57	GEN 3:1	Ma moacnê kauc ŋagaô kêlêlêc bôc saleŋŋa ŋagêdô samob, taŋ Apômtau Anôtô kêkêŋ naŋ nêŋ su. Ma eŋ kêsôm gêdêŋ awê gebe “Anôtô oc kêsôm gebe ‘Aniŋ kôm ŋakaŋanô teŋ atom’ me.”
59	GEN 3:3	tageŋ ka, taŋ kêkô kôm ŋaluŋ naŋ ŋanô, tec Anôtô kêsôm gebe ‘Aniŋ atom. Amoasac atom amboac tonaŋ gebe amac êndu atom.” ’
311	GEN 12:12	Lau Aiguptu embe sêlic aôm, go sêsôm gebe ‘Ênê awê tonec,’ go sênac aê êndu, ma oc sendec aôm ômoa.
318	GEN 12:19	Kêtu ageŋŋa aôm kôsôm gebe ‘Aê luco eŋ,’ tec kakôc eŋ kêtu ŋoc awê. Amboac tonaŋ nêm awê tau tonec, ôkôc eŋ ma ôêc ôna.”
360	GEN 14:23	gebe jakôc aômnêm nia me lêkôŋ me aômnêm gêŋ ŋateŋ atomanô. Moae aôm ôsôm gebe ‘Aê kakêŋ Abram kêtu ŋac tolêlôm.’
438	GEN 18:13	Tec Apômtau kêsôm gêdêŋ Abraham gebe “Kêtu ageŋŋa Sara kêômac ma kêsôm gêdêŋ tau gebe ‘Katu awêanô sugac, tec jakôc ŋapalê amboac ondoc.’
501	GEN 20:5	Abraham tau kêsôm gêdêŋ aê gebe ‘Aêŋoc luco eŋ.’ Ma awê tau kêsôm gebe ‘Ŋoc lucŋac eŋ.’ Aê gagôm gêŋ tau toŋoc ŋalêlôm ŋaŋêŋ ma tolemoc selecgeŋ.”
509	GEN 20:13	Gêdêŋ taŋ Anôtô kêkalem aê ma gawi tamocnê andu siŋ naŋ, kasôm gêdêŋ eŋ gebe Aôm embe têmtac êwiŋ aê, go ôwa aê ŋam sa ma ôsôm êndêŋ lau gamêŋ samobŋa gebe ‘Ŋoc lucŋac eŋ.’”
564	GEN 22:16	ma kêsôm gebe “Apômtau kêsôm gebe ‘Aôm gôgôm tonaŋ ma kôgamiŋ nêm latôm naŋ atom, tec katôc lemoc kêpi tauc gebe
606	GEN 24:14	Ŋapalêo, taŋ jasôm biŋ êndêŋ eŋ gebe ‘Ôlêwaŋ ku gebe mêŋjanôm bu’ naŋ, embe êsôm gebe ‘Wacônôm ma jakêŋ bu êndêŋ nêm kamele sênôm amboac tonaŋgeŋ,’ naŋ jajala gebe tecenec aôm kôjaliŋ sa kêtu nêm ŋacsakiŋ Isakŋa. Biŋ tonaŋ êtu ŋabelo êndêŋ aê e jajala gebe kôwaka têmtac gêwiŋ ŋoc ŋatauŋa sa.”
629	GEN 24:37	Ma eŋ kêsôm gêdêŋ aê gebe jatôc lemoc ma kêsôm gebe ‘Aôm ôkôc latucnê awê teŋ aŋga lau Kanaanŋa, taŋ aê gamoa nêŋ gamêŋ naŋ, latuŋionêŋ atom,
631	GEN 24:39	Aê kasôm gêdêŋ ŋoc ŋatau gebe ‘Awê embe êndaŋguc aê atom, go amboac ondoc.’
634	GEN 24:42	“Ocsalô aê gaô lasê bumata ma kasôm gebe ‘O Apômtau, ŋoc ŋatau Abraham nê Anôtô aôm, galoc ônam gôliŋ ŋoc lêŋ, tec kasa nec.
637	GEN 24:45	“Aê taêc gêjam biŋ tonaŋ gêbacnê su atomgeŋ, tec Rebeka kêsa gêmêŋ gêôc nê ku jakêsêp bumata ma kêtê bu. Ma aê kasôm gêdêŋ eŋ gebe ‘Ôkêŋ bu mêŋjanôm.’
