23233	MAT 1:20	Jascajati shinan shinanxon sca namaquen Papan yonoti jisquin. Sanarenenax jaa yonoti yohuani: —Josen. Davidi baquen. Miin haibo María bihresscahue. Bihti qui raqueyamahue. Jahuen xahquin janin nanescai ta Dios baque qui, Dios Yoshiman baquejahah.
23234	MAT 1:21	Bebo baque ta bihyaxihquiqui. Jaa bebo baquen ta jahuen jihuetahbo mahnebohanxon jihuemayaxihquiqui, jato xahbanen sca jaton tiromajanicabo paquenon. Jaa copi tah min jaa Jesus janeya jayaxihqui —hahquin.
23240	MAT 2:2	Quiquin hapon xoboho mapexon yocacanquin: —Mato judiobaan quiquin hapo baquexo cainhoh tah non jisi jahui. ¿Jahuerahnon hin? Bari cainai quirixon tah non jahuen huishi jisoqui. Jaa copi tah non hahqui raboxonen tisquihahpaquehi jahui —hihcani.
23242	MAT 2:4	Jahuen quiquin sacerdoteboya judiobaan quirica honanbo quenamaxon sca Herodesnin jato yocaquin: —¿Jahuerahnonxon Cristo baquexo bihti quin? Yohinahue —hahquin.
23243	MAT 2:5	—Judea mai janin, Belen jema janinxon rahan. Jascajaquin ta Papan joi yohinicaton huishanishqui.
23244	MAT 2:6	Belen. Mia tah min Judapan mai meha jema qui. Caibo Judea jemabo mia mentan hashoan hani que bi ta mia rihbi jaabo mentan hashoan hani qui. Mia janinhax ta quiquin hapo jayaxihquiqui. Jaan ta heen israel jonibo jihuemayaxihquiqui. Papan joi yohinicaton ta jascajaquin huishanishqui —hihcani.
23245	MAT 2:7	Nocotaibo quenabohanxon sca honaxonbi Herodesnin yocaquin, sirijaquin honancatsihquin: —¿Jahuentian man jahuen huishi jisoquin? —hahquin.
23246	MAT 2:8	Honanxon sca, jato yohiquin: —Belen janin bonahue. Nocotax, sirijaquin honannoxon yocacahnoxahnahue, jahuerahnon hin jaa baquexo. Meraxon hea yohihi sca beribiyaxahnahue, hean rihbi hen jaa bebonxon raboxonen tisquihahpaquehi canon —jato jaquin.
23251	MAT 2:13	Jaton main boresscaiboya sca, noquen Hihbaan yonoti hahqui sanareneni jahui namaquen Josen jisribiquin. —Catanhue. Jahuen mamayabi baquexo botanhue, Egipto main histon cahax jano jihuehue, hen mia janohax cati yohinon caman. Baquexo rehtenoxon ta Herodesnin benanoxihquiqui —hahquin yonotinin.
23254	MAT 2:16	Egipto mai janin José cariyamahiya ta hocho quehax jahuibo Herodes janin cayamascanishqui. Hea yohihi joyaxahnahue Herodesnin jato jaipi bi huetsa bahin cahi jaa tecayacahini cahi. Jaton main boresscaibohi honanax sca, Herodes sina sinati. Jato yocacahtipixon, jaatihi basi sca huishi jismenonibo jai honanxon, jahuen sontarobo sca yonoquin. —Belen jema janin jai baquebo rehtetannahue, rabe bari jaibo, hashoan naman hihquibo rihbi rehtetannahue, Belen senen jai jemabo quiha baquebo rihbi rehtetannahue jatihibi —jato jaquin, Herodesnin.
23258	MAT 2:20	—Caresscatanhue. Israeli main canoxon miin haiboya jahuen baquexo hiorihbitanhue. Baquexo rehtecatsihquibo ta mahuascaiqui —yonotinin jaquin.
23263	MAT 3:2	—Maton shinan tiromabo jenebahinquin shinan siribo sca bihnahue. Papan mato jihuemati nete ta nea pishca sca jaonahiqui.
23268	MAT 3:7	Jano jan jato nashimahi janin fariseobo betan saduceobo rihbi hicha hahqui nocohihnati. Nocohihnataibo jisxon, Juaman jato yohiquin: —¡Rono baquebon! ¿Tsoan mato neno jabaquihrani joti yohihaxquin, Papan mato casticanmis hihquish man jonon?
23270	MAT 3:9	Noque caya tah non Abrahanen baquebo qui hihyamaribinahue. ¡Man yohinani jascamis! Abraham baquebo jacatsihquin ta nea man jisi macanbo Papan jonijati hahtipahiqui, Abraham baquebo sca janon.
23273	MAT 3:12	Bimi berobo tsinquixon, chishpo potaquin hahcajaquin ta Papan xecoscaiqui. Jahuen bimi siribo rahsi tsinquixon sca jahuen jano bexojati janin bexojaquin hahcajaquin ta Papan jahuen baquebo tsinquihiqui. Chishpo cahen nocayosma chihin mapojayaxihquiqui —jato jaquin Juaman.
23275	MAT 3:14	Hea nashimahue hahca bi Juan queenyamahi. —Mian caya hea nashimahue. ¿Mian hea nashimatihi bi min Hea nashimahue hah min hea jai nan? —hihqui Juan.
23276	MAT 3:15	—Jaabi hea nashimahue. Min hea nashimati ta Papa queenih qui. Papan yohihi jatihibi hean nincanica hihnon hea nashimascahue —Jesusen jascahah, Juaman jeenhahquin. Jeenhahxon, nashimaquin.
23278	MAT 3:17	Naihoh quehax yohuanai rihbi nincacanquin. —Nea ta hahan hen queenai heen baque qui. Hahan tah hen hihti jenimahi —hihqui.
23281	MAT 4:3	Hihti picatsihscaiya ta tiroma yoshin sca joxon yohinishqui, hohchamacatsihquin: —Papa Diosen baque hihxon, toa macan toncobo yohihue, piticahinscanon —hahquin.
23282	MAT 4:4	—Papan huisha janin ta nea joi jaiqui: Piti res jaax jihuetima tah man jai. Papan yohihi joi jatihibi nincaqui jihuenahue hih ta Papa janishqui —Jesusen jaquin.
