110	GEN 5:4	Seta ia vara murinai, Adamu be lagani 800 ma ia mauri noho, iena natuna tatau bona hahine ia havaraia.
113	GEN 5:7	Vadaeni Enosi ia vara murinai, Seta be lagani 807 ma ia mauri noho, iena natuna tatau bona hahine ia havaraia.
116	GEN 5:10	Vadaeni Kenana ia vara murinai, Enosi be lagani 815 ma ia mauri noho, iena natuna tatau bona hahine ia havaraia.
119	GEN 5:13	Vadaeni Mahalalela ia vara murinai, Kenana be lagani 840 ma ia mauri noho, iena natuna tatau bona hahine ia havaraia.
122	GEN 5:16	Vadaeni Iareda ia vara murinai, Mahalalela be lagani 830 ma ia mauri noho, iena natuna tatau bona hahine ia havaraia.
123	GEN 5:17	Mahalalela ena mauri lagani ibounai be 895, vadaeni ia mase.
125	GEN 5:19	Vadaeni Enoka ia vara murinai, Iareda be lagani 800 ma ia mauri noho, iena natuna tatau bona hahine ia havaraia.
131	GEN 5:25	Metusela ena mauri lagani be 187 neganai, ia ese Lameka ia havaraia.
132	GEN 5:26	Vadaeni Lameka ia vara murinai, Metusela be lagani 782 ma ia mauri noho, iena natuna tatau bona hahine ia havaraia.
134	GEN 5:28	Lameka ena mauri lagani be 182 neganai, ia ese iena natuna ta ia havaraia.
351	GEN 14:14	Aberamo ia kamonai iena varavara be idia abia mauri. Vadaeni, ia ese iena palai ruma noho tuari taudia ia haboua. Idia ibounai be tatau 318. Bona idia ese unai king taudia murinai idia raka, ia lao bona Dano hanua.
398	GEN 16:16	Unai neganai Aberamo ena mauri lagani be 86.
410	GEN 17:12	Emui memero ibounai ta ta dina 8 idia abia neganai, edia kopina do umui utua. Emui ruma dekenai vara hesiai taudia danu edia kopina do umui utua. Bona idau taudia dekena amo umui hoia hesiai taudia danu edia kopina do umui utua.
518	GEN 21:4	Mero ena mauri dinadia be 8 neganai, Aberahamo ese iena kopina ia utua, Dirava ena oda hegeregerena.
571	GEN 22:23	Inai Betuela be Rebeka ena tamana. Inai natuna memero 8 be Milika ese ia havaraia Aberahamo ena tadina Nahoro dekenai.
1040	GEN 35:28	Isako ena mauri lagani be 180.
1693	EXO 7:7	Lohiabada ena hereva Farao dekenai idia hamaoroa neganai, Mose ena mauri lagani be 80, to Arona ena lagani be 83.
1970	EXO 16:22	Dina namba 6 dekenai, idia ese dina rua ena aniani idia haboua, taunimanima ta ta disi rua, ena bada kapusi badadia 8 bamona. Israela edia gunalaia tau badadia ibounai Mose dekenai idia lao, edia haboua kara idia hamaorolaia.
2144	EXO 22:29	Emui boromakau bona emui mamoe danu edia vara guna tau gaudia danu lau dekenai do umui henia. Dina 7 inai natuna vara guna tau gauna be iena sinana danu do ia noho. Dina namba 8 dekenai, be lau dekenai do umui henia boubou gauna totona.
2219	EXO 25:23	“Pata ta danu do umui karaia, akasia au dekena amo do umui karaia. Iena lata be 88 sentamita, bona iena lababa be 44 sentamita, iena ataiai be 66 sentamita.
2221	EXO 25:25	“Pata ena isena do umui habadaia 8 sentamita dekenai, bona inai isena be golo dekena amo do umui koua.
2261	EXO 26:25	Unai dainai Palai Dubu ena murina kahanai habana ena haba turia ibounai be 8, bona siliva maua ibounai be 16, maua rua be haba turia ta ta edia henunai do idia noho.
2597	EXO 36:30	Unai dainai Palai Dubu ena murina kahanai haba turia ibounai be 8, bona siliva maua ibounai be 16, maua rua be haba turia ta ta henunai idia noho.
2615	EXO 37:10	Pata ta danu Besalele ese ia karaia, akasia au dekena amo ia karaia. Pata ena lata be 88 sentamita, bona iena lababa be 44 sentamita. Iena ataiai be 66 sentamita.