639	GEN 24:47	Go aê katu kênac eŋ gebe’ Aôm asanê latuo.’ Eŋ kêsôm gebe ‘Nahor latu Betuel, taŋ Milka kêkôc eŋ naŋ, latuo aê.’ Tec aê kakêŋ gêlôŋ geŋ kaleŋ eŋ lususuŋ ma kakêŋ joc eŋ kêka.
735	GEN 27:7	‘Ôkôc gwada êtu aêŋa, mêŋômansaŋ gêŋ tau gebe janiŋ ma janam mec aôm êmuŋ jakô Apômtau laŋônêmŋa, go jamac êndu.’
882	GEN 31:8	Gêdêŋ taŋ eŋ kêsôm gebe ‘Bôc toôliŋ komokom têtu nêm ŋaôli’ naŋ, bôc samob sêsu ŋalatu toôliŋ komokom. Ma gêdêŋ taŋ eŋ kêsôm gebe ‘Bôc toôliŋ tictêla-tictêla têtu nêm ŋaôli’ naŋ, bôc samob sêsu ŋalatu toôliŋ tictêla-tictêlageŋ.
885	GEN 31:11	Go Anôtônê aŋela awa gêjac aê gêdêŋ taŋ gaêc mê gaêc naŋ, gebe ‘Jakob.’ Ma aê kasôm gebe ‘Aê tec gamoa.’
886	GEN 31:12	Ma eŋ kêsôm gebe ‘Ôc matamanô sa ma ôlic. Noniŋ kapoac samob, taŋ sêgêli noniŋ têna naŋ, ôliŋ komokom to tictêla-tictêla ma talô-talô gebe aê galic gêŋ samob, taŋ Laban gêgôm gêdêŋ aôm naŋ.
903	GEN 31:29	Aê katôm gebe jaŋgôm aôm sec. Mago tamamnê Anôtô kêsôm biŋ gêdêŋ aê gêdêŋ gêbêc tonaŋ gebe ‘Ôlic taôm, ôsôm biŋ ŋajam me sec teŋ êndêŋ Jakob atom.’
938	GEN 32:10	Ma Jakob kêsôm gebe “O tamoc Abraham nê Anôtô ma tamoc Isak nê Anôtô, o Apômtau, aôm kôsôm gêdêŋ aê gebe ‘Ômu ôna nêm gamêŋ to nêm gôlôac ma aê gabe jamoasiŋ aôm.’
941	GEN 32:13	Mago aôm kôsôm gebe ‘Aê gabe jamoasiŋ aôm to jakêŋ nêm wakuc têtôm gaŋac gwêcŋa, taŋ lau teŋ sêsa sa têtôm atom.’”
946	GEN 32:18	Eŋ kêjatu ŋac ŋamataŋa gebe “Teoc Esau embe êndac aôm ma êtu kênac aôm gebe ‘Aômnêm ŋatau asa. Aôm ôna ondoc. Gêŋ, taŋ gêmuŋ aôm naŋ asanê,’
947	GEN 32:19	go ôsôm gebe ‘Êsêac têtu nêm sakiŋwaga Jakobnê gêŋ. Eŋ gebe êkêŋ gêŋ tau êndêŋ ŋoc ŋatau Esau ŋaômageŋ. Eŋ tau kêdaguc aêac.’”
949	GEN 32:21	ma asôm teŋ tonec êwiŋ gebe ‘Nêm sakiŋwaga Jakob kêdaguc aêac.’” Jakob taê gêjam gebe “Aê jaê wama eŋ ŋa gêŋ, taŋ gabe jakêŋ ŋaômageŋ êndêŋ eŋ naŋ, êmuŋ acgom, go jalic eŋ laŋôanô êtu ŋamu. Moae êkôc aê sa.”
1101	GEN 37:17	Ma ŋac tau kêsôm gebe “Êsêac sêc sêja gebe aê gaŋô êsêac sêsôm gebe ‘Taêc tana Dotanmaŋ.’” Tec Josep kêdaguc têwai e jakêtap êsêac sa sêmoa Dotan.
1284	GEN 42:31	Mago aêac asôm gêdêŋ eŋ gebe ‘Aêac kêmsecwaga atom, aêac lau mansaŋ.
1286	GEN 42:33	Mago ŋac, tê kêtu gamêŋ ŋatau nê, kêsôm gêdêŋ aêac gebe ‘Aê jajala amac lau mansaŋ êndêŋ tonec gebe awi nêm teŋ siŋ êmoa êwiŋ aê ma akôc polom andêŋ nêm gôlôac ana, gebe tôbôm gêc.
1294	GEN 43:3	Tec Juda kêsôm gêdêŋ eŋ gebe “Ŋac tonaŋ kêjatu aêac ŋajaŋa ma kêsôm gebe ‘Amac alic aê laŋôc atom, e lasimi êwiŋ amac acgom.’
