2	GEN 1:2	Nom tau sawa to ŋagêlêŋ ma ŋakesec kêkôm gwêc ŋamsêga auc ma Anôtônê Ŋalau kêlao gêmoa bu ŋaô.
3	GEN 1:3	Ma Anôtô kêsôm gebe “Ŋawê êsa”, e ŋawê kêsa.
42	GEN 2:11	Ŋasêli ŋamata ŋaê gebe Pison. Bu tonaŋ kêgi gamêŋ Hawila, taŋ gold gêc naŋ,
49	GEN 2:18	Go Apômtau Anôtô kêsôm gebe “Ŋamalac taugeŋ êmoa oc ŋajam atom. Aê gabe jakêŋ kêpuctôŋo teŋ êndêŋ eŋ, taŋ êtôm eŋ naŋ.”
51	GEN 2:20	Ŋamalac gê bôc malacŋa samob nêŋ ŋaê to kêsam moc umboŋ ŋalabuŋa nêŋ ŋaê ma bôc saleŋŋa amboac tonaŋ, mago kêtap ŋamalacnê kêpuctôŋo teŋ gebe êtôm eŋŋa sa atom.
53	GEN 2:22	Ŋabi taŋ Apômtau Anôtô kêkôc aŋga ŋamalacnê naŋ, eŋ kêmasaŋ kêtu awê ma kêkêŋ gêdêŋ ŋamalac.
54	GEN 2:23	Go ŋamalac kêsôm gebe “Kecgoc, galoc katap ŋatêkwa aŋga aêŋoc sa ma ŋamêsôm aŋga aêŋoc amboac tonaŋ. Aê gabe jaê ênê ŋaê gebe ‘Ŋamalaco’ gebe sêkôc aŋga ŋamalacnê.”
68	GEN 3:12	Ŋamalac kêsôm gebe “Awê, taŋ kôkêŋ gebe êwiŋ aê naŋ, kêkêŋ kaŋanô tau gêdêŋ aê, tec gaeŋ.”
93	GEN 4:13	Ma Kain kêsôm gêdêŋ Apômtau gebe “Ŋoc keso ŋagêjô kapôêŋ kêlêlêc ôlicwalô su.
108	GEN 5:2	Eŋ kêkêŋ êsêagêc ŋac to awê ma gêjam mec êsêagêc. Ma gêdêŋ eŋ kêkêŋ êsêagêc naŋ kêsam êsêagêc gebe “Ŋamalac.”
135	GEN 5:29	Eŋ gê ênê ŋaê gebe Noa ma kêsôm gebe “Ŋac tonec ênam aêac kêsi aŋga nêŋ koleŋ to gêŋwapac, taŋ kêtap aêac lemeŋ sa kêtu kôm, taŋ Apômtau kêpuc boa naŋŋa.”
141	GEN 6:3	Go Apômtau kêsôm gebe “Aêŋoc Ŋalau êmoa êwiŋ ŋamalac endeŋ tôŋgeŋ atom gebe eŋ toôli nomŋa tec ênê jala êtôm 120geŋ.”
340	GEN 14:3	Êsêac samob sêpi tageŋ sêsêlêŋ sêwê Sidim ŋagaboaŋ (ŋaê teŋ gebe Gwêc Ŋatoŋ).
355	GEN 14:18	Ma kiŋ Salemŋa, Melkisedek, kêkôc polom to wain gêja. Eŋ kêtu Lôlôc Ŋatau Anôtô nê dabuŋwaga.
356	GEN 14:19	Ma eŋ gêjam mec eŋ to kêsôm gebe “Lôlôc Ŋatau Anôtô, taŋ kêkêŋ undambê to nom naŋ, ênam mec Abram.
357	GEN 14:20	Aweŋ êôc Lôlôc Ŋatau Anôtô, taŋ kêkêŋ nêm ŋacjo sêsô aôm lêmam ŋalabu.” Ma Abram kêkôc gêŋ lemeŋ lu-lemeŋ lu ŋatageŋ-tageŋ sa kêkêŋ gêdêŋ eŋ.
359	GEN 14:22	Mago Abram kêsôm gêdêŋ kiŋ Sodomŋa gebe “Aê katôc lemoc gêdêŋ Lôlôc Ŋatau Apômtau Anôtô, taŋ kêkêŋ undambê to nom naŋ,
365	GEN 15:4	Mago Apômtaunê biŋ gêdêŋ eŋ gebe “Ŋac tonec êwê kaiŋ nêm gêŋlênsêm atom, aôm latôm solop êtu ŋac êwê kaiŋ nêm gêŋlênsêm.”
