23233	MAT 1:20	Hayet lan̈an yecꞌ huneꞌ tuꞌ yin̈ isnabal naj, isyeni isba huneꞌ yángel Comam Dios tet naj yul iswayic; yalni naj ángel tuꞌ hacaꞌ tiꞌ: —José, hach titnajach yin̈ yuninal naj rey David, mach chinanon hacꞌul hamohyi yeb ix María, yuto haꞌ nichꞌan unin ijbilico yu ix yet Comam Espíritu Santo.
23275	MAT 3:14	Wal naj Juan tuꞌ mach chisje naj yakꞌaꞌcan̈ haꞌ iswiꞌ Comam. Yalni naj tet Comam: —Machoj, wal xin haꞌ hawet hach yilal hawanican̈ haꞌ inwiꞌan, maẍtajach chachhul incꞌatan̈an yu wanican̈an haꞌ hawiꞌ, ẍi naj.
23416	MAT 8:2	Yelilo huneꞌ naj yul beh, ayco huneꞌ yabil chiyij lepra yin̈. Ishitzico naj iscꞌatan̈ Comam, yay jahno naj sata Comam, yalni naj: —Mamin, ta chawoche chu hawinilo huneꞌ yabil tiꞌ win̈an, ẍi naj tet Comam.
23417	MAT 8:3	Yanayo Comam iskꞌab yiban̈ naj, yalni Comam: —Hoꞌ, chiwochehan ta chiel huneꞌ yabil tiꞌ tawin̈, ẍi Comam. Yin̈n̈ena xin yel huneꞌ yabil tuꞌ yin̈ naj.
23420	MAT 8:6	Yalni naj tet Comam: —Mamin, ay huneꞌ inchejaban caw yaꞌay, mach chibili isnimanil, caw xin chꞌecꞌyaꞌ yanma naj yu huneꞌ yabil tuꞌ, ẍi naj tet Comam.
23421	MAT 8:7	Yalni Comam tet naj: —Cꞌulticꞌa, chintohan wakꞌaꞌ cawxojan naj, ẍi Comam.
23422	MAT 8:8	Istakꞌwi naj capitán tuꞌ tet Comam: —Mamin, caw mach chu hawapni yul watutan chiwabehan yuto caw matzet welapnojan. Wal xin ton̈e chachtzotelnato yin̈ hacn̈e tiꞌ cat iscawxican̈ inchejabtuꞌan.
23435	MAT 8:21	Yalnipaxo huneꞌxa naj iscuywom Comam: —Mamin, chinoc tzujnojan tawintaj, yaj estam chawakꞌ inhamanilan chito inmujcano inmaman babel, ẍi naj.
23446	MAT 8:32	Istakꞌwi Comam: —Cꞌulticꞌa, asiꞌwej, ẍi Comam. Hac tuꞌ xin yu yel ebnaj ischejab naj matzwalil yin̈ ebnaj cawan̈ tuꞌ, istocano ebnaj yin̈ noꞌ txitam. Lahwi tuꞌ xin yelcan̈ noꞌ txitam tuꞌ, iskꞌojnito isba noꞌ sat pahaw, yay apno noꞌ xol ha haꞌ, ishikꞌnito noꞌ haꞌ.
23454	MAT 9:6	Tinan̈ xin chinyehan heyilaꞌ tato Hanin Akꞌbilintijan texol yu Comam Dios, ay wipan wakꞌnihan nimancꞌulal yin̈ ismul anma yul sat yiban̈kꞌinal tiꞌ, ẍi Comam. Yalni Comam tet naj yaꞌay tuꞌ: —Ahan̈wanoj, ican̈ habatxteꞌ tiꞌ cat hapaxto hawatut, ẍi Comam tet naj.
23466	MAT 9:18	Hayet lan̈an yalni Comam Jesús huntekꞌan cuybanile tuꞌ, yapni huneꞌ naj yahawil yin̈ ebnaj Israel iscꞌatan̈ Comam, yalni naj tet Comam: —Mamin, ay huneꞌ nichꞌan incutzꞌinan lan̈anto iscamayoj, yaj ta chachto wintajan cat hawanayo hakꞌab yiban̈ ix, chihulcan̈ iscꞌul ix, ẍi naj tet Comam.
23472	MAT 9:24	Hayet yilni Comam huneꞌ tuꞌ, yalni Comam tet anma: —Elan̈wetoj, ix nichꞌan tiꞌ mach camnajo ix, ton̈e chiway ix, ẍi Comam. Wal anma tuꞌ xin oc tzebo yin̈ tzet yal Comam.
