72	GEN 3:16	Eŋ kêsôm gêdêŋ awê gebe “Aê jakêŋ ŋandaŋ taêsam êndêŋ aôm êndêŋ noc ôkêkam ŋapalêŋa. Ôkôc ŋapalê toŋandaŋgeŋ. Aôm matam katu nêm akweŋ, mago eŋ êtu nêm ŋatau.”
73	GEN 3:17	Ma eŋ kêsôm gêdêŋ Adam gebe “Aôm kôkêŋ taŋam nêm awênê biŋ ma goeŋ ka ŋanô, taŋ gajac jao gêdêŋ aôm gebe ôniŋ atom naŋ. Kêtu tonaŋŋa aê japuc boa nom êtu aômŋa. Ônam kôm ôim taôm sugeŋ êtôm bêc samob, taŋ ômoa naŋ, go nom êlôm aôm.
75	GEN 3:19	Ônam kôm towaeŋgeŋ, go ôtap mo sa e ôtu nom êtiam gebe aômnêm ŋam gêc nom. Aôm nom, tec ômu ôndêŋ nom ôna êtiam.
152	GEN 6:14	Ônsô waŋ kapôêŋ teŋ ŋa ka balaŋ. Ômansaŋ tobalêm-tobalêm ma opeŋ sip aŋga dêmôêŋa to lêlômŋa.
153	GEN 6:15	Ônsô waŋ tau amboac tonec gebe ŋalêsiŋ baliŋ amboac saka 60, takôcŋa amboac saka 10 ma ŋaô amboac saka 6.
154	GEN 6:16	Ômansaŋ waŋ tau ŋasalôm ma katam kapôêŋ ênêc lêsiŋŋa. Ôwa ŋalêlôm êkôc êna deŋ têlêac, deŋ ŋalabuŋa to deŋ êtu luagêcŋa ma deŋ êtu têlêacŋa.
161	GEN 7:1	Go Apômtau kêsôm gêdêŋ Noa gebe “Ôsô waŋ ôna, aôm to nêm gôlôac samob gebe aê galic aôm amboac ŋac gêdêŋ gômoa aê laŋôcnêm aŋga lau tonaŋ ŋalêlôm.
162	GEN 7:2	Ôkôc bôc 7-7 aŋga bôc selec samob nêŋ, kapoac to têna. Mago ôkôc bôc luagêc-luagêc aŋga bôc, taŋ selec atom naŋ, kapoac teŋ ma têna teŋ.
163	GEN 7:3	Moc umboŋ ŋalabuŋa amboac tonaŋ. Ôkôc 7-7 êtômgeŋ, kapoac to têna gebe sênac ŋawê tôŋ aŋga nom.
200	GEN 8:16	“Ôwi waŋ siŋ ôsa ôna, amagêc nêm awê ma latômi to lawamio wakuc sêwiŋ aôm,
312	GEN 12:13	Ôsôm gebe aêŋoc luco aôm e sêlêwaŋ aê êtu aômŋa.”
328	GEN 13:9	Gamêŋ samuc tonec gôlic atom me. Ôsu taôm su aŋga aê. Embe ôkôc gamêŋ gasêŋa, go aê jana anôŋaŋa. Embe ôkôc gamêŋ anôŋa, go aê jana gasêŋaŋa.”
333	GEN 13:14	Lot kêsu tau su aŋga Abramnê, go Apômtau kêsôm gêdêŋ Abram gebe “Ôc matamanô sa ma ôlic gamêŋ samob, taŋ kêgi aôm auc naŋ, gêmu kêpi go gêmu kêsêp ma gêmu kêsô to gêmu kêsaŋa
336	GEN 13:17	Ôndi ôsêlêŋ e naôndêŋ gamêŋ ŋamadiŋ makeŋ-makeŋ, gebe aê gabe jakêŋ êndêŋ aôm.”
358	GEN 14:21	Ma kiŋ Sodomŋa kêsôm gêdêŋ Abram gebe” Ôkêŋ ŋamalacgeŋ sêndêŋ aê ma ôkôc waba êtu nêm gêŋ.”
364	GEN 15:3	Ma Abram kêsôm gebe “Ôlic acgom, aôm kôkêŋ gôlôac gêdêŋ aê atom ma gêŋôma teŋ, taŋ têna kêkôc eŋ aŋga ŋoc andu naŋ, oc êtu ŋac êwê kaiŋ aêŋoc gêŋlênsêm.”