399	GEN 17:1	Gêdêŋ taŋ Abramnê jala kêtu 99 naŋ, Apômtau geoc tau lasê gêdêŋ eŋ ma kêsôm gêdêŋ eŋ gebe “Ŋajaŋa ŋatau Anôtô aê, ôsa ŋoc lêŋ ômansaŋ taôm ŋapep.
410	GEN 17:12	Ŋapalê ŋac teŋ aŋga aômnêm, taŋ nê bêc êtu 8 naŋ, sêsa eŋ êtôm nêm gôlôacmôkêgeŋ. Lau, taŋ teneŋi sêkôc aŋga taôm nêm andu me ajam ôli ŋa mone aŋga lau jaba nêŋ, taŋ sêsa aŋga aômnêm ŋawê atom naŋ,
428	GEN 18:3	ma kêsôm gebe “Ŋoc apômtau, embe ôlic aê ŋajam, go ôc lêlêc nêm sakiŋwaga atom.
445	GEN 18:20	Go Apômtau kêsôm gebe “Ŋaonda kêpi Sodom to Gomora kêtu kapôêŋ ma êsêacnêŋ sec gêjam sêga.
450	GEN 18:25	Ônac jaê biŋ amboac tonaŋ, aôm ôŋgôm gêŋ amboac tonec gebe onseŋ lau gêdêŋ sêwiŋ lau sec naŋ atom. Embe ôŋgôm, ŋacgêdêŋ oc êndac êtôm ŋac sec. Ônac jaê biŋ amboac tonaŋ. Ŋac-kêmêtôc-nomwaga êmêtôc naêndêŋ-geŋmaŋ.”
463	GEN 19:5	Ma êsêac sêmôêc Lot ma sêsôm gebe “Ŋacwaga, taŋ sêô lasê aôm gêdêŋ gêbêc naŋ, sêmoa ondoc. Ôkôc êsêagêc sêsa sêndêŋ aêac sêmêŋmaŋ gebe ajala êsêagêc.”
467	GEN 19:9	Mago êsêac sêsôm gebe “Aôm ôêc su.” Ma sêsôm gebe “Ŋac tonec gêô lasê amboac ŋac jaba ma galoc ketoc tau sa gebe êtu ŋac-êmêtôc-biŋwaga. Amboac tonaŋ, aêac aŋgôm aôm sec êlêlêc êsêagêc su.” Ma êsêac guluc-gulucgeŋ sebe sêkôc Lot tôŋ ma sebe têtuc katam popoc.
492	GEN 19:34	Ŋageleŋ awêsêga kêsôm gêdêŋ awê sauŋ gebe “Gêdêŋ gêbêc aê gaêc gawiŋ tamoc ma êndêŋ êmbêc takêŋ wain êndêŋ eŋ ênôm êtiam. Su, go aôm ôsô naônêc ôwiŋ eŋ gebe tatap nêŋ wakuc sa aŋga tameŋinê.”
501	GEN 20:5	Abraham tau kêsôm gêdêŋ aê gebe ‘Aêŋoc luco eŋ.’ Ma awê tau kêsôm gebe ‘Ŋoc lucŋac eŋ.’ Aê gagôm gêŋ tau toŋoc ŋalêlôm ŋaŋêŋ ma tolemoc selecgeŋ.”
509	GEN 20:13	Gêdêŋ taŋ Anôtô kêkalem aê ma gawi tamocnê andu siŋ naŋ, kasôm gêdêŋ eŋ gebe Aôm embe têmtac êwiŋ aê, go ôwa aê ŋam sa ma ôsôm êndêŋ lau gamêŋ samobŋa gebe ‘Ŋoc lucŋac eŋ.’”
569	GEN 22:21	Ŋacsêga Us agêc lasi Bus ma Kemuel, taŋ kêtu Aram tama
606	GEN 24:14	Ŋapalêo, taŋ jasôm biŋ êndêŋ eŋ gebe ‘Ôlêwaŋ ku gebe mêŋjanôm bu’ naŋ, embe êsôm gebe ‘Wacônôm ma jakêŋ bu êndêŋ nêm kamele sênôm amboac tonaŋgeŋ,’ naŋ jajala gebe tecenec aôm kôjaliŋ sa kêtu nêm ŋacsakiŋ Isakŋa. Biŋ tonaŋ êtu ŋabelo êndêŋ aê e jajala gebe kôwaka têmtac gêwiŋ ŋoc ŋatauŋa sa.”
