26	GEN 1:26	Go Anôtô kêsôm gebe “Takêŋ ŋamalac têtôm aêac tauŋ katuŋ, têtôm aêac. Êsêac têtu i gwêcŋa to moc umboŋ ŋalabuŋa ma gêŋ masiŋ to bôc saleŋŋa samob ma gêŋ, taŋ sêgalab to sêlêgeŋ samob, taŋ sêmoa nom naŋ ŋatau.”
160	GEN 6:22	Ma Noa gêgôm gêŋ samob. Eŋ gêgôm kêtôm Anôtô kêjatu eŋ naŋ solopgeŋ. gebe “Ênam sa,” ma
174	GEN 7:14	Êsêac ma bôc saleŋŋa tokaiŋ-tokaiŋ to bôc malacŋa tokaiŋ-tokaiŋ ma gêŋ, taŋ sêgalabgeŋ aŋga nom samob tokaiŋ-tokaiŋ to moc tokaiŋ-tokaiŋ, moc to gêŋ tomagê samob,
206	GEN 8:22	Êtôm nom ŋatêm samob sêsê ŋawê ma sejoŋ ŋanô, malô to ŋandaŋ, ocêsa to komô, eleŋ to êmbêc êjô tau êjô tau.”
211	GEN 9:5	Êtu amac taôm nêm decŋa aê jaê biŋ ŋagêjôŋa tôŋ. Aê jaê biŋ ŋagêjôŋa tôŋ êpi bôc samob ma êpi ŋamalac. Aê jaê ŋamalacnêŋ katuŋ ŋabiŋ ŋagêjôŋa tôŋ êpi lau samob nêŋ lasitêwai amboac tonaŋgeŋ.
236	GEN 10:1	Lau tonec têtu Noa latui Sem agêc Ham ma Japet nêŋ wakuc. Êsêac saka gôlôac lasê gêdêŋ taŋ bu kêsuŋ ŋatêna gêbacnê.
265	GEN 10:30	Êsêacnêŋ gamêŋ sêŋgôŋŋa gêc Mesa ma gêmu kêsô gêdêŋ Separ to gêdêŋ lôc dênaŋ, taŋ kêkô gamêŋ oc kêpiŋa.
311	GEN 12:12	Lau Aiguptu embe sêlic aôm, go sêsôm gebe ‘Ênê awê tonec,’ go sênac aê êndu, ma oc sendec aôm ômoa.
340	GEN 14:3	Êsêac samob sêpi tageŋ sêsêlêŋ sêwê Sidim ŋagaboaŋ (ŋaê teŋ gebe Gwêc Ŋatoŋ).
341	GEN 14:4	Êsêac sêsô Kedorlaomer ŋalabu to sêjam sakiŋ eŋ jala 12 ma jala kêtu 13ŋa êsêac sêkac tauŋ su.
429	GEN 18:4	Êsêac sêkôc bu sêmêŋ gebe akwasiŋ emkaiŋ êsêpŋa, go alêwaŋ taôm aŋgôŋ ajuŋtêna,
433	GEN 18:8	Go kêkôc su gêjac anô to su ŋakana ŋajam ma bulimakao, taŋ eŋ kêmasaŋ naŋ, ma kêkêŋ gêdêŋ êsêac. Êsêac seŋ geŋ ma eŋ tau gêjam sakiŋ êsêac gêmoa ajuŋtêna.
435	GEN 18:10	Apômtau kêsôm gebe “Êndêŋ ocêsa aê oc jamu jandêŋ aôm jamêŋ êtiam ma Sara oc êkôc latu teŋ êndêŋ têm tonaŋ.” Ma Sara kêkô becobo ŋakatam lêlômgeŋ ma taŋasuŋ gêjac.
439	GEN 18:14	Gêŋwapac teŋ gêc, taŋ kêlêlêc Apômtau su me. Êndêŋ ocêsa aê jamu jandêŋ aôm jamêŋ êtiam ma Sara oc êkôc latu êndêŋ têm tonaŋ.”
