2	GEN 1:2	Tanobada be toana lasi bona anina lasi, bona dibura ese davara badana ia koua. Vadaeni Dirava ena Lauma be davara ena kopina latanai ia marere noho.
10	GEN 1:10	Dirava ese tano kaukau ena ladana ia atoa Tanobada, bona ia haboua gabu tamona ranu edia ladana ia atoa, Davara. Bona Dirava ese ia itaia, ia be namo vadaeni.
11	GEN 1:11	Ma Dirava ia gwau, “Tanobada dekenai rei ia vara be namo, bona ava idauidau mai edia uhe, bona anina idia atoa audia, edia huahua be mai uhe, ta ta edia orea, edia orea hegeregerena, tanobada ena latanai.” Vadaeni unai bamona ia vara.
24	GEN 1:24	Ma Dirava ia gwau, “Tanobada ese mauri gaudia do ia havaraia namo, ta ta edia orea, edia orea hegeregerena, boromakau, bona tano dekenai idia rau gaudia, bona tanobada boroma idauidau, ta ta edia orea, edia orea hegeregerena.” Vadaeni unai bamona ia vara.
26	GEN 1:26	Bona Dirava ma ia gwau, “Taunimanima ita karaia namo, iseda toana bona iseda laulau hegeregerena. Davara gwarume bona ataiai manudia bona boromakau, bona tano dekenai idia rau gaudia ibounai, ia ese do ia biagua.”
27	GEN 1:27	Vadaeni Dirava ese taunimanima ia karaia, ia sibona ena laulau bamona, Dirava ena toana hegeregerena ia karaia. Tau bona hahine ia karaia.
28	GEN 1:28	Bona Dirava ese ia hanamodia, idia dekenai ia gwau, “Emui bese do umui havaraia, do umui momo herea. Tanobada ena gabu ibounai dekenai do umui noho, bona unai tano do umui biagua. Davara ena gwarume bona ataiai manudia, bona mauri gaudia, tanobada dekenai idia marere gaudia ibounai do umui biagua.”
30	GEN 1:30	To tanobada ena boroma idauidau ibounai, bona ataiai manudia ibounai, bona tanobada dekenai idia rau mauri gaudia ibounai dekenai, ava ena rauraudia lau henia vadaeni. Inai be edia aniani.” Vadaeni unai bamona ia vara.
37	GEN 2:6	To varahu be tanobada dekena amo ia daekau, tano ena kopina ia hapariparia.
45	GEN 2:14	Sinavai ihatoina ena ladana be Taigarisi, ia be Asuria tano ena dina ia daekau kahana dekenai ia heau lao. Sinavai namba 4 be Euperate.
60	GEN 3:4	To gaigai ese hahine dekenai ia gwau, “Inai be momokani lasi, dohore umui mase lasi.
65	GEN 3:9	To Lohiabada Dirava ese tau dekenai ia boiboi, ia gwau, “Oi be edeseni?”
66	GEN 3:10	Tau ia haere, ia gwau, “Oi lau kamonai uma gabu lalonai, bona lau gari, badina be lau be kopina kavakava, vadaeni lau hunia.”
68	GEN 3:12	Tau ia haere, ia gwau, “Oi ese oi karaia lau dekenai hahine ese unai au huahua lau dekenai ia henia, bona lau ania.”
71	GEN 3:15	Lau ese tuari do lau havaraia oi bona hahine emui huana dekenai. Taunimanima bona gaigai dohore idia tuari. Taunimanima ese oiemu kwarana do idia botaia, bona oi ese edia aena do oi koria.”
72	GEN 3:16	Lohiabada Dirava ese hahine dekenai ma ia hereva, ia gwau, “Oiemu rogorogo ena hekwarahi, do lau habadaia, bona oiemu hisihisi mara neganai. To oiemu adavana do oi ura henia noho, bona ia ese oi do ia biagua.”