608	GEN 24:16	Ŋapalêo tau laŋô ŋajamanô, eŋ awêtakiŋ teŋ, naŋ kêtap ŋac teŋ sa atom tageŋ. Eŋ kêsêp bumata jakêtê bu su ma kêpi gêmêŋ.
610	GEN 24:18	Eŋ kêsôm gebe “Ŋoc ŋatau, ônômmaŋ.” Ma sebeŋ kêlêwaŋ ku kêsêp lêma ma kêkêŋ bu gêdêŋ eŋ gênôm.
618	GEN 24:26	Ŋac tau gewec ma awa gêôc Apômtau
622	GEN 24:30	Eŋ gêlic gêlôŋ to joc, taŋ luo kêka naŋ, ma gêŋô biŋ, luo kêsôm gebe Ŋac tau kêsôm biŋ amboac tonec gêdêŋ aê. Tec eŋ kêlêti gêdêŋ ŋac tau gêja ma kêtap eŋ sa kêkô bumata gêwiŋ nê kamele.
635	GEN 24:43	Ôlic aê, galoc kakô bumata. Ŋapalêo, naŋ êsa êmêŋ gebe êtê bu ma jasôm biŋ êndêŋ eŋ gebe “Aê jateŋ aôm ôkêŋ bu ŋagec aŋga nêm ku mêŋjanôm,”
646	GEN 24:54	Ma eŋ to nê lau, taŋ sêwiŋ eŋ naŋ, seŋ to sênôm gêŋ ma gêdêŋ gêbêc tonaŋ sêc sêwiŋ êsêac. Ŋageleŋ êsêac dêdi sa ma eŋ kêsôm gebe “Asakiŋ aê jamu jandêŋ ŋoc ŋatau jana.”
657	GEN 24:65	ma kêsôm gêdêŋ sakiŋwaga gebe “Asa tê kêpuc aêac tôŋtôŋ nê.” Sakiŋwaga gêjô eŋ awa gebe “Ŋoc ŋatau tau tônê.” Tec eŋ kêkôc nê obo ma kêgêduc tau.
684	GEN 25:25	Ŋac ŋamata, taŋ kêsa naŋ, kokoc ma ôlilu amuc-amuc, tec sê ênê ŋaê gebe Esau.
686	GEN 25:27	Ŋapalê têtu kapôêŋ ma Esau kêtu ŋac lêma gwadaŋa, taŋ kêpê talam lêma kata gêjac laoc gamêŋgeŋ. Ma Jakob kêtu ŋac wapac to ŋaŋêŋ, taŋ gêŋgôŋ becobo.
748	GEN 27:20	Mago Isak kêsôm gêdêŋ latu gebe “Latucenec, amboac ondoc, tec kôtap gwada sa sebeŋ.” Eŋ gêjô eŋ awa gebe “Ŋam gebe Apômtau, aômnêm Anôtô tau, kêkêŋ gêdêŋ aê.” Go Isak kêsôm gêdêŋ Jakob gebe
777	GEN 28:3	Ŋajaŋa ŋatau Anôtô ênam mec aôm gebe ôtap gôlôac wakuc sa e ôtu taêsam ma ôtu lau tom-tom.
834	GEN 30:3	Go eŋ kêsôm gebe “Ŋoc sakiŋwagao Bilha tonec. Ômoa ôwiŋ eŋ gebe êkôc ŋapalê êŋgôŋ aê labucm gebe jatap latuc teŋ sa aŋga ênê.”
865	GEN 30:34	Laban kêsôm gebe “Ŋajam, amboac tonaŋ nêm biŋ êtu tôŋ.”
976	GEN 33:15	Tec Esau kasôm gebe “Aê jawi lau, taŋ sêwiŋ aê naŋ, ŋagêdô siŋ sêwiŋ aôm.” Mago eŋ kasôm gebe “Sêwiŋ aêac êtu ageŋŋa. Ŋoc ŋatau, embe ôlic aê ŋajam, go êtôm.”
