23231	MAT 1:18	Jesucristo ta nescari cainnishqui. Marían papabaan ta jaton baque hihbojamanishqui, José hinanyahnoxon. Josen bihriyamahiya ta Dios Yoshiman María baque hinannishqui.
23233	MAT 1:20	Jascajati shinan shinanxon sca namaquen Papan yonoti jisquin. Sanarenenax jaa yonoti yohuani: —Josen. Davidi baquen. Miin haibo María bihresscahue. Bihti qui raqueyamahue. Jahuen xahquin janin nanescai ta Dios baque qui, Dios Yoshiman baquejahah.
23242	MAT 2:4	Jahuen quiquin sacerdoteboya judiobaan quirica honanbo quenamaxon sca Herodesnin jato yocaquin: —¿Jahuerahnonxon Cristo baquexo bihti quin? Yohinahue —hahquin.
23262	MAT 3:1	Jascanihbo cahchiqui sca ta tsoa jano yamahiton nashimanica Juan nihpahonishqui, Judea main. Yohuancanahi cahi nihnichi.
23277	MAT 3:16	Hueaman nashimaha Jesus mapescai. Jaatian ta nai cohin potabohanahcamahi quehpemehtaiya bochiquihax nobex botopaquetai quescari Dios Yoshin hahqui botopaqueti jahui Jesusen jisnishqui.
23279	MAT 4:1	Jaa pecaho ta jano tsoabi yamahi janin Dios Yoshiman Jesus hionishqui. Jordan huean janinhax cahchiho jan canon, hioquin, janoxon sca tiroma yoshiman jahuen shinan tananon.
23296	MAT 4:18	Jaatian sca Galilea hian quetanbahini caquin bi tarrafa pota potahi joni rabe meraquin. Huetsa, Simon. Huetsa, jahuen jochica Andres. Yapa bihnica rabe.
23298	MAT 4:20	Yohihah ta jaton tarrafa jenebahini caquin chibanbahincannishqui, hahbetanbi sca nichi.
23329	MAT 5:26	Yohicoin tah hen mia jai, jan mia yohihi tihibi copijanoxon caman tah min jano hihtihi.
23340	MAT 5:37	Yohicatsihquin tah min yohirestihi. Jeenhihyamahax, Hihyamahi rahan hihreshue hihcoini yohuani. Jahuabora quenati shinanbo ta tiroma yoshiman hinanah shinanbo qui.
23373	MAT 6:22	Noquen shinan ta noquen bero quesca qui. Noquen bero siripan jisquin hahcajaquin tah non noquen shinan siripan shinanax nichi. Yohuashihyamahi.
23393	MAT 7:8	Yocanica rahsichin ta bihtihiqui. Benanicaten ta meratihiqui. Ton tonhahnica ta Papan hinantihiqui.
23423	MAT 8:9	Hen tah hen honanai. Heen hapon hea yohihah tah hen hahcai. Heen sontarobo rihbi tah hen jai. Cahue hean jaah ta heen sontaro cahiqui. Huetsa hen Johue hahcá ta jahuiqui. Heen joni rihbi tah hen Nescajahue hahcai. Yohihah ta hen yohihi quescajaquin hahquiqui —hahscaquin capitanen.
23430	MAT 8:16	Huetsa neten bepichaiya sca ta yoshiman hihbojahibo hihuecannishqui, hihti caibo. Hisinai rahsi. Yohixon res ta jaton tiroma yoshinbo potanishqui. Hisinaibo rihbi rohajaquin, jatihibi.
23440	MAT 8:26	Mohinahbo sca: —¿Jahua jenquetsih man raquetain? Hihcoinai shinanxon bi tah man hicha nincayamahi —jato jaquin. Huenixon sca nihue yohixon hian rihbi yohiquin tantiscahabo. Yohihah, tanticahinscai. Siriscai.
23446	MAT 8:32	—Botannahue, tahca —hahscaquin. Jaa jonibo jenebahini sca cochi qui sca bocani. Yoshin jato qui nocotah, cahi, bishquihihcanahi cahi, tirisihpaquetax jene qui paquetax hahsacani, jatihibi.