1296	GEN 43:5	Embe ôsakiŋ eŋ êwiŋ atom, go aêac asêp atom gebe ŋac tau kêsôm gêgêŋ aêac gebe ‘Amac alic aê laŋôc atom, e lasimi êwiŋ amac acgom.’”
1298	GEN 43:7	Êsêac sêjô eŋ awa gebe “Ŋac tau kêkip aêac to ma gôlôac ŋam sa ŋapep ma kêsôm gebe ‘Tamemi gacgeŋ gêŋgôŋ mata jali me masi. Amacnêm lasitêwai teŋ gêŋgôŋ me masi.’ Biŋ, taŋ aêac ajac miŋ gêdêŋ eŋ naŋ, gêjô kênac tonaŋgeŋ. Aêac ajala biŋ, tê eŋ kêsôm kêdaguc gebe ‘Akôc lasimi andêŋ aê amêŋ’ nê, kwanaŋgeŋ amboac ondocgeŋ.”
1329	GEN 44:4	Êsêac sêwi malac siŋ sauŋgeŋ ma ŋasawa kêtu baliŋ atom tageŋ, tec Josep kêsôm gêdêŋ nê andu ŋagejobwaga gebe “Ajôc, ôjanda lau tau. Embe ôê êsêac tôŋ, go ôsôm êndêŋ êsêac gebe ‘Amac akêŋ sec gêjô ŋajam kêtu ageŋŋa. Amac ajam geŋgeŋ aêŋoc laclu silber nec kêtu ageŋŋa.
1344	GEN 44:19	Ŋoc apômtau kêtu kênac nê sakiŋwaga gebe ‘Amac tamemi me lasimi teŋ gêmoa me masi.’
1345	GEN 44:20	Ma aêac asôm gêdêŋ ŋoc ŋatau gebe ‘Tamemai gêmoa, eŋ kêtu ŋamalacanô sugac, ma lasiŋi sauŋ teŋ gêmoa, taŋ eŋ kêka lasê gêdêŋ kêtu ŋamalacanô su naŋ. Ŋac tau têwa gêmac êndu su, tec eŋ taugeŋ gêmoa, tênanê gôlôac ŋagêdô masi. Ma tama têtac gêwiŋ eŋ.’
1346	GEN 44:21	Go aôm kôsôm gêdêŋ nêm sakiŋwaga gebe ‘Akôc eŋ asêp amêŋ gebe matocanô êpi eŋ.’
1347	GEN 44:22	Aêac asôm gêdêŋ ŋoc apômtau gebe ‘Ŋapalê tau kêtôm gebe êwi tama siŋ atom. Embe êwi tama siŋ, oc tama êmac êndu.’
1348	GEN 44:23	Go aôm kôsôm gêdêŋ nêm sakiŋwaga gebe ‘Lasimi sauŋ embe êwiŋ amac êsêp êmêŋ atom, oc alic aê laŋôc êtiam atom.’
1350	GEN 44:25	Ma gêdêŋ taŋ tamemai kêsôm gebe ‘Ana êtiam, gebe anam ôli aêacnêŋ gêŋ ŋagec’ naŋ,
1351	GEN 44:26	aêac asôm gebe ‘Aêac asêp ana atôm atom. Embe lasiŋi sauŋ êsêlêŋ êwiŋ aêac, go asêp ana, gebe aêac oc alic ŋac tau laŋôanô atôm atom, e lasiŋi sauŋ êwiŋ aêac acgom.’
1352	GEN 44:27	Go nêm sakiŋwaga, aê tamoc, kêsôm gêdêŋ aêac gebe ‘Taôm ajalagac gebe ŋoc awê kêkôc ŋoc ŋapalê luagêcgeŋ.
1368	GEN 45:9	Andi ŋagaôgeŋ. Andêŋ tamoc api ana ma asôm êndêŋ eŋ gebe ‘Latôm Josep kêsôm biŋ amboac tonec gebe Anôtô kêkêŋ aê katu gamêŋ Aiguptuŋa samob ŋatau. Ôsêp ôndêŋ aê ômôêŋ ma ônam gamêŋ tôŋ atom.
1418	GEN 46:31	Josep kêsôm gêdêŋ lasitêwai to gêdêŋ tamanê lau gebe “Aê gabe japi jakêŋ amac ŋawae êndêŋ Parao ma jasôm êndêŋ eŋ gebe ‘Ŋoc lasitêwai to tamocnê lau, taŋ sêmoa gamêŋ Kanaan naŋ, dêdêŋ aê sêmêŋ su.