23475	MAT 9:27	Yet yel Comam bey tuꞌ, ay cawan̈ ebnaj mach chu yilni oc tzujno yinta Comam. Chi-xin-awito ebnaj tet Comam hacaꞌ tiꞌ: —Mamin, iscꞌahol jichmam David, tzꞌayojab hacꞌul jin̈an̈, ẍi ebnaj.
23553	MAT 11:25	Hayet huneꞌ tiempohal tuꞌ txahli Comam Jesús, yalni Comam: —Mamin, yahawil satcan̈ yeb txꞌo txꞌotxꞌ, chiwakꞌan yuchꞌandios tawet yuto haweba huntekꞌan tiꞌ tet ebnaj ay ishelanil yeb tet ebnaj ay iscuyu yul sat anma, hawakꞌni yohtan̈elo anma matzet yohtaj.
23605	MAT 12:47	Yuxin yal huneꞌ naj tet Comam: —Mamin, aycꞌo hamiꞌ yeb ebnaj hawuẍta istin̈a, choche ebnaj tzotelo tawet yalni, ẍi naj.
23618	MAT 13:10	Lahwi tuꞌ ishitzico ebnaj iscuywom Comam Jesús iscꞌatan̈, iskꞌamben ebnaj: —Mamin, ¿tzet yin̈ yuxin yet chacuyni anma yecheln̈e chawakꞌbaln̈e tet? ẍi ebnaj.
23681	MAT 14:15	Haxa yet lan̈anxa iskꞌejbayo xin, ishitzico ebnaj iscuywom Comam iscꞌatan̈, yalni ebnaj tet Comam: —Mamin, makꞌejbi lah yebpaxo xin machi teꞌ n̈a bey tiꞌ, yuxin cꞌulmi hachejnito anma tiꞌ yulaj wayan̈bal cocawilal tiꞌ islokꞌo tzet chislo, ẍi ebnaj.
23683	MAT 14:17	Istakꞌwi ebnaj tet Comam: —Mamin, caw han̈cꞌan̈e howeb ixim pan yeb cacꞌon̈ cay coxol tiꞌ, ẍi ebnaj tet Comam.
23694	MAT 14:28	Yalni naj Pedro tet Comam: —Mamin, ta hach huneꞌ tuꞌ, hala ta chinbelwihan yiban̈ ha haꞌ tiꞌ cat wapnihan bay ayach tuꞌ, ẍi naj.
23695	MAT 14:29	Yalni Comam tet naj xin: —Cꞌulticꞌa, titan̈, ẍi Comam. Hayet yaben naj Pedro huneꞌ tuꞌ, yel naj yul teꞌ barco, isto naj iscꞌatan̈ Comam, yichico naj isbel yiban̈ haꞌ.
23696	MAT 14:30	Yajaꞌ yet yilni naj isbili haꞌ tuꞌ yu jakꞌekꞌ isxiwcan̈ naj, yichico naj isto xol haꞌ, yah yaw naj tet Comam yin̈ caw ip: —Mamin, colinan, ẍi naj.
23714	MAT 15:12	Ishitzico ebnaj iscuywom Comam iscꞌatan̈, yalni ebnaj: —Mamin, ¿mamxatxumu tato yet maxawalni huneꞌ tiꞌ machíwacan̈ iscꞌul ebnaj fariseo? ẍi ebnaj.
23717	MAT 15:15	Yalni naj Pedro tet Comam hacaꞌ tiꞌ: —Mamin, hal jetan̈ tzet chalilo huneꞌ maxawal tet ebnaj fariseo tuꞌ, ẍi naj.
23724	MAT 15:22	Bey tuꞌ ay huneꞌ ix ix ah Cananea, mach Israeloj. Apni ix yilaꞌ Comam Jesús, yalni ix yin̈ caw ip: —Mamin, hach yuninal iscꞌahol naj David, tzꞌayojab hacꞌul win̈an. Ay huneꞌ nichꞌan wuninan caw chietalax yu ischejab naj matzwalil, caw xin chiecꞌyaꞌ yanma ix yu naj, ẍi ix tet Comam.
23725	MAT 15:23	Yajaꞌ xin machi takꞌwi Comam tet ix, yuxin hitzico ebnaj iscuywom Comam tuꞌ iscꞌatan̈, yalni ebnaj: —Mamin, hal tet ix paxojabto ix haxinwal chisbej ix yel yaw jin̈, ẍi ebnaj tet Comam.
