2	GEN 1:2	Tanobada be toana lasi bona anina lasi, bona dibura ese davara badana ia koua. Vadaeni Dirava ena Lauma be davara ena kopina latanai ia marere noho.
3	GEN 1:3	Dirava ia gwau, “Diari ia vara namo.” Vadaeni, diari be ia vara.
7	GEN 1:7	Bona Dirava ese gau ta ia karaia, henunai ia noho ranu bona ataiai ia noho ranu ia hapararaia totona. Vadaeni unai bamona ia vara.
9	GEN 1:9	Ma Dirava ia gwau, “Guba henunai ia noho ranu be gabu tamona dekenai ia haboua be namo, bona tano kaukau do ia hedinarai.” Vadaeni unai bamona ia vara.
11	GEN 1:11	Ma Dirava ia gwau, “Tanobada dekenai rei ia vara be namo, bona ava idauidau mai edia uhe, bona anina idia atoa audia, edia huahua be mai uhe, ta ta edia orea, edia orea hegeregerena, tanobada ena latanai.” Vadaeni unai bamona ia vara.
15	GEN 1:15	Guba dekenai do idia diari be namo, tanobada do idia hadiaria totona.” Vadaeni, inai bamona ia vara.
21	GEN 1:21	Vadaeni, Dirava ese davara dekenai idia mauri gau badadia ia karaia, bona mauri gaudia ibounai ranu lalonai idia marere gaudia, ta ta edia orea, edia orea hegeregerena, ia karaia. Bona ataiai manudia ibounai danu, ta ta edia orea, edia orea hegeregerena. Bona Dirava ese ia karaia gaudia ia itaia, be idia namo vadaeni.
24	GEN 1:24	Ma Dirava ia gwau, “Tanobada ese mauri gaudia do ia havaraia namo, ta ta edia orea, edia orea hegeregerena, boromakau, bona tano dekenai idia rau gaudia, bona tanobada boroma idauidau, ta ta edia orea, edia orea hegeregerena.” Vadaeni unai bamona ia vara.
27	GEN 1:27	Vadaeni Dirava ese taunimanima ia karaia, ia sibona ena laulau bamona, Dirava ena toana hegeregerena ia karaia. Tau bona hahine ia karaia.
30	GEN 1:30	To tanobada ena boroma idauidau ibounai, bona ataiai manudia ibounai, bona tanobada dekenai idia rau mauri gaudia ibounai dekenai, ava ena rauraudia lau henia vadaeni. Inai be edia aniani.” Vadaeni unai bamona ia vara.
32	GEN 2:1	Vadaeni, guba bona tanobada mai edia anina ibounai be Dirava ese ia karaia haorea.
50	GEN 2:19	Bona Dirava ese tano dekena amo tanobada ena boromakau ibounai ia karaia, bona ataiai manudia ibounai danu. Vadaeni, ia ese unai tau ena vairana dekenai ia hakaudia lao, do ia diba dahaka bona dahaka ladana idia dekenai ia atoa totona. Bona dahaka ladana unai tau ese inai mauri gaudia dekenai ia atoa, be edia ladana.
51	GEN 2:20	Vadaeni, unai tau ese boromakau ibounai dekenai ladana ia atoa, bona ataiai manudia bona tanobada boroma ibounai danu, to idia edia huanai unai tau dekenai durua tauna ta ia davaria lasi.
52	GEN 2:21	Vadaeni Lohiabada Dirava ese unai tau ia hamahutaia mase. Bona ia mahuta neganai, iena ruduna turia ta ia kokia, bona turia gabuna ia koua hidio dekenai.
54	GEN 2:23	Vadaeni unai tau ia gwau, “Inai harihari lau bamona tauna ia noho. Ia be lauegu turia ena turia, bona lauegu hidio ena hidio. Iena ladana do idia atoa, Hahine, badina be tau dekena amo be ia kokia.”
62	GEN 3:6	Hahine ese ia itaia, unai au ena toana be namo herea, bona ena au huahua ia itaia be aniani gauna namona, bona au ena aonega ia ura abia. Vadaeni, unai au ena huahua ia abia, bona ia ania. Ma iena tau dekenai ia henia danu, bona ia danu ia ania.