1000	GEN 34:19	Ma ŋac wakuc tau gêgôm gêŋ tau ŋanô kêsa sebeŋ gebe eŋ têtac gêwiŋ Jakob latuo. Ŋac tau nê gôlôac tetoc eŋ sa kêlêlêc nêŋ lau ŋagêdô su.
1023	GEN 35:11	Ma Anôtô kêsôm gêdêŋ eŋ gebe “Ŋajaŋa ŋatau Anôtô aê. Ôka gôlôac lasê e têtu lau taêsam. Laum kapôêŋ teŋ ma lau toê-toê sêsa aŋga aômnêm. Ma kiŋ sêsa aŋga aômnêm amboac tonaŋgeŋ.
1043	GEN 36:2	Esau gêjam lauo aŋga lau gamêŋ Kanaanŋa latuŋio nêŋ. Ŋac gamêŋ Hetŋa Elon latuo Ada ma Ana latuo Oholibama. Ana eŋ ŋac gamêŋ Hibŋa Sibeon latu.
1061	GEN 36:20	Ŋac gamêŋ Horŋa Seir latui, taŋ sêŋgôŋ gamêŋ tonaŋ naŋ, tonec gebe Lotan, Sobal, Sibeon, Ana,
1114	GEN 37:30	ma gêmu gêdêŋ lasii jakêsôm gebe “Ŋapalê malamê. Ma aê, aê oc jaêc jasa ondoc jana.”
1144	GEN 38:24	Ŋasawa amboac ajôŋ têlêac gêjaŋa, tec sêjac miŋ gêdêŋ Juda gebe “Lawamo Tamar gêgôm gêŋ mockaiŋoŋa e galoc kêkêkam ŋapalê gêmoa.” Ma Juda kêsôm gebe “Akôc eŋ êsa êna ma akêŋ ja êniŋ eŋ.”
1145	GEN 38:25	Ma êsêac sêwê eŋ kêsa gêja, tec eŋ kêsakiŋ biŋ gêdêŋ lawa gebe “Ŋac, taŋ kêtu gêŋ tonaŋ ŋatau naŋ, kêtu ŋapalê tama.” Ma eŋ kêsôm gebe “Ôsala gêŋ tau ŋapepgeŋ. Ŋatalô êwa ŋatau saŋa, taŋ sepeŋ kêsêp ki naŋ toŋalêkôŋ ma tôc nec ŋatau asa.”
1185	GEN 40:12	Ma Josep kêsôm gêdêŋ eŋ gebe “Mê tonaŋ ŋam amboac tonec gebe Ŋalaka têlêac kêtôm bêc têlêac.
1191	GEN 40:18	Ma Josep gêjô eŋ awa gebe “Ŋam amboac tonec gebe Gadob têlêac kêtôm bêc têlêac.
1208	GEN 41:12	Ŋacseŋom Ebolaiŋa teŋ gêŋgôŋ gêwiŋ aêagêc. Eŋ kêtu siŋwaganêŋ kapitainê sakiŋwaga teŋ. Aêagêc ajac miŋ ma ma gêdêŋ eŋ ma eŋ gêwa mê ŋam sa gêdêŋ aêagêc. Eŋ gêwa sa gêdêŋ aêagêc gêdêŋ-gêdêŋgeŋ katôm ma ma tau.
1218	GEN 41:22	Ma aê gaêc ma teŋ kêtiam naŋ galic mopolom ŋakaiŋ tageŋ gêjam ŋanô 7. Ŋanô tau ŋajam to kapôêŋ.
1223	GEN 41:27	Ma bulimakao ŋatêkwa ŋaôma to sec 7, taŋ mêŋsêpi têdaguc êsêac naŋ, têtôm jala 7. Ŋanô 7 ŋapaôma to mu aŋga oc kêpiŋa kêlêsaŋ atôm jala 7 totôbôm amboac tonaŋ.
1234	GEN 41:38	Ma Parao kêsôm gêdêŋ nê sakiŋwaga gebe “Aêac oc tatap ŋac, taŋ Anôtônê Ŋalau gêjam eŋ auc kêtôm ŋac tonec naŋ, teŋ sa me masi.”