454	GEN 18:29	Abraham awa gêjac eŋ kêtiam ma kêsôm gebe “Moae ôtap 40geŋ sa aŋga ônê.” Eŋ gêjô eŋ awa gebe “Êtu 40ŋa aê gabe jaŋgôm gêŋ tau ŋanô êsa atom.”
460	GEN 19:2	ma kêsôm gebe “O apômtauagêc, aê jateŋ amagêc gebe anam nêm lêŋ ôkwi api nêm sakiŋwaganê andu. Akwasiŋ emkaiŋ to anêc bêc. Êndêŋ bêbêc kanucgeŋ, go andi ma asêlêŋ nêm intêna.” Mago êsêagêc sêsôm gebe” Masi, aêagêc anêc malacluŋ tonec.”
462	GEN 19:4	Êsêagêc sêc bêc atom tageŋ ma ŋacwaga malacm, ŋacwaga aŋga Sodom tau, wakuc to laŋgwa sêwiŋ tauŋ. Lau samob tomalageŋ sêgi andu tau auc.
475	GEN 19:17	Êsêagêc sêkêŋ êsêac sêmoa awê ma sêsôm gebe “Ôêc ônam katôm kêsi, ôkac taôm ôkwi atom to ôkô ôniŋ awam aŋga gaboaŋ tonec atom. Ôêc ôpi lôc ôna gebe ônaŋa atom.”
546	GEN 21:32	Êsêagêc sêmoatiŋ poac aŋga Ber-Seba su, go Abimelek agêc Pikol, ênê siŋwaganêŋ ŋac ŋamataŋa, dêdi ma sêmu sêja Pilistinêŋ gamêŋ kêtiam.
649	GEN 24:57	Êsêac sêsôm gebe “Aêac amôêc ŋapalêo to atu kênac eŋ tau.”
707	GEN 26:14	Ênê domba to bulimakao taêsam sêmoa ma sakiŋwaga gwalêkiŋ. Pilisti sêlic e têntac sec.
715	GEN 26:22	Ma eŋ gêwi gamêŋ tônê siŋ ma kêkwê bumata wakuc teŋ. Êsêac sêsôm tauŋ kêtu bu tonaŋŋa atom, tec kêsam ŋaê gebe “Rehobot,” + ma kêsôm gebe “Galoc Apômtau kêkêŋ ŋasawa gêdêŋ aêac gebe tatu taêsam aŋga gamêŋ tau.”
721	GEN 26:28	Êsêac sêsôm gebe “Aêac alic gêc awêgeŋ gebe Apômtau gêwiŋ aôm, tec taêŋ gêjam gebe awiŋ aôm ma tatôc lemeŋ ma tamoatiŋ poac êndêŋ tauŋ,
773	GEN 27:45	e têtac ŋandaŋ êôŋ su ma êliŋ biŋ, taŋ gôgôm gêdêŋ eŋ naŋ siŋ, ocgo jasakiŋ biŋ êwac gebe ômu ômôêŋ. Êtu asageŋŋa amagêc lulugeŋ anaŋa awi aê siŋ êndêŋ bêc tageŋ.”
800	GEN 29:4	Ma Jakob kêsôm gêdêŋ êsêac gebe “O ŋoc lasitêwaiac, amac aŋga ondoc.” Êsêac sêsôm gebe “Aêac aŋga Haran.”
801	GEN 29:5	Eŋ kêsôm gêdêŋ êsêac gebe “Amac ajala Nahor latu Laban me masi.” Êsêac sêsôm gebe “Aêac ajala eŋgac.”
802	GEN 29:6	Eŋ kêsôm gêdêŋ êsêac gebe “Eŋ gêmoa ŋajam me masi.” Êsêac sêsôm gebe “Gêmoa ŋajam. Ôlic eŋ latuo Rahel gêmêŋ gêwiŋ domba.”
