5	GEN 1:5	Dirava ese diari ena ladana ia atoa Dina, bona dibura ena ladana ia atoa Hanuaboi. Adorahi ia ore, bona daba ia mai, be dina namba 1.
16	GEN 1:16	Bona Dirava ese diari badadia rua ia karaia, badana be dina do ia biagua, bona maragina be hanuaboi do ia naria. Hisiu danu ia karaia.
42	GEN 2:11	Sinavai ginigunana ena ladana be Pisona, ia be Havila tano ia heau hagegea, unai gabu dekenai golo korikori ia noho.
54	GEN 2:23	Vadaeni unai tau ia gwau, “Inai harihari lau bamona tauna ia noho. Ia be lauegu turia ena turia, bona lauegu hidio ena hidio. Iena ladana do idia atoa, Hahine, badina be tau dekena amo be ia kokia.”
58	GEN 3:2	Hahine ese gaigai dekenai ia haere, ia gwau, “Uma gabu dekenai idia gini au edia huahua ibounai ai ania be ia namo,
62	GEN 3:6	Hahine ese ia itaia, unai au ena toana be namo herea, bona ena au huahua ia itaia be aniani gauna namona, bona au ena aonega ia ura abia. Vadaeni, unai au ena huahua ia abia, bona ia ania. Ma iena tau dekenai ia henia danu, bona ia danu ia ania.
69	GEN 3:13	Lohiabada Dirava ese hahine dekenai ia gwau, “Inai be dahaka oi karaia vadaeni?” Hahine ia gwau, “Gaigai ese lau dekenai ia koikoi, bona lau ania.”
70	GEN 3:14	Vadaeni Lohiabada Dirava ese gaigai dekenai ia gwau henia, ia gwau, “Unai bamona oi karaia dainai oiemu kerere davana do oi abia. Oi sibona inai kerere davana do oi karaia. Hari ia lao bona hanaihanai, oiemu bogana dekenai do oi rau, bona tano ena kahu do oi ania.
76	GEN 3:20	Tau ese iena adavana ena ladana ia atoa Heva, badina ia be mauri taudia ibounai edia sinana.
77	GEN 3:21	Bona Lohiabada Dirava ese boromakau edia kopina dekena amo dabua ia karaia, Adamu bona Heva dekenai, bona idia dekenai dabua ia atoa.
78	GEN 3:22	Lohiabada Dirava ia gwau, “Hari inai tau be ita hegeregere ia lao vadaeni, badina be kara namo bona kara dika ia diba. mauri auna ena huahua do ia ania noho be ia dika, mauri hanaihanai ia abia garina.”
81	GEN 4:1	Adamu bona Heva idia mahuta hebou, bona Heva ia rogorogo. Ia mara, mero ia abia. Ia gwau, “Lohiabada ena durua dekenai mero ta lau abia vadaeni.” Iena ladana ia atoa Kaino.
91	GEN 4:11	Harihari dika ia mai oi dekenai, bona inai tano do oi rakatania momokani. Badina inai tano ese oiemu tadina ena rarana ia ania, oi ese oiemu tadina oi alaia neganai.
138	GEN 5:32	Noa ena mauri lagani be 500 neganai, ia ese Sema, bona Hamo, bona Iapeta ia havaraia.
141	GEN 6:3	Bona Lohiabada ia gwau, “Egu lauma be nega ibounai taunimanima edia lalonai do ia noho lasi, badina idia be hidio sibona. Hari ia lao, edia mauri lagani be dohore lagani 120 sibona.”
147	GEN 6:9	Iena natuna memero be toi, Sema bona Hamo bona Iapeta.
173	GEN 7:13	Unai dina dekenai Noa mai ena adavana danu, bona edia natudia memero Sema bona Hamo bona Iapeta mai edia adavadia danu, be lagatoi dekenai idia guia.
198	GEN 8:14	Hua iharuana ena dina 27 dekenai tanobada be ia kaukau vadaeni.
209	GEN 9:3	Hari inai mauri gaudia ibounai umui ania diba, ava aniani umui ania vadaeni hegeregerena. Lau ese lau henia umui dekenai, aniani totona.
213	GEN 9:7	“Hari ia lao, natuna momo do umui havaraia, vadaeni emui bese be bada herea tanobada dekenai, bona tanobada gabu ibounai dekenai do idia noho.”
224	GEN 9:18	Noa ena natuna memero, lagatoi dekena amo idia diho taudia, edia ladana be Sema, bona Hamo bona Iapeta. Hamo be Kanana ena tamana.
