102	GEN 4:22	Bona Sila ia mara, Tubala Kaino ia abia. Ia be kapa bona auri dekenai gaukara taudia ibounai edia tubuna. Inai Tubala Kaino ena taihuna ena ladana be Namaha.
135	GEN 5:29	Iena ladana ia atoa Noa, ena anina be “laga-ani”. Ia gwau, “Lohiabada ese tano ia hadikaia vadaeni kara dekena amo inai mero ese ita do ia hamauria, iseda imana edia gaukara, bona iseda hekwarahi dekena amo do ita laga-ani totona.”
136	GEN 5:30	Noa ia vara murinai, Lameka be lagani 595 ma ia mauri noho, iena natuna tatau bona hahine ia havaraia.
138	GEN 5:32	Noa ena mauri lagani be 500 neganai, ia ese Sema, bona Hamo, bona Iapeta ia havaraia.
139	GEN 6:1	Nega ia mai vadaeni, taunimanima be momo tanobada dekenai, bona natuna kekeni idia vara noho.
146	GEN 6:8	To Noa dekenai Lohiabada ia moale. Noa ena natuna be inai:
148	GEN 6:10	Noa be kara namo tauna, ia tamona sibona dekenai Dirava ia moale. Ia be Dirava danu ia noho, turana hegeregere.
151	GEN 6:13	Dirava ese Noa dekenai ia hereva, ia gwau, “Mauri gaudia ibounai do lau haorea. Ibounai do lau hamasea haorea, badina tanobada be edia kara dika dekenai ia honu momokani.
160	GEN 6:22	Bona Noa ese unai bamona ia karaia, Dirava ena hereva ibounai hegeregere.
161	GEN 7:1	Lohiabada ese Noa dekenai ia hereva, ia gwau, “Lagatoi lalonai oi guia, oi bona oiemu ruma taudia ibounai, badina be lau itaia, oi sibona be kara maoromaoro tauna inai taunimanima edia huanai.
165	GEN 7:5	Bona Noa ese Lohiabada ena hereva gauna ibounai ia karaia.
166	GEN 7:6	Tanobada dekenai abata ia daekau neganai, Noa ena mauri lagani be 600.
167	GEN 7:7	Noa bona iena adavana bona ena natuna memero bona edia adavadia be lagatoi lalonai idia guia, abata ena ranu dainai.
168	GEN 7:8	Mauri gaudia idauidau ibounai, goevagoeva bona goevagoeva lasi, rua rua, tau bona hahine, be lagatoi lalonai idia guia Noa danu, Dirava ena oda hegeregere. Manu bona tano dekenai idia rau gaudia danu, rua rua dekenai, tau bona hahine, idia guia.
171	GEN 7:11	Noa ena mauri lagani be 600 neganai, hua iharuana ena dina 17, tanobada henunai ena ranu ia makohia bona ia daekau mai, bona guba ena matuna ibounai be idia kehoa.
173	GEN 7:13	Unai dina dekenai Noa mai ena adavana danu, bona edia natudia memero Sema bona Hamo bona Iapeta mai edia adavadia danu, be lagatoi dekenai idia guia.
175	GEN 7:15	Mauri gaudia ibounai rua rua dekenai, tau bona hahine, Noa danu lagatoi dekenai idia guia,
183	GEN 7:23	Lohiabada ese tanobada dekenai noho mauri gaudia ibounai ia haorea, taunimanima bona boromakau, bona tano dekenai rau gaudia, bona ataiai manu danu. Noa sibona, bona ia danu lagatoi dekenai noho taudia bona gaudia sibona idia mauri noho.
185	GEN 8:1	To Dirava ese Noa ia laloa noho, ia bona mauri gaudia ibounai, bona boromakau, ia danu lagatoi dekenai idia guia. Vadaeni Dirava ese lai ta ia siaia mai tanobada dekenai, bona ranu ia diho hamatamaia.
190	GEN 8:6	Dina 40 murinai Noa ese lagatoi ena uindo ia kehoa,
191	GEN 8:7	bona galo manu ta ia siaia lao. Manu be ia roho lao, bona Noa dekenai ia giroa mai lasi. Lasi, to ia roho lao noho, kahana bona kakana dekenai, ela bona tanobada dekenai ranu be ia kaukau vadaeni.
