23240	MAT 2:2	Dúcɨillano jɨcánotiaɨoɨ: —¿Nɨnomo ite jococa Judíuaɨ illaɨma? Mei jitoma billáfenemo ie illano onótate ucúduna cɨódɨcaɨza. Afémɨe cáɨmadollena benomo bitɨcaɨ, —daɨdíaɨoɨ.
23440	MAT 8:26	Jira afémɨe uai ote: —¿Nɨbái mei ɨere jacɨ́naitɨomoɨ? ¡Omoɨ naɨ fɨgo ɨ́ɨnoñedɨomoɨ! —daɨde. Iemona afémɨe náidacaillano jairifo naa jorai dɨga lletade. Daɨí ie daɨna llezica jorai bagóñeno uái ite.
23452	MAT 9:4	Jesús afémacɨ comécɨdo dáɨnana onóillano daɨde: —¿Nɨbái mei fɨeni omoɨ comecɨ facádɨomoɨ?
23459	MAT 9:11	Mei íadɨ Fariséuaɨ áfena cɨ́oillano afémɨe llófueganomo jɨcánotiaɨoɨ: —¿Nɨbái mei omoɨ llófuetɨmɨe úcube llɨ́ɨnofɨredɨno dɨga naa fɨénidɨnori güite? —jɨcánotiaɨoɨ.
23463	MAT 9:15	Jira Jesús uai ote: —¿Aɨrena rafue llezica áfemo uáidogano, meita zúurenari güínidiaɨoɨ? Daɨí iñédeza; rɨngo otɨ́mɨe íaɨoɨ cɨ́gɨmo illa llezica caɨmare güitíaɨoɨ. Mei íadɨ rɨngo otɨ́mɨe íaɨoɨmona báɨruaɨbillɨrui dúcɨite. Aféruido comecɨ zúurenari güíñeitiaɨoɨ. Rɨngo otɨ́mɨe izói birui cuedo jáicadɨno cɨ́gɨri itɨ́cueza, —daɨde.
23531	MAT 11:3	Jesumo dúcɨillano jɨcánotiaɨoɨ: —¿Meita o biite Cristo daɨnámɨedɨo? ¿Nɨbaɨ naɨ jɨáɨe bíitɨmɨe úiñoredɨcaɨ? —daɨdíaɨoɨ.
23551	MAT 11:23	Iemo Capernaum jofue comɨnɨ Jesús lletade. Afémacɨ dɨbénedo daɨde: —¿Meita íaɨoɨ ɨ́ɨnoga jofue monamo úirede? ¿Daɨí comecɨ facádiaɨoɨ, ero ua? Mei jɨáɨfodo íaɨoɨna daɨdɨcue, tɨ́idɨno illánomo ana dotaca izói nɨné táɨnocaitalliaɨoɨ. Mei íaɨoɨ cɨ́gɨmo cue fɨnoca cɨóraɨnina raa naui Sodoma jófuemo fɨnódɨcuenia, afe jofue naɨ biruimo nia ite.
23561	MAT 12:3	Mei íadɨ Jesús íaɨoɨna daɨde: —¿Omoɨ ɨco jaiai illaɨma David fɨnócafue cúegana facádoñedɨomoɨ? Afémɨe naa ie nabáiñɨaɨri ɨere jufínaitiaɨoɨ.
23568	MAT 12:10	Afeco eromo ónoɨna llirídɨmɨe ite. Afe comɨnɨ Jesumo fɨénidɨfue jɨtállena jenódiaɨoɨ. Iemona afémɨena jɨcánodoɨdiaɨoɨ: —¿Meita ɨráredɨmɨe ocózinaillaruimo jíllotarede? —daɨdíaɨoɨ.
23581	MAT 12:23	Ie jira nana comɨnɨ áferi caɨmare fáɨgacaillano daɨdíaɨoɨ: —¿Meita afe be nɨ́ɨmɨe jaiai illaɨma Davidmona comuítagamɨe? —daɨdíaɨoɨ.
23606	MAT 12:48	Mei íadɨ Jesús afe lluáɨbitɨmɨena daɨde: —¿Mei bu cue eina? Daje izói ¿mei bu cue ámatɨaɨna? —daɨde.
23618	MAT 13:10	Iemona ie llófuegamacɨ billano Jesumo jɨcánotiaɨoɨ: —¿Nɨbái mei comɨ́nɨmo íaɨoɨ onoiga izóidedo úritɨo? —daɨdíaɨoɨ.
