23270	MAT 3:9	Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.
23324	MAT 5:21	Be Iesu e ranga lenina me poeiena, “Alimiou u hengo hakapa naiam u raranga ti hengoen u tuburara i manasa te poeiena, ‘Alö goma hihipuli ii. A katuun te hihipulina e la uanou turu kout.’
23330	MAT 5:27	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alimiou goma tsikolomi.’
23334	MAT 5:31	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘A tson te laba nena a tahol i tanen ego haleien u pepa te hatei nena a hitöl e kapana.’
23336	MAT 5:33	Be Iesu e ranga lenina me poeiena, “Alimiou u hengo has naiam u raranga ti hengoen u tuburara i manasa te poeiena, ‘Alö goma gamo ii te hamana uamölö iasa, kaba lö go kato hamani a ka te hamana sile mölö i matana a Tsunono.’
23340	MAT 5:37	Alimiou go poe tuun laseiam, ‘Aa’ tsi ‘E möa.’ Ta saha ta ka te ranga lel namou limiou e la hamanasa tala nama tere Satan.”
23341	MAT 5:38	“Alimiou u hengo naiam u raranga te poeiena, ‘Tego kato homiea a katuun a matamölö, balö te kato homi hasem a matanen, na tego kato homi haseien a lihomölö balö te kato homi hasem a lihonen.’
23346	MAT 5:43	Be Iesu e ranga lenina me poeiena, “Alimiou u hengo hakapa naiam u raranga te poeiena, ‘Alö go ngilir a man hahikapien i tamölö balö te pakö rem u katuun te paköe riou lö.’
23364	MAT 6:13	Alö goma hala merai lam tara tou hiamus, kaba lö go luba nema a man niomi i tamulam. U mana.’
23407	MAT 7:22	Nonei turu Lan teka, a parpara a katuun e poeiena romana i tar, ‘O Tsunono, o Tsunono. Alam u hihatuts silaia tara solomölö na lam u tsuga ba has raia u liliahanei u omi tara solomölö, na lam u kato sila has naia a man hiharöto tara solomölö.’
23461	MAT 9:13	Alimiou gona lue mia ta niatei temar mouna uana u raranga teka turu Buku u Göagono: ‘Alia ema ngilegi u haats tuun. Alia e ngilegu u katuun egi taatagin a taina katuun.’ Alia uma la silemei tegomi ngö merai u katuun u niga. Alia u la silema tegomi ngö merai u katuun u omi.”
23522	MAT 10:36	U katuun noahas i luma i tamölö tena kato homie rioulö.’
23538	MAT 11:10	E Jon nonei a katuun te hatei nena u Buku u Göagono, ‘Alia e Sunahan e halana gou a tson sösöata ranga te mam nanoulö, tena hamatsköenou a maroro i tamölö.’
23602	MAT 12:44	Ba nonei e poeiena, ‘Alia e la pouts uagou tara luma tu la ma lia.’ Ba pöata te la pouts men batemi sabiena a luma e ka haniga, na e kaka pukuna, na i salo hagogosi na e ka haniga.
23623	MAT 13:15	Be Sunahan e poeiena, U katuun teka a man tui i taren e tupu hakapa. Na man talinga i taren ema antunan hengo korunei, na nori e hasoheier a mataren. Taraha, a mataren e namots tarana, na talingaren e namots hengona, ne na mots ateir. Nori ena mots habirits uarima i tar balia te kato haniga ragen.’
23636	MAT 13:28	Ba nonei e poeiena, ‘A katuun a omi te kati a ka teka.’ Ba nori e rangate ren, ‘Galö e ngilem alam gona pate ban u pulung?’
23706	MAT 15:4	E Sunahan e ranga me poeiena, ‘Hapaneiam u tamamilimiou na u tsinamilimiou. A katuun te ranga homi nena e tamanen tsi e tsinanen egi atung hamate korui.’