228	GEN 9:22	Hamo, Kanana ena tamana ese iena tamana ia itaia, ia be kopina kavakava. Vadaeni, ia lao, iena tadikakana ruaosi dekenai ia hamaoroa.
230	GEN 9:24	Noa ena inua kekero dekena amo ia noga neganai, ia kamonai dahaka kara dikana iena natuna Hamo ese ia karaia.
236	GEN 10:1	Noa ena natuna toi, Sema bona Hamo bona Iapeta, edia natuna bona edia tubuna be inai, abata ia daekau murinai idia havaraia:
241	GEN 10:6	Hamo ena natuna be inai: Kusu bona Aigupito bona Putu bona Kanana.
242	GEN 10:7	Kusu ena natuna be inai: Seba bona Havila bona Sabata bona Rama bona Sabateka. Rama ena natuna be inai: Sieba bona Dedana.
250	GEN 10:15	Kanana ena natuna be inai: Sidono, ia vara guna tauna, bona Heta,
252	GEN 10:17	bona Hivi taudia bona Araka taudia bona Sini taudia,
253	GEN 10:18	bona Aravada taudia bona Semara taudia bona Hamata taudia. Gabeai Kanana taudia edia iduhu ia makohia, idia lao gabu idauidau dekenai idia noho.
255	GEN 10:20	Inai ibounai be Hamo ena bese taudia, edia iduhu idauidau bona edia tano idauidau dekenai idia noho, edia orea ta ta be mai edia gado idauidau.
258	GEN 10:23	Arama ena natuna be inai: Usu bona Hulu bona Getere bona Masa.
261	GEN 10:26	Iokatana ena natuna be inai: Alamodada bona Selepe bona Hasaramavete bona Iera,
262	GEN 10:27	bona Hadorama bona Usala bona Dikila,
264	GEN 10:29	bona Opiri bona Havila bona Iobaba. Inai ibounai be Iokatana ena natuna.
271	GEN 11:4	Vadaeni, ma idia gwau, “Hari, hanua badana ta ita karaia be namo, iena kohoro be guba dekenai do ia kamokau. Unai dekena amo iseda ladana do ia bada, tanobada kahana kahana ibounai dekenai do ita loaloa kava noho garina.”
273	GEN 11:6	Bona ia gwau. “Hari inai taudia be bese tamona, bona gado tamona idia veria noho. Idia karaia hamatamaia gauna be inai. Gabeai, bema gau ta idia ura karaia, daika ese edia dala do ia koua?
293	GEN 11:26	Tera ena mauri lagani be 70 murinai, ia ese Aberamo bona Nahoro bona Harana ia havaraia.
294	GEN 11:27	Tera ena natuna bona iena tubuna be inai: Tera ese Aberamo bona Nahoro bona Harana ia havaraia. Harana ese Lota ia havaraia.
295	GEN 11:28	Aberamo ena tamana Tera ia do mase lasi neganai, Harana ia mase guna, ia vara gabuna dekenai, Uru, Kaledea taudia edia hanua ta, unuseni ia mase.
296	GEN 11:29	Aberamo ia headava, Nahoro danu ia headava. Aberamo ena adavana ena ladana be Sarai. Nahoro ena adavana ena ladana be Milika, Harana ena natuna. Unai Harana ena natuna be Milika, bona Isika.
298	GEN 11:31	Tera ese iena bese taudia haida ia hakaudia, Uru hanua, Kaledea tano idia rakatania, Kanana tano dekenai idia lao totona. Iena bese taudia edia ladana be inai: Iena natuna, Aberamo, ena tubuna Lota, Harana ena natuna, bona iena ravana Sarai, Aberamo ena adavana. Gabu ta dekenai idia ginidae, ena ladana be Harana. Unuseni idia noho.
299	GEN 11:32	Tera ena mauri lagani ibounai be 205, vadaeni Harana hanua dekenai ia mase.
303	GEN 12:4	Vadaeni Aberamo ia lao, Dirava ena oda hegeregere. Lota be Aberamo danu idia lao. Aberamo be Harana hanua ia rakatania neganai iena mauri lagani be 75.
304	GEN 12:5	Aberamo ese iena adavana Sarai bona iena vavana Lota ia hakaua lao. Harana hanua dekenai idia davaria kohu bona gaukara memero danu idia abia lao. Idia toreisi, Kanana dekenai idia lao gwauraia.
315	GEN 12:16	Hahine dainai Farao ese Aberamo ia naria namonamo, bona mamoe, nanigosi, boromakau, kamelo, hesiai taudia bona hesiai hahine ia dekenai ia henia.