63	GEN 3:7	Vadaeni idia ruaosi ese aonega idia davaria, bona idia diba idia be kopina kavakava. Unai dainai fig au ena rau idia turia hebou, bona rami idia karaia.
70	GEN 3:14	Vadaeni Lohiabada Dirava ese gaigai dekenai ia gwau henia, ia gwau, “Unai bamona oi karaia dainai oiemu kerere davana do oi abia. Oi sibona inai kerere davana do oi karaia. Hari ia lao bona hanaihanai, oiemu bogana dekenai do oi rau, bona tano ena kahu do oi ania.
90	GEN 4:10	Vadaeni Lohiabada ia gwau, “Dahaka kara dika oi karaia vadaeni? Oiemu tadina ena rarana be tano dekena amo ia boiboi noho lau dekenai, iena mase davana do lau karaia totona.
95	GEN 4:15	To Lohiabada ese Kaino dekenai ia haere, ia gwau, “Lasi momokani. Kaino ia alaia tauna dekenai be davana do lau henia nega tamona lasi, to nega 7.” Vadaeni, Lohiabada ese Kaino dekenai maka ta ia atoa, tau ta ese ia davaria neganai, do ia alaia lasi totona.
113	GEN 5:7	Vadaeni Enosi ia vara murinai, Seta be lagani 807 ma ia mauri noho, iena natuna tatau bona hahine ia havaraia.
116	GEN 5:10	Vadaeni Kenana ia vara murinai, Enosi be lagani 815 ma ia mauri noho, iena natuna tatau bona hahine ia havaraia.
119	GEN 5:13	Vadaeni Mahalalela ia vara murinai, Kenana be lagani 840 ma ia mauri noho, iena natuna tatau bona hahine ia havaraia.
122	GEN 5:16	Vadaeni Iareda ia vara murinai, Mahalalela be lagani 830 ma ia mauri noho, iena natuna tatau bona hahine ia havaraia.
125	GEN 5:19	Vadaeni Enoka ia vara murinai, Iareda be lagani 800 ma ia mauri noho, iena natuna tatau bona hahine ia havaraia.
132	GEN 5:26	Vadaeni Lameka ia vara murinai, Metusela be lagani 782 ma ia mauri noho, iena natuna tatau bona hahine ia havaraia.
140	GEN 6:2	Bona Dirava ena natuna haida ese idia itaia, inai kekeni be mai edia hairai. Vadaeni, idia ura henia kekenidia idia abia, idia adavaia.
145	GEN 6:7	Vadaeni ia gwau, “Lau karaia gaudia, taunimanima ibounai do lau hamasea haorea, tanobada gabu ibounai dekena amo. Lau ese boroma ibounai bona ataiai manudia ibounai danu do lau hamasea, badina idia lau havaraia dainai, egu lalona ia hisihisi noho.”
176	GEN 7:16	Dirava ena oda hegeregere. Vadaeni Lohiabada ese lagatoi ena iduara ia koua.
185	GEN 8:1	To Dirava ese Noa ia laloa noho, ia bona mauri gaudia ibounai, bona boromakau, ia danu lagatoi dekenai idia guia. Vadaeni Dirava ese lai ta ia siaia mai tanobada dekenai, bona ranu ia diho hamatamaia.
192	GEN 8:8	Vadaeni Noa ese pune manu ta ia siaia lao, ranu do ia itaia, ia diho momokani o lasi,
195	GEN 8:11	Adorahi kahanai, pune ia giroa lou Noa dekenai, bona iena uduna dekenai be olive ena rauna matamata ta. Vadaeni, Noa ia diba ranu be ia diho vadaeni.
197	GEN 8:13	Noa ena mauri lagani be 601 neganai, hua ginigunana ena dina ginigunana dekenai, ranu be ia kaukau momokani tanobada dekenai. Vadaeni Noa ese lagatoi ena koua gauna ia kokia, tanobada kopina ia itaia, be ia kaukau.
202	GEN 8:18	Vadaeni Noa ese lagatoi dekena amo ia diho, ia bona iena adavana, bona iena natuna memero mai edia adavadia.
204	GEN 8:20	Noa ese boubou patana Dirava dekenai ia haginia. Vadaeni boroma goevagoeva gaudia bona manu goevagoeva gaudia ta ta dekena amo tamona ia abia, boubou patana dekenai ia alaia, bona lahi dekenai idia ia gabua ore, boubou gauna totona.