23707	MAT 15:5	Kaba u hihatuts i tamilimiou e poeiena, ‘A katuun te ka mena a ka te tatei taguhena e tamanen tsi e tsinanen, nonei e tatei poeiena, A ka teka a ka tere Sunahan.’
23743	MAT 16:2	Be Iesu e ranga palis ranen me poeiena, “Pöata te tsirukuna a pitala ba limiou te pemiou, ‘Ara e ka merou a pöata a niga, taraha u kolö e röröna.’
23744	MAT 16:3	Ba tara bongbong, ba limiou te pemiou, ‘A langits e polo nou i romana, taraha u kolö e röröna na e ruruhanana bate tara here nei a langits.’ Alimiou e atei silemiou te mouna uana a mar nitaratara i kolö. Kaba limiou ema atei silemi te mouna uana a man hiharöto tara kapakapana pöata.
23821	MAT 18:25	Kaba nonei ema antunan palis poutse ii a haroho teka. Ba king e poeiena turu katunun pepeitokap i tanen, ‘Alimiou go hahol neiam a tson teka na tahol, na galapien, na mamanaka hoboto i tanen. Ba moni te hol rarouien te palis poutse roi a haroho i tar.’
23822	MAT 18:26	Ba katunun pepeitokap e tuhatukun nena i puta be ranga hataatagi tori koruna i tanen me poeiena, ‘Alö go hahaloso noa bum ba lia te palis poutse gou a man haroho hoboto i tamölö.’
23825	MAT 18:29	Ba hahuol i tanen e tuhopö nena i matanen ba e ranga hataatagi tori koruna i tanen me poeiena, ‘Alö go hahaloso noa bum balia te palis poutse gou a haroho i tamölö.’
23835	MAT 19:4	Be Iesu e ranga palis ranen me poeiena, “Alimiou u rit haniga haseiam u raranga te kana turu Buku u Göagono te poeiena, ‘tara tantania e Sunahan e kato raien a tson na tahol, Nonei te laba silanena a tson e tamanen na e tsinanen batena ka gono mena a tahol i tanen ba nori a huol te katoeier u töa puku u tuenrei.’
23865	MAT 20:4	Ba nonei e ranga mera nen, ‘Alimiou egona kui mia tara kuin grep i tar balia te hol ragoui limiou a hihol a matskö.’ Ba nori e lar.
23867	MAT 20:6	“Ba tara pal 5 kilok ba nonei e la lenina bena tarena a palair u katuun bate tutuol puku ponir. Ba nonei e poeiena i taren, ‘Aha te hakapa pinopino sile milimiou u lan u ohots teka batema kuimi?’ Ba nori e ranga palise ren me poeier, ‘E möa ta katuun tega hala railam ta toukui.’ Ba nonei e poeiena, ‘La tala iam batena kui mia tara kuin grep i tar.’
23869	MAT 20:8	“Ba pöata te lahima ka, ba katuun terena kuin grep e ranga mena a tson mammam i tanen. ‘Ngö rema u katunun kui bate hala ramien a man hihol i taren, taniama tara pala te hagoun kui tuun lila, balö te töan hol ramou a pala te kui mam lila.’
23898	MAT 21:3	Na tena ranga nanoa ta töa ta katuun ta ka i tamilimiou ba limiou te ranga memen, ‘A Tsunono te ngil rena men.’ Ba nonei te hala tuun las nena men romana.”
23908	MAT 21:13	Ba nonei e poeiena i taren, “I koloto has naia turu Buku u Göagono, ‘A luma i tar e ngöeri romana a luman singo.’ Kaba limiou e kato here tsipon namien a kioun mous turu kopkop!”
23921	MAT 21:26	Na ra ena mots poe hasera, ‘E Jon e kamei a nitsunono tara katuun.’ Taraha, u katuun hoboto e poeier e Jon a propet tere Sunahan. Na ra e matoutera tena raharaha uaren.”