1420	GEN 46:33	Parao embe êkalem amac ma êtu kênac amac gebe ‘Amacnêm kôm amboac ondoc,’
1421	GEN 46:34	go asôm gebe ‘Aômnêm sakiŋwaga aêac aŋgeŋ bulimakao gêdêŋ aêac ŋapalêgeŋ e mêŋgêdêŋ galoc, atôm tamemai.’ Asôm biŋ tonaŋ ec êlôc gebe amoa gamêŋ Gosen gebe lau Aiguptuŋa sêlic gejobwaga bôcŋa samob amboac gêŋ alôb-alôb.”
1456	GEN 48:4	ma kêsôm gêdêŋ aê gebe ‘Ôlic acgom, aê gabe jakêŋ aôm ôka gôlôac lasê e têtu lau taêsam. Aê gabe jaŋgôm aôm ôtu laum kapôêŋ ma jakêŋ gamêŋ tonec êndêŋ nêm wakuc êtu nêŋ gêŋ endeŋ tôŋgeŋ.’
1512	GEN 50:5	‘Tamoc kêsôm gebe Kêdabiŋ gebe jamac êndu, tec ônsuŋ aê jasêp ŋoc sêô, taŋ kasap kêsêp poc aŋga gamêŋ Kanaanŋa. Tec katôc lemoc gêdêŋ tamoc gebe jaŋgôm ŋanô êsa. Kêtu tonaŋŋa aê jateŋ aôm gebe ôlôc gebe japi najansuŋ tamoc, go jamu jamêŋ êtiam.’”
1524	GEN 50:17	Asôm êndêŋ Josep gebe ‘Aê jateŋ aôm êtu têwamiŋa gebe êsêac sêgôm aôm sec. Mago ôsuc êsêacnêŋ keso to sec ôkwimaŋ.’ Ma galoc aêac ateŋ aôm gebe ôsuc tamamnê Anôtônê sakiŋwaga aêac ma keso ôkwi.” Gêdêŋ taŋ sêsôm biŋ gêdêŋ eŋ sêmoa naŋ, Josep tau kêtaŋ.
1593	EXO 3:13	Go Mose kêsôm gêdêŋ Anôtô gebe “Embe jandêŋ lau Israel jana ma jasôm êndêŋ êsêac gebe ‘Tameminêŋ Anôtô kêsakiŋ aê tec gamêŋ,’ ma êsêac embe têtu kênac aê gebe ‘Ênê ŋaê amboac ondoc,’ oc jasôm amboac ondoc êndêŋ êsêac.”
1603	EXO 4:1	Go Mose gêjô eŋ awa gebe “Mago lau Israel embe sêkêŋ êwiŋ aê atom to sêkêŋ taŋeŋ ŋoc biŋ atom ma sêsôm êndêŋ aê gebe ‘Apômtau geoc tau lasê gêdêŋ aôm atom,’ go jaŋgôm amboac ondoc.”
1624	EXO 4:22	Go aôm ôsôm êndêŋ Parao gebe ‘Apômtaunê biŋ tau tonec gebe Ŋoc latuc ŋacsêga tau Israel,
1634	EXO 5:1	Tônê su, go Mose agêc Aron dêdêŋ Parao sêja ma sêsôm gebe “Apômtau, Israelnêŋ Anôtô, nê biŋ tonec gebe ‘Ôwi ŋoc lau siŋ gebe sêlic nêŋ om teŋ aŋga gamêŋ sawa êtu tetoc aê saŋa.’”
1641	EXO 5:8	Mago nomku têkê-têkê ŋanamba, taŋ sêmasaŋ kêtôm bêcgeŋ naŋ, êkôgeŋ, êtu sauŋ atom, gebe êsêac ojomtêna, tec sêmôêc gebe ‘Ôwi aêac siŋ gebe akêŋ da êndêŋ aêacma Anôtô.’
1643	EXO 5:10	Amboac tonaŋ lau-sêlêsuwaga to launêŋ gejobwaga sêsa sêja ma sêjac miŋ gêdêŋ lau gebe “Parao kêsôm biŋ tonec gebe ‘Aê jakêŋ oba êndêŋ amac êtiam atom.
1649	EXO 5:16	Êsêac sêkêŋ oba teŋ gêdêŋ nêm sakiŋwaga atom, mago sêjatu gebe ‘Amansaŋ nomku têkê-têkê.’ Ma galoc ôlic, êsêac sêjac nêm sakiŋwaga gêwiŋ. Ŋakeso gêc aôm taôm nêm lauŋageŋ.”
