95	GEN 4:15	Mago Apômtau kêsôm gêdêŋ eŋ gebe “Amboac tonaŋ atom. Teŋ embe ênac Kain êndu, naŋ êtap ŋagêjô êtôm dim 7ŋa sa.” Ma Apômtau kêkêŋ ŋabelo teŋ gêdêŋ Kain gebe ŋac teŋ embe êtap eŋ sa, naŋ ênac eŋ êndu atom.
104	GEN 4:24	Teŋ embe ênac Kain êndu, oc sêkêŋ ŋagêjô êtôm dim 7ŋa. Mago teŋ embe ênac aê, Lamek, nec êndu, oc sêkêŋ ŋagêjô êtôm dim 77ŋa.”
113	GEN 5:7	Eŋ kêka Enos lasê su acgom, go gêmoa nom jala 807 gêwiŋ ma kêka latuio to ŋac ŋagêdô lasê.
118	GEN 5:12	Gêdêŋ taŋ Kenannê jala kêtu 70 naŋ, kêka Mahalalel lasê.
131	GEN 5:25	Gêdêŋ taŋ Metusalanê jala kêtu 187 naŋ, kêka Lamek lasê.
132	GEN 5:26	Metusala kêka Lamek lasê su acgom, go gêmoa nom jala 782 gêwiŋ ma kêka latuio to ŋac ŋagêdô lasê.
137	GEN 5:31	Amboac tonaŋ Lameknê jala kêtu 777, go gêmac êndu.
162	GEN 7:2	Ôkôc bôc 7-7 aŋga bôc selec samob nêŋ, kapoac to têna. Mago ôkôc bôc luagêc-luagêc aŋga bôc, taŋ selec atom naŋ, kapoac teŋ ma têna teŋ.
163	GEN 7:3	Moc umboŋ ŋalabuŋa amboac tonaŋ. Ôkôc 7-7 êtômgeŋ, kapoac to têna gebe sênac ŋawê tôŋ aŋga nom.
164	GEN 7:4	Gebe bêc 7 ênaŋa acgom, go jakêŋ kom ênac êtôm eleŋŋa 40 to êmbêcauc 40 ma gabe janseŋ gêŋ mateŋ jali samob, taŋ kakêŋ naŋ, su aŋga nom.”
170	GEN 7:10	Bêc 7 gêjaŋa, go bu kêsuŋ ŋatêna kêtap nom sa.
171	GEN 7:11	Gêdêŋ taŋ Noanê jala kêtu 600 naajôŋ luagêc ma ŋabêc 17 naŋ, bumata nom ŋalêlômŋa samob kêpulu kêpi ma katam umboŋŋa gêlêc su
188	GEN 8:4	ma gêdêŋ ajôŋ kêtu 7ŋa ŋabêc 17 waŋ jagêlôc lôc Ararat.
192	GEN 8:8	Ma Noa kêsaê e bêc 7, go kêkêŋ balôsi teŋ gêlôb kêsa gêja gebe êlic bu oc kêtaiŋ su aŋga nom me masi.
194	GEN 8:10	Go kêsaê bêc 7 kêtiam, go kêkêŋ balôsi tau gêlôb kêsa gêja kêtiam.
196	GEN 8:12	Eŋ kêsaê bêc 7 kêtiam ma kêkêŋ balôsi gêlôb kêsa gêja, mago gêmu gêdêŋ eŋ gêmêŋ kêtiam atom.
198	GEN 8:14	Gêdêŋ ajôŋ kêtu luagêcŋa ŋabêc 27 nom ŋakeleŋ kêsa samucgeŋ.
288	GEN 11:21	Serug têna kêkôc eŋ su ma Reu gêmoa nom jala 207 gêwiŋ, go kêka latuio to ŋac ŋagêdô lasê.
293	GEN 11:26	Taranê jala kêtu 70 ma kêka Abram agêc Nahor ma Haran lasê.
303	GEN 12:4	Amboac tonaŋ Abram gêdi kêtôm Apômtau kêjatu eŋ, ma Lot gêdi gêwiŋ eŋ. Gêdêŋ taŋ Abram gêwi Haran siŋ naŋ, nê jala kêtu 75.
