23216 | MAT 1:3 | Naj Judá, haꞌ naj ismam naj Fares yeb naj Zara, haꞌ xin ismiꞌ ebnaj cawan̈ tuꞌ haꞌ ton ix Tamar. Naj Fares haꞌ naj ismam naj Esrom, naj Esrom haꞌ naj ismam naj Aram. |
23230 | MAT 1:17 | Wal xin ay can̈lahon̈wan̈ mame yin̈ istxolal yichmam Comam Jesucristo chiichiti yin̈ icham Abraham masanta yin̈ naj rey David. Tzujanilo yinta naj rey David tuꞌ yichipaxti can̈lahon̈wan̈ mame istxolal yichmam Comam masanta yet yilaxto ebnaj Israel preso bey Babilonia. Tzujanxa yet yilaxto ebnaj Israel preso yul con̈ob Babilonia tuꞌ yichipaxti can̈lahon̈wan̈xa ebnaj mame yin̈ istxolal yichmam Comam Jesucristo masanto yin̈ istiempohal yet ispitzcꞌa Comam. |
23269 | MAT 3:8 | Tato caw yeli xaheyacano sunilal istxꞌojal, yilal heyenilo yu iscꞌulal chewatxꞌe. |
23270 | MAT 3:9 | Tajca chetxum hacaꞌ tiꞌ: “Han̈on̈tiꞌan̈ jichmaman̈ ye icham Abraham, yuxin xacon̈colchahan̈ yalan̈ isyaꞌtajil chatiꞌ Comam Dios, tajca quexchi. Wal xin chiwalan teyet, tato choche Comam Dios chu yanico Comam huntekꞌan chꞌen chꞌen tiꞌ yuninalo icham Abraham heseleloj. |
23281 | MAT 4:3 | Yapni naj matzwalil yilweno Comam, yalni naj tet Comam: —Ta yeli Iscꞌahol Dios hawehi, hal tet huntekꞌan chꞌen chꞌen tiꞌ meltzojabico chꞌen wahil, ẍi naj. |
23284 | MAT 4:6 | yalni naj tet Comam: —Tato caw yeli Iscꞌahol Dios hawehi kꞌojayto haba bey tiꞌ, yuto tzꞌibn̈ebilcano yul Yum Comam Dios hacaꞌ tiꞌ: Chakꞌati Comam Dios yángel chachistan̈eꞌ yun̈e mach chaẍischayo ebnaj sat txꞌotxꞌ, haxinwal mach chilahwi hawoj yin̈ chꞌen chꞌen, ẍiayoj, ẍi naj. |
23285 | MAT 4:7 | Istakꞌwi Comam Jesús tet naj: —Tzꞌibn̈ebilpaxcanayo yul Yum Comam Dios hacaꞌ tiꞌ: “Mach chinheyacojan yin̈ ilwebal yuto Heyahawil yeb heDiosal wehan,” ẍiayoj, ẍi Comam. |
23293 | MAT 4:15 | Txꞌotxꞌ Zabulón yeb txꞌotxꞌ Neftalí, txꞌotxꞌ ayicꞌto satacꞌto haꞌ Jordán, txꞌotxꞌ ayayo istiꞌ haꞌ mar, yul ismajul txꞌotxꞌ Galilea bay ay txꞌiꞌal anma mach Israeloj. |
23320 | MAT 5:17 | Yalnipaxo Comam Jesús hacaꞌ tiꞌ: —Tajca chetxumu ta yu intan̈tzenilojan isley naj Moisés yeb cuybanile aycano yu ebnaj ischejab Comam Dios yuxin quinhulan, machoj, walxinto yun̈e wakꞌnihan ohtan̈elaxilo yin̈ tzet chaliloj yuxin quinhulan. |
23328 | MAT 5:25 | Tato ay hunu mac chikꞌanni teyin̈ yu hunu istxꞌojal chewatxꞌe, watxꞌeweyo huneꞌ tuꞌ yin̈ akꞌancꞌulal yeb huneꞌ mac tuꞌ yet yalan̈to maẍto chexto sata naj alcal. Yuto ta chexapni sata naj, chexyaco naj yul iskꞌab ebnaj mayor, haxa ebnaj mayor tuꞌ xin chexanicto yul preso. |
