9	GEN 1:9	Go Anôtô kêsôm gebe “Bu, taŋ kêpoac umboŋ ŋalabu naŋ, êlêc sa naêpoac tauŋa e gamêŋ ŋakeleŋ êsa.” Ma ŋanô kêsa.
20	GEN 1:20	Go Anôtô kêsôm gebe “Bu to gwêc sêkôc gêŋ mateŋ jaliŋa palac-palacgeŋ to moc sêlôp sêmoa nom to umboŋ ŋasawa,” e ŋanô kêsa.
41	GEN 2:10	Bu teŋ ŋamôkê gêc Eden gebe êmalôm kôm tau. Aŋga kôm ŋalêlôm bu tonaŋ gêwa tau kêkôc gêja ŋasêli aclê.
42	GEN 2:11	Ŋasêli ŋamata ŋaê gebe Pison. Bu tonaŋ kêgi gamêŋ Hawila, taŋ gold gêc naŋ,
44	GEN 2:13	Bu ŋasêli kêtu luagêcŋa ŋaê gebe Gihon. Bu tonaŋ kêgi gamêŋ Kus.
45	GEN 2:14	Bu ŋasêli kêtu têlêcŋa ŋaê gebe Hidekel, naŋ kêpoac Asuria ŋagamêŋ oc kêpiŋa. Ma bu ŋasêli kêtu aclêŋa ŋaê gebe Euprat.
87	GEN 4:7	Biŋ tau amboac tonec me masi gebe Aôm embe ôŋgôm êndêŋ, go ôsa laŋômanô sa. Embe ôŋgôm eso, go sec êndib aôm ênêc katamdêmôê. Sec mata katu aôm, mago aôm ôku sec tulumaŋ.”
103	GEN 4:23	Ma Lamek kêsôm gêdêŋ nê awê luagêc gebe “Ada agêc Sila, aŋô aê aoc. Lameknê awêlagêc, akêŋ taŋem ŋoc biŋ. Biŋŋanô, aê gajac ŋac teŋ êndu gêjô ŋoc kamoc ma ŋapalê teŋ gêjô ŋoc sêmmala.
168	GEN 7:8	Bôc selec to bôc selec atom ma moc to gêŋ, taŋ sêgalabgeŋ naŋ, aŋga nom samob,
170	GEN 7:10	Bêc 7 gêjaŋa, go bu kêsuŋ ŋatêna kêtap nom sa.
177	GEN 7:17	Bu kêsuŋ ŋatêna kêpoac nom gê tôŋgeŋ kêtôm bêc 40 ma bu kêsuŋ kapôêŋ ma kêsuŋ waŋ sa kêpigeŋ jakêpoac.
179	GEN 7:19	Bu kêsuŋ ŋatêna e gênôm lôc baliŋ, taŋ kêkô umboŋ ŋalabu naŋ auc samucgeŋ.
180	GEN 7:20	Bu taŋ gênôm lôc ŋatêpôê auc naŋ e amboac saka samuc têlêac.
184	GEN 7:24	Ma bu kêsuŋ ŋatêna kêpoac nom kêtôm bêc 150. luagêc. Toŋ teŋ tec sêsam gebe Bôc selec, ma teŋ sesam gebe Bôc ŋatêmui. Bôc selec nêŋ ŋagêdô gebe domba to bulimakao. Bôc tonaŋ êsêac sêkêŋ têtu da, ma bôc selec tonaŋgeŋ êsêac seŋ kêtu nêŋ gwada. Bôc ŋatêmui amboac bôc susu êsêac sên atom ma sêkêŋ têtu da atom.