23923	MAT 21:28	Be Iesu e poeiena i taren, “Ime temar hakats uami limiou tara katuun te kamena a huol a pien tson? Nonei e la uana tara pien a hamua me poeiena, ‘A pien i tar, alö gona kui ia tara kuin grep i romana.’
23924	MAT 21:29	Ba pien tson e ranga palisinen, ‘Alia ema ngilin kui gi.’ Kaba i murinen ba nonei e habiritsena u hakhakats i tanen ba nonei ena kuina tara kui.
23925	MAT 21:30	Ba e tamanen e lana mena katoena u töa u mar ranga noahas tara hahuoluna pien tson. Ba pien e ranga palisina me poeiena, ‘Aa, alia e la gou.’ Kaba nonei ema la ii.
23932	MAT 21:37	“Ba kapakapanen ba nonei e hala nena a pien tson i tanen, ba nonei e poeiena, ‘Nori ena tara marei riou a pien tson i tar.’
23945	MAT 22:4	“Ba nonei e hala lel ralala a palair u katunun kui me poeiena i taren, ‘Na ranga mera muma u katuun ti tahul mam rela lia, A kannou i kato hakapi e hahalosona. Alam u atung hakapi a man kau a man tson na man tunan kau a man bokoko hanigan töa. Na mamanaka e kana e hahalosona. Alimiou go la uamuma tara kannoun hitöl.’
23950	MAT 22:9	Bora, la tala uaiam tara man maroro iahana taun bate tahul remuma u katuun tegona sabe raiam limiou bate lauaruma tara kannou.’
23964	MAT 22:23	Nonei noahas turu lan ba u Sadiusi e la uarima tere Iesu. A pal katuun teka nori i pei e möa ta tou takei pouts tara tou mate. Ba nori i poeier tere Iesu, “Tson Hihatuts, i manasa e Mosis te poei, ‘Tega mateia ta tson bate möana ta pien, e toulanen e tatei tölena a amoaba, ba nori te hatuhaner romana ta pien tena luenou a solo tara tson te mate.’
23973	MAT 22:32	Nonei e mar ranga uu teka: ‘Alia a Sunahan tere Abraham na lia a Sunahan tere Aisak na lia a Sunahan tere Jekop.’ U raranga teka e poeiena nonei ema Sunahan uanei turu katuun u mate. E möa. Nonei a Sunahan turu katuun te töatöar.”
23980	MAT 22:39	Na u hahuoluna u raranga u kapan e kato uana teka, ‘Alö go ngil korui a tana katuun temar ngil has mena milö a peisamölö.’
23985	MAT 22:44	E Devit e poei, ‘A Tsunono e poei tara tsunono i tar, Gum ia tara pal matou i tar, antunana te hake goalia u katuun te pakö rioulö i pitapitana a moumölö.’
23986	MAT 22:45	“E Devit e ngöei a katuun teka, ‘A Tsunono.’ Ga ime te markato uanen ba nonei te pien uana tere Devit?”
24003	MAT 23:16	“A nomi pan e butu noa i tamilimiou, alimiou u matakiou te haröto tsipon nemiou a maroro turu katuun bate poeiemiou, ‘Tega hamanaia ta katuun tara Luman Lotu Pan bate poeiena e manana iasa, a ka pinopino. Kaba tega hamanaia ta katuun tara goul tara Luman Lotu Pan bate poeiena e manana iasa, aa, nonei e tatei markato koru has uana temar ranga uanen.’
24005	MAT 23:18	Na limiou e poe hasemiou, ‘Tega hamanaia ta katuun tara makumun haats, a ka pinopino. Kaba tega hamanaia ta katuun tara manka te kana tara makumun haats, aa, nonei ega markato koru has uu temar ranga uanen.’