2617	EXO 37:12	Pata ena isena be ia ese ia habadaia 8 sentamita dekenai, bona inai isena be golo dekenai ia koua.
2955	LEV 9:1	Dina namba 8 dekenai Mose ese Arona, mai iena natuna tau danu, bona Israela gunalaia taudia ia boiria hebou.
3048	LEV 12:3	“Dina namba 8 dekenai, mero ena usina ia koua kopina be do idia utua.
3122	LEV 14:10	“Dina namba 8 dekenai, mamoe natuna tau rua, toto lasi bona bero lasi gaudia, bona mamoe natuna hahine ta, lagani tamona gauna, toto lasi bona bero lasi gauna do ia mailaia. Bona paraoa namo herea, ena metau kilogaram toi, olive dehoro danu mikisi gauna, bona olive dehoro, ena bada kapusi tamona danu do ia mailaia.
3135	LEV 14:23	“Ia goeva dinadia namba 8 dekenai, unai tau ese inai manu ruaosi Palai Dubu ena iduara dekenai do ia mailaia, hahelagaia tauna ese do ia hagoevaia totona.
3183	LEV 15:14	“Dina namba 8 dekenai ia ese kerea manu rua o pune natuna rua do ia abia, Lohiabada ena vairanai do ia mailaia, Palai Dubu ena iduara dekenai, bona hahelagaia tauna dekenai do ia henia.
3198	LEV 15:29	“Dina namba 8 dekenai, hahine ese kerea manu rua o pune natuna rua do ia abia, hahelagaia tauna dekenai do ia mailaia, Palai Dubu ena iduara dekenai.
3397	LEV 22:27	“Boromakau, mamoe, o nanigosi do ia vara neganai, dina 7 lalonai iena sinana dekenai do ia noho. Dina namba 8 murinai ia be hegeregere gabua ore boubouna totona, Lohiabada dekenai do idia henia, bona Lohiabada ese do ia abia dae.
3439	LEV 23:36	Inai dina 7 lalonai dina ta ta ibounai lau Lohiabada dekenai boubou, gabua gaudia do umui henia. Bona dina namba 8 dekenai emui hebou helagana do umui karaia, bona boubou, gabua gaudia ma do umui henia lou. Inai dina namba 8 be guriguri dinana sibona, unai dainai emui gaukara ta do umui karaia lasi.
3442	LEV 23:39	“Hua namba 7 ena dina namba 15 dekenai, emui uma anina ibounai umui haboua murinai, lau Lohiabada egu Au Raurau Ruma Maragidia aria be dina 7 lalonai do umui karaia, bona lau dekenai do umui laloa noho. Unai aria ena dina ginigunana be laga-ani helaga dinana, ma dina namba 8 danu.
3492	LEV 25:22	“Vadaeni lagani namba 8 lalonai, emui uhe ma umui hadoa neganai, umui ese lagani namba 6 ena aniani do umui ania noho, bona emui aniani be do ia hegeregere ela bona lagani namba 8 ena anina do umui utua negana.
3662	NUM 2:3	Kamepa ena dina ia daekau kahana dekenai, Iuda orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: Iuda: Nasona Aminadaba 74,600 Isakara: Netanele Suara 54,400 Sebuluno: Eliaba Helona 57,400 Ibounai: 186,400 Israela taudia ese edia kamepa dekena amo idia toreisi, gabu matamata idia lao neganai, Iuda orea be do ia raka guna.
3677	NUM 2:18	Kamepa ena dina diho kahana dekenai, Eparaima orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: Eparaima: Elisama Amihuda 40,500 Manase: Gamaliela Pedasuru 32,200 Beniamina: Abidana Gideoni 35,400 Ibounai: 108,100 Israela taudia ese edia kamepa dekena amo idia toreisi, gabu matamata idia lao neganai, Eparaima orea be raka lao oreana ihatoina.
3721	NUM 3:28	Inai Kohata iduhu lalonai noho memero idia duahia, hua ta idia hanaia memero bona tatau be ibounai 8600. Idia edia gaukara be helaga gaudia do idia naria.
