6	GEN 1:6	Go Anôtô kêsôm gebe “Lênsaŋ teŋ êniŋ bu êŋgic ma êwa bu êkôc.”
89	GEN 4:9	Go Apômtau kêsôm gêdêŋ Kain gebe “Lasim Abel gêmoa ondoc.” Eŋ kêsôm gebe “Aê gajam kauc. Aê katu lasicnê gejobwaga me.”
90	GEN 4:10	Ma Apômtau kêsôm gebe “Aôm gôgôm asageŋ. Lasimnê dec awa gêmôêc aŋga nom kêpi gêdêŋ aê gêmêŋ.
98	GEN 4:18	Enok latu Irad, Irad kêka Mehujael lasê, Mehujael kêka Metusael lasê ma Metusael kêka Lamek lasê.
99	GEN 4:19	Ma Lamek gêjam awê luagêc, teŋ nê ŋaê gebe Ada ma teŋ nê ŋaê gebe Sila.
101	GEN 4:21	Lasi ŋaê gebe Jubal. Eŋ kêtu lau, taŋ sêjac gêŋ wêŋa to lau-sêju-gasucwaga nêŋ mimi.
103	GEN 4:23	Ma Lamek kêsôm gêdêŋ nê awê luagêc gebe “Ada agêc Sila, aŋô aê aoc. Lameknê awêlagêc, akêŋ taŋem ŋoc biŋ. Biŋŋanô, aê gajac ŋac teŋ êndu gêjô ŋoc kamoc ma ŋapalê teŋ gêjô ŋoc sêmmala.
104	GEN 4:24	Teŋ embe ênac Kain êndu, oc sêkêŋ ŋagêjô êtôm dim 7ŋa. Mago teŋ embe ênac aê, Lamek, nec êndu, oc sêkêŋ ŋagêjô êtôm dim 77ŋa.”
131	GEN 5:25	Gêdêŋ taŋ Metusalanê jala kêtu 187 naŋ, kêka Lamek lasê.
132	GEN 5:26	Metusala kêka Lamek lasê su acgom, go gêmoa nom jala 782 gêwiŋ ma kêka latuio to ŋac ŋagêdô lasê.
134	GEN 5:28	Gêdêŋ taŋ Lameknê jala kêtu 182 naŋ, kêka latu teŋ lasê.
136	GEN 5:30	Lamek kêka Noa lasê su acgom, go gêmoa nom jala 595 gêwiŋ ma kêka latuio to ŋac ŋagêdô lasê.
137	GEN 5:31	Amboac tonaŋ Lameknê jala kêtu 777, go gêmac êndu.
142	GEN 6:4	Gêdêŋ têm, taŋ lau undambêŋa sêjam ŋamalac latuŋio e êsêac sêkôc ŋapalê naŋ, lau waso-waso kaiŋ teŋ sêmoa nom. Ma gêdêŋ têm, taŋ kêdaguc naŋ, amboac tonaŋgeŋ. Lau ŋaclai towae têm andaŋgeŋanôŋa tau tonec.
236	GEN 10:1	Lau tonec têtu Noa latui Sem agêc Ham ma Japet nêŋ wakuc. Êsêac saka gôlôac lasê gêdêŋ taŋ bu kêsuŋ ŋatêna gêbacnê.
240	GEN 10:5	Lau gwêcŋa sêsa aŋga lau tonaŋ nêŋ. Lau tonec têtu Japetnê wakuc têtôm nêŋ gamêŋ to aweŋ gêdêŋ-gêdêŋgeŋ ma têtôm nêŋ gôlôac to gôlôacmôkê gêdêŋ-gêdêŋgeŋ.
248	GEN 10:13	Aiguptu kêka Ludim, Anamim, Lehabim, Naptuhim,
254	GEN 10:19	Lau Kanaan nêŋ gamêŋ gêc Sidon gêmu kêsô gêdêŋ Gerar ma Gasa to gêmu kêsô gêdêŋ Sodom to Gomora ma Adma to Seboim e gêdêŋ Lasa.