23334 | MAT 5:31 | Yalnipaxo Comam: —Hallaxpaxo yet payat hacaꞌ tiꞌ: “Ta ay hunu naj chispoh isba yeb yixal, yilal iswatxꞌicano yumal cat yakꞌnicano naj huneꞌ hum tuꞌ tet ix,” ẍiayoj. |
23336 | MAT 5:33 | Yalnipaxo Comam Jesús: —Hex tiꞌ, heyohtapaxoj tato hallax tet ebnaj jichmam hacaꞌ tiꞌ: “Ta cheyawte isbi Comam Dios yin̈ hunu tzet chetakꞌwe teyin̈, yilal heyijen huneꞌ tuꞌ,” ẍiayoj. |
23341 | MAT 5:38 | Yalnipaxo Comam Jesús hacaꞌ tiꞌ: —Hex tiꞌ heyohtaj tato hallaxpaxo hacaꞌ tiꞌ: “Tato ay hunu mac chimakꞌni poho isbakꞌsat hunu maca, makꞌlaxojabpaxo poho isbakꞌsat huneꞌ mac tuꞌ. Tato ay hunu mac chimakꞌnilti yeh hunu maca, makꞌlaxojabpaxilti yeh huneꞌ mac tuꞌ,” ẍiayoj. |
23343 | MAT 5:40 | Ta ay hunu mac chikꞌanni teyin̈ tet naj alcal, cat yinito hecamiẍ yalni, matzet cheyala ta chipaxto hechumpa. |
23345 | MAT 5:42 | Ta ay mac chikꞌanni hunu tzet ye tuꞌ teyet, akꞌwe tet. Tato ay hunu mac chikꞌanni hunu tzet ye tuꞌ cꞌamil teyet, colwahan̈we yin̈ huneꞌ mac tuꞌ, ẍi Comam. |
23348 | MAT 5:45 | Ta cheyije hacaꞌ tuꞌ, hac tuꞌ chu heyeniloj tato quexyuninal Comam Dios ay yul satcan̈, yuto haꞌ Comam Dios chiakꞌni aholo tzꞌayic yiban̈ anma cꞌul yeb yiban̈ anma txꞌoj. Lahan chapaxayo Comam haꞌ n̈ab yiban̈ mac cꞌul yeb yiban̈ mac txꞌoj. |
23351 | MAT 5:48 | Tzꞌajanojab chu hebeybaln̈e sunil iscꞌulal, yuto Comam Dios ay yul satcan̈ tzꞌajan lahan yehi, ẍi Comam. |
23365 | MAT 6:14 | Yalnipaxo Comam: —Ta cheyakꞌ nimancꞌulal yin̈ anma chiwatxꞌen istxꞌojal teyin̈, haꞌ Comam Dios ay yul satcan̈ chꞌakꞌnipaxo nimancꞌulal teyin̈. |
23374 | MAT 6:23 | Yajaꞌ ta yin̈n̈e istxꞌojal ayco hemujlubal; sunil henimanil ayco yin̈ kꞌejholo. Ta huneꞌ issajilkꞌinal ayco teyin̈ tuꞌ chimeltzoco yin̈ kꞌejholohal, chexcancano xol kꞌejholo, ẍi Comam. |
23376 | MAT 6:25 | Yalnipaxo Comam Jesús: —Yuxin chiwalan teyet, mach cheyaco yin̈ hecꞌul yin̈ tzet chelo, yeb yin̈ tzet chu yoc xil hekꞌap yul sat yiban̈kꞌinal tiꞌ. Ta chakꞌ Comam Dios cocawil, ¿haꞌ tom xin tzet chicolo mach chakꞌ Comam, heyalni? Ta haꞌ Comam akꞌn̈e conimanil, ¿haꞌ tom xil cokꞌap mach chakꞌ Comam? |
23379 | MAT 6:28 | ¿Tzet yin̈ xin caw cheyaco yin̈ hecꞌul yin̈ tzet chu yoc xil hekꞌap? Ilwecꞌanab teꞌ caj chichꞌib xol kꞌebtaj, mach chimunla teꞌ, mach chichemlipaxo teꞌ, |
23381 | MAT 6:30 | Walca caw cꞌulchꞌan jilni isxumaquil teꞌ tinan̈, yajaꞌ yet hecal cabe chin̈uslaxto teꞌ yul horno. Ta chakꞌ Comam iscꞌulchꞌanil teꞌ caj tuꞌ, ¿haꞌ tom xin xil hekꞌap mach chakꞌ Comam? Hex tiꞌ caw mach cheyaco heyanma yin̈ Comam Dios. |