24017	MAT 23:30	Ba limiou te poeiemiou, ‘Sanena ara ti kaia tara pöata turu tuburara i manasa, ara sane ma taguhu rari ien tegi atung hamate meraien u propet.’
24074	MAT 24:48	Kaba tega omia a katunun kui teka, ba nonei te rangana i torinen bate poeiena, ‘A katuun pan i tar ema sesein la pouts namei romana.’
24083	MAT 25:6	“Ba tara gusuna bong ba töa katuun e kuna me poeiena, ‘A tson tega hitöl e la hamanasa nama. Alimiou go la muma batemi tare men.’
24085	MAT 25:8	Ba tolima tahol a tutu e poeier tara tolima tahol a atei, ‘Alimiou go hala ramumei lam ta tsi karasin i tamilimiou, taraha a man lam i tamulam e katsin osor.’
24086	MAT 25:9	Kaba a tolima tahol a atei i ranga palis raien me poeier, ‘E möa. U karasin ema antunanei i tamilimiou na i tamulam has. Alimiou go la mula i stoa batena hol peise miou ta karasin i tamilimiou.’
24088	MAT 25:11	Ba i murinen ba palair u touhaliou u kukubei e la pouts rima memi poeier, ‘O Tsunono, o Tsunono, kalatema a tamana ba lam te tasu mou.’
24097	MAT 25:20	Ba tson pepeito kap te lui a tolima a talen moni, e la nama memi hala nena a moni i tanen me hala gono meneien a tana a tolima a talen moni i tanen me poeiena, ‘O tsunono, alö u hale lei lia a tolima a talen moni i tamölö. Tara! A tana a tolima a talen moni has teka tu lui lia.’
24099	MAT 25:22	“Ba tana tson pepeito kap ti halei a huol a talen moni e la nama memi poeiena, ‘O tsunono, alö u halei lia a huol a talen moni i tamölö. Tara! Alia i kui habutu leli a tana huol a talen moni len.’
24100	MAT 25:23	Ba katuun pan i tanen e poeiena, ‘E niga koruna, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e hataratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö.’
24102	MAT 25:25	Alia u matout ba lia ena hamouse gia a moni i tamölö turu tsiktsiki. Tara! A moni i tamölö teka.’
24104	MAT 25:27	Ga lö go mala haka taleia a moni i tar tara beng, ba lia te tatei lu pouts gono megien ta taina ta moni tara pöata tego kopis pouts malia.’
24113	MAT 25:36	Alia u möa tu hasobö ba limiou e hale mi lia u hasobö. Na lia u kamei a siki ba limiou e taguhe moulia. Alia u kaia tara karabus ba limiou emi tare moulia.’
24117	MAT 25:40	“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’
24120	MAT 25:43	Na lia a katununa tara tana han, kaba limiou ema lu mena milia i luma i tamilimiou. Alia u möa tu hasobö ba limiou ema hale milia tu hasobö. Alia u siki ba limiou ema taguhe milia, na ti kaia lia tara karabus, alimiou ima tare milia.’
24122	MAT 25:45	Ba lia te ranga palis meragouen bate peigou i taren, ‘Alia e hatei hamana koru ragou limiou, a pöata tu raman katoe mia limiou a markato teka ta töa tara man hahatoulana i tar, alimiou u raman kato be hase mien lia.’
24154	MAT 26:31	Be Iesu e poeiena i taren, “Alimiou hoboto e matout mou bate laba namou lia i bong teka. Taraha, e Sunahan e mar ranga uu teka turu Buku u Göagono: ‘Alia e atung hamate gou romana a katunun taratarakap ba heis sipsip te bus kalakalar romana.’
24261	MAT 27:63	Ba nori e poeier, “O Tsunono, alam e hakats kap nem u raranga te kati e Iesu a katuun a gamogamo tara pöata te töatöa noa ien ba nonei e poeiena, ‘I murina u topisa u lan ba lia te takei pouts gou.’