255	GEN 10:20	Lau tonec têtu Hamnê wakuc têtôm nêŋ gamêŋ to aweŋ gêdêŋ-gêdêŋgeŋ ma têtôm nêŋ gôlôac to gôlôacmôkê gêdêŋ-gêdêŋgeŋ.
257	GEN 10:22	Sem latui tonec Elam, Asur, Arpaksad, Lud ma Aram.
264	GEN 10:29	Opir, Hawila ma Jobab lasê. Lau samob tonec Joktan latui êsêac.
266	GEN 10:31	Lau tonec têtu Semnê wakuc têtôm nêŋ gamêŋ to aweŋ gêdêŋ-gêdêŋgeŋ ma têtôm nêŋ gôlôac to gôlôacmôkê gêdêŋ-gêdêŋgeŋ.
268	GEN 11:1	Lau nomŋa samob sêsôm biŋ aweŋ tageŋ to ŋalô tageŋ.
294	GEN 11:27	Taranê wakuc tau tonec. Tara kêka Abram agêc Nahor ma Haran lasê. Ma Haran kêka Lot lasê.
298	GEN 11:31	Tara kêkôc latu Abram agêc dêbu Lot, naŋ Haran latu ma lawao Sarai, latu Abram nê awê, ma êsêac sêwi Ur aŋga Kaldea siŋ gebe sêna gamêŋ Kanaan. Mago gêdêŋ taŋ êsêac sêô lasê Haran naŋ sêŋgôŋ tônê.
303	GEN 12:4	Amboac tonaŋ Abram gêdi kêtôm Apômtau kêjatu eŋ, ma Lot gêdi gêwiŋ eŋ. Gêdêŋ taŋ Abram gêwi Haran siŋ naŋ, nê jala kêtu 75.
304	GEN 12:5	Ma Abram kêkôc nê awê Sarai to lasinê latu Lot ma nêŋ waba samob, taŋ têtap sa naŋ, ma lau, taŋ têtu nêŋ sakiŋwaga aŋga Haran naŋ, ma dêdi gebe sêsêlêŋ sêna gamêŋ Kanaan. Ma gêdêŋ taŋ sêô lasê gamêŋ Kanaan tau naŋ,
311	GEN 12:12	Lau Aiguptu embe sêlic aôm, go sêsôm gebe ‘Ênê awê tonec,’ go sênac aê êndu, ma oc sendec aôm ômoa.
320	GEN 13:1	Ma Abram agêc nê awê tonêŋ waba samob sêwi Aiguptu siŋ sêmu sêja Negeb. Ma Lot gêwiŋ êsêac.
324	GEN 13:5	Ma Lot, taŋ gêwiŋ Abram naŋ, nê domba to bulimakao sêmoa ma nê becobo sêkô amboac tonaŋgeŋ.
326	GEN 13:7	Ma Abramnê bôc ŋagejobwaga to Lotnê bôc ŋagejobwaga aweŋsuŋ gêôc ka tau. Gêdêŋ têm tonaŋ lau gamêŋ Kanaan to Perisŋa sêŋgôŋ gamêŋ tonaŋ.
327	GEN 13:8	Go Abram kêsôm gêdêŋ Lot gebe “Biŋ aweŋsuŋ êôc ka tauŋa ênêc aêagêc ŋasawa to agêcnêŋ gejobwaga ŋasawa atom gebe aêagêc ŋam tageŋ.
329	GEN 13:10	Ma Lot gêôc mataanô sa ma gêlic bu Jordan ŋagaboaŋ gebe nom ŋalêsi ŋajam kêtôm Apômtaunê kôm tau, kêtôm gamêŋ Aiguptu e gêdêŋ Soar. Gêdêŋ tonaŋ Apômtau geseŋ Sodom to Gomora su atom tageŋ.
330	GEN 13:11	Tec Lot kêjaliŋ bu Jordan ŋagaboaŋ sa kêtu nê gamêŋ ma Lot kêsêlêŋ gêmu gêdêŋ oc kêpiŋa gêja. Gêdêŋ tonaŋ êsêagêc sêwa tauŋ kêkôc.