76	GEN 3:20	Tau ese iena adavana ena ladana ia atoa Heva, badina ia be mauri taudia ibounai edia sinana.
87	GEN 4:7	Bema kara namo oi karaia vadaeni, be oiemu boubou do lau abia dae. To dika oi karaia vadaeni dainai, kara dika be oiemu iduara dekenai ia naria noho, oi do ia hadikaia totona. Kara dika be ia ura biagua oi, to oi ese do oi halusia be namo.”
95	GEN 4:15	To Lohiabada ese Kaino dekenai ia haere, ia gwau, “Lasi momokani. Kaino ia alaia tauna dekenai be davana do lau henia nega tamona lasi, to nega 7.” Vadaeni, Lohiabada ese Kaino dekenai maka ta ia atoa, tau ta ese ia davaria neganai, do ia alaia lasi totona.
99	GEN 4:19	Lameka ese hahine rua dekenai ia headava. Ta ena ladana be Ada, ma ta ena ladana be Sila.
102	GEN 4:22	Bona Sila ia mara, Tubala Kaino ia abia. Ia be kapa bona auri dekenai gaukara taudia ibounai edia tubuna. Inai Tubala Kaino ena taihuna ena ladana be Namaha.
103	GEN 4:23	Lameka ese iena adavana ruaosi dekenai ia hereva, ia gwau, “Ada bona Sila, adavagu ruaosi e, lau dekenai umui kamonai! Tau ta ese lau ia haberoa, lau alaia vadaeni. Mero ta ese lau ia botaia, lau alaia mase vadaeni.
104	GEN 4:24	Kaino ia botaia tauna be davana do ia abia nega 7. To lau ia botaia tauna be davana do ia abia nega 77.”
108	GEN 5:2	Tau ta bona hahine ta ia karaia neganai, Dirava ese ia hanamodia, bona edia ladana ia gwauraia, Taunimanima.
146	GEN 6:8	To Noa dekenai Lohiabada ia moale. Noa ena natuna be inai:
149	GEN 6:11	To taunimanima ibounai be dika momokani Dirava ena vairana dekenai, bona edia dika be gabu ibounai dekenai.
166	GEN 7:6	Tanobada dekenai abata ia daekau neganai, Noa ena mauri lagani be 600.
182	GEN 7:22	Tanobada dekenai noho mauri gaudia ibounai idia mase ore.
185	GEN 8:1	To Dirava ese Noa ia laloa noho, ia bona mauri gaudia ibounai, bona boromakau, ia danu lagatoi dekenai idia guia. Vadaeni Dirava ese lai ta ia siaia mai tanobada dekenai, bona ranu ia diho hamatamaia.
186	GEN 8:2	Tanobada henunai ia makohia bona ia daekau mai ranu gabudia be idia koua, guba ena matuna danu be idia koua. Guba dekenai ia diho medu danu be ia doko.
205	GEN 8:21	Lohiabada ese bonana namona ia kamonai neganai, ia gwau, “Tanobada do lau hadikaia lou lasi taunimanima dainai, badina be lau diba, idia be maragi negana dekena amo, edia laloa be dika. Lau be mauri gaudia do lau alaia ore lou lasi, vanegai lau alaia ore bamona.
206	GEN 8:22	“Tanobada ia noho neganai, hadoa nega bona geia nega do ia noho. Keru nega bona siahu nega, kaukau nega, medu nega, dina bona hanuaboi, inai be do idia doko lasi.”
208	GEN 9:2	Tanobada ena boroma gaudia idauidau ibounai, bona ataiai manu ibounai, bona tano dekenai idia rau gaudia ibounai, bona gwarume be umui dekenai do idia gari. Umui emui imana dekenai ibounai do lau atoa.
210	GEN 9:4	To aniani tamona umui ania diba lasi. Vamu mai rarana danu be mai taravatu, badina be rara be mauri ena badina.
