23233	MAT 1:20	Jascajati shinan shinanxon sca namaquen Papan yonoti jisquin. Sanarenenax jaa yonoti yohuani: —Josen. Davidi baquen. Miin haibo María bihresscahue. Bihti qui raqueyamahue. Jahuen xahquin janin nanescai ta Dios baque qui, Dios Yoshiman baquejahah.
23234	MAT 1:21	Bebo baque ta bihyaxihquiqui. Jaa bebo baquen ta jahuen jihuetahbo mahnebohanxon jihuemayaxihquiqui, jato xahbanen sca jaton tiromajanicabo paquenon. Jaa copi tah min jaa Jesus janeya jayaxihqui —hahquin.
23240	MAT 2:2	Quiquin hapon xoboho mapexon yocacanquin: —Mato judiobaan quiquin hapo baquexo cainhoh tah non jisi jahui. ¿Jahuerahnon hin? Bari cainai quirixon tah non jahuen huishi jisoqui. Jaa copi tah non hahqui raboxonen tisquihahpaquehi jahui —hihcani.
23242	MAT 2:4	Jahuen quiquin sacerdoteboya judiobaan quirica honanbo quenamaxon sca Herodesnin jato yocaquin: —¿Jahuerahnonxon Cristo baquexo bihti quin? Yohinahue —hahquin.
23244	MAT 2:6	Belen. Mia tah min Judapan mai meha jema qui. Caibo Judea jemabo mia mentan hashoan hani que bi ta mia rihbi jaabo mentan hashoan hani qui. Mia janinhax ta quiquin hapo jayaxihquiqui. Jaan ta heen israel jonibo jihuemayaxihquiqui. Papan joi yohinicaton ta jascajaquin huishanishqui —hihcani.
23245	MAT 2:7	Nocotaibo quenabohanxon sca honaxonbi Herodesnin yocaquin, sirijaquin honancatsihquin: —¿Jahuentian man jahuen huishi jisoquin? —hahquin.
23251	MAT 2:13	Jaton main boresscaiboya sca, noquen Hihbaan yonoti hahqui sanareneni jahui namaquen Josen jisribiquin. —Catanhue. Jahuen mamayabi baquexo botanhue, Egipto main histon cahax jano jihuehue, hen mia janohax cati yohinon caman. Baquexo rehtenoxon ta Herodesnin benanoxihquiqui —hahquin yonotinin.
23258	MAT 2:20	—Caresscatanhue. Israeli main canoxon miin haiboya jahuen baquexo hiorihbitanhue. Baquexo rehtecatsihquibo ta mahuascaiqui —yonotinin jaquin.
23278	MAT 3:17	Naihoh quehax yohuanai rihbi nincacanquin. —Nea ta hahan hen queenai heen baque qui. Hahan tah hen hihti jenimahi —hihqui.
23281	MAT 4:3	Hihti picatsihscaiya ta tiroma yoshin sca joxon yohinishqui, hohchamacatsihquin: —Papa Diosen baque hihxon, toa macan toncobo yohihue, piticahinscanon —hahquin.
23287	MAT 4:9	—Min hehqui raboxonen tisquihahpaquehiya tah hen jaa jatihibi mia hinantihi —hahquin.
23295	MAT 4:17	Jano ta Jesusen yohimenonishqui: —Maton shinan pontemabo potaxon shinan siribo bihnahue. Papan mato jihuemati nete ta nea pishca sca jaonahiqui —hahquin.
23416	MAT 8:2	Jahuiton sca ta huesti sipiyahpa joni behchihi cahax jaa bebonbi betihihpaquexon, yohinishqui: —Hihbon. Mian tah min hea rohajati hahtipahi. Jeenhihxon res tah min hea rohajatihi, Hihbon —hahquin.
23417	MAT 8:3	Sipiyahpa mehexon, Jesusen sca yohiquin: —Jeen. Roha sca jahue —hahquin. Jan yohihitianbi ta sipiyahpa rohacahinnishqui.
