43	GEN 2:12	ma gamêŋ tonaŋ ŋagold ŋajamanô. Katêkwi toŋamalu ŋajam ŋaê gebe bedelium to pocawa kokoc ŋaê gebe soham gêc gamêŋ tonaŋ amboac tonaŋgeŋ.
44	GEN 2:13	Bu ŋasêli kêtu luagêcŋa ŋaê gebe Gihon. Bu tonaŋ kêgi gamêŋ Kus.
98	GEN 4:18	Enok latu Irad, Irad kêka Mehujael lasê, Mehujael kêka Metusael lasê ma Metusael kêka Lamek lasê.
118	GEN 5:12	Gêdêŋ taŋ Kenannê jala kêtu 70 naŋ, kêka Mahalalel lasê.
119	GEN 5:13	Eŋ kêka Mahalalel lasê su acgom, go gêmoa nom jala 840 gêwiŋ ma kêka latuio to ŋac ŋagêdô lasê.
121	GEN 5:15	Gêdêŋ taŋ Mahalalelnê jala kêtu 65 naŋ, kêka Jared lasê.
123	GEN 5:17	Amboac tonaŋ Mahalalelnê jala kêtu 895, go gêmac êndu.
246	GEN 10:11	Eŋ gêwi gamêŋ tonaŋ siŋ ma gêja Asuria ma kêkwê malac Niniwe to Rehobot-Ir ma Kala
248	GEN 10:13	Aiguptu kêka Ludim, Anamim, Lehabim, Naptuhim,
249	GEN 10:14	Patrusim, Kasluhim, taŋ kêtu Pilistinêŋ mimi naŋ, ma Kaptorim lasê.
289	GEN 11:22	Serugnê jala kêtu 30 ma kêka Nahor lasê.
290	GEN 11:23	Nahor têna kêkôc eŋ su ma Serug gêmoa nom jala 200 gêwiŋ, go kêka latuio to ŋac ŋagêdô lasê.
291	GEN 11:24	Nahornê jala kêtu 29 ma kêka Tara lasê.
292	GEN 11:25	Tara têna kêkôc eŋ su ma Nahor gêmoa nom jala 119 gêwiŋ, go kêka latuio to ŋac ŋagêdô lasê.
293	GEN 11:26	Taranê jala kêtu 70 ma kêka Abram agêc Nahor ma Haran lasê.
294	GEN 11:27	Taranê wakuc tau tonec. Tara kêka Abram agêc Nahor ma Haran lasê. Ma Haran kêka Lot lasê.
296	GEN 11:29	Ma Abram agêc Nahor sêjam awê sa. Abramnê awênê ŋaê gebe Sarai, Nahornê awênê ŋaê gebe Milka, eŋ Haran latuo, Haran, taŋ kêka Milka agêc Iska lasê naŋ.
396	GEN 16:14	Kêtu tonaŋŋa lau sêsam bumata tonaŋ gebe Ber-Lahai-Roi. Bumata tau kêpoac Kades to Bered ŋasawa.
403	GEN 17:5	Sêsam aômnêm ŋaê Abram êtiam atom, sêsam aôm gebe Abraham gebe aê kakêŋ aôm kôtu gôlôacmôkê taêsam tameŋi.
407	GEN 17:9	Ma Anôtô kêsôm gêdêŋ Abraham gebe “Aôm to nêm wakuc, taŋ sêndaŋguc aôm naŋ, ma êsêacnêŋ gôlôac to gôlôac ajop ŋoc poac.
413	GEN 17:15	Ma Anôtô kêsôm gêdêŋ Abraham gebe “Aômnêm awê Sarai, naŋ ôsam eŋ gebe Sarai êtiam atom, ênê ŋaê gebe Sara.
415	GEN 17:17	Ma Abraham gêu tau laŋôanô jagêdêŋ nom ma kêômac ma taê gêjam gêc tauŋa gebe “Aê ŋamalacanô, taŋ ŋoc jala kêtu 100 sugac naŋ, oc jaka ŋapalê lasê me. Ma Sara, taŋ nê jala kêtu 90 naŋ, êkôc gôlôac me.”