237	GEN 10:2	Iapeta ena natuna be inai: Gomere bona Magoga bona Madai bona Iavana bona Tubala bona Meseka bona Tirasi.
238	GEN 10:3	Gomere ena natuna be inai: Asakena bona Ripata bona Togarama.
239	GEN 10:4	Iavana ena natuna be inai: Elisa bona Tarasisi, bona Kitima ena bese bona Dodana ena bese danu ia ese ia havaraia.
260	GEN 10:25	Ebere ena natuna tatau be rua. Ta ena ladana be Pelega, ena anina be “Parara”, badina be iena nega dekenai, tanobada ena bese idia makohia parara. Iena tadina ena ladana be Iokatana.
291	GEN 11:24	Nahoro ena mauri lagani be 29 neganai ia ese Tera ia havaraia.
292	GEN 11:25	Tera ia vara murinai, Nahoro be lagani 119 ia mauri noho, bona ia ese iena natuna tatau bona hahine ma haida ia havaraia.
293	GEN 11:26	Tera ena mauri lagani be 70 murinai, ia ese Aberamo bona Nahoro bona Harana ia havaraia.
294	GEN 11:27	Tera ena natuna bona iena tubuna be inai: Tera ese Aberamo bona Nahoro bona Harana ia havaraia. Harana ese Lota ia havaraia.
295	GEN 11:28	Aberamo ena tamana Tera ia do mase lasi neganai, Harana ia mase guna, ia vara gabuna dekenai, Uru, Kaledea taudia edia hanua ta, unuseni ia mase.
298	GEN 11:31	Tera ese iena bese taudia haida ia hakaudia, Uru hanua, Kaledea tano idia rakatania, Kanana tano dekenai idia lao totona. Iena bese taudia edia ladana be inai: Iena natuna, Aberamo, ena tubuna Lota, Harana ena natuna, bona iena ravana Sarai, Aberamo ena adavana. Gabu ta dekenai idia ginidae, ena ladana be Harana. Unuseni idia noho.
299	GEN 11:32	Tera ena mauri lagani ibounai be 205, vadaeni Harana hanua dekenai ia mase.
302	GEN 12:3	Oi idia hanamoa taudia be lauegu hanamoa do idia davaria, to oi idia hadikaia taudia be dohore lau hadikaia. Tanobada ena bese ibounai, be oi dainai namo bada do idia davaria.”
309	GEN 12:10	To aniani be lasi unai tano dekenai. Unai dainai ia lao diho kahana Aigupito dekenai, unuseni do ia noho nega sisina, badina aniani be lasi momokani.
316	GEN 12:17	To Lohiabada ese gorere dikadia dekenai Farao mai ena ruma taudia danu ia hisihisi henidia, Sarai, Aberamo ena adavana dainai.
325	GEN 13:6	Tano be hegeregere lasi idia ruaosi gabu tamona dekenai do idia noho hebou, badina be edia boromakau be momo herea.
338	GEN 14:1	Amarapela, Sinara tano ena king, Arioka, Elasara tano ena king, Kedoralaomere, Elama tano ena king, bona Tidala, Goimi tano ena king,
344	GEN 14:7	Vadaeni Kedoralaomere ia giroa mai Kadesi dekenai, (ena ladana ta be “Kota Hereva ena Ranu Gabuna”), bona ia ese Amaleka taudia ibounai idia halusidia. Ma ia ese Amoro taudia, Hasasono Tamara dekenai idia noho, danu ia halusidia.
346	GEN 14:9	Inai king 5 ese king 4, Kedoralaomere, Elama ena king, bona Tidala, Goimi ena king, bona Amarapela, Sinara ena king, bona Arioka, Elasara ena king dekenai idia tuari henia.
347	GEN 14:10	Unai Sidima Koura be mai ena pisi guri momo herea. Vadaeni Sodoma ena king bona Gomora ena king be tuari dekena amo idia ura heau neganai, pisi guri lalonai idia moru. To taunimanima oredia be ororo dekenai idia heau mauri.
