9	GEN 1:9	Go Anôtô kêsôm gebe “Bu, taŋ kêpoac umboŋ ŋalabu naŋ, êlêc sa naêpoac tauŋa e gamêŋ ŋakeleŋ êsa.” Ma ŋanô kêsa.
29	GEN 1:29	Ma Anôtô kêsôm gebe “Alicgac, aê kakêŋ gêŋ tolauŋ samob taŋ kêkêŋ ŋawê kêtôm ŋakaiŋgeŋ naŋ to ka samob, taŋ sêjam ŋanô kêtôm ŋakaiŋgeŋ naŋ, tec kêtu amacnêm gêŋ aniŋŋa.
54	GEN 2:23	Go ŋamalac kêsôm gebe “Kecgoc, galoc katap ŋatêkwa aŋga aêŋoc sa ma ŋamêsôm aŋga aêŋoc amboac tonaŋ. Aê gabe jaê ênê ŋaê gebe ‘Ŋamalaco’ gebe sêkôc aŋga ŋamalacnê.”
60	GEN 3:4	Tec moac kêsôm gêdêŋ awê gebe “Op, agêc oc amac êndu atomgoc.
68	GEN 3:12	Ŋamalac kêsôm gebe “Awê, taŋ kôkêŋ gebe êwiŋ aê naŋ, kêkêŋ kaŋanô tau gêdêŋ aê, tec gaeŋ.”
218	GEN 9:12	Ma Anôtô kêsôm gebe “Poac, taŋ jamoatiŋ êndêŋ amac to gêŋ mateŋ jali, taŋ sêmoa sêwiŋ amac naŋ, ŋabelo tonec ênêc teŋgeŋ ma teŋgeŋ gebe
223	GEN 9:17	Ma Anôtô kêsôm gêdêŋ Noa gebe “Poac, taŋ kamoatiŋ gêdêŋ gêŋ mateŋ jali samob, taŋ sêmoa nom naŋ, ŋabelo tau tonec.”
232	GEN 9:26	Eŋ kêsôm teŋ gêwiŋ gebe “Apômtau, aêŋoc Anôtô, ênam mec Sem ma êŋgôm Kanaan êtu ênê gêŋôma.
270	GEN 11:3	Ma êsêac sêôc tauŋ gebe “Ajôc, tamansaŋ nomku têkê-têkê ma tapac e ŋajaŋa êsa.” Ma êsêac sêkôc poc nomkuŋa gêjô poc anô ma sêkôc kolda kêtu sêsap poc tôŋŋa.
271	GEN 11:4	Go sêsôm gebe “Ajôc, takwê nêŋ malac teŋ sa to andu baliŋ teŋ e ŋatêpôê soso êpi undambê gebe tamboa nêŋ ŋaê sa, gebe têta aêac saliŋ-saliŋ tanam nom samuc auc atom.”
273	GEN 11:6	Ma Apômtau kêsôm gebe “Kec, êsêac lau m tageŋ ma samob sêsôm aweŋ tageŋ. Ma kôm, taŋ sêjac m naŋ, oc sênac têku ma gêŋ samob, taŋ êsêac taêŋ ênam gebe sêŋgômŋa naŋ, ŋateŋ oc êkêŋ wapac êsêac atom.
362	GEN 15:1	siŋ tonaŋ gêbacnê, go Abram katu gêlic Apômtau ma awa gêjac eŋ gebe “Abram, ôtêc taôm atom. Aê katu aômnêm lautuc. Moasiŋ kapôêŋ êtap aôm sa.”
374	GEN 15:13	Go Apômtau kêsôm gêdêŋ Abram gebe “Ôŋô, ma ôjala êtu tôŋ gebe nêm wakuc oc têtu lau jaba aŋga gamêŋ, taŋ êsêac tauŋ sêwê kaiŋ atom naŋ, ma têtu gêŋôma ma sêkôniŋ êsêac êtôm jala 400.