370	GEN 15:9	Eŋ kêsôm gêdêŋ eŋ gebe “Ôkôc bulimakao têna ŋajala kêtu têlêac to noniŋ têna ŋajala kêtu têlêac ma domba kapoac ŋajala kêtu têlêac ma balôsi teŋ to moŋgôm ŋalatu teŋ, go ômôêŋ.”
374	GEN 15:13	Go Apômtau kêsôm gêdêŋ Abram gebe “Ôŋô, ma ôjala êtu tôŋ gebe nêm wakuc oc têtu lau jaba aŋga gamêŋ, taŋ êsêac tauŋ sêwê kaiŋ atom naŋ, ma têtu gêŋôma ma sêkôniŋ êsêac êtôm jala 400.
388	GEN 16:6	Mago Abram kêsôm gêdêŋ Sarai gebe “Ôlic acgom, nêm sakiŋwagao kêtu aômnêm gêŋgac. Ôŋgôm gêŋ, taŋ taêm ênam naŋ, êndêŋ eŋ.” Ma Sarai kêkôniŋ eŋ, tec gêbôm gêja.
391	GEN 16:9	Go Apômtaunê aŋela kêsôm gêdêŋ eŋ gebe “Ômu ôndêŋ nêm ŋatauo ôna êtiam naôsô eŋ ŋalabu.”
393	GEN 16:11	Ma Apômtaunê aŋela kêsôm gêdêŋ eŋ gebe “Aôm taêm ma ôkôc ŋapalê ŋac. Ôê ênê ŋaê gebe Ismael gebe Apômtau kêkêŋ taŋa nêm gêŋwapac.
417	GEN 17:19	Mago Anôtô kêsôm gebe “Masi, nêm awê Sara oc êkôc nêm latôm teŋ. Ôê ênê ŋaê gebe Isak. Ma aê gabe jamoatiŋ ŋoc poac êndêŋ eŋ êtu poac ênêc teŋgeŋŋa êndêŋ ênê wakuc, taŋ sêndaŋguc eŋ naŋ.
430	GEN 18:5	go aê jakôc gêŋ ŋagec mêŋaniŋ tekwem êsa. Aniŋ su acgom, go asêlêŋ nêm lêŋ êtiam gebe mêŋaô lasê nêm sakiŋwaga sugac.” Ma êsêac sêsôm gebe “Ôŋgôm amboac kôsôm.”
431	GEN 18:6	Ma Abraham kêlêti kêsô becobo ŋalêlôm gêdêŋ Sara gêja ma kêsôm gebe “Ôkôc polom laclu têlêac ôŋgamuc ma ôpac ŋagaôgeŋ.”
450	GEN 18:25	Ônac jaê biŋ amboac tonaŋ, aôm ôŋgôm gêŋ amboac tonec gebe onseŋ lau gêdêŋ sêwiŋ lau sec naŋ atom. Embe ôŋgôm, ŋacgêdêŋ oc êndac êtôm ŋac sec. Ônac jaê biŋ amboac tonaŋ. Ŋac-kêmêtôc-nomwaga êmêtôc naêndêŋ-geŋmaŋ.”
463	GEN 19:5	Ma êsêac sêmôêc Lot ma sêsôm gebe “Ŋacwaga, taŋ sêô lasê aôm gêdêŋ gêbêc naŋ, sêmoa ondoc. Ôkôc êsêagêc sêsa sêndêŋ aêac sêmêŋmaŋ gebe ajala êsêagêc.”
473	GEN 19:15	Gêu bôŋ ma aŋela sêkac Lot ma sêsôm gebe “Ôndi, ôkôc nêm awê to latômoagêc, taŋ sêmoa tonec naŋ, gebe ŋagêjô, taŋ êtap malac sa naŋ, enseŋ aôm su ôwiŋ atom.”