192	GEN 8:8	Vadaeni Noa ese pune manu ta ia siaia lao, ranu do ia itaia, ia diho momokani o lasi,
193	GEN 8:9	to ranu ese tano ibounai ia do koua dainai, pune manu be helai gabu ta ia davaria lasi. Unai dainai Noa ese murimuri dekenai iena imana ia atoa lao, bona pune manu ia abia lou lagatoi lalonai.
195	GEN 8:11	Adorahi kahanai, pune ia giroa lou Noa dekenai, bona iena uduna dekenai be olive ena rauna matamata ta. Vadaeni, Noa ia diba ranu be ia diho vadaeni.
197	GEN 8:13	Noa ena mauri lagani be 601 neganai, hua ginigunana ena dina ginigunana dekenai, ranu be ia kaukau momokani tanobada dekenai. Vadaeni Noa ese lagatoi ena koua gauna ia kokia, tanobada kopina ia itaia, be ia kaukau.
199	GEN 8:15	Dirava ese Noa dekenai ia hereva, ia gwau,
202	GEN 8:18	Vadaeni Noa ese lagatoi dekena amo ia diho, ia bona iena adavana, bona iena natuna memero mai edia adavadia.
204	GEN 8:20	Noa ese boubou patana Dirava dekenai ia haginia. Vadaeni boroma goevagoeva gaudia bona manu goevagoeva gaudia ta ta dekena amo tamona ia abia, boubou patana dekenai ia alaia, bona lahi dekenai idia ia gabua ore, boubou gauna totona.
207	GEN 9:1	Dirava ese Noa mai ena natuna danu ia hanamoa, ia gwau, “Natuna momo do umui havaraia, vadaeni emui bese be tanobada gabu ibounai dekenai do idia noho.
214	GEN 9:8	Bona Dirava ese Noa bona iena natuna dekenai ia hereva, ia gwau,
223	GEN 9:17	Dirava ese Noa dekenai ia hereva, ia gwau, “Inai kevau be egu gwauhamata mauri gaudia ibounai dekenai ena toana momokani.”
224	GEN 9:18	Noa ena natuna memero, lagatoi dekena amo idia diho taudia, edia ladana be Sema, bona Hamo bona Iapeta. Hamo be Kanana ena tamana.
225	GEN 9:19	Noa ena natuna toi be inai, idia be tanobada ibounai edia tubudia.
226	GEN 9:20	Noa be biru tauna. Ia ese uaina havaraia uma gabu ginigunana ia hadoa.
230	GEN 9:24	Noa ena inua kekero dekena amo ia noga neganai, ia kamonai dahaka kara dikana iena natuna Hamo ese ia karaia.
234	GEN 9:28	Abata murinai Noa ese lagani 350 ia mauri noho.
236	GEN 10:1	Noa ena natuna toi, Sema bona Hamo bona Iapeta, edia natuna bona edia tubuna be inai, abata ia daekau murinai idia havaraia:
243	GEN 10:8	Kusu ese Nimiroda ia havaraia danu, ia be lohia tauna badana ginigunana tanobada dekenai.
244	GEN 10:9	Ia danu be labana tauna mai goada danu Lohiabada ena vairana dekenai, unai dainai taunimanima edia hereva ta ia gwau, “Labana tauna mai goada danu Lohiabada ena vairanai, Nimiroda bamona.”
245	GEN 10:10	Nimiroda ena basileia ginigunana ena hanua badadia be Babela, bona Ereke, bona Akada, bona Kalena, idia ibounai be Sinara tano dekenai.
246	GEN 10:11	Unai tano dekena amo Nimiroda ia raka siri, Asuria tano dekenai ia lao. Unuseni Nineva hanua bona Rehoboto Ira hanua bona Kala hanua ia haginidia,
247	GEN 10:12	bona Resene hanua, Nineva bona Kala edia huanai. Kala be hanua bada herea.
248	GEN 10:13	Aigupito ese ia havaraia besena be inai: Ludima bona Anamima bona Lehabima bona Napatuhima,
267	GEN 10:32	Noa ena natuna edia tubuna be inai, edia uru dekenai bona edia bese dekenai. Idia dekena amo tanobada ena bese ibounai idia vara, abata ia daekau murinai.
