ramou lam? Alia e atei sile goulö, alö a Katuun a Göagono tere Sunahan!”
24311	MRK 1:27	U katuun hoboto i asingoto koru me hia rangrangatar me poeier, “Aha nonei teka? U mar hihatuts u tsimus? A katuun teka e ka mena a nitagala tego ranga meraien u liliahanei ba nori te hengoe ren!”
24341	MRK 2:12	Ba katuun teka e takeina me söatena a pöapöa i tanen i matar u katuun hoboto me lana. Ba u katuun e asingoto korur me soloseier e Sunahan me poeier, “Ara ima mala tarei ta ka tego markato uu teka!”
24368	MRK 3:11	Tara man pöata ti tara reia u katuun ti kamei u liliahanei e Iesu, ba nori te hatukun ria i matanen. Ba nori te ku hapanir bate poeier, “Alö a Pien Tson tere Sunahan!”
24499	MRK 6:23	Ba nonei e ranga mena a pien tahol teka, “E mana nitöana tere Sunahan iasa koru alia e ranga hamana megou lö, a saha ka te rangata namou lö alia e hale goien lö, alia e antunan hala hase goilö a hapalana u tsiktsiki te kana tara nipepeito i tar!”
24500	MRK 6:24	Ba pien tahol teka e lakasana mena rangatena e tsinanen me poeiena, “Ta saha taka tegona hateien lia?” Be tsinanen e poeiena, “A bakuna e Jon a tsonun baptais!”
24525	MRK 6:49	Kaba pöata ti tareien e Iesu te tataala uaien turu ramun ba nori e hanei naren me poeier, “A liliahanei!”
24719	MRK 11:10	E Sunahan e kalalena romana a katuun temar pepeito kap uana romana temar pepeito kap uu e tuburara e Devit i manasa. Solosei korue iam e Sunahan!”
24908	MRK 15:13	Ba nori e ku pouts uaier i tanen “Nila namia tara kuruse!”
24909	MRK 15:14	Be Pailat e rangata ranen, “E hana? A saha ka a omi te katoeien?” Kaba nori i ku hapan koru noa lahas, “Nila namia tara kuruse!”
24982	LUK 1:20	Na u raranga i tar e butu hamana nou romana tara pöata hamatskö i tanen. Kaba hengo! Alö e biru mou batema antunan ranga moui e antunana tego butu hamana uu a manka teka! Taraha? Alö ema hamanemi u raranga i tar!”
25022	LUK 1:60	Kaba e Elisabet e pei, “E möa, a solonen e ngöe roui e Jon!”
25023	LUK 1:61	Ba u katuun e poeier i tanen, “E möa ta töa tara sungutu mölö tegi ngöei e Jon!”
25055	LUK 2:13	Ba u angelo u para koru ri Kolö e singotei butu gono mer a angelo teka. Ba nori e soloseier e Sunahan me poeier, “Solosei iam e Sunahan i Kolö iasa koru! Na tara han i puta, u katuun te haniga rena e Sunahan e tatei ka ria tara masalohana!”
25057	LUK 2:15	Pöata ti la pouts uu angelo i Kolö, ba u katunun pepeito kap turu sipsip e hiararangar me poeier, “Aragi la boroboro uu i Betlehem bara tena tarera a ka te butu lala, te hatei rela leira a Tsunono!”
25076	LUK 2:34	Be Simion e kalala ranen me poeiena tere Maria, “Pöata te pan hakapa noa a pien teka, nonei e kato harus ranou, ne hala sei ranou u katuun u parpara ri Israel. Ba nonei te here noi a hatöatongo te ranga hasuala nariou u katuun. Na a man hakats i torir u katuun u parpara e haröto nariou romana. Na a nitaatagi pan te here noi u saka e butu has noua i tamölö!” Temar ranga uu e Simion.
25090	LUK 2:48	E tamanen na e tsinanen i asingoto koru hasiin ti tara menaien e Iesu. Be tsinanen e poeiena i tanen, “A pien i tar, taraha tsiponi balö te markato uaiem teka i tamulam? Alia ne tamamölö u lagi sakesake mölö me toku korum!”
25135	LUK 4:3	Be Satan e poeiena i tanen, “Tego Pien uu lö tere Sunahan, alö go ranga ba marats teka te palis uana tara beret!”