23420	MAT 8:6	—Hihbon, heen joni ta yoran honanyamajaquetax heen xoboho racatihqui. Hihti hisin ta jaiqui —hahquin.
23427	MAT 8:13	Jato jascajaxon, capitan sca yohiquin: —Cahue. Min hihcoinjaquin shinanai quescabijaquin tah hen hahxonai —hahquin. Jaatianbi ta jahuen joni rohacahinscanishqui.
23433	MAT 8:19	Cahi cahiya sca, jaton huisha honan huesti joxon Jesus pataxxon, yohiquin: —Jatihibi janin min cahi tah hen mia manahi catihi, Maestron —hahquin.
23435	MAT 8:21	Huetsa rihbi sca jahuen haxenica jahui. Joxon: —Hihbon, mihbetan capanan tah hen heen papa mahuataiya mihinax pari hen cayaxihqui mihbetan —hahquin.
23439	MAT 8:25	Mohinxon sca yohicanquin: —Non tah non hihquihi, Hihbon. Noque jahueja ra jaxonhue —hahcanquin.
23441	MAT 8:27	Hian tantihi jisish, rahte rahtecani. —¿Jahuentiho coshiyahpa cohren jaa quin? Hianbocabi ta yohihiqui. Nihue rihbi ta jaan yohihiqui —hihcani.
23443	MAT 8:29	Sai saihihxon coshin quenacanquin: —¿Jahuejahi min noque jai jahuin, Diosen baquen? ¿Noque potati nete nocorihyamahi bi min noque potahi joresscain? —hahcanquin.
23445	MAT 8:31	Jaa cochibo qui sca hihquinoxon, yoshinbaan hihti yocascaquin: —Noque potaxon, hoa cochibo qui noque raanhue —hahcanquin.
23446	MAT 8:32	—Botannahue, tahca —hahscaquin. Jaa jonibo jenebahini sca cochi qui sca bocani. Yoshin jato qui nocotah, cahi, bishquihihcanahi cahi, tirisihpaquetax jene qui paquetax hahsacani, jatihibi.
23448	MAT 8:34	Yohihahbo picoscacani, jano jihuetaibo jatihibi. Jesus behchihi caxon, meraxon: —Noquen maibo jenebahini catatahtanhue —hahcanquin.
23454	MAT 9:6	Jaabi, noquebaque hihxon hean mainxonbi hohcha sohuaxonti hahtipahi honannoxon, jisnahue —hahxon sca, yoran honanyamajaquetai yohirihbiquin: —Huenihihnaxon miin cacajati bihbahini miin xobon catanhue —hahquin.
23456	MAT 9:8	Jaa jisibo ta rahte rahtenishqui. Rahte rahtetax bi noquen Papa qui siriresi yohuancani. —Noquen Papan coshin hahxonai tah non jisi. ¿Yotiho coshi Papan jaa hinanihquin? —hihcani.
23457	MAT 9:9	Janohax caxon, tininti cobranxonai joni Jesusen meraquin. Jano tsahoxon cobranti misa janin tsahotaiton meraquin Mateo janeya joni. Meraxon: —Hehbe cahi johue —hahquin. Jascahah, huenicahini jaa manahi cahi.
23462	MAT 9:14	Jaa pecaho sca Juaman haxenicabo Jesus qui nocoti. Nocoxon yocacanquin: —¿Jenquetsahpahi noquen non hicha piti tenehi bi miin haxenicabaan piti teneyamahiquin? ¿Jenquetsahpahi fariseobaan rihbi hicha piti tenehi bi miin haxenicabaan piti teneyamahiquin? —hahcanquin.
23466	MAT 9:18	Jesusen jato jascajaquin yohihiya bi huesti hapo nocoti joxon, raboxonen tisquihahpaquexon yohiquin: —Heen baque haibo ta rahma hea mahuaxonaxqui. Jaabi cahue. Miin mequeman mehexonhue. Mian mehehah ta teehihribitihiqui —hahquin.