402	GEN 17:4	“Gôlicgac, ŋoc poac tau tonec gebe jakêŋ aôm ôtu gôlôacmôkê taêsam tameŋi.
416	GEN 17:18	Ma Abraham kêsôm gêdêŋ Anôtô gebe “Ojae, Ismael êsa nê lêŋ êmoa aôm laŋômnêmŋamaŋ.”
417	GEN 17:19	Mago Anôtô kêsôm gebe “Masi, nêm awê Sara oc êkôc nêm latôm teŋ. Ôê ênê ŋaê gebe Isak. Ma aê gabe jamoatiŋ ŋoc poac êndêŋ eŋ êtu poac ênêc teŋgeŋŋa êndêŋ ênê wakuc, taŋ sêndaŋguc eŋ naŋ.
440	GEN 18:15	Sara kêpa tau ma kêsôm gebe “Aê kaômac atom,” gebe kêtêc tau. Mago Apômtau kêsôm gebe “Magobe, kôômacgac.”
455	GEN 18:30	Go Abraham kêsôm gebe “Apômtau, ôlic aê sec atom, aê jasôm biŋ teŋ êwiŋ. Moae ôtap 30geŋ sa aŋga ônê.” Eŋ gêjô eŋ awa gebe “Aê embe jatap 30geŋ sa, oc jaŋgôm gêŋ tau ŋanô êsa atom.”
456	GEN 18:31	Abraham kêsôm gebe “Op, aê katoc tauc sa gebe janam biŋgalôm jawiŋ Apômtau, moae ôtap 20geŋ sa aŋga ônê.” Eŋ gêjô eŋ awa gebe “Aê janseŋ êsêac su atom êtu 20geŋŋa.”
463	GEN 19:5	Ma êsêac sêmôêc Lot ma sêsôm gebe “Ŋacwaga, taŋ sêô lasê aôm gêdêŋ gêbêc naŋ, sêmoa ondoc. Ôkôc êsêagêc sêsa sêndêŋ aêac sêmêŋmaŋ gebe ajala êsêagêc.”
472	GEN 19:14	Ma Lot kêsa gêja ma kêsôm gêdêŋ lawai, taŋ sebe sênam latuoagêc gebe “Ajôc, awi malac tonec siŋ gebe Apômtau oc enseŋ su.” Mago lawai sêlic eŋ amboac ŋac kêsôm biŋ makic teŋ.
473	GEN 19:15	Gêu bôŋ ma aŋela sêkac Lot ma sêsôm gebe “Ôndi, ôkôc nêm awê to latômoagêc, taŋ sêmoa tonec naŋ, gebe ŋagêjô, taŋ êtap malac sa naŋ, enseŋ aôm su ôwiŋ atom.”
500	GEN 20:4	Mago Abimelek kêdabiŋ eŋ atom tageŋ, tec kêsôm gebe “Apômtau, aôm gobe onseŋ lau tobiŋmê su me.
502	GEN 20:6	Go Anôtô kêsôm gêdêŋ eŋ gêdêŋ taŋ gêc mê naŋ, gebe “Aec, aê kajala gebe gôgôm gêŋ tau tonêm ŋalêlôm ŋaŋêŋgeŋ tec aê tauc gabôc aôm auc gebe ôŋgôm sec êndêŋ aê atom. Kêtu tonaŋŋa gajac jao aôm gebe ômoasac eŋ atom.
511	GEN 20:15	Ma Abimelek kêsôm gebe “Gôlicgac, ŋoc gamêŋ gêc laŋômnêmŋa, ôŋgôŋ gamêŋ, taŋ gêjac matamanô ŋajam naŋ.”
512	GEN 20:16	Ma kêsôm gêdêŋ Sara gebe “Gôlicgac, aê kakêŋ silber 1,000 gêdêŋ lômŋac gebe êwaka aôm waem sa êndêŋ lau samob, taŋ sêwiŋ aôm naŋ, ma sêlic aôm awê gêdêŋ.”
555	GEN 22:7	Ma Isak awa gêjac tama Abraham gebe “Tamoc.” Ma eŋ kêsôm gebe “Latucenec, aê tec gamoa.” Ma eŋ kêsôm gebe “Ja to ka tec gêc, mago domba dajaŋa gêmoa ondoc.”