23659	MAT 13:51	Afe mei Jesús íaɨoɨna jɨcánote: —¿Meita omoɨ nana bífuiaɨna onódɨomoɨ? —daɨde. Jira afémacɨ daɨdíaɨoɨ: —Jɨɨ, Ocuíraɨma onódɨcaɨ, —daɨdíaɨoɨ.
23704	MAT 15:2	—¿Nɨbái mei o llófuegamacɨ caɨ uzútɨaɨ daɨna uaina oni caitáfɨrediaɨoɨ? Mei afémacɨ fɨénidɨfue múiñua jana, naɨ güiñena llezica onoɨ jócuana fɨnóñediaɨoɨza, —daɨdíaɨoɨ.
23705	MAT 15:3	Mei afe ɨbana Jesús íaɨoɨmo jɨcánote: —¿Mei nɨbái omoɨ Juzíñamui rɨire ocuica uai oni caitáfɨredɨomoɨ danɨ omoɨ jaiai daɨna uaimo náfuellena?
23714	MAT 15:12	Afe jira ie llófuegamacɨ Jesuna daɨízaɨbitiaɨoɨ: —¿Meita onódɨoza, o daɨna uáillaɨna cacáillano fariséuaɨ icɨ́ritiaɨoɨ? —daɨdíaɨoɨ.
23718	MAT 15:16	Jira Jesús jɨcánote: —¿Omoɨ jɨáɨ naɨ onóñedɨomoɨ?
23736	MAT 15:34	Jira Jesús afémacɨmo jɨcánote: —¿Omoɨmo nɨga páanɨaɨ ite? —daɨde. Jira afémacɨ daɨdíaɨoɨ: —Siete dɨga pan ite íemo due chámuna ite, —daɨdíaɨoɨ.
23749	MAT 16:8	Jesús áfena comécɨdo onóillano daɨde: —¿Nɨbái mei páanidɨcaɨ daɨdɨ́omoɨ? ¡Omoɨ ɨco naɨ fɨgo ɨ́ɨnoñedɨomoɨ!
23779	MAT 17:10	Iemona ie llófuegamacɨ Jesumo jɨcánotiaɨoɨ: —¿Nɨbái mei ocuilla uai llófueraɨnɨ Elías raɨre uícodo bírena, daɨífɨrediaɨoɨ? —jɨcánotiaɨoɨ.
23788	MAT 17:19	Afe mei Jesús llófuegamacɨ baɨ eneno Jesús dɨga úrite; jɨcánotiaɨoɨ: —¿Mei nɨbái caɨ afe fɨénide jóriaɨ orénidɨcaɨ? —daɨdíaɨoɨ.
23793	MAT 17:24	Jesús naa ie llófuegamacɨri Capernaum jófuemo dúcɨdiaɨoɨ. Dúcɨna llezica, Juzíñamuimo gaɨríracomo dúide úcube jɨcáfɨredɨno Pédromo jɨcánuaidiaɨoɨ: —¿Omoɨ llófueraɨma afe raiñoca úcubena ɨ́baiñete? —jɨcánotiaɨoɨ.
23834	MAT 19:3	Afe mei fariséuaɨmona dámɨerie Jesús zanóllena facátaɨbitiaɨoɨ. Afémɨemo jɨcánotiaɨoɨ: —¿Meita daa come ie áɨna fia come comecɨ dáɨnamona dotárede? Afe izoide ¿meita rairuírede? —daɨdíaɨoɨ.
23835	MAT 19:4	Jira Jesús uai ote: —¿Jaiai Juzíñamui Cuegáuaina facádoñedɨomoɨ? Afénicomo bie izói llote. Fueñe comɨnɨ comuítatɨmɨe rɨngo ɨima dɨga fɨnode.
23838	MAT 19:7	Mei jira jɨcánotiaɨoɨ: —¿Iemo nɨbái mei Moisés lloga uaimo áɨna dotárede daɨde? Dótaitɨmɨe ie dotaca aɨmo cuegábena írena. Afébena aféngomo íllano, afémɨe aféngona dotárede, —daɨde.