23470	MAT 9:22	Jaatian rabejaquexon jaa haibo jisxon, Jesusen yohiquin: —Raqueyamahue, baquen. Shinancoinax copi tah min roha sca jai —hahquin. Jaatianbi ta haibo rohanishqui.
23472	MAT 9:24	—Botannahue. Xontaco ta mahuayamahaxqui. Hoxa res ta jaiqui —jato jaquin. Jato jascahah bi hosan hosancanquin.
23476	MAT 9:28	Jahuen xoboho Jesus nocotah pecaho sca benche rabe rihbi nocoti. —¿Hen mato hahxonti man shinancoinain? —jato jaquin. —Shinancoinquin rahan, Hihbon —hahcanquin.
23481	MAT 9:33	Jahuen yoshin potamaha ta yohuanscanishqui. Jaa copi ta tsamajaquetaibo rahtenishqui. —Jascajaquin hahcai joni ta noquen xenibaan jahuentianbi jisyamanishqui —hihcani.
23482	MAT 9:34	Jascaraibaan bi fariseobo jascayamahi: —Tiroma yoshiman yanapana ta yoshinbo camahihqui —hihcani.
23560	MAT 12:2	Jascajahibo jisxon, fariseobaan sca yohiquin. —Jise. Tantiti neten jascajatimahi bi ta miin haxenicabaan bero bichiqui.
23568	MAT 12:10	Mapetaibaan bi joni meyosma jano tsahoti. Jesus caheti shinanxon, yocacanquin, jano jaibaan: —¿Tantiti neten non joni rohajatihin? —hahcanquin.
23581	MAT 12:23	Rahte rahtetax sca tsamajaquetaibo yohinani. —¿Jaa tsi ra Davidi xohta hihyamahiquin? —hihscacani.
23582	MAT 12:24	Nincaxon sca fariseobaan jato yohiquin: —Neatohon ta tiroma yoshiman coshiyahpaxon yoshinbo potahiqui. Beelzebú ta jahuen hihbo qui, tiroma yoshin —hahcanquin.
23596	MAT 12:38	Jaatian jaton huisha honanbo betan fariseobaan yocascaquin. —Maestron. Papan shinan coshiyaxon min hahcai tah non jiscatsihqui, mia Papan raanai joni hihqui honannoxon.
23607	MAT 12:49	Jato jascajaxon jahuen haxenicabo metoxon: —Jisnahue. Neabo ta heen mama qui. Neabo ta heen huetsabo qui.
23617	MAT 13:9	Hahan nincati pabinquiyahpaboxon nincanahue —hahquin.
23618	MAT 13:10	Jaa pecaho sca jahuen haxenicabo jaabo rahsibi Jesus qui caxon yocacanquin: —¿Jahua copi min jaa patax queha joibo res yohiquin jato haxemahin? —hahquin.
23636	MAT 13:28	Jaatian ta jaton patoronen jato yohitihiqui: —Jaa ta noquen rahuin noque jascajanhoxqui —hahquin. —¿Hoa huasibo non mexahi catimahin —hih sca jacani.
23644	MAT 13:36	Tsamataibo potabahini sca Jesus cahi, xoboho hihcohi. Jano rihbi ta jahuen haxenicabo hihconishqui, yocacatsihqui. —¿Huasi bero joi jahua hihcatsihquiquin? Noque yohihue —hahcanquin.
23659	MAT 13:51	—¿Hen mato yohihi jatihibi man nincaxon nincacoinain? —jato jaah: —Nincaquin rahan —hihcani.
23664	MAT 13:56	¿Jahuen chocabo jatihibi noque betanbi jihueyamacaniquin? ¿Jahuen sca hen jahuen shinan bihnishquin? —hihcani.
23673	MAT 14:7	Costanxon, Dios quenaxon sca jaa xontaco yohiquin: —Min queenaibo hea yocareshue. Mia tah hen hinantihi —hahquin.