23448	MAT 8:34	Yohihahbo picoscacani, jano jihuetaibo jatihibi. Jesus behchihi caxon, meraxon: —Noquen maibo jenebahini catatahtanhue —hahcanquin.
23456	MAT 9:8	Jaa jisibo ta rahte rahtenishqui. Rahte rahtetax bi noquen Papa qui siriresi yohuancani. —Noquen Papan coshin hahxonai tah non jisi. ¿Yotiho coshi Papan jaa hinanihquin? —hihcani.
23460	MAT 9:12	Yocacaibo nincaxon, Jesusen jato yohiquin: —Hisinyamahibo ta rahonnica pishinyamahiqui. Hisinyahpabo caya ta rahonnica pishinihqui.
23479	MAT 9:31	Yohiyamahue hahca bi ta janobo jatihibi janin caxon jan jato hahxonah yohibonacannishqui.
23494	MAT 10:8	Hisinaibo jaiya, jato rohajanahue. Mahuataibo teehihmanahue. Sipiyahpabo rohajaxon sirijanahue. Yoshin tiromabo rihbi potanahue. Mato tah hen jaa coshi hinanresai. Jahuabi copi yohixonma jayaxon jato hahxonresnahue.
23506	MAT 10:20	Man jaatian yohuanyaxihqui ta matonahma qui. Dios Yoshin ta maton janaya yohuanyaxihquiqui.
23509	MAT 10:23	Jaabi, mato tiromahiboya huetsanco botannahue. Yohicoin tah hen mato jai: Israeli jemabo jatihibi janin man cariyamahi bi tah hen joribiyaxihqui, hea noquebaque. Jaa copi tah hen mato yohihi: huesti jema janin mato tiromajahiya huetsa janin sca botannahue.
23546	MAT 11:18	Joxon ta piti siribo Juaman piyamanishqui. Xehati rihbi ta xehayamapahonishqui. Jaa copi ta Yoshiman ta jaa hihbojahiqui hihcanihqui.
23562	MAT 12:4	Picatsihquish ta Papan xoboho hihcoxon yocacah, Papa pejanxonti paan hinanah bihxon pinishqui. Jaa ta jaan pitima piti qui. Jahuen hahbe cahibaan pitima rihbi. Yohuanxonnicahbaan piti res ta jaa qui.
23571	MAT 12:13	Jato jascajaxon meyosma sca yohiquin: —Miin mequen hehqui pontehue. Yohihah, hahqui jahuen mequen pontehax rohascai. Huetsa jahuen mequen hihqui quescapi, siribehcoinscai.
23580	MAT 12:22	Jaatian ta yoshiman hihbojahi joni hihuecannishqui. Yoshiman hihbojahah benche sca banetax, joyoscai. Jesusen rohajaha jisresscaquin, yohuanrihbiscai.
23586	MAT 12:28	Dios Yoshinyaxon hean jato potahi honanscanahue: Papan jihuemati nete ta mato qui noco sca jaiqui, shinanscanahue.
23589	MAT 12:31	Jaa copi tah hen mato yohihi: Papan ta jatihibi tiromabo sohuati hahtipahiqui. Jaton shinaman tiromajaquin hahcaibo, Papa qui tiromahi yohuanaibo, jato jatihibi sohuatihiqui, yocacah. Jahuen Yoshin siri qui tiromahi yohuanaibo res ta jato sohuaxontimahiqui.
23590	MAT 12:32	Hea noquebaque qui tiromahi yohuanaibo ta Papan sohuatihiqui. Dios Yoshin qui tiromahibo ta jascayamahiqui. Jascapahbo ta jahuentianbi sohuatimahiqui. Rahma sohuayamarihbiquin. Nete queyotai bi sohuayamarihbiquin.
23595	MAT 12:37	Tiroma yohuan japahonibo ta casticanyaxihquiqui. Yohuan siriyahpabo ta jaton yohuan copi casticantimahiqui —jato jaquin.