475	GEN 19:17	Êsêagêc sêkêŋ êsêac sêmoa awê ma sêsôm gebe “Ôêc ônam katôm kêsi, ôkac taôm ôkwi atom to ôkô ôniŋ awam aŋga gaboaŋ tonec atom. Ôêc ôpi lôc ôna gebe ônaŋa atom.”
478	GEN 19:20	Alic acgom, malac tônê gêc ŋagala kêtôm gebe jaêc jana tônê, ma malac tau sauŋanô. Ôlôc sa gebe jaêc jana tônê. Malac tau sauŋanô atom me. Jaêc jana tônê, go jamoa matoc jali.”
499	GEN 20:3	Mago gêdêŋ gêbêc Anôtô gêsuŋ mê gêdêŋ Abimelek ma kêsôm gêdêŋ eŋ gebe “Ôlic taôm, aôm ômac êndu êtu awê, taŋ aôm kôkôc naŋŋa, gebe ŋac teŋ nê awê eŋgoc.”
524	GEN 21:10	Tec kêsôm gêdêŋ Abraham gebe “Ôtiŋ sakiŋwagao tonec nê latu su gebe sakiŋwagao tonec nê latu êwê kaiŋ gêŋlênsêm êwiŋ latuc Isak atom.”
526	GEN 21:12	Mago Anôtô kêsôm gêdêŋ Abraham gebe “Nêm ŋalêlôm ŋawapac êtu ŋapalê tau to nêm sakiŋwagaoŋa atom. Ôŋgôm biŋ samob, taŋ Sara kêsôm naŋ, ŋanô êsa gebe sêsam nêm wakucnêŋ ŋaê sêndaŋguc Isaknê ŋaêgeŋ.
531	GEN 21:17	Anôtô gêŋô ŋapalê kêtaŋ ma Anôtônê aŋela awa gêjac Hagar aŋga undambê ma kêsôm gêdêŋ eŋ gebe “Asageŋ gêgôm aôm, Hagar. Ôtêc taôm atom gebe Anôtô gêŋô ŋapalê awa aŋga gamêŋ naŋ
532	GEN 21:18	Ôndi sa, ôsip eŋ sa ma ôkôc eŋ ŋajaŋa gebe aê gabe jakêŋ eŋ êtu laum kapôêŋ teŋ.”
544	GEN 21:30	Eŋ kêsôm gebe “Ôkôc domba ŋalatu 7 tonaŋ su aŋga lemoc ec têtu ŋabelo êndêŋ aôm ôjala gebe aê tauc tec kakwê bumata tau.”
550	GEN 22:2	Ma Anôtô kêsôm gebe “Ôkôc nêm latôm tageŋ Isak, taŋ têmtac gêwiŋ eŋ naŋ, ma ôna gamêŋ Moria. Aŋga ônê ôkêŋ eŋ êtu daja aŋga lôc teŋ ŋatêpôê taŋ gabe jatôc êndêŋ aôm naŋ.”
578	GEN 23:6	“O apômtau, ôkêŋ taŋam ma biŋ. Aôm gômoa gôwiŋ aêac amboac kasêga towae teŋ. Ônsuŋ nêm ŋacmatê êsêp ma sêô ŋajamanô tau. Aêacma ŋac teŋ êŋgamiŋ nê sêô êndêŋ aôm me êkô aôm auc êtu ônsuŋ nêm ŋacmatê êsêpŋa atom.”
583	GEN 23:11	“O apômtau, masianô. Ôŋô ŋoc biŋ. Aê jakêŋ kôm to jakêŋ ŋapocgêsuŋ, taŋ gêc kôm tau naŋ, ŋaômageŋ êndêŋ aôm. Aê kakô ŋoc lau laŋôŋnêmŋa, tec jakêŋ gêŋ tau ŋaômageŋ êndêŋ aôm. Ônsuŋ nêm ŋacmatêmaŋ.”
585	GEN 23:13	Ma eŋ kêsôm gêdêŋ Epron e gamêŋ ŋatau sêŋô sêwiŋ gebe “Aê jateŋ aôm gebe ôkêŋ taŋam aê. Aê jakêŋ kôm ŋaôli êndêŋ aôm. Ôkôc ŋaôli aŋga aê lemoc gebe jansuŋ ŋoc ŋacmatê aŋga tonaŋ.”