864	GEN 30:33	Êtu ŋamu biŋ tonec êwaka aê sa gebe aê ŋac gêdêŋ gebe Aôm embe ômôêŋ gebe ônac ŋoc ŋaôli kêsi ma ôlic noniŋ, taŋ ôliŋ komokom to tictêla-tictêla atom to domba, taŋ jejec atom naŋ ŋateŋ, go ôlic aê amboac ŋac geŋgeŋ.”
947	GEN 32:19	go ôsôm gebe ‘Êsêac têtu nêm sakiŋwaga Jakobnê gêŋ. Eŋ gebe êkêŋ gêŋ tau êndêŋ ŋoc ŋatau Esau ŋaômageŋ. Eŋ tau kêdaguc aêac.’”
995	GEN 34:14	Êsêac sêsôm gêdêŋ êsêagêc gebe “Aêac atôm atom gebe akêŋ luŋio êndêŋ ŋac samuc teŋ, taŋ sêsa eŋ atom naŋ. Biŋ amboac tonaŋ êŋgôm aêac majeŋ.
999	GEN 34:18	Êsêacnêŋ biŋ tonaŋ kêmoasiŋ Hamor agêc Hamor latu Sikem.
1007	GEN 34:26	Êsêac sêjac Hamor agêc latu Sikem ŋa siŋ amboac tonaŋgeŋ, ma sêkôc Dina su aŋga Sikemnê andu ma sêc sêja.
1009	GEN 34:28	Êsêac sêjaŋgo nêŋ domba to bulimakao ma doŋki ma gêŋ, taŋ sêmoa malaclêlôm to kôm naŋ su.
1010	GEN 34:29	Êsêac sêkôc waba samob ma nêŋ gôlôac ŋasec-ŋasec samob to nêŋ lauo ma sêwê êsêac sêc sêja ma sêjam geŋgeŋ gêŋ samob, taŋ gêc nêŋ andu naŋ.
1011	GEN 34:30	Ma Jakob kêsôm gêdêŋ Simeon agêc Lewi gebe “Amagêc akalem gêŋ togêjô kêpi aê, gebe êŋgôm lau gamêŋ tonaŋŋa, lau Kanaan to Perisŋa, têntac sec êndêŋ aê êtu amacŋa. Aêŋoc lau luagêcgeŋgoc. Êsêac embe sêmbiŋ tauŋ tôŋ êtu sênac siŋ êndêŋ aêŋa, oc senseŋ aê tauc to ŋoc gôlôac samucgeŋ su tanaŋa.”
1073	GEN 36:32	Beor latu Bela gêjam gôliŋ Edom. Ênê malac ŋaê gebe Dinhaba.
1076	GEN 36:35	Husam gêmac êndu ma Bedad, taŋ kêku Midian tulu aŋga Moabnêŋ gamêŋ naŋ, latu Hadad gêjam gôliŋ gêjô eŋ su. Ênê malac ŋaê gebe Awit.
1080	GEN 36:39	Akbor latu Bal-Hanan gêmac êndu ma Hadar gêjam gôliŋ gêjô eŋ su. Ênê malac ŋaê Pau. Ênê awênê ŋaê Mehetabel. Eŋ Mesahab latuo Matred nê latuo.
1101	GEN 37:17	Ma ŋac tau kêsôm gebe “Êsêac sêc sêja gebe aê gaŋô êsêac sêsôm gebe ‘Taêc tana Dotanmaŋ.’” Tec Josep kêdaguc têwai e jakêtap êsêac sa sêmoa Dotan.
