42	GEN 2:11	Sinavai ginigunana ena ladana be Pisona, ia be Havila tano ia heau hagegea, unai gabu dekenai golo korikori ia noho.
229	GEN 9:23	Vadaeni Sema bona Iapeta ese dabua badana ta idia abia, edia pagana dekenai idia huaia. Palai ruma dekenai idia raka vareai, to edia murina kahana dekena amo idia raka lao. Edia tamana idia koua dabua dekenai, to edia vairana idia giroa lasi, edia tamana ena kopina kavakava idia itaia garina.
241	GEN 10:6	Hamo ena natuna be inai: Kusu bona Aigupito bona Putu bona Kanana.
249	GEN 10:14	bona Patarusima bona Kasaluhima bona Kapatorima. Pilistia taudia be Kasaluhima ena bese dekena amo idia vara.
260	GEN 10:25	Ebere ena natuna tatau be rua. Ta ena ladana be Pelega, ena anina be “Parara”, badina be iena nega dekenai, tanobada ena bese idia makohia parara. Iena tadina ena ladana be Iokatana.
283	GEN 11:16	Ebere ena mauri lagani be 34 neganai, ia ese Pelega ia havaraia.
284	GEN 11:17	Pelega ia vara murinai, Ebere be lagani 430 ia mauri noho, bona ia ese iena natuna tatau bona hahine ma haida ia havaraia.
285	GEN 11:18	Pelega ena mauri lagani be 30 neganai, ia ese Reu ia havaraia.
286	GEN 11:19	Reu ia vara murinai, Pelega be lagani 209 ia mauri noho, bona ia ese iena natuna tatau bona hahine ma haida ia havaraia.
326	GEN 13:7	Unai dainai Aberamo ena boromakau naria taudia be Lota ena boromakau naria taudia danu idia heai. Unai neganai Kanana taudia bona Perisi taudia be unai tano dekenai idia noho.
343	GEN 14:6	Hori taudia danu, edia ororo, ladana Seiri dekenai ia halusidia, bona ia luludia ia lao bona El Parana, taunimanima noho lasi tano ena hetoa badinai.
381	GEN 15:20	Hiti taudia edia tano, Perisi taudia edia tano, Repaima taudia edia tano,
534	GEN 21:20	Ia tubu daekau noho neganai, Dirava ese unai mero Isamaela dekenai ia noho. Ia be Parana tano ena taunimanima lasi gabuna dekenai ia noho, bona ia be labana diba momo tauna.
536	GEN 21:22	Unai neganai Abimeleka bona Pikola, iena tuari orea ena biaguna, ese Aberahamo dekenai idia lao, idia gwau, “Dirava ese oi danu ia noho oiemu kara ibounai lalonai.
546	GEN 21:32	Vadaeni Bere Sieba dekenai maino idia karaia, inai murinai Abimeleka bona Pikola, iena tuari orea ena biaguna, idia giroa lou Pilistia, edia tano dekenai.
548	GEN 21:34	Aberahamo be Pilistia edia tano dekenai nega daudau ia noho.
570	GEN 22:22	Keseda bona Haso bona Pilidasa bona Idilapa bona Betuela.
694	GEN 26:1	Hitolo bada ia vara unai tano dekenai, Aberahamo ia noho neganai bamona. Vadaeni, Isako ia toreisi, Gerara dekenai ia lao, Abimeleka, Pilistia ena king dekenai.
701	GEN 26:8	Nega daudau unai bamona idia noho, vadaeni dina ta Abimeleka, Pilistia ena king, uindo dekena amo iena matana ia negea lao, Isako ena adavana Rebeka danu ia itadia, idia ruaosi gadara dekenai idia rosia.
707	GEN 26:14	Iena mamoe bona iena boromakau be momo herea, iena hesiai taudia danu idia momo. Vadaeni Pilistia taudia idia badu ia dekenai.
708	GEN 26:15	Vadaeni ranu guri, iena tamana Aberahamo ena nega dekenai iena hesiai taudia idia geia gaudia be, Pilistia taudia ese tano dekenai idia koua.