556	GEN 22:8	Ma Abraham kêsôm gebe “Latucenec, Anôtô tau oc ênsuŋ domba dajaŋa.” Ma agêc sêsêlêŋ sêwiŋ tauŋ sêja.
559	GEN 22:11	Mago Apômtaunê aŋela gêmôêc eŋ aŋga undambê ma kêsôm gebe “Abraham, Abraham.” Ma eŋ gêlôc gebe “Aê tec gamoa.”
568	GEN 22:20	Gêŋ samob tonaŋ su acgom, go biŋ gêdêŋ Abraham gebe “Gôlicgac, Milka kêkôc gôlôac amboac tonaŋ kêtu lasim Nahorŋa.”
636	GEN 24:44	ma embe êsôm êndêŋ aê gebe “Ônômmaŋ, ma aê gabe jatê êndêŋ nêm kamele amboac tonaŋ,” naŋ awê tecenaŋ êtu awê taŋ Apômtau kêjaliŋ eŋ sa kêtu ŋoc ŋataunê latuŋa.’
704	GEN 26:11	Tec Abimelek gêjac biŋsu lau samob gebe “Lau, taŋ sêmoasac ŋac tonec me nê awê naŋ, sênac êsêac êndu.”
741	GEN 27:13	Têna kêsôm gêdêŋ eŋ gebe “Latucenec, biŋ êpuc boa aômŋa êpi aê. Aôm taŋam wamu ŋoc biŋ naôkôc gêŋ tau ômôêŋ.”
748	GEN 27:20	Mago Isak kêsôm gêdêŋ latu gebe “Latucenec, amboac ondoc, tec kôtap gwada sa sebeŋ.” Eŋ gêjô eŋ awa gebe “Ŋam gebe Apômtau, aômnêm Anôtô tau, kêkêŋ gêdêŋ aê.” Go Isak kêsôm gêdêŋ Jakob gebe
749	GEN 27:21	“Latucenec, ômôêŋmaŋ, gebe jamoasac aôm e jajala gebe latuc Esau aôm biŋŋanô me masi.”
754	GEN 27:26	Go tama Isak kêsôm gêdêŋ eŋ gebe “Latucenec, mêŋôtu gasuc ma ôlêsôp aê.”
787	GEN 28:13	Ma gêlic Apômtau kêkô têcôŋa ma kêsôm gebe “Apômtau, tamamagêc Abraham agêc Isak nêŋ Anôtô aê. Nom, taŋ gôêc naŋ, aê gabe jakêŋ êndêŋ aôm to nêm wakuc.
790	GEN 28:16	Jakob gêc bêc e mata gêlac ma kêsôm gebe “Biŋŋanôgeŋ, Apômtau gêmoa gamêŋ tonecgoc ma aê gajam kauc.”
810	GEN 29:14	ma Laban kêsôm gêdêŋ eŋ gebe “Biŋŋanô, aêŋoc ŋatê ŋagêdô aôm.” Ma Jakob gêmoa gêwiŋ eŋ ajôŋ teŋ.
865	GEN 30:34	Laban kêsôm gebe “Ŋajam, amboac tonaŋ nêm biŋ êtu tôŋ.”
966	GEN 33:5	Gêdêŋ taŋ Esau gêôc mataanô sa e gêlic lauo to gôlôac naŋ, eŋ kêsôm gebe “Asa lau, tec sêwiŋ aôm.” Ma Jakob kêsôm gebe “Gôlôac, taŋ Anôtô kêkêŋ êsêac kêtu êmoasiŋ nêm sakiŋwagaŋa naŋ.”
973	GEN 33:12	Go Esau kêsôm gebe “Ajôc, dandimaŋ ma tasêlêŋ. Aê jasêlêŋ jamuŋ aôm.”
1013	GEN 35:1	Anôtô kêsôm gêdêŋ Jakob gebe “Ajôc, ôndi ôpi Betel ôna naôŋgôŋ ônê ma ômboa altar teŋ sa êndêŋ Anôtô, taŋ geoc tau lasê gêdêŋ aôm gêdêŋ taŋ gôêc têwam Esau su naŋ.”