331	GEN 13:12	Abram gêŋgôŋ gamêŋ Kanaan ma Lot gêŋgôŋ malac gaboaŋŋa ŋasawa ma gêjam bebec e gêdêŋ Sodom.
333	GEN 13:14	Lot kêsu tau su aŋga Abramnê, go Apômtau kêsôm gêdêŋ Abram gebe “Ôc matamanô sa ma ôlic gamêŋ samob, taŋ kêgi aôm auc naŋ, gêmu kêpi go gêmu kêsêp ma gêmu kêsô to gêmu kêsaŋa
335	GEN 13:16	Aê gabe jaŋgôm nêm wakuc têtu taêsam amboac gaŋac gwêcŋa. Lau embe têtôm gebe sêsa gaŋac gwêcŋa ŋanamba sa, go têtôm gebe sêsa nêm wakucnêŋ namba sa amboac tonaŋgeŋ.
349	GEN 14:12	Abramnê lasi latu Lot gêŋgôŋ Sodom, tec êsêac sêkôc eŋ tonê waba amboac tonaŋ ma sêc sêja. samob, taŋ sêkôc su ma latu Lot to nê waba ma lauo to lau samob gemu gêja amboac tonaŋgeŋ.
350	GEN 14:13	Ma ŋac teŋ kêsêp siŋ sawa jagêjac miŋ gêdêŋ ŋac Ebolai Abram, taŋ gêŋgôŋ ŋac gamêŋ Amorŋa Mamre nê kamem ŋagala. Mamre lasiagêc Eskol agêc Aner. Lau tonaŋ sêmoatiŋ poac sêwiŋ Abram gebe sênam tauŋ sa.
353	GEN 14:16	Eŋ kêjaŋgo waba samob, taŋ sêkôc su naŋ su ma latu Lot to nê waba ma lauo to lau samob gêmu gêja amboac tonaŋgeŋ.
355	GEN 14:18	Ma kiŋ Salemŋa, Melkisedek, kêkôc polom to wain gêja. Eŋ kêtu Lôlôc Ŋatau Anôtô nê dabuŋwaga.
356	GEN 14:19	Ma eŋ gêjam mec eŋ to kêsôm gebe “Lôlôc Ŋatau Anôtô, taŋ kêkêŋ undambê to nom naŋ, ênam mec Abram.
357	GEN 14:20	Aweŋ êôc Lôlôc Ŋatau Anôtô, taŋ kêkêŋ nêm ŋacjo sêsô aôm lêmam ŋalabu.” Ma Abram kêkôc gêŋ lemeŋ lu-lemeŋ lu ŋatageŋ-tageŋ sa kêkêŋ gêdêŋ eŋ.
359	GEN 14:22	Mago Abram kêsôm gêdêŋ kiŋ Sodomŋa gebe “Aê katôc lemoc gêdêŋ Lôlôc Ŋatau Apômtau Anôtô, taŋ kêkêŋ undambê to nom naŋ,
396	GEN 16:14	Kêtu tonaŋŋa lau sêsam bumata tonaŋ gebe Ber-Lahai-Roi. Bumata tau kêpoac Kades to Bered ŋasawa.
410	GEN 17:12	Ŋapalê ŋac teŋ aŋga aômnêm, taŋ nê bêc êtu 8 naŋ, sêsa eŋ êtôm nêm gôlôacmôkêgeŋ. Lau, taŋ teneŋi sêkôc aŋga taôm nêm andu me ajam ôli ŋa mone aŋga lau jaba nêŋ, taŋ sêsa aŋga aômnêm ŋawê atom naŋ,
423	GEN 17:25	Latu Ismael nê jala kêtu 13 tec sêsa eŋ.
459	GEN 19:1	Ma aŋela luagêc sêô lasê Sodom gêdêŋ kêtulala. Lot gêŋgôŋ malac ŋasacgêdô. Eŋ gêlic êsêagêc ma gêdi sa gebe êpuc êsêagêc tôŋtôŋ ma gewec laŋôanô jagêdêŋ nom
461	GEN 19:3	Mago eŋ kêkac êsêagêc ŋapaŋ, tec agêc sêjam nêŋ lêŋ ôkwi sêwiŋ eŋ sêpi ênê andu. Ma Lot kêmasaŋ moasiŋ gêdêŋ êsêagêc to kêpac polom ŋaluc ma agêc seŋ.