711	GEN 26:18	Vadaeni ranu guri ibounai, iena tamana Aberahamo ena nega dekenai idia geia, bona Pilistia taudia ese tano dekenai idia koua, be ia ese ma ia geia lou, bona edia ladana iena tamana ese ia atoa hegeregerena, ia ese ma ia atoa lou.
719	GEN 26:26	Abimeleka be Gerara dekena amo ia mai, ia bona iena turana ta Ahusata, bona iena tuari oreana ena biaguna, Pikola idia toiosi Isako dekenai idia mai.
959	GEN 32:31	Vadaeni Iakobo ese unai gabu ena ladana ia atoa Peniela, ena anina be “Dirava ena vairana”. Ia gwau, “Badina be Dirava danu ai ruaosi ai ta ta emai vairana ta ta dekenai ai henia, to lau do mauri noho vadaeni.”
960	GEN 32:32	Vadaeni daba ia rere neganai, Iakobo ese Peniela ia rakatania, to ia raka namonamo lasi, badina iena mamuna be ia dika.
1011	GEN 34:30	Vadaeni Iakobo ese Simeona bona Levi dekenai ia gwau henia, ia gwau, “Lau dekenai kerere umui havaraia vadaeni, bona lauegu ladana umui hadikaia vadaeni inai tano noho taudia edia huanai. Kanana taudia bona Perisi taudia be hari lau dekenai do idia badu henia. Ita be momo lasi dainai idia be do idia haboua, do idia tuari ita dekenai, vadaeni, lau bona lauegu bese ibounai be do ita mase ore.”
1080	GEN 36:39	Bala Hanana Akaboro ia mase, vadaeni Hadada ese iena gabu ia abia. Iena hanua ena ladana be Pau, bona iena adavana ena ladana be Mehetabela. Ia be Matareda ena natuna, bona iena tubuna be Mesahaba.
1082	GEN 36:41	Oholibama, Ela, Pinona,
1120	GEN 37:36	Inai Midiana taudia ese Iosepa idia hoia Aigupito dekenai, tau ta ladana Potifara dekenai. Potifara be Aigupito ena king Farao, ena tuari oreana ena biaguna ta.
1149	GEN 38:29	To mero be iena imana ia veria vareai, vadaeni iena tadina ia vara guna. Durua henia hahine be ia gwau, “Oi be inai bamona oiemu dala oi kehoa?” Vadaeni iena ladana ia atoa Perese, anina be “dala kehoa.”
1151	GEN 39:1	Iosepa be Aigupito dekenai idia abia lao. Unuseni Aigupito ena lohia tauna ta, ena ladana Potifara ese Iosepa ia hoia Isamaela taudia dekena amo. Potifara be king Farao ena ruma gimaia taudia edia kapena.
1154	GEN 39:4	Potifara ese iena hesiai gaukara ibounai danu ia itaia, ia namo herea. Vadaeni ia ese Iosepa iena ruma naria tauna ia halaoa, iena kohu ibounai naria totona.
1156	GEN 39:6	Potifara ese iena kohu ibounai Iosepa ena imana dekenai ia atodia, gau ta dekenai ia laloa lasi, iena aniani iena vairana dekenai idia atoa, unai sibona mo. Iosepa ena tauanina ia goada, bona iena vairana ena toana, be mero namo herea momokani.
1189	GEN 40:16	Paraoa gabua memero ia naridia tauna ia diba vadaeni inai nihi ena anina be ia namo. Vadaeni Iosepa ia hamaoroa, ia gwau, “Lau danu lau nihi, lauegu nihi dekenai be paraoa bosea toi egu kwarana dekenai lau atodia, lau huaia loaloa.
1220	GEN 41:24	Vadaeni uiti dikadia ese uiti namodia idia anidia ore. Puripuri taudia dekenai lau hamaoroa, to nihi edia anina hedinaraia dekenai be tau ta ia diba lasi.”