23848	MAT 19:17	Jesús íena daɨde: —¿Nɨbái mei cuena ñúemɨedɨo daɨdɨo? Dama Juzíñamui ñuena. Abɨ dɨné jɨáɨe ñúemɨena iñede. Mei jɨáɨfodo zíiñona illɨ́nomo o jáiacania, Juzíñamui caɨ ocuilla uai jeire o oíri, —daɨde.
23849	MAT 19:18	Jira afe jitócome íena daɨde: —¿Nee mei aféuai? —daɨde. Jira Jesús afémɨena daɨde: —Jɨáɨmana tɨtáñeno iri. Jɨruíreiñeno iri. Merɨ́riñeno iri. Jɨáɨe cómemo taɨno lloñeno iri.
23882	MAT 20:21	Jira afémɨe aféngona jɨcánote: —¿Mɨnɨca óiacadɨo? —daɨde. Jira afengo daɨde: —Ɨlláɨmana o illɨ́ruimo dúcɨille llezica, cue jitó íaillɨnoɨmona dáamɨe o nabézimo raɨnari, íemo jɨáɨmɨe o jarɨ́fezimo raɨnari, —daɨde.
23893	MAT 20:32	Jira Jesús mózide. Mózillano afe íaillɨnoɨ jɨ́ɨrillano jɨcánote: —¿Nɨe izói jitáidɨomɨcoɨ afe izói ómɨcoɨ cue fɨnóllena? —daɨde.
23905	MAT 21:10	Jesús Jerusalemo jofo jailla llezica afe jofue comɨnɨ dɨga rafue júfidotiaɨoɨ. Dɨga comɨnɨ afémɨe dɨbénedo jɨcánotiaɨoɨ: —¿Bie bu? —daɨízɨtiaɨoɨ.
23911	MAT 21:16	Jira bimacɨ rɨ́icaillano Jesuna daɨdíaɨoɨ: —¿Baie úruiaɨ úrillana cacáñedɨo? —daɨdíaɨoɨ. Jira Jesús íaɨoɨ uai ote: —Cacádɨcue. ¿Bie rafue úrilla cúeina uaina facádoñedɨomoɨ? Afe jaiai David daɨna uai Juzíñamuina bie izói daɨde: Uruiaɨ ebire ñúefuena óɨena jae rotátatɨo, —afe daɨí Jesús íaɨoɨmo llote.
23915	MAT 21:20	Ie llófuegamacɨ áfena cɨ́oillano fáɨgacaidiaɨoɨ. Iemo Jesumo jɨcánotiaɨoɨ: —¿Nɨe izói ite bie higuera amena raɨre dúilla? —daɨdíaɨoɨ.
23918	MAT 21:23	Afe mei Jesús Juzíñamuimo gaɨríracomo jofo jaide. Jaillano afénomo llófuemarite. Afe llezica lletáriraɨnɨ illaɨnɨ naa judíuaɨ eicomɨ́nɨri Jesumo jɨcánuaidiaɨoɨ: —¿Nɨé rɨ́inodo o raana fɨnófɨredɨo? ¿Afe rɨ́ino bu mei omo fecaca? —daɨdíaɨoɨ.
23937	MAT 21:42	Jira Jesús daɨde: —¿Cue dɨbénedo Juzíñamui Cuegáuaina jaca facádoñedɨomoɨ? Aféuai bie izói daɨde: Jofo níraɨnɨ jámairuillano oni fádoɨca jíaɨlliraɨ ja ñuera jíaɨlliraɨ izóidena jaide. (Bie daɨíacade comɨnɨ jámairuillano ruifíruigamɨe ja ñuera jɨca jalleide illáɨmana jaide.) Bie caɨ Moo Juzíñamui fɨnoca. Afefue ɨere caɨmo ebire cacaide.
23983	MAT 22:42	Jesús íaɨoɨmo jɨcánote: —¿Crístomo nɨe izói comécɨdo daɨdɨ́omoɨ? Afémɨe nano ie comuítatɨmɨe ¿mei bu? —daɨde. Jira íena daɨdíaɨoɨ: —Afémɨe Davidmona comuítagamɨe, —daɨdíaɨoɨ.
24028	MAT 24:2	Mei íadɨ Jesús íaɨoɨ uai ote: —¿Bie nana cɨódɨomoɨ? Uáfuena ómoɨmo llóitɨcue. Bie niroca nófɨe daa fɨébiñeno nana nɨné jújicaite. Afeno jofue nana nɨné táɨnocaite, —daɨde.
