6	GEN 1:6	Ma Dirava ia gwau, “Gau ta ese davara badana ena ataiai do ia noho, henunai ranu bona ataiai ranu be gabu rua do idia noho totona.”
8	GEN 1:8	Dirava ese unai gau ena ladana ia atoa Guba. Adorahi ia ore, bona daba ia mai, be dina namba 2.
9	GEN 1:9	Ma Dirava ia gwau, “Guba henunai ia noho ranu be gabu tamona dekenai ia haboua be namo, bona tano kaukau do ia hedinarai.” Vadaeni unai bamona ia vara.
15	GEN 1:15	Guba dekenai do idia diari be namo, tanobada do idia hadiaria totona.” Vadaeni, inai bamona ia vara.
35	GEN 2:4	Guba bona tanobada bona noho gaudia ibounai karaia dalana be inai bamona:
44	GEN 2:13	Sinavai iharuana ena ladana be Gihona, ia be Kusu tano ia heau hagegea.
57	GEN 3:1	Gaigai be kerere ena aonega dekenai ia honu momokani. Lohiabada Dirava ia karaia mauri gaudia ibounai edia aonega be gaigai ese ia hanaia. Ia ese hahine dekenai ia henanadaia, ia gwau, “Momokani, uma gabu ena au huahua ta ania lasi taravatu Dirava ese ia atoa o lasi?”
69	GEN 3:13	Lohiabada Dirava ese hahine dekenai ia gwau, “Inai be dahaka oi karaia vadaeni?” Hahine ia gwau, “Gaigai ese lau dekenai ia koikoi, bona lau ania.”
73	GEN 3:17	Bona Adamu danu dekenai ia gwau henia, ia gwau, “Oiemu adavana dekenai oi kamonai henia, bona lau taravatua au huahua oi ania vadaeni. Unai bamona oi karaia dainai, tano do ia dika oi dekenai. Gaukara auka do oi karaia oiemu mauri dinadia ibounai, aniani hegeregere do oi davaria totona.
155	GEN 6:17	Lau be abata bada herea tanobada dekenai do lau siaia, mauri gaudia ibounai do lau haorea. Gau ibounai tanobada dekenai do idia mase ore,
186	GEN 8:2	Tanobada henunai ia makohia bona ia daekau mai ranu gabudia be idia koua, guba ena matuna danu be idia koua. Guba dekenai ia diho medu danu be ia doko.
237	GEN 10:2	Iapeta ena natuna be inai: Gomere bona Magoga bona Madai bona Iavana bona Tubala bona Meseka bona Tirasi.
238	GEN 10:3	Gomere ena natuna be inai: Asakena bona Ripata bona Togarama.
251	GEN 10:16	bona Iebusu taudia bona Amoro taudia bona Girigasa taudia,
253	GEN 10:18	bona Aravada taudia bona Semara taudia bona Hamata taudia. Gabeai Kanana taudia edia iduhu ia makohia, idia lao gabu idauidau dekenai idia noho.
254	GEN 10:19	Kanana taudia edia tano be Sidono dekena amo ia lao bona Gasa, Gerara ena kahana dekenai, bona ia lao bona Lasa, Sodoma, bona Gomora bona Adima bona Seboimi edia kahana dekenai.
258	GEN 10:23	Arama ena natuna be inai: Usu bona Hulu bona Getere bona Masa.
268	GEN 11:1	Gunaguna neganai tanobada ibounai ena taunimanima ibounai edia gado be tamona, edia hereva danu be hegeregere.
273	GEN 11:6	Bona ia gwau. “Hari inai taudia be bese tamona, bona gado tamona idia veria noho. Idia karaia hamatamaia gauna be inai. Gabeai, bema gau ta idia ura karaia, daika ese edia dala do ia koua?
298	GEN 11:31	Tera ese iena bese taudia haida ia hakaudia, Uru hanua, Kaledea tano idia rakatania, Kanana tano dekenai idia lao totona. Iena bese taudia edia ladana be inai: Iena natuna, Aberamo, ena tubuna Lota, Harana ena natuna, bona iena ravana Sarai, Aberamo ena adavana. Gabu ta dekenai idia ginidae, ena ladana be Harana. Unuseni idia noho.
329	GEN 13:10	Vadaeni Lota ese iena matana ia negea, Ioridane Sinavai ena koura ia itaia, ibounai be mai edia ranu. Ia be Lohiabada ena uma gabu bamona, bona Aigupito ena tano bamona danu, ia lao bona Soara. (Inai be Lohiabada ese Sodoma hanua bona Gomora hanua ia hadikaia ore lasi neganai.)