587	GEN 23:15	“O apômtau, ôŋô ŋoc biŋ. Aêagêc tasôm biŋ taêsam êpi gamêŋ, taŋ ŋaôli amboac dôŋ silberŋa 400geŋ naŋ, êtu ageŋŋa. Ônsuŋ nêm ŋacmatêmaŋ.”
594	GEN 24:2	Ma Abraham kêsôm gêdêŋ nê sakiŋwaga ŋamataŋa, taŋ gejob ênê gêŋ samob naŋ, gebe “Ôkêŋ lêmam êsô lambic
598	GEN 24:6	Abraham kêsôm gêdêŋ eŋ gebe “Ôlic taôm, ôkêŋ latuc êna ônê atom.
605	GEN 24:13	Ôlic acgom, aê mêŋkakô bumata ŋatali ma malacm latuŋio oc sêsa mêŋtêtê.
606	GEN 24:14	Ŋapalêo, taŋ jasôm biŋ êndêŋ eŋ gebe ‘Ôlêwaŋ ku gebe mêŋjanôm bu’ naŋ, embe êsôm gebe ‘Wacônôm ma jakêŋ bu êndêŋ nêm kamele sênôm amboac tonaŋgeŋ,’ naŋ jajala gebe tecenec aôm kôjaliŋ sa kêtu nêm ŋacsakiŋ Isakŋa. Biŋ tonaŋ êtu ŋabelo êndêŋ aê e jajala gebe kôwaka têmtac gêwiŋ ŋoc ŋatauŋa sa.”
615	GEN 24:23	ma kêsôm gebe “Asanê latuo aôm. Ôsôm acgom, ŋasawa gêc tamamnê andu êtôm aêac anêcŋa me masi.”
623	GEN 24:31	Ma eŋ kêsôm gebe “O ŋatau, taŋ Apômtau gêjam mec naŋ, kôkô awê kêtu asageŋŋa. Ôsô ômôêŋmaŋ, aê kamasaŋ andu su to gamêŋ kêtu kameleŋa.”
635	GEN 24:43	Ôlic aê, galoc kakô bumata. Ŋapalêo, naŋ êsa êmêŋ gebe êtê bu ma jasôm biŋ êndêŋ eŋ gebe “Aê jateŋ aôm ôkêŋ bu ŋagec aŋga nêm ku mêŋjanôm,”
636	GEN 24:44	ma embe êsôm êndêŋ aê gebe “Ônômmaŋ, ma aê gabe jatê êndêŋ nêm kamele amboac tonaŋ,” naŋ awê tecenaŋ êtu awê taŋ Apômtau kêjaliŋ eŋ sa kêtu ŋoc ŋataunê latuŋa.’
637	GEN 24:45	“Aê taêc gêjam biŋ tonaŋ gêbacnê su atomgeŋ, tec Rebeka kêsa gêmêŋ gêôc nê ku jakêsêp bumata ma kêtê bu. Ma aê kasôm gêdêŋ eŋ gebe ‘Ôkêŋ bu mêŋjanôm.’
638	GEN 24:46	Eŋ sebeŋ kêlêwaŋ ku su ma kêsôm gebe ‘Ônômmaŋ, ma aê gabe jakêŋ bu êndêŋ nêm kamele sênôm amboac tonaŋgeŋ.’ Tec aê ganôm ma eŋ kêkêŋ bu gêdêŋ kamele sênôm amboac tonaŋ.
647	GEN 24:55	Mago têna agêc lu sêsôm gebe “Ôlôc gebe ŋapalêo êmoa êwiŋ aêac bêc ŋagêdô amboac bêc 10 su, go aêc ana.”
681	GEN 25:22	Ôliŋbôm sêmônaŋ tauŋ sêmoa eŋ têtaclêlôm ma eŋ kêsôm gebe “Embe amboac tonaŋ, naŋ jamoa êtu asageŋŋa.” Tec gêja gebe êtu kênac Apômtau.