23727	MAT 15:25	Yajaꞌ hitzico ix, yay jahno ix sata Comam, yalni ix: —Mamin, colwahan̈ nino win̈an, ẍi ix.
23730	MAT 15:28	Lahwi tuꞌ xin, yalni Comam tet ix: —Miyay, caw ayco hawanma yin̈ Comam Dios, yuxin yubojab hacaꞌ choche hacꞌul, ẍi Comam. Yin̈n̈ena tuꞌ xin iscawxican̈ nichꞌan yunin ix tuꞌ.
23735	MAT 15:33	Yalni ebnaj iscuywom Comam tet: —Mamin, caw txꞌiꞌal anma lah, ¿baytuꞌwal xin chon̈tohan̈ jikꞌatijan̈ tzet chislo anma tiꞌ? Yuto bay ayon̈ tiꞌ machi teꞌ n̈a, ẍi ebnaj.
23758	MAT 16:17	Yalni Comam tet naj: —Simón, iscꞌahol naj Jonás, caw sakꞌal hawet yuto huneꞌ maxawal tiꞌ mach anmaho chiyenilo tawet. Walxinto haꞌ Inmaman ay yul satcan̈, haꞌ chiakꞌni hatxumuꞌ.
23763	MAT 16:22	Hayet yaben naj Pedro huneꞌ tuꞌ, yawtenilo naj Comam Jesús, iscachwa naj yin̈ Comam hacaꞌ tiꞌ: —Mamin, ¡haꞌojab Comam Dios chachcolni yin̈ huneꞌ isyaꞌtajil tuꞌ! Machojab chachyaco yul iskꞌab, ẍi naj.
23773	MAT 17:4	Yalnican̈ naj Pedro tet Comam Jesús: —Mamin, caw cꞌul ta wal je bey tiꞌ, ta chisje hacꞌul chu cowatxꞌenan̈ oxebo niẍte pat; hunu hawet, hunu yet naj Moisés, yeb hunu yet naj Elías tiꞌ, ẍi naj Pedro.
23776	MAT 17:7	Lahwi tuꞌ, ishitzico Comam iscꞌatan̈ ebnaj, yanayo Comam iskꞌab yiban̈ ebnaj, yalni Comam: —Ahan̈wewanoj, mach chexxiwi, ẍi Comam.
23784	MAT 17:15	—Mamin, caw tzꞌayojab hacꞌul yin̈ incꞌaholtiꞌan yuto caw chilow huneꞌ yaxcamic yin̈ naj, caw chiecꞌyaꞌ yanma naj yu. Txꞌiꞌalxa el chito naj yul kꞌaꞌ yeb xol ha haꞌ.
23788	MAT 17:19	Haxa yet ischuquilxan̈e Comam Jesús yeb ebnaj iscuywom tuꞌ, iskꞌamben ebnaj tet Comam: —Mamin, ¿tzet yin̈ xin machi mayu jinilojan̈ ischejab naj matzwalil yin̈ naj tzeh tiꞌ? ẍi ebnaj.
23794	MAT 17:25	Istakꞌwi naj Pedro: —Hoꞌ chitohlawi yaꞌ, ẍi naj. Hayet yocto naj Pedro tuꞌ yul n̈a haꞌ Comam babel kꞌamben tet naj: —Simón, ¿tzet chu hatxumni yin̈ huneꞌ tiꞌ? Mac tet chiskꞌan ebnaj yahaw con̈ob chꞌen tohlabal, ¿ham tet yet con̈ob ebnaj, mato tet anma nan con̈obal? ẍi Comam.
23817	MAT 18:21	Lahwi tuꞌ, ishitzico naj Pedro iscꞌatan̈ Comam, iskꞌamben naj: —Mamin, ta ay hunu wuẍtajan chiyaco ismul wetan, ¿hayelmi chiwakꞌ nimancꞌulalan yin̈, tom hujel mato hantaj? ẍi naj.
23834	MAT 19:3	Ay xin huntekꞌan ebnaj fariseo apni iscꞌatan̈ Comam, yoc ebnaj yilweno Comam yun̈e yaycꞌay yin̈ hunu ismul, iskꞌamben ebnaj tet Comam: —Mamin, ¿chimyu ispohni isba hunu naj yeb yixal waxan̈ca yu hunu comon tzet ye tuꞌ? ẍi ebnaj.