187	GEN 8:3	ma bu kêtaiŋ su aŋga nom. Bu kêpoac bêc 150, go kêtaiŋ su
189	GEN 8:5	Bu kêtaiŋ-kêtaiŋ e gêdêŋ ajôŋ kêtu 10ŋa. Gêdêŋ ajôŋ tonaŋ ŋabêc ŋamataŋa lôc ŋagêdô ŋatêpôê mêŋkêpi.
190	GEN 8:6	Bêc 40 gêjaŋa, go Noa gêlêc waŋ ŋakatam sauŋ, taŋ eŋ kêmasaŋ naŋ, su
210	GEN 9:4	Tageŋ aniŋ bôc ŋamêsôm tonê katugeŋ atom. Bôcnê katu tau gebe dec.
217	GEN 9:11	Aê gabe jamoatiŋ poac êndêŋ amac gebe Bu êsuŋ ŋatêna teŋ enseŋ gêŋ mateŋ jali su êtiam atomanô ma bu êsuŋ ŋatêna teŋ enseŋ nom su êtiam atom amboac tonaŋ.”
234	GEN 9:28	Bu kêsuŋ ŋatêna kêpa ma Noa gêmoa nom jala 350 gêwiŋ.
245	GEN 10:10	Eŋ gêjac m nê gôliŋ kiŋŋa aŋga Babel to Erek ma Akad, taŋ gêc gamêŋ Sinar.
267	GEN 10:32	Noanê wakuc nêŋ gôlôac têtôm nêŋ ŋam to gôlôacmôkê êsêac. Bu kêsuŋ ŋatêna kêpa, tec êsêac têtu lau nomŋa samob nêŋ ŋamôkê.
276	GEN 11:9	Kêtu tonaŋŋa sê malac tau ŋaê gebe Babel, ŋam gebe Apômtau kêgaluŋ lau nomŋa samob aweŋ aŋga ônê ma kêta êsêac saliŋ-saliŋ e sêjam nom samucgeŋ auc.
277	GEN 11:10	Semnê wakuc tau tonec. Bu kêsuŋ ŋatêna kêpa ma jala luagêc gêbacnê, go Semnê jala kêtu 100, ma kêka Arpaksad lasê.
307	GEN 12:8	Go eŋ gêdi kêpi lôc aŋga Betel ŋagamêŋ oc kêpiŋa ma gê becobo kêkô Betel, taŋ gêc gamêŋ oc kêsêpŋa ma Ai, taŋ gêc gamêŋ oc kêpi ŋa naŋ ŋasawa. Ma aŋga tônê eŋ gêboa Apômtaunê altar teŋ sa ma awa gêjac Apômtaunê ŋaê.
322	GEN 13:3	Ma eŋ kêsêlêŋ-kêsêlêŋ gêmoa Negeb e gêô lasê Betel e gêdêŋ gamêŋ, taŋ gêmuŋgeŋ gê becobo kêsêp, gêc Betel ma Ai ŋasawa naŋ,
327	GEN 13:8	Go Abram kêsôm gêdêŋ Lot gebe “Biŋ aweŋsuŋ êôc ka tauŋa ênêc aêagêc ŋasawa to agêcnêŋ gejobwaga ŋasawa atom gebe aêagêc ŋam tageŋ.
339	GEN 14:2	êsêac sêjac siŋ gêdêŋ Bera, taŋ kêtu kiŋ Sodomŋa ma Birsa, taŋ kêtu kiŋ Gomoraŋa ma Sinab, taŋ kêtu kiŋ Admaŋa ma Semeber, taŋ kêtu kiŋ Seboimŋa ma gêdêŋ kiŋ Belaŋa (ŋaê teŋ gebe Soar).
345	GEN 14:8	Go kiŋ Sodomŋa to kiŋ Gomoraŋa ma kiŋ Admaŋa to kiŋ Seboimŋa ma kiŋ Belaŋa (ŋaê teŋ gebe Soar) sêja ma sêdênaŋ tauŋ aŋga gaboaŋ Sidimŋa gebe sênac siŋ.