334	GEN 13:15	Hari oi itaia noho tano ibounai oi dekenai, bona oiemu tubuna dekenai do lau henia, ia lao bona hanaihanai.
337	GEN 13:18	Vadaeni Aberamo ese iena palai ruma ia lokua, ia toreisi, ia lao Heberona dekenai. Unuseni ia noho, Mamare ena au helagadia kahirakahira. Unuseni boubou patana ta ia karaia, Lohiabada dekenai.
342	GEN 14:5	Lagani namba 14 dekenai Kedoralaomere, mai ena durua taudia danu, ese ia toreisi, Repaima taudia, Asataroto Karanaimi dekenai ia halusidia, bona Susima taudia, Hamo dekenai ia halusidia, bona Emima taudia, Save Kiriataimi dekenai ia halusidia.
343	GEN 14:6	Hori taudia danu, edia ororo, ladana Seiri dekenai ia halusidia, bona ia luludia ia lao bona El Parana, taunimanima noho lasi tano ena hetoa badinai.
344	GEN 14:7	Vadaeni Kedoralaomere ia giroa mai Kadesi dekenai, (ena ladana ta be “Kota Hereva ena Ranu Gabuna”), bona ia ese Amaleka taudia ibounai idia halusidia. Ma ia ese Amoro taudia, Hasasono Tamara dekenai idia noho, danu ia halusidia.
350	GEN 14:13	To heau mauri tauna ta ia lao, Aberamo, Heberu tauna dekenai ia hamaoroa. Aberamo be Mamare, Amoro tauna, Esakolo bona Anere edia kakana ena au helagadia kahirakahira ia noho. Inai tau toi be Aberamo danu idia turana karaia vadaeni.
352	GEN 14:15	Unuseni Aberamo bona ena tatau idia parara, orea rua idia lao, hanuaboi lalonai unai king taudia idia tuari henidia, idia halusidia. Bona Aberamo ia luludia, ia lao bona Hoba, Damaseko ena mirigini kahana dekenai.
381	GEN 15:20	Hiti taudia edia tano, Perisi taudia edia tano, Repaima taudia edia tano,
383	GEN 16:1	Aberamo ena adavana, Sarai, be gabani, natuna ta ia abia lasi Aberamo dekenai. To ia be mai ena hesiai hahine ta, Aigupito hahine, iena ladana be Hagara.
385	GEN 16:3	Unai dainai Sarai ese iena hesiai hahine Hagara, Aigupito hahine, ia abia, iena adavana Aberamo dekenai ia henia, do ia adavaia. Aberamo be lagani 10 Kanana dekenai ia noho murinai inai kara ia vara.
386	GEN 16:4	Aberamo be Hagara danu idia mahuta hebou murinai hahine be ia rogorogo. Hagara ia diba ia be rogorogo vadaeni dainai, iena biaguna hahine dekenai ia matauraia lasi.
387	GEN 16:5	Vadaeni Sarai ese Aberamo dekenai ia hereva, ia gwau, “Hagara ese lau ia matauraia lasi, be oiemu kerere dainai. Lauegu hesiai hahine lau henia oi dekenai, to ia diba ia be rogorogo neganai ia mai bona hari, ia ese lau ia matauraia lasi, Lohiabada ese ita ruaosi iseda huanai do ia gwauraia daika be maoro, bona daika be kerere.”
388	GEN 16:6	To Aberamo ese Sarai dekenai ia haere, ia gwau, “Vadaeni, hahine be oiemu imana dekenai, oiemu ura hegeregere oi karaia ia dekenai.” Vadaeni Sarai ese ia dagedage henia, ia lao bona Hagara be ia heau.
389	GEN 16:7	Lohiabada ena aneru ese taunimanima lasi gabuna ena ranu guri ta dekenai Hagara ia davaria. Unai ranu guri be Suru dala ena badibadinai.
390	GEN 16:8	Aneru ia gwau, “Hagara e, Sarai ena hesiai hahine, edeseni oi mai, bona edeseni do oi lao?” Ia haere, “Lau be Sarai dekena amo lau heau noho.”
395	GEN 16:13	Hagara ese sibona dekenai ia henanadai, ia gwau, “Momokani, inai gabu dekenai Dirava lau itaia, to lau mauri noho?” Unai dainai Hagara ese Lohiabada ena ladana ia atoa, “Oi be lau oi itaia noho Diravana”.