23597	MAT 12:39	Yocacahbo sca jato yohiquin: —Tiromaboxon tah man jascajaquin shinanai. Tsiniti shinanyahpaboxon tah man jascajaquin hea yocacai. Papan coshiyaxon hen hahcai man jiscatsihqui bi ta Papan mato jismatimahiqui. Hahan hea honanti mato hinanquin bi ta jahuen joi yohinica Jonas jan huinomani quescapah res huestijaquin res Papan mato jismatihiqui.
23598	MAT 12:40	Yapahhuahnen xehahah, quimisha nete jahuen poco janin Jonas hihbahinahax quimisha yame rihbi hihshinahax piconi quescarihbihi tah hen noquebaque mai chicho quimisha neten quimisha yame rihbi hea jatihi. Jasca hen jaiya ta hahan hea honanti qui.
23619	MAT 13:11	Yocacahbo sca: —Papan jihuemati jenquetsahpa quin man honannon hihxon tah hen jaa patax queha joi yohihi. Hoa caibaan nincaxon bi honanyamanon hihxon tah hen jascajahi.
23668	MAT 14:2	—Nashimanica Juan tah qui. Yamanicahax bi ta hahquirihbi teehihscaiqui. Jaa copi ta coshiyahpa qui —hih sca Herodes jai, Jesus yohihi. Jahuen jonibo betan yohuani ta Herodes jascanishqui.
23679	MAT 14:13	Yohihahbo nontin nanetax janobihax Jesus cahi. Jano tsamataibo yamahi janin jahuen haxenicabo betan yohuani cahi. Jano tsoa yamahiton nocoti cahi. Jano ta Jesus cahiqui chanihibo nincacax sca, jano jai jemabo janinhax tsama jonibo cahi. Hian quetanbahini sca Jesus chibani bocani.
23689	MAT 14:23	Tsamataibo camahax sca, jano jai mahchi manihihnati cahi, jaa huesti caxon Papa yocanoxon hihquish. Yamescaiya sca jaa huesti jano baneti.
23692	MAT 14:26	Hian benichi jahui jisish, jahuen haxenicabo hihti raqueti. Yoshin tah qui hihquish, raquetax sai saihihcani.
23724	MAT 15:22	Jesus nocotai merahax Cananeo haibo sca jahui, jano jihuetai haibo. Quenáhonahi joxon hihti yocaquin. —Hehon shinanhue, Hihbon, Davidinin baquen. Yoshiman hihbojaha ta heen baque haibo hihti hisinihqui —hahquin.
23725	MAT 15:23	Hihti yocacah bi jahua hihyamahi. Jahuen haxenicabaan sca Jesus pataxxon yohiquin: —Yohihue, jan catannon. Sai saihihanan ta noque chibanbenahiqui —hahcanquin.
23736	MAT 15:34	—¿Jahuentihi paan man jain? —jato jaquin. —Siete res ta qui. Yapa pishca rihbi —hahcanquin.
23738	MAT 15:36	Yohixon jaton siete paanya yapa pishca bihxon Papa yohixon tehcapaquexon jahuen haxenicabo hinanquin, jaabaan sca jonibo hinanpaquerihbinon.
23792	MAT 17:23	Rehtehipibaan bi tah hen quimisha neten hihquish hahquirihbi teehihyaxihqui —Jesusen jato jaquin. Yohihah benáscacani. Hihti benati.
23812	MAT 18:16	Min yohihah bi nincacatsihyamahiya huetsa rihbi miin huetsa benatahhue. Huesti hihyamahiya rabe meraxon, hioxon, jaton nincanonbi miin huetsa yohirihbihue. Huishani joi jai quescaquin hahhue, Yohicoin sta jaaxqui jaábo hihxon rabe hioxon man yohuanai nincamaquin.