396	GEN 16:14	Kêtu tonaŋŋa lau sêsam bumata tonaŋ gebe Ber-Lahai-Roi. Bumata tau kêpoac Kades to Bered ŋasawa.
408	GEN 17:10	Aêŋoc poac tau tonec gebe sêsa ŋapalê ŋac samob. Biŋ tonaŋ kamoatiŋ gêdêŋ aôm to nêm wakuc, taŋ sêndaŋguc aôm naŋ, gebe ajopŋa.
487	GEN 19:29	Gêdêŋ taŋ Anôtô geseŋ malac gaboaŋŋa su naŋ, eŋ taê gêjam Abraham ma gêwê Lot gêc gamêŋ, taŋ gêjaŋa naŋ su. Biŋ tau kêsa gêdêŋ Anôtô geseŋ malac, taŋ Lot gêŋgôŋ naŋ su.
496	GEN 19:38	Ma awê sauŋ kêkôc ŋapalê ŋac amboac tonaŋgeŋ ma gê ênê ŋaê gebe Ben-Ami. Eŋ kêtu lau gamêŋ Amonŋa têm galocŋa nêŋ abeŋi.
528	GEN 21:14	Tec Abraham gêdi gêdêŋ bêbêc kanucgeŋ ma kêkôc polom to bu kêsêp bôc ŋaôlic ma kêkêŋ gêdêŋ Hagar gêôc gêwiŋ ŋapalê ma kêsakiŋ eŋ gêja. Ma eŋ jakêlêsa gêmoa gamêŋ sawa aŋga Ber-Seba.
545	GEN 21:31	Kêtu tonaŋŋa sêsam gamêŋ tonaŋ gebe Ber-Seba gebe êsêagêc lulu têtôc lemeŋ.
546	GEN 21:32	Êsêagêc sêmoatiŋ poac aŋga Ber-Seba su, go Abimelek agêc Pikol, ênê siŋwaganêŋ ŋac ŋamataŋa, dêdi ma sêmu sêja Pilistinêŋ gamêŋ kêtiam.
547	GEN 21:33	Mago Abraham kêsê ka gamêŋ sawaŋa teŋ ŋaê gebe tamarisk aŋga Ber-Seba ma awa gêjac Apômtau Anôtô teŋgeŋ nê ŋaê.
567	GEN 22:19	Amboac tonaŋ Abraham gêmu gêdêŋ nê sakiŋwagaagêc gêja ma ac dêdi sêwiŋ tauŋ sêja Ber-Seba. Ma Abraham gêŋgôŋ Ber-Seba kêtu têlê.
569	GEN 22:21	Ŋacsêga Us agêc lasi Bus ma Kemuel, taŋ kêtu Aram tama
570	GEN 22:22	ma Kesed, Haso, Pildas, Jidlap to Betuel
571	GEN 22:23	Betuel kêtu Rebeka tama. Lau 8 tonaŋ Milka kêkôc gêdêŋ Abraham lasi Nahor.
606	GEN 24:14	Ŋapalêo, taŋ jasôm biŋ êndêŋ eŋ gebe ‘Ôlêwaŋ ku gebe mêŋjanôm bu’ naŋ, embe êsôm gebe ‘Wacônôm ma jakêŋ bu êndêŋ nêm kamele sênôm amboac tonaŋgeŋ,’ naŋ jajala gebe tecenec aôm kôjaliŋ sa kêtu nêm ŋacsakiŋ Isakŋa. Biŋ tonaŋ êtu ŋabelo êndêŋ aê e jajala gebe kôwaka têmtac gêwiŋ ŋoc ŋatauŋa sa.”
607	GEN 24:15	Eŋ kêsôm biŋ gêmoa, tec Rebeka kêsa gêôc nê ku buŋa. Eŋ Betuel, taŋ Abraham lasi Nahor nê awê Milka kêkôc naŋ, latuo eŋ.