1241	GEN 41:45	Farao ese Iosepa ena ladana ia gwauraia, Sepenata Panea. Asenate danu ia henia, ia adavaia totona. Unai Asenate be Onu ena dubu helaga tauna, iena ladana Potifera, ena natuna. Vadaeni Iosepa be Aigupito ena tano ibounai dekenai ia itaia loaloa.
1246	GEN 41:50	Hitolo ena nega do ia mai lasi neganai, Iosepa ena natuna memero rua idia vara, Asenate, Onu ena dubu helaga tauna Potifera ena natuna ena bogana dekena amo.
1396	GEN 46:9	Rubena be Iakobo ena vara guna natuna. Rubena ena natuna tatau be Hanoka, Palu, Hesarona bona Karami.
1399	GEN 46:12	Iuda ena natuna tatau be Ere, Onana, Sela, Perese bona Sera. To Ere bona Onana be Kanana tanona dekenai idia mase. Perese ena natuna tatau be Hesarona bona Hamulu.
1400	GEN 46:13	Isakara ena natuna tatau be Tola, Puva, Iobo bona Simarona.
1407	GEN 46:20	Iosepa ena natuna rua, Manase bona Eparaima be Aigupito tano dekenai ia abidia, Onu ena dubu helaga tauna Potifera ena natuna Asenate ena bogana dekena amo.
1544	EXO 1:11	Unai dainai ia ese gaukara biaguna taudia ia atodia, idia ese unai Israela gaukara karaia taudia naria totona, mai dagedage danu. Vadaeni gaukara momo dekena amo hisihisi idia henia Israela taudia dekenai. Vadaeni Israela taudia ese hanua rua idia haginia, Farao ena aniani haboua gabudia, edia ladana be Pitoma bona Ramese.
1548	EXO 1:15	Vadaeni Aigupito ena king ese Heberu edia natuna havaraia neganai durua henia hahine taudia, edia ladana be Sipora bona Pua, dekenai ia hereva.
1588	EXO 3:8	Lau diho mai inai, Aigupito taudia edia imana dekena amo do lau hamauridia totona. Unai tano dekena amo dohore lau hakaudia, ia lao bona tano namo herea dekenai. Tano badana dekenai dohore idia ginidae. Unai tano be aniani namodia gabuna, Kanana taudia edia tano unai, Hiti taudia edia, bona Amoro taudia edia, bona Perisi taudia edia, bona Hivi taudia edia, bona Iebusu taudia edia.
1597	EXO 3:17	Lau gwauhamata vadaeni, Aigupito ena hisihisi dekena amo umui do lau hakaua siri, Kanana taudia bona Hiti taudia, bona Amoro taudia, bona Perisi taudia, bona Hivi taudia, bona Iebusu taudia edia tano dekenai umui dohore lau hakaua vareai. Inai tano be aniani namodia gabuna.’
1670	EXO 6:14	Mose bona Arona edia iduhu edia kwarana taudia edia ladana be inai: Rubena, Israela ena natuna, guna ia vara tauna, ena natuna be inai: Hanoka, bona Palu, bona Hesarona bona Karami, Rubena ena iduhu be unai.
1681	EXO 6:25	Eleasara, Arona ena natuna, ese Putiele ena natuna kekeni ta ia adavaia, ia ese Pineha ia havaraia. Levi ena iduhu dekenai ruma edia kwarana taudia be unai.
1722	EXO 8:7	Paroparo ese oi do idia rakatania, oiemu ruma bona oiemu hesiai taudia, bona oiemu orea taudia, danu dohore idia rakatania, sinavai dekenai sibona dohore idia noho.”
1828	EXO 12:11	Inai bamona do umui ania, emui rami do umui kwatua, emui tamaka emui aena dekenai, emui itotohi emui imana dekenai. Do umui ania haraga. Inai be Lohiabada ena Pasova aria.
1834	EXO 12:17	Inai dina 7 edia dina ginigunana dekenai, Hatubua Lasi Paraoa ena aria do umui karaia, badina unai dina dekenai lau ese emui orea taudia Aigupito tano dekena amo lau hakaua siri. Inai dina dekenai, vairai lagani ibounai dekenai, emui bese taudia ese inai aria do idia karaia, ia lao bona hanaihanai.