416	GEN 17:18	Ma Abraham kêsôm gêdêŋ Anôtô gebe “Ojae, Ismael êsa nê lêŋ êmoa aôm laŋômnêmŋamaŋ.”
420	GEN 17:22	Anôtô kêsôm biŋ gêdêŋ Abraham su, go gêwi eŋ siŋ ma gêc kêpi gêja.
421	GEN 17:23	Go Abraham kêkôc latu Ismael to nê gêŋôma samob, taŋ teneŋi sêkôc êsêac aŋga ênê andu ma êsêac samob, taŋ gêjam ôli ŋa mone naŋ. Eŋ kêkôc ŋacwaga samob, taŋ sêmoa sêwiŋ eŋ aŋga nê andu ma kêsa nêŋ utiŋôlic gêdêŋ bêc tônêgeŋ kêtôm Anôtô kêjatu eŋ.
422	GEN 17:24	Abrahamnê jala kêtu 99 ma sêsa eŋ.
424	GEN 17:26	Gêdêŋ bêc tônêgeŋ êsêac sêsa Abraham agêc latu Ismael,
426	GEN 18:1	Ma Apômtau gêôc tau lasê gêdêŋ Abraham aŋga kamem Mamreŋa. Abraham gêŋgôŋ becobo ŋasacgêdô gêdêŋ oc kêkô ŋaluŋ.
431	GEN 18:6	Ma Abraham kêlêti kêsô becobo ŋalêlôm gêdêŋ Sara gêja ma kêsôm gebe “Ôkôc polom laclu têlêac ôŋgamuc ma ôpac ŋagaôgeŋ.”
432	GEN 18:7	Ma Abraham kêlêti gêdêŋ bulimakao gêja, kêkôc bulimakao ŋalatu ŋajam toŋalêsi teŋ ma kêkêŋ gêdêŋ sakiŋwaga, taŋ kêkacgeŋ gebe eno matajajageŋ.
436	GEN 18:11	Mago Abraham agêc Sara têtu lauo ŋanô to ŋac sugac, nêŋ jala têtu taêsam ma lauonêŋ mêtê sêjam ôli ajôŋŋa gêwi Sara siŋ su.
438	GEN 18:13	Tec Apômtau kêsôm gêdêŋ Abraham gebe “Kêtu ageŋŋa Sara kêômac ma kêsôm gêdêŋ tau gebe ‘Katu awêanô sugac, tec jakôc ŋapalê amboac ondoc.’
441	GEN 18:16	Go lau tau dêdi ma sêc sêja. Ma êsêac mateŋ gê Sodom. Ma Abraham kêsêlêŋ gêwiŋ êsêac gebe êkêŋ êsêac aŋga intêna.
442	GEN 18:17	Ma Apômtau kêsôm gebe “Aê jansaŋ gêŋ, taŋ gabe jaŋgôm naŋ, auc êndêŋ Abraham oc êtôm me.
443	GEN 18:18	Kajalagac gebe Abraham êtu laum kapôêŋ to ŋajaŋa, ma lau tom-tom samob têtap mec ŋamoasiŋ sa aŋga ênê,
444	GEN 18:19	gebe aê kajaliŋ eŋ sa gebe êjatu nê latui to nê lau samob, taŋ sêndaŋguc eŋ naŋ, gebe sejop aêŋoc intêna ma sêŋgôm ŋoc biŋ ŋanô êsa to sêmêtôc lau naêndêŋgeŋ gebe aê jakêŋ gêŋ, taŋ gajac mata gêdêŋ Abraham naŋ, êndêŋ eŋ.”
447	GEN 18:22	Ma lau tau sêsêlêŋ sepeŋ Sodom, mago Apômtau gacgeŋ kêkô gêwiŋ Abraham.
448	GEN 18:23	Go Abraham kêtu gasuc ma kêsôm gebe “Aôm gobe onseŋ lau gêdêŋ to lau sec su êtômgeŋ biŋŋanô me.
452	GEN 18:27	Abraham gêjô eŋ awa gebe “Aêma katôm kekop to wao, mago katoc tauc sa gebe janam biŋgalôm jawiŋ Apômtau.
454	GEN 18:29	Abraham awa gêjac eŋ kêtiam ma kêsôm gebe “Moae ôtap 40geŋ sa aŋga ônê.” Eŋ gêjô eŋ awa gebe “Êtu 40ŋa aê gabe jaŋgôm gêŋ tau ŋanô êsa atom.”
455	GEN 18:30	Go Abraham kêsôm gebe “Apômtau, ôlic aê sec atom, aê jasôm biŋ teŋ êwiŋ. Moae ôtap 30geŋ sa aŋga ônê.” Eŋ gêjô eŋ awa gebe “Aê embe jatap 30geŋ sa, oc jaŋgôm gêŋ tau ŋanô êsa atom.”
