3	GEN 1:3	Ma Anôtô kêsôm gebe “Ŋawê êsa”, e ŋawê kêsa.
5	GEN 1:5	Anôtô kêsam ŋawê gebe “Geleŋŋa” ma ŋakesec gebe “Gêbêcauc.” Tec gêbêcauc to geleŋŋa tonaŋ kêtu bêc ŋamataŋa.
6	GEN 1:6	Go Anôtô kêsôm gebe “Lênsaŋ teŋ êniŋ bu êŋgic ma êwa bu êkôc.”
8	GEN 1:8	Ma Anôtô kêsam lênsaŋ tau gebe “Umboŋ.” Gêbêcauc to geleŋŋa tonaŋ kêtu bêc kêtu luagêcŋa.
9	GEN 1:9	Go Anôtô kêsôm gebe “Bu, taŋ kêpoac umboŋ ŋalabu naŋ, êlêc sa naêpoac tauŋa e gamêŋ ŋakeleŋ êsa.” Ma ŋanô kêsa.
10	GEN 1:10	Ma Anôtô kêsam gamêŋ ŋakeleŋ gebe “Nom” ma bu ŋatoŋ gebe “Gwêc.” Ma Anôtô gêlic gebe ŋajam.
11	GEN 1:11	Go Anôtô kêsôm gebe “Gêŋ êlêc ŋamatac aŋga nom, gêŋ tolauŋ taŋ êkêŋ ŋawê êtôm ŋakaiŋgeŋ naŋ, ma ka taŋ sênam ŋanô êtôm ŋakaiŋgeŋ naŋ.” Ma ŋanô kêsa.
15	GEN 1:15	Ma ja ŋanô sêkô umboŋ ŋalênsaŋ gebe sêpô nom ŋawê êsa.” Ma ŋanô kêsa.
20	GEN 1:20	Go Anôtô kêsôm gebe “Bu to gwêc sêkôc gêŋ mateŋ jaliŋa palac-palacgeŋ to moc sêlôp sêmoa nom to umboŋ ŋasawa,” e ŋanô kêsa.
22	GEN 1:22	Go Anôtô gêjam mec êsêac ma kêsôm gebe “Asu ŋalatu ma atu taêsam e anam bu to gwêc auc ma moc têtu taêsam sêmoa nom.”
24	GEN 1:24	Go Anôtô kêsôm gebe “Nom êkôc gêŋ mateŋ jali tokaiŋ-tokaiŋ, gêŋ masiŋ ma gêŋ, taŋ sêgalab to sêlêgeŋ naŋ ma bôc saleŋŋa tokaiŋ-tokaiŋ.” Ma ŋanô kêsa.
26	GEN 1:26	Go Anôtô kêsôm gebe “Takêŋ ŋamalac têtôm aêac tauŋ katuŋ, têtôm aêac. Êsêac têtu i gwêcŋa to moc umboŋ ŋalabuŋa ma gêŋ masiŋ to bôc saleŋŋa samob ma gêŋ, taŋ sêgalab to sêlêgeŋ samob, taŋ sêmoa nom naŋ ŋatau.”
28	GEN 1:28	Ma Anôtô gêjam mec êsêagêc ma kêsôm gêdêŋ êsêagêc gebe “Aka gôlôac lasê e atu taêsam ma anam nom auc. Nom êsô amac ŋalabu. Ma atu i gwêcŋa to moc umboŋ ŋalabuŋa ma gêŋ mateŋ jali samob, taŋ sêmoa nom naŋ, ŋatau.”
30	GEN 1:30	Mago gêgwaŋ to gêŋ matac ŋagêdô samob aê jakêŋ êndêŋ bôc nomŋa samob to êndêŋ moc umboŋ ŋalabuŋa samob ma gêŋ mateŋ jali samob, taŋ sêgalab to sêlê sêmoa nom naŋ.” Ma ŋanô kêsa.