1094	GEN 37:10	Biŋ tonaŋ eŋ gêjac miŋ gêdêŋ tama to têwai. Tec tama gec biŋ eŋ ma kêsôm gêdêŋ eŋ gebe “Mê, taŋ aôm gôêc naŋ, ŋam amboac ondoc. Aêagêc tênam to têwami wacapôŋ aeŋduc êndêŋ aôm biŋŋanôgeŋ me.”
1103	GEN 37:19	Êsêac sêsôm gêdêŋ tauŋ gebe “Op, mê ŋatau gêmêŋgac.
1119	GEN 37:35	Latuio to ŋac samob dêdi sebe sênam malô-malô eŋ, mago eŋ gedec gebe sênam malô eŋ ma kêsôm gebe “Masi, aê totaŋiboageŋ jasêp lamboam jawiŋ latuc jana.” Tama kêtaŋ-kêtaŋ eŋ amboac tonaŋ.
1136	GEN 38:16	Eŋ gelom gêdêŋ eŋ gêja intêna ŋamakeŋ jakêsôm gebe “Ômôêŋ, aê gabe jamoa jawiŋ aôm.” Gebe eŋ kêjala atom gebe lawao. Ma awê tau kêsôm gebe “Aôm embe ômoa ôwiŋ aê, go ôkêŋ asageŋ êndêŋ aê êjô.”
1145	GEN 38:25	Ma êsêac sêwê eŋ kêsa gêja, tec eŋ kêsakiŋ biŋ gêdêŋ lawa gebe “Ŋac, taŋ kêtu gêŋ tonaŋ ŋatau naŋ, kêtu ŋapalê tama.” Ma eŋ kêsôm gebe “Ôsala gêŋ tau ŋapepgeŋ. Ŋatalô êwa ŋatau saŋa, taŋ sepeŋ kêsêp ki naŋ toŋalêkôŋ ma tôc nec ŋatau asa.”
1265	GEN 42:12	Eŋ kêsôm gêdêŋ êsêac gebe “Masianô, amac amêŋ abe alic gamêŋ kwanaŋgeŋ.”
1274	GEN 42:21	Go êsêac sêsôm gêdêŋ tauŋ gebe “Biŋŋanôgoc, gêŋ taŋ dagôm gêdêŋ lasiŋi naŋ ŋagêjô tonec. Aêac talic eŋ gêmoa toŋalêlôm ôluŋ-ôluŋgeŋ ma keteŋ aêac, mago takêŋ taŋeŋ eŋ atom. Kêtu tonaŋŋa gêŋwapac tonec kêtap aêac sa jagêdêŋgeŋ.”
1281	GEN 42:28	ma kêsôm gêdêŋ nê lasitêwai gebe “Sêkêŋ bôlêŋ gêmu gêmêŋ, onec gêc ŋoc taluawa.” Sêlic e katuŋ gêjaŋa, ma têtênêp ma sêsôm gebe “Ojae, Anôtô gêgôm asageŋ gêdêŋ aêac.”
1283	GEN 42:30	“Ŋac, taŋ kêtu gamêŋ tônê ŋatau naŋ, kêsaic biŋ aêac ma geboc aêac atu gamêŋ tau ŋakêmsecwaga.
1320	GEN 43:29	Eŋ mata gedec ma gêlic lasi Benjamin, eŋ tau tênanê latu teŋ ma kêsôm gebe “Lasimi sauŋ, taŋ ajac ênê miŋ gêdêŋ aê naŋ, tau tonec me.” Go kêsôm gêdêŋ eŋ gebe “Latucenec, Anôtô êmoasiŋ aôm.”
1329	GEN 44:4	Êsêac sêwi malac siŋ sauŋgeŋ ma ŋasawa kêtu baliŋ atom tageŋ, tec Josep kêsôm gêdêŋ nê andu ŋagejobwaga gebe “Ajôc, ôjanda lau tau. Embe ôê êsêac tôŋ, go ôsôm êndêŋ êsêac gebe ‘Amac akêŋ sec gêjô ŋajam kêtu ageŋŋa. Amac ajam geŋgeŋ aêŋoc laclu silber nec kêtu ageŋŋa.