23674	MAT 14:8	Juaman mapo yocahue jahuen maman jaá sca, jahuen mama queenai quescajaquin xontaconen yocaquin: —Juaman mapo quencha qui nanexon hea bexonahbo yohihue —hahquin.
23681	MAT 14:15	Bepiscaiya joxon jahuen haxenicabaan yohiquin: —Neno ta tsoabi jihueyamahiqui, Hihbon. Bari rihbi ta hihquicatsihscaiqui. Nea jonibo raanscahue, honobo jai jemabo janin caxon jaton piti pishca maroscatanahbo —hahcanquin.
23683	MAT 14:17	—Neno tah non pichca paan pishca res jai, rabe yapa xohi rihbi. Jahua hashoan tah non piti yamahi —hihcani.
23693	MAT 14:27	Jaatian: —Raqueyamanahue. Hea tah hen qui. Rahteyamanahue —hahquin jato.
23699	MAT 14:33	Jaa jisxon, hahbe cahibaan hahqui raboxonen tisquihahpaquexon: —Mia coin tah min Papa Diosen baque qui —hahcanquin.
23702	MAT 14:36	Jesus qui caxon, hihti yocacanquin. —Miin coton quexa pishca res hea mehemahue, hen rohanon —hahcanquin. Mehehax res sca hisinyamascai. Siricahin sca jacani.
23714	MAT 15:12	Jahuen haxenicabo sca jaa pataxi becani. Pataxxon sca: —¿Min yohihi nincacax fariseobo sinascai min honanyamahin? —hihcani.
23724	MAT 15:22	Jesus nocotai merahax Cananeo haibo sca jahui, jano jihuetai haibo. Quenáhonahi joxon hihti yocaquin. —Hehon shinanhue, Hihbon, Davidinin baquen. Yoshiman hihbojaha ta heen baque haibo hihti hisinihqui —hahquin.
23725	MAT 15:23	Hihti yocacah bi jahua hihyamahi. Jahuen haxenicabaan sca Jesus pataxxon yohiquin: —Yohihue, jan catannon. Sai saihihanan ta noque chibanbenahiqui —hahcanquin.
23733	MAT 15:31	Jato rohajahiya ta tsinquijaquetaibo rahte rahtenishqui. Joyobo yohuanscai, meyosmabo siricahinscai, chantobo nihresscai, benchebaan jisresscaiya, rahtetax: —Noquen Papa Diosen ta hihtijaquin noque hahxonihqui —hihcani.
23736	MAT 15:34	—¿Jahuentihi paan man jain? —jato jaquin. —Siete res ta qui. Yapa pishca rihbi —hahcanquin.
23747	MAT 16:6	—Coiramenahue. Fariseobo betan saduceobaan jai hahan paan soohihmati qui coiramenahue. Jistahin man —Jesusen jato jaquin.
23755	MAT 16:14	—Caibaan shinanah ta mia nashimanica Juan qui. Caibaan rihbi shinanah cahen Elías yamanica. Caibaana cahen Jeremías yamanica. Jaa hihyamahax cahen, huetsa rihbi Papan joi yohinica japahoni —hihcani.
23773	MAT 17:4	—Hihbon. Non neno jahue ta siri qui. Mia queenaiya tah non quimisha tapastihi, mina huetsa, Moisesnina huesta, Eliasena huetsa rihbi —hahquin Pedronen.
23780	MAT 17:11	—Hihcoini. Elías ta joribixon jatihibi bexoja sca jaiqui.
23785	MAT 17:16	Miin haxenicabo qui hen hihuehah bi ta rohajati hahtipahyamacanaxqui —hahquin.
23788	MAT 17:19	Jesus qui sca jaabo rahsibi jahuen haxenicabo tsinquijaquexon yocacanquin: —¿Jahua jenquetsahiya non camati hahtipahyamahaquin? —hihcani.