48	GEN 2:17	Mago kaŋanô tajala ŋajam to secŋa ôniŋ atom. Embe ôniŋ kaŋanô tau, oc ômac êndu êndêŋ bêc tonaŋ.”
49	GEN 2:18	Go Apômtau Anôtô kêsôm gebe “Ŋamalac taugeŋ êmoa oc ŋajam atom. Aê gabe jakêŋ kêpuctôŋo teŋ êndêŋ eŋ, taŋ êtôm eŋ naŋ.”
54	GEN 2:23	Go ŋamalac kêsôm gebe “Kecgoc, galoc katap ŋatêkwa aŋga aêŋoc sa ma ŋamêsôm aŋga aêŋoc amboac tonaŋ. Aê gabe jaê ênê ŋaê gebe ‘Ŋamalaco’ gebe sêkôc aŋga ŋamalacnê.”
57	GEN 3:1	Ma moacnê kauc ŋagaô kêlêlêc bôc saleŋŋa ŋagêdô samob, taŋ Apômtau Anôtô kêkêŋ naŋ nêŋ su. Ma eŋ kêsôm gêdêŋ awê gebe “Anôtô oc kêsôm gebe ‘Aniŋ kôm ŋakaŋanô teŋ atom’ me.”
59	GEN 3:3	tageŋ ka, taŋ kêkô kôm ŋaluŋ naŋ ŋanô, tec Anôtô kêsôm gebe ‘Aniŋ atom. Amoasac atom amboac tonaŋ gebe amac êndu atom.” ’
61	GEN 3:5	Mago Anôtô kêjala gebe amagêc embe aniŋ, go matemanô êpoa lasê ma atôm eŋ tau ma ajala ŋajam to sec.”
65	GEN 3:9	Go Apômtau Anôtô gêmôêc ŋamalac ma kêsôm gêdêŋ eŋ gebe “Gômoa ondoc.”
66	GEN 3:10	Eŋ kêsôm gebe “Aê gaŋô aôm gômoa kôm ŋakicsêa e katêc tauc gebe aê ôlic ŋaôma tec kasiŋ tauc.”
67	GEN 3:11	Go Anôtô kêsôm gebe “Asa kêsôm gêdêŋ aôm gebe ôlim ŋaôma. Aôm goeŋ kaŋanô, taŋ gajac jao gêdêŋ aôm gebe ôniŋ atom naŋ, me masi.”
68	GEN 3:12	Ŋamalac kêsôm gebe “Awê, taŋ kôkêŋ gebe êwiŋ aê naŋ, kêkêŋ kaŋanô tau gêdêŋ aê, tec gaeŋ.”
69	GEN 3:13	Go Apômtau Anôtô kêsôm gêdêŋ awê gebe “Aôm gôgôm asageŋ tonaŋ.” Awê gêjô eŋ awa gebe “Moac kêtim aê, tec gaeŋ.”
71	GEN 3:15	Ma aê gabe jakêŋ amagêc awê to nêm wakuc akêŋ kisa êndêŋ taôm. Eŋ êka aôm môkêmapac popoc ma aôm ôŋac eŋ êsêp agêbi.”
72	GEN 3:16	Eŋ kêsôm gêdêŋ awê gebe “Aê jakêŋ ŋandaŋ taêsam êndêŋ aôm êndêŋ noc ôkêkam ŋapalêŋa. Ôkôc ŋapalê toŋandaŋgeŋ. Aôm matam katu nêm akweŋ, mago eŋ êtu nêm ŋatau.”
78	GEN 3:22	Ma Apômtau Anôtô kêsôm gebe “Alic acgom, ŋamalac kêtôm aêac ma kêjala ŋajam to sec. Galoc tec tajop eŋ gebe êmêtôc lêma naêpip kaŋanô aŋga ka daŋgôŋ mateŋ jaliŋa ma êniŋ e êmoa teŋgeŋ nec atom.”
81	GEN 4:1	Adam gêmoa gêwiŋ nê awê Ewa e taê ma kêkôc Kain. Ma eŋ kêsôm gebe” Apômtau gêjam aê sa, tec kakôc latuc teŋ.”
87	GEN 4:7	Biŋ tau amboac tonec me masi gebe Aôm embe ôŋgôm êndêŋ, go ôsa laŋômanô sa. Embe ôŋgôm eso, go sec êndib aôm ênêc katamdêmôê. Sec mata katu aôm, mago aôm ôku sec tulumaŋ.”