1389	GEN 46:2	Ma gêdêŋ gêbêc Anôtô geoc tau lasê gêdêŋ Israel ma gêjam biŋgalôm gêdêŋ eŋ ma kêsôm gebe “Jakob, Jakob.” Ma eŋ kêsôm gebe “Aê tec gamoa.”
1430	GEN 47:9	Jakob gêjô Parao awa gebe “Jala, taŋ gamoa nom amboac ŋac jaba teŋ naŋ 130. Jala, taŋ gamoa nom ŋatêm tau dambê to ŋawapac ma taêsam kêtôm tamocinêŋ jala sêmoa nom amboac lau jabaŋa naŋ atom.”
1467	GEN 48:15	Ma eŋ gêjam mec Josep ma kêsôm gebe “Anôtô, taŋ tamocagêc Abraham agêc Isak sêsa nêŋ lêŋ sêmoa eŋ laŋônêmŋa, Anôtô, taŋ kêtu ŋoc ŋacgejob gêdêŋ ŋoc bêc samob e mêŋgêdêŋ galoc,
1477	GEN 49:3	“Ruben, aôm kôtu ŋoc ŋacsêga, ŋoc ŋaclai to ŋoc ôlicwalô ŋamêc. Ŋac ŋamata waeŋa to ŋac ŋamata ŋaclaiŋa.
1569	EXO 2:14	Mago ŋac tau gêjô eŋ awa gebe “Asa kêkêŋ aôm kôtu aêacma gôliŋwaga to mêtôcwaga. Oc gobe ônac aê êndu amboac gôjac Aiguptu tau naŋ me.” Go Mose kêtakê ma taê gêjam gebe “Biŋŋanô, biŋ tau ŋapuc kêsa sugac.”
1584	EXO 3:4	Apômtau gêlic eŋ kêdabiŋ gamêŋdani gebe êlic ŋam, tec Anôtô gêmôêc gêdêŋ eŋ aŋga gamêŋdani gebe “Mose, Mose.” Ma eŋ gêjô eŋ awa gebe “Aê tec gamoa.”
1612	EXO 4:10	Mago Mose kêsôm gêdêŋ Apômtau gebe “Oe, ŋoc Apômtau, aê aoc sob atom. Gêmuŋgeŋ aê gamoa amboac tonaŋ ma galoc kôsôm biŋ gêdêŋ aê, taŋ katu nêm sakiŋwaga naŋ, mago aoc sob kêsa atom amboac tonaŋgeŋ. Aê kasôm biŋ malô-malô to imbeloc ŋawapac sec.”
1627	EXO 4:25	Go Sipora kêkôc bôjaŋ poc ŋagaôgeŋ ma kêsa latu utiôlic jakêmoasac Mosenê lambi ŋa ŋaôlic tau tonaŋ ma kêsôm gebe “Biŋŋanô, aôm kôtu ŋoc ŋac-gebe-ênam-awêwaga todec.”
1634	EXO 5:1	Tônê su, go Mose agêc Aron dêdêŋ Parao sêja ma sêsôm gebe “Apômtau, Israelnêŋ Anôtô, nê biŋ tonec gebe ‘Ôwi ŋoc lau siŋ gebe sêlic nêŋ om teŋ aŋga gamêŋ sawa êtu tetoc aê saŋa.’”
1721	EXO 8:6	Ma Parao kêsôm gebe “Eleŋŋa.” Mose kêsôm gebe “Biŋ, taŋ aôm kôsôm naŋ, oc ŋanô êsa, ec ôjala gebe ŋac teŋ kêtôm Apômtau, aêacma Anôtô, gêmoa atomanô.
1736	EXO 8:21	Go Parao kêkalem Mose agêc Aron ma kêsôm gebe “Ajôc, akêŋ da êndêŋ nêm Anôtô aŋga gamêŋ tonec.”
1781	EXO 10:3	Amboac tonaŋ Mose agêc Aron sêsô dêdêŋ Parao sêja ma sêsôm gêdêŋ eŋ gebe “Apômtau, Ebolainêŋ Anôtô, nê biŋ tau tonec gebe ‘Aôm gobe ônac jao taôm e êndêŋ ondocgeŋ, go ômbu taôm êndêŋ aê. Ôwi ŋoc lau siŋ gebe nasênam sakiŋ aê.