25139	LUK 4:7	Te hatukun moa lö i matar bate hatsunone moulia, ba manka hoboto teka te ka uanou i tamölö!”
25153	LUK 4:21	Ba nonei e tanian rangana i taren me poeiena, “U raranga tere Sunahan te hengoe mula limiou e butu hamana lala i romana!”
25165	LUK 4:33	A töa katuun te ka mei a liliahanei a omi i peisanen e kaia tara luman lotu. Ba nonei e ku hohomi hapan koruna me poeiena, “Pua! O Iesu na i Nasaret, alö banei go haka ba raiou lam! Alö emi katsin kato homi ramou lam! Alia e atei silegu alö a Katuun a Göagono tere Sunahan!”
25167	LUK 4:35	Be Iesu e ranga mena a liliahanei, “Kakamoto, ba lö te lakasa ba nem a katuun!” Ba liliahanei e lapo ba nena a katuun i puta i mataren hoboto, me lakasa ba nanen, nonei ema kato homi haseien.
25168	LUK 4:36	Ba u katuun hoboto e asingotor me hiararangar, “U saha u mar raranga teka? Nonei e tatei hala nena u raranga u mal u tagala turu liliahanei u omi, ba nori te hengoe ren bate lakasa ba ner a katuun!”
25173	LUK 4:41	A man liliahanei a man omi i lakasa ba hasir u katuun u parpara, me ku hohomir me poeier tere Iesu, “Alö a Pien Tson tere Sunahan!” Be Iesu e ranga hatagala mera nen me hapiou nena tegima tatei ranga uaien. Taraha? Nori i atei sil nonei e Mesaia.
25184	LUK 5:8	Be Saimon Pita e tarena a manka teka, ba nonei e hatukunna i mouna e Iesu me poeiena, “Alö ego laba naiou lia, o Tsunono! Alia a katuun a omi!”
25186	LUK 5:10	Ti markato has uu ere Jemis mere Jon, a galapien tere Sebedi ti kukui gono mei e Saimon. Be Iesu e poeiena tere Saimon, “Ma matout ii. Alö a katuun a sosooho iena. Kaba tara man pöata te la nama, alö e na lu mera mumei u katuun i tar!”
25189	LUK 5:13	Be Iesu e hasoa nena a limanen me sebele nen me poeiena, “Alia e ngiligu. Alö ego niga pouts!” Ba nonei puku has tara pöata teka ba toba e tia ba nena a katuun.
25197	LUK 5:21	Ba u tson hihatuts tara Lo na u Parasi e tanian hiarangrangatar me poeier, “Te ha uanen ba nonei temar ranga uana teka? Nonei e katsin guleiena a nitsunono tere Sunahan! E möa ta töa tego tatei luban a markato a omi, e Sunahan puku lasi a töa!”
25200	LUK 5:24	Alia e haröto ragi limiou, alia tu butun Katunuma e ka megu a nitagala i puta tego luba has menai lia a markato a omi tara katuun.” Be Iesu e ranga mena a katuun a matekata me poeiena, “Alia e ranga megou lö, takei, ba lö te söatem a holholasa i tamölö bate laam i han!”
25202	LUK 5:26	Ba u katuun hoboto e asingoto korur me matout hakapar. Ba nori e soloseier e Sunahan me poeier, “Ara e tare lila a manka man kapan koru i romana!”
25225	LUK 6:10	Ba nonei e hula tara uana i taren hoboto me poeiena tara katuun, “Hasoa nema a limamölö!” Ba nonei e hasoa nena a limanen me niga poutsuna.
25278	LUK 7:14	Be Iesu ena sebeleiena a bokisin mate, ba u katuun ti söateien e tuol hakakamotor. Ba nonei e poeiena, “Tson a hitots, alia e poeiegu i tamölö, takei!”
25280	LUK 7:16	U katuun hoboto i matout koru, me solo seier a solona e Sunahan me poeier, “A propet te kamena a solo pan e butu hakapaia i gusurara! E Sunahan e la silema e gomi taguhir u katuun i tanen!”
25287	LUK 7:23	A katuun tema hapolase nei te hamana uanen i tar e sasaala nou!”
25303	LUK 7:39	Pöata te tareia e Saimon a ka te kati a tahol, ba nonei emar hakats tuun uana teka, “Sanena tega propet hamanaia a tson teka, ba nonei te tatei atei silena a saha mar tahol te sebele nen, nonei a tahol a omi!”