397	GEN 16:15	Vadaeni, Hagara ia mara, mero ta ia abia, Aberamo ena. Bona Aberamo ese iena ladana ia atoa Isamaela, ena anina be, “Dirava ia kamonai noho.”
439	GEN 18:14	Be, hoa kara ia noho, Lohiabada ia karaia diba lasi, a? Hua 9 lalonai, nega korikori dekenai, do lau giroa mai, bona Sara be natuna mero do ia abia.”
446	GEN 18:21	Harihari do lau diho, lau itaia, lau kamonai sivarai be ia momokani o lasi. Do lau diba namonamo.”
449	GEN 18:24	Bema kara maoromaoro taudia 50 hanua dekenai idia noho, be hanua ibounai do oi hadikaia ore, a? Hanua dekenai do oi bogahisihisi diba, unai 50 hamauria totona?
462	GEN 19:4	Idia do hekure lasi neganai, Sodoma ena tatau ese ruma idia gini hagegea. Hanua ena tatau ibounai unuseni idia mai, uhau bona buruka.
463	GEN 19:5	Lota dekenai idia boiboi, idia henanadaia, “Hari hanuaboi oiemu ruma dekenai noho tatau be edeseni? Murimuri dekenai oi hakaudia, bona do ai sihari henidia.”
475	GEN 19:17	Hanua ena murimuri kahana dekenai idia hakaudia murinai, aneru ta ia gwau, “Umui heau mauri. Umui emui vairana umui giroa murina dekenai lasi, bona tano palaka gubuna dekenai umui naria lasi. Ororo dekenai do umui heau, umui mase garina.”
480	GEN 19:22	Karaharaga! Heau! Lau be kara lau karaia diba lasi ela bona oi be unuseni oi ginidae.” Lota ese ia gwauraia maragi dainai, unai hanua ena ladana idia atoa Soara, iena anina be “Maragi”.
492	GEN 19:34	Kerukeru, vara guna kekeni ese iena tadina dekenai ia hamaoroa, ia gwau, “Varani hanuaboi iseda tamana danu lau sihari. Hari hanuaboi ita hakekeroa lou be namo, bona oi danu ese lau karaia bamona do oi karaia. Unai dekena amo ita ruaosi natudia do ita abia iseda tamana dekena amo.”
501	GEN 20:5	Inai tau ese ia hamaoroa lau dekenai, ia gwau, ‘Inai be lauegu taihuna, ani?’ Hahine danu ia hamaoroa lau dekenai, ia gwau, ‘Ia be lauegu taihuna.’ Inai kara lau karaia neganai, lauegu laloa be mai maoromaoro danu, bona lauegu imana be miro lasi.”
523	GEN 21:9	Dina ta Hagara, Aigupito hahine ena natuna Isamaela, Aberahamo ese ia havaraia merona, be Isako danu idia gadara noho.
526	GEN 21:12	To Dirava ese Aberahamo dekenai ia hereva, ia gwau, “Unai mero bona oiemu hesiai hahine Hagara dekenai oi laloa momo lasi. Sara ena ura do oi karaia, badina be Isako dekena amo, lau gwauhamata vadaeni bese, be do oi abia.
528	GEN 21:14	Kerukeru, daba maragi neganai, Aberahamo ese Hagara dekenai aniani bona ranu danu be nani kopina lalonai ia henia. Idia be Hagara ena doruna dekenai ia atoa, bona ia siaia lao, mero danu. Vadaeni, hahine ia lao, bona Bere Sieba ena taunimanima lasi gabuna dekenai ia loaloa.
531	GEN 21:17	Dirava ese mero ena tai ia kamonai, bona Dirava ena aneru guba dekena amo Hagara dekenai ia hereva, ia gwau, “Hagara e, dahaka dekenai oi laloa momo? Oi gari lasi. Dirava ese mero ena tai ia kamonai vadaeni.
547	GEN 21:33	Bona Aberahamo ese au ta ia hadoa Bere Sieba dekenai, bona Lohiabada, Noho Hanaihanai Dirava dekenai ia tomadiho henia.
560	GEN 22:12	Ia gwau, “Oiemu imana mero dekenai oi atoa lasi, kara ta danu oi karaia lasi ia dekenai. Harihari lau diba vadaeni, oi be Dirava oi gari henia momokani, badina be oiemu natuna korikori lau ura abia neganai, oi dogoatao lasi.”
562	GEN 22:14	Aberahamo ese unai gabu ena ladana ia atoa, “Lohiabada ia Henia”. Inai bamona idia gwauraia, ia mai bona hari, idia gwau, “Lohiabada ese ia henia, iena ororo dekenai.”