23388 | MAT 7:3 | Kꞌinalo tato ay hunu hawuẍtaj ayicto iskꞌal teꞌ chꞌim yul isbakꞌsat, wal hachpaxo xin patzab teꞌ aypaxicto yul isbakꞌ hasat. Ta mach chawilti teꞌ patzab ayicto yul isbakꞌ hasat tuꞌ, ¿hatocꞌanab nichꞌan iskꞌalemal teꞌ chꞌim ayicto yul isbakꞌsat hawuẍta tuꞌ chu hawiniltij? ¡Machoj! |
23390 | MAT 7:5 | Tato hac tuꞌ hawalni, ¡lekꞌtiꞌach! Wal xin icanilti teꞌ patzab ayicto yul isbakꞌ hasat babel, lahwi tuꞌ cat hawinilti iskꞌal teꞌ chꞌim ayicto yul isbakꞌsat hawuẍtaj. |
23397 | MAT 7:12 | Ta cheyoche cꞌul chute iscꞌul anma teyin̈, hex babel cꞌul cheyute hecꞌul yin̈ anma tuꞌ, yuto hac tuꞌ yalni yin̈ ley yeb yin̈ tzet tzꞌibn̈ebilcano yu ebnaj ischejab Comam Dios yet payat, ẍi Comam. |
23403 | MAT 7:18 | Teꞌ satnom teꞌ cꞌul, ¿tom machiswalil sat teꞌ chakꞌa? ¡Machoj! Yeb te teꞌ machiswalil, ¿tom cꞌul sat teꞌ chakꞌa? ¡Machoj! |
23423 | MAT 8:9 | Wohtajan huneꞌ tiꞌ, yuto hanintiꞌan ayinictojan yalan̈ ischejbanil ebnaj wahawan, aypaxo xin ebnaj soldado ayico yalan̈ wipan. Ta chiwalan tet hunu naj: “Asiꞌ bey tuꞌ,” ta quinchiyan, cat isto naj. Taca chiwalan tet hunuxa naj: “Cata,” ta quinchiyan, cat istit naj. Yebpaxo xin ta chiwalan tet hunuxa naj inchejaban: “Watxꞌe huneꞌ tilah,” ta quinchiyan, cat yoc naj iswatxꞌenoj, ẍi naj. |
23438 | MAT 8:24 | Hayet lan̈an yecꞌto Comam yeb ebnaj yiban̈ ha haꞌ tuꞌ xin, yichico yecꞌ huneꞌ niman jakꞌekꞌ caw how. Toxan̈e chitiẍla yah ha haꞌ tuꞌ yin̈ teꞌ barco, wal Comam Jesús xin wayo chu yul teꞌ. |
23440 | MAT 8:26 | Istakꞌwi Comam tet ebnaj: —¿Tzet yin̈ xin caw chexxiwi? ¡Caw mach cheyaco heyanma yin̈ Comam Dios! ẍi Comam tet ebnaj. Lahwi tuꞌ xin yahwano Comam, iscachni Comam jakꞌekꞌ yeb ha haꞌ. Hac tuꞌ yu islin̈ban isbili ha haꞌ tuꞌ yeb jakꞌekꞌ, ispaxtzꞌin̈nahi. |
23443 | MAT 8:29 | Yah yaw ebnaj tet Comam yin̈ caw ip: —¿Tzet hawoc jin̈an̈ hach Jesús Iscꞌahol Dios? ¿Tom chachhul hawakꞌaꞌ ecꞌoyaꞌ janmahan̈ yalan̈to maẍto chiapni istiempohal? ẍi ebnaj tet Comam. |
23445 | MAT 8:31 | yuxin iskꞌan ebnaj ischejab naj matzwalil tuꞌ tet Comam hacaꞌ tiꞌ: —Tato chon̈hawilojan̈ yin̈ ebnaj tiꞌ, chicokꞌanan̈ tawet, chejon̈tojan̈ yin̈ noꞌ txitam tuꞌ lah, ẍi ebnaj tet Comam. |
23452 | MAT 9:4 | Wal Comam xin, yohta tzet chiecꞌ yin̈ isnabal ebnaj, yuxin yal Comam: —¿Tzet yin̈ xin caw txꞌoj chiecꞌ yin̈ henabal? |
23454 | MAT 9:6 | Tinan̈ xin chinyehan heyilaꞌ tato Hanin Akꞌbilintijan texol yu Comam Dios, ay wipan wakꞌnihan nimancꞌulal yin̈ ismul anma yul sat yiban̈kꞌinal tiꞌ, ẍi Comam. Yalni Comam tet naj yaꞌay tuꞌ: —Ahan̈wanoj, ican̈ habatxteꞌ tiꞌ cat hapaxto hawatut, ẍi Comam tet naj. |