25312	LUK 7:48	Be Iesu e poeiena tara tahol, “A markato a omi i tamölö e luba hakapa nalila!”
25322	LUK 8:8	Na palair u ngal i pururukuia turu tsiktsiki u niga. Ba nori e pusuku hapanir me hua korur.” Be Iesu e ranga hapanina me poeiena, “A katuun te ka mena u talinga te atein hengona ega hengo!”
25338	LUK 8:24	Ba nori e guleier e Iesu me poeier, “Tsunono, Tsunono! Ara e katsin ruku talara!” Ba nonei e takeina me abis hatagaleiena a lomolomo nu ramun te posa here mei u tasi pan. Ba lomolomo e la puta poutsuna ba seloho pan e butuna.
25339	LUK 8:25	Ba nonei e poeiena turu katunun tsitsilo i tanen, “I me te kana u nihamana i tamilimiou?” Ba nori e asingoto korur me matoutur, me hiarangrangatar, “A saha koru a mar katuun teka? Te hala nena u raranga tara lomolomo nu ramun te posa koruna ba ka te selohona!”
25342	LUK 8:28	Pöata te tareien e Iesu, ba nonei e ku hapanina me tuhatukun nena i matana e Iesu. Ba nonei e ku hohomi koruna me poeiena, “O Iesu a Pien Tson tere Sunahan Iasa Koru! Aha te ngil memi lö alia? Alia e singo hataatagi gia i tamölö, ma hahunei lia!”
25344	LUK 8:30	Be Iesu e rangate nen, “Esi a solomölö?” Ba nonei e ranga palisina me poeiena, “A solor e Ami!” Taraha? Nonei e kamei a liliahanei a omi a para koru ti kaia i tanen.
25345	LUK 8:31	Ba u liliahanei e singo hatagala koru uaier tere Iesu me poeier, “Alö go ma hala merai lam tara kiou te möa ta nönöanen!”
25346	LUK 8:32	A töa heis poum pan i nouia i sukusuku i rehina u pokus. Ba u liliahanei e singo ria tere Iesu me poeier, “Alö go hala merai lam tara heis poum!” Be Iesu e hanigana.
25359	LUK 8:45	Be Iesu e rangatana, “Esi te sebele lala i tar?” Ba u katuun hoboto e holisir, be Pita e poeiena, “Tsunono, u katuun e tuol hahise rioulö bate hiasösongor!”
25360	LUK 8:46	Kaba e Iesu e pei, “A töa katuun e hasebele lala i tar. Alia e hasagohe gula a tsi nitagala e lakasa lala i tar!”
25368	LUK 8:54	Kaba e Iesu e lui a limana a pien me ranga hapanina me poeiena, “A tsi pien, alö go takei!”
25377	LUK 9:7	E Herot a Kingina i Galili e hengoein a mamanaka te katoe e Iesu ba nonei e hatutue na aha koru te butu. Taraha? U katuun i pei, “E Jon a Tsonun Baptais e takei poutsia tara tou mate i tanen!”
25383	LUK 9:13	Be Iesu e poeiena i taren, “Alimiou go hanou ramen!” Ba nori e ranga palisir, “Alam e ka puku mem a tolima beret na huol a iena. Alö e ngilem alam gona hol ta kannou turu katuun hoboto teka?”
25390	LUK 9:20	Ba nonei e rangata ranen, “Ga limiou? Alimiou e ngöe milia esi?” Be Pita e ranga palisina me poeiena, “Alö e Mesaia tu lama tere Sunahan!”
25405	LUK 9:35	Bu töa u raranga e butu nama turu köasi me poeiena, “Nonei a Pien Tson i tar teka, tu hopö kapiin lia. Alimiou go hengo mia i tanen!”
25447	LUK 10:15	Na limiou u katunura tara taun i Kapenium e ngilin soloseie miou a peisa milimiou iasa, kaba limiou e lapo ba has raroua i hel!”
25449	LUK 10:17	U tohit u maloto tara katuun i kopis mema a nisasaala pan me poeier tere Iesu, “O Tsunono, u liliahanei u omi has i hengo korui u ranga i tamulam tu tsuga meraien lam tara solo mölö!”