210	GEN 9:4	To aniani tamona umui ania diba lasi. Vamu mai rarana danu be mai taravatu, badina be rara be mauri ena badina.
228	GEN 9:22	Hamo, Kanana ena tamana ese iena tamana ia itaia, ia be kopina kavakava. Vadaeni, ia lao, iena tadikakana ruaosi dekenai ia hamaoroa.
229	GEN 9:23	Vadaeni Sema bona Iapeta ese dabua badana ta idia abia, edia pagana dekenai idia huaia. Palai ruma dekenai idia raka vareai, to edia murina kahana dekena amo idia raka lao. Edia tamana idia koua dabua dekenai, to edia vairana idia giroa lasi, edia tamana ena kopina kavakava idia itaia garina.
231	GEN 9:25	Vadaeni ia gwau, “Dika do ia mai Kanana ena latana dekenai! Iena tadikakana dekenai hesiai gaukara momokani do ia karaia.”
269	GEN 11:2	Dina ia daekau kahana dekenai idia laolao noho neganai, tano palaka ta idia davaria, Sinara tano dekenai. Vadaeni unuseni idia noho.
270	GEN 11:3	Vadaeni idia sibona dekenai idia herevahereva, idia gwau, “Namo, raro nadi momo ita karaia namo, lahi dekenai ita gabua namonamo.” Vadaeni, raro nadi idia abia hegaegae, haginia gaukara totona, bona pisi danu idia abia, raro nadi ena kamokamo gauna.
271	GEN 11:4	Vadaeni, ma idia gwau, “Hari, hanua badana ta ita karaia be namo, iena kohoro be guba dekenai do ia kamokau. Unai dekena amo iseda ladana do ia bada, tanobada kahana kahana ibounai dekenai do ita loaloa kava noho garina.”
272	GEN 11:5	Vadaeni Lohiabada ia diho, hanua bona kohoro, inai taudia idia karaia gauna do ia itaia totona.
275	GEN 11:8	Vadaeni, Lohiabada ese ia luludia tanobada kahana kahana ibounai dekenai, bona edia hanua badana haginia gaukara idia hadokoa.
303	GEN 12:4	Vadaeni Aberamo ia lao, Dirava ena oda hegeregere. Lota be Aberamo danu idia lao. Aberamo be Harana hanua ia rakatania neganai iena mauri lagani be 75.
306	GEN 12:7	Lohiabada ese Aberamo dekenai ia hedinarai, ia hereva, ia gwau, “Inai tano be oiemu tubuna dekenai do lau henia.” Vadaeni unuseni Aberamo ese boubou patana ia karaia Lohiabada dekenai, badina be Lohiabada ese ia dekenai ia hedinarai unai gabu dekenai.
308	GEN 12:9	Vadaeni ma ia toreisi, ia lao diho kahanai, Negebe tano kahirakahira.
311	GEN 12:12	Aigupito taudia ese oi idia itaia neganai do idia gwau, ‘Ia be Aberamo ena adavana.’ Vadaeni, lau do idia alaia, oi idia abia totona.
314	GEN 12:15	Farao ena lohia taudia idia itaia, vadaeni Sarai ena hairai be Farao dekenai idia hamaoroa. Vadaeni, idia hakaua lao Farao ena ruma badana dekenai.
317	GEN 12:18	Vadaeni Farao ese Aberamo ia boiria mai, ia gwau henia, ia gwau, “Dahaka oi karaia lau dekenai? Badina dahaka lau oi hamaoroa lasi ia be oiemu adavana?
319	GEN 12:20	Vadaeni Farao ese iena gaukara taudia dekenai ia oda, do idia hakaua lao. Vadaeni idia ese Aberamo mai ena adavana, mai ena kohu ibounai, be edia tanobada ena murimurina dekenai idia atoa.
327	GEN 13:8	Vadaeni Aberamo ese Lota dekenai ia gwau, “Ita be varavara, oiemu taudia bona lauegu taudia idia heai be dika.
329	GEN 13:10	Vadaeni Lota ese iena matana ia negea, Ioridane Sinavai ena koura ia itaia, ibounai be mai edia ranu. Ia be Lohiabada ena uma gabu bamona, bona Aigupito ena tano bamona danu, ia lao bona Soara. (Inai be Lohiabada ese Sodoma hanua bona Gomora hanua ia hadikaia ore lasi neganai.)
