27	GEN 1:27	Ma Anôtô kêkêŋ ŋamalac kêtôm eŋ tau katu, kêkêŋ eŋ kêtôm Anôtô katu solop. Eŋ kêkêŋ êsêagêc ŋac to awê.
39	GEN 2:8	Go Apômtau Anôtô kêsê kôm aŋga Eden, taŋ gêc gêmu kêsa gamêŋ oc kêpiŋa naŋ, ma ketoc ŋamalac, taŋ kêlêsôb naŋ, gêmoa kôm tau.
41	GEN 2:10	Bu teŋ ŋamôkê gêc Eden gebe êmalôm kôm tau. Aŋga kôm ŋalêlôm bu tonaŋ gêwa tau kêkôc gêja ŋasêli aclê.
45	GEN 2:14	Bu ŋasêli kêtu têlêcŋa ŋaê gebe Hidekel, naŋ kêpoac Asuria ŋagamêŋ oc kêpiŋa. Ma bu ŋasêli kêtu aclêŋa ŋaê gebe Euprat.
46	GEN 2:15	Apômtau Anôtô kêkôc ŋamalac ma ketoc eŋ gêmoa kôm Eden gebe ênam kôm êpi nom ma ejop kôm tau.
48	GEN 2:17	Mago kaŋanô tajala ŋajam to secŋa ôniŋ atom. Embe ôniŋ kaŋanô tau, oc ômac êndu êndêŋ bêc tonaŋ.”
66	GEN 3:10	Eŋ kêsôm gebe “Aê gaŋô aôm gômoa kôm ŋakicsêa e katêc tauc gebe aê ôlic ŋaôma tec kasiŋ tauc.”
71	GEN 3:15	Ma aê gabe jakêŋ amagêc awê to nêm wakuc akêŋ kisa êndêŋ taôm. Eŋ êka aôm môkêmapac popoc ma aôm ôŋac eŋ êsêp agêbi.”
72	GEN 3:16	Eŋ kêsôm gêdêŋ awê gebe “Aê jakêŋ ŋandaŋ taêsam êndêŋ aôm êndêŋ noc ôkêkam ŋapalêŋa. Ôkôc ŋapalê toŋandaŋgeŋ. Aôm matam katu nêm akweŋ, mago eŋ êtu nêm ŋatau.”
76	GEN 3:20	Ma ŋamalac gê nê awênê ŋaê gebe Ewa gebe eŋ kêtu lau mateŋ jali samob teneŋi.
79	GEN 3:23	Kêtu tonaŋŋa Apômtau Anôtô kêtiŋ eŋ su aŋga kôm Eden gebe êkaliŋ nom, taŋ kêtu ênê ŋam naŋ.
80	GEN 3:24	Ma eŋ kêmasuc ŋamalac ma kêkêŋ kerub tosiŋ ŋaôsic-ôsic sêkô kôm Eden ŋagamêŋ oc kêpiŋa gebe sejop ka daŋgôŋ mateŋ jaliŋa ŋaintêna.
81	GEN 4:1	Adam gêmoa gêwiŋ nê awê Ewa e taê ma kêkôc Kain. Ma eŋ kêsôm gebe” Apômtau gêjam aê sa, tec kakôc latuc teŋ.”
87	GEN 4:7	Biŋ tau amboac tonec me masi gebe Aôm embe ôŋgôm êndêŋ, go ôsa laŋômanô sa. Embe ôŋgôm eso, go sec êndib aôm ênêc katamdêmôê. Sec mata katu aôm, mago aôm ôku sec tulumaŋ.”
89	GEN 4:9	Go Apômtau kêsôm gêdêŋ Kain gebe “Lasim Abel gêmoa ondoc.” Eŋ kêsôm gebe “Aê gajam kauc. Aê katu lasicnê gejobwaga me.”