542	GEN 21:28	Go Abraham kêkêŋ domba ŋalatu 7 sêkô tauŋŋa
543	GEN 21:29	tec Abimelek kêtu kênac Abraham gebe “Domba ŋalatu 7, taŋ kôkêŋ sêkô tauŋŋa naŋ, ŋam amboac ondoc.”
544	GEN 21:30	Eŋ kêsôm gebe “Ôkôc domba ŋalatu 7 tonaŋ su aŋga lemoc ec têtu ŋabelo êndêŋ aôm ôjala gebe aê tauc tec kakwê bumata tau.”
573	GEN 23:1	Sara gêmoa e nê jala kêtu 127. Saranê jala tau tonaŋ.
666	GEN 25:7	Abrahamnê bêc to jala gêmoaŋa kêtôm jala 175.
676	GEN 25:17	Ismaelnê jala gêmoa nomŋa tonec gebe 137. Katu gêwi eŋ siŋ ma gêmac êndu jagêwiŋ nê lau.
814	GEN 29:18	Ma Jakob têtac gêwiŋ Rahel, tec eŋ kêsôm gebe “Aê gabe janam sakiŋ aôm jala 7 êjô latômo sauŋ Rahel su.”
816	GEN 29:20	Tec Jakob gêjam sakiŋ jala 7 kêtu Rahelŋa. Eŋ têtac gêwiŋ eŋ ŋanô, tec gêlic ŋasawa tonaŋ kêtôm bêc luagêcgeŋ.
823	GEN 29:27	Agêc amoa awiŋ taôm e woke tonec êmbacnê, go aêac akêŋ awê teŋ êndêŋ aôm êwiŋ. Ma aôm ônam sakiŋ aê jala 7 êtiam êjô awê tau.”
826	GEN 29:30	Ma Jakob gêmoa gêwiŋ Rahel amboac tonaŋgeŋ ma têtac gêwiŋ Rahel kêlêlêc Lea su. Ma eŋ gêjam sakiŋ Laban jala 7 gêwiŋ.
897	GEN 31:23	Tec eŋ kejoŋ nê tawaŋ sêwiŋ eŋ ma kêjanda Jakob bêc 7 e gê eŋ tôŋ aŋga gamêŋ lôcŋa Gilead.
964	GEN 33:3	Eŋ tau gêwê êsêac ac têtu oloŋ-oloŋ sêja. Eŋ gewec e jakêtap labôc kêtu dim 7 e jagêjac têwa sa.
1086	GEN 37:2	Jakobnê gôlôacnêŋ miŋ tau tonec. Josepnê jala kêtu 17. Eŋ gejob bôc gamoa gêwiŋ têwai. Eŋ ŋapalê matacgeŋ gêmoa gêwiŋ tamanê lauo Bilha agêc Silpa nêŋ latuŋi. Ma Josep kêdôŋ êsêacnêŋ biŋ keso gêdêŋ tameŋi.
1198	GEN 41:2	ma gêlic bulimakao ŋajam to têtôp ŋajam 7 sêpi aŋga bu Nil mêŋseŋ siŋ ŋalauŋ sêmoa.
1199	GEN 41:3	Gocgo bulimakao sec toôliŋ ŋasaŋ kaiŋ teŋ 7 sêpi aŋga bu Nil têdaguc êsêac mêŋsêkô sêwiŋ bulimakao ŋagêdô sêmoa bu Nil ŋatali.
1201	GEN 41:5	Ma eŋ kêliŋ tau siŋ kêtiam e gêc mê kêtu luagêcŋa gebe Mopolom teŋ ŋakaiŋ tageŋ gêjam ŋanô ŋajam to kesewec kapôêŋ 7.
1202	GEN 41:6	Su, go gêlic ŋanô sec to ŋapaôma 7 mêŋkêpi, taŋ mu aŋga oc kêpiŋa kêlêsaŋ naŋ.
1203	GEN 41:7	Go ŋanô sec kêdaŋgôŋ ŋanô ŋajam to kapôêŋ 7 tau su e Parao mata gêlac ma kêsaê gebe gêc mê.
1214	GEN 41:18	ma bulimakao ŋajam to têtôp ŋajam 7 sêpi aŋga bu Nil mêŋseŋ siŋ ŋalauŋ sêkô.
1215	GEN 41:19	Ma bulimakao 7 kêtiam sêpi têdaguc êsêac. Êsêac ôliŋ ŋasaŋ to sec ma ŋatêkwa ŋaôma. Aê galic gêŋ teŋ amboac tonaŋ sêmoa Aiguptunêŋ gamêŋ atomanô.