338	GEN 14:1	Amarapela, Sinara tano ena king, Arioka, Elasara tano ena king, Kedoralaomere, Elama tano ena king, bona Tidala, Goimi tano ena king,
339	GEN 14:2	be idia lao tuari king 5 danu, Bera, Sodoma ena, Birisa, Gomora ena, Sinaba, Adima ena, Semebere, Seboimi ena, bona Bela ena king. Bela ena ladana ta be Soara.
344	GEN 14:7	Vadaeni Kedoralaomere ia giroa mai Kadesi dekenai, (ena ladana ta be “Kota Hereva ena Ranu Gabuna”), bona ia ese Amaleka taudia ibounai idia halusidia. Ma ia ese Amoro taudia, Hasasono Tamara dekenai idia noho, danu ia halusidia.
345	GEN 14:8	Vadaeni Sodoma ena king bona Gomora ena king bona Adima ena king bona Seboimi ena king bona Bela (ladana ta be Soara) ena king, be edia tuari taudia idia haboua Sidima Koura dekenai, tuari totona.
346	GEN 14:9	Inai king 5 ese king 4, Kedoralaomere, Elama ena king, bona Tidala, Goimi ena king, bona Amarapela, Sinara ena king, bona Arioka, Elasara ena king dekenai idia tuari henia.
347	GEN 14:10	Unai Sidima Koura be mai ena pisi guri momo herea. Vadaeni Sodoma ena king bona Gomora ena king be tuari dekena amo idia ura heau neganai, pisi guri lalonai idia moru. To taunimanima oredia be ororo dekenai idia heau mauri.
348	GEN 14:11	Unai king 4 ese kohu ibounai bona aniani ibounai Sodoma bona Gomora dekenai idia dadia, bona hanua idia rakatania lao.
360	GEN 14:23	lau gwau, oiemu kohu ta do lau abia lasi, tamaka varo danu do lau abia lasi. Gabeai do oi gwau, ‘Aberamo ena kohu momo be lau dekena amo ia abia’ garina.
366	GEN 15:5	Lohiabada ese ia hakaua murimuri dekenai, ia gwau, “Guba oi itaia, hisiu oi duahia diba o lasi? Oiemu tubuna edia momo be dohore unai bamona.”
372	GEN 15:11	Galo manudia idia diho vamu dekenai, to Aberamo ese ia luludia.
382	GEN 15:21	Amoro taudia edia tano, Kanana taudia edia tano, Girigasa taudia edia tano, bona Iebusu taudia edia tano.”
434	GEN 18:9	Gabeai ia dekenai idia henanadaia, idia gwau, “Oiemu adavana Sara be edeseni?” Ia gwau, “Ia be palai ruma lalonai.”
445	GEN 18:20	Bona Lohiabada ia gwau, “Sodoma bona Gomora be dika rohoroho, bona edia kara dika be bada herea.
482	GEN 19:24	Vadaeni, Lohiabada ese salipa nadi mai lahi bada danu guba dekena amo ia negea diho, Sodoma bona Gomora edia latanai.
486	GEN 19:28	Iena matana ia negea diho, Sodoma bona Gomora, bona tano palaka ibounai ia itaia, unai tano ibounai dekena amo kwalahu ia daekau noho, amu badana ena kwalahu bamona.
497	GEN 20:1	Unai neganai Aberahamo ia toreisi, ia laolao, diho kahana dekenai ia lao, Gerara dekenai ia noho, Kadesi bona Suru edia huanai.
498	GEN 20:2	Vadaeni Aberahamo ese Sara totona ia hereva, ia gwau, “Ia be lauegu taihuna.” Vadaeni Abimeleka, Gerara ena king ese ia abia.
568	GEN 22:20	Gabeai Aberahamo ese hereva ta ia kamonai, iena tadina Nahoro ena adavana Milika ese natudia ia havaraia.
572	GEN 22:24	Nahoro ena adavana iharuana Reuma ese danu natudia ia havaraia, edia ladana be Teba, bona Gahama bona Tahasa, bona Maka.
599	GEN 24:7	Lohiabada, Guba ena Dirava ese tamagu ena ruma dekena amo, bona egu varavara edia tano dekena amo, lau ia mailaia iniseni, bona lau dekenai ia gwauhamata, inai tano be lauegu tubudia dekenai do ia henia. Ia ese iena aneru oiemu vairana dekenai do ia siaia, vadaeni unuseni adavana ta do oi davaria egu natuna dekenai.