3778	NUM 4:34	Vadaeni Mose bona Arona ese Lohiabada ena oda idia kamonai, bona Israela gunalaia taudia ese Levi iduhu toi, Kohata, Geresone bona Merari idia duahia, edia iduhu bona edia bese ta ta dekena amo. Tatau ibounai edia mauri lagani 30 ela bona 50, Lohiabada ena Palai Dubu lalonai idia gaukara diba taudia edia ladana idia torea bona idia duahia. Edia momo be inai: Kohata Iduhu 2,750 Geresone Iduhu 2,630 Merari Iduhu 3,200 Ibounai: 8,580
3834	NUM 6:10	Dina namba 8 dekenai ia ese manu ta ladana kerea rua, o pune manu ena natuna rua do ia abia, hahelagaia tauna dekenai do ia mailaia, Palai Dubu ena iduara dekenai.
3859	NUM 7:8	Ma treila 4 bona boromakau 8 be Merari iduhu taudia dekenai ia henia. Unai taudia edia gaukara ibounai be hahelagaia tauna Arona ena natuna Itamara ese ia biagua.
3863	NUM 7:12	Inai iduhu ta ta, bona Lohiabada dekenai harihari gaudia idia henia lohia taudia edia ladana, bona idia henia dinadia, be inai bamona: 1 Iuda Nasona Aminadaba 2 Isakara Netanele Suara 3 Sebuluno Eliaba Helona 4 Rubena Elisuru Sedeuru 5 Simeona Selumiele Surisadai 6 Gado Eliasapa Reuele 7 Eparaima Elisama Amihuda 8 Manase Gamaliela Pedasuru 9 Beniamina Abidana Gideoni 10 Dano Ahiesere Amisadai 11 Asere Pagiele Okarana 12 Napatali Ahira Enana Inai lohia ta ta ese idia mailaia harihari gaudia be hegeregere, gaudia be inai: Siliva mereki ta, ena metau be 1 kilogaram 500 garam, siliva disi ta, ena metau be 800 garam, Helaga Gabuna ena sikele hegeregerena. Inai mereki bona disi be paraoa bona olive dehoro idia mikisi vadaeni paraoa boubouna dekenai idia honu. Ma golo disi ta, iena metau be 110 garam, bonana namo muramura dekenai ia honu, boromakau natuna tau ta, mamoe tau ta, mamoe natuna ta, gabua boubouna totona gauna, nanigosi ta, kara dika boubouna totona gauna. Bona boromakau tau rua, mamoe tau 5, nanigosi 5, bona mamoe natuna 5, lagani tamona gaudia, Lohiabada danu maino karaia boubouna totona.
4639	NUM 29:29	“Dina namba 6 dekenai, boromakau natuna tau ibounai 8, mamoe tau rua, bona mamoe natuna tau, lagani tamona gaudia, ibounai 14, namodia momokani, bero o toto lasi gaudia do umui henia.
4645	NUM 29:35	“Dina namba 8 dekenai, Lohiabada tomadiho henia totona do umui haboua, bona gaukara ta do umui karaia lasi.
4854	NUM 35:7	Levi taudia dekenai do umui henia hanua ibounai be 48, mai edia ubua gaudia naria tanodia.
4954	DEU 2:14	Kadesi Baranea ita rakatania ela bona Serede Sinavai ita hanaia, be lagani ibounai 38. Unai lagani 38 edia lalonai unai uru ena Israela tuari taudia ibounai idia mase ore, Lohiabada ese ia hereva hegeregerena.
6199	JOS 14:10	“To harihari oi itaia, Lohiabada be unai bamona Mose dekenai ia hereva ia mai bona hari be lagani 45. Unai be Israela ese tano kaukau idia raka hanaia neganai, bona Lohiabada ese lau ia hamauria noho ia mai bona hari, iena gwauhamata hegeregerena. Oi itaia, harihari egu mauri lagani be 85.
6424	JOS 21:41	Levi taudia edia hanua, Israela taudia edia tano lalonai, ibounai be 48, mai edia rei gabudia danu.
6578	JDG 3:8	Vadaeni, Lohiabada ese Israela taudia ia badu henidia, bona ia durudia lasi dainai, Kusana Risataimi, Mesopotamia ena king, ese idia ia halusia. Vadaeni Israela taudia ese unai tau ena hesiai gaukara lagani 8 lalonai idia karaia.
6584	JDG 3:14	Vadaeni Israela taudia ese Egalona, Moaba ena king, ena hesiai gaukara be lagani 18 lalonai idia karaia.
6600	JDG 3:30	Unai dina dekenai Israela taudia ese Moaba taudia idia halusia momokani. Vadaeni tano dekenai, lagani 80 lalonai, maino ia noho.