1838	EXO 12:21	Vadaeni Mose ese Israela tau badadia ibounai dekenai ia boiboi, ia hereva idia dekenai, ia gwau, “Mamoe o nani edia natuna umui abia hidi, famili ta ta edia, Pasova gauna do umui alaia mase.
1844	EXO 12:27	Do umui haere, umui gwau, ‘Inai be Lohiabada ena Pasova boubou ena kara, Aigupito dekenai ia ese Israela taudia edia ruma ia raka hanaia lao, Aigupito taudia sibona mo ia alaia mase, bona iseda taudia ibounai ia hamauria.’ ” Inai hereva dainai taunimanima ibounai idia tui diho, Dirava dekenai idia toma diho.
1856	EXO 12:39	Vadaeni inai hatubua lasi paraoa, ranu dekenai idia kuia, Aigupito tano dekena amo idia raka siri neganai idia abia gauna, be idia gabua. Paraoa idia hatubua lasi, badina be Aigupito tano dekena amo idia luludia murimuri haraga herea dainai, idia be nega hegeregere lasi aniani idia nadua totona.
1860	EXO 12:43	Lohiabada ese Mose bona Arona ia hereva henidia, ia gwau, “Pasova aria ena taravatu be inai: Idau tauna ta do ia ania lasi.
1862	EXO 12:45	To idau bese tauna, bema ia vadivadi, o bema moni davana totona ia gaukara, be Pasova do ia ania lasi.
1865	EXO 12:48	To idau bese tauna, umui huana dekenai ia noho, bema ia ura Lohiabada ena Pasova do ia ania, iena ruma varavara taudia tatau bona memero ibounai dekenai kopina utua kara do umui henia guna, unai murinai do ia ania diba. Ia dekenai do umui laloa ia be Israela tauna hegeregere, to kopina utua kara ia abia lasi tauna be do ia ania lasi.
1885	EXO 13:17	Farao ese Israela taudia iena imana dekena amo ia negea murinai, Dirava ese dala kwadogi, Pilistia taudia edia tano dekenai ia hakaudia lasi, badina be Dirava ia gwau, “Idia be tuari ena mamina do idia abia neganai, edia lalona do idia giroa, Aigupito dekenai do idia giroa lou sedira.”
1892	EXO 14:2	“Israela taudia dekenai oi hamaoroa, idia giroa lou, Pi Hahiroto ena vairana dekenai do idia kamepa karaia, davara ena badibadinai. Inai gabu be Migidola bona davara edia huana dekenai, Bala Sepona kahirakahira.
1899	EXO 14:9	Inai Aigupito ena tuari orea be mai edia kariota, mai edia hosi momo, mai edia guia taudia, bona aena dekenai idia raka tuari taudia momo danu. Vadaeni idia ese Israela taudia dekenai idia ginidae, edia kamepa dekenai, Davara Kakakaka ena badibadinai, Pi Hahiroto ena vairanai, Bala Sepona kahirakahira.
1935	EXO 15:14	Bese idauidau oiemu kara ena sivarai idia kamonai, vadaeni idia gari, idia heudeheude. Pilistia taudia edia gari, be mara ena hisihisi bamona.
2160	EXO 23:15	Hatubua Lasi Paraoa ena aria do umui karaia, bona dina 7 lalonai do umui ania, gunaguna umui dekenai lau oda hegeregerena. Inai aria do umui karaia ena nega korikori dekenai, hua ladana Abiba lalonai. Badina be unai hua lalonai Aigupito tano umui rakatania. Lauegu vairana dekenai tau ta be imana kavakava do ia mai lasi.
2176	EXO 23:31	Emui tano ena hetoa gabudia do lau karaia, idia be Davara Kakakaka dekena amo ia lao bona Pilistia taudia edia davara, bona taunimanima idia noho lasi gabuna dekena amo ia lao bona Euperate Sinavai. Inai gabu dekenai idia noho taunimanima danu do umui tuari, bona do umui kwalimu, umui ese idia do umui lulua murimuri gabudia dekenai.