23457 | MAT 9:9 | Lahwi tuꞌ isto Comam Jesús. Hayet yecꞌto Comam xin, yilni Comam huneꞌ naj ikꞌomilo tohlabal, Mateo isbi. Tzꞌon̈anayo naj bay chiel chꞌen tohlabal chialaxto bey Roma. Yalni Comam Jesús tet naj: —Ocan̈ tzujno wintajan incuywomojan, ẍi Comam. Hayet yaben naj huneꞌ tuꞌ, yahwano naj, yoc tzujno naj yinta Comam. |
23459 | MAT 9:11 | Hayet yilni ebnaj fariseo huneꞌ tuꞌ, yalni ebnaj tet ebnaj iscuywom Comam: —¿Tzet yin̈ xin chiwaꞌ naj hecuywawom tiꞌ xol ebnaj ikꞌomilo tohlabal, yeb xol ebnaj txꞌoj isbeybal? ẍi ebnaj. |
23463 | MAT 9:15 | Yalni Comam tet ebnaj: —Kꞌinalo tato ay hunu mohyilal tinan̈, aypaxo xin anma awtebil yin̈ mohyilal tuꞌ. ¿Tom xin chioc anma tuꞌ yijle wahil yet aycꞌo naj mohyom tuꞌ? ¡Machoj! Wal xin hato yet chiapni istiempohal yilaxilo naj mohyom tuꞌ xol anma, catto yoc anma yin̈ yijlen wahil, ẍi Comam. |
23478 | MAT 9:30 | Hac tuꞌ xin yu ishajlo isbakꞌsat ebnaj, yalnicano Comam tet ebnaj: —Tinan̈ xin, machi mac tet cheyalicꞌo huneꞌ tiꞌ, ẍi Comam. |
23489 | MAT 10:3 | Naj Felipe, naj Bartolomé, naj Tomás, naj Mateo, naj chiticꞌa inilo chꞌen tohlabal chito bey Roma, naj Jacobo iscꞌahol icham Alfeo, naj Tadeo. |
23499 | MAT 10:13 | Ta choche mac ay yul huneꞌ n̈a tuꞌ akꞌancꞌulal, chiakꞌlax akꞌancꞌulal tuꞌ tet, taca mach choche xin, mach chiakꞌlax tet. |
23511 | MAT 10:25 | Yajaꞌ tato ay hunu naj chicuywi tuꞌ chiapni yitzꞌatil iswiꞌ hacaꞌ naj cuywawom tuꞌ, caw cꞌul huneꞌ tuꞌ, yeb xin tato ay hunu naj chejab chiapni islahann̈e isba yeb ispatrón, cꞌulpaxo huneꞌ tuꞌ. Ta chinhallaxan Beelzebú, naj yahawil yin̈ ebnaj ischejab naj matzwalil, hajexxampaxoj, ¿tzet mach hallaxo teyin̈? ẍi Comam Jesús. |
23520 | MAT 10:34 | Yalnipaxo Comam Jesús: —Tajca chetxumu tato hulnajinan yu wanicojan akꞌancꞌulal xol anma yul sat yiban̈kꞌinal tiꞌ, machoj, walxinto yu yakꞌlencan̈ howal win̈an. |
23533 | MAT 11:5 | Halwe tet naj tato haꞌ mac maẍticꞌa chu yilni hajlocanocan̈ sat, haxa mac maẍticꞌa chu yeqꞌui, belwican̈. Haꞌ mac ayco lepra yin̈ xin an̈chacanoj, haꞌ mac maẍticꞌa chabe, hajlo istxiquin. Aypaxo camom hulcan̈ iscꞌul, cat xin yallaxpaxo Tzotiꞌ yet colbanile tet anma machi bay chicawxi iscꞌul. |
23542 | MAT 11:14 | Ta cheyoche cheyayto yul heyanma yin̈ tzet chiwaltiꞌan, txumchaojabilo heyu tato haꞌ naj Juan tuꞌ, haꞌ naj hacaꞌ naj Elías echmabil yul heyu. |