23284	MAT 4:6	—Papa Diosen baque hihquish, naman paquehue. Jahuen huisha janin ta Papan yohihiqui: Jahuen yonotibaan ta mia coirantihiqui. Jaton mequemanbi ta mia bihinihnicantihiqui, macan qui min joxcorohyamanon —hahquin yoshiman.
23285	MAT 4:7	—Huetsa Papan quirica janin ta nea jaiqui: Hea cahra hahxoncointihiquin hihxon miin Hihbo Dios tanayamahue —hahquin Jesusen.
23287	MAT 4:9	—Min hehqui raboxonen tisquihahpaquehiya tah hen jaa jatihibi mia hinantihi —hahquin.
23288	MAT 4:10	—Catanhue, Satanas. Papan huisha janin ta nea joi jaiqui: Miin Hihbo Dios huesti qui tah min raboxonen tisquihahpaquetihi. Jaa huesti tah min nincatihi —Jesusen jaquin.
23295	MAT 4:17	Jano ta Jesusen yohimenonishqui: —Maton shinan pontemabo potaxon shinan siribo bihnahue. Papan mato jihuemati nete ta nea pishca sca jaonahiqui —hahquin.
23297	MAT 4:19	—Hehbetanbi bonahue, jonibo sca hen mato tsinquimanon —jato jaquin.
23349	MAT 5:46	¿Matohon queenaibohon res man shinanaiya jahua Papan mato hinantihiquin? Coriqui cobrannicabaan bi ta jascajaquin jatohon queenaibohon res shinanihqui.
23350	MAT 5:47	¿Maton huetsabo res man Johue hahcaiya, man jaa copi hihti siribo quin? Nahuabo ta jascapah qui.
23376	MAT 6:25	Jaa copi tah hen mato yohihi: Maton piti copi masa shinanyamanahue. Jahua hen piyaxihquin jahua hen xehayaxihquin hihxon masa shinanyamanahue. Jahua hen sahueyaxihquin hihyamaribihi. ¿Pihi res non jihuetain? ¿Chopa sahuenoxon res non yora jain?
23381	MAT 6:30	Nihi naman joabo hicha joconax cainipi bi tah non huaijaxon jato coharesai, copima copi. ¿Copi que ma bi Papan jato sirijati shinannihxon mato sca jan hashoan sirijaxonti shinantimahiquin? Jaan mato hahxontihi honancoinnahue.
23388	MAT 7:3	¿Miin bero qui jihui jai bi miin huetsan bero qui jai poto pishca min jistihin? Miin bero qui jai jihui pari shinanhue.
23389	MAT 7:4	¿Miin bero qui jihuinhhuan jaiya miin huetsa min yohitihin, Miin bero qui jai poto pishca hen tsecanon tenehue hah min jatihin? Min tah min jascatimahi.
23394	MAT 7:9	¿Miin baquen mia piti yocacah bi macan sca min jaa hinantihin? Jascapa bebo ta yamahihqui.
23395	MAT 7:10	¿Min mishquitanai yapa mia yocacah min rono hinantihin?
23396	MAT 7:11	Man tah man jascapahbo hinantimahi. Jaa copi shinancoinnahue. Tiromaboxon bi maton baquebo siri jahuaborabo hinanti man honanaiya, ¿maton naihoh queha Papan mato hashoan siribo rihbi hinantimahiquin man yocacah?
23416	MAT 8:2	Jahuiton sca ta huesti sipiyahpa joni behchihi cahax jaa bebonbi betihihpaquexon, yohinishqui: —Hihbon. Mian tah min hea rohajati hahtipahi. Jeenhihxon res tah min hea rohajatihi, Hihbon —hahquin.
23417	MAT 8:3	Sipiyahpa mehexon, Jesusen sca yohiquin: —Jeen. Roha sca jahue —hahquin. Jan yohihitianbi ta sipiyahpa rohacahinnishqui.
23418	MAT 8:4	—Hen mia yohinon nincahue. Tsoabi yohihaxma caxon sacerdote jismatanhue. Moisesnin yohini quescabijaquin hinanti pishcaya cahue, rohascaxon hinanti. Jascajaxon tah min jato nincamatihi —hahscaquin Jesusen.
23420	MAT 8:6	—Hihbon, heen joni ta yoran honanyamajaquetax heen xoboho racatihqui. Hihti hisin ta jaiqui —hahquin.
23421	MAT 8:7	—Hen tah hen rohajahi cahi —hahscaquin Jesusen.
23422	MAT 8:8	—Hea tah hen jahuama qui, Hihbon, heen xobo janin mia mapeti tah hen rabinai. Min rahma nichi janinxonbi yohihue. Min yohihah ta heen joni rohanoxihquiqui.
23423	MAT 8:9	Hen tah hen honanai. Heen hapon hea yohihah tah hen hahcai. Heen sontarobo rihbi tah hen jai. Cahue hean jaah ta heen sontaro cahiqui. Huetsa hen Johue hahcá ta jahuiqui. Heen joni rihbi tah hen Nescajahue hahcai. Yohihah ta hen yohihi quescajaquin hahquiqui —hahscaquin capitanen.
23424	MAT 8:10	Capitan yohuanai nincacax ta Jesus rahtenishqui. Chibanaibo sca yohiquin: —Mato yohinon nincanahue. Nescapa shinancoinnica tah hen mato Israeli baquebo merayamahi.
23427	MAT 8:13	Jato jascajaxon, capitan sca yohiquin: —Cahue. Min hihcoinjaquin shinanai quescabijaquin tah hen hahxonai —hahquin. Jaatianbi ta jahuen joni rohacahinscanishqui.
23432	MAT 8:18	Jonibo hahqui tsamajaquetai jisxon: —Hoque quexa canon bonahue —Jesusen hahquin jahuen haxenicabo.
23433	MAT 8:19	Cahi cahiya sca, jaton huisha honan huesti joxon Jesus pataxxon, yohiquin: —Jatihibi janin min cahi tah hen mia manahi catihi, Maestron —hahquin.