96	GEN 4:16	Amboac tonaŋ Kain kêtaiŋ tau su aŋga Apômtau laŋônêmŋa gêmoa gamêŋ Nod, taŋ gêc Eden ŋagamêŋ oc kêpiŋa naŋ.
97	GEN 4:17	Kain gêmoa gêwiŋ nê awê e taê ma kêkôc Enok. Ma Kain kêkwê malac teŋ sa ma eŋ gê latu Enoknê ŋaê kêpi malac tau.
98	GEN 4:18	Enok latu Irad, Irad kêka Mehujael lasê, Mehujael kêka Metusael lasê ma Metusael kêka Lamek lasê.
100	GEN 4:20	Ada kêkôc Jabal. Eŋ kêtu lau, taŋ sêŋgôŋ becobo to sêmoa sêwiŋ nêŋ bôc naŋ, nêŋ mimi.
101	GEN 4:21	Lasi ŋaê gebe Jubal. Eŋ kêtu lau, taŋ sêjac gêŋ wêŋa to lau-sêju-gasucwaga nêŋ mimi.
102	GEN 4:22	Ma Sila kêkôc gôlôac amboac tonaŋ, ênê ŋaê gebe Tubal-Kain. Eŋ kêtu lau-sêpac-kiwaga, taŋ sêmasaŋ gêŋ ŋa ki kokoc to jejec naŋ, nêŋ mimi. Tubal-Kain luo Nama.
106	GEN 4:26	Ma Set kêka latu teŋ lasê ma gê eŋ gebe Enos. Gêdêŋ têm tonaŋ lau aweŋ gêjac Apômtau kêtu ŋamata.
108	GEN 5:2	Eŋ kêkêŋ êsêagêc ŋac to awê ma gêjam mec êsêagêc. Ma gêdêŋ eŋ kêkêŋ êsêagêc naŋ kêsam êsêagêc gebe “Ŋamalac.”
112	GEN 5:6	Gêdêŋ taŋ Setnê jala kêtu 105 naŋ, kêka latu Enos lasê.
113	GEN 5:7	Eŋ kêka Enos lasê su acgom, go gêmoa nom jala 807 gêwiŋ ma kêka latuio to ŋac ŋagêdô lasê.
115	GEN 5:9	Gêdêŋ taŋ Enosnê jala kêtu 90 naŋ, kêka Kenan lasê.
116	GEN 5:10	Eŋ kêka Kenan lasê su acgom, go gêmoa nom jala 815 gêwiŋ ma kêka latuio to ŋac ŋagêdô lasê.
117	GEN 5:11	Amboac tonaŋ Enosnê jala kêtu 905, go gêmac êndu.
119	GEN 5:13	Eŋ kêka Mahalalel lasê su acgom, go gêmoa nom jala 840 gêwiŋ ma kêka latuio to ŋac ŋagêdô lasê.
122	GEN 5:16	Eŋ kêka Jared lasê su acgom, go gêmoa nom jala 830 gêwiŋ ma kêka latuio to ŋac ŋagêdô lasê.
124	GEN 5:18	Gêdêŋ taŋ Jarednê jala kêtu 162 naŋ, kêka Enok lasê.
125	GEN 5:19	Jared kêka Enok lasê su acgom, go gêmoa nom jala 800 gêwiŋ ma kêka latuio to ŋac ŋagêdô lasê.
127	GEN 5:21	Gêdêŋ taŋ Enoknê jala kêtu 65 naŋ, kêka Metusala lasê.
128	GEN 5:22	Enok kêsa nê lêŋ to Anôtôgeŋ ma kêka Metusala lasê su acgom, go gêmoa nom jala 300 gêwiŋ ma kêka latuio to ŋac ŋagêdô lasê.
129	GEN 5:23	Amboac tonaŋ Enoknê jala kêtu 365.
130	GEN 5:24	Enok kêsa nê lêŋ to Anôtôgeŋ e laŋômê gebe Anôtô kêkôc eŋ su.
135	GEN 5:29	Eŋ gê ênê ŋaê gebe Noa ma kêsôm gebe “Ŋac tonec ênam aêac kêsi aŋga nêŋ koleŋ to gêŋwapac, taŋ kêtap aêac lemeŋ sa kêtu kôm, taŋ Apômtau kêpuc boa naŋŋa.”
