23214	MAT 1:1	Vuvu u Yesu Kristi ivren Dauda, ivren u Ibrahim.
23215	MAT 1:2	Ibrahim a ngrji Ishaku, Ishaku ka ngrji Yakubu, u Yakubu a ngrji Yahuda ni ba mrli vayi ma.
23216	MAT 1:3	Yahuda a ngrji Perez mba Zerah ngrji u Tamar, Perez ngrji Hezron, u Hezron ngrji Ram.
23217	MAT 1:4	Ram ngrji Amminadah, Amminadah ngrji Nahshon, u Nahshon ngrji Salmon.
23218	MAT 1:5	Salmon ngrji Boaz ngrji Rahab, Baoz ngrji Obadiya ngrji u Rautha, Obadiya ngrji Jesse.
23219	MAT 1:6	U Jesse ngrji ichu Dauda. Ichu Dauda ngrji Suleman wa iyima ana wa Uraya
23220	MAT 1:7	Suleman a nu ngrji Rehoboam, Rehoboam a ngrji Abijah u Abijah ngrji Asa.
23221	MAT 1:8	Asa ngrji Jehoshafat, Jehoshafat ngrji Joram, Joram ngrji Uzziya.
23222	MAT 1:9	Uzziya ngrji Jotham, Jotham ngrji Ahaz u Ahaz ngrji Hezekaya.
23223	MAT 1:10	Hazekaya a ngrji Manaseh, Manaseh a ngrji Amon u Amon ngrji Yosiya.
23224	MAT 1:11	Yosiya ngrji Yekoniya ni mrli vayi ma wiere me ni nton wa ba vu ba hi ni Babila.
23225	MAT 1:12	U wa ba nji ye Babila, Yekoniya ngrji Shealtiel u Shealtiel ngrji Yerubabel.
23226	MAT 1:13	Yerubabel ngrji Abuid, Abuid ngrji Eliakim, u Eliakim ngrji Azor.
23227	MAT 1:14	Azor ngrji Zadok, Zadok ngrji Achim u Achim ngrji Eliud.
23229	MAT 1:16	ngrji Matthan, u Matthan ngrji Yakubu. U Yakubu ngrji Yusufu illon Maryamu wa a ngrji Yesu wa ba yo'u din Kristi.
23230	MAT 1:17	To inzan ba wawu rji ni Ibrahim hi Dauda ba wlon don zia, rji ni Dauda hi ntton wa ba vu hi ni Babila bahi izan zia, u rji ni ni ntton u wa bahe ni Babila hi ni ye Kristi ba nzan wlon don zia.
23231	MAT 1:18	Ingrji Yesu Kristi ahe towa: wa ba nna yima Maryamu ni Yusufu gben ntton wa baka gran kpa, u nne Ruhu tsatsar ye riwu.
23233	MAT 1:20	Amma, asi tamre towa, u malaika Baci ka ye niwu ni rah nda tre, “Yusufu, ivren Dauda, na klu sisri ban wame Maryamu na, don ikpie a wrji anne ma, a u Ruhu tsatsar.
23234	MAT 1:21	Ani ngrji vrenlon wa u yowu ndi Yesu, don ani kpa ndi ma cuwo ni gbugbu latre mba.
23235	MAT 1:22	To, ahe to yi don ndu tre Baci he na wa a hla din.
23237	MAT 1:24	U Yusufu, gbla sh'me ni nah tie ikpie wa Malaika hla niwu nda hi ka ban wa-a hi ni kpama.
23238	MAT 1:25	Ana rlihe toh wa-a sai wa a ngrji vren ma u mumla. Ayo nde ma di Yesu.
23240	MAT 2:2	Ba tre ichu Yahudawa wa ba ngrji wu'a he mame? Kie toh Tsitsen ma ni ko Nzan u kie ye chi.
23241	MAT 2:3	Niwo tre yi, Fero ka katie gbododo (wieme) me ni indi bi Urushalima wawu mba wu.
23244	MAT 2:6	Iwu me' Batalami, igbu Yahudiya ana hi wuyi u nkle ni mi ba chu bi gbu Yahuda na: to gona wa ani nji ndimu Israila ani rji niwu.