1102	GEN 37:18	Êsêac sêlic eŋ kêsa jaêcgeŋ, mêŋkêdabiŋ êsêac atom tageŋ, ma ac sêkic ênê biŋ gebe sênac eŋ êndu.
1103	GEN 37:19	Êsêac sêsôm gêdêŋ tauŋ gebe “Op, mê ŋatau gêmêŋgac.
1126	GEN 38:6	Ma Juda kêjaliŋ awê teŋ sa ma kêkêŋ gêdêŋ ŋacsêga Er. Ênê ŋaê gebe Tamar.
1169	GEN 39:19	Ênê ŋatau gêŋô biŋ, taŋ nê awê kasôm gêdêŋ eŋ naŋ, gebe “Aômnêm sakiŋwaga gêgôm aê amboac tonaŋ,” tec eŋ têtac ŋandaŋ kêsa.
1210	GEN 41:14	Tec Parao kêsakiŋ lau gebe sêmôêc Josep. Êsêac sêkôc eŋ sebeŋ sa aŋga gêsuŋ. Eŋ kêkaliŋ tau ma kêsô ŋakwê wakuc sa su acgom, go kêsô jakêkô Parao laŋônêm.
1215	GEN 41:19	Ma bulimakao 7 kêtiam sêpi têdaguc êsêac. Êsêac ôliŋ ŋasaŋ to sec ma ŋatêkwa ŋaôma. Aê galic gêŋ teŋ amboac tonaŋ sêmoa Aiguptunêŋ gamêŋ atomanô.
1230	GEN 41:34	Aôm ôkêŋ gejobwaga êtôm gamêŋ samobgeŋ. Êndêŋ jala tomoasu 7 tonaŋ lau embe têtap polom talu lemeŋ teŋ-lemeŋ teŋ sa, go sêkôc talu tageŋ-tageŋ su aŋga êsêacnêŋ atôm gamêŋ Aiguptuŋa samob.
1260	GEN 42:7	Josep gêlic têwai e kêjala êsêac, mago eŋ gêgôm êsêac amboac lau jaba ma kêsaic biŋ êsêac. Eŋ kêsôm gebe “Amac aŋga ondoc amêŋ.” Êsêac sêsôm gebe “Aŋga gamêŋ Kanaanŋa, abe anam ôli mo.”
1263	GEN 42:10	Êsêac sêsôm gêdêŋ eŋ gebe “O apômtau, masianô, nêm sakiŋwaga aêac tec amêŋ abe anam ôli mo.
1276	GEN 42:23	Êsêac sêjam kauc gebe Josep gêŋô êsêac aweŋ atom gebe ŋac ênam biŋ ôkwiŋa teŋ kêkô êsêac ŋasawa.
1288	GEN 42:35	Gêdêŋ taŋ êsêac sêjac nêŋ talu lêtêŋ naŋ, samob sêlic nêŋ bôlêŋ tosabaŋ-tosabaŋ kêsêp nêŋ talu gêdêŋ-gêdêŋgeŋ. Êsêac to tameŋi sêlic nêŋ bôlêŋ tosabaŋ-tosabaŋ ma têtêc tauŋ.
1293	GEN 43:2	Êsêac seŋ polom, taŋ sêkôc aŋga Aiguptu naŋ, e gêbacnê su, go tameŋi kêsôm gêdêŋ êsêac gebe “Amu ana êtiam gebe anam ôli aêacnêŋ mo ŋagêdô.”
1298	GEN 43:7	Êsêac sêjô eŋ awa gebe “Ŋac tau kêkip aêac to ma gôlôac ŋam sa ŋapep ma kêsôm gebe ‘Tamemi gacgeŋ gêŋgôŋ mata jali me masi. Amacnêm lasitêwai teŋ gêŋgôŋ me masi.’ Biŋ, taŋ aêac ajac miŋ gêdêŋ eŋ naŋ, gêjô kênac tonaŋgeŋ. Aêac ajala biŋ, tê eŋ kêsôm kêdaguc gebe ‘Akôc lasimi andêŋ aê amêŋ’ nê, kwanaŋgeŋ amboac ondocgeŋ.”