1963	EXO 16:15	Lau Israel sêlic gêŋ tau ma sêsôm gêdêŋ tauŋ gebe “Tonec asageŋ.” Gebe êsêac sêjam kauc gêŋ tau. Ma Mose kêsôm gêdêŋ êsêac gebe “Polom, taŋ Apômtau kêkêŋ gêdêŋ amac gebe aniŋ naŋ, tonec.
2054	EXO 20:2	“Apômtau, aômnêm Anôtô, aê. Aê gawê aôm kôsa aŋga gamêŋ Aiguptuŋa gômôêŋ, kôsa aŋga andu gêŋômaŋa.
2440	EXO 32:1	Gêdêŋ taŋ lau sêlic gebe Mose kêsêp aŋga lôc gêmêŋ atom e ŋêŋgeŋ naŋ, êsêac sêkac tauŋ sa sêgi Aron auc ma sêsôm gêdêŋ eŋ gebe “Ajôc, ômansaŋ ma anôtô teŋ, gebe êsêlêŋ êmuŋ aêac. Aêac ajam kauc asageŋ gêgôm Mose, ŋac tau, taŋ gêwê aêac aŋga Aiguptu amêŋ naŋ.”
2466	EXO 32:27	Ma eŋ kêsôm gêdêŋ êsêac gebe “Apômtau, Israelnêŋ Anôtô, nê biŋ tau tonec gebe Amac samob ajandiŋ ômbiŋkap tosiŋ, go asêlêŋ ana-amêŋ-ana-amêŋ aŋga gamêŋ becŋa ŋasacgêdô ŋasawa ma anac nêm lasitêwai to nêm lau ôlim andaŋ ma lau wacbaŋ amacŋa êndu.”
2470	EXO 32:31	Amboac tonaŋ Mose gêmu gêdêŋ Apômtau gêja ma kêsôm gebe “Ojae, lau tonaŋ sêgôm sec kapôêŋanô. Êsêac sêmasaŋ nêŋ anôtô jaba ŋa gold.
2503	EXO 34:6	Go Apômtau jakêlêlêc eŋ gêja ma gêmôêc gebe “Apômtau, Apômtau, eŋ Anôtô, moasiŋ to taê walô ŋatau, eŋ têtac ŋandaŋ sebeŋ atom. Eŋ ŋac tolêlôm têtac gêwiŋ ŋamalacŋa to ŋac biŋŋanôŋa.
3418	LEV 23:15	“Sabat, taŋ amac akêŋ da onaŋ su naŋ, ŋaeleŋ go asa woke sa e êtôm woke samuc 7.
4029	NUM 11:4	Lau jaba, taŋ sêwiŋ lau Israel naŋ, têtu meloc gwada ma lau Israel têtaŋ kêtiam amboac tonaŋgeŋ ma sêsôm gebe “Ojae, asa êkêŋ gwada êndêŋ aêac taniŋ.
4108	NUM 13:32	Êsêac sêgôliŋ biŋ kêpi gamêŋ, taŋ jasekeleŋ naŋ, ma sêsôm gêdêŋ lau Israel gebe “Gamêŋ, taŋ aêac ajac laoc to akeleŋ naŋ, gamêŋ kaiŋ teŋ, taŋ geseŋ lau gamêŋ tauŋa su. Ma lau samob, taŋ alic aŋga gamêŋ naŋ, lau waso-waso sec.
4111	NUM 14:2	Ma lau Israel samob sêli aweŋ sa gêdêŋ Mose agêc Aron ma samob sêsôm gêdêŋ êsêagêc gebe “Ojae, aêac tamac êndu aŋga Aiguptumaŋ me tamac êndu aŋga gamêŋ sawa tonecmaŋ.