23246	MAT 2:8	A tonba hi Baitalami nda tre, Hi yi', hu sren me di mla wo tre' u vrenyi, biti tou bika ye hlamu, ndu me ngame ye ciwu.
23248	MAT 2:10	Da ba to vren baka ngri nda briku.
23249	MAT 2:11	Ba ri nimi koha nda to kpran vrena mba yi ma Maryamu nda ti gbru kukru nda ciu nda bwu ikpi wa ba nji'a nda nno; Zinariya mba Lubban u jawul.
23250	MAT 2:12	U Irji ka ti ba rah ndu bana lahi zu ni Hiridus ngana ba wlu zu nkon ri nka hi gbumba.
23253	MAT 2:15	Nda he niki me ye mla niqu Hiridus: wa aku gyre me ni tre Baci wa a hla ni ngu Anabi, din nimi Masar mi yo' vren mu.
23254	MAT 2:16	Hiridus a ye to di shehuna ba yau hlega ni tre ma, nda tie vrafu nda ndu ba wu mrli nlon bi Batalami, ni bi gbu wa ba he nha niwu'a bi wa ise mba a mla harli kima krji; bla rji ni nton wa a wo trea ni shehuna ba.
23258	MAT 2:20	Wu ban kpran vren'a mba yima di hi ni meme Israila: e bi wa bazi wa wu kpran vrenia ba qu ye.
23259	MAT 2:21	A ye wlu nda ba kpranvren'a ni yima nda ye ni mi meme Israila.
23260	MAT 2:22	Wa'a wo ndi Arkilaus a kpa chu u tiema Hiridus nda nji Yahudiya a klu sisri uhi ni ki, u Rji ka tsro ni rah ndu vu y'ba hi ni meme Galili.
23263	MAT 3:2	Nda ni wa, ka meme cuwo; mulki shulu a tiewiere.
23264	MAT 3:3	Ahi wawuyi ba tre ni nyu anabi Ishaya nda hla. Ilan uyo rji ni miji mla nkon Baci tie mla zren mbi tie.
23265	MAT 3:4	Yohana ata sru kpie u nfu laklumi nda lo ntan u birli me ana hi lagblan mba ton u miji.
23266	MAT 3:5	Indi bi Urushalima ni bi wa ba he kagon igbu bi urdu ba rju wawuu ye.
23267	MAT 3:6	A tie batisma ni bawu ni nne urdu u bata hla' la' tre mba.
23270	MAT 3:9	Na tamre ndi bi hla ni kpa mbi ndi kie he ni tie mbu Ibrahim; to misi hla yiwu ni mi tita biyi Irji he gbengblen u ka mba tie imrli Ibrahim.
23274	MAT 3:13	Rliko Yesu a wlu ni Galili hi ni urdu ni Yohana ni ndu tie batisma niwu.
23276	MAT 3:15	Yesu a kasa niwu nda tre uka y'me zizanyi: towa ahe tie nkon ni tawu ndu ta kle indu tsatsar wawuu Rliko Yohana ka y'me niwu.
23277	MAT 3:16	U Yesu, wa ba tie batisma niwu'a ani rju ni maa me u shulu ba ka bwu niwu a to Ibriji Rji grji na ngwu ye ku son niwu ni tu.
23278	MAT 3:17	U lan ka rji na shulu nda tre, Iwayi ahi kponji vrenmu idrimu ni ngri ni wu.
23279	MAT 4:1	Nikiyi Ibrji ka nji Yesu hi ni kpatren miyi ni ndu shetan tsrawu.
23280	MAT 4:2	U wa Yesu a vu nyu ivi ni cu ise zia u yon katiewu.
23281	MAT 4:3	U wa ani tsar-a aye nda tre, uti ivren Rji uka hla tita biya ndu mba katie bredi.
23282	MAT 4:4	U akasa niwu din Ba nha ana ni birli megyen mba ani ndu ndi son sisren na.
23283	MAT 4:5	U shetan nji wu hi ni mi Urushalima igbu u tsartsar-nda njiwu hon hi ni ngbondo tu tra u Baci.
23284	MAT 4:6	A hla ni wu uta hi vren Rji uka grji joko kime: e ba nha di ani ton malaikuma ye wu ndu ba kon wu kpa ni wo mba ni ndu na k'bu za ni tita na.