23795	MAT 17:26	—Huetsabo rahan, Hihbon. —Hihcoini. Jaton baquebo ta cobrantimabo qui.
23834	MAT 19:3	Fariseobo rihbi sca jahui, Jahuen yohuan copi rehtenoxon hihxon, Jesus yocacanquin: —¿Queenxon copi res noquen haibo potacatsihquin non potatimahin? —hahcanquin.
23838	MAT 19:7	—¿Jascahiya jahua copi sca noquen haibo potanoxon non jahuen jaya cati quirica huishaxon potati Moisesnin yohinishquin? —hahcanquin.
23849	MAT 19:18	—¿Jahua jan yohini nan? —hahscaquin. —Rehteyamahue. Tsiniyamahue. Yometsohyamahue. Quesayamahue.
23856	MAT 19:25	Jesus jascari yohuanai nincacax ta jahuen haxenicabo rahte rahtenishqui. —¿Coriquiyahpabo cati tee hihquiya tsoa non Papan jihuemati janin catihin? —hihcani.
23868	MAT 20:7	—Tsoanbi ta noque teemayamahiqui —hahcanquin. —Heen huai chian teeti botannahue, mato rihbi —jato jaquin.
23873	MAT 20:12	—Hoa chini hihquihahbo ta huesti hora res teecanaxqui. Non tee teexon bari tenebahinahi bi ta jatíhi res noque copijahiqui —hihcani.
23883	MAT 20:22	—Min yocacai tah min honanyamahi. ¿Hean xehayaxihqui mocani jaabaan xehati hahtipahiquin? —Jesusen jaquin. —Hahtipahquin rahan —hahquin.
23884	MAT 20:23	—Hean xehahi mocani tah man xehatihi. Man jaa tenehi bi ta hea pataxxon hehbe hapoti hen mato yohiti hahtipahyamahi. Heen Papan ta hea jascajati yohiyamahiqui. Jaan honanaibo qui ta Papan jaa hinanyaxihquiqui, jato jascajati yohinihxon —hahquin.
23891	MAT 20:30	Jaa bahi quexabi ta rabe benche janishqui, huinotaibo nincaresi tsahotai. Huinotai ta Jesus qui, hihquibo nincacax sca quenácahincani. —Hihbon, noquehon shinanhue, Davidinin baquen —hihcani.
23893	MAT 20:32	Nihrenenxon sca Jesusen jato quenaquin. —¿Hen mato jenquetsahaxonti man queenain? —hihqui.
23894	MAT 20:33	—Non jisnon noquen bero rohajahue, Hihbon —hahcanquin.
23904	MAT 21:9	Caibo bebohi becani, caibo rihbi hahchon becani. Quenáhonahi becani: —David xohtahi ta jahuiqui. Hahxonhue. Papa Diosen janen ta jahuiqui. Papan shinanya ta jahuiqui. Jaa hahxonhue, Papan —hihcani.
23905	MAT 21:10	Jascahah, Jerusalen janin hihcohi. Jaa jema janinhahbo jatihibi rahte rahtetax: —¿Tsoa hin? —hihcani.
23911	MAT 21:16	Sinaxon, Jesus yocacanquin: —¿Jaabo yohuanai min nincayamahin? —hahcanquin. —Nincaquin rahan. ¿Baquebo tah min mihqui siripi yohuanmahi, baquexobo rihbi, hihqui Papan huishani joi, man jahuentianbi jaa jisyamaniquin? —jato jaquin.
23915	MAT 21:20	Jan yohiha jihui choshihi jisish, rahte rahtetax jahuen haxenicabo yohuani: —¿Jenquetsahpi jaa jihui xanacahinihquin? —hihcani.
23918	MAT 21:23	Jaatian sca nocotax Papan xoboho mapexon jano nocohihnatai jonibo haxemaquin. Jato haxemahiya bi sacerdote hapobo becani, jaton hahbe hapobo betan. Joxon: —¿Tsoan mia jascajahue hahca min neno jascajahipiquin? —hahcanquin.