1216	GEN 41:20	Ma bulimakao ôliŋ ŋasaŋ to sec gacgeŋ têdaŋgôŋ bulimakao ŋamataŋa 7, taŋ têtôp ŋajam naŋ su.
1218	GEN 41:22	Ma aê gaêc ma teŋ kêtiam naŋ galic mopolom ŋakaiŋ tageŋ gêjam ŋanô 7. Ŋanô tau ŋajam to kapôêŋ.
1219	GEN 41:23	Ma galic ŋanô 7 gêuc mêŋkêpi kêdaguc. Gêŋ tau kêmêliŋ ma ŋapaôma to mu aŋga oc kêpiŋa kêlêsaŋ.
1220	GEN 41:24	Ma ŋanô ŋapaôma kêdaŋgôŋ ŋanô ŋajam 7. Aê gajac miŋ biŋ tonaŋ gêdêŋ lau-seoc-biŋ-lasêwaga, mago êsêacnêŋ ŋac teŋ kêtôm gebe awa ma tau ŋam sa atom.”
1222	GEN 41:26	Bulimakao ŋajam 7 to polom ŋanô ŋajam 7 têtôm jala 7. Ma lulu tau ŋam tageŋ.
1223	GEN 41:27	Ma bulimakao ŋatêkwa ŋaôma to sec 7, taŋ mêŋsêpi têdaguc êsêac naŋ, têtôm jala 7. Ŋanô 7 ŋapaôma to mu aŋga oc kêpiŋa kêlêsaŋ atôm jala 7 totôbôm amboac tonaŋ.
1225	GEN 41:29	alic acgom, galoc jala 7 tomoasu ênêc Aiguptu ŋagamêŋ samucgeŋ.
1226	GEN 41:30	Mago tonaŋ su, go jala totôbôm 7 mêŋêsa ma êsêac saliŋ têm moasuŋa siŋ samucgeŋ aŋga Aiguptu. Tôbôm enseŋ gamêŋ su.
1230	GEN 41:34	Aôm ôkêŋ gejobwaga êtôm gamêŋ samobgeŋ. Êndêŋ jala tomoasu 7 tonaŋ lau embe têtap polom talu lemeŋ teŋ-lemeŋ teŋ sa, go sêkôc talu tageŋ-tageŋ su aŋga êsêacnêŋ atôm gamêŋ Aiguptuŋa samob.
1232	GEN 41:36	Gêŋ masê tonaŋ ênêc e êlôm lau gamêŋ tonaŋŋa êndêŋ jala totôbôm 7, taŋ mêŋêsa aŋga Aiguptu naŋ, gebe tôbôm enseŋ gamêŋ tau popoc atom.”
1243	GEN 41:47	Gêdêŋ jala tomoasu 7 naŋ kôm gêjam ŋanô taêsam.
1244	GEN 41:48	Ma eŋ kejoŋ jala tomoasu 7 ŋapolom samob sa aŋga gamêŋ Aiguptuŋa to gêjac gêŋ tau sa kêkô kêtôm malacsêgageŋ. Eŋ gêjac kôm, taŋ kêgi malac auc kêtômgeŋ naŋ, ŋaŋanô sa kêkô malac gêdêŋ-gêdêŋgeŋ.
1249	GEN 41:53	Jala tomoasu 7, taŋ gêc gamêŋ Aiguptuŋa naŋ, mêŋgêjac pep
1250	GEN 41:54	ma jala totôbôm 7 mêŋkêsa kêtôm Josep kêsôm naŋ. Ma tôbôm gêjam gamêŋ ŋagêdô samob auc, aŋga gamêŋ Aiguptuŋa tageŋ, tec têtap nêŋ polom sa.
1412	GEN 46:25	(Bilha, taŋ Laban kêkêŋ gêdêŋ latuo Rahel naŋ, latui tonaŋ, taŋ Jakob kêka lasê, lau 7 sêpi tageŋ.)
1414	GEN 46:27	Ma Josep latui taŋ kêka lasê aŋga Aiguptu naŋ, luagêc, tec lau samob aŋga Jakobnê gôlôac, taŋ sêô lasê Aiguptu naŋ, sêpi tageŋ 70.