330	GEN 13:11	Vadaeni Lota ese Ioridane koura ibounai ia abia hidi, bona dina ia daekau kahana dekenai ia lao. Idia ruaosi idia parara unai bamona.
337	GEN 13:18	Vadaeni Aberamo ese iena palai ruma ia lokua, ia toreisi, ia lao Heberona dekenai. Unuseni ia noho, Mamare ena au helagadia kahirakahira. Unuseni boubou patana ta ia karaia, Lohiabada dekenai.
344	GEN 14:7	Vadaeni Kedoralaomere ia giroa mai Kadesi dekenai, (ena ladana ta be “Kota Hereva ena Ranu Gabuna”), bona ia ese Amaleka taudia ibounai idia halusidia. Ma ia ese Amoro taudia, Hasasono Tamara dekenai idia noho, danu ia halusidia.
345	GEN 14:8	Vadaeni Sodoma ena king bona Gomora ena king bona Adima ena king bona Seboimi ena king bona Bela (ladana ta be Soara) ena king, be edia tuari taudia idia haboua Sidima Koura dekenai, tuari totona.
347	GEN 14:10	Unai Sidima Koura be mai ena pisi guri momo herea. Vadaeni Sodoma ena king bona Gomora ena king be tuari dekena amo idia ura heau neganai, pisi guri lalonai idia moru. To taunimanima oredia be ororo dekenai idia heau mauri.
349	GEN 14:12	Lota, Aberamo ena vavana, Sodoma dekenai ia noho. Vadaeni idia ese ia danu idia dogoatao, idia abia lao, mai ena kohu ibounai.
351	GEN 14:14	Aberamo ia kamonai iena varavara be idia abia mauri. Vadaeni, ia ese iena palai ruma noho tuari taudia ia haboua. Idia ibounai be tatau 318. Bona idia ese unai king taudia murinai idia raka, ia lao bona Dano hanua.
355	GEN 14:18	Vadaeni Melekisedeka, Salema ena king, ia be Ataiai Momokani Dirava ena helaga tauna, ese paraoa bona uaina ia mailaia Aberamo dekenai.
365	GEN 15:4	Vadaeni, Lohiabada ena hereva Aberamo ese ia kamonai lou. Lohiabada ia gwau, “Inai hesiai tauna be oiemu kohu do ia abia lasi, oiemu natuna korikori ese oiemu kohu do ia abia.”
367	GEN 15:6	Vadaeni, Aberamo ese Lohiabada dekenai ia abidadama henia, unai dainai Lohiabada ia gwauraia, Aberamo be maoro.
384	GEN 16:2	Sarai ese Aberamo dekenai ia hereva, ia gwau, “Oi diba, Lohiabada ese natuna ta lau dekenai ia henia lasi. Oi dekenai lau noinoi, lauegu hesiai hahine oi abia, sedira natuna ta ia dekenai do lau abia.” Vadaeni Aberamo ese Sarai ena hereva dekenai ia kamonai henia.
387	GEN 16:5	Vadaeni Sarai ese Aberamo dekenai ia hereva, ia gwau, “Hagara ese lau ia matauraia lasi, be oiemu kerere dainai. Lauegu hesiai hahine lau henia oi dekenai, to ia diba ia be rogorogo neganai ia mai bona hari, ia ese lau ia matauraia lasi, Lohiabada ese ita ruaosi iseda huanai do ia gwauraia daika be maoro, bona daika be kerere.”
388	GEN 16:6	To Aberamo ese Sarai dekenai ia haere, ia gwau, “Vadaeni, hahine be oiemu imana dekenai, oiemu ura hegeregere oi karaia ia dekenai.” Vadaeni Sarai ese ia dagedage henia, ia lao bona Hagara be ia heau.
397	GEN 16:15	Vadaeni, Hagara ia mara, mero ta ia abia, Aberamo ena. Bona Aberamo ese iena ladana ia atoa Isamaela, ena anina be, “Dirava ia kamonai noho.”