4116	NUM 14:7	ma sêsôm gêdêŋ lau Israel nêŋ gôlôac samob gebe “Gamêŋ, taŋ aêac ajac laoc ma akeleŋ naŋ, gamêŋ ŋajamanô.
4315	NUM 20:3	Ma lau sêôc gêdô Mose ma sêsôm gebe “Ojae, aêac anaŋa awiŋ ma lasitêwai, taŋ Apômtau gêjac êsêac naŋmaŋ.
4380	NUM 22:4	Ma êsêac sêsôm gêdêŋ lau Midian nêŋ laumata gebe “Ojae, galoc lau Israel nêŋ toŋ kapôêŋ oc sêniŋ gêŋ samob, taŋ gêc aêacŋa naŋ, su amboac bulimakao seŋ gêgwaŋ aŋga kôm.” Ma Sipor latu Balak kêtu lau Moab nêŋ kiŋ gêdêŋ ŋasawa tonaŋ.
4470	NUM 24:23	Bileam gêôc awa sa kêtiam ma kêsôm nê biŋ tonec gebe “Ojae, Anôtô embe êŋgôm biŋ tonec ŋanô êsa, asa oc êmoa mata jali.
4900	DEU 1:6	“Apômtau, aêacnêŋ Anôtô, kêsôm gêdêŋ aêac aŋga lôc Horeb gebe ‘Amac amoa lôc tonec kêtômgac.
5262	DEU 12:20	“Apômtau, nêm Anôtô embe êkêŋ gamêŋ esewec êtu kapôêŋ êtôm eŋ gêjac mata gêdêŋ aôm ma bôc êjô aôm e ôsôm gebe ‘Aê gabe janiŋ bôc,’ naŋ ôniŋ êtôm ŋalêlôm êkac aômŋa.
5280	DEU 13:7	“Lasim, tênam latu me nêm latômo to ŋac me nêm awê, taŋ têmtac gêwiŋ eŋ naŋ, me nêm ŋac teŋ, taŋ gôlic eŋ amboac taômnêm ŋatê ŋagêdô naŋ embe êlêtôm aôm kelecgeŋ ma êsôm gebe ‘Tana ma tanam sakiŋ anôtôi jaba maŋ’
5532	DEU 24:5	“Ŋac, taŋ gêjam awê wakucgeŋ naŋ, ênac siŋ êwiŋ siŋwaga to êwê kaiŋ kôm gôlôacŋa teŋ atom. Eŋ êmoa ŋaôma jala samuc teŋ, gebe êsêagêc nê awê, taŋ gêjam naŋ, têtu samuc tauŋ.
5872	JOS 2:1	Go Nun latu Josua kêsakiŋ ŋac luagêc kelecgeŋ aŋga gamêŋ Sitim, gebe sêkêŋ keleŋ gamêŋ. Eŋ kêsôm gêdêŋ êsêagêc gebe “Ajôc, amagêc akêŋ keleŋ gamêŋ to malac Jeriko amboac tonaŋgeŋ.” Ma êsêagêc sêja jasêô lasê mockaiŋo teŋ nê andu ma sêŋgôŋ tônê. Awê tau nê ŋaê gebe Rahab.
5875	JOS 2:4	Mago awê kêkôc ŋaclagêc sa jakêsiŋ êsêagêc ôkwi ma kêsôm gebe “Biŋŋanô, lau dêdêŋ aê sêmêŋ, mago aê gajam kauc êsêac sêmêŋ aŋga ondoc.
5904	JOS 3:9	Go Josua kêsôm gêdêŋ lau Israel gebe “Ajôc, atu gasuc amêŋ, ma akêŋ taŋem Apômtau, amacnêm Anôtô, nê biŋ.”
5950	JOS 5:14	Ma eŋ kêsôm gebe “Masi, aê Apômtaunê siŋwaganêŋ laumata. Galocgeŋ tec gamêŋ.” Go Josua gêu tau jagêc laŋôanô gêdêŋ nom ma keteŋ mec to kêsôm gêdêŋ eŋ gebe “Ŋoc apômtau êjatu biŋ ondoc êndêŋ nê sakiŋwaga.”
5958	JOS 6:7	Ma eŋ kêsôm gêdêŋ lau gebe “Ajôc, asêlêŋ aŋgi malac auc ma siŋwaga tolaukasap sêsêlêŋ sêmuŋ Apômtaunê katapa.”