23434	MAT 8:20	—Mari ta mai quiniyahpa qui. Hihsabo rihbi ta nahayahpa qui. Hea cahen jascayamahi. Hea noque baque cahen jano hoxati yamahan —hahscaquin Jesusen.
23435	MAT 8:21	Huetsa rihbi sca jahuen haxenica jahui. Joxon: —Hihbon, mihbetan capanan tah hen heen papa mahuataiya mihinax pari hen cayaxihqui mihbetan —hahquin.
23436	MAT 8:22	—Hea manahi jotatahhue. Hahbe mahuayaxihquibaan mahuataibo mihinnon jenehue —hahquin Jesusen.
23439	MAT 8:25	Mohinxon sca yohicanquin: —Non tah non hihquihi, Hihbon. Noque jahueja ra jaxonhue —hahcanquin.
23440	MAT 8:26	Mohinahbo sca: —¿Jahua jenquetsih man raquetain? Hihcoinai shinanxon bi tah man hicha nincayamahi —jato jaquin. Huenixon sca nihue yohixon hian rihbi yohiquin tantiscahabo. Yohihah, tanticahinscai. Siriscai.
23441	MAT 8:27	Hian tantihi jisish, rahte rahtecani. —¿Jahuentiho coshiyahpa cohren jaa quin? Hianbocabi ta yohihiqui. Nihue rihbi ta jaan yohihiqui —hihcani.
23443	MAT 8:29	Sai saihihxon coshin quenacanquin: —¿Jahuejahi min noque jai jahuin, Diosen baquen? ¿Noque potati nete nocorihyamahi bi min noque potahi joresscain? —hahcanquin.
23445	MAT 8:31	Jaa cochibo qui sca hihquinoxon, yoshinbaan hihti yocascaquin: —Noque potaxon, hoa cochibo qui noque raanhue —hahcanquin.
23446	MAT 8:32	—Botannahue, tahca —hahscaquin. Jaa jonibo jenebahini sca cochi qui sca bocani. Yoshin jato qui nocotah, cahi, bishquihihcanahi cahi, tirisihpaquetax jene qui paquetax hahsacani, jatihibi.
23448	MAT 8:34	Yohihahbo picoscacani, jano jihuetaibo jatihibi. Jesus behchihi caxon, meraxon: —Noquen maibo jenebahini catatahtanhue —hahcanquin.
23450	MAT 9:2	Jano ta yora honanyamajaquetax racatai joni sca Jesus qui hihuecannishqui. Jahuen racatininbi huaquehihnixon hihuecanquin. Jaa jan jato rohajaxontihi shinancoinai jisxon, racatai joni Jesusen yohiquin: —Raqueyamahue, baquen. Miin hohcha tah hen sohuaxonai.
23452	MAT 9:4	Jahua jaton jointinin shinanihquin honanxon, Jesusen jato yocaquin: —¿Jahua copi man maton jointinin tiromajaquin shinanain?
23453	MAT 9:5	¿Jahuemeha hashoan teema yohiti quin? ¿Miin hohcha tah hen sohuaxonai hahquin? ¿Huenihihnatax nihaquetanhue hahquin?
23454	MAT 9:6	Jaabi, noquebaque hihxon hean mainxonbi hohcha sohuaxonti hahtipahi honannoxon, jisnahue —hahxon sca, yoran honanyamajaquetai yohirihbiquin: —Huenihihnaxon miin cacajati bihbahini miin xobon catanhue —hahquin.
23456	MAT 9:8	Jaa jisibo ta rahte rahtenishqui. Rahte rahtetax bi noquen Papa qui siriresi yohuancani. —Noquen Papan coshin hahxonai tah non jisi. ¿Yotiho coshi Papan jaa hinanihquin? —hihcani.
23457	MAT 9:9	Janohax caxon, tininti cobranxonai joni Jesusen meraquin. Jano tsahoxon cobranti misa janin tsahotaiton meraquin Mateo janeya joni. Meraxon: —Hehbe cahi johue —hahquin. Jascahah, huenicahini jaa manahi cahi.
23459	MAT 9:11	Jascapa mesco jonibo jisxon sca, fariseobaan jahuen haxenicabo yocaquin: —¿Jahua copi cobrannicaboya hohchayahpabo betan maton haxemanicahten pihiquin?
23460	MAT 9:12	Yocacaibo nincaxon, Jesusen jato yohiquin: —Hisinyamahibo ta rahonnica pishinyamahiqui. Hisinyahpabo caya ta rahonnica pishinihqui.
23461	MAT 9:13	Nea huisha joi jahua hihcatsihquiquin honantannahue: Man joni huetsahon shinanti tah hen queenai. Maton hohcha copi man hea jahuara hinanti tah hen queenyamahi. Jaa huisha honantannahue. Pontebo quenahima bi tah hen pontemabo quenahi joníqui —jato jaquin.
23462	MAT 9:14	Jaa pecaho sca Juaman haxenicabo Jesus qui nocoti. Nocoxon yocacanquin: —¿Jenquetsahpahi noquen non hicha piti tenehi bi miin haxenicabaan piti teneyamahiquin? ¿Jenquetsahpahi fariseobaan rihbi hicha piti tenehi bi miin haxenicabaan piti teneyamahiquin? —hahcanquin.
23463	MAT 9:15	Jascahahbo Jesusen jato yohiquin: —Jaton huetsa huanomahi caxon ta tsoanbi huanomahanan benáyamahiqui. Huetsatian ta jaton huanomati yamascatihiqui, Papan jato bichinah. Jaatian pari ta piti teneyaxihcanihqui.
23466	MAT 9:18	Jesusen jato jascajaquin yohihiya bi huesti hapo nocoti joxon, raboxonen tisquihahpaquexon yohiquin: —Heen baque haibo ta rahma hea mahuaxonaxqui. Jaabi cahue. Miin mequeman mehexonhue. Mian mehehah ta teehihribitihiqui —hahquin.
23470	MAT 9:22	Jaatian rabejaquexon jaa haibo jisxon, Jesusen yohiquin: —Raqueyamahue, baquen. Shinancoinax copi tah min roha sca jai —hahquin. Jaatianbi ta haibo rohanishqui.