23549 | MAT 11:21 | —Hex ay yul con̈ob Corazín cꞌanchꞌanex, yeb hex ay yul con̈ob Betsaida, cꞌanchꞌanexpaxoj, yuto ta yul con̈ob Tiro yeb con̈ob Sidón yelax huntekꞌan cꞌaybalcꞌule chiyelax texol tiꞌ, payxam isbejcano anma iswatxꞌen istxꞌojal, yamahto anma tan̈ yin̈ iswiꞌ, yeb yamico anma xil iskꞌap chiyenilo biscꞌulal. |
23550 | MAT 11:22 | Yajaꞌ chiwalan teyet, yet chiapni istzꞌayical bay chil Comam Dios yin̈ tzet chielico anma, caw ecꞌbalto isyaꞌtajil chischah huntekꞌan anma tiꞌ sata anma ay yul con̈ob Tiro yeb anma ay yul con̈ob Sidón. |
23561 | MAT 12:3 | Istakꞌwi Comam tet ebnaj: —¿Tom maẍto cheyil yul Yum Comam Dios yin̈ tzet yakꞌle naj rey David yet caw chin̈ohcha naj yeb ebnaj tzujan yintaj? |
23563 | MAT 12:5 | ¿Tom maẍto cheyilpaxo yin̈ isley naj Moisés yin̈ tzet yu ebnaj sacerdote ay yul yatut Comam Dios? Ebnaj sacerdote tuꞌ mach chixew ebnaj yin̈ tzꞌayic xewilal, yajaꞌ mach chaco ebnaj ismul yul sat Comam Dios yin̈ huneꞌ tuꞌ. |
23565 | MAT 12:7 | Tzettam sakꞌal tato chitxumchalo heyu bay chal yul Yum Comam Dios hacaꞌ tiꞌ: “Haꞌ huneꞌ chiwochehan tato chitzꞌay hecꞌul yin̈ heyet anmahil, maẍn̈etaj hen̈usni no nokꞌ yin̈ xahanbalil wetan,” ẍiayoj. Ta chetxum huneꞌ tiꞌ mach chimcheyala tato ay ismul ebnaj, wal xin mach ismul ebnaj yin̈ huneꞌ tiꞌ. |
23571 | MAT 12:13 | Lahwi tuꞌ yalni Comam tet naj camnajilo huneꞌ iskꞌab tuꞌ: —Toholban̈elto hakꞌab, ẍi Comam. Hayet istoholban̈enilto naj iskꞌab tuꞌ, iswatxꞌicanilo. |
23584 | MAT 12:26 | Hac tuꞌ ye naj matzwalil, ta chaco naj howal yin̈ yet matzwalilal, yin̈ticꞌa naj chaco howal. ¿Tzet xin chu yikꞌni yip naj yin̈ hacaꞌ tuꞌ? |
23585 | MAT 12:27 | Hex tiꞌ cheyala tato yu naj yahawil ebnaj matzwalil yuxin chiwilojan ischejab naj matzwalil yin̈ anma. Ta hac tuꞌ, ¿mac xin chiakꞌni yip ebnaj tzujan yin̈ hecuybanil yet chinilo ebnaj ischejab naj matzwalil yin̈ anma? Yuxin haꞌ ebnaj tuꞌ chiyenilo teyet tato mach cꞌulo tzet cheyal win̈an. |
23590 | MAT 12:32 | Tato ay hunu mac txꞌoj istzotel win̈an, Hanin Akꞌbilintijan texol yu Comam Dios, ayto nimancꞌulal yin̈. Wal mac txꞌoj istzotel yin̈ Comam Espíritu Santo matxa nimancꞌulal yin̈, yin̈ huneꞌ cotiempohal tiꞌ yeb yin̈ huneꞌ chihul cosataj, ẍi Comam. |
23592 | MAT 12:34 | Hex tiꞌ lahanex yeb noꞌ laba, caw txꞌojex. ¿Tzet chu heyalni tzotiꞌ cꞌul tato txꞌoj ayayto yul heyanma? Wal xin haꞌ tzet ayayto yul heyanma haꞌ chal hetiꞌ. |
23619 | MAT 13:11 | Istakꞌwi Comam: —Teyetn̈e chakꞌ Comam Dios heyohtan̈elo huntekꞌan tzet ye tuꞌ ewan yehi, yun̈e hetxumni yin̈ tzet chu heyoc yul iskꞌab Comam Dios. Walpaxo tet huntekꞌanxa anma xin mach chꞌakꞌlax yohtan̈eloj. |