2204	EXO 25:8	“Israela taudia danu do oi hamaoroa, lauegu Palai Dubu Helagana do idia karaia, idia edia huana dekenai do lau noho totona.
2205	EXO 25:9	Inai Palai Dubu, bona ena lalonai noho gaudia, be lau ese do lau hadibaia bamona do umui karaia.
2212	EXO 25:16	“Gabeai lau ese Nadi Palaka rua umui dekenai do lau henia, inai nadi edia latanai Taravatu do lau torea. Umui ese inai Nadi Palaka ruaosi be Maua ena lalonai do umui udaia.
2217	EXO 25:21	Unai Nadi Palaka rua be Maua lalonai do umui udaia, bona koua gauna be Maua ena latanai do umui atoa, umui koua.
2219	EXO 25:23	“Pata ta danu do umui karaia, akasia au dekena amo do umui karaia. Iena lata be 88 sentamita, bona iena lababa be 44 sentamita, iena ataiai be 66 sentamita.
2221	EXO 25:25	“Pata ena isena do umui habadaia 8 sentamita dekenai, bona inai isena be golo dekena amo do umui koua.
2222	EXO 25:26	Pata do umui huaia totona rini ibounai 4 do umui karaia, bona pata ena kona 4, aena gabudia dekenai rini do umui kwatua auka.
2225	EXO 25:29	“Pata dekenai atoa gaudia danu, mereki, kapusi, disi, bona uro, uaina boubou totona gaudia, be golo namo momokani dekena amo do umui karaia.
2226	EXO 25:30	Pata be Taravatu Maua ena vairana dekenai do umui atoa. Bona nega ibounai pata ena latanai, paraoa helagana do umui atoa hegaegae, lauegu vairana dekenai.
2237	EXO 26:1	Lohiabada ese ma Mose ia hamaoroa ia gwau, “Palai Dubu ta do umui karaia lau totona. Dabua auka, bona namo herea ibounai 10 dekena amo do umui karaia, edia kala be bulu, bona kakakaka, bona kakakaka sisina. Herahera dalana diba tauna ta ese inai dabua ibounai edia latanai kerubi aneru edia laulau do ia turia namonamo.
2243	EXO 26:7	“Inai murinai dabua badana ta do umui karaia, lauegu Palai Dubu do umui koua totona. Inai dabua badana be nanigosi huina dekena amo karaia dabua ibounai 11 dekena amo do umui karaia.
2245	EXO 26:9	Inai dabua 5 do umui turia hebou, dabua latana ta do ia lao. Ma dabua 6 danu be do umui turia hebou, dabua latana ta do ia lao. Dabua namba 6 be do umui lokua, ia ese Palai Dubu ena vairana do ia koua totona.
2248	EXO 26:12	Vadaeni inai dabua latana ena noho kava dabua mita tamona be lauegu Palai Dubu ena murina kahana dekenai do ia taua dae.
2249	EXO 26:13	Inai Palai Dubu koua dabua ena lata ese Palai Dubu ena lata do ia hanaia 50 sentamita dekenai kahana bona kahana dekenai. Unai dainai koua dabua ese Palai Dubu do ia koua momokani.
2250	EXO 26:14	“Bona umui ese Palai Dubu ena guhi rua do umui karaia, ta be mamoe tau ena kopina, ena kala kakakaka, bona ta be davara ena boromakau, rui, ena kopina dekena amo. Inai be ataiai momokani ena guhi.
2251	EXO 26:15	“Palai Dubu ena haba turia ta ta be akasia audia stadi rua dekena amo do umui karaia, mai edia padana audia, vadavada ena toana bamona.
2254	EXO 26:18	“Inai haba turia, vadavada bamona gaudia, ibounai 20 be Palai Dubu ena diho kahana habana dekenai do umui haginia.