689	GEN 25:30	ma Esau kêsôm gêdêŋ Jakob gebe “Ôkêŋ gêŋ kokoc tonaŋ sebeŋ êndêŋ aê mêŋjaniŋ gebe aê tekoc gêbac.” Kêtu tonaŋŋa sêsam eŋ gebe Edom.
690	GEN 25:31	Mago Jakob kêsôm gebe” Ôkêŋ nêm gêŋlênsêm ŋacsêgaŋa êndêŋ aê jawê kaiŋ acgom.”
692	GEN 25:33	Jakob kêsôm gebe “Ôtôc lêmam êmuŋ acgom.” Ma eŋ kêtôc lêma ma kêkêŋ nê gêŋlênsêm ŋacsêgaŋa gêdêŋ Jakob gêwê kaiŋ.
695	GEN 26:2	Ma Apômtau geoc tau lasê gêdêŋ eŋ ma kêsôm gebe “Ôsêp Aiguptu ôna atom. Ômoa gamêŋ, taŋ jasôm ŋabiŋ êndêŋ aôm naŋgeŋ.
709	GEN 26:16	Ma Abimelek kêsôm gêdêŋ Isak gebe “Ôêc ôna gebe aôm kôtu ŋaclai ŋatau kôlêlêc aêac su.”
717	GEN 26:24	Ma Apômtau geoc tau lasê gêdêŋ eŋ gêdêŋ gêbêc tonaŋ ma kêsôm gebe “Tamam Abraham nê Anôtô aê. Ôtêc taôm atom gebe aê jawiŋ aôm ma gabe janam mec aôm to jakêŋ nêm wakuc têtu taêsam kêtu ŋoc sakiŋwaga Abrahamŋa.”
735	GEN 27:7	‘Ôkôc gwada êtu aêŋa, mêŋômansaŋ gêŋ tau gebe janiŋ ma janam mec aôm êmuŋ jakô Apômtau laŋônêmŋa, go jamac êndu.’
737	GEN 27:9	Ôna ôkôc noniŋ ŋalatu kapoac luagêc aŋga ŋatoŋ mêŋjamansaŋ tamamnê gêŋ êtôm têtac êwiŋ
753	GEN 27:25	Go eŋ kêsôm gebe “Ôkêŋ gêŋ êndêŋ aê mêŋjaniŋ latucnê gwada ma janam mec aôm.” Tec eŋ kêkêŋ gêŋ gêdêŋ eŋ geŋ ma kêkêŋ wain gêdêŋ eŋ gênôm.
757	GEN 27:29	Eŋ êkêŋ tenteŋlatu sênam sakiŋ aôm to laum sewec êndêŋ aôm. Ôtu lasiminêŋ ŋatau to tênam latui sewec êndêŋ aôm. Aê japuc boa lau, taŋ sêpuc boa aôm to janam mec êsêac, taŋ sênam mec aôm.”
765	GEN 27:37	Isak gêjô Esau awa gebe “Ôlic acgom, aê kakêŋ eŋ kêtu nêm ŋatau ma kakêŋ lasii samob gêdêŋ eŋ gebe têtu ênê sakiŋwaga ma kakêŋ polom to wain gêdêŋ eŋ gêwê kaiŋ. O latucenec, aê janam aôm sa ŋa gêŋ amboac ondoc.”
770	GEN 27:42	Rebeka gêŋô latusêga Esau nê biŋ tonaŋ ŋaboŋa, tec kêsakiŋ biŋ gêdêŋ ŋac sauŋ Jakob ma kêkalem eŋ ma kêsôm gêdêŋ eŋ gebe “Ôlic acgom, têwam Esau gebe êkac kamocgôc. Eŋ gebe ênac aôm êndu, tec kêkic aômnêm biŋ.
771	GEN 27:43	Kêtu tonaŋŋa, latucenec, taŋam wamu aê aoc. Ôndi ôêc ôndêŋ lucŋac Laban ôna Haran.
772	GEN 27:44	Ômoa ôwiŋ eŋ têm ŋagêdô e têwamnê ŋalêlôm êtu malô
775	GEN 28:1	Go Isak gêmôêc Jakob ma gêjam mec eŋ, go kêjatu eŋ ma kêsôm gebe “Ônam awê gamêŋ Kanaanŋa teŋ êtu nêm awê atomanô.