1449	GEN 47:28	Ma Jakob gêŋgôŋ gamêŋ Aiguptu jala 17 e ênê jala kêtu 147.
1510	GEN 50:3	Ac sêjam bêc 40, gebe kôm taniŋ oso ŋawêlêlaŋŋa kêtôm ŋasawa amboac tonaŋ. Ma lau Aiguptu têtaŋ taŋiboa kêtôm bêc 70 kêtu eŋŋa.
1517	GEN 50:10	Gêdêŋ taŋ sêô lasê polom ŋamala Atadŋa, taŋ gêc bu Jordan ŋamakeŋ ônêŋa naŋ, êsêac sêpuc taŋiboa sa ma têtaŋ ŋanô tonêŋ ŋalêlôm ŋawapacgeŋ. Josep kêmasaŋ biŋ gebe lau têtaŋ taŋiboa êtôm bêc 7 êtu tamaŋa.
1538	EXO 1:5	(Jakobnê gôlôac samob sêpi tageŋ lau 70.) Josep tau gêmoa Aiguptu kwanaŋgeŋ.
1571	EXO 2:16	Ma dabuŋwaga Midianŋa nê latuio 7 sêmoa. Êsêac sêsa jasêkati bu jasêsêwa kêsêp suc, gebe tameŋinê domba sênôm.
1711	EXO 7:25	Apômtau gi bu Nil ma gêŋwapac tau gêc bêc 7.
1832	EXO 12:15	Amac aniŋ polom ŋaluc êtôm bêc 7. Êndêŋ bêc ŋamataŋa amac akôc jist su aŋga nêm andu, gebe ŋac teŋ embe êniŋ polom tojist êndêŋ bêc ŋamataŋa to bêc êtu 7ŋa ŋasawa, naŋ têtiŋ eŋ su aŋga Israelnêŋ.
1833	EXO 12:16	Êndêŋ bêc ŋamataŋa gôlôac dabuŋ sêkac sa. Ma êndêŋ bêc êtu 7ŋa gôlôac dabuŋ sêkac sa êtiam. Êndêŋ bêc tonaŋ lau teŋ sênam kôm atom, kôm amansaŋ gêŋ aniŋŋaŋa tageŋ, tec êtôm gebe anam.
1836	EXO 12:19	Êndêŋ bêc 7 tonaŋ jist ŋagec ênêc amacnêm andu atom. Ŋac jaba teŋ me Israel tauŋ nêŋ ŋac teŋ embe êniŋ polom tojist, naŋ têtiŋ eŋ su aŋga Israelnêŋ gôlôac.
1948	EXO 15:27	Go êsêac jasêô lasê Elim. Bumata 12 kêpoac gamêŋ tonaŋ ma nip 70 kêkô. Ma êsêac sê nêŋ bec sêmoa bu ŋagala.
1974	EXO 16:26	Ajoŋ gêŋ tau sa êtôm bêc 6, mago êndêŋ bêc êtu 7ŋa, taŋ êtu sabat naŋ, oc atap gêŋ teŋ sa atom.”
1975	EXO 16:27	Gêdêŋ bêc kêtu 7ŋa lau ŋagêdô sêsa sêja sebe sejoŋ gêŋ tau, mago têtap gêŋ teŋ sa atom.
1977	EXO 16:29	Ôlic acgom, aê Apômtau kakêŋ sabat gêdêŋ amac. Kêtu tonaŋŋa kakêŋ polom kêtôm bêc luagêc gêdêŋ bêc kêtu 6ŋa. Êndêŋ bêc êtu 7ŋa amacnêm lau samob sêŋgôŋ nêŋ maleŋgeŋ. Ŋac teŋ êwi nê mala siŋ atom.”
1978	EXO 16:30	Amboac tonaŋ lau sêlêwaŋ tauŋ gêdêŋ bêc kêtu 7ŋa.
2062	EXO 20:10	Mago bêc êtu 7ŋa êtu Apômtau, aômnêm Anôtô, nê sabat. Êndêŋ bêc tonaŋ aôm ônam kôm teŋ atomanô. Aôm to nêm latômio to ŋac ma nêm sakiŋwagao to ŋac ma nêm bulimakao to lau jaba, taŋ sêŋgôŋ sêwiŋ aôm naŋ, anam kôm teŋ atom amboac tonaŋgeŋ.