88	GEN 4:8	Go Kain kêsôm gêdêŋ lasi Abel gebe “Tana kôm.” Agêc sêô lasê kôm su, go Kainnê ŋalêlôm gêli sa ma gêjac lasi Abel êndu.
89	GEN 4:9	Go Apômtau kêsôm gêdêŋ Kain gebe “Lasim Abel gêmoa ondoc.” Eŋ kêsôm gebe “Aê gajam kauc. Aê katu lasicnê gejobwaga me.”
92	GEN 4:12	Aôm embe ônam kôm, go êŋgamiŋ ŋanô êndêŋ aôm. Matam kanôŋ ôsêlêŋ ôŋôŋgeŋ ônac laoc gamêŋgeŋ.”
94	GEN 4:14	Gôlicgac me, galoc aôm kôtiŋ aê su aŋga nom ma jasiŋ tauc ôkwi aŋga laŋômnêmŋa. Matoc kanôŋ jasêlêŋ ôŋôŋgeŋ janac laoc gamêŋgeŋ ma lau, taŋ têtap aê sa naŋ, sênac aê êndu.”
95	GEN 4:15	Mago Apômtau kêsôm gêdêŋ eŋ gebe “Amboac tonaŋ atom. Teŋ embe ênac Kain êndu, naŋ êtap ŋagêjô êtôm dim 7ŋa sa.” Ma Apômtau kêkêŋ ŋabelo teŋ gêdêŋ Kain gebe ŋac teŋ embe êtap eŋ sa, naŋ ênac eŋ êndu atom.
104	GEN 4:24	Teŋ embe ênac Kain êndu, oc sêkêŋ ŋagêjô êtôm dim 7ŋa. Mago teŋ embe ênac aê, Lamek, nec êndu, oc sêkêŋ ŋagêjô êtôm dim 77ŋa.”
105	GEN 4:25	Ma Adam gêmoa gêwiŋ nê awê kêtiam ma eŋ kêkôc latu teŋ, taŋ kêsam eŋ gebe Set, ŋam gebe “Anôtô kêkêŋ latuc teŋ gêdêŋ aê gêjô Abel, taŋ Kain gêjac eŋ êndu naŋ su.”
108	GEN 5:2	Eŋ kêkêŋ êsêagêc ŋac to awê ma gêjam mec êsêagêc. Ma gêdêŋ eŋ kêkêŋ êsêagêc naŋ kêsam êsêagêc gebe “Ŋamalac.”
135	GEN 5:29	Eŋ gê ênê ŋaê gebe Noa ma kêsôm gebe “Ŋac tonec ênam aêac kêsi aŋga nêŋ koleŋ to gêŋwapac, taŋ kêtap aêac lemeŋ sa kêtu kôm, taŋ Apômtau kêpuc boa naŋŋa.”
141	GEN 6:3	Go Apômtau kêsôm gebe “Aêŋoc Ŋalau êmoa êwiŋ ŋamalac endeŋ tôŋgeŋ atom gebe eŋ toôli nomŋa tec ênê jala êtôm 120geŋ.”
145	GEN 6:7	Tec Apômtau kêsôm gebe “Aê gabe janseŋ ŋamalac, taŋ kakêŋ naŋ, su aŋga nom, ŋamalac to bôc ma gêŋ, taŋ sêgalabgeŋ naŋ, to moc umboŋ ŋalabuŋa gebe aêŋoc ŋalêlôm ŋawapac kêtu gaim tauc su ŋaômageŋ kêtu êsêacŋa.”
159	GEN 6:21	Ma aôm ônac gêŋ taniŋŋa tokaiŋ-tokaiŋ sa, gebe êpuc aôm to êsêac samob tôŋ.”
160	GEN 6:22	Ma Noa gêgôm gêŋ samob. Eŋ gêgôm kêtôm Anôtô kêjatu eŋ naŋ solopgeŋ. gebe “Ênam sa,” ma
164	GEN 7:4	Gebe bêc 7 ênaŋa acgom, go jakêŋ kom ênac êtôm eleŋŋa 40 to êmbêcauc 40 ma gabe janseŋ gêŋ mateŋ jali samob, taŋ kakêŋ naŋ, su aŋga nom.”