23285	MAT 4:7	Yesu a saa' wu ba nha una tsra Baci Eji me to na.
23286	MAT 4:8	Garli shetan a jinwu hon hi ni tu ngbondo ngblu ri nda tsro wu ikpi bi ngbugblu ba wawuu ni bii mba.
23287	MAT 4:9	A hla wu ikpi biyi wawu mbawu mi nno mba ka uti kukru ndi gbyre me san.
23288	MAT 4:10	Niki Yesu saa' wu dinkon wa iwu shetan ba nha u gbyre Baci Rji me san wawu yi ni nklen ma u gbyre u san.
23289	MAT 4:11	Nikiyi shetan ka hi kpama; malaiku baka ye zou.
23292	MAT 4:14	Din ndu tre anabi Ishaya ku toar, towa.
23293	MAT 4:15	Meme Zabulun mba meme Naftalim ni nkon kiekle nne vu y'ba hi ni kogran urdu mba Galili u indi wa bana Yahudawa naa.
23294	MAT 4:16	Indi bi wa ba zia ki ni' bwu'a Ba to' kickle kpan, u' bi wa ba zia son ni mi qu mba ni mi yumu'a Ikpan wlu ye mba wu.
23295	MAT 4:17	Rji ni nton kima Yesu a wlu zi wa tre Baci di ka me'me' cuwo: mulki shulu a tiewiere.
23296	MAT 4:18	Yesu si zren ni nyu kiekle nne Galili, a to ndi harli bari ba mrli vayi siman wa bata you ndi Bitru, u Andoro vayima bana bi vu lambe nda si sru rjiji u vu lambe ba.
23297	MAT 4:19	A tre ni ba hume yi ume mi kayi tie bi vu ndi.
23298	MAT 4:20	Nikime ba kaa rjirji u vu lambe ba don nda huu.
23299	MAT 4:21	A wlu niki sihi nda ka to indi harli wa ba mrli vayi, Yakubu ivren Zabadi mba Yohana vayi ma; nimi jirgi bi nha ni tie mba Zabadi ba ki mla rjirji u vu lambe mba tie nda yo ba.
23300	MAT 4:22	Ba ka jirgi'a don ni tie mba nda tie gbla hu.
23302	MAT 4:24	Iddu ma ka shanshu ni suriya wawuui baka rji bi lilo wawuu ye wu ndi bi wa ba lo'a ko bi lilo rimie, ni bi wa ba ku gbingbi ni bi wa ba he ni meme brji'a ni bi sran ni bi wa ba qu kpa-a waka den ba wawuu.
23303	MAT 4:25	Gbugbu ndi ba huu rji ni Galili ni Dakapolis ni Urushalima ni Yahudiya ni kogmn urdu.
23304	MAT 5:1	Ni to gbugbu ndi ba, a hon hi ngblu ri ni kuson ma mrli koh ma baka ye ni wu.
23306	MAT 5:3	Lulu ahi u bi ya ni brji didi, ikoh shulu ahi u mba.
23307	MAT 5:4	Lulu ahi u bi yiqu, e ba nno ba sisron.
23308	MAT 5:5	Bi lulu ba bi wa bana nzu tu na, ba nji meme u ngbugblu.
23309	MAT 5:6	Bi lulu ba bi tie yon nda tie hlama zizi, e ba wrji.
23310	MAT 5:7	Bi lulu ba bi lo sron e ba kpa lo sron me.
23311	MAT 5:8	Bi lulu babi wa isron mba a kheklan me e ba toh rji.
23312	MAT 5:9	Bi lulu ba bi wa ba wa sonsi, e ba yo ba mrli Rji.
23313	MAT 5:10	Bi lulu ba ba wa ba tie ba ya nitu zizi mba, e ikoh shulu ahi u mba.
23315	MAT 5:12	Ngri di briku kpukpome, e bi he ni kickle dii ni shulu, e bati ni anabawa bi sen nakii.
23316	MAT 5:13	Bi mah u ngbungblu, u mah nita tie meme u ani la u tie gye garli? Ana la bi utie kpie na, ahi u ka hlega u ndi baka canwu niza.