24131	MAT 26:8	Ie llófuegamacɨ áfena cɨóillano rɨ́icaidiaɨoɨ. Danɨ conímana daɨdíaɨoɨ: —¿Nɨbái mei áfeji táɨnomo fáɨfitaga?
24133	MAT 26:10	Jesús daɨí íaɨoɨ úrillana cacáillano íaɨoɨna daɨde: —¿Nɨbái mei bie rɨngo jɨfánodoɨdɨomoɨ? Bie rɨngo cuemo fɨnoca raa ɨere ñuera.
24140	MAT 26:17	Afe rafue nanóidɨruimo fáitañega pan güífɨrediaɨoɨ. Afe llezica Jesús llófuegamacɨ billano jɨcánotiaɨoɨ: —¿Pascua rafue llezica güíllena, uícodo nɨnomo caɨ fɨ́nuaille? —daɨdíaɨoɨ.
24163	MAT 26:40	Afe mei daámani ie llófuegamacɨ illánomo meine bite. Ɨnɨ́diaɨoɨna cɨ́oizaɨbite. Iemo Pédrona daɨde: —¿Nano íanori omoɨ cue dɨga ɨnɨ́ñeno cáadɨno izói ínidɨomoɨ?
24168	MAT 26:45	Afe mei nane ie llófuegamacɨ illánomo jaide. Afémacɨna daɨde: —¿Naɨ ɨnɨ́dɨomoɨ? ¿Naɨ ocózinaidɨomoɨ? ¡Cacai! Nanoide Ɨima Jitódɨcueza, ja cuena fɨénidɨnomo fecalle hóramo dúcɨdeza.
24178	MAT 26:55	Afe mei Jesús comɨ́nɨna daɨde: —¿Nɨbái mei merɨ́rifɨredɨmɨe izói cue lláɨtaɨbitɨomoɨ? Mei lloéfaillaɨri íemo bɨgɨ́nɨaɨri cuemo bitɨ́omoɨza. Nágaruillaɨdo Juzíñamuimo gaɨríracomo ráɨicana ómoɨna llófuefɨredɨcue. Afénomo jaca cuena llaɨtáñedɨomoɨ.
24185	MAT 26:62	Jira lletáriraɨnɨ caifóidɨllaɨma náidacaillano Jesuna daɨde: —¿Nɨbái mei uai oñédɨo? Bie omo íaɨoɨ jóonegafue ¿nɨe izoide? —daɨde.
24202	MAT 27:4	Izájillano daɨde: —Ɨere fɨénidɨfue fɨnódɨcue; nɨ́fuenidɨmɨe tɨtállena fecádɨcueza, —daɨde. Jira afémacɨ uai otíaɨoɨ: —¿Afefue caɨmo mei nɨbái? Dama ófue, —daɨdíaɨoɨ.
24209	MAT 27:11	Afe mei énɨe úiñotɨllaɨma uícomo Jesús uitíaɨoɨ. Afénomo afémɨe Jesumo jɨcánote: —¿O meita judíuaɨ illaɨma? —daɨde. Jira Jesús daɨde: —O daɨna izói nɨ́ɨmɨedɨcue, —daɨde.
24211	MAT 27:13	Jira Pilato íena daɨde: —¿Aquíe omo íaɨoɨ jóonegafuiaɨ cacáñedɨo? —daɨde.
24221	MAT 27:23	Iemona Pilato íaɨoɨna daɨde: —¿Nɨbái mei? ¿Nɨe fɨénidɨfue afémɨe fɨnode? —daɨde. Mei íadɨ comɨnɨ dáanomo rɨire daɨdíaɨoɨ: —Cruzmo coraɨ, —daɨdíaɨoɨ.
24311	MRK 1:27	Ie jira nana naɨraɨ jacɨ́naitiaɨoɨ. Jira conímamo jɨcánotiaɨoɨ: —¿Bie mɨnɨca? ¿Mɨnɨca bie como llófueinafue? Bie Jesumo rɨire ocuíllafue ite, fɨénide jóriaɨ oréllena. Afe fɨénide jóriaɨ afémɨena ɨ́ɨnofɨrediaɨoɨ, —daɨdíaɨoɨ.
24337	MRK 2:8	Mei íadɨ dama Jesús ie comécɨdo afémacɨ comecɨ úrillafuena onode. Jira daɨde: —¿Nɨbái mei omoɨ comecɨ daɨí facádɨomoɨ?