616	GEN 24:24	Eŋ gêjô eŋ awa gebe “Milka agêc Nahor latuŋi Betuel latuo aê.”
639	GEN 24:47	Go aê katu kênac eŋ gebe’ Aôm asanê latuo.’ Eŋ kêsôm gebe ‘Nahor latu Betuel, taŋ Milka kêkôc eŋ naŋ, latuo aê.’ Tec aê kakêŋ gêlôŋ geŋ kaleŋ eŋ lususuŋ ma kakêŋ joc eŋ kêka.
642	GEN 24:50	Go Laban agêc Betuel sêjô eŋ awa gebe “Biŋ tonaŋ gêmêŋ aŋga Apômtaunê. Aêac atôm gebe asôm biŋ ŋajam me sec teŋ êndêŋ aôm atom.
654	GEN 24:62	Ma Isak gêja gamêŋ, taŋ bumata Ber-Lahai-Roi kêpoac naŋ, jagêŋgôŋ gamêŋ Negeb.
665	GEN 25:6	Mago Abraham kêkêŋ awamata gêdêŋ nê lauo ŋagêdô nêŋ gôlôac ma kêsakiŋ êsêac sêja gamêŋ oc kêpiŋa sêmoa jaêc latu Isak. Biŋ tonaŋ eŋ gêgôm gêdêŋ gêmoa mata jaligeŋ.
670	GEN 25:11	Abraham gêmac êndu ma Anôtô gêjam mec latu Isak. Isak tec gêmoa bumata Ber-Lahai-Roi ŋagala.
679	GEN 25:20	Isaknê jala kêtu 40, go gêjam Rebeka kêtu ênê awê. Rebeka eŋ ŋac Aram ŋa aŋga Mesopotamia Betuel latuo, ŋac Aramŋa Laban nê luo.
708	GEN 26:15	Bumata samob, taŋ tamanê sakiŋwaga sêkwê gêdêŋ tama Abraham nê têm naŋ, Pilisti sêsuŋ auc ma sêkêŋ nom kêsêp.
713	GEN 26:20	gejobwaga bôcŋa aŋga Gerar sêsôm Isaknê gejobwaga bôcŋa gebe “Bu tonec aêacma.” Tec eŋ kêsam bumata tau gebe “Esek,” gebe êsêac sêsôm eŋ.
716	GEN 26:23	Aŋga ônê Isak jakêpi Ber-Seba.
726	GEN 26:33	Eŋ kêsam bumata tau gebe “Siba,” ŋam gebe Tatôc lemeŋ. Kêtu tonaŋŋa malac ŋaê gebe Ber-Seba e mêŋgêdêŋ galoc.
727	GEN 26:34	Esaunê jala kêtu 40 ma eŋ gêjam ŋac gamêŋ Hetŋa Beri nê latuo Judit to ŋac Hetŋa Elon nê latuo Basemat têtu ênê awê agêc.
761	GEN 27:33	Go Isak kêtakê ŋanôgeŋ ma kêsôm gebe “Amboac ondoc, aôm gômôêŋ atomgeŋ ma asa kêtap gwada sa to kêkêŋ gêdêŋ aê gaeŋ ma gajam mec eŋ su. Biŋŋanô, mec kêpi eŋ sugac, oc êwê kaiŋ.”
769	GEN 27:41	Galoc Esau têtac gedec Jakob kêtu mec, taŋ kêtap sa aŋga tamanê naŋŋa. Ma Esau kêsôm gêdêŋ tau gebe “Bêc tataŋ taŋiboa êtu tamocŋa kêdabiŋ. Su, go janac lasic Jakob êndu.”
776	GEN 28:2	Ôndi ôêc ôna Mesopotamia ôndêŋ tênam tama Betuel nê andu ma ônam awê teŋ aŋga tênamnê luŋac Laban nê latuionêŋ.
779	GEN 28:5	Amboac tonaŋ Isak kêsakiŋ Jakob gêja Mesopotamia gêdêŋ ŋac Aramŋa Betuel latu Laban, Esau agêc Jakob teneŋi Rebeka nê luŋac.