456	GEN 18:31	Abraham kêsôm gebe “Op, aê katoc tauc sa gebe janam biŋgalôm jawiŋ Apômtau, moae ôtap 20geŋ sa aŋga ônê.” Eŋ gêjô eŋ awa gebe “Aê janseŋ êsêac su atom êtu 20geŋŋa.”
457	GEN 18:32	Go Abraham kêsôm gebe “O Apômtau, ôlic aê sec atom, aê jasôm biŋ tageŋ tonec êwiŋ. Moae ôtap 10geŋ sa aŋga ônê.” Eŋ gêjô eŋ awa gebe “Aê janseŋ êsêac su atom êtu 10geŋŋa.”
458	GEN 18:33	Apômtau gêjam biŋgalôm gêwiŋ Abraham e su ma gêc gêja. Ma Abraham tau gêmu gêja nê gamêŋ.
485	GEN 19:27	Ma bêbêc kanucgeŋ Abraham gêdi ma jakêsa gamêŋ, taŋ eŋ kêkô Apômtau laŋônêmŋa naŋ,
487	GEN 19:29	Gêdêŋ taŋ Anôtô geseŋ malac gaboaŋŋa su naŋ, eŋ taê gêjam Abraham ma gêwê Lot gêc gamêŋ, taŋ gêjaŋa naŋ su. Biŋ tau kêsa gêdêŋ Anôtô geseŋ malac, taŋ Lot gêŋgôŋ naŋ su.
497	GEN 20:1	Abraham gêdi aŋga ônê kêsêlêŋ kepeŋ gamêŋ Negebgeŋ ma jagêŋgôŋ Kades to Sur ŋasawa. Eŋ gêmoa gamêŋ Gerar amboac ŋac jaba.
498	GEN 20:2	Ma Abraham kêsôm kêpi nê awê Sara gebe “Aê luco eŋ.” Ma kiŋ Gerarŋa, Abimelek, kêsakiŋ lau gebe sêkôc Sara.
501	GEN 20:5	Abraham tau kêsôm gêdêŋ aê gebe ‘Aêŋoc luco eŋ.’ Ma awê tau kêsôm gebe ‘Ŋoc lucŋac eŋ.’ Aê gagôm gêŋ tau toŋoc ŋalêlôm ŋaŋêŋ ma tolemoc selecgeŋ.”
503	GEN 20:7	Amboac tonaŋ ôkêŋ Abrahamnê awê êmu êna gebe eŋ propete teŋ. Ma eŋ eteŋ êtu aômŋa gebe ômoa matam jaligeŋ. Mago aôm embe ôkêŋ eŋ êmu êna atom, go ôjala gebe ômac êndu biŋŋanôgeŋ, aôm to nêm lau samob.”
505	GEN 20:9	Go Abimelek kêkalem Abraham ma kêsôm gêdêŋ eŋ gebe “Aôm gôgôm asageŋ gêdêŋ aê. Aê gagôm aôm sec amboac ondoc, tec kôsabi sec kapôêŋ kêpi aê to ŋoc gamêŋ kiŋŋa. Gêŋ, taŋ sêjac jao gebe daŋgôm atom naŋ, aôm gôgôm gêdêŋ aê.”
506	GEN 20:10	Ma Abimelek kêsôm gêdêŋ Abraham gebe “Aôm taêm gêjam biŋ amboac ondoc, tec gôgôm gêŋ amboac tonaŋ.”
507	GEN 20:11	Ma Abraham kêsôm gebe “Aê gajam kauc gebe lau gamêŋ tonecŋa têtêc Anôtô atom, tec êsêac sênac aê êndu êtu ŋoc awêŋa, tec gagôm gêŋ tau.
510	GEN 20:14	Go Abimelek kêkôc domba to bulimakao ma sakiŋwagao to ŋac ma kêkêŋ gêdêŋ Abraham ma kêkêŋ Sara gêmu gêdêŋ eŋ gêja.
513	GEN 20:17	Go Abraham keteŋ mec gêdêŋ Anôtô ma Anôtô gêgôm Abimelek ôli ŋajam kêsa ma gêgôm ênê awê to sakiŋwagao ôliŋ ŋajam kêsa amboac tonaŋgeŋ gebe sêkôc gôlôac êtiam,
514	GEN 20:18	gebe Apômtau gêbôc lauo, taŋ sêmoa Abimeleknê andu naŋ, têntaclêlôm auc kêtu Abrahamnê awê Saraŋa.
516	GEN 21:2	Abraham kêtu ŋamalacanô su, go Sara taê ma kêkôc Abrahamnê latu-teŋ gêdêŋ noc, taŋ Anôtô kêsam gêdêŋ eŋ naŋ.