23858	MAT 19:27	Yalni naj Pedro tet Comam: —Mamin, han̈on̈tiꞌan̈ bejbilcano sunil tzet ayon̈an̈ yu joc tzujnojan̈ tawintaj, ¿yuxin tzet chicochahan̈ ispajoj? ẍi naj.
23882	MAT 20:21	Iskꞌamben Comam tet ixnam: —Miyay, ¿tzet chawoche hakꞌanaꞌ wetan? ẍi Comam. Istakꞌwi ixnam: —Mamin, yet chachoc Yahawoj chinkꞌanan tawet tato cawan̈ wunintiꞌan chioc tacꞌatan̈. Hunu naj chioc tzꞌon̈no yin̈ hawatxꞌkꞌab, hunuxa naj chioc tzꞌon̈no yin̈ hameckꞌab, ẍi ixnam.
23883	MAT 20:22	Istakꞌwi Comam: —Hex tiꞌ mach heyohtajo tzet chekꞌana. ¿Chimyu heyucꞌni huneꞌ vaso ha haꞌ caw cꞌah hacaꞌ huneꞌ chiwucꞌan? ẍi Comam. Istakꞌwi ebnaj: —Hoꞌ, chu jucꞌnihan̈, ẍi ebnaj.
23891	MAT 20:30	Ay xin cawan̈ ebnaj mach chu yilni, tzꞌon̈anayo istiꞌ beh. Hayet yaben ebnaj tato haꞌ Comam Jesús lan̈an yecꞌtoj, yahwi ebnaj tet Comam yin̈ caw ip hacaꞌ tiꞌ: —Mamin, yuninal iscꞌahol naj rey David, caw tzꞌayojab hacꞌul jin̈an̈, ẍi ebnaj.
23892	MAT 20:31	Yajaꞌ xin oc anma iscachaꞌ ebnaj yun̈e isbejni ebnaj yel yaw, yaj caw islahico ebnaj yahwi, yalnipaxo ebnaj: —Mamin, iscꞌahol jichmam David, caw tzꞌayojab hacꞌul jin̈an̈, ẍi ebnaj.
23894	MAT 20:33	Istakꞌwi ebnaj: —Mamin, chijochehan̈ chawakꞌ hajlo cosatan̈, ẍi ebnaj.
24029	MAT 24:3	Lahwi tuꞌ isto Comam Jesús yin̈ istzalanil won̈an Olivo, yay tzꞌon̈no Comam bey tuꞌ, ishitzico ebnaj iscuywom Comam iscꞌatan̈. Hayet ischuquil ebnaj yeb Comam tuꞌ iskꞌamben ebnaj tet Comam: —Mamin, hal jetan̈, ¿bakꞌin chu huntekꞌan maxawal tuꞌ, yeb baytet huntekꞌan yechel chisye isba yet toxa chaẍhuli yeb yin̈ yet chilahwi yul sat yiban̈kꞌinal tiꞌ? ẍi ebnaj.
24140	MAT 26:17	Haxa yet yayilo babel tzꞌayic kꞌin̈ Pascua, yet chiwahlax ixim pan machi yan̈al, ishitzico ebnaj iscuywom Comam iscꞌatan̈, iskꞌamben ebnaj: —Mamin, ¿baytuꞌwal chawoche chicowatxꞌehan̈ tzet chicolo yin̈ kꞌin̈ Pascua tiꞌ? ẍi ebnaj.
24145	MAT 26:22	Yet yaben ebnaj huneꞌ tuꞌ, caw oc biscꞌulal yin̈ iscꞌul ebnaj. Yoc ebnaj iskꞌambeno tet Comam yin̈ hununtajil: —Mamin, ¿machmitajinan? ẍi ebnaj yin̈ hununtajil.
24148	MAT 26:25	Naj Judas naj chianico Comam yul iskꞌab camical tuꞌ, iskꞌambe naj: —Mam cuywawom, ¿tom haninan? ẍi naj. Istakꞌwi Comam: —Hoꞌ, hachtoni, ẍi Comam.
24149	MAT 26:26	Yet lan̈an iswaꞌ Comam, yinican̈ ixim pan, yakꞌni Comam yuchꞌandiosal tet Comam Dios, iskꞌaxponayo Comam ixim. Lahwi tuꞌ yakꞌni Comam ixim tet ebnaj iscuywom; yalni Comam: —Wawej, huneꞌ tiꞌ yechel innimanilan yehi, ẍi Comam.