201	GEN 8:17	ma bôc samob, taŋ sêwiŋ aôm naŋ, gêŋ mateŋ jaliŋa samob, moc to bôc ma gêŋ, taŋ sêgalabgeŋ sêmoa nom naŋ, samob, ôwi êsêac siŋ sêwiŋ aôm asa ana gebe seola nom auc ma sêsu ŋalatu e têtu taêsam aŋga nom.”
206	GEN 8:22	Êtôm nom ŋatêm samob sêsê ŋawê ma sejoŋ ŋanô, malô to ŋandaŋ, ocêsa to komô, eleŋ to êmbêc êjô tau êjô tau.”
213	GEN 9:7	Amac tec aka gôlôac lasê to atu taêsam anam nom auc to atu nom ŋatau.”
217	GEN 9:11	Aê gabe jamoatiŋ poac êndêŋ amac gebe Bu êsuŋ ŋatêna teŋ enseŋ gêŋ mateŋ jali su êtiam atomanô ma bu êsuŋ ŋatêna teŋ enseŋ nom su êtiam atom amboac tonaŋ.”
222	GEN 9:16	Kasômbuc embe ênsac tao ŋaô, go jasala gêŋ tau ma taêc ênam poac teŋgeŋŋa, taŋ kamoatiŋ gêdêŋ gêŋ mateŋ jali samob, taŋ sêmoa nom naŋ.”
223	GEN 9:17	Ma Anôtô kêsôm gêdêŋ Noa gebe “Poac, taŋ kamoatiŋ gêdêŋ gêŋ mateŋ jali samob, taŋ sêmoa nom naŋ, ŋabelo tau tonec.”
231	GEN 9:25	tec kêsôm gebe “Aê japuc boa Kanaan, eŋ êtu lasitêwainêŋ sakiŋwaganêŋ gêŋôma.”
233	GEN 9:27	Anôtô êkêŋ ŋasawa êndêŋ Japet gebe êmoa êwiŋ Sem aŋga nê becobo. Mago Kanaan êtu ênê gêŋôma.”
244	GEN 10:9	Eŋ kêtu ŋac lêma gwadaŋa towae gêmoa Apômtau laŋônêmŋa. Kêtu tonaŋŋa biŋdêm laŋgwa gêc gebe “Kêtôm Nimrod, taŋ kêtu ŋac lêma gwadaŋa towae gêmoa Apômtau laŋônêmŋa.”
270	GEN 11:3	Ma êsêac sêôc tauŋ gebe “Ajôc, tamansaŋ nomku têkê-têkê ma tapac e ŋajaŋa êsa.” Ma êsêac sêkôc poc nomkuŋa gêjô poc anô ma sêkôc kolda kêtu sêsap poc tôŋŋa.
271	GEN 11:4	Go sêsôm gebe “Ajôc, takwê nêŋ malac teŋ sa to andu baliŋ teŋ e ŋatêpôê soso êpi undambê gebe tamboa nêŋ ŋaê sa, gebe têta aêac saliŋ-saliŋ tanam nom samuc auc atom.”
274	GEN 11:7	Ajôc, tasêp tana ma taŋgaluŋ êsêac aweŋ gebe sêŋô tauŋ nêŋ biŋ sapu.”
302	GEN 12:3	Aê gabe janam mec êsêac, taŋ sênam mec aôm ma êsêac, taŋ sêpuc boa aôm naŋ, aê gabe japuc boa. Gôlôac nomŋa samob têtap mec ŋamoasiŋ sa êtu aômŋa.”
306	GEN 12:7	Go Apômtau geoc tau lasê gêdêŋ Abram ma kêsôm gebe “Aê gabe jakêŋ nom tonec êndêŋ nêm wakuc.” Tec eŋ gêboa altar teŋ sa gêdêŋ Apômtau, taŋ geoc tau lasê gêdêŋ eŋ naŋ.