517	GEN 21:3	Abraham gê latu, taŋ kêka lasê ma Sara kêkôc eŋ naŋ, nê ŋaê gebe Isak.
518	GEN 21:4	Isaknê bêc kêtu 8 ma Abraham kêsa latu amboac Anôtô kêjatu eŋ naŋ.
519	GEN 21:5	Abrahamnê jala kêtu 100 ma Isak mêŋkêsa.
521	GEN 21:7	Ma eŋ kêsôm gebe “Asa oc kêjala kêtu tôŋ ma êsôm êndêŋ Abraham gebe Sara oc êkêŋ su êndêŋ ŋapalê dedec sênôm. Mago aê kakôc ênê latu gêdêŋ taŋ eŋ kêtu ŋamalacanô sugac.”
522	GEN 21:8	Ma ŋapalê kêtu kapôêŋ e gêwi tênanê su siŋ. Ma gêdêŋ bêc Isak gêwi tênanê su siŋ naŋ, Abraham geno moasiŋ kapôêŋ.
523	GEN 21:9	Ma Sara gêlic awê Aiguptuŋa Hagar, nê latu, taŋ Abraham kêka lasê naŋ, gêjam dôa-dôa gêwiŋ latu Isak.
524	GEN 21:10	Tec kêsôm gêdêŋ Abraham gebe “Ôtiŋ sakiŋwagao tonec nê latu su gebe sakiŋwagao tonec nê latu êwê kaiŋ gêŋlênsêm êwiŋ latuc Isak atom.”
525	GEN 21:11	Mago Abrahamnê ŋalêlôm ŋawapac kêtu latuŋa.
526	GEN 21:12	Mago Anôtô kêsôm gêdêŋ Abraham gebe “Nêm ŋalêlôm ŋawapac êtu ŋapalê tau to nêm sakiŋwagaoŋa atom. Ôŋgôm biŋ samob, taŋ Sara kêsôm naŋ, ŋanô êsa gebe sêsam nêm wakucnêŋ ŋaê sêndaŋguc Isaknê ŋaêgeŋ.
528	GEN 21:14	Tec Abraham gêdi gêdêŋ bêbêc kanucgeŋ ma kêkôc polom to bu kêsêp bôc ŋaôlic ma kêkêŋ gêdêŋ Hagar gêôc gêwiŋ ŋapalê ma kêsakiŋ eŋ gêja. Ma eŋ jakêlêsa gêmoa gamêŋ sawa aŋga Ber-Seba.
536	GEN 21:22	Gêdêŋ ŋasawa tonaŋ Abimelek agêc nê siŋwaganêŋ ŋac ŋamataŋa Pikol sêsôm gêdêŋ Abraham gebe “Anôtô gêwiŋ aôm to nêm kôm samob.
538	GEN 21:24	Ma Abraham kêsôm gebe “Aê gabe jatôc lemoc.”
539	GEN 21:25	Ma Abraham kêtôc biŋ Abimelek kêtu bumata teŋ, taŋ Abimeleknê sakiŋwaga sêjaŋgo su naŋŋa.
541	GEN 21:27	Tec Abraham kêkôc domba to bulimakao ma kêkêŋ gêdêŋ Abimelek ma ŋac lu sêmoatiŋ poac teŋ gêdêŋ tauŋ.
542	GEN 21:28	Go Abraham kêkêŋ domba ŋalatu 7 sêkô tauŋŋa
543	GEN 21:29	tec Abimelek kêtu kênac Abraham gebe “Domba ŋalatu 7, taŋ kôkêŋ sêkô tauŋŋa naŋ, ŋam amboac ondoc.”
547	GEN 21:33	Mago Abraham kêsê ka gamêŋ sawaŋa teŋ ŋaê gebe tamarisk aŋga Ber-Seba ma awa gêjac Apômtau Anôtô teŋgeŋ nê ŋaê.
548	GEN 21:34	Ma Abraham gêmoa Pilistinêŋ gamêŋ ŋasawa ec ŋêŋgeŋ.
549	GEN 22:1	Gêŋ samob tonaŋ su acgom, go Anôtô kêsaê Abraham ma awa gêjac eŋ gebe “Abraham.” Ma eŋ kêsôm gebe “Aê tec gamoa.”