147	GEN 6:9	Noanê miŋ tau tonec gebe Noa eŋ ŋac gêdêŋ, biŋ teŋ kêtap eŋ sa aŋga nê lau ŋalêlôm atom. Eŋ kêsa nê lêŋ toAnôtôgeŋ.
160	GEN 6:22	Ma Noa gêgôm gêŋ samob. Eŋ gêgôm kêtôm Anôtô kêjatu eŋ naŋ solopgeŋ. gebe “Ênam sa,” ma
196	GEN 8:12	Eŋ kêsaê bêc 7 kêtiam ma kêkêŋ balôsi gêlôb kêsa gêja, mago gêmu gêdêŋ eŋ gêmêŋ kêtiam atom.
226	GEN 9:20	Noa gêjam kôm kêpi nom kêtu ŋamata. Eŋ kêsê kôm wainŋa teŋ.
227	GEN 9:21	Eŋ gênôm wain e kêjaŋiŋ eŋ ma gêc nê becobo toôli ŋaôma.
232	GEN 9:26	Eŋ kêsôm teŋ gêwiŋ gebe “Apômtau, aêŋoc Anôtô, ênam mec Sem ma êŋgôm Kanaan êtu ênê gêŋôma.
239	GEN 10:4	Jawan latui tonec Elisa, Tarsis, Kitim ma Dodanim.
244	GEN 10:9	Eŋ kêtu ŋac lêma gwadaŋa towae gêmoa Apômtau laŋônêmŋa. Kêtu tonaŋŋa biŋdêm laŋgwa gêc gebe “Kêtôm Nimrod, taŋ kêtu ŋac lêma gwadaŋa towae gêmoa Apômtau laŋônêmŋa.”
245	GEN 10:10	Eŋ gêjac m nê gôliŋ kiŋŋa aŋga Babel to Erek ma Akad, taŋ gêc gamêŋ Sinar.
246	GEN 10:11	Eŋ gêwi gamêŋ tonaŋ siŋ ma gêja Asuria ma kêkwê malac Niniwe to Rehobot-Ir ma Kala
251	GEN 10:16	Eŋ kêtu lau gamêŋ Jebus, Amor, Girgas,
256	GEN 10:21	Japet têwa Sem, taŋ kêtu Ebernê gôlôac abeŋi naŋ, kêka gôlôac lasê amboac tonaŋgeŋ.
257	GEN 10:22	Sem latui tonec Elam, Asur, Arpaksad, Lud ma Aram.
259	GEN 10:24	Arpaksad kêka Sela lasê, ma Sela kêka Eber lasê.
260	GEN 10:25	Eber kêka latui luagêc lasê, ŋac teŋ nê ŋaê gebe Peleg, ŋam gebe gêdêŋ ênê têm lau nomŋa sêwa tauŋ kêkôc, agêc lasi Joktan.
281	GEN 11:14	Selanê jala kêtu 30 ma kêka Eber lasê.
282	GEN 11:15	Eber têna kêkôc eŋ su ma Sela gêmoa nom jala 403 gêwiŋ, go kêka latuio to ŋac ŋagêdô lasê.
283	GEN 11:16	Ebernê jala kêtu 34 ma kêka Peleg lasê.
284	GEN 11:17	Peleg têna kêkôc eŋ su ma Eber gêmoa nom jala 430 gêwiŋ, go kêka latuio to ŋac ŋagêdô lasê.
328	GEN 13:9	Gamêŋ samuc tonec gôlic atom me. Ôsu taôm su aŋga aê. Embe ôkôc gamêŋ gasêŋa, go aê jana anôŋaŋa. Embe ôkôc gamêŋ anôŋa, go aê jana gasêŋaŋa.”