312	GEN 12:13	Ôsôm gebe aêŋoc luco aôm e sêlêwaŋ aê êtu aômŋa.”
318	GEN 12:19	Kêtu ageŋŋa aôm kôsôm gebe ‘Aê luco eŋ,’ tec kakôc eŋ kêtu ŋoc awê. Amboac tonaŋ nêm awê tau tonec, ôkôc eŋ ma ôêc ôna.”
328	GEN 13:9	Gamêŋ samuc tonec gôlic atom me. Ôsu taôm su aŋga aê. Embe ôkôc gamêŋ gasêŋa, go aê jana anôŋaŋa. Embe ôkôc gamêŋ anôŋa, go aê jana gasêŋaŋa.”
336	GEN 13:17	Ôndi ôsêlêŋ e naôndêŋ gamêŋ ŋamadiŋ makeŋ-makeŋ, gebe aê gabe jakêŋ êndêŋ aôm.”
357	GEN 14:20	Aweŋ êôc Lôlôc Ŋatau Anôtô, taŋ kêkêŋ nêm ŋacjo sêsô aôm lêmam ŋalabu.” Ma Abram kêkôc gêŋ lemeŋ lu-lemeŋ lu ŋatageŋ-tageŋ sa kêkêŋ gêdêŋ eŋ.
358	GEN 14:21	Ma kiŋ Sodomŋa kêsôm gêdêŋ Abram gebe” Ôkêŋ ŋamalacgeŋ sêndêŋ aê ma ôkôc waba êtu nêm gêŋ.”
361	GEN 14:24	Aê gabe jakôc gêŋ teŋ atom, mago gêŋ tageŋ taŋ lau matac seŋ naŋ to gêŋ Aner agêc Eskol ma Mamre, taŋ sêwiŋ aê naŋ, sêwê kaiŋ, tec sêkôc nêŋ gêŋmaŋ.”
362	GEN 15:1	siŋ tonaŋ gêbacnê, go Abram katu gêlic Apômtau ma awa gêjac eŋ gebe “Abram, ôtêc taôm atom. Aê katu aômnêm lautuc. Moasiŋ kapôêŋ êtap aôm sa.”
363	GEN 15:2	Mago Abram kêsôm gebe “O Apômtau Anôtô, aôm gobe ôkêŋ asageŋ êndêŋ aê. Aêŋoc gôlôac masianô ma Elieser aŋga Damaskus êtu ŋac oc êwê kaiŋ aêŋoc gêŋlênsêm.”
364	GEN 15:3	Ma Abram kêsôm gebe “Ôlic acgom, aôm kôkêŋ gôlôac gêdêŋ aê atom ma gêŋôma teŋ, taŋ têna kêkôc eŋ aŋga ŋoc andu naŋ, oc êtu ŋac êwê kaiŋ aêŋoc gêŋlênsêm.”
365	GEN 15:4	Mago Apômtaunê biŋ gêdêŋ eŋ gebe “Ŋac tonec êwê kaiŋ nêm gêŋlênsêm atom, aôm latôm solop êtu ŋac êwê kaiŋ nêm gêŋlênsêm.”
366	GEN 15:5	Go gêwê eŋ kêsa awê gêja ma kêsôm gebe “Matam endec umboŋ ma embe ôtôm gebe ôsa utitalata sa, go ôsa samaŋ.” Go kêsôm gêdêŋ eŋ gebe “Nêm wakuc oc têtôm tonaŋ.”
368	GEN 15:7	Ma Apômtau kêsôm gêdêŋ eŋ gebe “Aê Apômtau, taŋ kakôc aôm aŋga Ur Kaldeaŋa gebe jakêŋ gamêŋ tonec êndêŋ aôm ôwê kaiŋ.”