1309	GEN 43:18	Ac sêkêŋ lau tau sêsô Josepnê andu, tec têtêc tauŋ ma sêsôm gebe “Êsêac sêkôc aêac tasô tonec kêtu ŋaôli, taŋ sêkêŋ kêsêp aêacnêŋ talu gêdêŋ tamêŋ kêtu ŋamata naŋŋa. Êsêac sebe sênac siŋ êndêŋ aêac e sêku aêac tulu ma sêkôniŋ aêac tatu gêŋôma to sêjaŋgo aêacnêŋ doŋki su.”
1316	GEN 43:25	Êsêac sêŋô ŋawae gebe sêniŋ gêŋ aŋga tônê, tec sêmasaŋ gêŋ, taŋ sebe sêkêŋ ŋaômageŋ naŋ, ma sêsaê Josep gebe êô lasê êndêŋ ocsalô.
1319	GEN 43:28	Êsêac sêjô eŋ awa gebe “Aômnêm sakiŋwaga, aêac tamemai gêmoa ŋajam. Eŋ gêŋgôŋ mata jaligeŋ.” Ma êsêac sewec to têtap labôc.
1323	GEN 43:32	Êsêac sêjam sakiŋ eŋ tauŋa to êsêac tauŋŋa ma lau Aiguptu, taŋ seŋ gêŋ sêwiŋ eŋ naŋ, tauŋŋa amboac tonaŋgeŋ, gebe lau Aiguptu nêŋ jao kêkô gebe sêniŋ gêŋ sêwiŋ lau Ebolai atom. Gêŋ tonaŋ lau Aiguptu sêlic amboac gêŋ alôb-alôb.
1325	GEN 43:34	Sêkêŋ gêŋ taniŋŋa gêdêŋ êsêac aŋga Josepnê tebo, mago sêkêŋ gêŋ taniŋŋa gêdêŋ Benjamin kêlêlêc êsêac ŋagêdô nêŋ su. Êsêac ŋagêdô têtap laclu tageŋ sa ma Benjamin kêtap nê laclu lemeŋ teŋ sa. Ma êsêac sênôm sêwiŋ eŋ e têntac ŋajam kêsa.
1329	GEN 44:4	Êsêac sêwi malac siŋ sauŋgeŋ ma ŋasawa kêtu baliŋ atom tageŋ, tec Josep kêsôm gêdêŋ nê andu ŋagejobwaga gebe “Ajôc, ôjanda lau tau. Embe ôê êsêac tôŋ, go ôsôm êndêŋ êsêac gebe ‘Amac akêŋ sec gêjô ŋajam kêtu ageŋŋa. Amac ajam geŋgeŋ aêŋoc laclu silber nec kêtu ageŋŋa.
1332	GEN 44:7	Êsêac sêjô eŋ awa gebe “Aêacma apômtau kêsôm biŋ amboac tonaŋ kêtu asageŋŋa. Biŋ amboac tonaŋ ênac jaê nêm sakiŋwaga aêac. Biŋ amboac tonaŋ aêac oc aŋgôm atom.
1393	GEN 46:6	Êsêac sêkôc nêŋ bôc to waba, taŋ têtap sa aŋga Kanaan naŋ, ma sêô lasê Aiguptu, Jakob to nê gôlôac samucgeŋ sêwiŋ eŋ.
1402	GEN 46:15	(Lea latui tau tonaŋ, taŋ Jakob kêka lasê aŋga Mesopotamia sêwiŋ latuo Dina. Êsêac latuŋio to ŋac samob sêpi tageŋ têtôm 33.)
1446	GEN 47:25	Êsêac sêsôm gebe “Aôm gôjam aêac sa aŋgôŋ mateŋ jali. Ma ŋatau, embe ôlic aêac ŋajam, go anam sakiŋ Parao anêc ŋawaegeŋ.”