270	GEN 11:3	Vadaeni idia sibona dekenai idia herevahereva, idia gwau, “Namo, raro nadi momo ita karaia namo, lahi dekenai ita gabua namonamo.” Vadaeni, raro nadi idia abia hegaegae, haginia gaukara totona, bona pisi danu idia abia, raro nadi ena kamokamo gauna.
289	GEN 11:22	Seruga ena mauri lagani be 30 neganai, ia ese Nahoro ia havaraia.
290	GEN 11:23	Nahoro ia vara murinai, Seruga be lagani 200 ia mauri noho, bona ia ese iena natuna tatau bona hahine ma haida ia havaraia.
291	GEN 11:24	Nahoro ena mauri lagani be 29 neganai ia ese Tera ia havaraia.
292	GEN 11:25	Tera ia vara murinai, Nahoro be lagani 119 ia mauri noho, bona ia ese iena natuna tatau bona hahine ma haida ia havaraia.
293	GEN 11:26	Tera ena mauri lagani be 70 murinai, ia ese Aberamo bona Nahoro bona Harana ia havaraia.
294	GEN 11:27	Tera ena natuna bona iena tubuna be inai: Tera ese Aberamo bona Nahoro bona Harana ia havaraia. Harana ese Lota ia havaraia.
296	GEN 11:29	Aberamo ia headava, Nahoro danu ia headava. Aberamo ena adavana ena ladana be Sarai. Nahoro ena adavana ena ladana be Milika, Harana ena natuna. Unai Harana ena natuna be Milika, bona Isika.
308	GEN 12:9	Vadaeni ma ia toreisi, ia lao diho kahanai, Negebe tano kahirakahira.
320	GEN 13:1	Aberamo ese Aigupito ena tano ia rakatania, ia bona iena adavana danu. Iena kohu ibounai ia abia lao. Idia lao mirigini kahanai, Negebe ena tano dekenai. Lota danu idia lao.
322	GEN 13:3	Negebe dekena amo ia laolao, ia lao Betele hanua dekenai, vadaeni iena palai ruma ia haginia lou, ena gabu gunana dekenai, Betele hanua bona Ai hanua edia huanai.
547	GEN 21:33	Bona Aberahamo ese au ta ia hadoa Bere Sieba dekenai, bona Lohiabada, Noho Hanaihanai Dirava dekenai ia tomadiho henia.
555	GEN 22:7	Nega sisina Isako ese iena tamana Aberahamo dekenai ia hereva, ia gwau, “Tamagu e.” Ia haere, ia gwau, “Natugu e, lau inai.” Isako ia gwau, “Lau itaia, oi dekenai lahi bona au idia noho, to lahi boubou gauna ena mamoe be edeseni?”
556	GEN 22:8	Aberahamo ia haere, ia gwau, “Natugu e, Dirava sibona ese mamoe do ia henia, lahi boubou gauna totona.” Vadaeni, ruaosi ma idia raka lao.
568	GEN 22:20	Gabeai Aberahamo ese hereva ta ia kamonai, iena tadina Nahoro ena adavana Milika ese natudia ia havaraia.
571	GEN 22:23	Inai Betuela be Rebeka ena tamana. Inai natuna memero 8 be Milika ese ia havaraia Aberahamo ena tadina Nahoro dekenai.
572	GEN 22:24	Nahoro ena adavana iharuana Reuma ese danu natudia ia havaraia, edia ladana be Teba, bona Gahama bona Tahasa, bona Maka.
602	GEN 24:10	Hesiai tauna ese iena biaguna ena kamelo ibounai 10 ia abia, davana bada harihari gaudia momo danu. Vadaeni, ia toreisi, ia lao Mesopotamia kahanai, hanua ta ladana Nahoro dekenai.
606	GEN 24:14	Lau be kekeni ta dekenai do lau hereva, do lau gwau, ‘Mani emu kara oiemu hodu oi atoa diho lao, bona ranu sisina lau dekenai do oi henia, do lau inua.’ Bema ia gwau, ‘Namo, oi inua, bona oiemu kamelo dekenai danu ranu do lau henia.’ Lau ura unai kekeni be oiemu abia hidi kekeni oiemu hesiai tauna Isako dekenai. Bema inai bamona ia vara neganai, do lau diba oiemu gwauhamata lauegu biaguna dekenai be oi hamomokania vadaeni.”