1650	EXO 5:17	Mago eŋ kêsôm gebe “Amac ojomtêna, amac ojomtêna. Kêtu tonaŋŋa amac asôm gebe ‘Ôwi aêac siŋ gebe akêŋ da êndêŋ Apômtau.’
1662	EXO 6:6	Kêtu tonaŋŋa ôsôm êndêŋ lau Israel gebe ‘Aê Apômtau tau. Aê gabe jaê amac sa aŋga Aiguptunêŋ kôm ŋawapac, taŋ kêkôniŋ amac naŋ, to jaŋgamboac amac su aŋga êsêacnêŋ sakiŋ gêŋômaŋa ma jamêtôc lemoc gebe janam amac sa to jaŋgôm gêŋsêga gebe jamêtôc êsêac.
1695	EXO 7:9	“Parao embe êsôm êndêŋ amagêc gebe ‘Awaka taôm sa ŋa gêŋtalô teŋ,’ go ôsôm êndêŋ Aron gebe ‘Ôkôc nêm tôc ma ômbaliŋ naênêc Parao laŋônêmŋa gebe êtu moac.’”
1705	EXO 7:19	Ma Apômtau kêsôm gêdêŋ Mose gebe “Ôsôm êndêŋ Aron gebe ‘Ôkôc nêm tôc ma ômêtôc lêmam êndêŋ bu Aiguptuŋa samob, êndêŋ bu, taŋ keseleŋ naŋ, to êndêŋ busawa ma bu ŋatoŋ to bu saboac, gebe bu samob ênam tau ôkwi êtu dec aŋga gamêŋ Aiguptuŋa samucgeŋ. Bu êtu dec aŋga suc to kupoc amboac tonaŋgeŋ.’”
1712	EXO 7:26	Go Apômtau kêsôm gêdêŋ Mose gebe “Ôsô ôndêŋ Parao ôna ma ôsôm êndêŋ eŋ gebe ‘Apômtaunê biŋ tau tonec gebe “Ôwi ŋoc lau siŋ, gebe nasênam sakiŋ aê.
1716	EXO 8:1	Ma Apômtau kêsôm gêdêŋ Mose gebe “Ôsôm êndêŋ Aron gebe ‘Ômêtôc lêmam to nêm tôc êndêŋ bu to busawa ma bu ŋatoŋ ma ôkêŋ ôpoac sênam gamêŋ Aiguptuŋa auc.’”
1727	EXO 8:12	Go Apômtau kêsôm gêdêŋ Mose gebe “Ôsôm êndêŋ Aron gebe ‘Ômêtôc nêm tôc ma ôi nom ŋakekop e êtu kawaŋ ênam gamêŋ Aiguptuŋa samucgeŋ auc.’”
1731	EXO 8:16	Go Apômtau kêsôm gêdêŋ Mose gebe “Ôndi sa êndêŋ bêbêc kanucgeŋ ma ônsaê Parao êsa bu êna, go êsôm êndêŋ eŋ gebe ‘Apômtaunê biŋ tau tonec gebe “Ôwi ŋoc lau siŋ, gebe nasênam sakiŋ aê.
1781	EXO 10:3	Amboac tonaŋ Mose agêc Aron sêsô dêdêŋ Parao sêja ma sêsôm gêdêŋ eŋ gebe “Apômtau, Ebolainêŋ Anôtô, nê biŋ tau tonec gebe ‘Aôm gobe ônac jao taôm e êndêŋ ondocgeŋ, go ômbu taôm êndêŋ aê. Ôwi ŋoc lau siŋ gebe nasênam sakiŋ aê.
1815	EXO 11:8	Go nêm sakiŋwaga samob tonaŋ sêsêp sêndêŋ aê sêmêŋ ma sewec êndêŋ aê ma sêsôm gebe ‘Ôkôc taôm sa ma nêm lau samob sêndaŋguc aôm.’ Su, go jawi gamêŋ siŋ.” Ma Mose kêsa aŋga Paraonê totêtac ŋandaŋ kapôêŋgeŋ gêja.
1843	EXO 12:26	Ma amacnêm gôlôac embe têtu kênac amac gebe ‘Sakiŋ dabuŋ tau ŋam amboac ondoc,’
1844	EXO 12:27	go asôm êndêŋ êsêac gebe ‘Pasa ŋada, taŋ akêŋ êndêŋ Apômtau naŋ tonec. Da tau ŋam gebe Eŋ gêôc lêlêc lau Israel nêŋ andu aŋga Aiguptu. Gêdêŋ taŋ gêjac Aiguptu naŋ, eŋ gêjam aêacnêŋ andu kêsi.’” Ma lau sewec to teteŋ mec gêdêŋ Apômtau.