23849	MAT 19:18	—¿Jahua jan yohini nan? —hahscaquin. —Rehteyamahue. Tsiniyamahue. Yometsohyamahue. Quesayamahue.
23916	MAT 21:21	Yohuanai nincaxon, jato yohiquin: —Man honannon hihxon tah hen mato yohihi. Papan mato hahxoncointihi honanxon, hahxonyama rah ta hea jatihiqui shinanyamaxon tah man jascapa yohiti hahtipahtihi. Jascapah res ma bi tah man hoa manan quescapahbo rihbi yohitihi, Huenihihnatax hoa hiaman paquehue. Shinancoinxon man yohihah ta man yohihi quescatihiqui.
23922	MAT 21:27	Yohinanxon sca: —Non tah non honanyamahi —hahcanquin Jesus. —Hean rihbi tah hen tsoan hea jascajahue hahcai mato yohiyamarihbihi —jato jaquin.
23942	MAT 22:1	Yahtancatsihquibaan bi Jesusen jato yohipariquin hahan haxeti joi jato nincamaquin.
23951	MAT 22:10	Yonohah sca bocani. Bahin caquin jonibo meraxon chanixon jahuen huanomati janin jato becanquin. Siriboya tiromabo mesco jato becanquin, jahuen huanomati piti janin hihti caibo sca joni janon.
23956	MAT 22:15	Yohihah, yohinani fariseobo caresscai. Jahuen joi copi rehtenoxon jenquetsahaxon non tiroma yohuanmatihin hihcani.
23960	MAT 22:19	Hahan copijati coriqui hea jismanahue —hahquin. Yohihah, jaa coriqui bexon hinancanquin.
23976	MAT 22:35	Yohinanax, jato quiha huesti jahui, Moisesnin huishani joi honan. Jesus tanacatsihquin nescajaquin yocaquin:
23987	MAT 22:46	Yocacah bi jahua yohiti honanyamacanquin. Jato jascajaquin yocarihbimis hihxon rabinxon jahuabi yocayamascacanquin, jahuentianbi.
24001	MAT 23:14	Yomanahtai yononmabo jaton jahuaborabo bichinxon bi tah man Papa yocaquin joi tsamanscai.
24030	MAT 24:4	Yocacahbo sca: —Coiramenahue. Mato parancanmis.
24083	MAT 25:6	Yame pochinicon sca quenatai nincacanquin. Jo ta jaiqui. Behchitannahue, hahquin.
24163	MAT 26:40	Yocacax joxon sca hoxahiton jahuen haxenicabo meraquin. —¿Huesti hora pishca hea mananoxon man hoxa teneti hahtipahyamahin?
24178	MAT 26:55	Yahtannicabo sca yohiquin: —¿Jahua copi man rehtemis joni yahtanquin hahcajahin, machitoyaxon chantiyaxon hea chibanbenahin? Netetihibi Papan xoboho tsahoxon haxemahi bi tah man hea bihyamahipiqui.
24186	MAT 26:63	Yocacah bi jahuahihyamahi. Jahuabi yohiyamahiya, hapon yohirihbiquin: —Quiquin Dioscoinyaxon tah hen mia hihti yohihi quesaxonma min yohicoinnon. ¿Mia min Diosen baque Cristo quin? Noque yohihue.
24191	MAT 26:68	Rishquixon yocacanquin: —Yohihue, Criston. ¿Tsoan mia rishquihiquin?
24236	MAT 27:38	Yometso rabe rihbi sca tasaxon rontancanquin jaa senenbi. Ramiho huetsa, ramiho huetsa.
24292	MRK 1:8	Hean hen mato jenen nashimahi bi ta jahuen jonibo man jai honanahbo hihxon Papan mato jahuen Yoshin hinanyaxihquiqui, nashimaquin hahcajaquin hicha hinanquin —Juaman jato jaquin.
24294	MRK 1:10	Nashimaha cahen jene janinhax mapexon nai huiso quehpemehtai Jesusen jisquin. Dios Yoshin nobex quescapah hahqui botopaquetai jisquin.