24262	MAT 27:64	Bora alö go halan tu raranga tegi taratara kap haniga menai a kioun mate e antunana turu hatopisana u lan, taraha u katunun tsitsilo i tanen ena mots larima bate kope ren batena poeier turu katuun, ‘Nonei e takei poutsia tara tou mate.’ Ba u gamo i taren tena karase nou u gamo mam.”
24271	MAT 28:7	Bora alimiou go la boroboro mula batena hatei ramiou u katunun tsitsilo i tanen, ‘Nonei e takei pouts hakapaia tara tou mate, na nonei e la mam ranou limiou i Galili. Tena tare moien limiou.’ Hakats naiam a ka te ranga mera gulei lia limiou.”
24276	MAT 28:12	Ba u pris pan e gono meraier u pal kapan me kitseier u ranga. Ba nori e hala rari u soldia a moni pan koru me poeier, “Alimiou egona mar ranga merami u katuun teka, ‘U katunun tsitsilo tere Iesu e la rima i bong memi koper u tuenrei i tanen tara pöata te soho mula lam.’
24539	MRK 7:7	Nori e mastein hatsunone riou lia, bate hihatuts ner a man markato turu katuun tuun, bate poeier nonei a man markato tere Sunahan.’
24542	MRK 7:10	E Mosis e poei, ‘Hapaneiam e tamamilimiou ne tsinamilimiou,’ me pei hasena, ‘A katuun te ranga homi nena e tamanen tsi e tsinanen egi atung hamate korui.’
24543	MRK 7:11	Kaba alimiou e poeiemiou, sanena ta katuun ego pei tere tamanen ne tsinanen, ‘Alia e taatagi korugu, a ka tego halei lia lö, alia e haka begien e Sunahan.’
24665	MRK 10:8	Ba nori a huol te katoeier a töa katuun.’ Ba nori tema here lel ri a huol, kaba a töa puku a katuun.
24726	MRK 11:17	Ba nonei e hatuts rena u katuun me poeiena, “I koloto hasiin, ‘A luma i tar e ngöe roi a luma tena singo ria ra.’ “Kaba alimiou e kato here namien a kiou turu kopkop.”
24748	MRK 12:6	Nonei e ka noa mei a töa patu a katuun tego tula naien, a pien tson i tanen te ngil korueien. Nonei e tula hamurimuri nalen me poeiena, ‘Nori ena tara marei riou a pien tson i tar.’
24749	MRK 12:7	“Kaba u katunun taratarakap i tari a pien tson teka, ba nori e hiararangar me poeier, ‘Nonei a pien tson tere tamana kui teka te lue nou a kuin grep. Aragi atung hamateien bara te lue riou a kui i tanen.’
24761	MRK 12:19	Ba nori e poeier i tanen, “Tson Hihatuts, e Mosis e koloto berai ra a lo teka: ‘Tego mate ba naia a tson a tahol i tanen bate moana ta pien, ba toulana tson teka te tatei tölena a amoaba, ba nori te hatuhaner romana ta pien te lue nou a makum tara tson te mate.’
24768	MRK 12:26	Na turu rangana turu katuun ti mate hakapa bate takei pouts riou tara tou mate, alimiou toum uma ritemi a makumun ranga iahana u buku tere Mosis te hatei nena u ruei te kulupu? Tara makum teka e Sunahan e ranga mei e Mosis me poeiena, ‘Alia a Sunahan tere Abraham na a Sunahan tere Aisak ne Sunahan tere Jekop.’
24772	MRK 12:30	A Tsunono e Sunahan alö go ngil koru meien a tori mölö hoboto na u namnamei hoboto i tamölö na u hakats hoboto i tamölö na tara nitagala hoboto i tamölö.’
24773	MRK 12:31	Na u hahuoluna u raranga u pannen teka: ‘Alö go mar ngil koru mei a tana katuun temar ngil koru has mena milö a peisamölö.’ E möa tu tana tu mar raranga tega pan balein u huol u raranga teka.”