23472	MAT 9:24	—Botannahue. Xontaco ta mahuayamahaxqui. Hoxa res ta jaiqui —jato jaquin. Jato jascahah bi hosan hosancanquin.
23475	MAT 9:27	Janohax Jesus cahiya sca benche rabechin chibanxon quenabonaquin. —Noquehon shinanhue, Davidi baquen.
23476	MAT 9:28	Jahuen xoboho Jesus nocotah pecaho sca benche rabe rihbi nocoti. —¿Hen mato hahxonti man shinancoinain? —jato jaquin. —Shinancoinquin rahan, Hihbon —hahcanquin.
23477	MAT 9:29	Jaton bero mehexon sca: —Man shinanai quescabi janoxihnahue —jato jaquin.
23478	MAT 9:30	Jato yohihah, jisresscacanquin. —Tsoabi yohiyamanahue, mato tah hen yohihi —Jesusen jato jaquin, hihti yohiquin.
23481	MAT 9:33	Jahuen yoshin potamaha ta yohuanscanishqui. Jaa copi ta tsamajaquetaibo rahtenishqui. —Jascajaquin hahcai joni ta noquen xenibaan jahuentianbi jisyamanishqui —hihcani.
23482	MAT 9:34	Jascaraibaan bi fariseobo jascayamahi: —Tiroma yoshiman yanapana ta yoshinbo camahihqui —hihcani.
23485	MAT 9:37	Jato jisxon ta jahuen haxenicabo yohinishqui: —Papa bihxonquin tsinquiti ta hicha qui. Tsinquinica bo res ta hichayamahiqui.
23491	MAT 10:5	Jaa rahsi jahuen doce haxenica ta Jesusen raannishqui. —Nahuabo qui cahi bahin boyamanahue. Samaritano jemabo janin rihbi boyamanahue.
23505	MAT 10:19	Mato bihmahah, masa shinani ¿jahua hen yohitihin, jenques hen jatihin yohuani? jayamanoxahnahue. Papan ta mato yohuanti shinanmatihiqui man jato yohinon.
23515	MAT 10:29	¿Huesti soro copi non rabe hihsa romishin maroyamahin? Copi que ma bi ta huesti res mahuataiya Papan jaa shinanbehnotimahiqui.
23531	MAT 11:3	Nocoxon: —¿Hoa jahui joni hen yohini mia quin? ¿Jahui jatihquin huetsa, non mananon? —hahcanquin, Juan chaninoxon.
23532	MAT 11:4	—Man jisxon nincacai Juan yohitannahue.
23534	MAT 11:6	Heen joi nincacoinai joni rihbi ta hahan jenimati jaresscaiqui, jascajaquin yohitannahue —Jesusen jato jaquin.
23535	MAT 11:7	Boresscaiboya, Juan jahua joni hin honanahbo hihxon jano tsinquitaibo Jesusen yocaquin: —¿Jahua jisi man jano tsoa jaitonma caniquin? ¿Nihuen xayanai tahua jisi man catannihquin?
23536	MAT 11:8	¿Jahua cahra man jisi caniquin? ¿Hihti siri chopa sahuehi joni nan? Hihti siri chopa sahuehibo ta quiquin hapon xoboho pari man meratihi.
23537	MAT 11:9	¿Jahua copi man caniquin? ¿Papan joi yohinica jisi nan? Jaa rahan. Mato yohinon nincanahue. Papan joi yohinicahax bi ta yohinica mentan hashoan coshi joibo jaa jaiqui.
23547	MAT 11:19	Hea noquebaque joxon tah hen pixon xeharihbihi. Jaa copi yohuanrihbicani. Jise, jaa joni ta pihanhuan qui hih ta jacanihqui. Xehanhuan tah qui. Coriqui cobrannicabo ta jahuen hahberabetibo qui. Hohchayahpabo ta jahuen hahberabetibo qui hihribicani, hea yohihi. Tsoa ponte shinanyahpa quin hihxon tah man joni huetsa jisxon, jan hahcai jisxon man honantihi —jato jaquin Jesusen.
23549	MAT 11:21	—Hahrai hih tah man jatihi, corazinobon. Hahrai hih tah man jatihi betsaidabon. Mato tocanxon heen coshiyaxon hen hahrasihi quescajaribiquin, Tiro jemanxon hahxon, Sidon jemanxon hen hahcaiya cahen neateman jaton hohcha copi benaxon hahan benati chopa sahuehax chihi mapo mapocohtax tsahoxon jaton shinan pontehan.
23551	MAT 11:23	Capernaum janinhahbon, ¿naiho jihueti quescarax maton jema janin jihuetai shinan man jain? Matoyabi ta maton jema panteon hihyaxihquiqui. Heen coshin mato hahxonni jai quescajaquin Sodom jema janin rihbi jascajaxonah cahen rahma caman jaton jema jaquehahniqui.
23553	MAT 11:25	Jaa pecaho sca Papa yocaxon Jesusen yohiquin. —Hahxon tah min hea jai, Papan. Mia tah min naiyahpa mai hihbo qui. Shinamahnhuanyahpabo betan honanbaan honancasquimanon tah min jato pantexon miin baquebo sca honanmahi.
23558	MAT 11:30	Hen mato yonohi quescahah ta teema qui. Hen mato yohihah tah man histon hahtihi. Heen jihuetahbohi benahue —jato jaquin.
23560	MAT 12:2	Jascajahibo jisxon, fariseobaan sca yohiquin. —Jise. Tantiti neten jascajatimahi bi ta miin haxenicabaan bero bichiqui.
23561	MAT 12:3	Jascahah sca: —¿Jahuen jonibo betan caxon, picatsihxon, jahua Davidinin janishquin? ¿Papan joi jisxon man honanyamahin?
23563	MAT 12:5	Tantiti netenbi ta Papan xoboho Papa bebon yohuanxonnicahbo teetihqui. Jaa netenbi jaabo jaton tee jaah ta siri qui, Papan jisi. ¿Moisesnin huishani joi jisxon bi man jaa rihbi honanyamahin?