646	GEN 24:54	Gabeai, Aberahamo ena hesiai tauna mai ena bamona taudia be idia aniani bona idia inuinu, vadaeni idia mahuta unuseni. Dabai idia toreisi, vadaeni hesiai tauna ia gwau, “Mani lau oi siaia, lau giroa lou lauegu biaguna dekenai.”
684	GEN 25:25	Guna ia vara mero be kakakaka. Iena ladana idia atoa Esau, badina be iena tauanina ibounai be dabua mai huihui bamona.
685	GEN 25:26	Gabeai iena tadina ia vara, bona iena imana dekena amo Esau ena aena ia dogoatao. Iena ladana idia atoa Iakobo, ena anina be “gabu abia tauna.” Idia ruaosi idia vara neganai, Isako ena mauri lagani be 60.
694	GEN 26:1	Hitolo bada ia vara unai tano dekenai, Aberahamo ia noho neganai bamona. Vadaeni, Isako ia toreisi, Gerara dekenai ia lao, Abimeleka, Pilistia ena king dekenai.
699	GEN 26:6	Unai dainai Isako be Gerara dekenai ia noho.
710	GEN 26:17	Vadaeni Isako ia raka siri, Gerara ena koura dekenai ia kamepa, unuseni ia noho.
713	GEN 26:20	Gerara bese taudia edia mamoe bona boromakau naria taudia be Isako ena mamoe bona boromakau naria taudia danu idia heatu, idia gwau, “Inai be aiemai ranu.” Unai dainai Isako ese unai ranu guri ena ladana ia atoa Eseka, ena anina be, Heai, badina be idia heai inai ranu totona.
715	GEN 26:22	Unai gabu dekena amo idia be ma idia raka siri, vadaeni guri ta ma idia geia. Unai totona be idia heatu lasi, unai dainai iena ladana ia atoa Rehoboto, anina be, Gabu, badina be ia gwau, “Lohiabada ese gabu ta ia kehoa vadaeni ita dekenai, iniseni do ita noho namonamo.”
719	GEN 26:26	Abimeleka be Gerara dekena amo ia mai, ia bona iena turana ta Ahusata, bona iena tuari oreana ena biaguna, Pikola idia toiosi Isako dekenai idia mai.
750	GEN 27:22	Vadaeni Iakobo be iena tamana Isako dekenai ia lao kahirakahira, iena kopina ia dogoatao, vadaeni ia gwau, “Gadona be Iakobo ena gadona, to imana be Esau ena imana.”
796	GEN 28:22	Inai laloatao nadina danu hari lau haginia be Dirava ena ruma dekenai do lau halaoa. Gau ibounai lau dekenai do oi henia be dohore lau haria karaia, kahana ibounai 10, bona kahana ta do lau henia oi dekenai.”
839	GEN 30:8	Vadaeni Rahela ia gwau, “Lauegu kakana danu ai goada helulu, lau kwalimu vadaeni.” Vadaeni mero ena ladana ia atoa Napatali, ena anina be “Goada Helulu”.
842	GEN 30:11	Vadaeni, Lea ia gwau, “Lauegu laki ena nega be inai.” Vadaeni mero ena ladana ia atoa Gado, anina be “Laki Nega Namona”.
888	GEN 31:14	Rahela bona Lea be Iakobo dekenai idia haere, idia gwau, “Dahaka do ai abia aiemai tamana dekena amo? Gau ta ia noho lasi ai dekenai.
895	GEN 31:21	Ia be ia lao, iena orea taudia bona iena kohu ibounai ia abia lao, Euperate Sinavai idia hanaia, Gileada ena ororo dala dekenai idia lao.
897	GEN 31:23	Vadaeni ia ese iena varavara taudia ia haboua, bona dina 7 Iakobo ena murina dekenai idia lulua lao haragaharaga, ia lao bona Gileada ena ororo dekenai idia davaria.
899	GEN 31:25	Vadaeni Labana ese Iakobo ia davaria. Iakobo be ororo dekenai ia kamepa vadaeni, Labana mai ena varavara taudia danu Gileada ororo dekenai idia kamepa.
921	GEN 31:47	Vadaeni Labana ese unai gabu ena ladana ia atoa, Iegara Sahaduta, bona Iakobo ese unai gabu ena ladana ia atoa Galeda, ladana ruaosi edia anina be “Hereva hedinaraia nadi”.
922	GEN 31:48	Vadaeni Labana ia gwau, “Hari dina dekenai inai nadi haboua ese, be maino laloatao toana oi bona lau iseda huanai.” Unai dainai unai laloatao nadina ena ladana be Galeda.