607	GEN 24:15	Iena guriguri be ia ore lasi neganai, Rebeka ia ginidae. Iena pagana dekenai hodu ia huaia noho. Ia be Betuela ena natuna. Betuela be Milika ena natuna. Milika be Aberahamo ena tadina Nahoro ena adavana.
616	GEN 24:24	Ia haere, ia gwau, “Lau be Betuela ena natuna, lauegu tubuna hahine ena ladana be Milika, Nahoro ena adavana.
639	GEN 24:47	Lau henanadaia, lau gwau, ‘Oiemu tamana be daika?’ Ia haere, ia gwau, ‘Lau be Betuela ena natuna, lauegu tubuna be Nahoro bona Milika.’ Vadaeni, rini be iena udu baubauna dekenai lau atoa, bona gana iena imana dekenai.
649	GEN 24:57	Vadaeni, idia gwau, “Namo ita boiboi kekeni dekenai, iena hereva do ita kamonai.”
654	GEN 24:62	Unai neganai Isako be diho kahana ladana Negebe dekenai ia noho. Ia be taunimanima noho lasi gabuna dekenai ia laolao, bona ranu guri ta ladana “Lau ia itaia noho Mauri Tauna ena ranu guri” dekenai ia lao.
672	GEN 25:13	Isamaela ena natuna bona iena tubuna edia ladana be inai: Iena natuna ia vara guna be Nebaioto, iena murinai idia vara taudia be Kedara bona Adabela bona Mibisama.
674	GEN 25:15	bona Hadada bona Tema bona Ieturu bona Napisi bona Kedema.
681	GEN 25:22	Natuna be mero rua iena bogana lalonai, bona idia edia marere be heatu bamona dainai, Rebeka ia gwau, “Inai bamona idia karaia be, edena bamona do lau mauri noho?” Unai dainai Lohiabada dekenai ia noinoi.
701	GEN 26:8	Nega daudau unai bamona idia noho, vadaeni dina ta Abimeleka, Pilistia ena king, uindo dekena amo iena matana ia negea lao, Isako ena adavana Rebeka danu ia itadia, idia ruaosi gadara dekenai idia rosia.
729	GEN 27:1	Isako be ia buruka vadaeni, iena matana danu ia diburadibura, gau ta ia itaia namonamo lasi. Vadaeni iena vara guna natuna Esau ia boiria, ia gwau, “Natugu e.” Esau ia gwau, “Lau inai.”
744	GEN 27:16	Nani edia natuna kopidia danu iena imana ruaosi bona aiona dekenai ia atoa.
746	GEN 27:18	Iakobo be iena tamana dekenai ia lao, ia gwau, “Tamagu e.” Isako ia haere, ia gwau, “Lau inai. Natugu e, oi be daika?”
748	GEN 27:20	Vadaeni Isako ese iena natuna dekenai ia nanadaia, ia gwau, “Natugu e, edena bamona oi davaria haragaharaga?” Ia haere, ia gwau, “Badina be Lohiabada, oiemu Dirava ese ia durua lau dekenai.”
749	GEN 27:21	Vadaeni Isako ese Iakobo dekenai ia hamaoroa, ia gwau, “Natugu e, mani oi mai kahirakahira, oiemu kopina do lau dogoatao, oi be momokani lauegu natuna Esau o lasi.”
754	GEN 27:26	Vadaeni, iena tamana Isako ese ia hamaoroa, ia gwau, “Natugu e, oi mai kahirakahira, oi kisi henia lau dekenai.”
755	GEN 27:27	Vadaeni ia lao kahirakahira, ia kisi henia. Isako ese iena dabua ena bonana ia kamonai, vadaeni ia hanamoa, ia gwau, “Namo, egu natuna ena bonana be, Lohiabada ese uma namona ia hanamoa ena bonana bamona.