1264	GEN 42:11	Ŋac tageŋ latui aêac samob. Aêac lau mansaŋ. Aômnêm sakiŋwaga atu kêmsecwaga atom.”
1266	GEN 42:13	Ma êsêac sêsôm gebe “Aômnêm sakiŋwaga aêac lasitêwai 12, ŋac Kanaanŋa teŋ latui aêac. Ŋac sauŋ gacgeŋ gêmoa gêwiŋ tamemai ma teŋ gêjaŋa.”
1271	GEN 42:18	Ŋabêc kêtu têlêacŋa go Josep kêsôm gêdêŋ êsêac gebe “Aŋgôm tonec, go amoa matem jali gebe aê katêc Anôtô.
1283	GEN 42:30	“Ŋac, taŋ kêtu gamêŋ tônê ŋatau naŋ, kêsaic biŋ aêac ma geboc aêac atu gamêŋ tau ŋakêmsecwaga.
1285	GEN 42:32	Aêac lasitêwai 12, tamemai latui. Ŋac teŋ gêjaŋa ma ŋac sauŋ gacgeŋ gêŋgôŋ gêwiŋ tamemai gêmoa Kanaan.’
1294	GEN 43:3	Tec Juda kêsôm gêdêŋ eŋ gebe “Ŋac tonaŋ kêjatu aêac ŋajaŋa ma kêsôm gebe ‘Amac alic aê laŋôc atom, e lasimi êwiŋ amac acgom.’
1298	GEN 43:7	Êsêac sêjô eŋ awa gebe “Ŋac tau kêkip aêac to ma gôlôac ŋam sa ŋapep ma kêsôm gebe ‘Tamemi gacgeŋ gêŋgôŋ mata jali me masi. Amacnêm lasitêwai teŋ gêŋgôŋ me masi.’ Biŋ, taŋ aêac ajac miŋ gêdêŋ eŋ naŋ, gêjô kênac tonaŋgeŋ. Aêac ajala biŋ, tê eŋ kêsôm kêdaguc gebe ‘Akôc lasimi andêŋ aê amêŋ’ nê, kwanaŋgeŋ amboac ondocgeŋ.”
1308	GEN 43:17	Ŋac tau gêgôm kêtôm Josep kêjatu naŋ ma gêwê lau sêsô Josepnê andu sêja.
1324	GEN 43:33	Ma Josep têwai to lasi sêŋgôŋ eŋ nêmŋa. Ŋacsêga gêŋgôŋ mala, taŋ gêjac eŋ ŋawae naŋ, ma ŋac sauŋ gêŋgôŋ mala, taŋ gêjac eŋ ŋawae. Ma lau tau sêsala tauŋ e sêŋac lemeŋ.
1330	GEN 44:5	Ŋoc ŋatau gênôm gêŋ kêsêp gêŋ tau tonaŋ to kêpuc kapoac ŋa gêŋ tonaŋ. Amac agôm gêŋ tonaŋ, tec agôm keso ŋanô.’”
1335	GEN 44:10	Ma eŋ kêsôm gebe “Amboac tonaŋ, biŋ, taŋ asôm su naŋ, êtu tôŋ. Ŋac, naŋ jatap gêŋ tau sa aŋga ênê naŋ, êtu ŋoc gêŋôma, ma amac ŋagêdô aêc ana tobiŋmêgeŋ.”
1342	GEN 44:17	Mago Josep kêsôm gebe “Biŋ amboac tonaŋ ênac jaê aê. Ŋac tageŋ, taŋ têtap laclu sa gêc eŋŋa naŋgeŋ êtu ŋoc gêŋôma. Mago amac ŋagêdô, amac aêc tobiŋmalôgeŋ andêŋ tamemi ana.”
1344	GEN 44:19	Ŋoc apômtau kêtu kênac nê sakiŋwaga gebe ‘Amac tamemi me lasimi teŋ gêmoa me masi.’
1345	GEN 44:20	Ma aêac asôm gêdêŋ ŋoc ŋatau gebe ‘Tamemai gêmoa, eŋ kêtu ŋamalacanô sugac, ma lasiŋi sauŋ teŋ gêmoa, taŋ eŋ kêka lasê gêdêŋ kêtu ŋamalacanô su naŋ. Ŋac tau têwa gêmac êndu su, tec eŋ taugeŋ gêmoa, tênanê gôlôac ŋagêdô masi. Ma tama têtac gêwiŋ eŋ.’