24156	MAT 26:33	Yalni naj Pedro tet Comam: —Mamin, waxan̈ca sunil mac chicabconcan̈ iscꞌul tawin̈, yajaꞌ walinan, machoj, ẍi naj.
24187	MAT 26:64	Istakꞌwi Comam tet naj: —Hoꞌ, hanintonan hacaꞌ hawalni tiꞌ. Chiwalan teyet tato Hanin Akꞌbilintijan texol yu Comam Dios cheyil woc tzꞌon̈nojan yin̈ iswatxꞌkꞌab Comam Dios caw aycano yip, cat heyilni wulan xol moyan, ẍi Comam.
24209	MAT 27:11	Yet ayco Comam Jesús sata naj Pilato iskꞌamben naj tet Comam: —¿Tom yahawil anma Israel hawehi? ẍi naj. Istakꞌwi Comam: —Hoꞌ, yeli hacaꞌ hawalni tiꞌ, ẍi Comam.
24244	MAT 27:46	Yin̈ huneꞌ orahil tuꞌ ah yaw Comam Jesús yin̈ caw ip, yalni Comam: —Elí, Elí, ¿lama sabactani? ẍi Comam. Chal yelapnoj: Hach inDiosal, hach inDiosal, ¿tzet yin̈ xin chinhabejcanojan? ẍi.
24263	MAT 27:65	Istakꞌwi naj Pilato tet ebnaj: —Cꞌulticꞌa, iweto ebnaj soldado teyintaj cat heto hecawxenocano bay mujan naj hacaꞌ chal hecꞌul, ẍi naj.
24321	MRK 1:37	Hayet yilcha Comam yu ebnaj, yalni ebnaj tet Comam: —Mamin, sunil anma lan̈an cachissaynicꞌoj, ẍi ebnaj.
24324	MRK 1:40	Ay huneꞌ naj ayco lepra yin̈ apni iscꞌatan̈ Comam Jesús, yay jahno naj sata Comam, yoc naj iskꞌanno tet Comam: —Mamin, ta chawoche chu hawinilo huneꞌ yabil tiꞌ win̈an, ẍi naj.
24325	MRK 1:41	Istzꞌaycan̈ iscꞌul Comam yin̈ naj, yanayo Comam iskꞌab yiban̈ naj, yalni Comam tet naj: —Hoꞌ, chiwochehan ta chiel huneꞌ yabil tiꞌ tawin̈, ẍi Comam.
24395	MRK 4:3	—Tinan̈, abewe tzet chiwalan: Ay huneꞌ naj to txiho trigo.
24446	MRK 5:13	Istakꞌwi Comam: —Quexwej, ẍi Comam. Hac tuꞌ yu yelcano ebnaj ischejab naj matzwalil yin̈ naj, istocano ebnaj yin̈ noꞌ txitam tuꞌ, aymi noꞌ cabo mil. Hayet yapni ebnaj ischejab naj matzwalil yin̈ noꞌ xin, iskꞌojnito isba noꞌ sat pahaw yay apno noꞌ yul haꞌ lago, ishikꞌnito noꞌ haꞌ.
24456	MRK 5:23	Yoc naj iskꞌanno tet Comam hacaꞌ tiꞌ: —Mamin, ay huneꞌ nichꞌan incutzꞌinan lan̈anxa iscami, estam chachto nino wintajan cat hawanayo hakꞌab yiban̈ ix haxinwal chicawxican̈ ix, hac tuꞌ xin mach chicam ix, ẍi naj.
24464	MRK 5:31	Istakꞌwi ebnaj iscuywom Comam: —Mamin, ¿tom mach chawila tato caw hantan̈e anma chistenico isba tawin̈ cat hakꞌambenpaxoj mac macachtzabni? ẍi ebnaj.
24467	MRK 5:34	Yalni Comam tet ix: —Miyay, macachcawxinacan̈ yu maxawaco hawanma win̈an, paxan̈to yin̈ tzalahilal, cawachxa tinan̈, ẍi Comam.
24511	MRK 6:35	Haxa yin̈ kꞌejbiyal xin ishitzico ebnaj iscuywom Comam iscꞌatan̈, yalni ebnaj xin: —Mamin, caw kꞌejbixa lah, machi xin teꞌ n̈a bay ayon̈ tiꞌ;
24514	MRK 6:38	Yalni Comam tet ebnaj: —¿Hayeb ixim pan ay texol? Ilwej hayeb ixim, ẍi Comam. Hayet yilni ebnaj, yalni ebnaj tet Comam: —Mamin, howebn̈e ixim yeb cacꞌon̈ noꞌ niẍte cay, ẍi ebnaj.