570	GEN 22:22	Keseda bona Haso bona Pilidasa bona Idilapa bona Betuela.
574	GEN 23:2	Sara be Kiriata Araba dekenai ia mase, unai hanua be Kanana tano dekenai, ma ena ladana ta be Heberona. Aberahamo be ruma dekenai ia raka vareai, Sara totona ia taitai.
575	GEN 23:3	Vadaeni Aberahamo be mase rumana dekena amo ia diho, Hiti taudia dekenai ia hamaorodia, ia gwau,
577	GEN 23:5	Vadaeni, Hiti taudia ese idia haere, idia gwau,
579	GEN 23:7	Vadaeni Aberahamo ia toreisi, Hiti taudia edia vairana dekenai iena kwarana ia atoa diho,
582	GEN 23:10	Inai Eparona be Hiti taudia edia huanai ia helai noho. Vadaeni Eparona, Hiti tauna, ese Aberahamo dekenai ia haere, Hiti taudia edia vairana dekenai, bona iena hanua taudia ibounai edia vairana dekenai, ia gwau,
584	GEN 23:12	Vadaeni Aberahamo ese unai gabu taudia, Hiti taudia edia vairana dekenai iena kwarana ia atoa diho.
588	GEN 23:16	Aberahamo ese Eparona ena hereva ia kamonai, Hiti taudia edia vairana dekenai tano ena davana unai bamona ia gwauraia, vadaeni siliva moni 400 ia duahia, bona ia henia. Inai siliva moni ena metau be hoihoi taudia idia gaukaralaia noho moni ena metau hegeregerena.
590	GEN 23:18	Aberahamo ese iena tano korikori dekenai ia halaoa, Hiti taudia edia vairana dekenai, bona unai hanua lalonai idia haboua taudia ibounai edia vairana dekenai ia hoia.
591	GEN 23:19	Vadaeni Aberahamo ese iena adavana Sara ia guria, Makapela nadi ena matuna lalonai, Mamare ena badibadinai. Unai gabu be Heberona, Kanana tano dekenai,
592	GEN 23:20	unai tano bona unai nadi matuna be Aberahamo ia abia momokani, iena guria gabuna, Hiti taudia dekena amo.
602	GEN 24:10	Hesiai tauna ese iena biaguna ena kamelo ibounai 10 ia abia, davana bada harihari gaudia momo danu. Vadaeni, ia toreisi, ia lao Mesopotamia kahanai, hanua ta ladana Nahoro dekenai.
635	GEN 24:43	Hari lau be ranu guri dekenai, bema kekeni ta ranu utua totona ia mai neganai, do lau hereva henia, lau gwau, “Mani emu kara ranu sisina oi henia oiemu hodu dekena amo, do lau inua.”
657	GEN 24:65	hesiai tauna dekenai ia nanadaia, ia gwau, “Unai hari tano palaka dekena amo ia mai tauna be daika?” Hesiai tauna ia gwau, “Ia be lauegu biaguna.” Vadaeni Rebeka ese dabua ta ia abia, iena vairana ia koua.
658	GEN 24:66	Hesiai tauna ese ena kara ibounai Isako dekenai ia hamaoroa.
663	GEN 25:4	Midiana ese Epa bona Epere bona Hanoka bona Abida bona Eledaha ia havaraia. Inai ibounai be Ketura ena bese.
668	GEN 25:9	Iena natuna ruaosi Isako bona Isamaela ese ia idia abia, Makapela ena nadi matuna dekenai idia guria, unai nadi matuna be Mamare ena dina daekau kahana dekenai, Eparona Sohara, Hiti tauna ena tano dekenai.
669	GEN 25:10	Unai tano be Aberahamo ese Hiti taudia dekena amo ia abia. Unuseni Isako bona Isamaela ese Aberahamo idia guria, iena adavana Sara danu.
671	GEN 25:12	Isamaela ena natuna bona iena tubuna be inai: Ia be Aberahamo ena natuna, Sara ena hesiai hahine Hagara ena bogana dekena amo ia vara. Hagara be Aigupito hahine.
674	GEN 25:15	bona Hadada bona Tema bona Ieturu bona Napisi bona Kedema.
677	GEN 25:18	Isamaela ena bese edia tano be Havila ia lao bona Suru, Aigupito ena dina ia daekau kahana dekenai, Asuria dekenai ia lao dala badinai. Idia be edia varavara taudia Aberahamo ena natuna dekena amo idia noho siri.