24296	MRK 1:12	Jaa pecaho ta Dios Yoshiman Jesus cahchiho camanishqui.
24311	MRK 1:27	Jatihibi sca rahtetax yocacahanani: —¿Teeee, jahua joni hin? Honanmati joi behna tah qui. Hapon hahcai quescajaquin ta haxemahiqui. Yoshin tiromabo ta yohihiqui. Jaan catanhue hahca ta bocanihqui —hihcani.
24315	MRK 1:31	Yohihahbo metsontanxon hueniquin. Huenihah rohacahinxon jato pimascaquin.
24329	MRK 1:45	Jesusen jascahah bi cahi. Jan rohascai yohibonahi cahi. Yohibonahiya cahen jema janin jahuibo hichahiya jeman cati Jesusen hahtipahyamascaquin, jaa yocacatsihquibo hichahiya. Hueneman res cahi. Jatihibi janinhax sca Jesus qui bocani.
24333	MRK 2:4	Joni tsamajaquetaiboya Jesus pataxti hahtipahyamaxon Jesus mahchi xobo pemacanya tsecaquin. Quinijaxon jahuen cacajatiyabi jaa joni botonpaquecanquin. Yora honanyamajaquetai joni hahan racatai bi botonpaquecanquin.
24341	MRK 2:12	Yohihah huenixon jahuen cacajati bichish res sca jaton jisnonbi caini. Jatihixonbi jisish rahtetax siripi Papa qui yohuancani: —Jahuentianbi tah non jascajahi jisyamaniqui —hihcani.
24368	MRK 3:11	Yoshin tiromabaan rihbi Jesus jisish hahqui betihipaquetax joi coshin yohuani: —Mia tah min Diosen baque qui —hihcani.
24369	MRK 3:12	Jonibaan yoshin jascari yohuanai nincayamanon hihxon, jato hihti yohiquin: —Yohuanyamanahue —hahquin.
24385	MRK 3:28	Yohicoin ta hen mato jai: jatihibi hohcha ta jonibo sohuatihiqui. Papa qui tiromahi yohuanaibo rahsi rihbi ta sohuatihiqui.
24386	MRK 3:29	Jascapahbo sohuaxon bi ta Dios Yoshin qui tiromahi yohuanaibo Papan jahuentianbi sohuatimahiqui. Jascapa hohcha ta jascabihi sca banetihiqui —jato jaquin.
24403	MRK 4:11	Yocaca jato yohiquin: —Papan jihuemahi jone joi mato honanmaxon tah hen jaa patax queha joi rahsi jaabo nincamahi nincayosmabo quen.
24407	MRK 4:15	Bahinxon nincacaibo ta nescapah qui. Yohibonahi joi nincacaibaan bi ta Satanas joresscaxon jaa joi jato bichinihqui.
24414	MRK 4:22	Yohiyamayaxihqui jone joi ta yama qui. Joneha jismayamayaxihquibo yamarihbihi.
24417	MRK 4:25	Jaibo bi ta hashoan jaan hinantihiqui. Yamahibo bi ta jaabo jai pishca jato bichintihiqui —jato jaquin.
24446	MRK 5:13	Jascajaha Jesus jeenhihqui. Yoshin tiromabo picotax res sca cochi qui sca hihquihi. Hihquihiboya jaa repinica dos mil rocohihcanahax quempe janinhax cayahax jenenencanya hihquihax hahsatax mahuati.
24448	MRK 5:15	Jesus qui nocoxon yoshinyahpa hihrasihi joni jiscanquin. Yoshiman hichaxon hihbojani bi jano siripi tsahotai jiscanquin. Chopayahpahax res sca tsahotai jahuen shinan siriscai jiscanquin. Jisish raquecani.
24500	MRK 6:24	Yohiha jahuen mama yocaqui sca caresscai. —¿Jahua yocapan? —hahquin. —Nashimanica Juaman mapo rahan —hahquin jahuen maman.
24502	MRK 6:26	Yocacah sca hapon masa shinanquin. Hihtijaquin masa shinanxon bi Dios quenaxon yohixon copi jahuen joi huetsajati hahtipahyamaquin. Jan quenamahibaan nincacah copi rihbi jeenhahscaquin.