23565	MAT 12:7	¿Nea huisha jahua hihcatsihquiquin man honanyamarihbihin? Man joni huetsahon shinanti tah hen queenai. Maton hohcha copi man hea jahuara hinanti cah hen queenyamahi. ¿Jaa joi hen jahua hihti quin? Honanxon cah man ponte jonibo qui tiromahi yohuanyamahan.
23566	MAT 12:8	Noquebaquehax tah hen tantiti nete hihbo qui, hah tah hen mato jai, man honannon —jato jaquin.
23568	MAT 12:10	Mapetaibaan bi joni meyosma jano tsahoti. Jesus caheti shinanxon, yocacanquin, jano jaibaan: —¿Tantiti neten non joni rohajatihin? —hahcanquin.
23569	MAT 12:11	Jascajaquin yocacahbo jaan sca jato yohiquin: —¿Maton carnero hina tantiti netenbi mai quiniho paquetaiya man bihxon tsecayamahin?
23571	MAT 12:13	Jato jascajaxon meyosma sca yohiquin: —Miin mequen hehqui pontehue. Yohihah, hahqui jahuen mequen pontehax rohascai. Huetsa jahuen mequen hihqui quescapi, siribehcoinscai.
23581	MAT 12:23	Rahte rahtetax sca tsamajaquetaibo yohinani. —¿Jaa tsi ra Davidi xohta hihyamahiquin? —hihscacani.
23582	MAT 12:24	Nincaxon sca fariseobaan jato yohiquin: —Neatohon ta tiroma yoshiman coshiyahpaxon yoshinbo potahiqui. Beelzebú ta jahuen hihbo qui, tiroma yoshin —hahcanquin.
23584	MAT 12:26	Satanas hahbe Satanasnen potahah ta Satanasbo rehtenanscaiqui. ¿Jenquetsahax sca jahuen yonoti banetihiquin?
23585	MAT 12:27	¿Beelzebú coshiyahpaxon tiroma yoshinbo hean potahiya jahua coshiyahpaxon cahra maton baquebaan jato potahiquin? ¿Jenquetsahpa shinanya man quin? Maton baquebaanbi ta mato yohitihiqui.
23592	MAT 12:34	Jascajaquin rihbi hea honannahue, rono janayahpabon. ¿Jenquetsahax man tiromabohax siripi yohuantihin? Maton shinan tiroma hichahi quen tah man tiroma yohuanyahpabohi.
23595	MAT 12:37	Tiroma yohuan japahonibo ta casticanyaxihquiqui. Yohuan siriyahpabo ta jaton yohuan copi casticantimahiqui —jato jaquin.
23596	MAT 12:38	Jaatian jaton huisha honanbo betan fariseobaan yocascaquin. —Maestron. Papan shinan coshiyaxon min hahcai tah non jiscatsihqui, mia Papan raanai joni hihqui honannoxon.
23597	MAT 12:39	Yocacahbo sca jato yohiquin: —Tiromaboxon tah man jascajaquin shinanai. Tsiniti shinanyahpaboxon tah man jascajaquin hea yocacai. Papan coshiyaxon hen hahcai man jiscatsihqui bi ta Papan mato jismatimahiqui. Hahan hea honanti mato hinanquin bi ta jahuen joi yohinica Jonas jan huinomani quescapah res huestijaquin res Papan mato jismatihiqui.
23603	MAT 12:45	Jaatian sca caxon, hashoan tiromabo yoshinbo rihbi benaxon, siete merahax jaya joribiscai, jano jihuenoxon. Jaatian ta hashoan tiromacanahi sca jaa joni jatihiqui, hicha yoshiman sca hihbojahah. Huestichin hihbojamenoha bi hashoan tiromascai —jato jaquin.
23605	MAT 12:47	—Miin mama betan miin huetsabo ta jeman nichiqui. Mia ta yohuanquihncatsihcanihqui —hahquin huetsan.
23606	MAT 12:48	Jascahah: —¿Tsoa hin, heen mama? ¿Tsoa hin, heen huetsabo? —jato jaquin.
23607	MAT 12:49	Jato jascajaxon jahuen haxenicabo metoxon: —Jisnahue. Neabo ta heen mama qui. Neabo ta heen huetsabo qui.
23608	MAT 12:50	Heen naihoh queha Papa queenai quescabijaquin hahcai joni ta heen huetsa qui. Jascapah ta heen choca qui. Jascapah ta heen mama qui —Jesusen jaquin.
23617	MAT 13:9	Hahan nincati pabinquiyahpaboxon nincanahue —hahquin.
23618	MAT 13:10	Jaa pecaho sca jahuen haxenicabo jaabo rahsibi Jesus qui caxon yocacanquin: —¿Jahua copi min jaa patax queha joibo res yohiquin jato haxemahin? —hahquin.
23619	MAT 13:11	Yocacahbo sca: —Papan jihuemati jenquetsahpa quin man honannon hihxon tah hen jaa patax queha joi yohihi. Hoa caibaan nincaxon bi honanyamanon hihxon tah hen jascajahi.
23635	MAT 13:27	Trigo tocan huasi jai jisxon ta jahuen jonibaan sca yocatihiqui: —¿Siri bero rahsi min banayamahohquin, Patoron? ¿Siri rahsi potahi shinanah bi jenquetsahpi huasi sca jaiquin?
23636	MAT 13:28	Jaatian ta jaton patoronen jato yohitihiqui: —Jaa ta noquen rahuin noque jascajanhoxqui —hahquin. —¿Hoa huasibo non mexahi catimahin —hih sca jacani.
23637	MAT 13:29	—Mexayamaquin rahan. Huasi mexaquin bi jayabi trigo rihbi man mexamis.
23638	MAT 13:30	Jatihibi haninon jenenahue. Trigo tsinquiti tian pari caxon tah non tsinquixonnicahbo yohitihi. Huasi pari mexanahue. Huasi mexaxon nexaxon cohati sca tsamanhihninahue. Trigo bero rahsi sca tsinquixon jano bexojati xobo janin bexojaxonnahue —hah sca jato jatihi.
23641	MAT 13:33	Huetsa jaa patax queha joi rihbi ta nescajaquin yohinishqui. Paan hahnica haibaan ta jahuen paan soohihmanoxon hahan soohihmati bihnicah qui. Jascapa bihxon cahen huesti paniro tihopa tonco janin niaquin. Jano niahah ta tonco jatihibi soohihtihiqui. Papan jihuemati ta jascarihbihihqui, non honanaima bi hanihi —jato jaquin.