338	GEN 14:1	Gêdêŋ taŋ Amrapel kêtu kiŋ Sinarŋa ma Ariok kêtu kiŋ Elasarŋa ma Kedorlaomer kêtu kiŋ Elamŋa ma Tidal kêtu kiŋ Goiimŋa naŋ,
342	GEN 14:5	Jala kêtu 14ŋa Kedorlaomer to kiŋ, taŋ sêwiŋ eŋ naŋ, sêmêŋ ma sêkôniŋ Repaim aŋga Asterot-Karnaim to Susim aŋga Ham ma Emim aŋga Sawe-Kiriataim
343	GEN 14:6	to lau gamêŋ Horŋa aŋga nêŋ lôc Seir e gêdêŋ El-Paran, taŋ gêc kêsi gamêŋ sawa naŋ.
344	GEN 14:7	Go sêkac tauŋ ôkwi sêmu sêja En-Mispat (ŋaê teŋ gebe Kades) ma sêkôniŋ lau Amalek nêŋ gamêŋ samob ma lau gamêŋ Amorŋa, taŋ sêŋgôŋ Hasason-Tamar naŋ, amboac tonaŋgeŋ.
346	GEN 14:9	Sênac siŋ êndêŋ Kedorlaomer, taŋ kêtu kiŋ Elamŋa to Tidal, taŋ kêtu kiŋ Goiimŋa ma Amrapel, taŋ kêtu kiŋ Sinarŋa to Ariok, taŋ kêtu kiŋ Elasarŋa. Kiŋ aclê sêjac siŋ gêdêŋ kiŋ lemeŋ teŋ.
350	GEN 14:13	Ma ŋac teŋ kêsêp siŋ sawa jagêjac miŋ gêdêŋ ŋac Ebolai Abram, taŋ gêŋgôŋ ŋac gamêŋ Amorŋa Mamre nê kamem ŋagala. Mamre lasiagêc Eskol agêc Aner. Lau tonaŋ sêmoatiŋ poac sêwiŋ Abram gebe sênam tauŋ sa.
353	GEN 14:16	Eŋ kêjaŋgo waba samob, taŋ sêkôc su naŋ su ma latu Lot to nê waba ma lauo to lau samob gêmu gêja amboac tonaŋgeŋ.
355	GEN 14:18	Ma kiŋ Salemŋa, Melkisedek, kêkôc polom to wain gêja. Eŋ kêtu Lôlôc Ŋatau Anôtô nê dabuŋwaga.
361	GEN 14:24	Aê gabe jakôc gêŋ teŋ atom, mago gêŋ tageŋ taŋ lau matac seŋ naŋ to gêŋ Aner agêc Eskol ma Mamre, taŋ sêwiŋ aê naŋ, sêwê kaiŋ, tec sêkôc nêŋ gêŋmaŋ.”
363	GEN 15:2	Mago Abram kêsôm gebe “O Apômtau Anôtô, aôm gobe ôkêŋ asageŋ êndêŋ aê. Aêŋoc gôlôac masianô ma Elieser aŋga Damaskus êtu ŋac oc êwê kaiŋ aêŋoc gêŋlênsêm.”
370	GEN 15:9	Eŋ kêsôm gêdêŋ eŋ gebe “Ôkôc bulimakao têna ŋajala kêtu têlêac to noniŋ têna ŋajala kêtu têlêac ma domba kapoac ŋajala kêtu têlêac ma balôsi teŋ to moŋgôm ŋalatu teŋ, go ômôêŋ.”
379	GEN 15:18	Gêdêŋ bêc tonaŋ Apômtau kêmoatiŋ poac gêdêŋ Abram ma kêsôm gebe “Aê kakêŋ gamêŋ tonec gêdêŋ nêm wakuc su aŋga bu Aiguptuŋa e gêdêŋ bu kapôêŋ Euprat,
390	GEN 16:8	Ma eŋ kêsôm gebe “Sarainê sakiŋwagao Hagar, aôm gômôêŋ aŋga ondoc ma gobe ôna ondoc.” Eŋ gêjô eŋ awa gebe “Aê gabôm aŋga ŋoc ŋatauonê tec gamêŋ.”