462	GEN 19:4	Êsêagêc sêc bêc atom tageŋ ma ŋacwaga malacm, ŋacwaga aŋga Sodom tau, wakuc to laŋgwa sêwiŋ tauŋ. Lau samob tomalageŋ sêgi andu tau auc.
463	GEN 19:5	Ma êsêac sêmôêc Lot ma sêsôm gebe “Ŋacwaga, taŋ sêô lasê aôm gêdêŋ gêbêc naŋ, sêmoa ondoc. Ôkôc êsêagêc sêsa sêndêŋ aêac sêmêŋmaŋ gebe ajala êsêagêc.”
464	GEN 19:6	Go Lot kêsa gêdêŋ êsêac gêja gê katam gêc muŋa
467	GEN 19:9	Mago êsêac sêsôm gebe “Aôm ôêc su.” Ma sêsôm gebe “Ŋac tonec gêô lasê amboac ŋac jaba ma galoc ketoc tau sa gebe êtu ŋac-êmêtôc-biŋwaga. Amboac tonaŋ, aêac aŋgôm aôm sec êlêlêc êsêagêc su.” Ma êsêac guluc-gulucgeŋ sebe sêkôc Lot tôŋ ma sebe têtuc katam popoc.
468	GEN 19:10	Mago ŋaclagêc sêmêtôc lemeŋ ma sê Lot kêsô andu gêdêŋ êsêagêc gêja ma sêsaŋ katam auc.
470	GEN 19:12	Go ŋaclu sêsôm gêdêŋ Lot gebe “Aômnêm lau ŋagêdô sêmoa tonec me masi. Aômnêm lawami to latômio ma nêm lau, ŋagêdô, taŋ sêmoa malac naŋ, ôwê êsêac awi malac tonec Siŋ.
472	GEN 19:14	Ma Lot kêsa gêja ma kêsôm gêdêŋ lawai, taŋ sebe sênam latuoagêc gebe “Ajôc, awi malac tonec siŋ gebe Apômtau oc enseŋ su.” Mago lawai sêlic eŋ amboac ŋac kêsôm biŋ makic teŋ.
473	GEN 19:15	Gêu bôŋ ma aŋela sêkac Lot ma sêsôm gebe “Ôndi, ôkôc nêm awê to latômoagêc, taŋ sêmoa tonec naŋ, gebe ŋagêjô, taŋ êtap malac sa naŋ, enseŋ aôm su ôwiŋ atom.”
474	GEN 19:16	Lot kêlênageŋ, tec ŋaclu sêkam êsêagêc nê awê to latuoagêc lemeŋ gebe Apômtau gebe ênam êsêac sa ma sêwê eŋ gêwi malac siŋ ma sêkêŋ eŋ kêlêwaŋ tau gêŋgôŋ malac ŋamagê.
476	GEN 19:18	Mago Lot kêsôm gêdêŋ êsêagêc gebe “O apômtauagêc, masianô.
481	GEN 19:23	Oc kêpi kêpô nom ma Lot gêô lasê Soar.
484	GEN 19:26	Mago Lotnê awê, taŋ kêdaguc eŋ naŋ, kêkac tau ôkwi, tec kêtu pocgwêc.
487	GEN 19:29	Gêdêŋ taŋ Anôtô geseŋ malac gaboaŋŋa su naŋ, eŋ taê gêjam Abraham ma gêwê Lot gêc gamêŋ, taŋ gêjaŋa naŋ su. Biŋ tau kêsa gêdêŋ Anôtô geseŋ malac, taŋ Lot gêŋgôŋ naŋ su.