776	GEN 28:2	Ôndi ôêc ôna Mesopotamia ôndêŋ tênam tama Betuel nê andu ma ônam awê teŋ aŋga tênamnê luŋac Laban nê latuionêŋ.
780	GEN 28:6	Esau gêlic gebe Isak gêjam mec Jakob ma kêsakiŋ eŋ gêja Mesopotamia gebe ênam awê aŋga ônê ma gêdêŋ taŋ gêjam mec eŋ naŋ, kêjatu eŋ gebe “Ônam awê gamêŋ Kanaan ŋa teŋ êtu nêm awê atomanô,”
802	GEN 29:6	Eŋ kêsôm gêdêŋ êsêac gebe “Eŋ gêmoa ŋajam me masi.” Êsêac sêsôm gebe “Gêmoa ŋajam. Ôlic eŋ latuo Rahel gêmêŋ gêwiŋ domba.”
811	GEN 29:15	Go Laban kêsôm gêdêŋ Jakob gebe “Aôm aŋga ŋoc gôlôacnêŋ, tec ônam sakiŋ aê ŋaôma me. Ôsômmaŋ, jakêŋ ŋagêjô amboac ondoc êndêŋ aôm êjô nêm kôm.”
817	GEN 29:21	Go Jakob kêsôm gêdêŋ Laban gebe “Ôkêŋ ŋoc awê êndêŋ aê gebe jamoa jawiŋ eŋ gebe ŋoc têm gêbacnê.”
832	GEN 30:1	Rahel kêsaê gebe eŋ oc êkôc ŋapalê êjô Jakob atom, tec gêjam lêmuŋ têwao ma kêsôm gêdêŋ Jakob gebe “Ôka ŋoc gôlôac lasê. Embe masi, oc jamac êndu.”
834	GEN 30:3	Go eŋ kêsôm gebe “Ŋoc sakiŋwagao Bilha tonec. Ômoa ôwiŋ eŋ gebe êkôc ŋapalê êŋgôŋ aê labucm gebe jatap latuc teŋ sa aŋga ênê.”
845	GEN 30:14	Gêdêŋ têm sejoŋ kôm ŋanô saŋa naŋ, Ruben gêja kôm ma kêtap kaŋanô ŋagêdô sa, taŋ lauo kapoac sêkôc êtu sêkêkam ŋapalêŋa. Eŋ kêkêŋ gêdêŋ têna Lea. Ma Rahel kêsôm gêdêŋ Lea gebe “Ôkêŋ latômnê kaŋanô êndêŋ aêmaŋ.”
847	GEN 30:16	Gêdêŋ kêtula Jakob gêmu gêmêŋ aŋga kôm ma Lea kêpuc eŋ tôŋtôŋ ma kêsôm gebe “Ôndêŋ aê ômôêŋmaŋ gebe aê gajam ôli aôm ŋa latucnê ka ŋanô.” Tec gêmoa gêwiŋ eŋ gêdêŋ gêbêc tonaŋ.
856	GEN 30:25	Rahel kêkôc Josep su, go Jakob kêsôm gêdêŋ Laban gebe “Ôsakiŋ aê jamu jana ŋoc malac to ŋoc gamêŋ.
857	GEN 30:26	Ôkêŋ ŋoc lauo to ŋoc gôlôac êndêŋ aê gebe aê gajam sakiŋ aôm kêtu êsêacŋa. Ôlôc, go jaêc jana. Aôm kôjala sakiŋ, taŋ gajam gêdêŋ aôm naŋgac.”
858	GEN 30:27	Ma Laban kêsôm gêdêŋ eŋ gebe “Ôlic aê ŋajammaŋ. Aê kapuc kapoac ma katap sa gebe Apômtau gêjam mec aê kêtu aômŋa.