401	GEN 17:3	Vadaeni Aberamo ia tui diho, bona iena vairana ia atoa diho, tano dekenai. Dirava ia gwau,
427	GEN 18:2	Vadaeni iena matana ia negea, tatau toi ia itaia unuseni idia gini. Ia itaia neganai, iena palai ruma iduara dekena amo ia heau lao, ia tui diho tano dekenai,
430	GEN 18:5	Aniani sisina do lau mailaia, goada do umui abia, gabeai emui dala dekenai ma do umui raka lao. Lauegu ruma dekenai umui mai vadaeni, unai dainai emui ura lau ura karaia.” Idia gwau, “Vadaeni, oiemu hereva hegeregere oi karaia.”
432	GEN 18:7	Vadaeni ia heau lao iena boromakau dekenai, boromakau natuna ta ia abia, ena hidiona be manokamanoka bona mai digara danu, iena hesiai tauna dekenai ia henia, vadaeni karaharaga ia lao, ia nadua.
435	GEN 18:10	Vadivadi tauna ta ia gwau, “Oi dekenai lau gwauhamata, hua 9 lalonai oiemu adavana Sara be natuna mero do ia abia. Unai neganai do lau giroa mai.” Sara be palai ruma iduara murinai ia gini, bona unai hereva ia kamonai noho.
441	GEN 18:16	Vadaeni inai tatau idia toreisi, Sodoma dala dekenai idia raka lao, Sodoma idia itaia totona, gabu ta dekenai idia gini, bona Aberahamo be idia danu ia lao, dala ia hadibaia totona.
444	GEN 18:19	Lau ese ia lau abia hidi, ia ese iena natudia bona iena tubudia dekenai lauegu taravatu do ia hadibaia namonamo totona. Vadaeni idia ese lauegu taravatu do idia kamonai henia, kara maoromaoro bona kara namona dekenai. Inai murinai lauegu gwauhamata ibounai do lau hamomokania ia dekenai.”
447	GEN 18:22	Vadaeni unai tatau ese unai gabu idia rakatania, idia lao Sodoma kahana, to Lohiabada be Aberahamo danu ia noho.
467	GEN 19:9	To idia gwau, “Oi gini siri, oi be idau tauna! Oi be daika oi hadibaia ai dekenai? Oi gini siri, ai ese idia do ai hadikaia maragi, to oi do ai hadikaia bada garina.” Vadaeni, idia ese Lota idia doria siri, iduara hamakohia gwauraia.
470	GEN 19:12	Vadaeni, inai tatau ruaosi ese Lota dekenai idia henanadaia, idia gwau, “Oiemu varavara haida ma idia noho iniseni, o lasi? Bema oiemu ravana, o oiemu natudia memero o oiemu varavara ta ia noho inai hanua dekenai, oi abidia, bona inai gabu umui rakatania.
472	GEN 19:14	Vadaeni, Lota ese iena natuna kekeni edia maoheni tatau dekenai ia lao, ia gwau, “Karaharaga, umui toreisi, inai gabu ita rakatania, badina be Lohiabada ese inai hanua do ia hadikaia ore.” To idia laloa ia be hevaseha sibona.
482	GEN 19:24	Vadaeni, Lohiabada ese salipa nadi mai lahi bada danu guba dekena amo ia negea diho, Sodoma bona Gomora edia latanai.
489	GEN 19:31	Vara guna kekeni ese iena tadina dekenai ia hereva, ia gwau, “Iseda tamana ia buruka, bona inai tanobada kahana dekenai ita do idia headava tatau be lasi, vadaeni natudia do ita abia ena dala be lasi momokani.
491	GEN 19:33	Unai hanuaboi, ia dekenai uaina idia henia, ia inua. Vadaeni vara guna kekeni be iena tamana danu idia sihari, to ia be kekero dainai ia diba lasi dahaka ia vara.
492	GEN 19:34	Kerukeru, vara guna kekeni ese iena tadina dekenai ia hamaoroa, ia gwau, “Varani hanuaboi iseda tamana danu lau sihari. Hari hanuaboi ita hakekeroa lou be namo, bona oi danu ese lau karaia bamona do oi karaia. Unai dekena amo ita ruaosi natudia do ita abia iseda tamana dekena amo.”
493	GEN 19:35	Vadaeni, unai hanuaboi idia hakekeroa, bona tadina kekeni be iena tamana danu idia sihari. Ia be kekero dainai ia diba lasi dahaka ia vara.