488	GEN 19:30	Ma Lot gêwi Soar siŋ jakêpi lôc gêwiŋ latuoagêc gebe eŋ kêtêc tau, tec gêwi Soar siŋ. Ma eŋ gêwiŋ latuoagêc jasêŋgôŋ pocgêsuŋ teŋ.
494	GEN 19:36	Tec Lot latuoagêc lulugeŋ taêŋ aŋga tameŋinê.
520	GEN 21:6	Ma Sara kêsôm gebe “Anôtô gêgôm aê kaômac. Lau, taŋ sêŋô biŋ tau ŋawae, oc sêômac sêwiŋ aê.”
555	GEN 22:7	Ma Isak awa gêjac tama Abraham gebe “Tamoc.” Ma eŋ kêsôm gebe “Latucenec, aê tec gamoa.” Ma eŋ kêsôm gebe “Ja to ka tec gêc, mago domba dajaŋa gêmoa ondoc.”
556	GEN 22:8	Ma Abraham kêsôm gebe “Latucenec, Anôtô tau oc ênsuŋ domba dajaŋa.” Ma agêc sêsêlêŋ sêwiŋ tauŋ sêja.
560	GEN 22:12	Ma eŋ kêsôm gebe “Lêmam êndêŋ ŋapalê atom ma ôŋgôm gêŋ teŋ êndêŋ eŋ atom, gebe aê galic aôm kôtêc Anôtô ma kôgamiŋ nêm latôm tageŋ gêdêŋ aê atom.”
571	GEN 22:23	Betuel kêtu Rebeka tama. Lau 8 tonaŋ Milka kêkôc gêdêŋ Abraham lasi Nahor.
577	GEN 23:5	Lau gamêŋ Hetŋa sêjô Abraham awa gebe
590	GEN 23:18	kêtu Abrahamnê. Lau gamêŋ Hetŋa samob, taŋ sêô lasê ênê malac ŋasacgêdô naŋ, sêlic.
592	GEN 23:20	Lau gamêŋ Hetŋa sêkêŋ kôm to ŋapocgêsuŋ tonaŋ kêtu Abrahamnê gêŋ gebe ênsuŋ ŋacmatê sêsêpŋa. sacgêdô gêc intênagêsuŋ. Gamêŋ tonaŋ kêtu êsêacnêŋ maleŋ sêkac saŋa.
621	GEN 24:29	Rebekanê luŋac teŋ gêmoa, ênê ŋaê gebe Laban. Ma Laban kêlêti gêja bumata gêdêŋ ŋac tau.
624	GEN 24:32	Amboac tonaŋ ŋac tau kêsô andu gêja ma Laban kêkôc kamelenêŋ waba su ma kêkêŋ oba to gêgwaŋ gêdêŋ kamele. Go kêkôc bu gebe Abrahamnê sakiŋwaga to nê lau sêkwasiŋ eŋkaiŋ êsêpŋa,
625	GEN 24:33	go sêkêŋ gêŋ taniŋŋa gêdêŋ sakiŋwaga gebe êniŋ. Mago kêsôm gebe” Aê janiŋ gêŋ teŋ atom, aê jawa ŋoc biŋ sa êmuŋ acgom.” Laban kêsôm gebe “Amboac tonaŋ ôsômmaŋ.”
642	GEN 24:50	Go Laban agêc Betuel sêjô eŋ awa gebe “Biŋ tonaŋ gêmêŋ aŋga Apômtaunê. Aêac atôm gebe asôm biŋ ŋajam me sec teŋ êndêŋ aôm atom.
654	GEN 24:62	Ma Isak gêja gamêŋ, taŋ bumata Ber-Lahai-Roi kêpoac naŋ, jagêŋgôŋ gamêŋ Negeb.
662	GEN 25:3	Joksan kêka Seba agêc Dedan lasê. Dedan latui lau Asurim to Letusim ma Leumim.
663	GEN 25:4	Midian latui tonec Epa, Eper, Hanok, Abida to Elda. Lau samob tonaŋ ŋai têtu Keturanê gôlôac.
668	GEN 25:9	Latuagêc Isak agêc Ismael sêsuŋ eŋ kêsêp pocgêsuŋ Mak-Pela, taŋ gêc ŋac gamêŋ Hetŋa Sohar latu Epronnê kôm gêc Mamre ŋagamêŋ oc kêpiŋa naŋ.