23626 | MAT 13:18 | Yalni Comam Jesús: —Tinan̈ xin chiwalan teyet yin̈ tzet chal yelapno naj txihom trigo. |
23636 | MAT 13:28 | Istakꞌwi naj: “Ham hunu mac ayco ishowal win̈an txihnayo yin̈atil teꞌ chꞌim xol ixim,” ẍi naj. Iskꞌambenpaxo ebnaj ismunlawom naj tuꞌ: “Ta chisje hacꞌul chon̈tohan̈ cohocꞌocan̈an̈ teꞌ chꞌim tuꞌ xol ixim,” ẍi ebnaj. |
23640 | MAT 13:32 | Yin̈ caw yeli, teꞌ hin̈at mostaza tuꞌ, haꞌ teꞌ caw niẍchꞌan xol teꞌ hin̈at, yaj haxa yet chiahilo teꞌ cat ischꞌibcan̈ teꞌ, haꞌ teꞌ caw nimej chielico xol sunilej teꞌ itah chitzꞌunlaxi. Teꞌ mostaza tuꞌ nimej chu teꞌ yuxin chiapni noꞌ chꞌic iswatxꞌe yatut xol iskꞌab teꞌ, ẍi Comam. |
23678 | MAT 14:12 | Lahwi tuꞌ xin, yapni ebnaj iscuywom naj Juan tuꞌ, yinito ebnaj isnimanil naj mujlaxoj. Tzujan tuꞌ isbey ebnaj yalno tet Comam Jesús. |
23697 | MAT 14:31 | Yin̈ an̈e xin oc tzabno Comam yin̈ iskꞌab naj, yalni Comam tet naj: —Hach tiꞌ caw mach ayoco hawanma win̈an. ¿Tzet yin̈ xin macabconcan̈ hacꞌul? ẍi Comam. |
23704 | MAT 15:2 | —¿Tzet yin̈ xin mach chisyije hacuywom tiꞌ huntekꞌan chejbanile yet ebnaj jichmam? Yuto ebnaj hacuywom tiꞌ mach chistxꞌah ebnaj iskꞌab yet chiwaꞌ ebnaj, ẍi ebnaj tet Comam. |
23709 | MAT 15:7 | Wal xin nabn̈e cheyal heba cꞌulal. Teyin̈ bay yalcano naj Isaías, ischejab Comam Dios yet payat yet yalnicano hacaꞌ tiꞌ: |
23718 | MAT 15:16 | Istakꞌwi Comam: —¿Tom haꞌ hunex machi maxetxumpaxo yin̈ tzet mawaltuꞌan? |
23719 | MAT 15:17 | ¿Tom mach heyohtajoj ta sunil tzet chiocto yul istiꞌ anma yul iscꞌul chiapni, chilahwi tuꞌ xin cat yel yin̈? |
23723 | MAT 15:21 | Lahwi tuꞌ xin isto Comam Jesús yul ismajul txꞌotxꞌ Tiro yeb txꞌotxꞌ Sidón. |
23726 | MAT 15:24 | Istakꞌwi Comam: —Tetn̈e anma Israel chejbilintijan yu Comam Dios, yuto lahan anma tuꞌ hacaꞌ noꞌ meꞌ cꞌaynatoj, ẍi Comam tet ebnaj. |
23744 | MAT 16:3 | Taca yet sacꞌayal xin cheyal hacaꞌ tiꞌ: “Wal tinan̈ yocxa haꞌ n̈ab yuto caw kꞌej moyan,” quexchi. Hex tiꞌ caw helanex hetxumni yin̈ tzet chute isba tiempo, ta chakꞌ haꞌ n̈ab maca machoj. Yajaꞌ wal yin̈ huneꞌ tiempohal bay ayex tiꞌ, mach chitxumchalo heyu. |
23749 | MAT 16:8 | Yet yabenilo Comam huneꞌ tuꞌ, yalni Comam tet ebnaj: —¿Tzet yin̈ xin cheyala ta machi hepan ikꞌbil heyu? Caw mach chicawxi hecꞌul yin̈ Comam Dios. |
23750 | MAT 16:9 | ¿Tom mach chinachalo heyu? yeb ¿tom matxa chitit yul hecꞌul yin̈ ixim howeb pan yabe yin̈ howeb mil ebnaj winaj? Tijab yin̈ henabal hayeb motx ixim matxa lahwi yu anma. |