350	GEN 14:13	To heau mauri tauna ta ia lao, Aberamo, Heberu tauna dekenai ia hamaoroa. Aberamo be Mamare, Amoro tauna, Esakolo bona Anere edia kakana ena au helagadia kahirakahira ia noho. Inai tau toi be Aberamo danu idia turana karaia vadaeni.
359	GEN 14:22	To Aberamo ese ia haere, ia gwau, “Lau ese Lohiabada, Ataiai Momokani Dirava, guba bona tanobada ia karaia Diravana ena vairanai hari lau gwauhamata metau henia,
363	GEN 15:2	To Aberamo ia gwau, “Egu Lohiabada Dirava e, lau be natuna lasi. Edena bamona lau dekenai hanamoa do oi habadaia? Lauegu kohu do ia abia tauna be tamona, Eliesere, Damaseko tauna.
369	GEN 15:8	To Aberamo ia gwau, “Lohiabada Dirava e, edena bamona do lau diba inai be lauegu tano korikori?”
375	GEN 15:14	To idia dekenai hesiai gaukara do idia henia besena be do lau panisia, bona unai tano oiemu bese taudia ese do idia rakatania neganai, kohu momo do idia abia lao.
376	GEN 15:15	To oiemu mauri lagani be do momo herea, bona mai maino danu do oi mase, bona oi buruka momokani neganai, do idia guria oi.
383	GEN 16:1	Aberamo ena adavana, Sarai, be gabani, natuna ta ia abia lasi Aberamo dekenai. To ia be mai ena hesiai hahine ta, Aigupito hahine, iena ladana be Hagara.
388	GEN 16:6	To Aberamo ese Sarai dekenai ia haere, ia gwau, “Vadaeni, hahine be oiemu imana dekenai, oiemu ura hegeregere oi karaia ia dekenai.” Vadaeni Sarai ese ia dagedage henia, ia lao bona Hagara be ia heau.
394	GEN 16:12	To oiemu natuna ese, uda doniki bamona do ia noho. Ia ese taunimanima ibounai dekenai, do ia dagedage henia, bona taunimanima ibounai ese, ia dekenai do idia dagedage henia. Ia be iena varavara danu do ia noho lasi.”
396	GEN 16:14	Unai dainai unai ranu guri Kadesi bona Beredi huanai, ena ladana idia atoa, “Lau ia itaia Mauri Tauna ena ranu guri”.
404	GEN 17:6	Tubudia momo oi dekenai do lau henia, bona idia haida be dohore king taudia. Oiemu tubuna be momo dainai, bese momo dohore idia vara oi dekenai.
417	GEN 17:19	To Dirava ia gwau, “Lasi, oiemu adavana Sara be natuna mero do ia havaraia, bona iena ladana do oi atoa Isako. Lauegu gwauhamata taravatuna Isako dekenai, bona iena tubuna dekenai do lau badinaia. Ia be noho hanaihanai gwauhamata taravatuna.
419	GEN 17:21	To lauegu gwauhamata taravatuna oiemu natuna Isako dekenai be do lau badinaia. Ia be Sara dekenai do ia vara, vaira lagani inai bamona nega dekenai.”
440	GEN 18:15	Sara be ia gari dainai, ia koikoi, ia gwau, “Lau kiri lasi.” To ia gwau, “Lasi, momokani, oi kiri.”
450	GEN 18:25	Kara maoromaoro taudia bona kara dika taudia nega tamona do oi alaia lasi, a? Kara maoromaoro taudia bona kara dika taudia, bema edia davana be tamona, be hegeregere lasi. Unai bamona be oiemu kara lasi. Tanobada ibounai ena kota biaguna be kara maoromaoro do ia karaia lasi, a?”