551	GEN 22:3	Tec Abraham gêdi gêdêŋ bêbêc kanucgeŋ kêkôc nê doŋki mêŋkêpô ômbiŋkap kêsêp. Eŋ kêkôc sakiŋwaga wakuc luagêc sêwiŋ êsêagêc latu Isak. Eŋ gêga ka kêtu dajaŋa ma gêdi gêja gamêŋ, taŋ Anôtô kêsôm ŋabiŋ gêdêŋ eŋ naŋ.
552	GEN 22:4	Gêdêŋ bêc kêtu têlêacŋa Abraham gêôc mataanô sa ma gêlic gamêŋ tau gêc jaêcgeŋ.
553	GEN 22:5	Go Abraham kêsôm gêdêŋ nê sakiŋwagaagêc gebe “Amoa tonec awiŋ doŋki. Aêagêc ŋapalê ana ônê. Ateŋ mec su acgom, go amu amêŋ êtiam.”
554	GEN 22:6	Ma Abraham kêkêŋ ka dajaŋa gêdêŋ latu Isak gêôc. Ma eŋ tau gegeŋ ja ma kêmêgôm bôjaŋ. Ma agêc sêsêlêŋ sêwiŋ tauŋ sêja.
555	GEN 22:7	Ma Isak awa gêjac tama Abraham gebe “Tamoc.” Ma eŋ kêsôm gebe “Latucenec, aê tec gamoa.” Ma eŋ kêsôm gebe “Ja to ka tec gêc, mago domba dajaŋa gêmoa ondoc.”
556	GEN 22:8	Ma Abraham kêsôm gebe “Latucenec, Anôtô tau oc ênsuŋ domba dajaŋa.” Ma agêc sêsêlêŋ sêwiŋ tauŋ sêja.
557	GEN 22:9	Agêc sêô lasê gamêŋ, taŋ Anôtô kêsôm ŋabiŋ gêdêŋ eŋ naŋ, ma Abraham gêboa altar sa ma gêjac pac ka. Go gêsô latu Isak tôŋ ma ketoc eŋ gêsac altar topac ŋaô.
558	GEN 22:10	Go Abraham kêmêtôc lêma gebe êkôc bôjaŋ ma êmbuc latu.
559	GEN 22:11	Mago Apômtaunê aŋela gêmôêc eŋ aŋga undambê ma kêsôm gebe “Abraham, Abraham.” Ma eŋ gêlôc gebe “Aê tec gamoa.”
561	GEN 22:13	Ma Abraham gêôc mataanô sa e gêlic domba kapoac teŋ kêkô eŋ dêmôêmu ŋajabo gêjac kêsô odani. Tec Abraham gêja ma kêkôc domba kapoac jakêkêŋ kêtu daja gêjô latu su.
562	GEN 22:14	Abraham kêsam gamêŋ tonaŋ ŋaê gebe “Apômtau gebe ênam sa êndêŋ ŋanoc,” amboac sêsôm-sêsôm e mêŋgêdêŋ galoc gebe “Aŋga lôc Apômtau gebe ênam sa êndêŋ ŋanocŋa.”
563	GEN 22:15	Go Apômtaunê aŋela gêmôêc Abraham aŋga undambê kêtu dim luagêcŋa
567	GEN 22:19	Amboac tonaŋ Abraham gêmu gêdêŋ nê sakiŋwagaagêc gêja ma ac dêdi sêwiŋ tauŋ sêja Ber-Seba. Ma Abraham gêŋgôŋ Ber-Seba kêtu têlê.
568	GEN 22:20	Gêŋ samob tonaŋ su acgom, go biŋ gêdêŋ Abraham gebe “Gôlicgac, Milka kêkôc gôlôac amboac tonaŋ kêtu lasim Nahorŋa.”
571	GEN 22:23	Betuel kêtu Rebeka tama. Lau 8 tonaŋ Milka kêkôc gêdêŋ Abraham lasi Nahor.
572	GEN 22:24	Ma Milka anao, nê ŋaê gebe Reuma, kêkôc Teba, Gaham, Tahas to Maka.
574	GEN 23:2	Ma Sara gêmac êndu aŋga Kiriat-Arba (ŋaê teŋ gebe Hebron) aŋga gamêŋ Kanaan. Ma Abraham kêsô gebe êpuc taŋiboa sa ma êtaŋ êtu Saraŋa.
575	GEN 23:3	Su, go Abraham gêdi gêwi nê ŋacmatê siŋ ma kêsôm gêdêŋ lau gamêŋ Hetŋa gebe