24345	MRK 2:16	Mei íadɨ dáarie ocuícafue llófueraɨnɨ fariséuaɨ dɨga, Jesús nana afe fɨénidɨmacɨ dɨga naa ɨáɨruiga ɨbátaga úcube llɨ́ɨnoraɨmacɨri dáanomo güíllana cɨódiaɨoɨ. Iemona Jesús llófuegamacɨna daɨdíaɨoɨ: —¿Nɨbái mei omoɨ llófueraɨma afe ɨáɨruiga ɨbátaga úcube llɨ́ɨnoraɨmacɨ dɨga güífɨrede, jirófɨrede? Daje izói, ¿nɨbái mei jɨáɨe fɨénidɨno dɨga güífɨrede? —daɨdíaɨoɨ.
24347	MRK 2:18	Jɨáɨruido Báutizaraɨma Juaado jáidɨno fariséuaɨdo jáidɨno dɨga nana güiñeno fɨ́mairitiaɨoɨ. Aféruimo dámɨerie Jesumo jɨcánuaɨbitiaɨoɨ: —¿Nɨbái mei Juaado jáidɨno fariséuaɨdo jáidɨno dɨga nana güiñeno fɨ́mairitiaɨoɨ, mei íadɨ o llófuegamacɨ fɨ́mairiñediaɨoɨ? —daɨdíaɨoɨ.
24354	MRK 2:25	Mei íadɨ afémɨe íaɨoɨna daɨde: —¿Jaca nɨbaɨ David fɨnócana facádoñedɨomoɨ? Afémɨe naa ie nabáiñɨaɨri güille iñena llezica, júbietaillano Juzíñamui jofomo jaide. Ua Abiatar lletáriraɨnɨ illáɨmana illáruido, David jofo jaide. Afe jofo eromo Juzíñamuimo eneno mameca rairuírede panes ite. Danɨ Juzíñamui lletáriraɨnɨ áfena güírena; jɨáɨmacɨmona afe rairuírede. Afe panes David uánona güite; ie mei ie nabáiñɨaɨmo fecade.
24361	MRK 3:4	Dáanomo jɨáɨmacɨmo jɨcánote: —¿Mɨnɨ́cana ocózinaillaruimo ómoɨri fɨnóredɨcue? ¿Nɨbaɨ fɨénidɨfue fɨ́noitɨcue, nɨbaɨ ñúefue fɨ́noitɨcue? ¿Nɨbaɨ omoɨ jíllotaitɨcue, nɨbaɨ omoɨ tɨ́taitɨcue? —daɨde Jesús. Mei íadɨ afémacɨ ja uai oñédiaɨoɨ.
24380	MRK 3:23	Ie jira Jesús íaɨoɨ jɨ́ɨrite. Jɨ́ɨrilla mei, onoiga ráfuiaɨ íaɨoɨmo llote: —¿Nɨe izói afe Taɨfedo Taɨfe jiúrede? ¡Jiúnide!
24390	MRK 3:33	Mei afémɨe daɨde: —¿Buoɨ cue eina? ¿Buoɨ cue ámatɨaɨna? —daɨde.
24405	MRK 4:13	Dáanomo Jesús jɨcánote: —¿Omoɨ bie onóigafue onóñedɨomoɨ? ¿Nɨe izói daɨí mei jɨáɨena ónoitɨomoɨ?
24413	MRK 4:21	Jesús naɨ úrite; íaɨoɨna daɨde: —¿Nogo anamo jóonellena mechera meita atɨca? ¡Atɨñega! ¿Daje izói ɨnɨ́rabani anamo raɨnállena mechera atɨ́caza? ¡Atɨñega! Naga mechera caifo jɨca raɨnáfɨrega, ñue egáiñollena.
24432	MRK 4:40	Ie mei ie llófuegamacɨna daɨde: —¿Nɨbái mei ɨere jacɨ́ruitɨomoɨ? ¿Nɨbaɨ naɨ Juzíñamuimo ɨ́ɨnoñedɨomoɨ? —daɨde.
24433	MRK 4:41	Iadɨ jairifo ie llɨ́ɨcaitari ɨere jacɨ́naitiaɨoɨ. Danɨ conímamo úritiaɨoɨ: —¿Bie nɨ́ɨmɨe? ¡Jairifo jorai dɨga, afémɨe uaina jeire ote! —daɨdíaɨoɨ.