453	GEN 18:28	To sedira kara maoromaoro taudia be 50 lasi, 45 sibona. Bema 5 sibona be lasi, hanua ibounai do oi hadikaia ore, a?” Lohiabada ia gwau, “Bema kara maoromaoro taudia 45 lau davaria, hanua do lau hadikaia ore lasi.”
460	GEN 19:2	Ia gwau, “Lauegu biagudia e, lau be emui hesiai tauna, mani emui kara egu ruma dekenai umui daekau mai. Emui aena umui huria, bona hari hanuaboi iniseni umui mahuta. Dabai do umui toreisi bona emui dala dekenai do umui raka lou.” To idia gwau, “Lasi, hanua ena huana dekenai do ai noho ia lao bona dabai.”
461	GEN 19:3	To ia noinoi goada noho, ia lao bona idia be ia danu iena ruma dekenai idia raka vareai. Lota ese paraoa kavakava ia gabua, bona aniani namona ia nadua, vadaeni idia ania.
466	GEN 19:8	Umui itaia, lauegu natuna kekeni rua idia noho, idia be sihari do diba lasi. Mani, umui dekenai do lau hakaudia, bona idia dekenai umui karaia, emui ura hegeregerena. To inai tatau rua be do umui hadikaia lasi, badina idia be lauegu ruma ena vadivadi taudia bona lau naridia be gau badana.”
467	GEN 19:9	To idia gwau, “Oi gini siri, oi be idau tauna! Oi be daika oi hadibaia ai dekenai? Oi gini siri, ai ese idia do ai hadikaia maragi, to oi do ai hadikaia bada garina.” Vadaeni, idia ese Lota idia doria siri, iduara hamakohia gwauraia.
468	GEN 19:10	To unai tatau ruaosi be ruma lalona dekena amo imadia idia atoa, Lota idia veria vareai, bona iduara idia koua.
472	GEN 19:14	Vadaeni, Lota ese iena natuna kekeni edia maoheni tatau dekenai ia lao, ia gwau, “Karaharaga, umui toreisi, inai gabu ita rakatania, badina be Lohiabada ese inai hanua do ia hadikaia ore.” To idia laloa ia be hevaseha sibona.
474	GEN 19:16	To Lota be ia haraga lasi, unai dainai inai tatau ruaosi ese ia bona ena adavana bona ena natudia kekeni edia imadia idia abia, bona hanua ena murimuri kahana dekenai idia hakaua, badina be Lohiabada ese idia dekenai ia bogahisihisi.
476	GEN 19:18	To Lota ese idia dekenai ia noinoi, “Lohia e, mani emui kara, inai bamona lasi.
477	GEN 19:19	Oi ese kara namona lau dekenai oi karaia vadaeni, lau dekenai oi bogahisihisi, bona lau oi hamauria vadaeni. To ororo be daudau, bona lau be goada lasi dekenai inai dika gauna ese lau dekenai do ia moru, vadaeni, do lau mase.
484	GEN 19:26	To Lota ena adavana ese iena vairana ia giroa murina kahana dekenai, vadaeni Lohiabada ese damena nadi dekenai ia halaoa.
487	GEN 19:29	To tano palaka ena hanua badadia ia hadikaia ore neganai, Dirava ese Aberahamo ia laloa, bona Lota ena mauri dala ia kehoa.
496	GEN 19:38	Tadina kekeni danu mero ia abia, iena ladana ia atoa Benami. Ia be hari idia noho Amono bese taudia edia tubuna.
500	GEN 20:4	To Abimeleka be inai hahine dekenai be ia do sihari henia lasi. Vadaeni ia gwau “Lohiabada e, kara maoromaoro tauna do oi alaia mase, a?
503	GEN 20:7	Unai dainai unai tau dekenai iena adavana do oi henia lou, badina ia be peroveta tauna, vadaeni ia ese oi totona do ia guriguri, vadaeni do oi mauri. To bema oi henia lou lasi, oi diba momokani, dohore oi mase, oi bona oiemu ruma taudia ibounai.”