6821	JDG 10:8	Unai lagani lalonai, unai bese ese Israela taudia idia moia diho, bona idia hisihisi henidia. Lagani 18 lalonai Pilistia taudia bona Amono taudia ese Israela taudia ibounai, Ioridane Sinavai ena dina daekau kahanai, idia hisihisi henidia. Unai be Gileada tano, guna Amoro taudia idia noho gabuna.
6885	JDG 12:14	Iena natuna tau be 40, bona iena tubuna tau be 30. Idia be doniki 70 dekenai idia loaloa. Ia ese lagani 8 lalonai Israela taudia ia gunalaia.
7081	JDG 20:25	Vadaeni Beniamina taudia be nega iharuana Gibea hanua dekena amo ma idia raka mai, bona idia ese Israela taudia 18,000 idia alaia mase. Unai mase taudia ibounai be tuari dekenai manada taudia.
7100	JDG 20:44	Beniamina taudia 18,000 idia mase, ibounai tuari taudia mai edia goada danu.
7314	1SA 4:15	Eli ena mauri lagani be 98, bona iena matana be diburadibura, gau ta ia itaia namonamo lasi.
7632	1SA 17:12	Davida be Iese ena natuna. Iese be Eparata tauna. Iese ena hanua be Betelehema, Iuda tano dekenai. Iese ena natuna tau be 8. Saulo be king neganai Iese be tau buruka.
7808	1SA 22:18	Vadaeni king Saulo ese Doega ia hamaoroa, ia gwau, “Oi ese inai hahelagaia taudia do oi alaia mase.” Vadaeni Doega, Edoma tauna ese hahelagaia taudia ia alaia mase. Unai dina dekenai Doega ese hahelagaia taudia 85 ia alaia mase. Unai taudia ibounai be Dirava ese ia abia hidi vadaeni, epodi dabua helaga idia karaia totona.
8225	2SA 8:13	Davida ese sibona ena ladana ma ia habadaia, badina be ia ese Edoma taudia 18,000 ia alaia mase Damena Koura dekenai.
8546	2SA 19:33	Barasilai be buruka herea, iena mauri lagani be 80. king Davida be Mahanaimi dekenai ia noho neganai Barasilai ese ia ubua, badina ia be kohu momo tauna.
8549	2SA 19:36	Lauegu mauri lagani be 80. Namo bona dika edia idau be lau gwauraia diba, a? Lau ese lau ania gaudia, bona lau inua gaudia lau mamia diba, a? Ane idia abia noho taudia bona hahinedia edia ane lau kamonai diba, a? Badina dahaka lau ese oi dekenai hekwarahi bona metau do lau havaraia? Oi be lauegu lohia bona lauegu king.
8664	2SA 23:8	Davida ena goada herea taudia edia ladana be inai: Ioseba Basebeta, Takemono tauna. Ia be “Tuari Lohia Taudia Toi” edia orea ena tau ginigunana. Ia ese tuari ta lalonai iena io dekena amo tau ibounai 800 ia alaia mase.
8704	2SA 24:9	Vadaeni Ioaba ese taunimanima duahia gaukara ena ripoti king dekenai ia henia, ia gwau, “Israela be mai ena tuari diba taudia 800,000, bona Iuda tuari diba taudia be 500,000.”
8896	1KI 5:29	Solomona ese danu nadi utua taudia 80,000 ororo dekenai ia siaia, bona nadi huaia mai taudia 70,000 danu.
8900	1KI 6:1	Israela taudia be Aigupito tano dekena amo idia raka siri murinai lagani 480 idia lao vadaeni, be Solomona ese Dubu Helaga ia haginia hamatamaia. Unai be Solomona ese king dagi ia karaia vadaeni lagani 4 neganai, bona hua ena ladana Sivi lalonai.
8916	1KI 6:17	Helaga Herea Gabuna ena vairanai ia noho daiutu, ena lata be 18 mita, bona ena ladana be Helaga Gabuna.
8937	1KI 6:38	Bona Solomona ese king dagi ia hamatamaia murinai lagani 11 bona hua 8 idia ore neganai, Dubu Helaga haginia gaukara, idia palani gaudia ibounai be idia haorea vadaeni. Unai dubu haginia nega ena daudau korikori be lagani 7.