24549	MRK 7:17	Lahwi tuꞌ xin, yel Comam Jesús xol anma, isto Comam yul n̈a bayticꞌa aya. Haxa yet ay Comam bey tuꞌ, iskꞌamben ebnaj iscuywom Comam tet: —Mamin, ¿tzet chal yelapno huneꞌ yechel maxawal tuꞌ? ẍi ebnaj.
24566	MRK 7:34	Istꞌan̈xican̈ Comam satcan̈, yah iscꞌul, yalni Comam hacaꞌ tiꞌ: —Efata, ẍi Comam. Haꞌ chalilo huneꞌ tuꞌ Hajlojabi.
24574	MRK 8:5	Iskꞌamben Comam tet ebnaj: —¿Hayeb ixim pan ay texol? ẍi Comam. Istakꞌwi ebnaj: —Hujeb, ẍi ebnaj.
24619	MRK 9:12	Istakꞌwi Comam: —Yeltoni, haꞌ naj Elías tuꞌ babel chuli, yun̈e isnani isba anma cat yoc yin̈ istoholal. Yajaꞌ, ¿tzet tzꞌibn̈ebilcano win̈an, Hanin Akꞌbilintijan texol yu Comam Dios? Tzꞌibn̈ebilcanoj tato caw yilal yecꞌyaꞌ wanmahan, cat wintan̈elaxcaniltojan yu anma.
24635	MRK 9:28	Lahwi tuꞌ, yocto Comam Jesús yul huneꞌ n̈a yeb ebnaj iscuywom. Haxa yet ischuquilxan̈e ebnaj yeb Comam xin, iskꞌamben ebnaj tet Comam: —Mamin, ¿tzet yin̈ mach yu jinilojan̈ ischejab naj matzwalil yin̈ naj nichꞌan tzeh tuꞌ? ẍi ebnaj.
24685	MRK 10:28	Yalni naj Pedro tet Comam: —Mamin, sunil tzet ayon̈an̈ bejbilcano juhan̈ yu joccano tzujnojan̈ tawintaj, ẍi naj.
24690	MRK 10:33	Yalni Comam: —Tinan̈, lan̈an coto bey Jerusalén, Hanin Akꞌbilintijan texol yu Comam Dios tiꞌ, chinalaxicojan yul iskꞌab ebnaj iswiꞌehal yin̈ ebnaj sacerdote yeb ebnaj cuywawom yin̈ isley naj Moisés, chiscawxeco ebnaj camical wiban̈an cat quinyanicojan ebnaj yul iskꞌab ebnaj mach Israeloj.
24696	MRK 10:39	Istakꞌwi ebnaj cawan̈ tuꞌ: —Hoꞌ, chitecha juhan̈, ẍi ebnaj. Yalni Comam: —Yeltoni chu heyucꞌni huneꞌ cꞌahla haꞌ chiwaltuꞌan, yeb chitecha isyaꞌtajil heyu hacaꞌ huneꞌ chihul wiban̈an, hacaꞌ yahbalo haꞌ cowiꞌ.
24705	MRK 10:48	Caw xin txꞌiꞌal mac cachwa yin̈ naj yun̈e isbejni naj yel yaw, yajaꞌ xin caw ecꞌbalto ah yaw naj, yalnipaxo naj: —Mamin, hach titnajach yin̈ yuninal naj rey David, caw tzꞌayojab nino hacꞌul win̈an, ẍi naj.
24770	MRK 12:28	Yet yaben huneꞌ naj cuywawom yin̈ isley naj Moisés tato caw cꞌul yu ispajtzen Comam Jesús iskꞌambebal ebnaj saduceo, yoc naj iskꞌambeno tet Comam hacaꞌ tiꞌ: —Mamin, xol sunil chejbanile akꞌbilcano jet, ¿baytet ecꞌbal yelapno yehi? ẍi naj.
24787	MRK 13:1	Yet lan̈an yelti Comam Jesús yul yatut Comam Dios, yalni huneꞌ naj iscuywom Comam: —Mamin, ¡ilcꞌanab huntekꞌan chꞌen chꞌen yeb huntekꞌan nimeta n̈a tiꞌ lah! ẍi naj.