1479	GEN 49:5	“Simon agêc Lewi êsêagêc lasitêwai. Êsêagêcnêŋ siŋ kêtu ŋaclai sec ŋawaba.
1501	GEN 49:27	“Benjamin kêtôm kêam sec, taŋ kêkac gêŋ gêŋgic-gêŋgic naŋ. Êndêŋ bêbêcgeŋ eŋ êndaŋgôŋ nê gwada ma êndêŋ êtula ênac sam gêŋ, taŋ kêjaŋgo naŋ.”
1534	EXO 1:1	Israel latui, taŋ sêja Aiguptu sêwiŋ Jakob naŋ, nêŋ ŋaê tonec. Êsêac samob sêja tonêŋ gôlôacgeŋ.
1540	EXO 1:7	Mago lau Israel nêŋ wakuc sêka gôlôac lasê e têtu taêsam ŋanô. Êsêac ŋalêlêma atom, sesewec toŋaclaigeŋ e sêjam gamêŋ tau auc.
1547	EXO 1:14	Êsêac sejoŋ lau Israel ŋa kôm ŋawapacgosu. Lau Israel sêkwê andu ŋa poc, taŋ sêmasaŋ ŋa nomku naŋ, to kolda ma sêjam kôm tokôm. Lau Aiguptu sêkac êsêac gebe sênam kôm samob tonaŋ ŋai toŋaôli masigeŋ.
1552	EXO 1:19	Jaomwagaoagêc sêsôm gêdêŋ Parao gebe “Ebolainêŋ lauo têtôm lauo Aiguptuŋa atom. Êsêac ôliŋwalô kaiŋ teŋ. Jaomwagao sêô lasê dêdêŋ êsêac atomgeŋ ma sêkôc ŋapalê su.”
1560	EXO 2:5	Gêdêŋ tonaŋ Parao latuo mêŋgêô lasê gebe êliŋ bu. Ênê sakiŋwagao sêsêlêŋ sêmoa butali. Awê tau gêlic katapa kêkô siŋ ŋalêlôm, go kêsakiŋ nê sakiŋwagao teŋ gebe êkôc gêŋ tau.
1571	EXO 2:16	Ma dabuŋwaga Midianŋa nê latuio 7 sêmoa. Êsêac sêsa jasêkati bu jasêsêwa kêsêp suc, gebe tameŋinê domba sênôm.
1574	EXO 2:19	Êsêac sêsôm gebe “Ŋac Aiguptuŋa teŋ gêjam aêac sa aŋga gejobwaga bôcŋa ma kêkati bu gêjô aêac su jakêkêŋ gêdêŋ domba sênôm.”
1592	EXO 3:12	Anôtô gêjô eŋ awa gebe “Aê oc jawiŋ aôm. Ma gabe jakêŋ ŋabelo tonec êndêŋ aôm gebe ôjala, gebe aê tauc tec kasakiŋ aôm. Ŋabelo tau tonec gebe Êndêŋ taŋ ôwê lau sêwi Aiguptu siŋ su naŋ, oc anam sakiŋ Anôtô aŋga lôc tonec.”
1593	EXO 3:13	Go Mose kêsôm gêdêŋ Anôtô gebe “Embe jandêŋ lau Israel jana ma jasôm êndêŋ êsêac gebe ‘Tameminêŋ Anôtô kêsakiŋ aê tec gamêŋ,’ ma êsêac embe têtu kênac aê gebe ‘Ênê ŋaê amboac ondoc,’ oc jasôm amboac ondoc êndêŋ êsêac.”
1610	EXO 4:8	Ma Anôtô kêsôm gebe “Êsêac embe sêkêŋ êwiŋ aôm atom ma gêŋtalô ŋamataŋa embe ênam êsêac ôkwi atom, go sêkêŋ êwiŋ gêŋtalô êtu luagêcŋa.
1626	EXO 4:24	Êsêac sêsêlêŋ sêmoa intêna e sêô lasê gamêŋ sênêc bêcŋa teŋ. Ma Apômtau gêdac Mose aŋga tônê ma kêsaê gebe ênac eŋ êndu.