24440	MRK 5:7	Jesumo rɨire lléjecaide: —¿Nɨbái cuemo jíricaidɨo? O Jesúdɨo; jamánomo caifoide Juzíñamui Jitódɨo. Juzíñamui mámecɨdo omo jɨcádɨcue duere cue zéfuiñellena, —daɨde.
24442	MRK 5:9	Jesús íemo jɨcánote: —¿O mei búdɨo? —daɨde. Uai ote: —Cue mámecɨ Aillo Dáanomo Ɨráɨcano, mei áillomacɨdɨcaɨza, —daɨde.
24463	MRK 5:30	Ie mei Jesús onóbicaide. Uafue, ie rɨ́inodo da come jíllotaga afémɨe raɨre fɨdɨde. Ie jira comɨnɨ cɨ́gɨdo jino éroicaillano jɨcánote: —¿Mei bu cue ɨnícuiro jetaca? —daɨde.
24464	MRK 5:31	Iemo ie llófuegamacɨ afémɨena daɨde: —¿Aillo comɨnɨ rɨllire fɨ́nuana cɨóñedɨo? ¿Nɨbái mei bu o ɨnícuiro jetaa jɨcánotɨo? —daɨdíaɨoɨ.
24472	MRK 5:39	Jofo jaillano Jesús daɨde: —¿Nɨbái mei ɨere faɨllíñaidɨomoɨ? ¿Nɨbái mei ɨere éedɨomoɨ? Afeza tɨ́iñedeza; fia ɨnɨde, —daɨde.
24478	MRK 6:2	Ocózinaillaruimo dúcɨillanona Juzíñamui uai llófueriracomo llófuiaide. Aillo comɨnɨ íena cacáreidiaɨoɨ. Iemona íena jacɨ́ruicana fáɨgacaidiaɨoɨ. Daɨdíaɨoɨ: —¿Nɨnómona bímɨe nana bie ráfuiaɨ onode? ¿Mɨnɨca bie onónafue íemo ite? ¿Nɨe izói afémɨe bie aillo uaido dáɨnamona comuítaga raa comuítarede?
24500	MRK 6:24	Afengo jaillano ie eina daɨde: —¿Mɨnɨca jɨ́caitɨcue? —daɨde. Afengo daɨde: —Mai, Juan Bautista ɨfocɨ jɨca, —daɨde.
24513	MRK 6:37	Jira Jesús uai ote: —Mai omoɨ íaɨoɨ eca, —daɨde. Afémɨena daɨdíaɨoɨ: —¿Caɨ meita jaillano ɨbáredɨcaɨ, doscientos dɨ́gabe fɨdɨ pan bimacɨ ecállena? —daɨdíaɨoɨ.
24514	MRK 6:38	Jira Jesús daɨde: —¿Nɨga pan ómoɨmo ite? Eroizai, —daɨde. Afe fɨdɨ́illano daɨdíaɨoɨ: —Jubécuiro dɨga panes ite, mena chamu dɨga, —daɨdíaɨoɨ.
24537	MRK 7:5	Iemona fariséuaɨ, ocuícafue llófueraɨnɨ dɨga Jesumo jɨcánotiaɨoɨ: —¿Nɨbái mei o llófuegamacɨ caɨ jaiáigɨma daɨnáfuiaɨ uícaiñediaɨoɨ? Daɨí onoɨ ɨáɨrededo güitíaɨoɨ, —daɨdíaɨoɨ.
24550	MRK 7:18	Iemo íaɨoɨna daɨde: —¿Daɨí jaca ónoñeitɨomoɨ? Nana jinona güiga raa comécɨmo jáiñede. Jébegɨmo jaide. Ie jira cómena ɨáɨruitañede. Jébegɨmo jailla mei, abɨ́mona oni dotácaza. ¿Aféfuena fɨdɨ́ñedɨomoɨ? Afedo Jesús daɨíacade nana güille ñuera.
24574	MRK 8:5	Jesús íaɨoɨmo jɨcánote: —¿Nɨga panes ómoɨmo ite? —daɨde. Jira afémacɨ daɨdíaɨoɨ: —Siete panes caɨmo ite, —daɨdíaɨoɨ.