938	GEN 32:10	Vadaeni Iakobo ia guriguri, ia gwau, “Lauegu tubuna Aberahamo ena Dirava e, lauegu tamana Isako ena Dirava e, mani oi kamonai! Guna oi hereva lau dekenai, oi gwau, ‘Oiemu tano bona oiemu varavara taudia dekenai do oi giroa lou, vadaeni do lau hanamoa oi.’
943	GEN 32:15	Gaudia be inai: Nani hahine 200 bona nani tatau 20, mamoe hahine 200 bona mamoe tatau 20,
1038	GEN 35:26	Lea ena hesiai hahine Silipa ena natuna tatau be inai: Gado bona Asere. Inai natuna tatau be Iakobo ese ia abia Mesopotamia dekenai.
1052	GEN 36:11	Elipasa ena natuna tatau be Temana bona Omara bona Sepo bona Gatama bona Kenasa.
1057	GEN 36:16	bona Kora bona Gatama bona Amaleka ia havaraia. Inai ibounai be Edoma tano ena lohia taudia, Elipasa, Ada ena natuna ese ia havaraia.
1076	GEN 36:35	Husama ia mase neganai be Hadada Bedada ese iena gabu ia abia. Guna inai Hadada Bedada ese Moaba tano palaka dekenai Midiana taudia tuari dekenai ia halusidia vadaeni. Iena hanua badana ena ladana be Aviti.
1109	GEN 37:25	Vadaeni idia helai diho, idia aniani. Edia matana idia negea, laolao taudia haida idia itaia, idia be Isamaela taudia Gileada dekena amo idia mai, Aigupito dekenai idia lao gwauraia, edia kamelo be aniani edia muramura, bona muramura mai bonana namo idia huaia.
1150	GEN 38:30	Gabeai iena kakana ia vara, mai varo kakakaka danu iena imana dekenai, iena ladana idia atoa Sera, ena anina be “daekau.”
1215	GEN 41:19	Gabeai idau boromakau 7 ma idia daekau, edia tauanina be dika, bona mai digara lasi, Aigupito ena tano ibounai dekenai boromakau dikadia inai bamona nega ta lau itaia lasi.
1219	GEN 41:23	Gabeai ta ma ia tubu daekau mai ena anina 7, idia dika bona idia maragi, bona dina ia daekau ena kahana dekena amo lai ia mai neganai idia kakoro.
1226	GEN 41:30	Gabeai hitolo ena lagani 7 do idia mai, Aigupito ena tano dekenai aniani momo ena nega do idia laloaboio, badina be hitolo do ia bada herea, bona tano be do ia hadikaia momokani.
1238	GEN 41:42	Farao be mai ena rini, king ena dagi toana gauna. Ia ese iena imana kwakikwakina dekena amo inai rini ia kokia, Iosepa ena imana kwakikwakina dekenai ia atoa, bona dabua namo herea danu ia dekenai ia atoa. Golo dekena amo karaia ageva danu Iosepa ena aiona dekenai ia atoa.
1248	GEN 41:52	Gabeai ia vara mero ena ladana ia atoa Eparaima, ena anina be “Natuna Henia”. Ia gwau, “Hisihisi lau abia tanona dekenai Dirava ese lauegu natuna ia henia vadaeni.”
1277	GEN 42:24	Vadaeni ia raka siri, ia tai. Gabeai ia giroa mai, idia dekenai ia hereva lou. Vadaeni iena hesiai taudia ia oda henia, Simeona idia dogoatao, bona varo dekenai idia guia, idia edia vairana dekenai.
1324	GEN 43:33	Vadaeni hesiai taudia ese tadikaka edia helai gabuna idia henidia, Iosepa ena vairanai, edia vara hegeregerena. Guna ia vara tauna ia lao bona gabeai ia vara tauna. Unai dainai idia sibona ta ta edia matana dekenai idia itaia, bona idia hoa bada danu.
1337	GEN 44:12	Vadaeni inai tau ese ia tahua. Guna ia vara tauna dekenai ia tahua hamatamaia, ia lao bona gabeai ia vara tauna dekenai ia hadokoa. Kapusi be Beniamina ena puse dekenai ia davaria.
1369	GEN 45:10	Gosena tano dekenai do umui noho, lauegu badibadinai, oi bona oiemu natuna bona oiemu tubuna bona oiemu mamoe ibounai, bona oiemu boromakau ibounai, bona oiemu gau ibounai.
1370	GEN 45:11	Bema Gosena dekenai umui noho, do lau naria diba umui. Hitolo nega ena lagani 5 ma do idia noho, lau ura lasi umui bona emui orea taudia ibounai do umui hitolo.’