23923	MAT 21:28	Man jaa shinannon tah hen mato yohihi. Rabe bebo baqueya joni ta japahonishqui. Jahuen beboquiha baque ta yohinishqui: —Rahma noquen huai chian teetanhue, baquen —hahquin.
23924	MAT 21:29	Jascahah bi: —Hen tah hen queenyamahi —hihqui. Jascarax bi chini sca pontejaquin shinanax, teeti cahi, huai chian.
23926	MAT 21:31	Hea yohinahue: ¿Jahuemehaton jahuen papan yohiha quescabijanishquin? —Jahuen baque beboquihaton rahan —hahcanquin. —Hihcoini. Jascarihbihi ta coriqui cobranmisboya tsini haibobo mato bebohi bocanihqui Papan jihuemati janin cacatsihqui.
23933	MAT 21:38	Jahuen baque nocoti jahui merahax, yohinancani: —Nea ta huai hihbo hihyaxihquiqui, jahuen papa mahuataiya. Jaa rihbi rehtenon benahue noquenah sca jahuen huai hihnon —hihcani.
23936	MAT 21:41	—Jato ta tiromajaquin rehtetihiqui. Jahuen huai rihbi ta huetsa coirannicahbo hinantahtihiqui, bimi jai tian jahuenah hinanyaxihquibo —hahcanquin.
23958	MAT 22:17	Jaa copi tah non mia yocacai. ¿Quiquin hapo Cesaronen noque cobranah non copijati jain? ¿Non copijatimahin? Noque yohihue —hahcanquin.
23960	MAT 22:19	Hahan copijati coriqui hea jismanahue —hahquin. Yohihah, jaa coriqui bexon hinancanquin.
23962	MAT 22:21	—Cesaronena rahan —hihcani. —Jahuena hihquiya, jahuena hinannahue. Noquen Papa rihbi jahuena hinannahue —jato jaquin.
23977	MAT 22:36	—Maestron, ¿jahue meha non Moisesnin huishani joibo jaa pari hashoan nincati jain? —hahquin.
23983	MAT 22:42	—Hean sca tah hen mato yocacai: ¿Tsoan baque Cristo quin? ¿Jahua man shinanain? —hahquin. —Davidina rahan —hihcani.
24030	MAT 24:4	Yocacahbo sca: —Coiramenahue. Mato parancanmis.
24089	MAT 25:12	Chichoxon sca ta jaan jato yohitihiqui: —Mato tah hen honanyamabiresai —hahquin.
24132	MAT 26:9	Maromaxon ta hicha coriqui bihquehahniqui, jahuaborajomabo yanapannoxon —hihcani.
24140	MAT 26:17	Jaton fiesta nocotai neten sca, jahuen haxenicabo joxon Jesus yocaquin: —¿Jahuerahnonxon pinoxon non mia fiesta neten pitijaxontihin, Hihbon —hahcanquin.
24145	MAT 26:22	Hihti benatax sca tsoan jascajatihiquin hihquish huesti huestibo yocacancani: —¿Hea nan, Hihbon? —hihcani.
24162	MAT 26:39	Jato jascajabahini cahax, hori pishca beho racaxon Papa yohiquin: —Papan. Hea janoxihquibo jatimajahue, jatimajati hahtipahxon. Jaabi hea queenai quescayamahi bi mia queenai quesca janon hihmahue.
24165	MAT 26:42	Jascacahini sca Papa yocaqui caribihi. —Papan, hea janoxihquibo jatimajati yamahiya mia queenai quesca janon jahue —hahquin.
24184	MAT 26:61	—Toa joni tah non yohuanai nincaquipiqui. Papan xobo tah hen potojaquetanxon quimisha neten hahquirihbi jaa xahnen xobojati hahtipahi hih ta jaipishqui —hihcani.
24189	MAT 26:66	¿Jahua shinan man jain? —Jan yohuanai copi non rehteti jai rahan —hahcanquin.