394	GEN 16:12	Eŋ êtu ŋac teŋ, taŋ êtôm bôclai teŋ ma eŋ lêma ejoŋ lau samob ma lau samob lemeŋ ejoŋ eŋ. Eŋ oc êŋgôŋ êwiŋ tawaŋ atom.”
418	GEN 17:20	Ismaelnê biŋ, tec gaŋô sugac. Gôlicgac me, aê janam mec eŋ ma jakêŋ gôlôac to gôlôac êndêŋ eŋ e têtu taêsam ŋanô. Eŋ êka kasêga 12 lasê ma aê gabe jakêŋ eŋ êtu laum kapôêŋ.
421	GEN 17:23	Go Abraham kêkôc latu Ismael to nê gêŋôma samob, taŋ teneŋi sêkôc êsêac aŋga ênê andu ma êsêac samob, taŋ gêjam ôli ŋa mone naŋ. Eŋ kêkôc ŋacwaga samob, taŋ sêmoa sêwiŋ eŋ aŋga nê andu ma kêsa nêŋ utiŋôlic gêdêŋ bêc tônêgeŋ kêtôm Anôtô kêjatu eŋ.
427	GEN 18:2	Eŋ gêôc mataanô sa e gêlic lau têlêac sêkô eŋ laŋônêmŋa. Eŋ gêlic êsêac ma kêlêti aŋga becobo ŋasacgêdô gêdêŋ êsêac gêja. Eŋ gewec gêdêŋ êsêac
446	GEN 18:21	Tec aê gabe jasêp jana jalic acgom, êsêac samob sêgôm kêtôm ŋaonda, taŋ gaŋô naŋ, me masi. Embe masi, mago gabe jajala.”
449	GEN 18:24	Embe lau gêdêŋ 50 sêŋgôŋ malac tau, oc gobe onseŋ malac su amboac tonaŋgeŋ me ôsuc malac ŋasec ôkwi êtu lau 50, taŋ sêŋgôŋ malac naŋŋa.
450	GEN 18:25	Ônac jaê biŋ amboac tonaŋ, aôm ôŋgôm gêŋ amboac tonec gebe onseŋ lau gêdêŋ sêwiŋ lau sec naŋ atom. Embe ôŋgôm, ŋacgêdêŋ oc êndac êtôm ŋac sec. Ônac jaê biŋ amboac tonaŋ. Ŋac-kêmêtôc-nomwaga êmêtôc naêndêŋ-geŋmaŋ.”
454	GEN 18:29	Abraham awa gêjac eŋ kêtiam ma kêsôm gebe “Moae ôtap 40geŋ sa aŋga ônê.” Eŋ gêjô eŋ awa gebe “Êtu 40ŋa aê gabe jaŋgôm gêŋ tau ŋanô êsa atom.”
455	GEN 18:30	Go Abraham kêsôm gebe “Apômtau, ôlic aê sec atom, aê jasôm biŋ teŋ êwiŋ. Moae ôtap 30geŋ sa aŋga ônê.” Eŋ gêjô eŋ awa gebe “Aê embe jatap 30geŋ sa, oc jaŋgôm gêŋ tau ŋanô êsa atom.”
456	GEN 18:31	Abraham kêsôm gebe “Op, aê katoc tauc sa gebe janam biŋgalôm jawiŋ Apômtau, moae ôtap 20geŋ sa aŋga ônê.” Eŋ gêjô eŋ awa gebe “Aê janseŋ êsêac su atom êtu 20geŋŋa.”
457	GEN 18:32	Go Abraham kêsôm gebe “O Apômtau, ôlic aê sec atom, aê jasôm biŋ tageŋ tonec êwiŋ. Moae ôtap 10geŋ sa aŋga ônê.” Eŋ gêjô eŋ awa gebe “Aê janseŋ êsêac su atom êtu 10geŋŋa.”