2256	EXO 26:20	“Palai Dubu ena mirigini kahana habana dekenai danu be haba turia ibounai 20 do umui haginia.
2258	EXO 26:22	“Palai Dubu ena dina diho kahana habana dekenai haba turia ibounai 6 do umui haginia.
2261	EXO 26:25	Unai dainai Palai Dubu ena murina kahanai habana ena haba turia ibounai be 8, bona siliva maua ibounai be 16, maua rua be haba turia ta ta edia henunai do idia noho.
2262	EXO 26:26	“Reirei latadia danu be akasia audia dekena amo do umui karaia, ibounai 5 be Palai Dubu ena mirigini kahana habana dekenai,
2263	EXO 26:27	ma ibounai 5 be Palai Dubu ena diho kahana habana dekenai, bona ibounai 5 be Palai Dubu ena dina diho kahana habana dekenai.
2266	EXO 26:30	Palai Dubu be do umui haginia namonamo, iena toana be lau ese ororo dekenai oi dekenai lau hedinaraia laulau ena toana hegeregerena.
2267	EXO 26:31	“Koua dabua helagana ta danu do umui karaia Palai Dubu ena lalonai do ia noho totona. Inai dabua be mamoe huina dekenai do umui karaia, iena kala be bulu, kakakaka, bona kakakaka sisina. Bona kerubi aneru edia laulau be dabua latanai do umui turia namonamo.
2271	EXO 26:35	“To pata be Helaga Gabuna lalonai do umui atoa, Palai Dubu ena mirigini kahana dekenai. Lamepa dogoatao gauna be Palai Dubu ena diho kahana dekenai do umui atoa.
2272	EXO 26:36	“Palai Dubu ena iduara dekenai koua dabua do umui karaia. Koua dabua ena latanai toana namona herahera do umui turia namonamo.
2282	EXO 27:9	“Palai dubu koua hagegea totona, koua dabua badana do umui karaia, dabua namodia dekena amo. Diho kahana dekenai koua dabua ena lata be 44 mita.
2286	EXO 27:13	Palai Dubu ena dina daekau kahanai danu ena koua dabua ena lata be 22 mita. Inai kahana koua dabua lalonai be raka vareai iduara ia noho.
2290	EXO 27:17	“Palai Dubu ia koua hagegea koua dabua maguna ena du ibounai be mai edia siliva ba, siliva kimai, bona lalonai idia gini maua danu, auri laboralabora dekena amo karaia gaudia.
2292	EXO 27:19	“Palai Dubu lalonai kohu ibounai be auri laboralabora dekena amo do umui karaia. Palai Dubu ena varo edia ikoko, bona Palai Dubu ia hagegea koua dabua ena varo edia ikoko ibounai danu be auri laboralabora dekena amo do umui karaia.
2294	EXO 27:21	Lauegu Palai Dubu lalonai be Arona mai ena natuna tau danu ese lamepa do idia atoa, Taravatu Maua ia hunia noho koua dabua helagana ena vairana kahana dekenai. Bona Arona, mai ena natuna tau ese dina ibounai lamepa dekenai oela do idia bubua, vadaeni lamepa be adorahi ela bona dabai do ia diari. Inai taravatu be umui Israela taudia ese do umui naria ela bona hanaihanai, doko lasi.”
2337	EXO 28:43	Arona bona iena natuna tau ibounai ese Palai Dubu idia raka vareai, o Helaga Gabuna lalonai pata helagana kahirakahira idia lao neganai, inai bamona piripou do idia karaia noho. Bema inai bamona idia karaia lasi neganai, idia be kerere, bona idia be do idia mase. Nega ibounai hanaihanai Arona bona iena tubuna taudia ese inai taravatu do idia badinaia.”
2339	EXO 29:2	Bona uiti ena paraoa namo herea momokani do oi abia. Paraoa dekenai hatubua gauna do oi atoa lasi. Inai paraoa haida dekena amo beredi do oi karaia, bona inai paraoa haida be olive dehoro danu do oi mikisi. Inai dekena amo beredi ma do oi karaia. Bona paraoa haida dekena amo bisikesi haida do oi karaia, bona olive dehoro dekena amo bisikesi do oi dahua.