1347	GEN 44:22	Aêac asôm gêdêŋ ŋoc apômtau gebe ‘Ŋapalê tau kêtôm gebe êwi tama siŋ atom. Embe êwi tama siŋ, oc tama êmac êndu.’
1418	GEN 46:31	Josep kêsôm gêdêŋ lasitêwai to gêdêŋ tamanê lau gebe “Aê gabe japi jakêŋ amac ŋawae êndêŋ Parao ma jasôm êndêŋ eŋ gebe ‘Ŋoc lasitêwai to tamocnê lau, taŋ sêmoa gamêŋ Kanaan naŋ, dêdêŋ aê sêmêŋ su.
1455	GEN 48:3	Ma Jakob kêsôm gêdêŋ Josep gebe “Ŋajaŋa ŋatau Anôtô geoc tau lasê gêdêŋ aê aŋga Lus, taŋ gêc gamêŋ Kanaan naŋ, to gêjam mec aê
1470	GEN 48:18	Ma Josep kêsôm gêdêŋ tama gebe “O tamoc, amboac tonaŋ atom. Ŋac tonec ŋacsêga, tec u lêmam anôŋa ênsac eŋ môkêapac.”
1471	GEN 48:19	Mago tama gedec ma kêsôm gebe “Aê kajala, latucenec, aê kajalagac. Ŋac tonec oc êtu laum amboac tonaŋ ma êtu kapôêŋ, mago lasi êtu kapôêŋ êlêlêc eŋ ma ênê wakuc têtu laum taêsam.”
1477	GEN 49:3	“Ruben, aôm kôtu ŋoc ŋacsêga, ŋoc ŋaclai to ŋoc ôlicwalô ŋamêc. Ŋac ŋamata waeŋa to ŋac ŋamata ŋaclaiŋa.
1541	EXO 1:8	Gêdêŋ tonaŋ kiŋ wakuc mêŋkêsa aŋga Aiguptu. Ŋac tau gêjam kauc Josep.
1555	EXO 1:22	Go Parao kêjatu nê lau samob gebe “Ŋapalê ŋac samob, taŋ Ebolainêŋ lauo sêkôc naŋ, ambaliŋ samob siŋ sêsêp bu Nil sêna, ma ŋapalêogeŋ tec andec sêmoa.”
1556	EXO 2:1	Ŋac teŋ aŋga Lewinê gôlôac gêjam awê teŋ. Awê tau aŋga Lewinê gôlôac amboac tonaŋ.
1559	EXO 2:4	Ŋapalê luo kêkô ec jaêc sauŋgeŋ, gebe êlic gêŋ ondoc oc êtap ŋapalê tau sa.
1561	EXO 2:6	Parao latuo kêkac baob sa e gêlic ŋapalê teŋ. Ŋapalê tau kêtaŋ, tec taê walô eŋ ma kêsôm gebe “Ebolainêŋ ŋapalê teŋ tonec.”
1568	EXO 2:13	Ŋabêbêc Mose kêsa gêdêŋ nê lau gêja kêtiam ma gêlic Ebolai luagêc sêjac tauŋ. Ma eŋ kêsôm gêdêŋ ŋac, taŋ gêgôm keso naŋ, gebe “Gôjac nêm ŋac kêtu asageŋŋa.”
1574	EXO 2:19	Êsêac sêsôm gebe “Ŋac Aiguptuŋa teŋ gêjam aêac sa aŋga gejobwaga bôcŋa ma kêkati bu gêjô aêac su jakêkêŋ gêdêŋ domba sênôm.”
1578	EXO 2:23	Ŋasawa baliŋ tonaŋ gêbacnê ma kiŋ Aiguptuŋa gêmac êndu. Mago lau Israel seŋ oliŋ tauŋ kêtu nêŋ kôm ŋawapacŋa ma sêmôêc gebe Anôtô ênam êsêac sa. Ma êsêacnêŋ taŋiboa kêtu kôm ŋawapacŋa kêpi gêdêŋ Anôtô gêja.
1592	EXO 3:12	Anôtô gêjô eŋ awa gebe “Aê oc jawiŋ aôm. Ma gabe jakêŋ ŋabelo tonec êndêŋ aôm gebe ôjala, gebe aê tauc tec kasakiŋ aôm. Ŋabelo tau tonec gebe Êndêŋ taŋ ôwê lau sêwi Aiguptu siŋ su naŋ, oc anam sakiŋ Anôtô aŋga lôc tonec.”