23644	MAT 13:36	Tsamataibo potabahini sca Jesus cahi, xoboho hihcohi. Jano rihbi ta jahuen haxenicabo hihconishqui, yocacatsihqui. —¿Huasi bero joi jahua hihcatsihquiquin? Noque yohihue —hahcanquin.
23645	MAT 13:37	—Nesca tah qui, jisnahue —jato jaquin.— Siri berobo banahi joni ta noquebaque qui.
23659	MAT 13:51	—¿Hen mato yohihi jatihibi man nincaxon nincacoinain? —jato jaah: —Nincaquin rahan —hihcani.
23660	MAT 13:52	—Jaa copi tah man Papan jihuetahbohax jahuen jihuetahbo haxescaxon caibo rihbi sca man haxematihi. Jaatian tah man hicha jahuaborayahpa hani patoro quesca man jatihi. Jascapah cahen jahuen bexojati chiqueho caxon behnaboya xenibo siribo cainmatihiqui —jato jaquin.
23662	MAT 13:54	Jahuen main cahi. Cahi nocotax jaton tsinquiti xoboho mapexon janoxon jahuen caibo Papan joi yohiquin. Jaan jato haxemaha, rahte rahtecani. —¿Jahuerahnon haxenihxon hen neatohon yotiho honannishquin? ¿Jenquetsahaxon coshi bihxon jonibo rohajahiquin?
23663	MAT 13:55	¿Xobojahnicaten baque ma hin? ¿María janeya jahuen mama ma quin? ¿Jacobo, José, Simon, Judas jahuen huetsaboma quin?
23664	MAT 13:56	¿Jahuen chocabo jatihibi noque betanbi jihueyamacaniquin? ¿Jahuen sca hen jahuen shinan bihnishquin? —hihcani.
23665	MAT 13:57	Jaa copi nincacoinyamacanquin. Nincacoinyamahibo copi sca Jesusen jato yohiquin: —Papan joi yohinicahon huetsancohabo queenaibaan bi ta jahuen mai janinhahbo jahan queenyamacaniqui. Jahuen jenabo, jahuen xobo janinhahbo, jaabo jahan queenyamarihbihi —jato jaquin.
23668	MAT 14:2	—Nashimanica Juan tah qui. Yamanicahax bi ta hahquirihbi teehihscaiqui. Jaa copi ta coshiyahpa qui —hih sca Herodes jai, Jesus yohihi. Jahuen jonibo betan yohuani ta Herodes jascanishqui.
23673	MAT 14:7	Costanxon, Dios quenaxon sca jaa xontaco yohiquin: —Min queenaibo hea yocareshue. Mia tah hen hinantihi —hahquin.
23674	MAT 14:8	Juaman mapo yocahue jahuen maman jaá sca, jahuen mama queenai quescajaquin xontaconen yocaquin: —Juaman mapo quencha qui nanexon hea bexonahbo yohihue —hahquin.
23675	MAT 14:9	Xontaconen yocacah sca quiquin hapo benacahinscai. Min yocacai tah hen mia hinantihi hahxon bi masa shinanscaquin. Masa shinanxon bi Dios quenaxon yohixon copi jeenhahquin, hichaxon nincacaibo jai copi rihbi jeenhahquin. —Textetannahue —hahquin jato.
23681	MAT 14:15	Bepiscaiya joxon jahuen haxenicabaan yohiquin: —Neno ta tsoabi jihueyamahiqui, Hihbon. Bari rihbi ta hihquicatsihscaiqui. Nea jonibo raanscahue, honobo jai jemabo janin caxon jaton piti pishca maroscatanahbo —hahcanquin.
23682	MAT 14:16	—Jahua copi catima ta jacanihqui. Piti jato hinannahue, matonbi —jato jaquin Jesusen.
23683	MAT 14:17	—Neno tah non pichca paan pishca res jai, rabe yapa xohi rihbi. Jahua hashoan tah non piti yamahi —hihcani.
23684	MAT 14:18	—Jaa hea bexonnahue —hahquin jato.
23685	MAT 14:19	—Janobi tsahopaquenahue —jonibo jaxon, jaa pichca paanya rabe yapa bihxon, nai bejisihnixon, Papa yohiquin. Piti tehcaxon sca jahuen haxenicabo hinanpaquequin, jaabaan sca jonibo hinanhihninon.
23688	MAT 14:22	Jaa pecaho ta jahuen haxenicabo yohinishqui: —Hean hen nea jonibo camanon nontin nanetax pohquejaquescanahue —hahquin jato yohiquin.
23693	MAT 14:27	Jaatian: —Raqueyamanahue. Hea tah hen qui. Rahteyamanahue —hahquin jato.
23694	MAT 14:28	—Mia hihxon hea yohihue, Hihbon, hen jene benicanaxon mia behchihi canon —hahquin Pedronen.
23695	MAT 14:29	—Johue —jaáh sca picotax jene benichi Jesus qui cahi.
23696	MAT 14:30	Caquin bi behchon jisish, raquerihbiscai. Jene meran hihquicatsi sca jaax sai saihihquish: —Hihbon, hea bihhue —hih sca jai.
23697	MAT 14:31	Mehuetanxon huenihihnixon sca: —Hicha tahma res tah min shinancoinai. ¿Jahua jenquetsahin min shinancoinyamahin? —hahscaquin Jesusen.
23699	MAT 14:33	Jaa jisxon, hahbe cahibaan hahqui raboxonen tisquihahpaquexon: —Mia coin tah min Papa Diosen baque qui —hahcanquin.
23702	MAT 14:36	Jesus qui caxon, hihti yocacanquin. —Miin coton quexa pishca res hea mehemahue, hen rohanon —hahcanquin. Mehehax res sca hisinyamascai. Siricahin sca jacani.
23704	MAT 15:2	—Miin haxenicabaan ta mechoquihxonma pihiqui. ¿Jahua copi jascajacaniquin, noquen xenibaan yohini quescajayamaquin? —hahcanquin yocaquin.