1902	EXO 14:12	Aêac amoa Aiguptugeŋ, tec asôm biŋ tonec gêdêŋ aôm gebe ‘Ondec aêac, aêac abe anam sakiŋ lau Aiguptu.’ Anam sakiŋ Aiguptu tec ŋajam kêlêlêc amac êndu aŋga gamêŋ sawaŋa su. Aêac asôm biŋ tonaŋ atom me.”
1930	EXO 15:9	Ŋacjo kêsôm gebe ‘Aê jajanda e jaôc lêlêc êsêac. Aê janac sam waba, taŋ jajaŋgo anga êsêacnêŋ naŋ, ma matoc katu gêŋ teŋ êtiam atom. Aê jambuc ŋoc siŋ sa ma lemoc enseŋ êsêac su.’
1957	EXO 16:9	Go Mose kêsôm gêdêŋ Aron gebe “Ôsôm êndêŋ lau Israel nêŋ gôlôac samob gebe ‘Amêŋ atu gasuc andêŋ Apômtau amêŋ, gebe eŋ gêŋô amac ali awem sa sugac.’”
1960	EXO 16:12	“Aê gaŋô lau Israel sêli aweŋ sa. Ôsôm êndêŋ êsêac gebe ‘Êndêŋ êtula amac oc aniŋ gwada ma êndêŋ eleŋ bêbêc aŋgôŋ moasu ŋaô. Gocgo ajala gebe Apômtau, amacnêm Anôtô, aê.’”
1964	EXO 16:16	Ma Apômtau tau kêjatu biŋ amboac tonec gebe ‘Amac samob êndêŋ-êndêŋgeŋ ajoŋ gêŋ sa êtôm amac aniŋŋa. Ajoŋ lita luagêc sa êtôm ŋacanôgeŋ. Amboac tonaŋ asa lau, taŋ sêŋgôŋ amacnêm bec sêwiŋ amac naŋ sa, go ajoŋ sa êtôm namba tau tonaŋgeŋ.’”
1971	EXO 16:23	Ma eŋ kêsôm gêdêŋ êsêac gebe “Biŋ tonec Apômtau kêjatu gebe ‘Eleŋŋa bêc talêwaŋ tauŋŋa teŋ. Bêc tau kêtu Apômtaunê sabat dabuŋ. Gêŋ taŋ amac abe apac naŋ, apacmaŋ. Ma gêŋ, taŋ amac abe ano naŋ, anomaŋ. Ma gêŋ ŋagêdô, taŋ gacgeŋ gêc naŋ, ênêc e eleŋŋa acgom.’”
1980	EXO 16:32	Ma Mose kêsôm gebe “Apômtau kêjatu biŋ tonec gebe ‘Akôc gêŋ tau laclu teŋ ma amansaŋ ênêc gebe nêm gôlôac ŋamuŋa sêlic polom, taŋ kakêŋ gêdêŋ amac aeŋ aŋga gamêŋ sawa gêdêŋ taŋ gawê amac asa aŋga gamêŋ Aiguptuŋa amêŋ naŋ.’”
2039	EXO 19:12	Ônac belo êŋgi lôc auc êtu madiŋ ma ôsôm êndêŋ lau gebe ‘Ajop taôm gebe api lôc tau atom ma amoasac ŋamadiŋ tau atom. Ŋac, taŋ êmoasac lôc naŋ, senseŋ eŋ su ênaŋa.
2050	EXO 19:23	Ma Mose kêsôm gêdêŋ Apômtau gebe” Lau tau têtôm gebe sêpi lôc Sinai atom, gebe aôm kôjatu gebe ‘Anac belo aŋgi lôc auc êtu madiŋ ma anam dabuŋ lôc tau.’”
2447	EXO 32:8	Êsêac sêkac tauŋ su sebeŋ aŋga intêna, taŋ kajatu êsêac gebe sêsaŋa naŋ. Êsêac sêmasaŋ bulimakao ŋalatu ŋakatu teŋ ŋa gold, taŋ gêwê naŋ, ma teteŋ mec to sêkêŋ da gêdêŋ gêŋ tau ma sêsôm gebe ‘O Israel, aômnêm anôtô, taŋ gêwê aôm aŋga Aiguptu gômôêŋ naŋ, tau tonec.’”