8952	1KI 7:15	Hurama ese du badadia rua auri laboralabora ia havevea dekena amo ia karaia. Inai du ruaosi edia lata be 8 mita bona edia kuboro be 5 mita bona 30 sentamita. Du ruaosi be paipa bamona, edia lalona anina lasi, bona edia auri laboralabora ena udunana be tau ena kwakikwaki 4 edia udunana hegeregerena. Du ruaosi edia bada be tamona.
8956	1KI 7:19	Inai du kwarana ruaosi edia toana be uro, o herahera ena ladana sosana bamona, bona sosana edia lata be mita ta 80 sentamita.
8963	1KI 7:26	Tanika ena auri laboralabora ena udunana be 8 sentamita hegeregerena. Tanika ena isena be kapusi ena isena hegeregerena, sosana herahera ena toana bamona. Inai tanika ese ranu ibounai 40,000 lita ia dogoatao diba.
8964	1KI 7:27	Hurama ese auri laboralabora dekena amo treila ibounai 10 ia karaia, ranu tanika maragidia dogoatao gaudia. Inai treila ta ta edia lata be mita ta, 80 sentamita, edia lababa danu be mita ta 80 sentamita, bona edia ataiai lata be mita ta 30 sentamita.
8968	1KI 7:31	Tanika maragidia be treila ena latanai do idia helai namonamo totona, gau kuboruna ta, rini hegeregerena be auri laboralabora dekena amo idia karaia. Inai rini be treila ena haba 4 edia lalona kahadia dekenai, bona unai du kwadogidia edia latanai ia helai. Rini ena ataiai be 45 sentamita dekenai treila ena ataiai ia hanaia, bona rini ena henunai be 18 sentamita dekenai treila ena lalonai ia diho, bona unuseni du maragidia latanai ia helai. Rini ena latanai be herahera danu idia koroa hagegea.
8975	1KI 7:38	Hurama ese danu ranu tanika maragidia 10 ia karaia, ta ta be treila ta ta dekenai do idia atoa totona. Inai tanika maragidia edia bada be mita ta 80 sentamita, bona tanika maragina ta ese ranu ena bada 800 lita ia dogoatao diba.
9054	1KI 8:66	Dina namba 8 dekenai Solomona ese taunimanima ia siaia lao. Idia ibounai ese Solomona idia hanamoa, bona edia ruma dekenai idia lao, mai edia moale bona mai edia lalona namo danu, Lohiabada ese iena hanamoa ibounai, be iena hesiai tauna Davida, bona iena bese Israela dekenai ia hedinaraia dainai.
9175	1KI 12:21	Rehoboama be Ierusalema dekenai ia ginidae neganai, ia ese Iuda iduhu bona Beniamina iduhu taudia ibounai ia haboua, tuari taudia ibounai 180,000. Ia ura tuari dekena amo Israela iduhu taudia do ia halusia, bona do ia gunalaidia lou.
9186	1KI 12:32	Ieroboama ese danu aria ta ia gwauraia. Hua namba 8 ena dina namba 15 be aria do idia karaia, Iuda dekenai idia karaia hegeregerena. Betele dekenai ia atoa boubou patana ena latanai, boubou gaudia ia gabua, golo boromakau tomadiho henia totona. Bona Betele dekenai, iena hahelagaia taudia, ia haginia vadaeni ataiai gabudia idia naria taudia, ia atoa, hesiai gaukara do idia karaia totona.
9187	1KI 12:33	Hua namba 8 ena dina namba 15, ia sibona ese ia gwauraia dinana, Ieroboama be Betele dekenai ia lao, boubou patana dekenai boubou ia karaia. Unai bamona be Ieroboama ese Israela taudia totona aria ta ia gwauraia, bona ia sibona ese boubou gauna ia gabua.
9253	1KI 15:1	Israela ena king, Ieroboama, Nebata ena natuna, be lagani 18 ia king neganai, Abaisa ese Iuda ena king ena dagi ia abia hamatamaia.
9315	1KI 16:29	Asa, Iuda taudia ese king dagi ia dogoatao lagani 38 ena lalonai Ahaba, Omeri ena natuna ese Israela ia gunalaia hamatamaia. Ahaba Omeri ese lagani 22 Israela ia gunalaia, Samaria dekenai.