24790	MRK 13:4	—Mamin, hal jetan̈ bakꞌin chihul huntekꞌan chawal tiꞌ, ¿tzettaxca yechel chiyu yet chijni isba? ẍi ebnaj.
24835	MRK 14:12	Haxa yayilo babel tzꞌayic kꞌin̈ Pascua, yet chiwahlax ixim pan machi yan̈al chialaxicoj, yeb yet chipotxꞌlax noꞌ meꞌ xahanbalil; iskꞌamben ebnaj iscuywom Comam tet: —Mamin, ¿baytuꞌwal chawoche chicowatxꞌehan̈ tzet chicolo yin̈ kꞌin̈ Pascua tiꞌ? ẍi ebnaj.
24842	MRK 14:19	Hayet yaben ebnaj iscuywom Comam huneꞌ tuꞌ, caw oc biscꞌulal yin̈ yanma ebnaj, yoc ebnaj iskꞌambeno yin̈ hununtajil tet Comam: —Mamin, ¿tom haninan? ẍi hunun ebnaj.
24845	MRK 14:22	Hayet lan̈an iswaꞌ Comam, yinican̈ ixim pan, yakꞌni yuchꞌandiosal tet Comam Dios, lahwi tuꞌ iskꞌaxponayo ixim, yakꞌni Comam ixim tet ebnaj, yalni Comam: —Chahwej, cat hewahni. Huneꞌ tiꞌ yechel innimanilan yehi, ẍi Comam.
24852	MRK 14:29	Yalni naj Pedro tet Comam: —Mamin, waxan̈ca sunil mac chiinilo yanma tawin̈, walinan machoj, ẍi naj.
24853	MRK 14:30	Yalni Comam tet naj: —Pedro, yin̈ caw yeli chiwalan tawet; yin̈ticꞌa huneꞌ akꞌbal tiꞌ, yalan̈to maẍto chiokꞌ noꞌ icham chiyo yin̈ iscayel, oxelxa chawala ta mach quinhawohtajojan, ẍi Comam.
24859	MRK 14:36	Yalni Comam yin̈ istxah: —Mam, machi hunu tzet ye tuꞌ yaꞌta yul hasat. Colinan tet huneꞌ isyaꞌtajil chul wiban̈tiꞌan, yajaꞌ mach hacaꞌ chiwochehan to hacaꞌojab tzet chal hacꞌul, ẍi Comam.
24885	MRK 14:62	Istakꞌwi Comam: —Hoꞌ, hanintonan. Hex tiꞌ cheyilaꞌ woc tzꞌon̈nojan yin̈ iswatxꞌkꞌab Comam Dios caw aycano yip, cat heyilni wulpaxojan xol moyan yul satcan̈, Hanin Akꞌbilintijan texol yu Comam Dios, ẍi Comam.
24897	MRK 15:2	Iskꞌamben naj Pilato tet Comam: —¿Tom yeli Yahawil anma Israel hawehi? ẍi naj. Istakꞌwi Comam: —Hoꞌ, yel hacaꞌ hawalni tiꞌ, ẍi Comam.
24929	MRK 15:34	Yin̈ huneꞌ orahil tuꞌ ah yaw Comam, yalni yin̈ caw ip: —Eloi, Eloi, ¿lama sabactani? ẍi Comam. Haꞌ chal yelapnoj: Mamin, Mamin, ¿tzet yin̈ xin chinhanahuln̈etojan? ẍi Comam.
24992	LUK 1:30	Yalnipaxo naj ángel tet ix: —María, mach chachxiwcan̈, yuto xaꞌilcha iscꞌulal hawu yul sat Comam Dios.
25022	LUK 1:60	Yalni ixnam miꞌe tuꞌ tet anma: —Machoj, Juan chiyij isbi naj, ẍi ixnam.
25090	LUK 2:48	Haxa yet yilcha naj yu ismam yeb ismiꞌ, caw cꞌayilo iscꞌul. Yalni ismiꞌ naj tet: —Wunin, ¿tzet yin̈ yuxinto hac tiꞌ chon̈hawutehan̈? Haninan yeb hamam caw biscꞌulal jehan̈ cachcosaynicꞌojan̈, ẍi ix.
25184	LUK 5:8	Hayet yilni naj Simón Pedro huneꞌ tuꞌ, yay jahno naj sata Comam Jesús, yalni naj: —Mamin, hanintiꞌan caw muluminan, yuxin hitzan̈ilo incꞌatan̈an, ẍi naj tet Comam.