369	GEN 15:8	Mago Abram kêsôm gebe “O Apômtau Anôtô, aê jajala amboac ondoc gebe jawê kaiŋ gamêŋ tau.”
370	GEN 15:9	Eŋ kêsôm gêdêŋ eŋ gebe “Ôkôc bulimakao têna ŋajala kêtu têlêac to noniŋ têna ŋajala kêtu têlêac ma domba kapoac ŋajala kêtu têlêac ma balôsi teŋ to moŋgôm ŋalatu teŋ, go ômôêŋ.”
377	GEN 15:16	Ma nêm gôlôac ŋatoŋ têtu aclêŋa oc sêmu sêmêŋ gamêŋ tonec êtiam, gebe lau gamêŋ Amorŋa nêŋ alôb-alôb gêjac pep atom tageŋ.”
382	GEN 15:21	ma Amor to Kanaan ma Girgas to Jebus sêwê kaiŋ.”
384	GEN 16:2	Ma Sarai kêsôm gêdêŋ Abram gebe “Aôm gôlicgac gebe Apômtau kêgamiŋ ŋapalê gêdêŋ aê gebe jakôc atom. Tec naômoa ôwiŋ sakiŋwagao, moae jatap ŋoc ŋapalê sa aŋga ênê.” Ma Abram kêkêŋ taŋa Sarai awa.
387	GEN 16:5	Ma Sarai kêsôm gêdêŋ Abram gebe “Keso tec sêgôm gêdêŋ aêma nec êpi aôm. Aê tauc kakêŋ ŋoc sakiŋwagao kêsêp aôm lêmam. Ma galoc kêsaê tau gebe taê, tec gêlic aê ŋa matapaŋageŋ. Apômtau êmêtôc aêagêcnêŋ biŋ ŋasawaŋa.”
388	GEN 16:6	Mago Abram kêsôm gêdêŋ Sarai gebe “Ôlic acgom, nêm sakiŋwagao kêtu aômnêm gêŋgac. Ôŋgôm gêŋ, taŋ taêm ênam naŋ, êndêŋ eŋ.” Ma Sarai kêkôniŋ eŋ, tec gêbôm gêja.
390	GEN 16:8	Ma eŋ kêsôm gebe “Sarainê sakiŋwagao Hagar, aôm gômôêŋ aŋga ondoc ma gobe ôna ondoc.” Eŋ gêjô eŋ awa gebe “Aê gabôm aŋga ŋoc ŋatauonê tec gamêŋ.”
391	GEN 16:9	Go Apômtaunê aŋela kêsôm gêdêŋ eŋ gebe “Ômu ôndêŋ nêm ŋatauo ôna êtiam naôsô eŋ ŋalabu.”
392	GEN 16:10	Apômtaunê aŋela kêsôm gêdêŋ eŋ gêwiŋ gebe “Aê gabe jaŋgôm nêm wakuc têtu taêsam e sêsa êsêac sa naeo.”
394	GEN 16:12	Eŋ êtu ŋac teŋ, taŋ êtôm bôclai teŋ ma eŋ lêma ejoŋ lau samob ma lau samob lemeŋ ejoŋ eŋ. Eŋ oc êŋgôŋ êwiŋ tawaŋ atom.”
395	GEN 16:13	Hagar kêtu kênac tau gebe “Amboac ondoc, aê galic Anôtô, taŋ gêlic aê naŋ, biŋŋanô aŋga tonec me masi.” Tec kêsam Apômtaunê ŋaê gebe “Aôm Anôtô tomatamanô kaiŋ teŋ.”
398	GEN 16:16	Gêdêŋ taŋ Hagar kêkôc Ismael naŋ, Abramnê jala kêtu 86. naŋ.”
400	GEN 17:2	Ma aê gabe jamoatiŋ poac teŋ êndêŋ aôm ma gabe jakêŋ aômnêm wakuc têtu taêsam ŋasec.”
406	GEN 17:8	Ma aê jakêŋ gamêŋ Kanaan, taŋ aôm gômoa amboac ŋac jaba naŋ, samucgeŋ êndêŋ aôm to nêm wakuc, taŋ sêndaŋguc aôm naŋ, gebe êtu amacnêm endeŋ tôŋgeŋ ma aê jatu êsêacnêŋ Anôtô.”