1640	EXO 5:7	“Akêŋ oba êndêŋ lau amboac agôm naŋ, êtiam atom. Êsêac tauŋ nasejoŋ oba gebe sêmansaŋ nomku têkê-têkê.
1649	EXO 5:16	Êsêac sêkêŋ oba teŋ gêdêŋ nêm sakiŋwaga atom, mago sêjatu gebe ‘Amansaŋ nomku têkê-têkê.’ Ma galoc ôlic, êsêac sêjac nêm sakiŋwaga gêwiŋ. Ŋakeso gêc aôm taôm nêm lauŋageŋ.”
1653	EXO 5:20	Gejobwaga sêsa aŋga Paraonê andu sêja ma têtap Mose agêc Aron sa. Êsêagêc sêôŋ êsêac sêmoa.
1698	EXO 7:12	Êsêac samob gêdêŋ-gêdêŋgeŋ sêbaliŋ nêŋ tôc jagêc nom e kêtu moac. Mago Aronnê tôc kêdaŋgôŋ êsêacnêŋ tôc samob su.
1714	EXO 7:28	Ôpoac sênam bu Nil auc. Êsêac sêpi nêm andu ma sêsô nêm balêm bêcŋa ma sênêc nêm mê. Êsêac sêpi nêm sakiŋwaga to nêm lau samob nêŋ andu. Êsêac sêsô nêm ki apac polomŋa ŋalêlôm to sênêc nêm suc aŋgaluŋ polomŋa.
1722	EXO 8:7	Ôpoac oc sêwi aôm to nêm andu ma nêm sakiŋwaga to nêm lau samob siŋ. Êsêac oc sêmoa bu Nil tageŋ.”
1733	EXO 8:18	Êndêŋ bêc tonaŋ aê jaŋgôm gamêŋ Gosen amboac teŋ. Ŋoc lau sêmoa gamêŋ tonaŋ, tec daŋguc teŋ êmoa atom e ôjala gebe aê Apômtau gamoa gamêŋ tau ŋalêlôm.
1772	EXO 9:29	Mose kêsôm gêdêŋ eŋ gebe “Êndêŋ taŋ jawi malac siŋ su, go jalam lemoc êndêŋ Apômtau, ma wapap êmbacnê ma kompoc ênac êtiam atom, ec ôjala gebe Apômtau kêtu nom ŋatau.
1806	EXO 10:28	Go Parao kêsôm gêdêŋ Mose gebe “Ôêc su. Ôlic taôm gebe ôlic aê laŋôcanô êtiam atom. Êndêŋ bêc ôlic aê laŋôcanô êtiamŋa, aôm oc ômac êndu.”
1811	EXO 11:4	Ma Mose kêsôm gebe “Apômtaunê biŋ tau tonec gebe Êndêŋ êmbêc êna lugeŋ, go aê jasêlêŋ janac laoc gamêŋ Aiguptuŋa.
1820	EXO 12:3	Asôm êndêŋ Israelnêŋ gôlôac gebe Êndêŋ ajôŋ tonec ŋabêc 10 ŋacwaga samob sêkôc domba ŋalatu tageŋ-tageŋ êtôm nêŋ gôlôacmôkêgeŋ, sêkôc domba tageŋ-tageŋ êtôm andugeŋ.
1823	EXO 12:6	Ajop bôc ŋalatu tau e êndêŋ ajôŋ tonec ŋabêc 14. Êndêŋ ŋabêc tonaŋ ŋaêtula Israelnêŋ gôlôac samob sêmbuc nêŋ domba ŋalatu êtômgeŋ.