1374	GEN 45:15	Vadaeni Iosepa ese iena kakana ibounai dekenai ia kisi henia, bona ia rosia idia dekenai mai tai danu. Gabeai iena tadikakana danu ese ia danu idia herevahereva, idia gari lasi.
1398	GEN 46:11	Levi ena natuna tatau be Geresone, Kohata bona Merari.
1403	GEN 46:16	Gado ena natuna tatau be Sipiona, Hagi, Suni, Esabona, Eri, Arodi bona Areli.
1408	GEN 46:21	Beniamina ena natuna tatau be inai: Bela, Bekere, Asabela, Gera, Namana, Ehi, Rosa, Mupima, Hupima, bona Arada.
1411	GEN 46:24	Napatali ena natuna tatau be Iasela, Guni, Iesere bona Silema.
1415	GEN 46:28	Iakobo ese Iuda ia siaia guna Iosepa dekenai, Iosepa ese Gosena vareai dalana do ia hadibaia totona. Vadaeni Gosena dekenai idia ginidae.
1416	GEN 46:29	Iosepa ese iena kariota ia abia hegaegae, Gosena dekenai ia lao, iena tamana Israela danu do idia hedavari totona. Ia dekenai ia ginidae, vadaeni iena aiona dekenai ia rosia, ia tai nega daudau.
1421	GEN 46:34	Unai neganai do umui haere, umui gwau, ‘Oiemu hesiai taudia ai be mero negana boromakau bona mamoe ai naria ia mai bona harihari, aiemai tamadia bamona.’ Vadaeni Gosena tano do umui noho diba. Badina be Aigupito taudia idia ura henia lasi mamoe naria taudia dekenai.”
1422	GEN 47:1	Vadaeni Iosepa ia lao Farao dekenai, ia gwau, “Lauegu tamana bona tadikakana taudia Kanana tano dekena amo idia mai vadaeni. Mai edia mamoe bona edia boromakau bona edia kohu ibounai, harihari idia be Gosena tano dekenai.”
1425	GEN 47:4	Vadaeni idia noinoi Farao dekenai, idia gwau, “Ai mai vadaeni, inai tano dekenai ai noho gwauraia. Badina be Kanana tano dekenai rei sisina ia noho lasi, aiemai mamoe bona boromakau idia ania totona. Lohia e, mani emu kara oi hereva, ai be Gosena tano dekenai do ai noho.”
1427	GEN 47:6	Aigupito ena tano ibounai be oiemu vairana dekenai. Gabu namo herea ta do oi henidia, idia noho totona. Gosena tano dekenai do idia noho, bona goada taudia bema haida idia noho, idia edia huanai, lauegu boromakau naria taudia do oi halaoa.”
1448	GEN 47:27	Israela taudia be Aigupito taudia edia huanai idia noho Gosena dekenai. Unuseni kohu momo idia haboua, bona natuna momo idia havaraia.
1463	GEN 48:11	Vadaeni Israela ese Iosepa dekenai ia hamaoroa, ia gwau, “Guna lau laloa be oiemu vairana do lau itaia lou lasi. To Dirava ia bogahisihisi lau dekenai, unai dainai oi bona oiemu natudia lau itaia vadaeni.”
1493	GEN 49:19	“Gado be dadia taudia orea ta ese, do idia tuari henia, to ia ese do ia heatu henidia bona luludia.
1515	GEN 50:8	Bona Iosepa ena varavara taudia ibounai, bona iena tadikaka taudia, bona iena tamana ena bese taudia danu idia lao. Edia natuna marigidia, bona edia mamoe ibounai bona edia boromakau ibounai, unai sibona idia rakatania Gosena tano dekenai.
1517	GEN 50:10	Gabu ta, ena ladana Atada dekenai idia ginidae, Ioridane Sinavai ena dina ia daekau kahanai. Unai Atada be uiti dekena amo momoru kokia gabuna. Unuseni Iakobo totona taitai gaukara ibounai idia karaia, mai lalohisihisi bada. Iosepa ese dina 7 ia taitai iena tamana totona.
1537	EXO 1:4	Dano, Napatali, Gado, Asere.
1539	EXO 1:6	Gabeai Iosepa ia mase, iena tadikakana taudia bona iena nega taudia ibounai danu idia mase.
1540	EXO 1:7	To Israela taudia ese idia edia natuna momo herea idia havaraia. Idia edia bese ia bada ia lao, bona mai goada danu, Gosena tano idia hahonua momokani.