23705	MAT 15:3	—Maton caya tah man Papa Diosen yohini quescajayamanoxon huetsajaquin jonibo haxemahi. ¿Jahua copi man jascajahin?
23709	MAT 15:7	¡Nincacoinihcamahibon! Mato yohihi ta sirijaquin Isaíasnen yohinishqui:
23711	MAT 15:9	Nescajaquin Papa Dios hahxonnahue hihxon bi ta jonibaan shinanax yohuanai joi res haxemacaniqui. Jaa copi ta yanca bi res hea yocacaniqui —jato jaquin.
23712	MAT 15:10	Tsamataibo sca Benahue hahxon: —Nincaxon nincaquin sirijanahue.
23713	MAT 15:11	Piquin non noquen poco janin nanehiton ta noquen jointi rishtajayamahiqui. Noque jointi rishtajahi ta noquen jana janinhax picotaibo qui —jato jaquin.
23714	MAT 15:12	Jahuen haxenicabo sca jaa pataxi becani. Pataxxon sca: —¿Min yohihi nincacax fariseobo sinascai min honanyamahin? —hihcani.
23715	MAT 15:13	—Jahuen huai janin jaan banayamani meraxon ta heen Papan mexabahinxon potatihiqui.
23717	MAT 15:15	—Min noque yohiha jaa patax queha joi, jahua hihcatsihquiquin? Noque yohihue —hahquin Pedronen.
23718	MAT 15:16	—¿Maton rihbi man honanyamaparihin?
23719	MAT 15:17	¿Noquen jana janin hihquihax noquen poco janin huinotax pohi sca jatihibi piti picotihqui man honanyamahin?
23722	MAT 15:20	Jascapahbo shinan ta hahan jointi rishtatih qui. Mechoquihxonma piquin bi tah non jascajaquin noquen jointi rishtajatimahi —jato jaquin.
23724	MAT 15:22	Jesus nocotai merahax Cananeo haibo sca jahui, jano jihuetai haibo. Quenáhonahi joxon hihti yocaquin. —Hehon shinanhue, Hihbon, Davidinin baquen. Yoshiman hihbojaha ta heen baque haibo hihti hisinihqui —hahquin.
23725	MAT 15:23	Hihti yocacah bi jahua hihyamahi. Jahuen haxenicabaan sca Jesus pataxxon yohiquin: —Yohihue, jan catannon. Sai saihihanan ta noque chibanbenahiqui —hahcanquin.
23726	MAT 15:24	—Noquen nahuabo qui ma bi manotai Israeli baquebo qui res hen jonon ta Papan hea raannishqui —Jesusen jaquin.
23727	MAT 15:25	Jaa bebon sca joxon betihihpaquexon haibaan yohiquin: —Jenquetsaha ra hea jaxonhue, Hihbon.
23728	MAT 15:26	—Baquebo bichinxon hochiti jaton piti hinanah ta tiroma qui —Jesusen jaquin.
23729	MAT 15:27	—Tiroma rahan, Hihbon. Jaabi ta jaton hihbaan misa janinhax paquetai teque romishin hochitinin piti qui —hahquin haibaan.
23730	MAT 15:28	—Min tah min shinancoinai, haibon. Min yocacai quescabijaquin tah hen mia hahxonai —Jesusen jaquin. Jaatianbi ta jaa haibaan baque siricahinnishqui, rohascai.
23733	MAT 15:31	Jato rohajahiya ta tsinquijaquetaibo rahte rahtenishqui. Joyobo yohuanscai, meyosmabo siricahinscai, chantobo nihresscai, benchebaan jisresscaiya, rahtetax: —Noquen Papa Diosen ta hihtijaquin noque hahxonihqui —hihcani.
23734	MAT 15:32	Jahuen haxenicabo quenabohanxon sca Jesusen jato yohiquin. —Nea tsinquijaquetaibohon tah hen shinanai. Quimisha neten sca ta nenobi banecaniqui, pihan ta hihcanihqui. Pihaxma cati tah hen jato yohicatsihyamahi. Bahin cahi bi pihaxmahuan hihquish nocoyamacanmis. Jatohon tah hen shinanai —jato jaquin.
23735	MAT 15:33	—¿Jahuerahnon non tsoabi jano jihueyamahi janin hicha piti marotihin? Jaabo ta hicha qui —hah sca jacanquin jahuen haxenicabaan.
23736	MAT 15:34	—¿Jahuentihi paan man jain? —jato jaquin. —Siete res ta qui. Yapa pishca rihbi —hahcanquin.
23742	MAT 16:1	Fariseobo betan saduceobo sca becani. Jesus qui joxon: —Papan coshiyaxon hahhue —hahcanquin, jan hahcai jisxon hahqui chaniscanoxon sca jascajacanquin.
23743	MAT 16:2	—Bepichaiya tah man nai jisish, Nai ta joshinjaquetihqui. Bahquish ta nete siri janoxihquiqui hih man jai.
23745	MAT 16:4	Tiromaboxon tah man hea yocacai, hahan honantijaquin Papan coshiyaxon hen mato jismati hea yocaquin. Tsiniti shinanyahpa quescapahbo hihquish tah man hean mato jismati man queenai. Jahuabi hahan honanti ta Papan mato jismatimahiqui. Jonas huinoni quescapa huesti ta Papan mato jismatihiqui —Jesusen jato jaquin. Jato jascajaquin yohihax caresscai.
23747	MAT 16:6	—Coiramenahue. Fariseobo betan saduceobaan jai hahan paan soohihmati qui coiramenahue. Jistahin man —Jesusen jato jaquin.
23748	MAT 16:7	—Non pitijoma jahui copi rah ta noque jascajahiqui —hih sca jacani jaabo rahsibi yohinani.
23749	MAT 16:8	Jahua yohuan jaabo jai jahuen jointinin honanxon sca: —¿Jahua copi man pitijoma non jahui copi rah ta qui hih man jain yohinani, ¿man hihcoinjaquin shinanyamahin?
23750	MAT 16:9	Pichca paanyaxon non cinco mil joni pimahipi man shinanbehnoscain? ¿Texejahabo tequebo jahuentihi tasa tsinquihipixon man shinanyamascain? ¿Man honanyamahin?