784	GEN 28:10	Jakob gêdi aŋga Ber-Seba kêsêlêŋ kepeŋ Haran gêja
790	GEN 28:16	Jakob gêc bêc e mata gêlac ma kêsôm gebe “Biŋŋanôgeŋ, Apômtau gêmoa gamêŋ tonecgoc ma aê gajam kauc.”
793	GEN 28:19	Eŋ kêsam gamêŋ tau ŋaê gebe Betel. Gêmuŋgeŋ sêsam malac tonaŋ ŋaê gebe Lus.
810	GEN 29:14	ma Laban kêsôm gêdêŋ eŋ gebe “Biŋŋanô, aêŋoc ŋatê ŋagêdô aôm.” Ma Jakob gêmoa gêwiŋ eŋ ajôŋ teŋ.
825	GEN 29:29	(Laban kêkêŋ nê sakiŋwagao Bilha gêdêŋ latuo Rahel gebe ênam sakiŋ eŋ.)
834	GEN 30:3	Go eŋ kêsôm gebe “Ŋoc sakiŋwagao Bilha tonec. Ômoa ôwiŋ eŋ gebe êkôc ŋapalê êŋgôŋ aê labucm gebe jatap latuc teŋ sa aŋga ênê.”
835	GEN 30:4	Tec kêkêŋ nê sakiŋwagao Bilha gêdêŋ Jakob kêtu ênê awê ma Jakob gêmoa gêwiŋ eŋ.
836	GEN 30:5	Ma Bilha taê e kêkôc ŋapalê ŋac gêjô Jakob.
838	GEN 30:7	Ma Rahelnê sakiŋwagao Bilha taê kêtiam ma kêkôc latu kêtu luagêcŋa gêjô Jakob.
844	GEN 30:13	Ma Lea kêsôm gebe “Aê gamoa totêtac wapigeŋ. Biŋŋanô, lauo sêlambiŋ aê.” Tec gê ênê ŋaê gebe Aser.
870	GEN 30:39	Bôc sêgêli tauŋ sêmoa sêkanôŋ gamêŋ, taŋ kalatu sêkô naŋ, tec sêsu ŋalatu ôliŋ talô-talô to komokom ma tictêla-tictêla.
882	GEN 31:8	Gêdêŋ taŋ eŋ kêsôm gebe ‘Bôc toôliŋ komokom têtu nêm ŋaôli’ naŋ, bôc samob sêsu ŋalatu toôliŋ komokom. Ma gêdêŋ taŋ eŋ kêsôm gebe ‘Bôc toôliŋ tictêla-tictêla têtu nêm ŋaôli’ naŋ, bôc samob sêsu ŋalatu toôliŋ tictêla-tictêlageŋ.
887	GEN 31:13	Aê Anôtô, tec gaoc tauc lasê gêdêŋ aôm aŋga Betel naŋ, gêdêŋ taŋ aôm goeŋ oso poc ma gôjac mata biŋ gêdêŋ aê naŋ. Galoc ôndi ôwi gamêŋ tonec siŋ ma ômu ôna gamêŋ, taŋ tênam kêkôc aômŋa naŋ.’”
896	GEN 31:22	Bêc têlêac gêjaŋa, go sêsôm gêdêŋ Laban gebe Jakob gêc gêja.
945	GEN 32:17	Bôc totoŋ-totoŋ tonaŋ eŋ kakêŋ sêsêp sakiŋwaga lemeŋ gêdêŋ-gêdêŋgeŋ ma kêsôm gêdêŋ nê sakiŋwaga gebe “Amac amuŋ aê ma akêŋ ŋasawa êsi tau êniŋ toŋ êndêŋ-êndêŋ-geŋŋa êŋgic êtômgeŋ.”
982	GEN 34:1	Bêc teŋ Lea latuo Dina, taŋ Jakob kêka lasê naŋ, kêsêlêŋ gebe êlic lauo gamêŋ tonaŋŋa.
995	GEN 34:14	Êsêac sêsôm gêdêŋ êsêagêc gebe “Aêac atôm atom gebe akêŋ luŋio êndêŋ ŋac samuc teŋ, taŋ sêsa eŋ atom naŋ. Biŋ amboac tonaŋ êŋgôm aêac majeŋ.