859	GEN 30:28	Ôsam nêm ŋaôli ma aê gabe jakêŋ êndêŋ aôm.”
862	GEN 30:31	Ma Laban kêsôm gebe “Amboac tonaŋ aê jakêŋ asageŋ êndêŋ aôm.” Ma Jakob gêjô eŋ awa gebe “Ôkêŋ gêŋ teŋ êndêŋ aê atom. Aôm embe ôlôc êndêŋ ŋoc biŋ tonec, go aê jatu gejobwaga ma jajop nêm bôc êtiam.
877	GEN 31:3	Tec Apômtau kêsôm gêdêŋ Jakob gebe” Ômu tamami to nêm tawaŋ nêŋ gamêŋ ôna ma aê oc jawiŋ aôm.”
886	GEN 31:12	Ma eŋ kêsôm gebe ‘Ôc matamanô sa ma ôlic. Noniŋ kapoac samob, taŋ sêgêli noniŋ têna naŋ, ôliŋ komokom to tictêla-tictêla ma talô-talô gebe aê galic gêŋ samob, taŋ Laban gêgôm gêdêŋ aôm naŋ.
898	GEN 31:24	Mago gêdêŋ gêbêc Anôtô jagêsuŋ mê gêdêŋ ŋac Aramŋa Laban ma kêsôm gêdêŋ eŋ gebe “Ôlic taôm, ôsôm biŋ ŋajam me sec êndêŋ Jakob atom.”
903	GEN 31:29	Aê katôm gebe jaŋgôm aôm sec. Mago tamamnê Anôtô kêsôm biŋ gêdêŋ aê gêdêŋ gêbêc tonaŋ gebe ‘Ôlic taôm, ôsôm biŋ ŋajam me sec teŋ êndêŋ Jakob atom.’
925	GEN 31:51	Go Laban kêsôm gêdêŋ Jakob gebe “Ôlic toŋ to alê poc tonec, taŋ aê gajac sa kêkô aêagêc ŋasawa naŋ.
938	GEN 32:10	Ma Jakob kêsôm gebe “O tamoc Abraham nê Anôtô ma tamoc Isak nê Anôtô, o Apômtau, aôm kôsôm gêdêŋ aê gebe ‘Ômu ôna nêm gamêŋ to nêm gôlôac ma aê gabe jamoasiŋ aôm.’
955	GEN 32:27	Ma eŋ kêsôm gebe “Ôwi aê siŋ gebe gêu bôŋgac.” Mago Jakob kêsôm gebe “Aê jawi aôm siŋ atom e ônam mec aê êmuŋ acgom.”
958	GEN 32:30	Ma Jakob kêtu kênac eŋ gebe “Ôsam nêm ŋaê êndêŋ aê.” Mago eŋ kêsôm gebe “Aôm kôtu kênac ŋoc ŋaê kêtu asageŋŋa.” Ma eŋ gêjam mec Jakob aŋga tônê.
970	GEN 33:9	Mago Esau kêsôm gebe “O lasicenec, aêŋoc gêŋ kêtôm aê. Ôkôc nêm gêŋmaŋ.”
985	GEN 34:4	Tec Sikem kêsôm gêdêŋ tama Hamor gebe “Ômansaŋ biŋ gebe ŋapalêo tonaŋ êtu ŋoc awê.”
1023	GEN 35:11	Ma Anôtô kêsôm gêdêŋ eŋ gebe “Ŋajaŋa ŋatau Anôtô aê. Ôka gôlôac lasê e têtu lau taêsam. Laum kapôêŋ teŋ ma lau toê-toê sêsa aŋga aômnêm. Ma kiŋ sêsa aŋga aômnêm amboac tonaŋgeŋ.
1029	GEN 35:17	Gêdêŋ taŋ ŋandaŋ kêtuŋ eŋ ŋanô naŋ, ênê jaomwagao kêsôm gêdêŋ eŋ gebe “Ôtêc taôm atom. Aôm ôkôc ŋapalê ŋac teŋ êtiam.”
1097	GEN 37:13	Ma Israel kêsôm gêdêŋ Josep gebe “Aôm gôlicgac me, têwami sejop bôc sêmoa Sikem. Ômôêŋ acgom, aê gabe jasakiŋ aôm ôndêŋ êsêac ôna.” Ma Josep kêsôm gêdêŋ eŋ gebe “Aê tec gamoa.”