412	GEN 17:14	Mago ŋac samuc teŋ, taŋ sêsa utiôlic atom naŋ, senseŋ eŋ su aŋga ênê launêŋ gebe eŋ gêgôm ŋoc poac popoc.”
414	GEN 17:16	Aê gabe janam mec eŋ e aôm ôtap latôm sa aŋga ênê êwiŋ. Aê gabe janam mec eŋ e eŋ êtu gôlôacmôkê teneŋi ma lau to-m-to-m nêŋ kiŋ sêsa aŋga ênêŋa.”
415	GEN 17:17	Ma Abraham gêu tau laŋôanô jagêdêŋ nom ma kêômac ma taê gêjam gêc tauŋa gebe “Aê ŋamalacanô, taŋ ŋoc jala kêtu 100 sugac naŋ, oc jaka ŋapalê lasê me. Ma Sara, taŋ nê jala kêtu 90 naŋ, êkôc gôlôac me.”
416	GEN 17:18	Ma Abraham kêsôm gêdêŋ Anôtô gebe “Ojae, Ismael êsa nê lêŋ êmoa aôm laŋômnêmŋamaŋ.”
419	GEN 17:21	Mago ŋoc poac, tec gabe jamoatiŋ êndêŋ Isakgeŋ. Sara êkôc eŋ êndêŋ jala ônê ŋatêm amboac tonec.”
430	GEN 18:5	go aê jakôc gêŋ ŋagec mêŋaniŋ tekwem êsa. Aniŋ su acgom, go asêlêŋ nêm lêŋ êtiam gebe mêŋaô lasê nêm sakiŋwaga sugac.” Ma êsêac sêsôm gebe “Ôŋgôm amboac kôsôm.”
431	GEN 18:6	Ma Abraham kêlêti kêsô becobo ŋalêlôm gêdêŋ Sara gêja ma kêsôm gebe “Ôkôc polom laclu têlêac ôŋgamuc ma ôpac ŋagaôgeŋ.”
434	GEN 18:9	Go êsêac sêsôm gêdêŋ eŋ gebe” Nêm awê Sara gêmoa ondoc.” Ma eŋ kêsôm gebe “Tec gêmoa becobo ŋalêlôm.”
435	GEN 18:10	Apômtau kêsôm gebe “Êndêŋ ocêsa aê oc jamu jandêŋ aôm jamêŋ êtiam ma Sara oc êkôc latu teŋ êndêŋ têm tonaŋ.” Ma Sara kêkô becobo ŋakatam lêlômgeŋ ma taŋasuŋ gêjac.
437	GEN 18:12	Kêtu tonaŋŋa Sara kêômac kêêŋgimgeŋ ma kêsôm gêdêŋ tau gebe “Aê kamêliŋ sugac ma ŋoc apômtau kêtu ŋamalacanô su amboac tonaŋgeŋ, tec aêagêc atu samuc tauŋ amboac ondoc.”
439	GEN 18:14	Gêŋwapac teŋ gêc, taŋ kêlêlêc Apômtau su me. Êndêŋ ocêsa aê jamu jandêŋ aôm jamêŋ êtiam ma Sara oc êkôc latu êndêŋ têm tonaŋ.”
440	GEN 18:15	Sara kêpa tau ma kêsôm gebe “Aê kaômac atom,” gebe kêtêc tau. Mago Apômtau kêsôm gebe “Magobe, kôômacgac.”
444	GEN 18:19	gebe aê kajaliŋ eŋ sa gebe êjatu nê latui to nê lau samob, taŋ sêndaŋguc eŋ naŋ, gebe sejop aêŋoc intêna ma sêŋgôm ŋoc biŋ ŋanô êsa to sêmêtôc lau naêndêŋgeŋ gebe aê jakêŋ gêŋ, taŋ gajac mata gêdêŋ Abraham naŋ, êndêŋ eŋ.”
446	GEN 18:21	Tec aê gabe jasêp jana jalic acgom, êsêac samob sêgôm kêtôm ŋaonda, taŋ gaŋô naŋ, me masi. Embe masi, mago gabe jajala.”