6480	JOS 24:2	Go Josua kêsôm gêdêŋ lau samob gebe “Apômtau, lau Israel nêŋ Anôtô, kêsôm biŋ tonec gebe ‘Gêdêŋ andaŋgeŋ amac tamemi Abraham agêc Nahor tameŋi Tara sêŋgôŋ bu Euprat ŋamakeŋ ônêŋa, ma sêjam sakiŋ gêdêŋ anôtôi jaba.
6499	JOS 24:21	Ma lau sêsôm gêdêŋ Josua gebe “Masi, aêac abe anam sakiŋ Apômtau.”
6607	JDG 4:6	Debora kêsakiŋ biŋ gêdêŋ Abinoam latu Barak aŋga Naptalinê gamêŋ ŋamalac Kedes gebe êmêŋ ma kêsôm gêdêŋ eŋ gebe “Apômtau, lau Israel nêŋ Anôtô, kêjatu aôm gebe ‘Ôna ma ôwê nêm lau sêpi lôc Tabor sêna. Ôkôc lau 10,000 aŋga Naptali agêc Sebulon nêŋ gôlôac.
6615	JDG 4:14	Go Debora kêsôm gêdêŋ Barak gebe “Ajôc, ôndi gebe bêc tonec Apômtau êkêŋ Sisera êsêp aôm lêmam. Apômtau êwê aôm.” Tec Barak gêdi aŋga Tabor kêsêp gêja ma nê lau 10,000 têdaguc eŋ.
6664	JDG 6:8	Apômtau kêsakiŋ propete teŋ gêdêŋ êsêac ma kêsôm gêdêŋ êsêac gebe “Apômtau, lau Israel nêŋ Anôtô, kêsôm biŋ tonec gebe Aê kakôc amac asa aŋga Aiguptu amêŋ to gawê amac awi andu gêŋômaŋa siŋ.
6678	JDG 6:22	Go Gideonnê kauc kêsa, gebe gêlic Apômtaunê aŋela ma eŋ kêtakê ma kêsôm gebe “Op, Apômtau Anôtô, aêagêc aŋela laŋôŋanô gêdêŋ tauŋgoc.”
6701	JDG 7:5	Tec Gideon gêwê êsêac sêsêp bu sêja, ma Apômtau kêsôm gêdêŋ eŋ gebe “Lau, taŋ imbeleŋ gêjac bu amboac kêam naŋ, sêmoa nêŋ tauŋŋa, ma êsêac, taŋ sêpôŋ aeŋduc ma sênôm naŋ, sêmoa nêŋ tauŋŋa amboac tonaŋgeŋ.”
6705	JDG 7:9	Gêdêŋ gêbêc tonaŋgeŋ Apômtau kêsôm gêdêŋ Gideon gebe “Ajôc, ôndi ma ôsêp gamêŋ becŋa ôna. Aê jakêŋ gamêŋ tau êsêp aôm lêmam.
6711	JDG 7:15	Gêdêŋ taŋ Gideon gêŋô mê ŋam ŋawae naŋ, kêpôŋ aduc gêdêŋ Anôtô. Go gêmu gêja lau Israel nêŋ gamêŋ becoboŋa ma kêsôm gebe “Ajôc, andimaŋ, Apômtau kêkêŋ lau Midian nêŋ siŋwaga sêsêp amac lemem sugac.”
6739	JDG 8:18	Go Gideon kêtu kênac Seba agêc Salmuna gebe “Lau, taŋ ajac êndu aŋga Tabor naŋ, laŋôŋanô amboac ondoc.” Êsêagêc sêjô eŋ awa gebe “Êsêac têtôm aôm. Êsêac samob laŋôŋanô amboac kiŋ teŋ latui.”
6742	JDG 8:21	Ma Seba agêc Salmuna sêsôm gebe “Ajôc, aôm taôm ôndi ma ônac aêagêc êndumaŋ. Ŋacwaganêŋ kôm gêjac ŋacwaga ŋawae.” Amboac tonaŋ Gideon gêjac Seba agêc Salmuna êndu ma kêkôc gêlôŋ, taŋ agêcnêŋ kamele sênôŋ naŋ su.