9581	2KI 3:1	Iehosapata, Iuda ena king, ena lohia lagani namba 18 lalonai, Iorama, Ahaba ena natuna, be Israela ena king dagi ia abia, Samaria dekenai. Iorama ena lohia lagani be 12.
9703	2KI 6:25	Samaria hanua lalonai be hitolo bada herea ia vara, idia koua hagegea dainai. Hitolo dainai doniki ena kwarana ta idia hoia, davana be siliva moni 80, bona pune ena kukuri ena metau 200 garam ena davana be siliva moni 5.
9748	2KI 8:17	Ia lohia hamatamaia neganai iena mauri lagani be 32, bona ia be Ierusalema dekenai ia lohia, lagani 8 lalonai.
9821	2KI 10:24	Vadaeni Iehu bona Iehonadaba be idia raka vareai, boubou bona gabua boubou danu, Bala dekenai do idia henia gwauraia. Iehu ese tuari taudia ibounai 80 dubu ena murimurinai ia atodia, unuseni idia gini, bona ia ese idia ia hamaoroa, ia gwau, “Umui ese inai dubu lalonai taudia ibounai do umui alaia mase. Bema umui emui orea tuari tauna ta ese dubu lalonai taudia ta ia hamauria neganai, lau ese unai tuari tauna do lau alaia mase.”
9833	2KI 10:36	Iehu ese lagani 28 lalonai Israela ia naria, Samaria hanua dekenai.
9937	2KI 15:8	Usaia, Iuda ena king, ena lohia lagani 38 lalonai, Sekaraia Ieroboama ese Israela ena king dagi ia hamatamaia, bona hua 6 lalonai Samaria dekenai ia lohia karaia.
10100	2KI 19:35	Unai hanuaboi, Lohiabada ena aneru be Asuria edia kamepa dekenai ia lao, tuari taudia 185,000 ia alaia mase. Daba rere neganai taunimanima haida idia toreisi, idia ese mase taudia momo herea idia itaia, kamepa dekenai idia hekure noho.
10150	2KI 22:1	Iosaia ese king dagi ia abia hamatamaia neganai iena mauri lagani be 8. Ia ese Ierusalema dekenai ia king lagani 31 lalonai. Iosaia ena sinana be Iedida. Iedida be Adaia, Bosekata tauna ena natuna.
10152	2KI 22:3	King Iosaia ena king lagani 18 lalonai, ia ese Sapana, toretore tauna, Asalaia Mesulama ena natuna, be Lohiabada ena Dubu Helaga dekenai ia siaia lao, ia gwau,
10192	2KI 23:23	To king Iosaia ena king lagani 18 lalonai, Pasova aria be Ierusalema dekenai idia karaia, Lohiabada hanamoa totona.
10214	2KI 24:8	King Iehoiakini ena mauri lagani be 18 neganai ia ese Iuda ena king dagi ia hamatamaia. Ierusalema dekenai hua toi sibona ia king. Iena sinana ena ladana be Nehusuta, Elenatana, Ierusalema tauna, ena natuna.
10218	2KI 24:12	Bona king Iehoiakini ese sibona Babulonia taudia edia siahu henunai ia atoa, mai iena sinana, iena natuna memero, iena hesiai taudia, bona iena ruma naria taudia. Nebukanesa ia king lagani 8 neganai ia ese king Iehoiakini ia abia mauri.
10234	2KI 25:8	King Nebukanesa be king lagani 18, hua 5 bona dina 7 neganai Nebusaradana, king ena durua tauna bona ia be tuari biaguna badana, be Ierusalema dekenai ia ginidae.
10243	2KI 25:17	Unai du ruaosi edia bada be hegeregere, idia edia lata be 8 mita, edia kwarana danu be auri laboralabora, edia lata be mita ta 30 sentamita. Auri laboralabora reke bamona gauna ese unai kwarana ta ta ia hagegea. Auri laboralabora apolo au huahua edia laulau be unai reke ena latanai idia koroa.
10544	1CH 7:5	Isakara iduhu ibounai lalonai be tuari diba taudia ibounai 87,000 idia noho. Israela toretore taudia ese unai tuari taudia ibounai edia ladana be buka lalonai idia torea vadaeni.
10749	1CH 12:25	Iuda iduhu: Tuari taudia 6800, mai edia kesi bona io.
10755	1CH 12:31	Eparaima iduhu: Tuari taudia 20,800. Eparaima dekenai edia sivarai be bada.