1825	EXO 12:8	Êsêac sêpac domba ma sêniŋ êndêŋ êmbêc tonaŋ êwiŋ polom ŋaluc to gêŋgaga ŋamakic.
1829	EXO 12:12	Êndêŋ êmbêc tonaŋ aê jasêlêŋ janac laoc gamêŋ Aiguptuŋa ma janac gêŋ ŋamêc samob êndu, ŋamalac ma bôc. Ma aê jamêtôc Aiguptunêŋ anôtôi samob. Aê Apômtau.
1830	EXO 12:13	Dec, taŋ ansê êpi nêm andu naŋ, êtu amacnêm ŋabelo. Embe jalic, oc jaôc lêlêc amac. Êndêŋ taŋ janac Aiguptu naŋ, gêŋwapac teŋ êpi amac to enseŋ amac su atom.
1832	EXO 12:15	Amac aniŋ polom ŋaluc êtôm bêc 7. Êndêŋ bêc ŋamataŋa amac akôc jist su aŋga nêm andu, gebe ŋac teŋ embe êniŋ polom tojist êndêŋ bêc ŋamataŋa to bêc êtu 7ŋa ŋasawa, naŋ têtiŋ eŋ su aŋga Israelnêŋ.
1833	EXO 12:16	Êndêŋ bêc ŋamataŋa gôlôac dabuŋ sêkac sa. Ma êndêŋ bêc êtu 7ŋa gôlôac dabuŋ sêkac sa êtiam. Êndêŋ bêc tonaŋ lau teŋ sênam kôm atom, kôm amansaŋ gêŋ aniŋŋaŋa tageŋ, tec êtôm gebe anam.
1835	EXO 12:18	Êndêŋ ajôŋ ŋamataŋa ŋabêc 14 ŋaêtula amac aniŋ polom ŋaluc ŋapaŋ e êndêŋ ajôŋ tonaŋ ŋabêc 21 ŋaêtula.
1836	EXO 12:19	Êndêŋ bêc 7 tonaŋ jist ŋagec ênêc amacnêm andu atom. Ŋac jaba teŋ me Israel tauŋ nêŋ ŋac teŋ embe êniŋ polom tojist, naŋ têtiŋ eŋ su aŋga Israelnêŋ gôlôac.
1850	EXO 12:33	Lau Aiguptu sêkac lau Israel gebe sêwi gamêŋ siŋ ŋagaôgeŋ gebe sêsôm gebe “Êsêac embe sêwi aêac siŋ atom, go aêac samob tamac êndu.”
1854	EXO 12:37	Ma lau Israel dêdi aŋga Rameses sêsêlêŋ sêja Sukot. Êsêacnêŋ namba amboac 600,000, mago sêsa lauo to nêŋ gôlôac sa sêwiŋ atom.
1856	EXO 12:39	Ma lau Israel sêkôc polom matac, taŋ sêmasaŋ aŋga Aiguptu naŋ, aŋga nêŋ suc ma sêpac polom ŋaluc. Polom tau ŋaluc gebe lau Aiguptu sesoc êsêac, tec nêŋ ŋasawa sêkêŋ jist êsêpŋa masi. Êsêac sêmasaŋ gêŋ sêniŋ aŋga intênaŋa gêwiŋ atom amboac tonaŋgeŋ.
1887	EXO 13:19	Ma Mose kêkôc Josepnê ŋatêkwa gêwiŋ kêtôm Josep kêtôc lêma ma kêmasaŋ biŋ gêdêŋ lau Israel gebe “Anôtô oc ênam amac kêsi. Êndêŋ tonaŋ amac akôc ŋoc ŋatêkwa aŋga tonec êwiŋ.”
1918	EXO 14:28	Gwêc gêjô tau mala ma kêmakop Paraonê kareta to lau sêŋgôŋ hos ŋaôŋa ma nê toŋ samob, taŋ têdaguc lau Israel sêsêp gwêc sêja naŋ. Êsêacnêŋ teŋ gêmoa kêtiam atom.
1924	EXO 15:3	Apômtau eŋ siŋsêlêc laŋgwa. Ênê ŋaê gebe Apômtau.