495	GEN 19:37	Vara guna kekeni be mero ia abia, ladana ia atoa Moaba. Ia be hari idia noho Moaba bese taudia edia tubuna.
498	GEN 20:2	Vadaeni Aberahamo ese Sara totona ia hereva, ia gwau, “Ia be lauegu taihuna.” Vadaeni Abimeleka, Gerara ena king ese ia abia.
500	GEN 20:4	To Abimeleka be inai hahine dekenai be ia do sihari henia lasi. Vadaeni ia gwau “Lohiabada e, kara maoromaoro tauna do oi alaia mase, a?
502	GEN 20:6	Vadaeni Dirava ese nihi dekenai ia haere henia, ia gwau, “Lau diba oiemu laloa be kerere lasi inai kara oi karaia neganai. Unai dekenai lauegu vairana dekenai do oi kerere garina lau koua oi, do oi sihari henia lasi totona.
505	GEN 20:9	Vadaeni Abimeleka ese Aberahamo dekenai ia boiboi, ia gwau, “Edena bamona oi karaia vadaeni ai dekenai? Edena kerere oi dekenai lau karaia dainai lau bona lauegu basileia dekenai inai bamona oi karaia do ai kerere totona? Mai taravatu ena kara ta oi karaia vadaeni lau dekenai?”
507	GEN 20:11	Vadaeni Aberahamo ia haere, ia gwau, “Badina be lau laloa inai gabu dekenai Dirava dekenai matauraia kara be lasi, vadaeni lau laloa be, lauegu adavana totona dohore idia alaia mase lau.
510	GEN 20:14	Vadaeni Abimeleka ese mamoe bona boromakau bona hesiai taudia bona hesiai hahine be Aberahamo dekenai ia henia, bona iena adavana Sara ia henia lou.
516	GEN 21:2	Vadaeni ia be rogorogo, bona mero ta ia abia Aberahamo dekenai, ia be buruka neganai. Mero ena vara nega be Dirava ia gwauraia guna hegeregerena.
528	GEN 21:14	Kerukeru, daba maragi neganai, Aberahamo ese Hagara dekenai aniani bona ranu danu be nani kopina lalonai ia henia. Idia be Hagara ena doruna dekenai ia atoa, bona ia siaia lao, mero danu. Vadaeni, hahine ia lao, bona Bere Sieba ena taunimanima lasi gabuna dekenai ia loaloa.
530	GEN 21:16	Vadaeni, sisina ia raka lao, diba pidia ena daudau hegeregerena, bona ia helai diho. Sibona dekenai ia hereva, ia gwau, “Mero ena mase lau ura lasi lau itaia.” Unuseni ia helai noho neganai, natuna ia tai hamatamaia.
538	GEN 21:24	Aberahamo ia gwau, “Vadaeni, lau gwauhamata inai.”
541	GEN 21:27	Vadaeni Aberahamo ese mamoe bona boromakau haida Abimeleka dekenai ia henia, bona idia ruaosi maino idia karaia.
545	GEN 21:31	Vadaeni unai gabu ena ladana idia atoa Bere Sieba, badina be idia ruaosi idia gwauhamata hebou.
546	GEN 21:32	Vadaeni Bere Sieba dekenai maino idia karaia, inai murinai Abimeleka bona Pikola, iena tuari orea ena biaguna, idia giroa lou Pilistia, edia tano dekenai.
553	GEN 22:5	Vadaeni, iena hesiai taudia dekenai ia gwau, “Umui ruaosi doniki danu iniseni umui noho. Lau be inai mero danu do ai lao unuseni, tomadiho totona, gabeai do ai giroa mai umui dekenai.”
556	GEN 22:8	Aberahamo ia haere, ia gwau, “Natugu e, Dirava sibona ese mamoe do ia henia, lahi boubou gauna totona.” Vadaeni, ruaosi ma idia raka lao.
557	GEN 22:9	Ia dekenai Dirava ese ia hamaoroa gabuna dekenai idia ginidae neganai, Aberahamo ese boubou patana ia haginia, bona patana ena latanai au ia atoa hegaegae. Vadaeni iena natuna be varo dekenai ia kwatua, bona boubou patana dekenai ia atoa, au latanai.