24507	MRK 6:31	Yohihiboya Jesusen jato yohiquin: —Mato rahsibi tantihi bonahue jano tsoabi yamahiton —jato jaquin. Cahi jahuibo hichahiya ta pinoxon bocabi tantiti hahtipahyamacannishqui.
24517	MRK 6:41	Jaton pichca paan bihxon jaton rabe yapa rihbi bihxon nai bejisihnixon Papa yocaxon paan tehcapaquexon jahuen haxenicabo hinanscaquin, tsamajaquetaibo hinanpaquehahbo. Yapa rabe rihbi jatihibi hinanpaquemaquin.
24523	MRK 6:47	Yamescaiya cahen nonti caresscai bi Jesus huesti main baneti.
24525	MRK 6:49	Jene benicahinquihranai jisish, Yoshin tah qui, hihquish sai saihihcani.
24539	MRK 7:7	Papan joi haxemahicamaxon bi ta jonibaan joi honanmacanihqui. Yanca bi res ta hehqui betihipaquecanihqui hah ta Isaiasnen janishqui.
24550	MRK 7:18	Yocaca jato yohiquin: —¿Mato rihbi man honanti pishinain? Noque chicho quehamabo ta noque qui nanexon noque rishtajati hahtipahyamahiqui. ¿Man honanyamahin? —jato jaquin, jatihibi pitibo hahan jointi rishtajatima sca janon.
24561	MRK 7:29	—Jascarax tah min caresscatihi. Yoshin ta miin baque janinhax picoscaiqui —haibo jaquin.
24576	MRK 8:7	Yapa romishin huestibo rihbi cahen jaabo jai. Jaa bihxon Papa yocaxon jato hinanmarihbiquin.
24581	MRK 8:12	Jascahiboya jointi hihti xecahihnixon jato yohiquin: —¿Jahua jenquetsahin nea rahma jihuetai jonibaan hahan honanti jiscatsihquiquin? Yohicoin tah hen mato jai: jahuabi hahan honantibi ta mato jismatimahihqui —jato jaquin.
24592	MRK 8:23	Yocacah benche metsonxon hiobonahi jemama qui cahi. Benchen bero qui toshbanhahxon mequeman mehexon sca yocaquin: —¿Min jisyamabiresain? —hahquin.
24612	MRK 9:5	Yohuanaibaan bi Pedronen sca Jesus yohiquin: —Maestron, noque neno hihqui ta siri qui. Quimisha tapasnonhue. Mina huesti, Moisesnina huesti rihbi, Eliasnena huesti rihbi —hahquin.
24624	MRK 9:17	Yocacah sca tsamajaquetaibo meha huestichin yohiquin: —Heen baque ta hen mihqui hihuehahqui, Maestron, joyo yoshiman hihbojani quen.
24631	MRK 9:24	Yoshinyahpaton papa sca coshin yohuani: —Hen ta hen shinancoinai. Hen hashoan sca nincacoinnon hea yanapanhue —hahquin.
24639	MRK 9:32	Jan jascahah bi honancoinyamacanquin. Yocacahcatsihqui bi raquecani.
24641	MRK 9:34	Yocacah bi jahua hihyamacani. Tsoa non hashoan coshi quin yocacahnananhonahax bi rahma jahua hihyamascai.
24648	MRK 9:41	Yohicoin tah hen mato jai: mia Criston joni copi hahxoncatsihquin mia jene pishca xehamahi joni ta copijacoinyaxihquiqui.
24676	MRK 10:19	Papan joi tah min honanai. Rehteyamahue. Tsiniyamahue. Yometsohyamahue. Caibo qui quesahi yohuanyamahue. Paranxon bichinyamahue. Miin papa, miin mama nincacoinhue —hahquin.
24715	MRK 11:6	Hihbaan yohiha quescajaquin sca jato yohicanquin. Yohiha jeenhihscacani, jaabo jaya catannon.
24729	MRK 11:20	Yamequirihbi huinonbahinxon tapon caman bimi jihui xanascai meracanquin.