23751	MAT 16:10	¿Siete paanyaxon non cuatro mil jonibo pimahipi man shinanbehnorihbiscain? Texejahabo man jahuentihi paniro tsinquihipi man shinanbehnoscain?
23752	MAT 16:11	Fariseobo betan saduceobaan jai hahan paan soohihmati qui coiramenahue, hen mato jaáh ta maton piti copima qui. ¿Jenquetsahpahin man honanyamahin? —Jesusen jato jaquin.
23754	MAT 16:13	Cesarea de Filipo jema janin sca nococani. —¿Hea noquebaque hen jahua joni quin, jahua jacanihquin? —Jesusen jato yocaquin.
23755	MAT 16:14	—Caibaan shinanah ta mia nashimanica Juan qui. Caibaan rihbi shinanah cahen Elías yamanica. Caibaana cahen Jeremías yamanica. Jaa hihyamahax cahen, huetsa rihbi Papan joi yohinica japahoni —hihcani.
23756	MAT 16:15	—¿Maton cahran? ¿Maton shinanah hea jahua quin? —jato jaquin.
23757	MAT 16:16	—Mia tah min noquen Papan caisni joni qui, mia joti neateman jan yohini —hih sca Simon Pedro jai.
23758	MAT 16:17	—Mia tah min hahan jenimati jai, Simoman, Jonasen baquen. Jonibaan res mia shinanmahama bi heen naihoh queha Papan mia shinanmaha tah min honanai.
23760	MAT 16:19	Hahan quehpenti hinanquin hahcajaquin tah hen mia yohihi, min heen jihuemati janin jonibo hihquimanon. Mainxon min jonibo yohiyaxihqui ta Papan yohihah quesca sca jatihiqui, jascabi sca janon. Mainxon min nexabo pecaquin hahcajaquin yohihi rihbi ta Papan yohihi quesca sca jatihiqui —Jesusen Pedro jascajaquin.
23763	MAT 16:22	Nincaxon, hahmebi yohicatsihquin Jesus ninibohanxon sca Pedronen yohiquin: —Jascari yohuanyamahue, Hihbon. Papan ta mia jascajatimahiqui. Min yohihi quescaja ta mia jatimahiqui.
23764	MAT 16:23	Pedro bejisxon sca: —Hea jenebahini catanhue, Satanas. Papa queenai quescajayama hen janon hihxon tah min hea pantecatsihqui. Papan shinanai quescajaquinma bi tah min jonibaan shinanai quescajati honanai.
23765	MAT 16:24	Jascajaquin Pedro yohixon, texe rihbi sca jahuen haxenicabo yohirihbiquin: —Hehchon jocatsihxon tah man matobi man queenaima sca man hahtihi. Hea rehtehibaan bi tah hen heen Hihbaan joi jenetimahi hihxon tah man hen mato yohihi quescahijatihi.
23767	MAT 16:26	¿Nea mai jatihobi hihbohax bi mahuatax jahuaya sca man banetihin? ¿Jabiyahpa queyóscaxon jahua man jatihin? ¿Jabiyahpa queyoyamanoxon man jahua Papa hinanti hahtipahin?
23769	MAT 16:28	Hen mato yohinon nincanahue. Caibo neno nichibaan tah man mahuaxonma hea quiquin haposcaax jahui man jisyaxihqui —jato jaquin.
23773	MAT 17:4	—Hihbon. Non neno jahue ta siri qui. Mia queenaiya tah non quimisha tapastihi, mina huetsa, Moisesnina huesta, Eliasena huetsa rihbi —hahquin Pedronen.
23774	MAT 17:5	Pedro yohuanparihiya xabatai nai cohiman jato mahporenenquin. Jaa nai cohin chicho quehax yohuanai sca nincacanquin: —Nea ta hen queenai heen baque qui. Hahan tah hen hihti jenimahi. Jaa nincanahue.
23776	MAT 17:7	Joxon sca jato mehexon: —Raquetaxma huenihihnanahue —Jesusen jato jaquin.
23778	MAT 17:9	Mahchi janinhax botopaqueti caquin sca: —Man rahma jisí tsoabi yohiyamaxahnahue. Mahuatipish hen hahquirihbi teehihnon caman tsoabi yohiyamaxahnahue.
23779	MAT 17:10	—Mia noque jihuemanica hihqui bi ta noquen huisha honanbo huetsa yohuan jaiqui. Elías pari ta joribitihiqui, chini sca noque jihuemanicah hih ta jacaniqui. ¿Jahua copi jascacaniquin? —Jesus yocacanquin.
23780	MAT 17:11	—Hihcoini. Elías ta joribixon jatihibi bexoja sca jaiqui.
23781	MAT 17:12	Man honannon hihxon tah hen mato yohiscai: Elías ta moa joribiscanishqui. Jahuiton bi ta jaa hihqui honanyamacannishqui hapobaan. Jaa honanxonma ta queenaibo quescajaquin jahancanhoxqui. Jascaja rihbi ta hea jayaxihcanihqui —jato jaquin.
23784	MAT 17:15	—Hihbon, jenquetsaha ra heen baque hea jaxonhue. Tehquehihqui ta hihti jomihiqui. Hicha coti ta chihi janin paquetihqui. Jeneho rihbi ta paqueresiqui.
23785	MAT 17:16	Miin haxenicabo qui hen hihuehah bi ta rohajati hahtipahyamacanaxqui —hahquin.
23786	MAT 17:17	—¡Shinancoinjomabon! Shinanquin sirijayamahibo tah man qui. ¿Jahuentiho basi hen mato betan hihquiya pari man pontetihin? ¿Jahuentiho basi cahra hen mato teneti jain? Jaa hihuenahue —Jesusen jato jaquin.
23787	MAT 17:18	—Jaa jenebahinhue —Jesusen coshin jaáh sca ta jaa baque jenebahini tiroma yoshin canishqui. Jaatianbi rohacahinscai, siriscai, jaa baque.
23788	MAT 17:19	Jesus qui sca jaabo rahsibi jahuen haxenicabo tsinquijaquexon yocacanquin: —¿Jahua jenquetsahiya non camati hahtipahyamahaquin? —hihcani.