24778	MRK 12:36	U Namnamei u Göagono te hale ii e Davit u hakhakats ba nonei e poeiena, ‘A Tsunono e mar ranga uu teka tara Tsunono i tar, Gum ia tara pal matou i tar, e antunana tara pöata te hale goi lia lö u katuun te paköe rioulö ba lö tena pita puta ramouen.’
24811	MRK 13:25	na u pitopito ena rus rima i kolö, na mamanaka a tagala na i kolö e gagas riou.’
24850	MRK 14:27	Be Iesu e poeiena i taren, “Alimiou hoboto e bus ba namou lia, taraha i kolotein: ‘Alia e atunge gou romana a katunun taratarakap turu sipsip ba u sipsip te bus kalakalar romana.’
25102	LUK 3:8	Alimiou go palis ba naiam a markato a omi, bate kato hamana koru uamou te kato uana a katuun te palis ba nena a markato a omi. Alimiou goma mar hakats uami teka: ‘Alam e nigam. Taraha? E Abraham e tubumulam.’ Alia e hatei ragou limiou, e Sunahan e antunan katoe noi u marats teka a hun katuun tere Abraham! E Sunahan ema haniga papale nei a katuun te pala uana tere Abraham. E möa. E hanigeiena a katuun te kukutiena u raranga tere Sunahan.
25155	LUK 4:23	Ba nonei e poeiena i taren, “Alia e atei silegu alimiou e katoe mou u rangan haharuei teka i tar, ‘O dokta, alö go kato haniga poutsi a peisamölö.’ Na limiou emar ranga has uamou teka i tar: ‘Alam u hengoin alö u katoe a man mirakol i Kapenium. E hana ba lö tema kato hasemi a man mirakol tara han pouts i tamulö?’”
25291	LUK 7:27	Taraha? U Buku u Göagono e ranga hatei nanen: ‘Hengo! Alia e hala negou romana a tson hibus i tar tego mam naiou lö, bate hamatsköena romana a maroro i tamölö.’
25437	LUK 10:5	Na tena tasu moa limiou ta luma, ba limiou te pei mamemiou, ‘A masalohana e tatei ka uana tara luma teka.’
25441	LUK 10:9	Alimiou go kato haniga pouts raiam u katuun te ka mer a siki nonei tara taun, bate mar ranga hatei meramien teka, ‘A nipepeito kap tere Sunahan e susuku hakapa uama i tamilimiou.’
25481	LUK 11:7	Na hahikapien i tamölö e tatei soul nama iahana luma, ‘Ma tuke balei lia! A tamana e pili hakapa lala, na lam mera galapien i tar e opöm, na lia ema takei goui bate hale gouilö ta ka.’
25498	LUK 11:24	Be Iesu e pei lelena, “Tara pöata te lakasa ba nena a liliahanei a omi a katuun, ba nonei te hula lana tara makum a palaka bate sake la nena ta makum tega husa ien. Kaba tema sabie neien ta makum, ba nonei te hakats pouts nena nonei a katuun te laba namen, ‘Alia e la pouts uagou tara luma tu laba nema lia.’
25523	LUK 11:49	E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’
25547	LUK 12:19	Ba lia te ranga pouts megou romana a peisar bate poeiegu, Möa lel! Alia e ka megu a mamanaka a niga te antunan kaka pala nou turu hiningal u parpara. Balia te nou haniga gou bate uagu, bate roro haniga gou bate sasaalagu.’
25573	LUK 12:45	Kaba te omina a tson mammam, ba nonei temar hakats uana teka, ‘A katuun pan i tar ema sesein la pouts namei romana.’ Ba tson mammam te hatanian singata rena a palair u katunun kui, a pal tson na touhaliou, ba nonei te nouna bate ueiena u uain bate tutuna.