765	GEN 27:37	Isako ese Esau dekenai ia haere henia, ia gwau, “Inai, Iakobo be oiemu biaguna lau halaoa vadaeni, bona iena varavara taudia ibounai lau henia vadaeni, iena hesiai taudia do idia lao, uiti bona uaina danu lau gwauraia vadaeni iena. Natugu e, dahaka do lau karaia oi dekenai?”
772	GEN 27:44	Nega sisina ia dekenai do oi noho, ia lao bona oiemu kakana ena lalona do ia keruma.
783	GEN 28:9	Unai dainai, Esau be Isamaela dekenai ia lao, Isamaela, Aberahamo ena natuna ena kekeni Mahalata, Nebaioto ena taihuna, ia adavaia, to iena adavana gunadia ruaosi be idia do noho.
798	GEN 29:2	Vadaeni ranu guri ta ia itaia, tano palaka dekenai, mamoe edia orea toi be ranu guri badibadinai idia hekure noho, badina unai ranu be mamoe edia orea dekenai idia henia, inua totona. Nadi badana ta dekena amo guri ena iduara idia koua.
801	GEN 29:5	Ma ia nanadaia lou idia dekenai, ia gwau, “Umui be Labana, Nahoro ena natuna, umui diba?” Idia gwau, “Ai diba.”
832	GEN 30:1	Rahela be natuna lasi, unai dainai ia ese iena kakana dekenai ia mama henia. Bona Rahela ese Iakobo dekenai ia gwau henia, ia gwau, “Natuna lau dekenai do oi henia, bema lasi neganai do lau mase.”
839	GEN 30:8	Vadaeni Rahela ia gwau, “Lauegu kakana danu ai goada helulu, lau kwalimu vadaeni.” Vadaeni mero ena ladana ia atoa Napatali, ena anina be “Goada Helulu”.
842	GEN 30:11	Vadaeni, Lea ia gwau, “Lauegu laki ena nega be inai.” Vadaeni mero ena ladana ia atoa Gado, anina be “Laki Nega Namona”.
851	GEN 30:20	Vadaeni ia gwau, “Dirava ese harihari gauna namona lau dekenai ia henia vadaeni, harihari lauegu adavana be lau dekenai do ia noho momokani, badina be iena natuna memero 6 lau henia vadaeni.” Vadaeni mero ena ladana ia atoa Sebuluno, ena anina be “Noho”.
864	GEN 30:33	Nega gabeai do oi diba, lau be maoro o kerere, bema lauegu mamoe bona nani edia huanai toutou lasi gaudia, revareva lasi gaudia, o kurokuro gaudia oi itaia neganai, lau be henaoa tauna momokani.”
915	GEN 31:41	Lagani 20 oiemu ruma dekenai lau noho, lagani 14 oiemu hesiai gaukara lau karaia, oiemu natuna ruaosi edia davana, ma lagani 6 oiemu mamoe edia davana. Nega 10 lauegu davana oi haidaua.
920	GEN 31:46	Iakobo danu ese iena orea taudia dekenai ia hamaoroa, ia gwau, “Nadi umui gogoa.” Unai bamona idia karaia, vadaeni unai nadi idia haboua gaudia edia badibadinai idia aniani hebou.
927	GEN 31:53	Aberahamo ena Dirava, Nahoro ena Dirava, idia edia tamana ena Dirava danu, ia ese kota do ia karaia oi bona lau ita huanai.” Vadaeni Iakobo be iena tamana Isako ese ia gari henia Diravana ena ladana dekenai ia gwauhamata.
943	GEN 32:15	Gaudia be inai: Nani hahine 200 bona nani tatau 20, mamoe hahine 200 bona mamoe tatau 20,
973	GEN 33:12	Esau ia gwau, “Namo ita lao nega tamona. Lau be umui danu do ita raka hebou.”
1023	GEN 35:11	Vadaeni Dirava ese ia hamaoroa, ia gwau, “Lau be Siahu Ibounai Dirava. Natuna momo do oi havaraia, oiemu natuna bona tubuna be do idia momo herea. Bese momo be oi dekena amo do idia vara. Bona haida danu king dagi do idia abia.
1037	GEN 35:25	Rahela ena hesiai hahine Bileha ena natuna tatau be inai: Dano bona Napatali.