23752 | MAT 16:11 | ¿Tzet yin̈ xin machi matxumchalo heyu tato maẍtaj yin̈ ixim pan mantzotelan yet mawalnihan teyet ta cheyil heba tet yan̈al ispan ebnaj fariseo yeb ebnaj saduceo? ẍi Comam. |
23765 | MAT 16:24 | Lahwi tuꞌ yalni Comam tet ebnaj iscuywom: —Tato ay hunu mac choche chioc incuywomojan, caw matxahojab yeto isba ischuquil, yeb xin caw hinanojab yaben isyaꞌtajil win̈an. Ta hinan yetan yanma hacaꞌ tuꞌ ecꞌojab tzujtzun wintajan. |
23779 | MAT 17:10 | Lahwi tuꞌ iskꞌamben ebnaj tet Comam: —¿Tzet yin̈ xin chal ebnaj cuywawom yin̈ isley naj Moisés tato yilal babel chul naj Elías sata naj Cristo? ẍi ebnaj tet Comam. |
23784 | MAT 17:15 | —Mamin, caw tzꞌayojab hacꞌul yin̈ incꞌaholtiꞌan yuto caw chilow huneꞌ yaxcamic yin̈ naj, caw chiecꞌyaꞌ yanma naj yu. Txꞌiꞌalxa el chito naj yul kꞌaꞌ yeb xol ha haꞌ. |
23795 | MAT 17:26 | Istakꞌwi naj Pedro: —Haꞌ anma nan con̈obal, haꞌ chꞌakꞌni chꞌen, ẍi naj. Yalni Comam: —Ta hac tuꞌ, haꞌ mac yuninalticꞌa con̈ob yehi mach yilalo chakꞌ chꞌen. |
23805 | MAT 18:9 | Ta isbakꞌ hesat chexakꞌni aycꞌayo xin, cꞌulmi heyiniltij cat hekꞌojnito nahat, wal xin waxan̈ca hunxan̈e isbakꞌ hesat ayicto yet chechahni hekꞌinal mach istan̈bal sakꞌalmi heyet sata ta chexalaxto xol kꞌa kꞌaꞌ yeb iscabil isbakꞌ hesat, ẍi Comam. |
23811 | MAT 18:15 | —Ta ay hunu hawuẍta chiwatxꞌen hunu istxꞌojal tawin̈, as tzotelan̈ tet naj hachuquil, cat xin hacachni naj. Ta chabeto naj tzet chawala, yocxa akꞌancꞌulal texol chal tuꞌ. |
23813 | MAT 18:17 | Yajaꞌ ta mach chabeto naj yin̈ hacaꞌ tuꞌ, hal tet ebnaj juẍtaj. Taca mach chabeto naj tzet chal ebnaj juẍta tuꞌ xin, hacaꞌ hunu mac mach ohtan̈eho Comam Dios, hac tuꞌ chucano naj yul hesat, maca hacaꞌ hunu ebnaj chiinilo chꞌen tohlabal. |
23815 | MAT 18:19 | Chiwalpaxojan teyet: Tato ay cawan̈ojex hun chu hekꞌanni hunu tzet ye tuꞌ yin̈ hetxah tet Comam Dios yul sat yiban̈kꞌinal tiꞌ chiakꞌlax teyet yu Inmaman ay yul satcan̈. |
23824 | MAT 18:28 | Haxa yet yelti naj sata naj rey tuꞌ, yilnayo naj huneꞌ naj yet munlawomal, ay xin hanicꞌ iscꞌas naj tet naj. Yoc yachno naj yin̈ isnukꞌ naj, etzaxan̈e xin majayto ishakꞌo naj yu naj, yalni naj tet naj: “Tinan̈ xin chawacanayo hacꞌas wetan,” ẍi naj. |
23835 | MAT 19:4 | Istakꞌwi Comam tet ebnaj: —¿Tom maẍto cheyil yul Yum Comam Dios bay chala tato hayet iswatxꞌencano Comam Dios anma, iswatxꞌe Comam Dios naj winaj, iswatxꞌenpaxo Comam ix ix? |