24581	MRK 8:12	Iemo Jesús comecɨ zúurenamona izire zegóricaillano daɨde: —¿Nɨbái mei bie naɨraɨ uáimona comuide onótate raa jɨcádiaɨoɨ? Uáfuena ómoɨmo llotɨcue, jaca onótate raana bu ómoɨmo fɨ́noñeite, —daɨde.
24586	MRK 8:17	Jesús danɨ íaɨoɨ úrillana onóillano daɨde: —¿Nɨbái mei, “caɨmo pan iñede” danɨ jofo conímamo daɨífɨredɨomoɨ? ¿Naɨ fɨdɨ́ñedɨomoɨ? ¿Naɨ omoɨ comécɨmo déiñede? ¿Omoɨ comecɨ naɨ ɨere rɨírede?
24590	MRK 8:21	Iemo íaɨoɨna daɨde: —¿Naɨ omoɨ comécɨmo jaca déiñede? —daɨde.
24592	MRK 8:23	Uina cɨóñedɨmɨe ónoɨdo llɨ́ɨnota, jofue jinomo Jesús ie uite. Iemo fue fáicɨdo ie uimo bɨtade. Afe llezica afémɨemo onoɨ bɨtade. Afe mei íemo jɨcánote: —¿Ja baca o ui cɨoide? —daɨde.
24617	MRK 9:10	Ie jira aféfuemo danɨ comécɨidiaɨoɨ. Mei íadɨ afémɨe tɨ́illɨnomona abɨdo cáadɨmɨena illɨ́fuena jɨcánofɨrediaɨoɨ: —¿Mɨnɨ́cana íite? —conímana danɨ daɨdíaɨoɨ.
24618	MRK 9:11	Ie mei Jesumo jɨcánotiaɨoɨ: —¿Nɨbái mei ocuícafue llófueraɨnɨ daɨífɨrediaɨoɨ, caɨna illáɨmaite Mesías daɨnámɨe uícodo Elías raɨre biite? —jɨcánotiaɨoɨ.
24623	MRK 9:16	Ie jira Jesús ie llófuegamacɨmo jɨcánote: —¿Mɨnɨca afe ocuica uai llófueraɨnɨmo júfidotɨomoɨ? —daɨde.
24628	MRK 9:21	Jira Jesús ie moomo jɨcánote: —¿Ja nɨé dɨno daɨí ite? —daɨde. Jira moo daɨde: —Jaca ie dúenamona.
24630	MRK 9:23	Jesús íena daɨde: —¿Nɨbái mei “O fɨnóreniadɨ caɨ cano” cuena daɨdɨo? Daɨí daɨíñeno iri, mei Juzíñamuimo ɨ́ɨnotɨmɨemo naga raa fɨnóredeza, —daɨde.
24635	MRK 9:28	Ie mei Jesús daa jofomo jofo jaide. Afe mei ie llófuegamacɨ eneno íemo jɨcánotiaɨoɨ: —¿Nɨbái mei fɨénide jóriaɨna ónidɨcaɨ? —daɨdíaɨoɨ.
24640	MRK 9:33	Iemo afémacɨ Capernaumo dúcɨdiaɨoɨ. Jofomo íaɨoɨ illa llezica, Jesús íaɨoɨmo jɨcánote: —¿Mɨnɨ́cafue iomo júfidotɨomoɨ? —daɨde.
24659	MRK 10:2	Iemo fariséuaɨmona dáarie Jesuna fɨeni facátaɨbitiaɨoɨ. Jesumo jɨcánotiaɨoɨ: —¿Mei nɨbaɨ dáamɨe ie aɨna oni dótajana rairuírede, nɨbaɨ ráiruiñega? —daɨdíaɨoɨ.
24660	MRK 10:3	Iemona Jesús uai ote: —¿Nɨɨe izói Moisés ómoɨna ocuide? —daɨde.
24675	MRK 10:18	Jira Jesús daɨde: —¿Nɨbái mei cuena fɨ́gomɨe daɨdɨo? Ɨímamona buna fɨ́gomɨena iñede. Dama Juzíñamui fɨ́gomɨe.