509	GEN 20:13	To Dirava ese lau ia siaia, lauegu tamana ena ruma lau rakatania neganai, Sara dekenai lau hamaoroa, lau gwau, “Inai bamona do oi bogahisihisi lau dekenai, do ita lao gabu ibounai dekenai do oi hereva lau totona, oi gwau, ‘Ia be lauegu taihuna.’ ”
521	GEN 21:7	Ma ia gwau, “Daika ese Aberahamo dekenai ia hamaoroa diba, Sara ese iena natuna dekenai rata do ia henia? To momokani, lau buruka neganai, natuna mero lau havaraia vadaeni ia dekenai.”
526	GEN 21:12	To Dirava ese Aberahamo dekenai ia hereva, ia gwau, “Unai mero bona oiemu hesiai hahine Hagara dekenai oi laloa momo lasi. Sara ena ura do oi karaia, badina be Isako dekena amo, lau gwauhamata vadaeni bese, be do oi abia.
539	GEN 21:25	To Aberahamo ese Abimeleka dekenai ia maumau, ia gwau, “Oiemu hesiai taudia ese lauegu ranu guri ta idia abia kava.”
554	GEN 22:6	Aberahamo ese lahi boubou ena au ia henia iena natuna Isako dekenai, do ia huaia lao totona. To Aberahamo sibona ese lahi bona kaia iena imana dekenai ia abia lao. Idia ruaosi idia raka hamatamaia hebou.
555	GEN 22:7	Nega sisina Isako ese iena tamana Aberahamo dekenai ia hereva, ia gwau, “Tamagu e.” Ia haere, ia gwau, “Natugu e, lau inai.” Isako ia gwau, “Lau itaia, oi dekenai lahi bona au idia noho, to lahi boubou gauna ena mamoe be edeseni?”
559	GEN 22:11	To Lohiabada ena aneru ese guba dekena amo ia dekenai ia boiboi, ia gwau, “Aberahamo e, Aberahamo e!” Ia haere, ia gwau, “Lau inai.”
566	GEN 22:18	Tanobada besedia ibounai ese lau dekenai do idia noinoi, idia do lau hanamoa, oiemu tubuna lau hanamodia vadaeni hegeregerena. Inai bamona do idia noinoi, badina be oi ese lauegu oda oi kamonai henia dainai.”
569	GEN 22:21	Tau guna ena ladana be Usu, iena tadina be Busu bona Kemuela, Arama ena tamana,
572	GEN 22:24	Nahoro ena adavana iharuana Reuma ese danu natudia ia havaraia, edia ladana be Teba, bona Gahama bona Tahasa, bona Maka.
578	GEN 23:6	“Tau badana e, oi be lohia badana ta aiemai huana dekenai. Aiemai guria gabudia edia huana dekenai, gabu namo herea ta do oi abia hidi, oiemu hahine do oi guria, ai ta ta aiemai guria gabuna do ai koua diba lasi oi dekena amo.”
583	GEN 23:11	“Tau badana e, lasi, unai tano mai ena nadi kohua danu do lau henia oi dekenai, lauegu bese taudia ibounai edia vairana dekenai dohore lau henia oi dekenai, oiemu hahine guria gabuna do oi halaoa.”
587	GEN 23:15	“Tau badana e, oi kamonai, unai tano ena davana be siliva moni 400, ita ruaosi iseda huanai unai be gau ta, a? Oiemu hahine be unuseni do oi guria.”
597	GEN 24:5	To hesiai tauna ese ia nanadaia, ia gwau, “To edena bamona do lau karaia, bema inai kekeni ia ura lasi lau danu ia mai inai tano dekenai? Oiemu natuna do lau hakaua lao oiemu mai gabuna dekenai, be ia namo?”