459	GEN 19:1	Ma aŋela luagêc sêô lasê Sodom gêdêŋ kêtulala. Lot gêŋgôŋ malac ŋasacgêdô. Eŋ gêlic êsêagêc ma gêdi sa gebe êpuc êsêagêc tôŋtôŋ ma gewec laŋôanô jagêdêŋ nom
495	GEN 19:37	Ma awêsêga kêkôc ŋapalê ŋac ma gê ênê ŋaê gebe Moab. Eŋ kêtu lau Moab têm galocŋa nêŋ abeŋi.
496	GEN 19:38	Ma awê sauŋ kêkôc ŋapalê ŋac amboac tonaŋgeŋ ma gê ênê ŋaê gebe Ben-Ami. Eŋ kêtu lau gamêŋ Amonŋa têm galocŋa nêŋ abeŋi.
497	GEN 20:1	Abraham gêdi aŋga ônê kêsêlêŋ kepeŋ gamêŋ Negebgeŋ ma jagêŋgôŋ Kades to Sur ŋasawa. Eŋ gêmoa gamêŋ Gerar amboac ŋac jaba.
530	GEN 21:16	Ma eŋ jagêŋgôŋ sic aŋga ŋasawa kêtôm ŋac talamŋa êpê nê sôb naêsêpŋa ma taê gêjam gebe “Aê jalic ŋapalê êmac êndu êndêŋ aê matocanô atom.” Eŋ gêŋgôŋ kêkanôŋ eŋ ma ŋapalê awa kêpi ma kêtaŋ.
534	GEN 21:20	Ma Anôtô gêwiŋ ŋapalê ma eŋ kêtu kapôêŋ. Eŋ gêmoa gamêŋ sawa ma kêpê talam lêma kata sec.
535	GEN 21:21	Eŋ gêmoa gamêŋ sawa Paran ma têna kêkôc ênê awê teŋ aŋga gamêŋ Aiguptu.
544	GEN 21:30	Eŋ kêsôm gebe “Ôkôc domba ŋalatu 7 tonaŋ su aŋga lemoc ec têtu ŋabelo êndêŋ aôm ôjala gebe aê tauc tec kakwê bumata tau.”
551	GEN 22:3	Tec Abraham gêdi gêdêŋ bêbêc kanucgeŋ kêkôc nê doŋki mêŋkêpô ômbiŋkap kêsêp. Eŋ kêkôc sakiŋwaga wakuc luagêc sêwiŋ êsêagêc latu Isak. Eŋ gêga ka kêtu dajaŋa ma gêdi gêja gamêŋ, taŋ Anôtô kêsôm ŋabiŋ gêdêŋ eŋ naŋ.
580	GEN 23:8	Ma eŋ kêsôm gêdêŋ êsêac gebe “Amac embe alic êtôm gebe jansuŋ ŋoc ŋacmatê ênêc, go akêŋ taŋem ŋoc biŋ ma ateŋ Sohar latu Epron ajô aê su
582	GEN 23:10	Mago Epron tau gêŋgôŋ gêwiŋ lau gamêŋ Hetŋa ma ŋac Hetŋa Epron gêjô Abraham awa e lau Hetŋa taŋ sêmêŋ sêŋgôŋ malac ŋasacgêdô naŋ samob sêŋô ma kêsôm gebe
585	GEN 23:13	Ma eŋ kêsôm gêdêŋ Epron e gamêŋ ŋatau sêŋô sêwiŋ gebe “Aê jateŋ aôm gebe ôkêŋ taŋam aê. Aê jakêŋ kôm ŋaôli êndêŋ aôm. Ôkôc ŋaôli aŋga aê lemoc gebe jansuŋ ŋoc ŋacmatê aŋga tonaŋ.”
586	GEN 23:14	Epron gêjô Abraham awa gebe