2452	EXO 32:13	Taêm ênam nêm sakiŋwaga Abraham agêc Isak ma Jakob. Aôm kôtôc lêmam kêpi aôm taôm ma kôsôm gêdêŋ êsêac gebe ‘Aê gabe jakêŋ nêm wakuc têtu taêsam têtôm utitalata umboŋ ŋalabuŋa, ma gamêŋ samob, taŋ gajac mata gêdêŋ amac naŋ, aê gabe jakêŋ êndêŋ nêm wakuc êtu êsêacnêŋ nomlênsêm endeŋ tôŋgeŋ.’”
2463	EXO 32:24	Ma aê kasôm gêdêŋ êsêac gebe ‘Lau samob, taŋ nêŋ gold gêc naŋ, sêkôc su.’ Tec êsêac sêkêŋ gêdêŋ aê, ma aê kabaliŋ kêpi ja gêja ma bulimakao ŋakatu tonaŋ mêŋkêsa.”
2475	EXO 33:1	Go Apômtau kêsôm gêdêŋ Mose gebe” Ôndi, ôwi gamêŋ tonec siŋ, aôm to lau, taŋ gôwê êsêac sêsa aŋga gamêŋ Aiguptuŋa sêmêŋ naŋ. Asêlêŋ e aô lasê gamêŋ, taŋ katôc lemoc gêdêŋ Abraham agêc Isak ma Jakob ma kasôm gebe ‘Aê gabe jakêŋ nom tonec êndêŋ nêm wakuc.’
2479	EXO 33:5	gebe Apômtau kêsôm gêdêŋ Mose gebe “Ôsôm êndêŋ lau Israel gebe ‘Amac lau gêsômtêkwa ŋatoŋ. Aê embe japi jawiŋ amac êndêŋ ŋasawa dambêgeŋ oc janac amac eb tageŋ anaŋa. Amboac tonaŋ akôc nêm gêlôŋ su, ec jajala gebe aê jaŋgôm amac amboac ondoc.’”
2486	EXO 33:12	Go Mose kêsôm gêdêŋ Apômtau gebe “Ôlic acgom, aôm taôm kôsôm gêdêŋ aê gebe ‘Ôwê lau tonec sêpi sêna.’ Mago aôm kôsam ŋac, taŋ gobe ôsakiŋ êwiŋ aê naŋ, nê ŋaê lasê gêdêŋ aê atom. Mago aôm kôsôm gebe ‘Aê kajala aômnêm ŋaê ma aôm gôjac matocanô ŋajam.
3848	NUM 6:24	‘Apômtau ênam mec aôm ma ejop aôm.
4037	NUM 11:12	Aê kakêkam lau samob tonaŋ e kakôc êsêac me, tec aôm kôsôm gêdêŋ aê gebe ‘Ôsip êsêac sa êtôm jaomwagao kêsip ŋapalê dedec, taŋ gênôm su naŋ, ma ôkêŋ êsêac sêna gamêŋ, taŋ aê katôc lemoc, gebe jakêŋ êndêŋ tameŋi naŋ.’ Amboac tonaŋ me.
4038	NUM 11:13	Aê jakôc gwada aŋga ondoc, gebe jakêŋ êndêŋ lau tonec sêniŋ. Êsêac têtaŋ gêdêŋ aê ma sêsôm gebe ‘Ôkêŋ gwada êndêŋ aêac aniŋmaŋ.’
4043	NUM 11:18	“Go ôsôm êndêŋ lau gebe ‘Anam dabuŋ taôm êtu eleŋŋa, go atap gwada sa, gebe amac ataŋ kêsô Apômtau taŋasuŋ gebe “Asa oc êkêŋ gwada êndêŋ aêac aniŋ. Aŋga Aiguptu tec amoa ŋajamgen.” Kêtu tonaŋŋa Apômtau êkêŋ gwada êndêŋ amac aniŋ.
4046	NUM 11:21	Ma Mose kêsôm gebe “Aê gamoa gawiŋ siŋwaga 600,000 ma aôm kôsôm gebe ‘Aê oc jakêŋ gwada êndêŋ amac aniŋ êtôm ajôŋ samuc teŋ.’
4127	NUM 14:18	‘Apômtau eŋ gê biŋ tôŋ ma nê têtac gêwiŋ teŋgeŋŋa ŋatêku masi. Eŋ kêsuc launêŋ sec to sêgêli biŋŋa ôkwi. Mago eŋ oc êlic biŋ ŋagêjôŋa siŋ samucgeŋ atom. Eŋ oc êkêŋ tameŋinêŋ sec ŋagêjô êndêŋ latuŋi to dêbuŋi ma abeŋi.’