2063	EXO 20:11	Gebe gêdêŋ bêc 6 Apômtau kêkêŋ undambê to nom ma gwêc to ŋagêŋ samob, taŋ sêmoa mateŋ jali naŋ. Ma gêdêŋ bêc kêtu 7ŋa naŋ, eŋ kêlêwaŋ tau. Kêtu tonaŋŋa Apômtau gêjam mec sabat tau ma gêjam dabuŋ.
2179	EXO 24:1	Ma Apômtau kêsôm gêdêŋ Mose gebe “Amagêc Aron ma Nadab agêc Abihu ma Israelnêŋ laumata 70 api andêŋ aê amêŋ ma ateŋ mec akô jaêcgeŋ.
2187	EXO 24:9	Go Mose agêc Aron ma Nadab agêc Abihu to Israelnêŋ laumata 70 sêpi lôc sêja,
2194	EXO 24:16	Apômtaunê ŋawasi kêsêp lôc gêmêŋ, ma tao kêkôm lôc tau auc kêtôm bêc 6. Gêdêŋ bêc kêtu 7ŋa Apômtau awa gêjac Mose kêsa aŋga tao ŋalêlôm.
2515	EXO 34:18	“Ôlic Om Polom Ŋalucŋa ŋapep. Êndêŋ bêc 7 aôm ôniŋ polom ŋaluc êtôm kajatu aôm naŋ. Ôniŋ êndêŋ ŋanoc. taŋ kakêŋ gêdêŋ aôm naŋ, êndêŋ ajôŋ Abib, gebe gêdêŋ ajôŋ Abib tau tonaŋ aôm gôwi Aiguptu siŋ.
2518	EXO 34:21	“Ônam kôm êndêŋ bêc 6, mago êndêŋ bêc êtu 7ŋa ôlêwaŋ taôm. Ôlêwaŋ taôm êndêŋ bêc tonaŋ êndêŋ têm ôkac nom ôkwiŋa ma êndêŋ têm ojoŋ kômŋanô saŋa amboac tonaŋgeŋ.
3216	LEV 16:14	Ma eŋ êkôc bulimakao kapoac ŋadec ŋagêdô ma êpalip êpi lêpôŋ ŋagadê to katapa poacŋa nêmŋa ŋa nê lêma latu êtu dim 7.
3221	LEV 16:19	Ma êpalip dec ŋagêdô êpi altar tau êtu dim 7 ŋa nê lêma latu gebe êŋgôm gêŋ tau êtu selec to dabuŋ ma enseŋ lau Israel nêŋ ŋatêmui su.
3231	LEV 16:29	“Ma tonec êtu ŋagôliŋ ênêc endeŋ tôŋgeŋŋa teŋ êndêŋ amac gebe êndêŋ ajôŋ êtu 7 ŋabêc 10 amac taôm to lau jaba, taŋ sêmoa sêwiŋ amac naŋ, anam dabuŋ taôm ma anam kôm teŋ atom.
3406	LEV 23:3	Anam nêm kôm êtôm bêc 6, mago êndêŋ bêc êtu 7 êtu bêc lêwaŋŋa ŋanô akac saŋa dabuŋ teŋ. Anam kôm teŋ atom. Bêc tonaŋ êtu Apômtau tau nê om aŋga nêm gamêŋ samob.
3409	LEV 23:6	Ma êndêŋ ajôŋ tonaŋgeŋ ŋabêc 15 alic Apômtaunê om Polom Ŋalucŋa. Êndêŋ bêc 7 aniŋ polom ŋaluc.
3411	LEV 23:8	Mago akêŋ daja êndêŋ Apômtau êtôm bêc 7 tonaŋ ma êndêŋ bêc êtu 7 oc alic om dabuŋ teŋ êtiam ma anam kôm atom.”