23838 | MAT 19:7 | Iskꞌambenpaxo ebnaj fariseo tuꞌ tet Comam: —¿Tzet yin̈ xin yalcano naj Moisés tato chu yakꞌlax teꞌ hum yet pohlebahil tet ix ixale cat yalaxcano ix yu yichamil? ẍi ebnaj. |
23841 | MAT 19:10 | Yalni ebnaj iscuywom Comam hacaꞌ tiꞌ: —Tato matxa chu copohni coba yeb jixal, cꞌulmi mach chijikꞌ jixal chal tuꞌ, ẍi ebnaj. |
23848 | MAT 19:17 | Yalni Comam Jesús tet naj: —¿Tzet yin̈ xin chakꞌambe wetan yin̈ tzet ye tuꞌ cꞌul? Wal xin huneꞌn̈e mac cꞌul. Yaj ta chawoche hachab hakꞌinal mach istan̈bal, yije chejbanile akꞌbilcano yu naj Moisés, ẍi Comam. |
23851 | MAT 19:20 | Istakꞌwi naj tet Comam: —Sunil huntekꞌan chawal tiꞌ yijebilticꞌa wuhan yichitaxticꞌa inchꞌibcan̈an. ¿Tzet hunuxa wal inyijenan? ẍi naj. |
23856 | MAT 19:25 | Hayet yaben ebnaj iscuywom Comam huneꞌ tuꞌ caw cꞌayilo iscꞌul ebnaj, yalni ebnaj tet hunun: “Ta hac tuꞌ, ¿mactaxca chicolchahi?” ẍi ebnaj. |
23867 | MAT 20:6 | Yin̈xa chꞌen howeb xin, istopaxo naj txon̈bal hunelxa, yilni naj huntekꞌan ebnaj chiecꞌ bey tuꞌ mach ismunil. Iskꞌamben naj tet ebnaj: “¿Tzet yin̈ xin ton̈e chiecꞌ tzꞌayic teyiban̈ bey tiꞌ?” ẍi naj. |
23868 | MAT 20:7 | Istakꞌwi ebnaj: “Mamin, to machi mac chiakꞌni yet comunilan̈,” ẍi ebnaj. Yalni naj tet ebnaj: “Ta chisje hecꞌul asiꞌwe munil wintajan, chexintohlahan hacaꞌ caw yehi,” ẍi naj. Isto ebnaj munil yinta naj. |
23875 | MAT 20:14 | Wal xin mawakꞌan hatohol, paxan̈toj. Ta chiwochehan ta lahan chikꞌ ebnaj lan̈oxa maoc munil yebex, mach hawoc yin̈ huneꞌ tuꞌ. |
23879 | MAT 20:18 | —Tinan̈ xin lan̈an coto bey Jerusalén, yajaꞌ Hanin Akꞌbilintijan texol yu Comam Dios, chinálaxicojan yul iskꞌab ebnaj yahawil yin̈ ebnaj sacerdote yeb ebnaj cuywawom yin̈ isley naj Moisés cat iskꞌanni ebnaj camical wiban̈an. |
23881 | MAT 20:20 | Yet huneꞌ tiempohal tuꞌ apni ismiꞌ ebnaj iscꞌahol icham Zebedeo ilwal yin̈ Comam Jesús. Tzujan xin ebnaj cawan̈ tuꞌ yinta ismiꞌ, yay jahno ixnam sata Comam yuto ay huneꞌ tzet choche ixnam iskꞌanaꞌ. |
23893 | MAT 20:32 | Yet yaben Comam Jesús huneꞌ tuꞌ yoc lin̈noj, yawtenti Comam ebnaj iscꞌatan̈, iskꞌamben Comam tet ebnaj: —¿Tzet cheyoche chinwatxꞌehan? ẍi Comam. |
23908 | MAT 21:13 | Yalni Comam tet ebnaj: —Tzꞌibn̈ebilcano yul Yum Comam Dios hacaꞌ tiꞌ: “Haꞌ watutan yet txah yehi,” ẍiayoj. Yajaꞌ hex tiꞌ hacaꞌ hunu isn̈achꞌen elkꞌom, hac tuꞌ ye heyu, ẍi Comam. |
23915 | MAT 21:20 | Hayet yilni ebnaj iscuywom Comam huneꞌ tuꞌ, caw cꞌaycan̈ iscꞌul ebnaj, iskꞌamben ebnaj tet Comam: —¿Tzet mayu istajnalo teꞌ yin̈ an̈e? ẍi ebnaj. |