670	GEN 25:11	Abraham gêmac êndu ma Anôtô gêjam mec latu Isak. Isak tec gêmoa bumata Ber-Lahai-Roi ŋagala.
679	GEN 25:20	Isaknê jala kêtu 40, go gêjam Rebeka kêtu ênê awê. Rebeka eŋ ŋac Aram ŋa aŋga Mesopotamia Betuel latuo, ŋac Aramŋa Laban nê luo.
704	GEN 26:11	Tec Abimelek gêjac biŋsu lau samob gebe “Lau, taŋ sêmoasac ŋac tonec me nê awê naŋ, sênac êsêac êndu.”
729	GEN 27:1	Isak kêtu ŋamalacanô ma mataanô kêtu waô e gêlic gamêŋ kêtôm atom. Gêdêŋ tonaŋ eŋ gêmôêc nê ŋacsêga Esau ma kêsôm gêdêŋ eŋ gebe “Latucenec.” Ma eŋ gêjô eŋ awa gebe “Aê tec gamoa.”
741	GEN 27:13	Têna kêsôm gêdêŋ eŋ gebe “Latucenec, biŋ êpuc boa aômŋa êpi aê. Aôm taŋam wamu ŋoc biŋ naôkôc gêŋ tau ômôêŋ.”
746	GEN 27:18	Ma eŋ kêsô gêdêŋ tama jakêsôm gebe “Tamoc.” Ma eŋ kêsôm gebe “Aê tec gamoa. Latucenec, aôm asa.”
748	GEN 27:20	Mago Isak kêsôm gêdêŋ latu gebe “Latucenec, amboac ondoc, tec kôtap gwada sa sebeŋ.” Eŋ gêjô eŋ awa gebe “Ŋam gebe Apômtau, aômnêm Anôtô tau, kêkêŋ gêdêŋ aê.” Go Isak kêsôm gêdêŋ Jakob gebe
749	GEN 27:21	“Latucenec, ômôêŋmaŋ, gebe jamoasac aôm e jajala gebe latuc Esau aôm biŋŋanô me masi.”
754	GEN 27:26	Go tama Isak kêsôm gêdêŋ eŋ gebe “Latucenec, mêŋôtu gasuc ma ôlêsôp aê.”
763	GEN 27:35	Mago eŋ kêsôm gebe “Lasim gêmêŋ kêbôli tau kêpi aôm ma kêjaŋgo aômnêm mec su.”
771	GEN 27:43	Kêtu tonaŋŋa, latucenec, taŋam wamu aê aoc. Ôndi ôêc ôndêŋ lucŋac Laban ôna Haran.
776	GEN 28:2	Ôndi ôêc ôna Mesopotamia ôndêŋ tênam tama Betuel nê andu ma ônam awê teŋ aŋga tênamnê luŋac Laban nê latuionêŋ.
779	GEN 28:5	Amboac tonaŋ Isak kêsakiŋ Jakob gêja Mesopotamia gêdêŋ ŋac Aramŋa Betuel latu Laban, Esau agêc Jakob teneŋi Rebeka nê luŋac.
793	GEN 28:19	Eŋ kêsam gamêŋ tau ŋaê gebe Betel. Gêmuŋgeŋ sêsam malac tonaŋ ŋaê gebe Lus.
801	GEN 29:5	Eŋ kêsôm gêdêŋ êsêac gebe “Amac ajala Nahor latu Laban me masi.” Êsêac sêsôm gebe “Aêac ajala eŋgac.”
806	GEN 29:10	Jakob gêlic sa laŋgwa Laban nê latuo Rahel to nê domba, go gêja gêôc poc su aŋga bumata ma kêkêŋ bu gêdêŋ sa laŋgwa Laban nê domba sênôm.