25188	LUK 5:12	Yet hunel yet ayicꞌo Comam Jesús yul huneꞌ con̈ob, yapni huneꞌ naj ayco lepra yin̈ iscꞌatan̈ Comam, caw xin yaꞌay naj yu huneꞌ yabil tuꞌ. Hayet yilni naj Comam, yay jahno naj sata Comam, yay xulno naj sat txꞌotxꞌ, iskꞌanni naj tet Comam: —Mamin, ta chisje hacꞌul chu hawinilo huneꞌ yabil tiꞌ win̈an, ẍi naj.
25189	LUK 5:13	Yanayo Comam iskꞌab yiban̈ naj, yalni hacaꞌ tiꞌ: —Hoꞌ, chiwochehan ta chiꞌel huneꞌ yabil tiꞌ tawin̈, ẍi Comam tet naj. Yin̈n̈ena tuꞌ, yel huneꞌ lepra tuꞌ yin̈ naj.
25223	LUK 6:8	Yaj xin yohtaxa Comam tzet chꞌecꞌ yin̈ isnabal ebnaj, yuxin yal Comam tet naj camnajilo iskꞌab tuꞌ: —Ahan̈wanoj, cat xin hawoc lin̈no coxoltiꞌan̈, ẍi Comam tet naj. Yah lin̈no naj.
25304	LUK 7:40	Yalni Comam tet naj: —Simón, ay hanicꞌ tzet chiwoche walaꞌan tawet, ẍi Comam. Istakꞌwi naj: —Hal mam cuywawom tzet chawoche chawal wetan, ẍi naj.
25307	LUK 7:43	Istakꞌwican̈ naj Simón: —Haꞌ yul wetan, ham naj tzetcꞌa iscꞌas tan̈tzelax yiban̈, ẍi naj. Istakꞌwi Comam xin: —Hoꞌ, caw yel chawala, ẍi Comam.
25334	LUK 8:20	Yuxin hallax tet Comam yu anma ayco iscꞌatan̈ tuꞌ: —Mamin, aycꞌo hamiꞌ yeb ebnaj hawuẍta istin̈a, tolab choche cachyilaꞌ, ẍi anma tet Comam.
25359	LUK 8:45	Iskꞌambenilo Comam tet anma: —¿Mac anmahil huneꞌ manpitnihan? ẍi Comam. Yaj yal anma sunil ta machi mac pitni Comam. Yalni naj Pedro tet Comam: —Mamin, ¿tom mach chawila ta witzꞌan yehico anma tawin̈? Tzetcꞌa mac chistenico isba tawin̈, cat xin hakꞌambenpaxoj, ¿mac maquinpitnihan? cachi, ẍi naj tet Comam.
25362	LUK 8:48	Yalni Comam tet ix: —Miyay, macachcawxican̈ yuto maxawayto yul hawanma win̈an. ¡Paxan̈toj! Maꞌoc hawanma yul yehobal, ẍi Comam tet ix.
25408	LUK 9:38	Haꞌ xol anma tuꞌ xin, elcan̈ yaw huneꞌ naj yin̈ caw ip, yalni naj tet Comam: —Mamin, chinkꞌanan tawet, chawil nino tzet ye huneꞌ nichꞌan incꞌaholtiꞌan, caw hunpilanchꞌan naj.
25427	LUK 9:57	Hayet lan̈an isbelwito ebnaj yul beh, ay huneꞌ naj halni tet Comam Jesús: —Mamin, bajxan̈etuꞌwal chaẍtohi, chinoc tzujnojan tawintaj, ẍi naj.
25429	LUK 9:59	Lahwi tuꞌ xin, yalni Comam tet hunxa naj: Ecꞌan̈ tzujtzun wintajan cat hacuywi, ẍi Comam tet naj. Istakꞌwi naj tet Comam: —Mamin, estam chawakꞌ inhamanilan, chito inmujcanto Inmaman babelal, ẍi naj tet Comam.
25431	LUK 9:61	Lahwi tuꞌ xin, yalni hunxa naj tet Comam: —Mamin, chinoc tzujnojan tawintaj, yaj chiwochehan ta chawakꞌ inhamanilan chintohan takꞌlocano tet mac ay bey watutan babel, lahwi tuꞌ xin cat woc tzujnojan tawintaj, ẍi naj tet Comam.