1013	GEN 35:1	Anôtô kêsôm gêdêŋ Jakob gebe “Ajôc, ôndi ôpi Betel ôna naôŋgôŋ ônê ma ômboa altar teŋ sa êndêŋ Anôtô, taŋ geoc tau lasê gêdêŋ aôm gêdêŋ taŋ gôêc têwam Esau su naŋ.”
1015	GEN 35:3	Su, go aêac dandi tapi Betel tana. Ma aê jamboa altar sa êndêŋ Anôtô, taŋ kêkêŋ taŋa aê gêdêŋ bêc, taŋ gamoa toŋoc ŋalêlôm ŋatutucgeŋ ma mêŋgêwiŋ aê aŋga intêna samob, taŋ aê kasa naŋ.”
1018	GEN 35:6	Ma Jakob to nê lau samob sêô lasê Lus (Betel tau tonaŋ), taŋ gêc gamêŋ Kanaanŋa.
1019	GEN 35:7	Ma aŋga tônê eŋ gêboa altar teŋ sa ma kêsam gamêŋ tau gebe “El-Betel,” gebe Anôtô geoc tau lasê gêdêŋ eŋ aŋga tônê gêdêŋ taŋ eŋ gêc têwa su naŋ.
1020	GEN 35:8	Ma Rebekanê jaomwagao Debora gêmac êndu ma sêsuŋ eŋ gêc kamem, taŋ kêkô Betel ŋalabu naŋ, ŋaajuŋ. Ma êsêac sêsam ka tau gebe “Kamem Taŋiboa.”
1027	GEN 35:15	Ma Jakob kêsam gamêŋ Anôtô gêjam biŋgalôm gêwiŋ eŋŋa tau gebe Betel.
1028	GEN 35:16	Go êsêac dêdi aŋga Betel. Ac sêsêlêŋ têdabiŋ Eprat ma ŋapalê kêtuŋ Rahel secanô.
1030	GEN 35:18	Mago gêdêŋ taŋ kêdabiŋ gebe awa êtu dambê ma êmac êndu naŋ, eŋ gê ênê ŋaê gebe Benoni. Mago nê tama kêsam eŋ gebe Benjamin.
1031	GEN 35:19	Ma Rahel gêmac êndu. Ac sêsuŋ eŋ gêc intêna Epratŋa (ŋaê teŋ gebe Betlehem) ŋatali.
1034	GEN 35:22	Gêdêŋ taŋ Jakob gêŋgôŋ gamêŋ ônê naŋ, Ruben gêja gêmoa gêwiŋ tênanê anao Bilha. Ma Jakob gêŋô biŋ tau ŋawae. Jakob latui 12.
1036	GEN 35:24	Rahel latu gebe Josep agêc Benjamin.
1037	GEN 35:25	Rahelnê sakiŋwagao Bilha latui gebe Dan agêc Naptali.
1044	GEN 36:3	Ma Ismael latuo Basemat, Nebajot luo eŋ.
1045	GEN 36:4	Ma Ada kêkôc Esau latu Elipas ma-Basemat kêkôc Reuel.
1051	GEN 36:10	Esau latui nêŋ ŋaê tau tonec gebe Esaunê awê Ada latu Elipas, Esaunê awê Basemat latu Reuel.
1054	GEN 36:13	Reuel latui tau tonec gebe Nahat, Sera, Sama ma Misa. Esaunê awê Basemat latui tau tonaŋ.
1058	GEN 36:17	Esau latu Reuel latui tonec gebe kasêga Nahat, Sera, Sama ma Misa. Reuelnê kasêga êsêac, taŋ sêŋgôŋ gamêŋ Edom. Esaunê awê Basemat latui êsêac.