1595	EXO 3:15	Ma Anôtô kêsôm gêdêŋ Mose gêwiŋ gebe “Ôsôm êndêŋ lau Israel gebe ‘Apômtau, amac tameminêŋ Anôtô, Abrahamnê Anôtô ma Isaknê Anôtô ma Jakobnê Anôtô kêsakiŋ aê gadêŋ amac gamêŋ.’ Ŋaê tonec kêtu ŋoc ŋaê teŋgeŋ ma teŋgeŋŋa ma gôlôac to gôlôac wakuc samob aweŋ ênac aê ŋa ŋaê tonecgeŋ.
1624	EXO 4:22	Go aôm ôsôm êndêŋ Parao gebe ‘Apômtaunê biŋ tau tonec gebe Ŋoc latuc ŋacsêga tau Israel,
1628	EXO 4:26	Go Apômtau gêwi eŋ siŋ gêmoa mata jali. Gêdêŋ tonaŋ awê tau kêlêwiŋ biŋ sêsa lauŋa gebe “Ŋac-gebe-ênam-awêwaga todec.”
1649	EXO 5:16	Êsêac sêkêŋ oba teŋ gêdêŋ nêm sakiŋwaga atom, mago sêjatu gebe ‘Amansaŋ nomku têkê-têkê.’ Ma galoc ôlic, êsêac sêjac nêm sakiŋwaga gêwiŋ. Ŋakeso gêc aôm taôm nêm lauŋageŋ.”
1659	EXO 6:3	Aê gaoc tauc lasê gêdêŋ Abraham agêc Isak ma Jakob gebe Ŋaniniŋ Ŋatau aê, mago aê kawaka tauc sa gêdêŋ êsêac ŋa ŋoc ŋaê Aê-Gamoa-Amboac-Gamoa nec atom.
1733	EXO 8:18	Êndêŋ bêc tonaŋ aê jaŋgôm gamêŋ Gosen amboac teŋ. Ŋoc lau sêmoa gamêŋ tonaŋ, tec daŋguc teŋ êmoa atom e ôjala gebe aê Apômtau gamoa gamêŋ tau ŋalêlôm.
1752	EXO 9:9	Ŋagasi tau oc ênam tau ôkwi êtu kekop ênam gamêŋ Aiguptuŋa samucgeŋ auc e êŋgôm kamocmatu ênam ŋamalac to bôc nêŋ ôliŋ auc aŋga gamêŋ Aiguptuŋa samucgeŋ, ma kamocmatu tau êu lasê e êtu kamoc.”
1785	EXO 10:7	Ma Paraonê sakiŋwaga sêsôm gêdêŋ eŋ gebe “Ŋac tonec êtu aêac tamoa jageo ŋamôkê e endeŋ ondocgeŋ. Ôwi lau tau siŋmaŋ nasênam sakiŋ Apômtau, êsêacnêŋ Anôtô. Aiguptu gêjaŋa nec aômnêm kauc kêsa atom me.”
1827	EXO 12:10	Ma andec ŋapopoc ênêc e eleŋŋa lasê atom. Ŋagêdô embe ênêc, go akêŋ ja êniŋ su.
1834	EXO 12:17	Ma amac matem êndiŋ Om Polom Ŋalucŋa ŋapep, gebe êndêŋ bêc tonaŋgeŋ aê jawê amacnêm toŋ samob sêwi Aiguptu siŋ, tec amacnêm gôlôac to nêŋ gôlôac mateŋ êndiŋ bêc tonaŋ êtu nêm om. Biŋ tonaŋ êtu ŋagôliŋ teŋgeŋŋa teŋ.
1836	EXO 12:19	Êndêŋ bêc 7 tonaŋ jist ŋagec ênêc amacnêm andu atom. Ŋac jaba teŋ me Israel tauŋ nêŋ ŋac teŋ embe êniŋ polom tojist, naŋ têtiŋ eŋ su aŋga Israelnêŋ gôlôac.
1930	EXO 15:9	Ŋacjo kêsôm gebe ‘Aê jajanda e jaôc lêlêc êsêac. Aê janac sam waba, taŋ jajaŋgo anga êsêacnêŋ naŋ, ma matoc katu gêŋ teŋ êtiam atom. Aê jambuc ŋoc siŋ sa ma lemoc enseŋ êsêac su.’