24683	MRK 10:26	Afena cacáillano, jacɨ́naificaidiaɨoɨ. Danɨ conímamo jɨcánotiaɨoɨ: —¿Mei bu jílloille? —daɨdíaɨoɨ.
24693	MRK 10:36	Iemona Jesús íaillɨnoɨna daɨde: —¿Mɨnɨca mei ómɨcoɨmo cue fɨnóllena jitáidɨomɨcoɨ? —daɨde.
24708	MRK 10:51	Jira Jesús íemo jɨcánote: —¿Mɨnɨca omo cue fɨnóllena jitáidɨo? —daɨde. Jira uínidɨmɨe uai ote: —Llófueraɨma, cue uíreacadɨcue, cue eróillena, —daɨde.
24714	MRK 11:5	Dáamɨe dɨno itɨ́nomona íaillɨnoɨna daɨde: —¿Mɨnɨca ñetɨ́omɨcoɨ? ¿Nɨbái burro zuitádɨomɨcoɨ? —daɨde.
24737	MRK 11:28	Nana íemo jɨcánotiaɨoɨ: —¿Bífuiaɨ fɨ́nuana, bu o ocuilla? ¿Bu rɨ́inodo bie raa fɨnódɨo? —daɨí daɨdíaɨoɨ.
24751	MRK 12:9	Ie mei Jesús jɨcánote: —¿Nɨe izói bie énɨe naama afe fɨénidɨnona fɨ́noite? Billano afe táɨjɨtaganona tɨ́taite. Ie mei afe jɨ́rɨcore izóidɨno jɨáɨe úiñoraɨmacɨmo fécaite.
24757	MRK 12:15	Mei íadɨ Jesús íaɨoɨ uáfodo úriñenafuena onode. Ie jira íaɨoɨna daɨde: —¿Nɨbái mei cue jánari táɨnona úritɨomoɨ, cue llaɨtállena? Daa úcubetuni cuemo atɨ, cue eróillena, —daɨde.
24827	MRK 14:4	Afénomo itɨ́nomona dámɨerie áferi rɨ́icaidiaɨoɨ. Danɨ conímana rɨire daɨdíaɨoɨ: —¿Nɨbái mei bie zióredɨji táɨnomo dotade?
24835	MRK 14:12	Fáitañega pan rafue nanóidɨruimo oveja jiza fáfɨrediaɨoɨ, pascua ráfuemo rɨ́llena. Aféruimo jae dúcɨde. Aféruido Jesús llófuegamacɨ íemo jɨcánotiaɨoɨ: —¿Nɨnomo pascua rafue uícodo caɨ fɨ́nuaillena óiacadɨo, afénomo pascua ráfuemo mameide güille caɨ güíllena? —daɨdíaɨoɨ.
24842	MRK 14:19	Jira afémacɨ zúucaidiaɨoɨ. Afe llezica dáamɨerie Jesumo jɨcánotiaɨoɨ: —¿Nɨbaɨ cue? —daɨde. Jɨáɨmɨe daje izói daɨde: —¿Nɨbaɨ cue? —daɨde.
24864	MRK 14:41	Ja dacaiñoámani Juzíñamuimo úrillano bite. Billano íaɨoɨna daɨde: —¿Mei naɨ birui ɨnɨ́dɨomoɨ? ¿Naɨ ocózinaidɨomoɨ? Jae mai. Nanoide Ɨima Jitódɨcueza, mei íadɨ fɨénidɨmacɨmo cue itábicaillaruimo ja dúcɨde.
24871	MRK 14:48	Iemo Jesús comɨ́nɨna daɨde: —¿Meita merɨ́riraɨmadɨcue izói lloéfaillaɨri bɨgɨ́nɨaɨ dɨga cuena lláɨtaɨbitɨomoɨ maɨano cue uíllena?
24883	MRK 14:60	Iemo lletáriraɨnɨ illaɨma íaɨoɨ cɨ́gɨmona jino náidacaillano Jesumo jɨcánote: —¿O uai óñeitɨo? ¿Mɨnɨca bie omo nitádiaɨoɨ? —daɨde.
24884	MRK 14:61	Mei íadɨ daa uai oñede. Iemona lletáriraɨnɨ illaɨma nane dáanomo jɨcánote: —¿O Crístodɨo? ¿Afe caɨ ñúefuena nitaca Juzíñamui Jitódɨoza? —daɨde.
24886	MRK 14:63	Lletáriraɨnɨ illaɨma jamánomo rɨ́icaillano icɨ́rillamona ie ɨniroi cúatajano daɨde: —¿Nɨbái mei jɨáɨe uai nabáiraɨma jítaitɨcaɨ?