23317	MAT 5:14	Bi kpan u ngbungbu. Igbu wa ba mewu ni tu ngblu'a ana riri na.
23318	MAT 5:15	U bana yo lu ni fitila nda kayo ni sisen na di ba kauzi tsame nitu kukron ma wani nno kpan ni ndi bi koha wawuu.
23319	MAT 5:16	Ndu kpan me shan tsro ndi, di ndu ba to ibi ndu me nda gbire tieme wa ahe ni shu'a san.
23320	MAT 5:17	Na tamre di meye kpa nji tre anabawa ba tie meme na. Mi naye kpa tie meme na, mi ye tie wu tsra.
23321	MAT 5:18	Njanjimu, me hla yiwu, shulu mba ngbungblu ba tana kle na, ikpie riri me ni nji tre'a na joku megyen na, ba ku tsra.
23322	MAT 5:19	Indi wa a kunyre ni ri u nklekyen nji tre'a nda tsro ba ni ndi, ani vi nklekyen ma ni ikoh u shulu, u iwa ani hu nda tsro ba, ba yo ndi kiekle ni koh u shulu.
23323	MAT 5:20	To mesi hla yiwu din, zizi me nita na nna' zizi bi nha ni Farisawa na bi na he nkon u ri ni koh u shulu na.
23324	MAT 5:21	Bi wo ndi ba tre ni ndi bi sen, 'Na wu na, u indi wa a wu-a, ahe ni nyu ya'u shariya.
23325	MAT 5:22	Me wa yiwu ndi iwa a tie nfu ni vayi ma hama ni kpie wa anno nfu'a a si gbyen shariya. U indi wa a hla ni vayi ma, 'Racah!' a si gbyen tre ni tuma. Iwa a hla ndi, 'Ruru' asi hi kpentren lu.
23327	MAT 5:24	U ka donme ni nno' kpie'a ni tra Rji, ndi hi mla kpambi tie mbi vayi me rli ndi ye nno' kpiea.
23328	MAT 5:25	Mlatie kpa y'me ni ndi wa a nji wu hi ni bi bla tre gbagbla, Ka'bi he nkon sihi mbi wu ni bla tre'a, ni ndu bana lowu na.
23329	MAT 5:26	Njanjinmu, me hla yiwu, biti hanwu kle wawuu rliko ka kayi cuwo.
23331	MAT 5:28	Mi wa yiwu, indi wa ani kaya wa' ni mew u tohwu ka a kruu ye ni mi sron ma.
23332	MAT 5:29	Shishi ko rli anita ni ndu latre, uka krewu rju taga; a bi ndu nhama kpa ri ndu tiw meme niwa ikpa'a wawuu ndu tie memela.
23334	MAT 5:31	A kru hi me, ba hla di ndi wa a wuugran ni wama'a, ka nno imbe u wu gran a.
23335	MAT 5:32	To, mi hla yiwu di indi wa wu gran wamaa, wana he ni tu tie tankpan na, to a yo wu ni latre tie tankpan, u ndi wa a gran wa bi wa ki a latre u kru tankpan.
23338	MAT 5:35	Ko ni meme, iki ahe ni ndaza ma; ko ni Urushalima, wa ahi kiekle gbu u Ichu rligra.
23339	MAT 5:36	Ko Bina shi'rji' ni tuh' mbi na, e na to tie nfu tuh mbi ndu kinklan ko shinji na.
23340	MAT 5:37	Ndu 'e mbi ndu'e u a'an mbi ndu a'an ani ta zan towa, ka hi u brji.
23341	MAT 5:38	Bi wo wa ba hla shishi ni rjuhla shishi u ba rjula inyren ni nyren.
23342	MAT 5:39	To, mi hla yiwu na gbi sron ni meme ndi na to ba tana wruu ni nhma korli, uka kma irima nno ngame.
23343	MAT 5:40	Iri mbi ni ta ni son mrlen yi nda kpa klon mbi ri, mbi ka nno wu ri nhatia.
23344	MAT 5:41	U indi wa a vuyi ndu yi zren mili rii mbi ka zren hu tie mir harli.