3418	LEV 23:15	“Sabat, taŋ amac akêŋ da onaŋ su naŋ, ŋaeleŋ go asa woke sa e êtôm woke samuc 7.
3419	LEV 23:16	Asa bêc 50 sa e êtap bêc, taŋ êndaŋguc Sabat êtu 7 naŋ sa, go akêŋ da polom wakucŋa teŋ êndêŋ Apômtau.
3421	LEV 23:18	“Ma akêŋ domba ŋalatu ŋajam 7 ŋajala tageŋ ma bulimakao kapoac wakuc teŋ ma domba kapoac luagêc êwiŋ polom tonaŋ êtu daja êndêŋ Apômtau. Êwiŋ da gêŋ kômŋa to da gêŋ têkwiŋa oc êtu daja, taŋ ŋamalu ênac Apômtau mataanô ŋajam naŋ.
3427	LEV 23:24	“Ôsôm êndêŋ lau Israel gebe ajôŋ êtu 7 ŋabêc ŋamataŋa êtu bêc lêwaŋŋa ŋanô teŋ êndêŋ amac. Akac sa ma alic om dabuŋ tau toôndugeŋ.
3430	LEV 23:27	“Ajôŋ êtu 7 tonaŋ ŋabêc 10 êtu bêc Omsêga Wamaŋa. Êtu bêc dabuŋ, taŋ amac akac taôm sa ma anam dabuŋ mo to akêŋ daja êndêŋ Apômtau naŋ.
3437	LEV 23:34	“Ôsôm êndêŋ lau Israel gebe Êndêŋ ajôŋ tonaŋgeŋ ŋabêc 15 êtu Apômtaunê om sêsam gebe Om Bec. Alic om tonaŋ êtôm bêc 7.
3439	LEV 23:36	Êndêŋ bêc 7 tonaŋ akêŋ daja êndêŋ Apômtau. Ma êndêŋ bêc êtu 8 amac akac taôm sa gebe alic om dabuŋ teŋ êtiam ma akêŋ daja teŋ êndêŋ Apômtau. Bêc tonaŋ êtu bêc dabuŋ akac saŋa, tec anam kôm teŋ atom.
3442	LEV 23:39	“Êndêŋ ajôŋ 7 ŋabêc 15 embe anac nêm kôm ŋanô samob sa êmbacnê naŋ, alic Apômtaunê om êtôm bêc 7. Bêc ŋamataŋa êtu bêc lêwaŋŋa ŋanô teŋ ma bêc êtu 8 amboac tonaŋgeŋ.
3443	LEV 23:40	Êndêŋ bêc ŋamataŋa amac ajoŋ ka ŋanô ŋajam-ŋajam to tômtôm ŋalauŋ ma lêsô ma atu samuc amoa Apômtau, amacnêm Anôtô, laŋônêm êtôm bêc 7.
3444	LEV 23:41	Alic Apômtaunê om êtôm bêc 7 êtôm jalageŋ. Tonaŋ êtu ŋagôliŋ ênêc endeŋ tôŋgeŋŋa teŋ êndêŋ nêm wakuc samob. Alic om tau êndêŋ ajôŋ êtu 7ŋa.
3445	LEV 23:42	Aŋgôŋ bec êtôm bêc 7 tonaŋ. Lau Israel ŋanô samob sêŋgôŋ becgeŋ.
4041	NUM 11:16	Ma Apômtau kêsôm gêdêŋ Mose gebe “Ôjaliŋ ŋoc lau 70 sa aŋga lau Israel nêŋ laumata, taŋ kôjala êsêac têtu launêŋ laumata to gejobwaga. Ôwê êsêac sêna lômbec ma ôndênaŋ êsêac sêkô tônê sêwiŋ aôm.
4049	NUM 11:24	Go Mose kêsa gêja ma kêsôm Apômtaunê biŋ gêdêŋ lau, ma kêjaliŋ lau 70 sa aŋga lau Israel nêŋ laumata ma kêdênaŋ êsêac sêkô sêgi lômbec auc.
4050	NUM 11:25	Su, go Apômtau kêsêp gêmêŋ totaogeŋ mêŋkêsôm biŋ gêdêŋ Mose ma kêkôc ŋalau, taŋ kêpi Mose naŋ, ŋagêdô su, ma kêkêŋ gelom laumata 70. Ŋalau gelom êsêac e sep tageŋ seoc biŋ lasê ŋapaŋ.