25594	LUK 13:7	Ba nonei e poeiena tara katuun te tara kapiin a kui i tanen, ‘Tara, turu topisa u hiningal alia u lala uama teka timi sake menai ta hua turu ruein fik teka, kaba lia u ma mala sabe ii ta hua. Bara, ngats ban! Nonei e namots hakapa pinopinoena a kannou turu tsiktsiki.’
25619	LUK 13:32	Be Iesu e ranga palis ranen, “La mula batena ranga memiou Herot nonei a katuun a gamogamo, ‘Alia e tsuga ragou u liliahanei u omi na e kato haniga pouts ragou u katuun i romana na i mahö, ba u hatopisana u lan ba lia tena tuku goua tara han te la uagu lia.’
25631	LUK 14:9	Te markato tala uanouen teka, ba katunun hihanou, te ngö hoboto raiou limiou, te la nama romana bate poeiena i tamölö, ‘Alö go hale ii a makum teka a katuun pan ili.’ Ba lö te matsingolo tala mou batena gum moua tara makum turu katuun papala koru.
25632	LUK 14:10	Kaba tega ngöeia ta katuun alö ba lö te lam tara kannou, ba lö tena gum mia tara makum turu katuun papala koru. Ba katuun te ngöe lalou lö te la nama romana bate ranga menoulö, ‘O hahikapien, alö gomi gum ia tara makum turu tsunono.’ Te markato uanen teka, ba lö te ka memou a solo pan i matar u katuun hoboto te nou gono merioulö.
25640	LUK 14:18	Ba nori hoboto e ramar, me katoeier u mamana u mar ranga tegima la uaien tara kannou. A töa katuun e ranga mei a katunun kui, ‘Alia u holi a töa kui, na lia ena ngilin tara nagen. Alia e rangate goulö, alö go haniga tegoma la uai lia.’
25641	LUK 14:19	Ba tai e poeiena, ‘Alia u holi a maloto a bulmakau, na lia ena ngilin torohana ragen. Alia e rangate goulö, alö go haniga tegoma la uai lia.’
25642	LUK 14:20	Ba tai e poeiena, ‘Alia e hagou hitöl gi, nonei tema antunan la megi lia.’
25643	LUK 14:21	Ba katunun kui e la poutsuna mena hateie nei a tsunono i tanen a manka teka. Ba torina a tsunono e si koruna me poeiena tara katunun kui i tanen, ‘Hasesei boroboro uu tara man maroro a man kapan na tara maroro a man tetenei iahana taun teka. Ba lö tena lu ramuma u katuun ti möa ta ka, na u tuenrei omi, nu matakiou, na u mou omi, ba lö temi piou ramien i luma i tar.’ Ba katunun kui ena markato has uana teka.
25644	LUK 14:22	E ma manasai ba nonei emi poeiena tara tsunono i tanen, ‘O tsunono, alia e katoe gula a ka te ranga namula lö, kaba a kannou e antuna hasina, a palai gi la noama.’
25669	LUK 15:12	Ba hahuoluna a pien e ranga mena e tamanen me poeiena, ‘O Tamar, alö go hale mei lia a manka tu hopö kap bei lö alia ba lia te pile peisa nagen.’ Be tamanen e lu kaakata talena a manka i tanen me hala raneien a huol a pien tson i tanen.
25676	LUK 15:19	Ema antuna len tale nei alia egi ngö lelei a pien i tamölö. Alö go kato here namei lia a katunun kui i tamölö.’
25678	LUK 15:21	Ba pien tson e poeiena i tanen, ‘O Tamar, alia u kato homi ia i matana e Sunahan na i tamölö. Ema antuna tale nei alia gi ngö lelei a pien i tamölö.’
25681	LUK 15:24	Taraha? A pien tson i tar e here ii a katuun te mate, kaba e töatöa poutsuna. Nonei e tia me butu pouts nama.’ Ba nori e tanian nou talar me sasaalar.