4137	NUM 14:28	Ôsôm êndêŋ êsêac gebe Apômtau kêsôm gebe ‘Aê gamoa matoc jali, tec jasôm biŋŋanô. Aê gabe jaŋgôm amacnêm biŋ, taŋ gaŋô amac asôm kêsô aê taŋocsuŋ naŋ, ŋanô êsa.
4387	NUM 22:11	‘Ôlic acgom lau-m teŋ sêwi Aiguptu siŋ sêmêŋ sêjam gamêŋ auc samucgeŋ. Amboac tonaŋ ômôêŋ mêŋôpuc boa êsêac, moae jatôm, gebe janac siŋ êndêŋ êsêac ma jajanda êsêac e sêwi gamêŋ siŋ.’”
4392	NUM 22:16	Êsêac sêô lasê dêdêŋ Bileam ma sêsôm gêdêŋ eŋ gebe “Sipor latu Balak kêsôm biŋ tonec gebe ‘Ôndêŋ aê ômôêŋmaŋ, gêŋ teŋ êkô aôm auc atom.
4424	NUM 23:7	Go Bileam gêôc awa sa ma kêsôm gebe “Lau Moab nêŋ kiŋ Balak kêkôc aê aŋga lôc oc kêpiŋa Aram gamêŋ ma kêsôm gebe ‘Ômôêŋ ôpuc boa Jakob êtu aêŋa. Ômôêŋ ônac jatu Israel.’
4440	NUM 23:23	Biŋ beŋŋa teŋ kêtôm gebe enseŋ Jakob atom, ma biŋ sêpuc boaŋa teŋ enseŋ Israel atom. Galoc sêsôm kêpi Jakob to Israel gebe ‘Anôtô gêgôm gêŋsêga kaiŋ teŋ.’
4460	NUM 24:13	‘Silber to gold embe êsô Balaknê andu e mêŋêc, gebe êkêŋ êndêŋ aê, mago jatôm gebe jaŋgêli Apômtaunê biŋ atom. Aê oc jaŋgôm sec to ŋajam êtôm ŋoc ŋalêlôm êkac aêŋa jatôm atom amboac tonaŋgeŋ. Aê jasôm biŋ tageŋ, taŋ Apômtau kêsôm naŋgeŋ.’
4900	DEU 1:6	“Apômtau, aêacnêŋ Anôtô, kêsôm gêdêŋ aêac aŋga lôc Horeb gebe ‘Amac amoa lôc tonec kêtômgac.
5016	DEU 4:10	Gêdêŋ bêc, taŋ kôkô Apômtau, aômnêm Anôtô, laŋônêmŋa aŋga Horeb naŋ, Apômtau kêsôm gêdêŋ aê gebe ‘Ôkac lau sa dêndêŋ aê sêmêŋ gebe jakêŋ êsêac sêŋô ŋoc biŋ ma jandôŋ êsêac gebe têtêc aê êtôm bêc samob, taŋ sêmoa mateŋ jali aŋga nom naŋ, ma têndôŋ biŋ tau êndêŋ nêŋ gôlôac amboac tonaŋgeŋ.’
5108	DEU 6:20	“Embe latôm êtu kênac aôm êtu ŋamu gebe ‘Biŋsu to ŋagôliŋ ma jatu, taŋ Apômtau, aêacnêŋ Anôtô, kêjatu amac naŋ, ŋam amboac ondoc,’
5109	DEU 6:21	go ôsôm êndêŋ latôm gebe ‘Aêac atu Paraonê sakiŋwaga, ma Apômtau gêwê aêac ŋa lêma ŋajaŋa asa aŋga Aiguptu amêŋ.
5161	DEU 9:2	Oc ôjanda lau Anakim. Aôm kôjala êsêac gebe lau-m kapôêŋ to lau waso-waso. Aôm gôŋô lau sêsôm biŋ kêpi êsêac gebe ‘Asa oc êtôm gebe êkô ŋajaŋa êtu Anak latuiŋa.’
5172	DEU 9:13	“Ma Apômtau kêsôm biŋ teŋ gêwiŋ gêdêŋ aê gebe ‘Aê galic lau tônê ma kajala êsêac gebe lau gêsuŋtêkwa ŋatoŋ sec.
5182	DEU 9:23	Ma gêdêŋ taŋ Apômtau kêsakiŋ amac aŋga Kades-Barnea naŋ, kêsôm gebe ‘Api ana ma akôc gamêŋ, taŋ kakêŋ gêdêŋ amac, gebe êtu amacnêm gamêŋ naŋ,’ amac ali awem sa gêdêŋ Apômtau, amacnêm Anôtô, nê biŋsu ma akêŋ gêwiŋ eŋ to taŋem wamu eŋ awa atom.